تقرير أسبوعي عن حضور وانصراف موظفي الحكومة؟؟؟

[الدوحه1]

علمت "العرب" أن كافة الوزارات والمؤسسات الحكومية، التي ينطبق عليها قانون الموارد البشرية، بصدد
إلزام مديري الإدارات بتقرير أسبوعي عن حضور وانصراف الموظفين، لضمان قيام منسوبيها بواجباتهم الوظيفية بالصورة المناسبة.ودعت إدارة الموارد البشرية بوزارة العمل والشؤون الاجتماعية أمس مديري الإدارات بالوزارة إلى موافاتها بتقرير أسبوعي (كل يوم أحد)، عن حضور وانصراف الموظفين، على أن يرفع تقرير شهري لسعادة الوزير.
وطالبت الموارد البشرية -في تعميم ممهور بتوقيع مديرها حمد عبد الله عبيدان- المديرين بإبداء أية ملاحظات التأخير » متعلقة بدوام الموظفين - غياب بدون عذر - الاستئذان - .« الإجازات المرضية تحت الاعتماد وشدد التعميم على ضرورة الالتزام بأوقات الدوام الرسمي من 7 صباحاً إلى 2 ظهراً.
وقالت مصادر بالوزارة لل"العرب" ان التعميم قوبل باستياء من الموظفين، بسبب الازدحام المروري الصباحي الذي يعطل الحركة باتجاه منطقة الأبراج التي تقع فيها الوزارة.وتعد وزارة العمل والشؤون الاجتماعية ثالث وزارة تطبق الإجراء، بعد وزارتي الأوقاف والشؤون الإسلامية، والثقافة والفنون والتراث .

[عيون الدوحة]

فرق كبير بين الوزاراة وقطاع قطر للبترول
الاوله مافيها انجاز كبير وتحكير للموظفين
الثانية أكبر أنجاز بالدولة وسلاسة واحترافية

[كرواتيا]

يعني قطر للبترول مافيها تحكير ؟؟


انا اتمنى بصراحه يخلون مرونه في الدوام او دوام جزئي للي حاب

المرونه تشمل فترتين دوام بس مب فرق كبير بينهم

يعني مثلا موظفي الحكومة بين الدوام 7-2
او 8-3

والقطاع الخاص نفس الشي
بهالطريقة نعطي مساحه مرونه وبنفس الوقت مانحكر ومانسبب زحمه

اللي يعينني انا اداوم عشر ساعات وبدون اوفر تايم

[العلياا]

والله حرام

يعني اللي يتأخر سبع والا عشر دقايق هذي مفروض ما ينحسب تأخير :(

الله المستعان

[وطن]

:eek5:

هو بالإنجاز ولا بعدد ساعات الحضور

عمره الإنجاز ما يقاس بالساعات
في ناس تنجز في ساعتين و ناس لو يداومون إضافي عشر ساعات ما يخلصون نفس كمية الشغل

[العلياا]

:eek5:

هو بالإنجاز ولا بعدد ساعات الحضور

عمره الإنجاز ما يقاس بالساعات
في ناس تنجز في ساعتين و ناس لو يداومون إضافي عشر ساعات ما يخلصون نفس كمية الشغل

بعدد الدقايق الله يسلمج :)

[مختلفة عقليا]

السلام عليكم .,

احسن والله العظيم .,

من فتره رحت وزارة ., والموظفين طالعين البيت الساعه 12 ,. خير يا عمي ., ؟؟

لا واحد يقولي اللحين بيون راحوا يكركون في كتارا ., :omg:

داوموا عدل ., واحتسبوه اجر ., وواجب عليكم اتجاه وطنكم .,

حللوا الراتب .,

[R 7 A L]

اهم شي المدراء نبي نشوفهم في مكاتبهم

[MoTeC]

احسن عشان نفتك من المصخره اللي صايره (بالذات عندنا فدوامنا)

[طلعة الروح]

اتفق مع الاخت وطن ،
الانجاز أهم من عدد ساعات العمل، نشوف موظفين يداومون عادي لكن مافي انجاز
واللي يداوم 3 او 4 ساعات ينجز اكثر واسرع...

الحضور مش مقياس ، والمدراء يلزمون الموظف بالحضور بغض النظر عن آدائه
لكن لما المدير نفسه يجي متأخر؟ ليش محد يحاسبه؟ وفي نفس الوقت محكر للي تحته ويطالبهم بالالتزام!
يا تكون قدوة وتطبق القانون على نفسك ، يا تكون flexible مع الموظفين,

[Vanille]

:eek5:

هو بالإنجاز ولا بعدد ساعات الحضور

عمره الإنجاز ما يقاس بالساعات
في ناس تنجز في ساعتين و ناس لو يداومون إضافي عشر ساعات ما يخلصون نفس كمية الشغل

شلون بينجز اذا ساعات حضوره مب شئ؟؟!!! صح الحضور والالتزام بعدد ساعات معين من الحضور ما يعني الإنجاز لكن هو عامل مهم من عوامل تقييم الموظف الإنجاز يقيمه المسؤول عن الموظف ويقدر يعاقبه

ان شاء الله صج يتطبق هالقانون وبصرامة وبدون محسوبيات ويضربون بيد من حديد على التسيب وهالشي قمنا نشوفه شوي شوي الحمدالله كلنا نبي زيادة معاشات لكن محد في المقابل يطالب الموظفين بالالتزام والجدية :secret:الحمدالله بدوا يتحركون القطاع الحكومي واعني الوزرات يبيله نفاض وإعادة بناء وفي المقابل لازم يكون في محفزات للموظفين المجتهدين لان هالشي مب موجود للأسف :rolleyes2:

[ضوى]

كلام فاضي ، وتضييق عالموظفين ، المفروض فيه ثقه حتى الموظف يقدر ينجز

[راشد محمد]

أنا أؤيد - لانه في ناس يغيبون أسابيع ومحد يحاسبهم

[سعادة الوزير]

للأسف بعض العقول لازالت تصر ان حل مشكلة الانتاجية هو منحصر فقط في وقت الحضور والانصراف!! ، شركة قوقل هي افضل شركة في العالم من ناحية كفاءة الانتاج ولكن ليس لها وقت محدد للحضور والانصراف للموظفين ، لانهم وبكل بساطة يعتمدون على الانتاجية ، القاعدة العامة تقول : مهمة + وقت محدد = انجاز ، As simple as that!

ياريت من الاخوان انهم بدل ان يركزوا على توقيت الحضور ، ان يلتفتوا الى ما يعانيه الموظف اصلاً للوصول الى مقر عمله ، ازدحام في الشوارع ، اغلاقات مرورية ، فوضى في توزيع المدارس ، عدم وجود مواصلات مناسبة للطلاب ، بعض الشوارع محتكرة للشاحنات بسبب عددها المهول ،،، الى آخر ما نراه من معاناة يومية!!

وآخر كلامي : سلموا لي على صاحب اختراع القضاء على الازدحام بواسطة الهيليكوبتر!!!

[بوخالد911]

هناك آباء مرتبطين بتوصيل أبنائهم للمدارس
شيء طبيعي يحدث تأخير نوعاً ما

[عيون الدوحة]

أخر سطرين أذبحوني من الضحك هههههه يا سعادة الوزير

[Q-tr]

الحين انتو ليش زعلانين وين الغلط ف الموضوع،،، تبون راتب وماتبون دوام والله غريب أمركم،،،
بصراحة انا مع هالقانون والضبط والربط والنظام والالتزام وما طبقو هالقانون الا وفي تسيب وعدم اللتزام..
خطوه موقفه في تطوير الإنتاجية والنظام ومنها الاعلى ان شاء الله

[(بوطلال)]

بعض الكلام يضحك بصراحه .الانجاز ليس بعدد الساعات هذي فعلا نكته يعني اداوم عشر اخلص شغلي في ساعه واروح البيت. هذا افضل قرار وياليت يحاسبون الي يتأخرون او يطلعون من الدوام مبكر بخصم اليوم كامل لان فعلا بعض الوزارات والادارات فيها تسيب ومصخره خصوصا الموظفات تحصلهم الساعه تسع مداومين والساعه عشر طالعين ولا حسيب ولا رقيب واعذار واهيه . الي مب عاجبه الالتزام والدوام يقعد في بيته .

[مخطط قطري]

والله يطبقون هالشي على المدراء وعقب يتكلمون

[مخطط قطري]

بعض الكلام يضحك بصراحه .الانجاز ليس بعدد الساعات هذي فعلا نكته يعني اداوم عشر اخلص شغلي في ساعه واروح البيت. هذا افضل قرار وياليت يحاسبون الي يتأخرون او يطلعون من الدوام مبكر بخصم اليوم كامل لان فعلا بعض الوزارات والادارات فيها تسيب ومصخره خصوصا الموظفات تحصلهم الساعه تسع مداومين والساعه عشر طالعين ولا حسيب ولا رقيب واعذار واهيه . الي مب عاجبه الالتزام والدوام يقعد في بيته .
بو طلال شرايك في موظف جامعي توه متوظف من سنه بس يدوام 9ويطلع 11 وعنده شركه خاصه يديرها من مكتبه الحكومي في هالساعتين
ولحد كلمه قال انا ادخل من شركتي راتب سنه في شهر ومب محتاج لكم

[مخطط قطري]

الحين انتو ليش زعلانين وين الغلط ف الموضوع،،، تبون راتب وماتبون دوام والله غريب أمركم،،،
بصراحة انا مع هالقانون والضبط والربط والنظام والالتزام وما طبقو هالقانون الا وفي تسيب وعدم اللتزام..
خطوه موقفه في تطوير الإنتاجية والنظام ومنها الاعلى ان شاء الله

الضبط والربط ع الجميع اهلن وسهلن المشكله مدراء ورؤساء اقسام ماعندهم كروت فالحين بس في التاشيره في الكتب الرسميه لعمل الازم او الافاده حق الموظفين الي تحت وهذيلاك مساكين من الصبح لين الظهر كرف وعليهم تنفيذ خطه القسم او الوزاره والانتاجيه والمدير مب فاضي لهم فاضي للدورات الخارجيه والاجتماعات الخارجيه واذا اجتماع داخل الدوحه دز موظفينه وماراح واذا لجان فيها فلوس اول واحد هو واذا مافيها شي طرش موظف بديل عنه والله انه بعض المدراء احمق وغبي بدوجه ماتصورها وماتوليه حتى ع غنم ولو سالت موظف بسيط في ادراته عن امور مفصليه ومهمه في الشغل الموظف يبدع لك في الجواب وينورك اما المدير يبطل حلجه ومايعرف
فاذا تبي العدل والمنطق نص المدراء يبيلهم شيل وضخ دماء جديده

[مخطط قطري]

للأسف بعض العقول لازالت تصر ان حل مشكلة الانتاجية هو منحصر فقط في وقت الحضور والانصراف!! ، شركة قوقل هي افضل شركة في العالم من ناحية كفاءة الانتاج ولكن ليس لها وقت محدد للحضور والانصراف للموظفين ، لانهم وبكل بساطة يعتمدون على الانتاجية ، القاعدة العامة تقول : مهمة + وقت محدد = انجاز ، As simple as that!

ياريت من الاخوان انهم بدل ان يركزوا على توقيت الحضور ، ان يلتفتوا الى ما يعانيه الموظف اصلاً للوصول الى مقر عمله ، ازدحام في الشوارع ، اغلاقات مرورية ، فوضى في توزيع المدارس ، عدم وجود مواصلات مناسبة للطلاب ، بعض الشوارع محتكرة للشاحنات بسبب عددها المهول ،،، الى آخر ما نراه من معاناة يومية!!

وآخر كلامي : سلموا لي على صاحب اختراع القضاء على الازدحام بواسطة الهيليكوبتر!!!


مخاسير بترول ورواتب طيارين

[لاجل QT]

في شي اسمة التاخير بعذر

المتأخر بسبب الزحمة يعنى نصور لهم الشارع ونرفقة لهم في كتاب ولا اشلون

واللى بيتة بعيد عن دوامة..يرفق خريطة بيتة في كتاب بعد ولا اشلون

يارب لك الحمد والشكر يوم بدينه نشغل المخ شغلناه في مضايقة خلق الله

[وحيد-الشوق]

اهم شي المدراء نبي نشوفهم في مكاتبهم

هذا الي نبيه احنا ندوام 7 والشيخ يدوام لك 8 و30 ليش ان شاء الله في الاخير انت موظف وحالك من حالنا

[همر]

فرق كبير بين الوزاراة وقطاع قطر للبترول
الاوله مافيها انجاز كبير وتحكير للموظفين
الثانية أكبر أنجاز بالدولة وسلاسة واحترافية

سلاسه واحترافيه ها ؟!!

عيل ماشفت العمال اللي يركبون اجهزة البصمه !!!

ولا يمكن ماجاكم الدور ...

من زود السلاسه والاحترافيه بيتم ربط

معلومات جهاز البصمه بالتايم شيت دايركت

يعني خصم اتوماتيكي من المعاش بالدقيقه !

لا ومن زود الاحترافيه بعد بطاقات انصراف وحضور

على كل باب مجرد ماتمر من باب يسجل حركة مرور

حشى مطراش :eek5:


يعني واحد طالع من المكتب ويقول حق مديره

عندي اجتماع هذا وطر مضى..


حشى جوانتنامو ...


وسلام مربع للاحترافيه ...

[بـو خـالد]

كلام فاضي ، وتضييق عالموظفين ، المفروض فيه ثقه حتى الموظف يقدر ينجز

عطوهم الثقه سابقا وشفنا التسيب الكبير وهذا اللي جعل نظام البصمات يدخل علينا من البلاوي اللي كانت تصير

[moonبنتnight]

الله يهديهم .. أيش الفرق بين دوام الوزارات ودوام القطاعات العامة والخاصة .. ولا شي كل يداوم نفس الدوام من 7-2 والخاصة وشركات 8-3 بالعربي لا يوجد فرق لكن فرق أمتيازات واضح في نفس الوظيفة بين قطاعين .. حتى قطاع الخاص لي ماله دوام مسائي يطلعون 2ونص ..

[وطن]

بعدد الدقايق الله يسلمج :)
هاهاهاهاها مشكلة والله



اتفق مع الاخت وطن ،
الانجاز أهم من عدد ساعات العمل، نشوف موظفين يداومون عادي لكن مافي انجاز
واللي يداوم 3 او 4 ساعات ينجز اكثر واسرع...

الحضور مش مقياس ، والمدراء يلزمون الموظف بالحضور بغض النظر عن آدائه
لكن لما المدير نفسه يجي متأخر؟ ليش محد يحاسبه؟ وفي نفس الوقت محكر للي تحته ويطالبهم بالالتزام!
يا تكون قدوة وتطبق القانون على نفسك ، يا تكون flexible مع الموظفين,

في ناس الشغل اللي يشتغلونه في ساعة يخلص
يلتزم بحضور سبع او ثمان ساعات ليش !!

اذا شغله مافيه تعامل مع جمهور ولا هو مقصر في حق الشغل
السجن ليش!

بعض المدراء عندنا يحتاجون دورات في فن التعامل مع الموظفين و في الإدارات الحديثة
عقليات قديمة جداً
من مدارس عفى عليها الدهر



شلون بينجز اذا ساعات حضوره مب شئ؟؟!!! صح الحضور والالتزام بعدد ساعات معين من الحضور ما يعني الإنجاز لكن هو عامل مهم من عوامل تقييم الموظف الإنجاز يقيمه المسؤول عن الموظف ويقدر يعاقبه

ان شاء الله صج يتطبق هالقانون وبصرامة وبدون محسوبيات ويضربون بيد من حديد على التسيب وهالشي قمنا نشوفه شوي شوي الحمدالله كلنا نبي زيادة معاشات لكن محد في المقابل يطالب الموظفين بالالتزام والجدية :secret:الحمدالله بدوا يتحركون القطاع الحكومي واعني الوزرات يبيله نفاض وإعادة بناء وفي المقابل لازم يكون في محفزات للموظفين المجتهدين لان هالشي مب موجود للأسف :rolleyes2:

عادي يداوم ثمان ساعات و ما ينجز ولا معامله و يقضيها سوالف و شاي و قهوة

في المقابل واحد يداوم ساعتين يخلص كل اشغاله و زيادة


الموظف اذا حكرتوا له يتعب نفسيا
و تتأثر إنتاجيته
:nice:

لازم مساحة من الحرية للموظف عشان يجي الدوام مرتاح و ينتج
ما يحس نفسه داش سجن



كلام فاضي ، وتضييق عالموظفين ، المفروض فيه ثقه حتى الموظف يقدر ينجز
بالضبط


أنا أؤيد - لانه في ناس يغيبون أسابيع ومحد يحاسبهم
هذول يبي لهم ضرب بيد من حديد
سواء بالقرار هذا او بدونه


سلاسه واحترافيه ها ؟!!

عيل ماشفت العمال اللي يركبون اجهزة البصمه !!!

ولا يمكن ماجاكم الدور ...

من زود السلاسه والاحترافيه بيتم ربط

معلومات جهاز البصمه بالتايم شيت دايركت

يعني خصم اتوماتيكي من المعاش بالدقيقه !

لا ومن زود الاحترافيه بعد بطاقات انصراف وحضور

على كل باب مجرد ماتمر من باب يسجل حركة مرور

حشى مطراش :eek5:


يعني واحد طالع من المكتب ويقول حق مديره

عندي اجتماع هذا وطر مضى..


حشى جوانتنامو ...


وسلام مربع للاحترافيه ...


بالضبط جونتانامو
الحمدلله ع النعمة اللي احنا فيها

[وطن]

عطوهم الثقه سابقا وشفنا التسيب الكبير وهذا اللي جعل نظام البصمات يدخل علينا من البلاوي اللي كانت تصير

اخوي

اذا الانسان ما حب شغله
ولا لقى الحافز والدافع اللي يخليه ينتج و يقوم كل يوم الصبح بنشاط وحيوية

لو تحبسه طول فترة الدوام
ماراح ينتج لك حرف !

[بـو خـالد]

مع اني ضد مثل هذه الانظمه المتشدده بس يا جماعه شوفوا لكم عذر غير الزحمه تكفون

العمليه بسيطه شوف كم ياخذ لك لين توصل الدوام ساعه؟ ساعه ونص؟ اطلع قبل وقت الدوام بساعه ونص بكل بساطه العمليه مب صعبه لكن القومه من الفراش هي الصعبه

[العلياا]

مع اني ضد مثل هذه الانظمه المتشدده بس يا جماعه شوفوا لكم عذر غير الزحمه تكفون

العمليه بسيطه شوف كم ياخذ لك لين توصل الدوام ساعه؟ ساعه ونص؟ اطلع قبل وقت الدوام بساعه ونص بكل بساطه العمليه مب صعبه لكن القومه من الفراش هي الصعبه

انا جربت اطلع بدري تصدق تأخرت زياادة :)
مب حل الطلعه بدري

من وجهة نظري المتواضعة
يكون التأخير مسموح من دقيقة لين ربع ساعة بعدها لو تأخر ينخصم من راتبه
اما الانصراف محد له عذر :)

[وطن]

مع اني ضد مثل هذه الانظمه المتشدده بس يا جماعه شوفوا لكم عذر غير الزحمه تكفون

العمليه بسيطه شوف كم ياخذ لك لين توصل الدوام ساعه؟ ساعه ونص؟ اطلع قبل وقت الدوام بساعه ونص بكل بساطه العمليه مب صعبه لكن القومه من الفراش هي الصعبه
انا صرت أوصل قبل الدوام الرسمي بساعة ونص
مع ان ما عمره مديري قال ليش متأخرة
او حاسبني على الحضور
الله يبارك فيه ويجزيه خير

بس عشان ما أتأخر و أتنكد في الزحمة
صرت اروح قبل الناس اخلص شغلي كله في هدوء

[ضوى]

سلاسه واحترافيه ها ؟!!

عيل ماشفت العمال اللي يركبون اجهزة البصمه !!!

ولا يمكن ماجاكم الدور ...

من زود السلاسه والاحترافيه بيتم ربط

معلومات جهاز البصمه بالتايم شيت دايركت

يعني خصم اتوماتيكي من المعاش بالدقيقه !

لا ومن زود الاحترافيه بعد بطاقات انصراف وحضور

على كل باب مجرد ماتمر من باب يسجل حركة مرور

حشى مطراش :eek5:


يعني واحد طالع من المكتب ويقول حق مديره

عندي اجتماع هذا وطر مضى..


حشى جوانتنامو ...


وسلام مربع للاحترافيه ...


ذكرتني بشلة الفنيين اللي دشوا علي المكتب يبون يعرفون مخارج المبنى عندنا ، قلت لهم مش محتاجين تركبون لها جهاز الكرت ، واثقين من موظفينا وطبعا هالكلام من الرئيس الاعلى لي ، وبحكم انه فيه مليون مخرج هونوا عن الموضوع ، وان شاء الله رايحين مبني ثاني وبيحطون نظام الكروت ، وان شاء الله مافي مشاكل ، المشكلة هي عدم الثقة هذا اللي يذبح

[مزعله النساء]

السلام عليكم ورحمة الله وبركاته
اول شي خلهم يوسعون شوارعنا ويسوون جسور وانفاق ويقضون على الزحمة بعديين يتكلمون على دوام الموظقيين والتزامهم اما الحين صعب جدا
الواحد منا كل يوم يجرب شارع عشان يوصل لمكانه يطلع انه متأخر
صرت ماحب اسافر الا يوم الجمعه او السبت كله من الزحمه حتى السوق الواحد عافه

[qtri06]

من وجهة نظري

مفروض يكون في مرونه في العمل وخصوصا الموظفين اللي شغلهم لا يلامس خدمة العملاء بشكل مباشر
مطلوب منك 8 ساعات عمل ( مثلا ) لا بد تستوفيها فاليوم الواحد ولكن المرونه في وقت الحضور بالذات لان الحضور عند الساعه 7 صباحاً مع الزحمة الحاصلة اصبح جدا جدا صعب وخصوصا ان الموظفين اماكن توزيعهم السكنية مختلفه فيهم من يسكن اقصى الشمال او اقصى الجنوب ومكان عمله فالدوحة وحواليها .

ومع تخطيط شوراعنا صعب انك تخمن وقت الوصول المتوقع للعمل يوميا ( يوم توصل خلال نص ساعه ويوم تحتاج اكثر من ساعة وهكذا )

[مواقف النجادة]

اقترح تطبيقه فقط على المدراء و رؤساء الاقسام .. لان الموضف تقدر تحاسبة على انتاجيته في ما يخصه من عمل .. ولكن المدير ( علشان مجرد توقيع ) ممكن يعطل شغل عشرات الموضفين و يوقف شغل قسم او ادارة بكبرها ..

و من تجربتي الشخصية في البلدية و اشغال و كهرماء .. المعاملة ممكن تخلص في نفس اليوم من قبل الموضفين و لكنها تتعطل بالاسابيع لما يجي الدور على توقيع المدير .. و كل ما سئلنا عنه .. قالو عنده اجتماع في المكان الفلاني .. و الله اعلم وين يهيت !

[الرويـس]

قرار رااااااااااااااااااااااااااااااااااااااااااااااااا ائع

الالتزام بالوقت والانجاز امرين متلازمين

[الرئيس التنفيذي]

الانجاز اهم شي وبخاصة ان لكل وزارة اختصاصات ومهام وخطة استراتيجة تحدد kpi

[وطن]

الانجاز اهم شي وبخاصة ان لكل وزارة اختصاصات ومهام وخطة استراتيجة تحدد kpi

اسم على مسمى يالرئيس

:victory:

[أم محمد 90]

قرار سليم اتمنى يطبق..

احنا وزارتنا من 7 ونص لين 1 ونص ..

لكن تعال شوف الرسبشن والله اطلع 12 ونص احيانا اشوفه فاضي


شل عليه

[موظف ((حكومي]

لو عندك واسطه او تعرف المدير حتى ماتداوم

تعتبر مداوم

بتترقى وتعطا احسن وظيفه

واقل من ممتاز ماتاخذ في تقييم

[همر]

ذكرتني بشلة الفنيين اللي دشوا علي المكتب يبون يعرفون مخارج المبنى عندنا ، قلت لهم مش محتاجين تركبون لها جهاز الكرت ، واثقين من موظفينا وطبعا هالكلام من الرئيس الاعلى لي ، وبحكم انه فيه مليون مخرج هونوا عن الموضوع ، وان شاء الله رايحين مبني ثاني وبيحطون نظام الكروت ، وان شاء الله مافي مشاكل ، المشكلة هي عدم الثقة هذا اللي يذبح



المشكله في التفاحه الخايسه مادري البرتقاله الخايسه

المهم في خضره خايسه تخرب على باقي الفواكه

يعني عندنا في الشغل مافي شي اسمه حضور

وانصراف ولا توقيع ولا بصمه ولا قطريه22 ...


لييييييين مابدوا يدحبون الادارات بنات

تعالي شوفي الدوام الفله ...

حولوا المدراء فيهم ... يمين يسار ...

توعيه ... تثقيف ... تهديد ... انذارات ...

مافي فايده ... دوام محلات تلفونات ... يفتحون

على كيفهم ويسكرون على كيفهم ...

اضطروا المدراء الى وضع كشوفات حضور وانصراف

تجي الوحده الساعه ثمان تكتب ست ونص عيني عينك

طفح الكيل


من كثر الشكاوي اللي راحت للموارد البشريه

قرروا يركبون اجهزة البصمه ...


وفي النهايه فئه قليله خربت على كم الف موظف !!!

[وطن]

المشكله في التفاحه الخايسه مادري البرتقاله الخايسه

المهم في خضره خايسه تخرب على باقي الفواكه

يعني عندنا في الشغل مافي شي اسمه حضور

وانصراف ولا توقيع ولا بصمه ولا قطريه22 ...


لييييييين مابدوا يدحبون الادارات بنات

تعالي شوفي الدوام الفله ...

حولوا المدراء فيهم ... يمين يسار ...

توعيه ... تثقيف ... تهديد ... انذارات ...

مافي فايده ... دوام محلات تلفونات ... يفتحون

على كيفهم ويسكرون على كيفهم ...

اضطروا المدراء الى وضع كشوفات حضور وانصراف

تجي الوحده الساعه ثمان تكتب ست ونص عيني عينك

طفح الكيل


من كثر الشكاوي اللي راحت للموارد البشريه

قرروا يركبون اجهزة البصمه ...


وفي النهايه فئه قليله خربت على كم الف موظف !!!


عندنا من هالنوعية

لعلمك سمعت عن بنات كانو يعطون السايق أو البوي في الدوام يطق لهم الكرت
وصادوهم بالكاميرات

طبعا ما ننكر وجود نفس النوع من الشباب

الله يهديهم

بس هذا مب حل

الحل اجراء تأديبي

[همر]

عندنا من هالنوعية

لعلمك سمعت عن بنات كانو يعطون السايق أو البوي في الدوام يطق لهم الكرت
وصادوهم بالكاميرات

طبعا ما ننكر وجود نفس النوع من الشباب

الله يهديهم

بس هذا مب حل

الحل اجراء تأديبي



وشو الاجراء التأديبي ؟!! خصم من الراتب ؟!!

ليش على اساس عندهم التزامات يعني ؟!!

وحده راتبها فوق العشرين الف لو يخصمون نصه

شنو يعني !!! دام في فلوس حق الصالون والسندويشات

ماعندهم مشكله ،...


والقطري ما يتفنش ... تعالي دوري اجراء تأديبي ...


ماباقي الا يمدهم المدير فلقه عند باب الاداره !!!

[ضوى]

وشو الاجراء التأديبي ؟!! خصم من الراتب ؟!!

ليش على اساس عندهم التزامات يعني ؟!!

وحده راتبها فوق العشرين الف لو يخصمون نصه

شنو يعني !!! دام في فلوس حق الصالون والسندويشات

ماعندهم مشكله ،...


والقطري ما يتفنش ... تعالي دوري اجراء تأديبي ...


ماباقي الا يمدهم المدير فلقه عند باب الاداره !!!


من قال القطري مايتفنش ؟؟؟

هذاك اول ، بإدارتنا ثنتين تفنشوا والسبب عدم انضباطهم

[همر]

من قال القطري مايتفنش ؟؟؟

هذاك اول ، بإدارتنا ثنتين تفنشوا والسبب عدم انضباطهم


تعالي قولي حق الموارد البشريه

قبل يقولون لا تعطون الموظف ثلاث انذارات

ترى بينفصل ...


البنات قاموا يتجاكرون بالانذارات صكوا الثلاثه

والموارد البشريه يقولون مانقدر نفنشهم خخخخخخ

نكته صراحه ...

[ضوى]

تعالي قولي حق الموارد البشريه

قبل يقولون لا تعطون الموظف ثلاث انذارات

ترى بينفصل ...


البنات قاموا يتجاكرون بالانذارات صكوا الثلاثه

والموارد البشريه يقولون مانقدر نفنشهم خخخخخخ

نكته صراحه ...


مايقدر لانه مايبي تفنيشهم او مافي شي موثق ضدهم ، احنا كل شي موثق ، محد قدر يقول للمدير ثلث الثلاثة كم ،

[همر]

مايقدر لانه مايبي تفنيشهم او مافي شي موثق ضدهم ، احنا كل شي موثق ، محد قدر يقول للمدير ثلث الثلاثة كم ،


اقول لج انذارات رسميه يوقعون عليها البنات

وكأنهم يوقعون على ترقيات !!! اكثر من جيه

توثيق بعد مافي ...

يلا دوام الحال من المحال ... المشخاله جايه

واللي ماصلب نفسه بينشخل الى قاع الحنفيه ...

[ضوى]

اقول لج انذارات رسميه يوقعون عليها البنات

وكأنهم يوقعون على ترقيات !!! اكثر من جيه

توثيق بعد مافي ...

يلا دوام الحال من المحال ... المشخاله جايه

واللي ماصلب نفسه بينشخل الى قاع الحنفيه ...


معاك حق ، اللي ماشي عدل مابيأثر فيه مليون قرار ، واللي ماشي عوي بيصيده الراش

[R 7 A L]

همر
انتظر زيارة قريبة لكم من مسئول كبير الايام الجايه

[همر]

همر
انتظر زيارة قريبة لكم من مسئول كبير الايام الجايه


جان زين يجي اول الدوام ويشوف العالم متى تداوم...

[lion66]

السؤال اللي يسدح نفسه .....
ليش الموظفين ما يرتبون بينهم الدوام ....
يعني طلعني وأطلعك !!!!

[وطن]

وشو الاجراء التأديبي ؟!! خصم من الراتب ؟!!

ليش على اساس عندهم التزامات يعني ؟!!

وحده راتبها فوق العشرين الف لو يخصمون نصه

شنو يعني !!! دام في فلوس حق الصالون والسندويشات

ماعندهم مشكله ،...


والقطري ما يتفنش ... تعالي دوري اجراء تأديبي ...


ماباقي الا يمدهم المدير فلقه عند باب الاداره !!!

لا من قال لك ما عندهم التزامات
ومن قال لك العشرين تكفيهم اصلا
؟؟؟



تعالي قولي حق الموارد البشريه

قبل يقولون لا تعطون الموظف ثلاث انذارات

ترى بينفصل ...


البنات قاموا يتجاكرون بالانذارات صكوا الثلاثه

والموارد البشريه يقولون مانقدر نفنشهم خخخخخخ

نكته صراحه ...


شدعوه همر وين تداوم
شنو هالتسيب
والدلع


هذول فصل نهائي بدون تردد

[kitmat]

يستاهلون في ناس مستهترة بالوقت ومايعرفون ان كل دقيقة ايضيعها الموظف محاسب عليها عند رب العالمين في ناس يوميا انشوفهم بعيونا يدخلون سبع وربع وتكتب 7 اوقبل السبع يوم هامهم الوقت ليش مايطلعون بدري علشان يوصلون في الوقت

[Riku3]

الحمد لله على كل حال .. قبل في الحكومه كنت اوصل اول واحد بالقسم ودوم اطلع 2 و 55 اشغل الموتر كم دقيقه قبل لا امشي الا مناديني مدير القسم يكلمني على الخمس دقايق ! .. طبعا هو ندم نه فتح السالفه لاني مب مقصر وضربت امثله ودار بينا نقاش طويل مللته وكرهته عيشته لانه فتحلي السالفه ..

الحين في شركه مساهمه شغلنا هو الي يعكس تقييمنا ولله الحمد .

[Um Met3b]

تتفاوت الآراء طالما هناك عدم انضباط...

العدل والالتزام سيرضي الجميع...لا مبرر لعدم الالتزام بعذر انا ليس لدي عمل...طيب ليش راضي على نفسك

تكون كمالة عدد..وتستلم راتب غير محلل لك...

ما العدل في موظفين يستلمون نفس الراتب..واحد يداوم ساعة والثاني 8 ساعات بعذر الانتاجية ( عذر اللي قاعدين لا شغله الا التجمعات والسوالف والاكل)..

ان شاء الله بعد هذا التشديد في الحضور والانصراف..يتبعه تشديد في التقييم ليحصل الكل على حقه...

ويعقبه......اجراء أهم وهو التخلص من الموظفين ( الكمالة عدد )..!



انا مع المرونة في ساعات العمل......

تحية

[لاجل QT]

السؤال اللي يسدح نفسه .....
ليش الموظفين ما يرتبون بينهم الدوام ....
يعني طلعني وأطلعك !!!!


حرام مايجوز هذا غش ..اشلون شغلهم ماشي بهالناس المستهترة


يفضل يكون في استثناءات للناس المتاخرة اللى عندهم عذر مقبول للتاخير

اما المستهترين لابد من حسابهم

[اغلى الغاليات]

واللي يداومون من 7 لين 3 بيسامحونا في الساعه الزياده ..!!:weeping:

[المحاميه]

قرار حلو
الالتزام واجب
والانضباط مطلوب

يعني لازم تلتزمون بساعات الدوام الرسمي

انا أأيد هالخطوه واتمنى يحاسبون اللي يتلاعب بساعات الدوام ..


بس ترا انا اول وحده رحت فيها لاني ماداوم عدل وينخصم مني وانا شاقه الحلج :)

[المحاميه]

واللي يداومون من 7 لين 3 بيسامحونا في الساعه الزياده ..!!:weeping:

قصدج بيعوضونكم عن الساعه الزياده؟ :)


الجواب لا :)

[المحاميه]

لا من قال لك ما عندهم التزامات
ومن قال لك العشرين تكفيهم اصلا
؟؟؟



شدعوه همر وين تداوم
شنو هالتسيب
والدلع


هذول فصل نهائي بدون تردد

وطن انا معاج ف سياسة الانذار والفصل

بس اذا فصلنا هذا وهذي
من بقى؟
شلون بيمشي الشغل؟
تذكري أهم شي في المرفق العام انه يسير العمل فيه بانتظام واطراد ..
:)

[أم محمد 90]

الحمد لله على كل حال .. قبل في الحكومه كنت اوصل اول واحد بالقسم ودوم اطلع 2 و 55 اشغل الموتر كم دقيقه قبل لا امشي الا مناديني مدير القسم يكلمني على الخمس دقايق ! .. طبعا هو ندم نه فتح السالفه لاني مب مقصر وضربت امثله ودار بينا نقاش طويل مللته وكرهته عيشته لانه فتحلي السالفه ..

الحين في شركه مساهمه شغلنا هو الي يعكس تقييمنا ولله الحمد .

ذكرتني ف مسئولي ف داومي السابق

الله لا يذكره بالخير , لما طفشني لاني ادرس بالجامعة ويدري ان كلاسي 2
كنت اطلع 1:50 من الدوام

رغم اني اداوم ع الوقت الا انه طرش لي كتابين انذار بخروجي المبكر من الدوام !!!!!

والله ان الكتابين للحين عندي كل ما اقراهم اضحك عليه ..
واللي يقهر انهم يعتبرون رسميين وفيههم حرقات هههههههههههه

[المحاميه]

السؤال اللي يسدح نفسه .....
ليش الموظفين ما يرتبون بينهم الدوام ....
يعني طلعني وأطلعك !!!!

لان فيه فوق راسهم كيمرات مراقبه
يعني بينكر بيخلي التهمه تهمتين فوق راسه

:)

[اغلى الغاليات]

قصدج بيعوضونكم عن الساعه الزياده؟ :)


الجواب لا :)

ما ابي تعويض ابيها تنشال ..حالنا حال باقي الوزارات..:rolleyes2: