!!!!!! Parking !!!!!!!

[pink pearl]

السلام عليكم ورحمة الله وبركاته،،،

أصبحنا وأصبح الملك لله وحده لاشريك له،،،

http://www.raya.com/File/GetImageCustom/610e2a67-1edc-4119-bd9c-6a872daba6d4/316/235

اليوم بتكلم عن مواقف السيارات في قطر، والمعاناة اليومية اللي أشوفها في البحث عن موقف !!!!

كذا مرة أروح مستشفى حمد على الساعة 9 أو عشر ومن سابع المستحيلات تلقى مواقف عند الزوار أو حتى في الأدوار.. حتى إني صار لي إحباط وطلعت من المستشفى بعد أكثر من ساعة وأنا بس أدور على موقف.. أروح الموارد البشرية نفس المعاناة تتكرر!!!!

محلات المرخية ومجمع التاون سنتر في أكثر من 50 محل والمواقف أغلبها مشغولة، والمحل بس قدامه 3 أو 4 مواقف!!!!!

منطقة الأسواق، الجامعة، الأبراج مرات نضطر ندور بالساعة والساعتين ولا نحصل موقف!!وفي الأخير نطلع بدون أي فايدة!!!

والله المواقف صارت أزمة في كل مكان أروحه!!! يعني مستشفى حمد ولا مركز صحي الموظفين اللي في بالآلآف والمراجعين فيه من كل الجنسيات وفي الأخير كم موقف خاص للاستشارين والزوار؟؟؟!!!! وين المنطق...

صار الموقف هاجس واللي يلقى موقف هو محظوظ!!!

يعني أساساً المحلات أوالمجمعات ليش تنبني على وجه الشارع ؟؟؟؟ المفروض تكون فيه مساحة كبيرة على بعد الشارع للسلامة أولاً وللمواقف السيارات ثانياً!!!

المواقف أبسط حقوق العميل اللي المفروض يحصل عليها في أي مكان يروح له، مب معاناة أبدية يعاني منها بشكل يومي في كل مكان يروح له !!!!!

ياجماعة شالحل مع المواقف مب كفاية نعاني من الزحمة بعد تجينا أزمة المواقف؟؟؟!!!:weeping:

[المحاميه]

ما بالج بالموظفين اللي يتخالفون بسبت عدم وجود مواقف فيضطرون يبركنون ف الاماكن المخالفه؟

يعني يسجلوني غياب أو تأخير لين احصل موقف سليم أو أحضر عالوقت واتخالف؟


واللي يضحك زود المجمعات اللي افرضت رسوم عالمواقف عشان تنحل الأزمه .. ولا فيه فايده مازالت الأزمه قائمه

[دااانة قطر]

الله المستعاان
صاار لي كم يوم استأذن من شغلي عشاان اخلص اموري يروح الوقت وانا مالقيت موقف
امس من 7 ونص لين 10 وانا ادور موقف عند المحكمة الابتداائيه ولا حصلت
قبلها بكم يوم طلعت مع اخوي لوزارة العدل مع اخوي ماحصل موقف ركب عالرصيف ماخذنا 10 دقايق الا مخاالفة
يعني شنسوي من وين نجيب مواقف اركب معااه درااجته مثلا



حسبي الله ونعم الوكيل موضوعي عاالق والسبة موقف سياارة

[الرويـس]

لازم المعاناه
عشان نحس بطعم الحياة

كروستوفر الرويس

[pink pearl]

ما بالج بالموظفين اللي يتخالفون بسبت عدم وجود مواقف فيضطرون يبركنون ف الاماكن المخالفه؟

يعني يسجلوني غياب أو تأخير لين احصل موقف سليم أو أحضر عالوقت واتخالف؟

تصدقين علي مخالفة موقف.. لخويا الصبح يمرون يخالفون اللي واقفين غلط !!!! شنسوي يعني إذا مافيه موقف؟؟؟ شنو ذنب المريض ولا الزائر علشان مافيه موقف ؟؟؟؟ غلطة من ذي؟؟؟؟؟؟؟؟

[العلياا]

والله تعبنا ندور حل للزحمة والا للمواقف
شخصياً اذا بغيت اروح أي مكان اخلي حد يوديني لاني اتنرفز بسرعة ولو ما لقيت موقف رجعت البيت :)

أما بالنسبة للموظفين يفترض جهة العمل توفر لكل موظف موقف خاص به !
يعني انا لي موقف خاص فيني والحمدلله اموري طيبه

الله يكون في عونكم ..

[pink pearl]

ما بالج بالموظفين اللي يتخالفون بسبت عدم وجود مواقف فيضطرون يبركنون ف الاماكن المخالفه؟

يعني يسجلوني غياب أو تأخير لين احصل موقف سليم أو أحضر عالوقت واتخالف؟


واللي يضحك زود المجمعات اللي افرضت رسوم عالمواقف عشان تنحل الأزمه .. ولا فيه فايده مازالت الأزمه قائمه


الأزمة قايمة وبتزيد ترسباتها أكثر وأكثر مع الأيام.... وين المسؤولين ؟؟؟ السياح والوافدين أعدادهم قاعدة تزيد واحنا على وجه استضافة كاس العالم!!!

[راشد محمد]

المواقف مالها حل خاصه الأبراج / حتى منطقه الاسواق ماساه /يا ليت الوزارات تبتعد عن الدفنه /

[غزلان]

معاناتي الصبح وانا رايحه الشغل شي يصيح:rolleyes2:

[qatar i]

لايوجد هناك حل جذري لهذه المشكله الدوله وفرت المواقف وحسنت بعض الطرق ولكن لم تفكر بالزياده الرهيبه للوافدين ونجم عن ذلك امواج بشريه نراها يوميا ترتاد المرافق العامه وتسببت بمزاحمة المواطن

[ClassicRoyal]

المشكله مافي مساحه انه يسوون مواقف اضافيه الحل ماعنه ادري انه صعب انا كل ماروح مكان سواا الجامعه او غيره مافي باركن اوقف بعيييد بعيييد عشان اروح المحاضره وفي عز الشمس والدنيا ماشيه احمدوا ربكم في دول غيركم حالاتها اخس من جي

[pink pearl]

لخويا الساعة 9 يمرون يخالفون في مستشفى حمد.. انزين وين نوقف ؟؟؟
والله حرام

[شيخ الديرة]

يجب على كل من يتشكى من المواقف أن يجد حلا لمشكلته بطريقة أبداعية, لأن ليس هناك حلول سريعة.

معقولة ألاف الدريوليه راقدين في البيوت, والناس تتشكى من المواقف؟ خللوهم يوصلوكم بالفترة اللى ما عندهم شغل

كذلك ممكن الموظف يوقف سيارته في مكان على الطريق مثل ملعب او مصرف أو سوق أو مكان مشابه يناسبه , ويتفق مع موظف أخر ياخذه بطريقه لمحل عمله ويرجعه لذلك المكان نهاية اليوم

[طلعة الروح]

المفروض ان جهة العمل اللي مافيها باركنات توفر مكان آخر للموظفين لركن سياراتهم فيه ومن ثم تخصيص باصات للنقل من والى مكان الباركنق

[وحيد-الشوق]

لخويا الساعة 9 يمرون يخالفون في مستشفى حمد.. انزين وين نوقف ؟؟؟
والله حرام

هذا الي يرفع الضغط يعني انا اذا لقيت موقف بصف غلط !!!!!

[hanayen]

ليش يعتبرون موظفين وما يوفرون لنا مواقف انا صرت اروح الدوام بحقد على العمل خمسه عشر سنوات خدمه وفي النهايه يقولون الاولويه للعميل

[hanayen]

المفروض ان جهة العمل اللي مافيها باركنات توفر مكان آخر للموظفين لركن سياراتهم فيه ومن ثم تخصيص باصات للنقل من والى مكان الباركنق
طلعه الروح ترى طلعت روحنا
على اخر عمرنا صرنا نركب باصات فيها حريم ورجاجيل علشان نوصل الشغل متأخر لان الباص يأخذ عشرين دقيقه علشان المواقف المخصصة في جلعه وادرين وعندنا عيال حال العالم نوصلهم مدارسهم
حسبي الله ونعم الوكيل
المفروض المواقف هذي تكون حق المراجعين وتنقلهم الباصات مب العكس
الله المستعان
صامدون لخدمه الوطن رغم ان الكثيرون هربوا من هذي الأماكن الحساسه

[شيخ الديرة]

ليش يعتبرون موظفين وما يوفرون لنا مواقف انا صرت اروح الدوام بحقد على العمل خمسه عشر سنوات خدمه وفي النهايه يقولون الاولويه للعميل
صح, هذا هو الصح, الأولوية للعميل لأنه هو محرك المؤسسة والوظيفة

كنت أعمل في مستشفى في دولة غربية, أكبر طبيب يصير أرنب أمام مدير مواقف السيارات, ويا سواد ليلو اذا انمسك موقف سيارته في مواقف المرضى

اليوم في مؤسسة حمد على سبيل امثال, الطبيب ملك والمريض عبد, وهذا لا يصح أبدا

[شيخ الديرة]

المفروض المواقف هذي تكون حق المراجعين وتنقلهم الباصات مب العكس


تنقل 50 موظف مرة الصبح ومره نهاية الدوام أفضل مما تنقل 500 مراجع 50 مرة طول اليوم

[hanayen]

تنقل 50 موظف مرة الصبح ومره نهاية الدوام أفضل مما تنقل 500 مراجع 50 مرة طول اليوم
اكثر من الف وخمسمئة موظف
الله لا يحطك في مكانا علشان تذوق ما ذاقت الأرواح

[شيخ الديرة]

اكثر من الف وخمسمئة موظف
الله لا يحطك في مكانا علشان تذوق ما ذاقت الأرواح

وكم مراجع ؟؟

[Only Me]

المفروض كل جهة حكومية توفر مواقف على عدد الموظفين يعني كل موظف له موقف مومعقوله اتاخر اشوي مااحصل موقف بس احصل مخالفة
والقهر ان بعض جهات الحكومية عندها مواقف خاص لكبار الشخصيات والبنات ورؤساء الاقسام وتحصل نصف هالمواقف فاضيه حتى المواقف حق ناس وناس

[مختلفة عقليا]

السلام عليكم .,

وبعدين مع الغباء في التخطيط ., ؟؟

صج والله ., وبعدين ., ؟؟

يسلموو .,

[العنيده]

زحمه في زحمه الله المستعان
مع زياده عدد المشاريع والعماله في الدوله مالنا غير سياكل :omen2:
لو يفعلون الباصات تبع النقل بصوره صح ممكن بدل ماياخذون سياره يعتمدون عليها بس الله الحمدلله على كل حال

[hanayen]

Zsmz


وكم مراجع ؟؟

انا متأكد انك اتصف جدام دوامك
اللي يده في الماي ومب مثل اللي يده في النار

[مو مهم]

المشكله من المراجعين ( المستشفى)

حنا نسبب زحمه بمستشفى حمد صخونه او كحه نروح له زين فيه مراكز صحيه مواقفها تشكي من قله المراجعين

اما منطقه الابراج الصراحه تخطيط فاشل

واشكر وزاره التخطيط العمراني على بنائها لمواقف مقابل البرج بس ما تكفي

[hanayen]

المفروض يكون خدمه صف السيارات حق المراجعين بسعر رمزي في المواقف البعيدة
ارحموا من في الارض يرحمكم من في السماء
الموظف يداوم كل يوم والعميل يراجع مره او مرتين في السنه والاولويه حق المراجع لا بارك الله فيها من شغله الموظف غير محترم في عمله يخدم اكثر من عشر سنوات وفي النهايه يقولون له اركب باص علشان توصل عملك
مجرد عذبوا موظفينهم ومشكله المواقف ما نحلت لان المسؤلين عندهم مواقف خاصه فيهم لأنهم مسؤولين عن الحلول التعبانه

[كيلو حديد]

نصيحة و دوم اسويها والله يسهلي موقف بطريقه عجيبه

صلي على رسولنا صلى الله عليه وسلم وانت تدورين موقف والله بيسهلك هالشيء

[شيخ الديرة]

Zsmz

انا متأكد انك اتصف جدام دوامك
اللي يده في الماي ومب مثل اللي يده في النار

الله شاهد إني دافع غرامات مواقف في منطقة عملي إثناء الدوام. مرة إحتجيت باللحضة اللي كان الشرطي يكتب الغرامة، ثار علي وهدد ياخذني لمكتب التحريات، مع إني كل اللي طلبت منه يقللي وين علامة ممنوع الوقوف

[معماري قطري]

الله يعين وأَرض فيلاجيو اللي للمواقف جزء يبنون فيها توسعة لزيادة الخردة وجزء كبير استملكته الحكومة للريل ..خلاص نستعمل الريل حق نروح فيلاجيو.

سُعال يطرح نفسه .. ليش ما يكون التخطيط مزدوج مواقف أَدوار ومحلات .. مواقف أَدوار وكذلك مبنى محطة القطار واللي هو.

[hanayen]

ارض الله واسعه يجب بناء مستشفيات لتغطي جميع المناطق وبناء المجمعات والمؤسسات خارج الدوحة
الدوحة بتنفجر من كثر المشاريع المقامه على أراضي صغيره من غير تخطيط وصل عدد السكان فوق المليونين ومئتين ومعظم الخدمات داخل الدوحة

[مرتبش]

شارع البنوك ما اطبه..مستحيل احصل موقف ودوامهم طويييييل الواحد يحصلها من زحمة الشوارع او مواقفهم او دوامهم..
مستشفى حمد الصبح اغسل ايدك تحصل موقف ..
اما منطقة الابراج فهي سجن خمس نجوم..ابراج حلوة لكن المراجعين مايقدرون يدخلونها والموظفين يقضون وقت طويل للخروج من متاهاتها بسبب الزحمة

[بريق الحق]

نصيحة و دوم اسويها والله يسهلي موقف بطريقه عجيبه

صلي على رسولنا صلى الله عليه وسلم وانت تدورين موقف والله بيسهلك هالشيء

سبحان الله
صارت معااي وبذات مع الاهل بركة العبريه (:

[معماري قطري]

شارع البنوك ما اطبه..مستحيل احصل موقف ودوامهم طويييييل الواحد يحصلها من زحمة الشوارع او مواقفهم او دوامهم..
مستشفى حمد الصبح اغسل ايدك تحصل موقف ..
اما منطقة الابراج فهي سجن خمس نجوم..ابراج حلوة لكن المراجعين مايقدرون يدخلونها والموظفين يقضون وقت طويل للخروج من متاهاتها بسبب الزحمة

مشكور على هالوصف الدقيق .. شكلنا من اللي نشوفه من تخبيط في بلادنا وصلت بنا البلاغة درجة ما وصلوها العرب أَيام الجاهلية .. والأَبراج ما وصلت نص طاقتها الاستيعابية.

[معماري قطري]

سبحان الله
صارت معااي وبذات مع الاهل بركة العبريه (:

أَرجوكم ارحمونا من الأَلغاز

[بريق الحق]

أَرجوكم ارحمونا من الأَلغاز

هههههه لا مب لغز ولا شي العبري "

[الجوكر90]

نصيحة و دوم اسويها والله يسهلي موقف بطريقه عجيبه

صلي على رسولنا صلى الله عليه وسلم وانت تدورين موقف والله بيسهلك هالشيء
بالضبط
او استغفر ع طول احصل
اكثر مره تاخرت فيها ربع ساعه

ونصيحه دام بتطلعون من الشغل لين المكان الثاني عشان تخلصون اشغالكم
طلبو لكم كروه او ليموزين تدفعون 30 او 40 وﻻ يضيع عليكم اليوم

[دنيا الاسهم]

اتمنى يحطون المواقف بفلوس (وتكون الساعة ب 10 ريالات او اكثر خاصة في المواقف الضرورية من مستشفيات وغيرها) عشان الهنود وغيرهم من الجنسيات العربية اللي تعرفونها يحرمون يصفون السيارة بالموقف بالساعات وهم في مكان ثاني ويمكن مخلين السيارة عدة ايام نفس الموقف ،،،
وناس محتاجة الموقف وعندهم مراجعة ضرورية ولا قادرين يوقفون في اي مكان عشان المخالفات والزحمة الكريهة
حسبي الله ونعم الوكيل

[pink pearl]

الصراحة الوضع صار لايطاق لايطاق في مواقف مستشفى حمد

[المواطن]

بسيطه حل المواقف
والحل ان يطلع مسئول يعمم ان المباني والابراج ما تنبني الا عندما يخصص جزء من اراضيها للمواقف او تكون لها مواقف كافيه تحت الارض للمراجعين.

بالنسبه للمستشفى يمنعون الموظفين وخاصة الممرضين اللي تلقاهم من الساعه خمس ونص صافين في مواقف المراجعين وفي نفس الوقت يراجعون اعداد المواعيد اليومية للمرضى وتهيئة مواقف تكفي المراجعين.

وبالنسبة للبنوك اللي ماكلين الاخضر واليابس وشافطين الحلو والمالح وفالحين لي حققنا ارباح ربع سنوية ونصف سنوية وسنوية كذا وكذا مليون يلزمهم البنك المركزي وتلزمهم البلديه بتخصيص مواقف لعملاء البنك اللي يطلعون منهم هالارباح ولا والموقف ما يفتح للعميل الا ببطاقة الصراف الآلي وبطاقه خاصه للشركات.

وسلامتكم

[معماري قطري]

الصراحة الوضع صار لايطاق لايطاق في مواقف مستشفى حمد

حلها سهل .. تنبني مواقف متعددة أَدوار ولا بس دورين على كل المواقف .. والخرسانة تركيب والبنيان بسرعة .. مثال قطر للبترول بانية ورا السد يلازا.

[lion66]

التخطيط ... والتخطيط .. والتخطيط ... طيييط

[أبورودي]

الحل بكل بساطه اللجوء لتاكسي خاص للذهاب الى الاماكن المزدحمه وهذا هو الحل الذي اراه مناسب فى ظل هذا الزحام

[جوال 11]

الحل فرض رسوم على المواقف طريق سلوى مستحل من قبل اصحاب معارض السيارات وكثير من الايام تحتاج قضاء موضوع لك وترجع بخفي حنين واحيانا تحتاج لسائق لتوصيلك

[pink pearl]

وتستمر المعاناة في السوق والشغل والمستشفى ووووو إلخ