أحسن دكتور لعلاج الشخير

[بوحارب]

السلام عليكم

وين أحسن دكتور لعلاج الشخير اثناء النوم !!

[Aaziz]

عندي معلومات متواضعه عن الشخير

الشخير هو احد الاعراض التي يسئل عنها بعض الاطباء اثناء التشخيص ، اي ان الشخصير ممكن ان يكون عرض لخلل ما (بعيد الشر)
من اهم مسببات الشخير الرئيسيه هي اللحميه و الجيوب الانفية و اعوجاج غضروف الانف ، فعند اجراء عمليه كي للحميه يخف الشخصير (يتم تشخيصها بالتصوير)

اما بخصوص الطبيب ما اقدر افيدك بس عليك بالمستشفيات الخاصة

[بصمة قطرية]

أول شي روح اطبيب أنف و أذن و حنجرة
أرشح لك الدكتور عبدالعزيز الجفيري ..
إحتمال المشكلة من الأنف مثل ما قال عزيز
و في الغالب تكون بسبب وجود لحمية
ولدي كان وااايد يشاخر
بعد ما سوى عملية اللوز واللحمية الحمدلله نادر ما يشاخر ..

[بوحارب]

عزيز&بصمه

تسلمون ع المرور

[مهرة]

اسأل عيادة الدوحة كان عندهم استشاري زيارة يسوي عمليات ويروح راجعهم وبيفيدونك ان شاءالله .. اخوي مسوي العملية بعيادة الدوحة والحمدالله ..

ماشاءالله المشاهدات اكثر من الردوود بوايد !!! لهدرجة شباب المنتدى يعانوون من الشخير .!! أسأل الله العافية للكل

[العلياا]

مثل ما قالوا الاخوان والخوات
نسبة عالي من اللي يشاخرون عندهم مشاكل في الانف
وافضل دكتور هو عبدالعزيز الجفيري

[بوحارب]

مهره يمكن البنات اللي يتابعون الموضوع ليش حددتي الشباب بس !!

عيادة الدوحة كئيبة صرت ماحب اروح لها مع ان عندي تأمين

اشكرج ع الرد

العليا يسلمو ع الرد