ابي اعرف وين الخطأ؟

[Engineer]

السلام عليكم ورحمة الله وبركاته
اخواني و اخواتي...بعد السلام و التحية ,,
راح اقولكم الموضوع باختصار جدا وابي اعرف وين الخطا؟
ادور فيلا بالمناطق الشمالية ( الخريطيات, ازغوى, ام صلال محمد الخ الخ,,)لقيت فيلا بام صلال محمد بالمواصفات المطلوبة و بسعر 3 مليون ريال و بنفس المنطقة لقيت فيلا بنفس المواصفات والسعر 4,5 مليون!! فرق مليون و500 الف ريال ! !!
رجاء لحد يقولي كل واحد حر بعقاره! لو التشطبيات مختلفه بنقول يمكن بس يا جماعة كوبي بيست الفيلتين!!
وين لجنة أو ادارة تنظيم العقارات؟ او تسعيرة العقارات المفروض لها شروط ؟ ولا الدلالين ماخذين راحتهم!!
شي يحير بصراحة و يخوف اسعار محد بقادر يسيطير عليها! و تقفز بشكل هيستيري!!
الله المستعان

[Bozizoo]

وسع صدرك يازميل كل واحد يحط السعر الي يبيه
والله يخلي الدلالين

[SeniorTrader]

يمكن موقع الفله غير

والسوق عرض وطلب اذا عاجبتك ب 3 مليون خذها والله يوفقك

[adell]

ممكن كلامك صح اذا الشيك باربع ملاين ونصف بيطلع باسم الدلال مو باسم صاحب الفيلا

[Bozizoo]

ممكن كلامك صح اذا الشيك باربع ملاين ونصف بيطلع باسم الدلال مو باسم صاحب الفيلا
مع احترامي لك بس الدلالين سبب ارتفاع الاسعار

[Bozizoo]

ولا تنسى مربحك يزيد في ارتفاع السعر

[Engineer]

هلا يالغالي, هالجمله اللي مب راضي افسرها ( كل واحد يحط السعر اللي يبيه) يعني لو السلعه سياره بتقولي نفس الجمله؟ ولا الموضوع مختلف؟

[Engineer]

ممكن كلامك صح اذا الشيك باربع ملاين ونصف بيطلع باسم الدلال مو باسم صاحب الفيلا

ماعتقد احد بيطلع شيك باسم شخص مختلف عن الاسم اللي بسند الملكيه صح؟

[Engineer]

يمكن موقع الفله غير

والسوق عرض وطلب اذا عاجبتك ب 3 مليون خذها والله يوفقك
اخوي نفس الموقع و نفس الشارع !
ونفس التصميم و اعتقد نفس المقاول بعد!
ادري ان السوق عرض و طلب بس اخوي حدث العاقل بما يعقل البيت مب شي ثانوي بالحياة لا اساسي ومن اوائل المتطلبات سواء ايجار ولا ملك نفس الغذاء
يعني بتقولي لو بكره ارفعوا التجار سعر العيش ( الرز ) 1000% بتكون مجبور تشتري ؟ ما راح تقاطع او تشتكي للجهات المختصه؟!

[أسد الجزيرة]

ممكن الاولى شراها واحد و حب يبيعها بمربح خيالي

[o_85]

هو صحيح مبالغ فيه

بس يمكن موقعه على شارعين ولا ثلاث او على شارع رئيسي

ولا يمكن خدمي

ويمكن وحده جديدة والثانية مستعملة

بس فالنهاية مثل ما تقول لو في لجنة او ادارة بيكون احسن

[شموخ دائم]

,

,


مرحبا


اخوي الكريم

من المفترض ان يكون فيها ميزه
مثل وجودها على شارع ( عريض ) ممكن مستقبلا يصير تجاري او خدمي

او ربما اشتراها شخص ورجع عرضها في السوق

في الحالتين لن تباع بهذا السعر

ولكن لو مافيها ميزه

تاكد اخي الكريم

هذه الفيلا ( لن تباع ) وراح تبقى معروضه بالسوق بدون بيع

ولن تاثر على السوق ولن ترفع الاسعار

ترى محد يشتري الا وهو عارف الاسعار وعارف المعروض زين وعارفين اخر فيلا كم انباع سعرها في المنطقه
المقياس الحقيقي هو السعر الي يتم ( البيع ) فيه
وليس سعر ( العرض )

بالتوفيق لك

والله يبارك لك في حلالك

,

,

اخوك

شموخ دائم

[السلولي]

وسع صدرك وانا اخوك , انا بوضح لك نقطه مهمه في احدى اسباب ارتفاع العقارات في قطر وخاصه في الاونه الاخيره ,

حصل معاي موقف وبذكره لك وانت بتعرف من الي متسبب في رفع قيمه العقارات الغير طبيعيه :

حصلت فيلا للبيع في عين خالد كان عارضينها على بالبدايه على 2,800000 ؟ قلت خلني احط اعلن بالجريده على وعسى احصل ارخص المهم وبعد شهر ونص او شهرين الفيلا نفسها انعرضت علي 3,200000؟؟ واتضح لي ان الفيلا قد شراها شخص اخر ويبي يستفيد من وراها وهذا من حقه المهم جلست ابحث عن فيلا قريبه من امكانياتي وحطيت اعلان بالجريده بس هذه المره برقم جوال مختلف عن الاول واتصل علي صاحب نفس المكتب الي عنده فيلا عين خالد وبالبدايه ماعرفني لان الرقم جديد عليه :shy: المهم ذكر لي موصفات الفيلا عين خالد الي كانت معروضه علي من نفس المكتب ومن مده شهرين 2,800000 قال عندنا فيلا بعين خالد مطلوب نهائي فيها 3,500000 :eek5: الصراحه انصدمت من رفع سعر الفيلا وفي لا تتعدى ثلاثه شهور 700 الف المهم قلت لها تعرفني انا من ؟ انصدم بالبدايه وبعدين حاول يرقع ويقول الفيلا اشتروها ثلاثه اشخاص خلال شهرين :eek5:


الواضح ان الاجانب هم سبب الارتفاع الغير الطبيعي بمناطق سكن العوائل القطرية (يشترونها باسماء قطريين متخاذلين على القانون ويبعيونها على اساس ان الفيلا باسم قطري شكليا بس الحقيقه ان الاجنبي هو من دفع قيمتها لكي يستفيد في بيعته وباسرع وقت والضحيه انا وانت وكل كادح على هذا الارض )

[MFK]

فوضى السوق