ملاحظات مروريه من هنا وهناك ،،

[حمد 2002]

السلام عليكم ورحمه الله وبركاته

الموضوع يحمل العنوان التالي

ملاحظات مروريه من هنا وهناك ،،


الملاحظه الاولى

لاحظت بان بعض رجال المرور الي ايوقفون على الدوارات !! والطرق ، اتحصللهم ايوقفون السيد فجأه والنتيجه السياره الى بالخلف بتدعم السياره الي بالامام !! المفروض رجال المرور ايتحملون المسؤليه ومانلقيها بشكل كامل على الناس !!

الاقتراح بان تكون عصى بيد شرطي المرور وقت الزحمه نفس الاشاره المروريه بالظبط فيها احمر واصفر واخضر !!


ملاحظه ثانيه ،،

سيارات الاسعاف الي ايسوقونها العرب والاسيوين مايسوقون بقوه وما ماعندهم احترافيه بالمرور مابين السيارات وقت الزحمه !!

ملاحظه ثالثه ،،

اشارات المرور غبيه مب ذكيه ،،، المفروض وجود نظام ذكي وسستم معين باشارات المرور بحيث مب معقوله سيد مافيه ولا سياره واتضل الاشاره خضره وسيد فيه 100 سياره والاشاره اتضل حمره !!

وكذلك لاحظت بان سيد الاشاره اتم فيه 5 دقائق لين تشتغل وسيد ثاني اتم فيه الاشاره حمره10 دقائق ،، يعني مافيه تساوي بالوقت !! .

ملاحظه رابعه ،،

ليش الي يدعم بمنطقه قريبه من الريان لازم ايروح مركز مرور الريان !!

والي يدعم بالدوحه لازم مرور مدينه خليفه !!

فرضا واحد ماتسمح ضروفه ايروح للمركز الفلاني بحكم المنطقه السكنيه !!

المفروض سلاسه ومرونه بهالموضوع !!

وفي الختام ياليت الي عنده ملاحظات ثانيه ايحطها ولا الي يبي ايعلق على الملاحظات الي حطيتها يبدي رايه بكل رحباه صدر ويامرحبا ومسهلا بالجميع ،،

اخوكم حمد 2002 ..

[R 7 A L]

لا تتعب نفسك مايسمعون
حاول اكتب عن إدارة ثانية بالداخلية
طو طو طو طو

[حمد 2002]

لا تتعب نفسك مايسمعون
حاول اكتب عن إدارة ثانية بالداخلية
طو طو طو طو

ههههههه الله المستعان ،،

اشكرررررررك يالذيب على المرور

[al saad]

صار معاي حادث بسبب انه الشرطي وقف السيد فأجئه الي جدامي كان بيدعم الشرطي لنه نقز في الإشارة عشان يوقف السيد وانا دعمت السيارة الي جدامي والي وراي دعمني والشرطي بعد ماشاف الحادث راح الصوب الثاني من الإشارة عرب يعني وجاني الشرطي الثاني وقال حرك لا تعطل السيد روح المرور على طول قلت الشرطي المتسبب في الحادث قال تفاهم في المرور اشتكيت في شرطة المعمورة وكتبت كتب لمدير المرور والنيابة ولا صار شي
صلح سيارتكم ومش حالك يقولك الشرطي مستحيل يكون غلطان

[حمد 2002]

صار معاي حادث بسبب انه الشرطي وقف السيد فأجئه الي جدامي كان بيدعم الشرطي لنه نقز في الإشارة عشان يوقف السيد وانا دعمت السيارة الي جدامي والي وراي دعمني والشرطي بعد ماشاف الحادث راح الصوب الثاني من الإشارة عرب يعني وجاني الشرطي الثاني وقال حرك لا تعطل السيد روح المرور على طول قلت الشرطي المتسبب في الحادث قال تفاهم في المرور اشتكيت في شرطة المعمورة وكتبت كتب لمدير المرور والنيابة ولا صار شي
صلح سيارتكم ومش حالك يقولك الشرطي مستحيل يكون غلطان

شكرا على نقل تجربتك اخوي ، وبالفعل حتى انا لاحظت هالامر كثيرا ...

والمشكله بيتحمل تكاليف الحادث الي دعم بالخلف ،،

بالتوفيق يالذيب ،،

[المحاميه]

السلام عليكم ورحمه الله وبركاته

الموضوع يحمل العنوان التالي

ملاحظات مروريه من هنا وهناك ،،


ملاحظه رابعه ،،

ليش الي يدعم بمنطقه قريبه من الريان لازم ايروح مركز مرور الريان !!

والي يدعم بالدوحه لازم مرور مدينه خليفه !!

فرضا واحد ماتسمح ضروفه ايروح للمركز الفلاني بحكم المنطقه السكنيه !!

المفروض سلاسه ومرونه بهالموضوع !!

وفي الختام ياليت الي عنده ملاحظات ثانيه ايحطها ولا الي يبي ايعلق على الملاحظات الي حطيتها يبدي رايه بكل رحباه صدر ويامرحبا ومسهلا بالجميع ،،

اخوكم حمد 2002 ..


باعلق عالنقطه الرابعه ..

فيه شي اسمه اختصاص مكاني.. يعني اذا وقع حادث بنفس المنطقه اللي يوجد فيها مركز مرور الريان شي طبيعي ان مركز الريان هو صاحب الاختصاص لان الحادث واقع في نطاق ودائرة المركز من الناحية المكانية ..

[قطريه22]

صادق واقتراحاتك ممتازه
مادري الشرطه اوقات اشلون يفكرون عبالهم يوم السيارات تجي ويوقفها بتوقف عادي وماراح يضرب بريك مايفكرون في ناس في السياره والا يهال

واذا السياره كانت تمشي بالبطيء تلاقي الشرطي اشوي ويده بتطير من كثر مايأشر تحرك بسرعه

اتوقع يبي لهم تدريب

[Super Cool]

موقفين صاروا معاي رفعوا ضغطي الاول كنت برتكب فيه جريمة!!!

الموقف الأول

راجع من بيت الوالد متأخر و معاي المدام و الخدامة قاعدة ورا وصلنا نقطة تفتيش طلعت له ليسن و إستمارة...مع العلم ان فالعادة يوم مع الأهل ما يوقفوني خصوصاً أن موتري جديد يعني أكيد عليه إستمارة بس إحتراماً للقانون أجهز المطلوب و أوقف...قال لي عطني بطاقة اللي وياك....طالعته بنظرة غريبة...سيارتي مب معتمة و الخدامة واضحة ورى و في موتر عائلي و زوجتي ما يبين منها شي سوادة في سوادة...شيبي في بطاقتها؟ و اشلون بيطابق أصلاً؟ قلت له معاي زوجتي قال لي ما سالتك زوجتك والا لا سألتك عن بطاقتها!!!...شالسالفة؟؟؟؟ عطيته بطاقتها اللي بالصدفة كانت في بوكي...طالعني و قال الله يستر عليك...حرك حرك...شنو الله يستر عليك انت بعد!!! شهالأسلوب الوصخ...يعني أنزل أتهاوش مع عساكر و أمردغ وجهه فالشارع وأنسجن!!؟؟؟ شالحل!!!

الموقف الثاني

كنت عند دوار وكالعادة مليون موتر يتجاوز من اليمين...واحد حاول يدخل من اليمين علي و جاكرته ما خليته يطوف و قام يحن موتره لين يقطع...و انا معطيه أكبر طاف....كل هذا و دورية واقفة عالدوار بيني و بينها 10 أمتار!!! حتى عينه ما يات صوبنا!!! هرنت له كم هرن خفيف لين طالعني....أأشر له ان شوف في 5 مواتر يحاولون يقطعون السيد علينا....و هو يأشرلي بيده جنه مب فاهم شالسالفة يعني!!! أشرح يمين يمين يسار أأشر بيدي أنزل الدريشة لين عجزت و هو أحسه قاعد يستهبل و يسوي نفسه مب فاهم!!! إنزين من غير ما أشرح له...إحنا على دوار و ناس تتجاوز من اليمين هو شنو دوره بالضبط؟...و الا بس فاضي مخالفات حزام و جوال؟ فعلاً الشكوى لغير الله "مذلة"

[بوNasser]

زين يا حمد هذي ملاحظاتك على المرور، المفروض تؤخذ في الحسبان ويتحاسب المخطي.

طيب واخطاءنا احنا، والا يبيلها موضوع بروحه.

انا باذكر على السريع ملاحظتين بسسسسسس:

1- كم مرة اشوف واحد حاط له ياهل في حظنه ويسوق السيارة،واحيانا حريم يسوون نفس الشي، آخر مرة امس واحد في كروزر،ماسك الياهل بيد في حظنه ويسوق في طريق رئيسي، يعني مب في الفريج علشان نقول معليه البيت قريب،... قسم بالله مت قهر،،يا ناس ما تخافون على عيالكم؟؟ افرض انك سواق محترف و متمكن من السيارة، تضمن سواقة غيرك... شي يقهر

2- ايضا اللي يدخن وعقب ما يخلص يقط الزقارة في الشارع،، وهذي شفت كثير من اخواننا العرب يسونها، وربعنا بعد يسوون نفس الشي. طيب هذا الشخص اشلون تتصرف معاه؟؟؟؟ تكلمه ما لك حق، تبلغ عنه ما عندك اثبات لو انكر...

تحياتي لك وللجميع

[طلعة الروح]

على كل بلاوي المرور ومشاكلهم لكنهم احسن من غيرهم ولهم دورهم في البلد، ع الاقل يحاولون يتعلمون من أخطائهم
الدور والباقي على باقي الاقسام النايمة اللي لحد الحين ماشفنا لها انجازات ولا طلعات تفيد الناس.
بالاضافه الى انك ماتقدر تلوم المرور في مسالة مثل على سبيل المثال، ليش الشوارع مكتظه وليش الشوارع مغلقه
هم دورهم انهم يحاولون ينسقون ويمشون الزحمه وقت الأزمات، أما مسالة اعطاء اللياسن والتراخيص لكل من هب ودب
ف المطلوب منهم يدرسون الأمر بجدية وايد فئات راح نضطر نقول لهم الى هنا وكفى غير المهن اللي اعلنوا منعها من السواقة.

[طلعة الروح]

زين يا حمد هذي ملاحظاتك على المرور، المفروض تؤخذ في الحسبان ويتحاسب المخطي.

طيب واخطاءنا احنا، والا يبيلها موضوع بروحه.

انا باذكر على السريع ملاحظتين بسسسسسس:

1- كم مرة اشوف واحد حاط له ياهل في حظنه ويسوق السيارة،واحيانا حريم يسوون نفس الشي، آخر مرة امس واحد في كروزر،ماسك الياهل بيد في حظنه ويسوق في طريق رئيسي، يعني مب في الفريج علشان نقول معليه البيت قريب،... قسم بالله مت قهر،،يا ناس ما تخافون على عيالكم؟؟ افرض انك سواق محترف و متمكن من السيارة، تضمن سواقة غيرك... شي يقهر

2- ايضا اللي يدخن وعقب ما يخلص يقط الزقارة في الشارع،، وهذي شفت كثير من اخواننا العرب يسونها، وربعنا بعد يسوون نفس الشي. طيب هذا الشخص اشلون تتصرف معاه؟؟؟؟ تكلمه ما لك حق، تبلغ عنه ما عندك اثبات لو انكر...

تحياتي لك وللجميع

اتفق معاك في النقطة الثانية ، يدخن وهو واقف وقبل ما يمشي يحذف الزقارة على حساب السيارة اللي وراه.
تعبنا واحنا نشوف مثل هالتجاوزات وصرنا نشوف ونطنش ما اعتقد في قانون واضح للي يدخن في الشارع؟

[توشيبا]

كل شي يهون الا انك واقف عند الاشاره تبغي تروح سيده او يسار

والاشاره اللي علي يسارك خضراء والسيارات جايه من يسارك رايحه سيده علي يمينك فجاه ازدحام ويتسكر الشارع عليك وتصير الاشاره لك خضراء وتتم ادق اصبع مسكرين عليك

مافي ثقافه مروريه للناس وحتي الشغالين في المرور ماعندهم ثقافه مروريه كلش

شفت بعيني سياره مرور الزحمه واصله لين نص الاشاره ماوقف قدم وسكر علينا صارت الاشاره عندنا خضراء ولا قدرنا نحرك وقفنا لين صارت حمراء بسبب سياره المرور مسكره علينا