قرض الاسكان بيصير مليونين

[وهم السنين]

هل فعلا زادو قرض الاسكان من مليون ومئتين الى مليونين ؟

[بوخالد911]

لا يوجد شيء رسمي

[alsoq]

للحين ما فيه شي رسمي
انا الحين خلصت ال مليون والمئاتين
كل ما قلت بخلص طلع شي :)

[من بغى الزين]

الله يكتب الذي فيه الخير الله يسمع منك

[Chambray]

للحين ما فيه شي رسمي
انا الحين خلصت ال مليون والمئاتين
كل ما قلت بخلص طلع شي :)
ردد ياليل ماطولك ههههههههههههه

نفس حالتك بالضبط .. لكن دفعت من جيبي فوق ال ال 700 الف

المبلغ تشوفه وايد
لكن تجيك على تناتيف هههههههههه

كل واحد يبي 50 و 60 و 70 و 90 و 100 و 120 و 160 الف
لكن لو تحسبها شوف كم بتطلع

هذا غير الاثاث !!!

انا طلعت عيني صراحة

وصرت من مرحله مدقق ومهتم في كل صغيره وكبيره

صرت مهتم متى بيخلص البنيان وباسكن وبافتك من هالعمال

[مضارب دوسري]

كل سنه قبل ابريل تطلع هالاشاعه
والنتيجه ولا شي

[لاجل QT]

المفروض القروض تواكب ارتفاع الاسعار اللى بلادنا

على الاقل من 3 الى 4 مليون

مليون ومئتين حلوين ايام الثمانينات التسعينات نعم تسوى فيلا وفلتين بعد

اما الحين للاسف تزيد فوقهم الدبل....حق نكمل بنيان فيلا وحدة

ارهاق مادي ومعنوي

انشالله يتعدل الوضع

[كلاسيك قطر]

ردد ياليل ماطولك ههههههههههههه

نفس حالتك بالضبط .. لكن دفعت من جيبي فوق ال ال 700 الف

المبلغ تشوفه وايد
لكن تجيك على تناتيف هههههههههه

كل واحد يبي 50 و 60 و 70 و 90 و 100 و 120 و 160 الف
لكن لو تحسبها شوف كم بتطلع

هذا غير الاثاث !!!

انا طلعت عيني صراحة

وصرت من مرحله مدقق ومهتم في كل صغيره وكبيره

صرت مهتم متى بيخلص البنيان وباسكن وبافتك من هالعمال

صحيح مافي شي رسمي لحد الان

بس الي دفعت من جيبك احسن ماتدفع في شي سخيق هاي بيتك وبيت العمر

[دستور]

إذا سار القرض مليونين
قالمقاولين بترتفع أسعارهم الى مليونين ومية

[OutLaw]

هل فعلا زادو قرض الاسكان من مليون ومئتين الى مليونين ؟

ليكون أنت مقاول وأدور سبب ترفع فيه الاسعار ..
:anger1:

[moonبنتnight]

ما سمعت أنه زادوه

[R 7 A L]

اذا مافيه مصدر رسمي
نتمنى اغلاق الموضوع

[أسد الجزيرة]

زيادة القرض بيزيد التضخم في الدولة و هذا الشئ الدولة رافضته

مليون و ميتين كافي لبنيان فيلا ستمية متر و هي مساحة مناسبة الا اذا حد يبي يبني اكبر يدفع من جيبه

[ولد العرب]

المفروض القروض تواكب ارتفاع الاسعار اللى بلادنا

على الاقل من 3 الى 4 مليون

مليون ومئتين حلوين ايام الثمانينات التسعينات نعم تسوى فيلا وفلتين بعد

اما الحين للاسف تزيد فوقهم الدبل....حق نكمل بنيان فيلا وحدة

ارهاق مادي ومعنوي

انشالله يتعدل الوضع
ياختي ياختي تعوذي من الشيطان الرجيم
انا سكنت من شهور قليله والحمد الله والمنه والفضل لله ومن ثم الحكومه
منزلي 800 متر تنقص قليل من احسن مايكون حطيت ديكور وزخرفت البيت وركبه حجر من 3جهات والبورسلان وسراميك البيت شي ايطالي وشي اسباني والحمامات انجلنزي وغيرها
الحسبه كاااااااامله مع الاثاث المكيفات جنرال بمليون 500 الف وهنا انا مكلف على نفسي لو ماخذ كل شي على قدي ممكن حروة مليون300
ابني منزلك على قدك
يعني قرض الحكومه ممتاز ابيض الوجه

[المحاميه]

حتى المليونين ماتسوي شي

الاسعار في ارتفاع مرعب :weeping:

[ولد العرب]

حتى المليونين ماتسوي شي

الاسعار في ارتفاع مرعب :weeping:
من جدك محاميه وش هالبناء اللي ب2مليون
ابني على قدك وبتفلح :weeping:

[حمد 2002]

ياختي ياختي تعوذي من الشيطان الرجيم
انا سكنت من شهور قليله والحمد الله والمنه والفضل لله ومن ثم الحكومه
منزلي 800 متر تنقص قليل من احسن مايكون حطيت ديكور وزخرفت البيت وركبه حجر من 3جهات والبورسلان وسراميك البيت شي ايطالي وشي اسباني والحمامات انجلنزي وغيرها
الحسبه كاااااااامله مع الاثاث المكيفات جنرال بمليون 500 الف وهنا انا مكلف على نفسي لو ماخذ كل شي على قدي ممكن حروة مليون300
ابني منزلك على قدك
يعني قرض الحكومه ممتاز ابيض الوجه

انت عندك 400 الف تزيد بنيان بيتك !! غيرك ماعنده .

[العربية نت]

مثل ها الاخبار مجرد اشاعات لان حتى لو تمت الزيادة ما اتوقع بيزيدون 800 الف
وانا في الواقع اشوف ان القرض الحالي جيد جداً للي بيبني على قده اما الي بيشوف غيره وهذاك ايش عنده وهذاك مسوي
حتى 2 مليون ما راح تكفيه فالقرض الحالي يكفي لفيلا متوسطه والحياة تمشي :)
بكره بيقولون نبغي 3 مليون ههههههه المستفيد هو المقاول ومن الصعب السيطره على الاسعار :vampire:

[المحاميه]

من جدك محاميه وش هالبناء اللي ب2مليون
ابني على قدك وبتفلح :weeping:

ايه الاسعار جذي
مليون و 600 ماتكفي :weeping:

[ولد العرب]

انت عندك 400 الف تزيد بنيان بيتك !! غيرك ماعنده .

حمد شغل مخك ياخي حالي حال اي واحد ميسور الحال ماعندي والله ماعندي 400 الف
1-القرض مليون 200 من دوله
2- من الاسكان50 ألف بدل اثاث منحه
3-سلفيات من العمل اخذتها ومع بيع الاجازه 50 الف وماتذكر جيدا ياهي اكثر
4-100ألف ادخرتها لمنزلي ولله الحمد
5- 150 ألف سلفيه البنك
والحمد الله الامور لازم ترتيب وسهلات وانت اللي عليك تدرس وش باقي المبلغ وكم صرف وتعرف اللي عليك وماعليك

[حمد 2002]

حمد شغل مخك ياخي حالي حال اي واحد ميسور الحال ماعندي والله ماعندي 400 الف
1-القرض مليون 200 من دوله
2- من الاسكان50 ألف بدل اثاث منحه
3-سلفيات من العمل اخذتها ومع بيع الاجازه 50 الف وماتذكر جيدا ياهي اكثر
4-100ألف ادخرتها لمنزلي ولله الحمد
5- 150 ألف سلفيه البنك
والحمد الله الامور لازم ترتيب وسهلات وانت اللي عليك تدرس وش باقي المبلغ وكم صرف وتعرف اللي عليك وماعليك

اليوم بطرح موضوع عن هالخصوص وياليت تشارك فيه ،،

[العربية نت]

ولا تنسون انه في حالة تم زيادة القرض بتزيد معه فائدة بنك التنمية وبيزيد القسط لا تخربون على نفسكم :)

[عابر سبيل]

اذا مافيه مصدر رسمي
نتمنى اغلاق الموضوع

ليش يا رحال...

الموضوع تحول بمشاركات الاخوة الى نقاش طيب...
وممكن تغيير العوان و ابقائه..
و القرار للمشرفين
*
*
،،
عموما
تختلف حاجة الاسرة بحسب حجمها..

فاللي حجم اسرته صغير..غالبا ال1.2-1.5 مليون تكون ممتازة
لبناء بيت بحجم حاجته و بتشطيب عالي..

لكن..هل يضمن هذا ان تبقى اسرته صغيره..
فقط بعد 3-5 سنوات
من بدء او الانتهاء من البناء!!؟؟

و هكذا،،لمن اسرته بمتوسط 5-7 افراد..
فان بيت بو 600-800 م2 ..
اذا كانت المساحة هذي
تشمل المنافع و الملاحق..
قد تكون (قفص) اذا ما بلغ الابناء و البنات
مرحلة الثانوية و الجامعة!

*
*
،،
عموما..اعتقد ان هنالك حاجة ماسة
لمراجعة دورية لقيمة قروض الاسكان..
كل 3-5 سنوات..
فالاسعار تتغير..و هي في صعود..
و لكن قد تنزل(يوما م)!!

و هذا كفيل بقتل مثل هالاشاعات..
و بقاء الدولة على مسافة قريبة جدا
من حاجات مواطنيها
و تقديم ما يكفل لهم سبل الحياة الكريمة

[راشد محمد]

للحين ما فيه شي رسمي

[رُفق المجنّا]

الود ودي إنهم رافعين القرض ولكن المنطق والعقل يقول أن الـمليون والميتين كافية إذا وُجد من يدير ويحسن الاختيار

[طير حوران]

ياختي ياختي تعوذي من الشيطان الرجيم
انا سكنت من شهور قليله والحمد الله والمنه والفضل لله ومن ثم الحكومه
منزلي 800 متر تنقص قليل من احسن مايكون حطيت ديكور وزخرفت البيت وركبه حجر من 3جهات والبورسلان وسراميك البيت شي ايطالي وشي اسباني والحمامات انجلنزي وغيرها
الحسبه كاااااااامله مع الاثاث المكيفات جنرال بمليون 500 الف وهنا انا مكلف على نفسي لو ماخذ كل شي على قدي ممكن حروة مليون300
ابني منزلك على قدك
يعني قرض الحكومه ممتاز ابيض الوجه

http://safeshare.tv/w/DwZIfnAbPW

مذيعة يابانية تصاب بالذهول من فخامة منزل مواطن قطري

ياشيخ جزاك الله خير انت تتكلم عن المواطن القطري الذي احلامه على قده

صحيح اني مع رفع القرض بنسبه بسيطه لاتتجاوز 30% وليست نسبة تحقق أحلام البعض ببيت الاحلام

الحلم ليس حراما ولكن ليس على حساب الواقع والمنطق والمعقول ولكن على حساب الحالم

نتمنى من الله ان يحقق احلام الجميع

[ANONYMOUS]

ياختي ياختي تعوذي من الشيطان الرجيم
انا سكنت من شهور قليله والحمد الله والمنه والفضل لله ومن ثم الحكومه
منزلي 800 متر تنقص قليل من احسن مايكون حطيت ديكور وزخرفت البيت وركبه حجر من 3جهات والبورسلان وسراميك البيت شي ايطالي وشي اسباني والحمامات انجلنزي وغيرها
الحسبه كاااااااامله مع الاثاث المكيفات جنرال بمليون 500 الف وهنا انا مكلف على نفسي لو ماخذ كل شي على قدي ممكن حروة مليون300
ابني منزلك على قدك
يعني قرض الحكومه ممتاز ابيض الوجه


من جدك محاميه وش هالبناء اللي ب2مليون
ابني على قدك وبتفلح :weeping:



انت قحي

انا يادوب خلصت بيتي ب 6 مليون .. لا ومن غير ستاير.. حاط جرايد لحد الان .. :weeping:

























هياط حريم يامعيض ببلاش

عطهم هلى جوهم

الحين بيجيك لمهايطي العود يقول لحد الان دفعت 23 مليون وماخلصت بيتي الشعبي العمري :)

[راشد محمد]

اذا زياد القرض زادت الأسعار / ابنوا على قدر استطاعتكم

[QTR TV]

انا بيتي مساحته 630 متر مع الملاحق كلفني1480000من غير أثاث تشطيب ديلوكس والله المستعان
اقتراحي زيادت منحت الأثاث الى 150000 بدل 50000 وبدل مايزيدون القرض يدعمون المواد الأساسية مثل الحديد والطابوق والخرسانة وبهاذا الشكل بتنحل المشكلة ودعم يكون على الخرائط يعني يدعم الى 800 متر مثلا أما فوق على حساب العميل والخرائط تدعمها البلديه بلاش احسن من المهندسين الي قاعدين من غير شغل يشتغلون ويحللون رواتبهم شرايكم
أتوقع استاهل على الاقتراح جائزة نوبل للبنيان ههههههه
مع العلم الحل قائم في دولة الكويت الشجاعة

[ولد العرب]

انت قحي

انا يادوب خلصت بيتي ب 6 مليون .. لا ومن غير ستاير.. حاط جرايد لحد الان .. :weeping:

























هياط حريم يامعيض ببلاش

عطهم هلى جوهم

الحين بيجيك لمهايطي العود يقول لحد الان دفعت 23 مليون وماخلصت بيتي الشعبي العمري :)
:eek2: اما 6 مليون عز الله كدينا منين لنا صراحه انا انصدمت وصدقتك على طوول ان بيتك ب6مليون :weeping:
وش سالفه معيض 2002 :shy:

[مليونيرة مفلسة]

مليون او مليونين بدون الارض شالفايدة
أعطوني ورقة اني استحق الأرض و القرض من سنتين و ماقدرت استفيد شي
ظهري مكسور ادفع عشرة الاف ريال شهريا للايجار
مواطنة و ادفع عشرة الاف لايجار سكن!! ليش؟؟؟؟؟
اش ذنبي انه ما عندي واسطة تعطيني حقي
حسبي الله و نعم الوكيل

[ANONYMOUS]

:eek2: اما 6 مليون عز الله كدينا منين لنا صراحه انا انصدمت وصدقتك على طوول ان بيتك ب6مليون :weeping:
وش سالفه معيض 2002 :shy:

اما 6 مليون .. الحمد لله بيتي صغير جدا واشوفه قصر في عيني :shy:

مادري قريت معيض في توقيعك

حبيت الاسم :nice: