فودافون وسحب على سيارة مرسيدس glk

[Right]

لعملاء فودافون

المسج هو نفسه بالضبط مع تغيير الرقم فقط



الرسالة هي:


" رائع! كمكافأة على إعادة الشحن مؤخراً، فاز رقمك 77xxxxxx

بنقاط مكافأة في مسابقة عالم الجوائز!

أرسل كلمة WORLD إلى الرقم 97774 لتحصل على النقاط

ولتشارك أيضاً في سحب على سيارة مرسيدس GLK!

5 ر.ق. للرسالة "



المذكور بالرسالة أنهم سيعطونني مكافأة على إعادة الشحن مؤخراً

علماً أن إشتراكي فاتورة شهرية وليس شحن !!



إلي متى هذا إستغلال وإستفغال العملاء ؟!



أين " وزارة الاتصالات وتكنولوجيا المعلومات " من هذا ؟!

[فــلان]

هذه رساله فعلا ً مزعجه و أحيانا ً تقومني من عز نومي و مب متأكد هل إن مصدرها فودافون فعلا ًأم جهة نصب و إحتيال منتحلة إسم الجهه المذكوره..الله أعلم

[ask_and_get]

ما ألومهم بصراحه .. من كثر الخساير

يبون يعوضون بأي طريقة .. اوريدو ماقصرت وياهم .. ماعطتهم فرصه كلش :secret:

[همر]

اولاً الرساله مش مكتوب فيها اسم فودافون واتهامك لهم بالنصب

والاحتيال محسوب عليك ...

ثانياً المجلس الاعلى للاتصالات حاطين خط ساخن

تقدر تتصل عليه وتشتكي على فودافون

وتتصل على حماية المستهلك وتشتكي على الشركه الي مأجره

الرقم 97774 من فودافون...

[عبدالعزيز 101]

السلام عليكم ..

صحيح اهوي هالرسالك مزعجة

المشكلة ان جوالي محولة اوريدو وهالرسالة لين احين توصل لي .. وما توصلي على رقمي الثاني الي هو اوريدو

[بصمة قطرية]

كل يومين ثلاث توصلني هالرسالة و مرات الإختلاف في المحتوى
في الأخير كلها أبعث برسالة ..!!

[alsoq]

للحين المرسيدس محد خذه من شهرين:)

اكيد كلهم يجاوبون غلط:)

[kbs74]

حولت رقمي الى اوريدو ولا تزال تصلني الرسالة ..


الحل ضيف الرقم عندك وسوو له حظر :omen2:

[السعدي999]

الرسالة مصدرها فودافون انا تواصلت معهم

[نتفـه]

وي وانا اجاوب على اسألتهم لان فيني فضول لا اكثر .. !!!!
وانطر حد يفوز وللحين محد فاز ههههههه
ما راح اعطيهم ويه

[بصمة قطرية]

شلون ممكن الواحد يمنع هالرسايل المزعجة ..!!

[kbs74]

شلون ممكن الواحد يمنع هالرسايل المزعجة ..!!


احفظي الرقم في الاسماء وعقب سوي له وحظر وعقب احذفيه

[بوخالد911]

احفظي الرقم في الاسماء وعقب سوي له وحظر وعقب احذفيه

هذا الكلام الصح

[الجوكر90]

هالرساله من فودا فون
نفس كيوتل قبل سنه او سنتين كانو يطرشون رسايل فيها اسئله وتجاوب برساله ويخصمون منك 5 ريال وتكلموا عن هالموضوع فوطني الحبيب ان هالمسابقه حرام

وبخصوص اشلون توقفون هالرسايل
مع المسج بتحصلون مكتوب ترسلون مسج ع الرقم الفلاني فيه كلمه stop
او اتصلوا 111 واسالوهم

[بونواف78]

الرساله مصدرها فودافون وانا كلمتهم
لكن يستغلون الناس يبونك تجاوب على الاسئلة
وكل رساله ب5 ريال وبهالطريقة بيدخلون سعر
20 مرسيدس :nice:

[Right]

اولاً الرساله مش مكتوب فيها اسم فودافون واتهامك لهم بالنصب

والاحتيال محسوب عليك ...

ثانياً المجلس الاعلى للاتصالات حاطين خط ساخن

تقدر تتصل عليه وتشتكي على فودافون

وتتصل على حماية المستهلك وتشتكي على الشركه الي مأجره

الرقم 97774 من فودافون...







بسم الله عليك ،، لا ينط لك عرج بس