الوزن - الخسارة = ربح

[حـ ن ـيـ ن]

هناك الكثير من الأشياء في حياتنا لا نتمنى أن نخسرها ، ولكن عندما يتعلق الأمر بالوزن فنجد أن الجميع سرعان مايتمنى أن تحدث هذه الخسارة ليحصل على الربح المتوقع

( صحة ، لياقة ، جمال )...

فلكل من كانت له تجربة ناجحة في خسارة الوزن ننتظر منكم تجاربكم (( بإستثناء العمليات ))...

:)

[طلعة الروح]

موضوع مفيد وأصبح مطلب ضروري وراح يلقي الضوء على كل التجارب الناجحة وفي المقابل الدروس والعبر ان وجدت،،،

[طلعة الروح]

بالنسبة لي اعتمد على تقليل كمية الأكل بدون ما اجبر نفسي على تحريم اكلات معينه مثل الدهون والحلويات لكن بشكل قليل جدا، وفي نفس الوقت تغيرين نوعية الاطعمه المختاره وتاخذين اكلات صحية، وافضل شي تسوينه الاعتماد على الاكل النهاري والتوقف عن تناول الطعام مساءا والاقتصار على وجبات خفيفه ولا تزيد الوزن
لأن الجسم يبتدي يخزن الدهن في الليل، هاي اللي أقدر أقوله وبانتظار تجارب باقي الاعضاء.

[خالد البلوشي]

افضل طريقه للحفاظ على الجسم الرشيق والتخلص من الوزن الزائد هي ممارسة رياضة المشي على الجهاز لمدة 45 دقيقة + رياضة القفز بالحبل + الاكتفاء بأكل السلطات و العصائر الطازجة ( الأناناس والرمان بالذات ) في الفترات المسائية ..

[بطران متملل]

المشي والسباحه

[الزعيـم]

الحمدلله انا من الاشخاص اللي اعتمدت على نظام غذائي معين ورياضه ، ابتديت من شهر سبتمبر 2013 وحتى الآن ولله الحمد اكثر من 15 كيلو نزلت

حاليا صرت انا بنفسي اعرف الاكل اللي لازم اكله ومقداره وبالفعل اشعر بالشبع بشكل سريع وبكمية اكل اقل بكثييييييييييييير من قبل ..!

بالنسبه للرياضه 5 ايام في الاسبوع في الكورنيش مشي سريع 10 كيلو ، وحاليا صرت الاحظ وزني ثابت عند حد معين وان نزل احيانا في نص كيلو الى كيلو

اما حياتي فتغيرت تماما ، صرت اخف حتى ثيابي اخذ قياسات ماكنت اخذها من قبل ، بالاضافه انه عندي الضغط والحمدلله صارلي تقريبا 4 شهور الاخيره ماخذيت تقريبا الا حبتين ضغط للضروره

انصح الجميييييييع ، انه يراقب الاكل اللي قاعد ياكله لكن مايحرم نفسه ويكتفي بكميات اقل وماتتجاوز كف اليد ، ودائما يراقب كمية الاكل بمقابل كمية السعرات الحراريه المكتسبه واللي يحرقها الشخص

امور بسيطه تقدر تغير حياتك مع الصبر

[ولد الشحانية]

متابع،،،،

[معماري قطري]

انا اخسر كل شيء الا الوزن

[S S]

أكل الي في خاطرك بس لا تنسى الحركة بركة

[الملا]

أنا أتكلم عن تجربتي .. بديت برنامجي من نهاية ظ¢ظ*ظ،ظ، ..

دخلت مركز للتنحيف ( Vlcc) وخذت تقريبا ظ،ظ¢ جلسة وأخذت برنامج غذائي ومع البرنامج بديت اتمشي يوميا ظ¤ظ¥ .. لين ما وصلت للوزن المثالي

الحين يوميا أمارسها الرياضة .. يوميا احرق من ظ¥ظ¥ظ* الى ظ¦ظ*ظ* سعره حرارية وهذا يعادل ظ§ كيلو بالركض ، بالاضافة الى نظام غذائي

[R 7 A L]

كل جسم يختلف عن الثاني

كل شخص يقدر بنفسه يعرف الغذاء المناسب + الرياضه المناسبة
والمشي يفيد الجميع

[المحاميه]

موضوع عالجرح

متابعه وبشغف

:shy:

[حـ ن ـيـ ن]

أشكر كل من كتب تجربته وفي انتظار المزيد من التجارب الناجحة ...

مُتابعة :)

[Only Me]

بديت رجيم ببداية 2013 وتقريبا لين شهر 8 نزلت 20 كيلو وكان رجيمي عبارة عن تمر + لبنة او روب خالي من الدسم وبعض الوجبات الي خاليه من الدهون واهم شي ابتعدت عن الوجبات السريعة
وكنت امشي تقريبا ربع ساعه الى نص ساعه بشكل يومي
والحمدالله لين اليوم وانا محافظ

[asadfg]

طبعا اول شي لازم تكون عندنا ثقافه غذائيه ونفهم ها المفرادات مثل بروتين كاربوهردايت فايبر وفات

ونثقف نفسنا بالكميات الي ممكن ناكلها باليوم وانا لما اقول اتكلم كميات اتكلم حسبه بالقرام

المصيبه الي صايره عندنا الناس فاهمه رجيم عباره عن سلطات وحرمان النفس وهاي الي يخليهم مايمر عليهم شهر الا طنشو كل شي وردو حق اكلهم الي مب صحي

الاجانب سابقينا بالثقافه الغذائيه باشواط وهاي الشي نلاحظه حتى في تربيتهم مع عيالهم مايخلونهم ياكلون على كيفهم

وفوق هاي الرياضه

بالمختصر الموضوع مب رجيم الموضوع تغير اسلوب حياه واسلوب الاكل

[كازانوفا]

انا صارلي تقريبا اسبوعين مخففه الاكل وابعد عن كل من النشويات والسكريات وامشي حتى لو ربع ساعه
ولله الحمد

[بونواف78]

اهم شي الرررررررياضة
والاكل المعتدل وان شاء الله الوزن بينزل
المهم الواحد ما يستعجل على النتيجه
اللي يجي بسرعه يروح بسرعه
وسلامتكم

[وطن]

أنجح طريقة مشت معاي هي
اني انظم أكلي بنفسي
أحسب السعرات
واخفف الدهون والسكريات

أي نظام ثاني
يدخل جسمي في مرحلة الحرمان وما يحرق crazy
واتعب نفسياً


وطبعا الرياضة صار لي سنين ما قطعتها الحمدلله

وضفت عليها الحين مشي
اذا عندي وقت

[bos3eed]

انا حاليا انزل من 2 الى 2.5 كيلو في الاسبوع, الريوق بيضه مفيوحه وجبن سلايس حبه وحده, والظهر صدر دجاج مشوي او سيخين شيش طاووق مع سلطه, والعشى نفس الريوق او قوطي تونه بالماي.
وبشكل عام مبتعد عن السكر المعالج بجميع الوانه والملح وجميع المحليات الصناعيه , وبعد المشروبات الغازيه حتى الدايت.

واهم شي الماي يوميا مالا يقل عن 3 لتر

ومايخص الرياضه امشي 20-30 دقيقه فقط مشي خفيف واعرض جسمي للشمس لتحفيز فيتامين د وزيادة نشاط الجسم وشد الجلد.

اروح مركز بيرفكت ويت اوزن عندهم بميزان خاص يحدد كميات الدهون والاملاح والسوائل والعضلات في الجسم, هالشي يخليني اعرف شلي يصير في جسمي وافهم طريقته وبالمقابل اقدر اتحكم اكثر في وزني.

[Rider]

اهم شي يكون عند الانسان الارادة والتصميم وعزيمة القويه الي تخليه ينزل وزنه اذا هذي الاشياء غير موجود عنه مافيه فايدة من الرجيم او انقاص الوزن ينزل وزنه بعدين بيرجع يشتاق حق الاكل
بالنسبة لي والحمد الله بدات من 3 سنوات تقريبا وكانت الانطلاقه من شهر رمضان بدات بتقليل الاكل تركت السكريات معظم اكلي يعتمد على السلطات مع ممارسة الرياضة بشكل اليومي عدا يوم الجمعه
مع الرياضية كنت امارسها من سنوات لكن بالغلط يعني روح اجري 40 دقيقة ورجع البيت وتعشى عيش ودجاج ولا لحم ضرب وبعدين ادور شي احلي وهذي غلطه كبيره بفضل الله الحين اكل كل شي لكن بكميات قليلة مع ممارسة الرياضة يعني مافيه حرمان من شي

[حـ ن ـيـ ن]

كلام محفز وطرق متنوعة

دمتم بصحة وعافية ...

[قوت القلوب]

يااازين القص

اكل اللي ابي وامشي متى ما ابي والجسم سمبتيك والنفسيه عال العال

والوزن المثالي عما قريب ان شاء الله

ولكل داء دواء .... ودواكم يالمتان الدكتور خريص :tease:

[كيلو حديد]

خلال الشهرين الماضيين عادي تمر علي ايام ما اكل غير تمر وماي
مدري ليش الناس مذلولين امام الاكل والطعام
اكتشفت من هالتجربه ان الانسان يتعود بسرعه
اول يوم بطني يقرصني ويفتر تقول غساله من الجوع
اليوم الثاني عادي
عقبها صرت خفيف وتنظم نومي .
يوم ارجع للضرب بالخمس ودخول حرب مع الذبيحه والعيش يرجع الكسل والخمول والملل وكثرة النوم والتعب .

الحين ايام اكل عادي وايام اخفف بس تمر وماي والحمد لله

[ولد العلي]

جزاكم الله خير

[ابوعلي]

افضل طريقه للحفاظ على الجسم الرشيق والتخلص من الوزن الزائد هي ممارسة رياضة المشي على الجهاز لمدة 45 دقيقة + رياضة القفز بالحبل + الاكتفاء بأكل السلطات و العصائر الطازجة ( الأناناس والرمان بالذات ) في الفترات المسائية ..



عذرا اخوي رياضة القفز بالحبل مب لاي شخص وخاصة الي يتشكون من الركب والظهر


واضيف شرب ماء دافي على الريج وطول اليوم والسباحة والاهم تجنب الاكل بعد السباحة لان الشخص يحس بجووووع

[راعي ال VXR]

اقف مستقيما معتدلا ثم انظر الى الاسفل ان رأيت اصابع قدميك بكل اريحيه بدوون مد الرقبه
فانت في السليم

[captin]

انا اخسر كل شيء الا الوزن


أنا من ربعك معماري ههههههههههههههه
صار لي شهرين ادور لي بس ساعة وحدة في اليوم عشان الرياضة مب لاقي
واذا فضيت طلعت لي عشرين شغلة خاصة انجزها .
معدل جلوسي على المكتب سواء في فترة الصباح او المساء ما يقل عن 10 ساعات .

الله المستعان شكلنا بنسوي رياضة على الستين بعد التقاعد .

[الـقـاسـي]

انا ملاحظ ان اغلب ربعنا اللي بيسسون ريجيم يوقفون الاكل مره وحده وهذا اكبر غلط وانا كنت اسويها قبل بس ما اقدر استمر فتره طويله
عن نفسي صار لي فتره افطر تقريبا 7 ونص وبعدها بثلاث ساعات اكل لي نوع من انواع الفاكهه طبعا مبعد عن الموز والمانجو والافوكادو وبعد ثلاث ساعات اتغدا وبعدها بثلاث ساعات اخذ لي سناك وبعدها بثلاث ساعات اتعشى انا محافظ قدر الامكان على الاكل انه يكون في مواعيده والهدف اني ازيد من نشاط الجسم وانه يستمر في حرق الطعام لان الجسم لو تعود انه في فتره كبيره بين كل وجبه ووجبه يصيبه خمول ويقل احراقه للاكل

الواحد اذا يبي ينزل وزن لازم يزيد وجباته بس طبعا بوجبات صحيه ويبتعد عن التكرار لازم انت تفهم طبيعه جسمك عشان تعرف تلعب عليه الجسم ذكي بس لازم انت تعرف تتفاهم وتتفهم طبيعه جسمك
والاهم من هذا الرياضه انا عن نفسي اسوي رياضه من السبت الى الاربعاء بدون الخميس والجمعه واسوي فحص اسبوعي كامل اعرف كم نسبة الدهون اللي حرقتها وكم نسبه العضل اللي زادت ممكن الواحد يشوف نزوله بسيط بس هو فعليا نازل دهون اكثر وكسب وزن عضل أكبر

والاهم من هذا كله كميه الماي اللي تشربه في اليوم عن نفسي احسب بطريقه بسيطه اشرب الماي في الغراش الصغيره 330مل مب اقل من عشر غراش في اليوم كحد ادنى وهي 3.30 لتر

[الكنج]

قلبتواااا المواجع بهالموضوع ،،،،

بالنسبة للي قبل 3 سنين تقريبا كان وزني 120 والحمد لله بالتمارين والدايت (( بدون عملية )) وصلت قريب ال80 وكان الجسم ( سمبتيك )

بعدها دخلت الحياة الزوجية + وقفت تمارين ودايت:eek3: (( وردينا للطير يلي ))

حاولت ارد اتمرن واسوي لكن العزيمة مب نفس قبل والواحد لما كان عزوبي كان فاضي مب الحين مع اليهال وكثر الاشغال ،،،


صراحة الواحد قام يفكر الف مرة في عملية القص :nice:.