ارجو المساعدة ضروري كراج يصلح شفت تندرا ؟؟؟؟

[BoFahed]

السلام عليكم يالربع

انا عندي تندرا وقبل كم يوم صار فيها رجة ولما فحصت قالولي الشفت يرغل ويبيله تغيير بيرنغات ووديته ترايستار اللي عند الفحص الفني وقالي لازم يتغير الشفت كامل (نفس نظام الوكالو ما يبي يعور راسه ) وطلبيه من امريكا ب 7000 ريال ويبيلها شهر !!!!

المشكلة انها مالها قطع غيار الشفت وموجودة في الاماراو وقالولي شباب انه يمكن يتضبط تورنه وشد تمشية حال لين ماجيب واحد من الامارات

يا ليت حد يدلني علا كراج ممتاز يضبطه ويقدر يشتغل فيها لاني رحت كراج دكار قالي ما نشتغل فيها الحين !!!!!!!

[asasasss]

انا مادري عن قطع غيارها لانها وارد امريكا المفروض الوكاله ما تبيع قطع لهالموتر

لكن مافي الا تطلب بالنت و لا تروح قراج يلزقها بعلوج بس ما يضمن لك, بس اعتقد التيوتا كلهم متشابهين في التصليح في ما يبيلها تفكير زياده

[al saad]

تري قطع غيار التويوتا كلها متشابها شوف اشفت السكويا نفس الشي ولا لكروزير v8 نفس المكينه انا التندرا الي عندي حصلت قطع غيار برادو تركب ع التندرا :)

[PathFinder]

اخوي سوي ترصيص للتواير أو بدلهم اذا قديمين أو اذا مش نفس مقاس الوكالة, والشفت مشاكله قليله، وما اعتقد انه عندك مشكله فيه. انا صار معي نفس الشي ومن ميكانيكي لاخر وبعدين وديتها الفحص الألماني وكلهم قالو الشفت يتخلخل والرجة منه.. بعد ما يئست رصصت التواير وكله تمام ولله الحمد

[BoFahed]

تري قطع غيار التويوتا كلها متشابها شوف اشفت السكويا نفس الشي ولا لكروزير v8 نفس المكينه انا التندرا الي عندي حصلت قطع غيار برادو تركب ع التندرا :)

اخوي السكويا كل شي يركب فيها علا التندرا ما عدا الشفت لانه بيك اب

[BoFahed]

اخوي سوي ترصيص للتواير أو بدلهم اذا قديمين أو اذا مش نفس مقاس الوكالة, والشفت مشاكله قليله، وما اعتقد انه عندك مشكله فيه. انا صار معي نفس الشي ومن ميكانيكي لاخر وبعدين وديتها الفحص الألماني وكلهم قالو الشفت يتخلخل والرجة منه.. بعد ما يئست رصصت التواير وكله تمام ولله الحمد
اخوي هذا اول شي سويته رحت ويويت ميزانيه وكل شي تمام الموتر نفضته مب طبيعيه وخصوصا في جير واحد و اثنين

[BoFahed]

انا مادري عن قطع غيارها لانها وارد امريكا المفروض الوكاله ما تبيع قطع لهالموتر

لكن مافي الا تطلب بالنت و لا تروح قراج يلزقها بعلوج بس ما يضمن لك, بس اعتقد التيوتا كلهم متشابهين في التصليح في ما يبيلها تفكير زياده

اخوي انا معاك بس ابي اتاكد هل لازم يتغير ولا لا لانه كراج قالي بس بيرنغ وكراج ثاني قالي الشفت كامل ؟؟؟


انا بجيب واحد اكيد بس ابي كراج فنان يقولي شنو الخربان بالضبط وانا ببدله وانا بطلبه

[بريق الحق]

كراج العطيه مر عليهم