عيادة الخــراشي ااأسنان

[saleh-85]

السلام عليكم ورحمة الله وبركاته ..

اتمنى للي تعامل مع عيادة الخراشي للأسنان ( حشوه ,, عصب ,, خلع ,, جراحة ,, زراعة .. تلبيس ) يفيدني شلون شغلهم وترتيبهم لان مريت عليهم وشرحولي شلون الترتيب عندهم بس حبيت اتأكد اذا احد له تجربه مع العيادة .. وشكراً

( من سألك دخل ذمتك )للي عنده علم او تعامل مع العيادة من قبل

[السكين]

أنا تعاملت مع الدكتور رأفت الخراشي نفسه في عيادته السابقة أعتقد كان اسمها مركز الشفاء الطبي .

المهم .. سويت عنده حشو وخلع وتلبيس ..

لحد اليوم كل ما اروح دكتور اسنان ثاني يسألني وين سويتهم .. دليل انه شغله ممتاز ..

سعره عالي جداً منشار ..بس دكتور شاطر ( وهذا رأيي الشخصي ) وعن تجربة

الله يشفيك

[شمس المغيب]

مرحبا

أنا سويت عند دكتور كريم في عيادة الخراشي الغرافة
من شهر تقريباً حشو عصب وتلبيس
شغله ممتاز بس مثل ما قال الأخ السكين شغلهم غالي
يعني ضرسين ب 10000 ريال

بالتوفيق إن شاء الله

[بصمة قطرية]

رأفت الخراشي دكتور ممتاز
غني عن التعريف
كل اللي جربره مدحوا شغله
بس مثل ما قالوا أسعاره نار ..

[qrt_trading]

مثل ما قالوا هو ممتاز بس غالي وايد أنا ما تعاملت معاه بس أختي ودت اعيالها له وقالت انه ممتاز بس ماله بارض على اليهال عادي يعصب عليهم.

[بوراشد82]

انا ام راشد وسويت عند الخراشي ابتسامة هوليوود لعشرين ضرس وكلفتني ظ§ظ§ظ*ظ*ظ* ريال،، صج غالي بس شغله حلو

[بوراشد82]

المبلغ سبعه وسبعين الف ريال

[راعي الدتسن]

ممتااااااز

[saleh-85]

جزاااااكم الله خير ... فعلاً سعره غالي ولكن يهمني الشغل وجودة الشغل والخبره ... الله يجزاكم خير وبارك الله فيكم

[hanayen]

والله انا رحت الأردن وعملت تلبيس كامل للأسنان الأمامية مع تبيض كلفني ثمانيه آلاف وهني حسبي الله عليهم قالوا لي أربعين الف مع احترامي نصب في نصب

[umhend]

انا بعد جربت شغلهم روعه مثل ماقالو مواعيدة انا كنت احددها بكيفي ويعطي اجازات اهم شي بس فعلا وايد غالي سعرة