مجمع فيلاجيو وإنذارات الحريق !!!

[العلياا]

السلام عليكم ورحمه الله وبركاته

لاحظت بعد الحريق اللي صار في مجمع فيلاجيو ، صار إنذار الحريق يشتغل على طول !!

كل ما رحت له اسمع الانذار شغال والناس تمشي عادي ولا كأنه صوت إنذار ،
مرة كنت واقفة كنت باسكن روبن سمعنا صوت الانذار والبوابة ارتفعت بروحها ويوم رحنا نسأل السيكورتي قال لا مدام مافي شي وسكر البوابة !!
ومرة رفيجتي تقول لي في السينما بعد اشتغل الانذار وحتى الليتات بس محد طلع منها !!

سؤالي :
إذا الناس تعودت على صوت الانذار بهالطريقة لو ( لا قدر الله ) تكرر حادثة الحريق شلون ممكن نتأكد أنه فعلاً إنذار حقيقي ؟

وشكراً ،.

[بومحمد المطاوعه]

لاحول ولاقوه الا بالله

والله مصيبه الصراحه

السالفه لعبه في لعبه

لا سيفتي ولا خرابيط

لو الاجهزه صاحيه ونوعها زين

ماصاحو كل اشوي

ويمكن لأن الناس تدخل داخل المجمع

ومافي لا حسيب ولا رقيب

توقعي كل شي

من جذي العالم مب مفتكرين فالصوت

[قطريه22]

اي والله صادقه اذا تكرر جرس الانذار وهو مب حقيقي محد بيصدق وقت الصج ولاراح يميزون
يمكن بعد الحريق خلو الاجهزه حساسه حتى لو اي دخان بسيط يشتغل مثل الزقاير او دخان الطباخ في المطاعم

[ضوى]

لو الموضوع صحيح وجرس الانذار كل شوي يصيح ، منا إلى الدفاع المدني ، هالموضوع جدا خطير

[العلياا]

لاحول ولاقوه الا بالله

والله مصيبه الصراحه

السالفه لعبه في لعبه

لا سيفتي ولا خرابيط

لو الاجهزه صاحيه ونوعها زين

ماصاحو كل اشوي

ويمكن لأن الناس تدخل داخل المجمع

ومافي لا حسيب ولا رقيب

توقعي كل شي

من جذي العالم مب مفتكرين فالصوت

طبعاً مصبية كبيرة لاني استغرب الناس عادي تمشي ولا كأنه انذار حريق !!
ما تدري لين متى هالاهمال !!

[العلياا]

اي والله صادقه اذا تكرر جرس الانذار وهو مب حقيقي محد بيصدق وقت الصج ولاراح يميزون
يمكن بعد الحريق خلو الاجهزه حساسه حتى لو اي دخان بسيط يشتغل مثل الزقاير او دخان الطباخ في المطاعم

حساسة لدرجة ان انا لو قعدت ثلاث ساعات يصيح مرتين ما يصير !!
ترى صج صرت أتشأئم منه
الله يستر علينا وعلى جميع المسلمين

[مزعله النساء]

الموضوع خطير وصارت معاي كذا مره
في السينما مرتين...ولا حد تحرك
المشكله بعديين لا صار صج ...شالحل؟؟؟

[العلياا]

لو الموضوع صحيح وجرس الانذار كل شوي يصيح ، منا إلى الدفاع المدني ، هالموضوع جدا خطير

نعم الموضوع صحيح وأي حد زار هالمجمع مؤخراً بيعرف !!
يوم كنت صوب الالعاب على بالي صوت لعبة لكن حتى صوب المحلات هو صوت الانذار !!

إن شاءالله يتم حل المشكلة بأقرب وقت
:(

[معماري قطري]

المفروض لبروفات وتمرينات الحريق اجراءات تحطها الجهات المختصة وتشرف على تطبيقها

أَحياناً تكون بس تجربة النظام هل هو شغال أَو لا .. وفي مول المفروض التجربة تتم في وقت الاغلاق

إِذا بيحاولون يسوون تمرين لرؤية كيفية خروج الناس وعدم التدافع وفعالية أَبواب الطواريء .. المفروض يكون فيه تمثيل يشارك فيه الكل والكل يطبق الاجراءات .. لكن باشراف ولو تم رؤية طفل تايه يطمنونه الأَمن وكذلك كبير في السن أَو مريض أَو مقعد.

مول وكبير بهالحجم المفروض فيه اجراءات صح .. ألا الأَرض اللي في المواقف اللي بتستملكها الدولة وبتاكل فوق نص المواقف شبيسوون فيها؟ هل هي للقطار ولمحطة قطار على حساب المواقف؟ أَم لعمل مواقف متعددة الأَدوار مدمجة مع هذه المحطة وتخدم الملعب والمول؟ أَو التخطيط ما يدري والملكية لجهة معينة ما يدخل فيها تخطيط ثاني.

[موظف ((حكومي]

الدعوووووووووووووووووووه لعبه

[العلياا]

الموضوع خطير وصارت معاي كذا مره
في السينما مرتين...ولا حد تحرك
المشكله بعديين لا صار صج ...شالحل؟؟؟

العمر ما يتعوض أختي وأهم شي محد يتساهل في هالامور

[العلياا]

المفروض لبروفات وتمرينات الحريق اجراءات تحطها الجهات المختصة وتشرف على تطبيقها

أَحياناً تكون بس تجربة النظام هل هو شغال أَو لا .. وفي مول المفروض التجربة تتم في وقت الاغلاق

إِذا بيحاولون يسوون تمرين لرؤية كيفية خروج الناس وعدم التدافع وفعالية أَبواب الطواريء .. المفروض يكون فيه تمثيل يشارك فيه الكل والكل يطبق الاجراءات .. لكن باشراف ولو تم رؤية طفل تايه يطمنونه الأَمن وكذلك كبير في السن أَو مريض أَو مقعد.

مول وكبير بهالحجم المفروض فيه اجراءات صح .. ألا الأَرض اللي في المواقف اللي بتستملكها الدولة وبتاكل فوق نص المواقف شبيسوون فيها؟ هل هي للقطار ولمحطة قطار على حساب المواقف؟ أَم لعمل مواقف متعددة الأَدوار مدمجة مع هذه المحطة وتخدم الملعب والمول؟ أَو التخطيط ما يدري والملكية لجهة معينة ما يدخل فيها تخطيط ثاني.

ما أعتقد بروفه أخوي صار يشتغل اكثر من جرس المدرسة
وبخصوص استفساراتك والله كل اللي اعرف راح تستغل الارض عشان مشروع الريل !

[معماري قطري]

ما أعتقد بروفه أخوي صار يشتغل اكثر من جرس المدرسة
وبخصوص استفساراتك والله كل اللي اعرف راح تستغل الارض عشان مشروع الريل !

والناس وين توقف بعدين .. هي مجرد آراء في شكل استفسارات لأَني أَعرف إِن تفكير مخططينا العظام محدود... شفنا في دول عديدة محطات قطارات توقف السيارة جنبها .. يعني ممكن استغلال الأَرض مزدوج وحتى أَكثر بس يكون فيه تخطيط واستغلال سليم.

[العلياا]

والناس وين توقف بعدين .. هي مجرد آراء في شكل استفسارات لأَني أَعرف إِن تفكير مخططينا العظام محدود... شفنا في دول عديدة محطات قطارات توقف السيارة جنبها .. يعني ممكن استغلال الأَرض مزدوج وحتى أَكثر بس يكون فيه تخطيط واستغلال سليم.

المواقف الحالية مب كافيه مر صوب بوابة الماركات وشوف المنظر شلون موقفين فوق الرصيف منظر غير حضاري وحتى بين الشارع ووصلت الزحمة لين مواقف اسباير !!
مادري لين شلوا زيادة شبيصير بعد !!

الله يوفقهم :)

[المحاميه]

إذا شافوا ناس تراكض بيعرفون إن الموضوع صج مش مزح



:)

[بومحمد المطاوعه]

إذا شافوا ناس تراكض بيعرفون إن الموضوع صج مش مزح



:)

وليش هذي فيها مزح بعد ..؟

صفاره الانذار فيها مزح


ولا السالفه لعبه في لعبه

متى بيصيح خل يصيح


وين قاعدين فالبر
مافي قوانين ولا ضوابط

[بومحمد المطاوعه]

طبعاً مصبية كبيرة لاني استغرب الناس عادي تمشي ولا كأنه انذار حريق !!
ما تدري لين متى هالاهمال !!

اكيد لأنهم عارفين اللاعيب هذا المجمع الفاشل

[قطريه22]

بال اتخيل شكلي اسمع جرس الانذار وهو مافي شيء وانا اتراكض والناس مطنشين
عاد انا خوافه باطلع ركيض ويمكن اصيح
صح كلام المحاميه اذا حد من الناس ركض الكل بيركض

[Aaziz]

يعني لاتصير لكم سالفه الذيب و راعي الغنم

[مستر بن]

اممم جرس الانذار الايام العادية يشتغل ويتسككر .. مايطول ..

اما اذا لا سمح الله في حريق .. يشتغل ومايتسسكر ..

وانا كل مادشيت السينماا رن :shy:

[بومحمد المطاوعه]

بال اتخيل شكلي اسمع جرس الانذار وهو مافي شيء وانا اتراكض والناس مطنشين
عاد انا خوافه باطلع ركيض ويمكن اصيح
صح كلام المحاميه اذا حد من الناس ركض الكل بيركض


واذا حد ركض يبي الحمام الله يعزج

الكل بيركض وراه .؟


هههههههههههههه والله عقول تنك

[العلياا]

إذا شافوا ناس تراكض بيعرفون إن الموضوع صج مش مزح

:)



بال اتخيل شكلي اسمع جرس الانذار وهو مافي شيء وانا اتراكض والناس مطنشين
عاد انا خوافه باطلع ركيض ويمكن اصيح
صح كلام المحاميه اذا حد من الناس ركض الكل بيركض

قطرية كل واحد يطالع الثاني يعني شوف اذا طلعت انت انا وراك ههههههه

[بومحمد المطاوعه]

يعني لاتصير لكم سالفه الذيب و راعي الغنم

ياريال والله مهزله هالمجمع

من صجك

لا قانون ولا حسيب


وحلوه
لو ركضو
اروح اركض وراهم هههههههه

[بومحمد المطاوعه]

قطرية كل واحد يطالع الثاني يعني شوف اذا طلعت انت انا وراك ههههههه


ههههههههههههههه اقولج عاد


لا عادي بكره واحد بيشرب ببسي

الكل بيشرب ببسي وراه هههههههههههه

[العلياا]

اممم جرس الانذار الايام العادية يشتغل ويتسككر .. مايطول ..

اما اذا لا سمح الله في حريق .. يشتغل ومايتسسكر ..

وانا كل مادشيت السينماا رن :shy:

وانت تشوف ان هذا صح يتم يشتغل كل شوي ؟
توترنا منه

[قطريه22]

قطرية كل واحد يطالع الثاني يعني شوف اذا طلعت انت انا وراك ههههههه

هههههههههههههههههه اي

[قطريه22]

واذا حد ركض يبي الحمام الله يعزج

الكل بيركض وراه .؟


هههههههههههههه والله عقول تنك

هههههههههههههه مافي حد يروح الحمام ركض الا في البيت ههههههههههههههههه

[Super Cool]

الموضوع بسيط جداً

يتم تجربة أجهزة الإنذار بشكل دوري خارج ساعات الذروة لمدة "10 ثواني فقط" و بعدها يتوقف
بالعكس عمل مميز يجنبك اللي صار سابقاً و 10 ثواني ما يمدي الواحد يحدد حتى مساره فيها بالتالي محد تعطل

معروف أن الإنذار الحقيقي لا يتوقف إلى بمفتاح خاص من الدفاع المدني

[العلياا]

الموضوع بسيط جداً

يتم تجربة أجهزة الإنذار بشكل دوري خارج ساعات الذروة لمدة "10 ثواني فقط" و بعدها يتوقف
بالعكس عمل مميز يجنبك اللي صار سابقاً و 10 ثواني ما يمدي الواحد يحدد حتى مساره فيها بالتالي محد تعطل

معروف أن الإنذار الحقيقي لا يتوقف إلى بمفتاح خاص من الدفاع المدني

أخوي أو اختي
الموضوع ان صار بزيادة يعني ما يصير حتى يشتغل فالسينما كمثال وحتى الليتات تشتغل
في ناس ما تعرف ان جهاز الانذار يتم شغال في حال وجود حريق فعلي لا قدر الله
يعني الموضوع مب بسيط محتاجين يتم التحكم فيه واذا كانوا يبون يجربونه مب في وقت زحمه العالم فيه

وشكراً ،

[قطريه ماركه]

لاحظت هالشي

[قنديلة]

السلام عليكم ورحمه الله وبركاته

لاحظت بعد الحريق اللي صار في مجمع فيلاجيو ، صار إنذار الحريق يشتغل على طول !!

كل ما رحت له اسمع الانذار شغال والناس تمشي عادي ولا كأنه صوت إنذار ،
مرة كنت واقفة كنت باسكن روبن سمعنا صوت الانذار والبوابة ارتفعت بروحها ويوم رحنا نسأل السيكورتي قال لا مدام مافي شي وسكر البوابة !!
ومرة رفيجتي تقول لي في السينما بعد اشتغل الانذار وحتى الليتات بس محد طلع منها !!

سؤالي :
إذا الناس تعودت على صوت الانذار بهالطريقة لو ( لا قدر الله ) تكرر حادثة الحريق شلون ممكن نتأكد أنه فعلاً إنذار حقيقي ؟

وشكراً ،.

معاك حق وشاكره لك الملاحظة لانها كانت ف بالي من ايام وحصلتلي
فعلا اذا الناس تعودوا ان انذار الحريق شي عادي روتيني فماذا سيحصل في الحوادث الحقيقية!
ناهيك عن الاطفال الذين اذا اعتادوا ان انذار الحرائق شي (عادي) فلن يهتموا في المرات الحقيقية! الطفل يخزن المعلومة لمره واحدة ويثبتها في عقله الباطن

ارجو الحذر واتخاء اجراء مناسب.

شكرا الله يحفظ بلادنا من كل سوء انه السميع العليم.

[العلياا]

معاك حق وشاكره لك الملاحظة لانها كانت ف بالي من ايام وحصلتلي
فعلا اذا الناس تعودوا ان انذار الحريق شي عادي روتيني فماذا سيحصل في الحوادث الحقيقية!
ناهيك عن الاطفال الذين اذا اعتادوا ان انذار الحرائق شي (عادي) فلن يهتموا في المرات الحقيقية! الطفل يخزن المعلومة لمره واحدة ويثبتها في عقله الباطن

ارجو الحذر واتخاء اجراء مناسب.

شكرا الله يحفظ بلادنا من كل سوء انه السميع العليم.

اللهم آمين ،
شاكرة لج مداخلتج وإن شاءالله يتم إتخاذ الاحتياطات اللازمه ،.

[Super Cool]

أخوي أو اختي
الموضوع ان صار بزيادة يعني ما يصير حتى يشتغل فالسينما كمثال وحتى الليتات تشتغل
في ناس ما تعرف ان جهاز الانذار يتم شغال في حال وجود حريق فعلي لا قدر الله
يعني الموضوع مب بسيط محتاجين يتم التحكم فيه واذا كانوا يبون يجربونه مب في وقت زحمه العالم فيه

وشكراً ،

معاك أخوك

جرس الحريق ما يكون متقطع و إنما يرن بشكل متواصل و ما يوقف إلا من الدفاع المدني نفسه
هذا سستم دولي مب حكر على نوع معين أو بلد معين...و عدم معرفة المواطن بهالشي تقصير منه
و ليس خلل فالسستم الدولي المعترف به...,أجراس الإختبار كلها تكون متقطعة و غير مستمرة مهما
إختلف النوع

التقصير منا إحنا و مب من السستم...عمري ما سألت واحد من الشباب وين مخارج الطوارىء في فيلاجيو
و عرف يجاوب...و نص المواطنين لو واحد منهم لا سمح الله احتاج الدفاع المدني عنوان بيتهم اللي ساكن
فيه ما يعرفه

التقصير المرة اللي فاتت كان منهم بس إسمحيلي هالمرة أقول هالمرة إحنا الغلطانين و إحنا اللي وعينا محدود

[Serenade]

صحيح كلامك !! شكرا عالطرح

[العلياا]

معاك أخوك

جرس الحريق ما يكون متقطع و إنما يرن بشكل متواصل و ما يوقف إلا من الدفاع المدني نفسه
هذا سستم دولي مب حكر على نوع معين أو بلد معين...و عدم معرفة المواطن بهالشي تقصير منه
و ليس خلل فالسستم الدولي المعترف به...,أجراس الإختبار كلها تكون متقطعة و غير مستمرة مهما
إختلف النوع

التقصير منا إحنا و مب من السستم...عمري ما سألت واحد من الشباب وين مخارج الطوارىء في فيلاجيو
و عرف يجاوب...و نص المواطنين لو واحد منهم لا سمح الله احتاج الدفاع المدني عنوان بيتهم اللي ساكن
فيه ما يعرفه

التقصير المرة اللي فاتت كان منهم بس إسمحيلي هالمرة أقول هالمرة إحنا الغلطانين و إحنا اللي وعينا محدود

شكراً أخوي على التوضيح وانا احتاج الراحة اللي فقدناها في هالمجمع نروح له للحاجة واحنا ماسكين اعصابنا :)
شرفني مرورك

[بن كهلان]

المفروض وكما هو متبع في الدول الغربيه انه عند اختبار اجهزة انذار الحريق خاصةفي الاماكن المزدحمة مثل المجمعات التجارية فانها تستخدم المكبرات الصوتية (الميكرفون) لابلاغ الناس انه انذار تجريبي .
ايضا لابد من التنسيق مع الجهات الامنية خاصة الدفاع المدني اما ان تكون السالفة عشوائيه …فقدتكون عواقبها سلبية

[العلياا]

المفروض وكما هو متبع في الدول الغربيه انه عند اختبار اجهزة انذار الحريق خاصةفي الاماكن المزدحمة مثل المجمعات التجارية فانها تستخدم المكبرات الصوتية (الميكرفون) لابلاغ الناس انه انذار تجريبي .
ايضا لابد من التنسيق مع الجهات الامنية خاصة الدفاع المدني اما ان تكون السالفة عشوائيه …فقدتكون عواقبها سلبية

للتوضيح انا رحت في اوقات مختلف وايام مختلفة
وسمعت صوت الانذار وعدد من الاعضاء اكد ان صار معاه هالشي !