احذركم من تلاعب شركة موتسبيشي للمصاعد ( eta )

[Chambray]

بعد البحث والتحري اكثر من شركة ، اتجهت بقناعه إلى شركة موتسبيشي ( eta ) وتم توقيع العقد

للاسف ، لغتي الانجليزية ضعيفه ، ولكن لم اهتم لثقتي ان شركة كبيرة نفس eta لاتخدع

تم توقيع العقد وكانت الفيلا قيد الانشاء

وبعد 7 اشهر تم توصيل المصعد ووضعه في حوش الفيلا !!

عند الانتهاء من العظم اتصلت بهم واخبرتهم ان المصعد لايجب ان يكون في الحوش بسبب الاحوال الجويه السيئة ( غبار وحراره ) واخبرتهم ان يتم تركيب المصعد

اخبروني انه يجب دفع 45% من قيمة المصعد لتركيبه مع العلم باني دفعت 50% عند توقيع العقد

يعني الاجمالي حالياً 95%

طلبوا مني طلبات متعبه للامانه

تركيب سقالات ( خشب )
وانا من يقوم برفع المصعد للسطح ( بواسطة كرين ) وليس هم
تركيب قواعد حديد ( انا من يقوم بتفصيلهم )
كل هالامور موجوده بالعقد وانا على نياتي وقعت !!

المشكلة ليس هنا

بعد التركيب وتشطيب البيت
استلمت رساله منهم من شهر 6 الماضي يفيد بان الضمان انتهى !!

ذهبت إليهم واخبروني باني لا اقلق ، لان هذا ضمان المصنع ، وان بعد التركيب يوجد صيانه مجانية لمدة سنه مع قطع الغيار ..

المشكلة ان كلهم هنود ، مافي حد عربي تقدر تتفاهم معاه للاسف ..

من شهر تقريباً دخلت الكهرباء البيت ، وتم تركيب المكيفات ، وتم دفع ال 5% لشركة موتسبيشي لكي يصبح المبلغ المدفوع 100% ( وهذا المبلغ 5% هو لتشغيل المصعد )

وبالفعل تم حضورهم بعد يومين فقط ، وتم تركيب المصعد

توقف العمل بعد 5 ايام ، حيث اخبرني المهندس المسؤول ان هناك قطعه لاتعمل ، ويجب استبدالها ..

قلت اوكي دام على الصيانه والضمان بدلها

قال لا الضمان انتهى .. واحنا قلنا لك ان الضمان المصنعي انتهى

قلت له مالي خص في ضمانكم ، قطعه ما استخدمتها ابداً ، وما تشتغل ليش ادفع قيمتها !!

كم قيمتها زين ؟
قالي قيمتها 12 ألف !!!

الحين ادفع 12 الف ريال علشان قطعه انا ما استخدمتها !!!!! شهالبوق !!!!

قالي الضمان سنتين من تاريخ التركيب

قلت له اوكي سنتين ، لو انت تركبته وشغلته وشفت كل شئ يشتغل وبعد سنتين جيتني وقلت لي ترا قبل سنتين شغنالك كل شئ وكل شئ كان يشتغل ممتاز لكن الحين القطعه اختربت باقول يمكن

لكن القطعه جايه من الوكاله خربانه !! انا ايش لي خص ، ليش ادفع مبلغ اضافي كبير علشان قطعه ما استخدمتها

المهم طرشولي اليوم قيمة القطعه

ومناحسين معاي الا ادفع قيمتها

انزين وين الصيانه المجانية !! وين قطع الغيار المجانية !!! تغير كلامهم ولا شسالفه !! ولا يبوني ادفع لهم بس بدون لايشتغل المصعد !!!!!!!!!!!!


صراحة انا منقهر من تصرفهم وتعاملهم

وابغي اعرف من صاحب هالشركة ( القطري ) علشان اتفاهم معاه وجه بوجه

ممكن حد يساعدني في هالشئ ؟

[معماري قطري]

لو تذكر قلت رايي في الشركة قبل انهم طغوا ويستغلون الناس في عقودهم وفي تعاملهم .. سووا فينا نفس الشيء تقريباً ومعاهم واحد عربي طيب يحاول يطلع حقك .. لكن هددتهم بأَني ما انصح بهم وأشهر بهم وهذا من حقي .. واجتهدوا بعد المقابلة والتهديد لكن يستاهلون التشهير أَقل شيء بسبب طغيانهم .. والمشكلة هنود حتى انجليزيتهم كشره بس المنتج زين وايد .. المفروض يجيبون قطع غيار بسعر معقول 12000 حول 12% من قيمة المصعد.

لنا حول 15 سنة مركبين مصعد في عمارة مع الصيانة والضمان والحمد لله للحين صيانتهم زينة ولا ندفع غير 8 الاف سنوياً تكلفة عقد الصيانة والضمان.

[Chambray]

لو تذكر قلت رايي في الشركة قبل انهم طغوا ويستغلون الناس في عقودهم وفي تعاملهم .. سووا فينا نفس الشيء تقريباً ومعاهم واحد عربي طيب يحاول يطلع حقك .. لكن هددتهم بأَني ما انصح بهم وأشهر بهم وهذا من حقي .. واجتهدوا بعد المقابلة والتهديد لكن يستاهلون التشهير أَقل شيء بسبب طغيانهم .. والمشكلة هنود حتى انجليزيتهم كشره بس المنتج زين وايد .. المفروض يجيبون قطع غيار بسعر معقول 12000 حول 12% من قيمة المصعد.

لنا حول 15 سنة مركبين مصعد في عمارة مع الصيانة والضمان والحمد لله للحين صيانتهم زينة ولا ندفع غير 8 الاف سنوياً تكلفة عقد الصيانة والضمان.

وينه هالعربي الي معاهم دلني عليه
او دلني وين احصل كفيهم او مدير شركتهم ..

الموضوع وصل حده معاي ..

انا مادري شنو كاتبين لي في الرساله الاولى .. مافهمتها تبي الصج .. 5 شهور مالت شنو .. حسبي الله عليهم

[Hamad_qa]

وينه هالعربي الي معاهم دلني عليه
او دلني وين احصل كفيهم او مدير شركتهم ..

الموضوع وصل حده معاي ..

انا مادري شنو كاتبين لي في الرساله الاولى .. مافهمتها تبي الصج .. 5 شهور مالت شنو .. حسبي الله عليهم

ال 5 شهور هي المدة المتوقعة لوصول اي قطعة غيار يتم طلبها عن طريقهم من المصنع

الصراحة طريقتهم ترفع الضغط وما ألومك .. أنا لو منك اروح لمديرهم العام وفي نفس الوقت تواصل مع حماية المستهلك ..

[Hamad_qa]

أنا مأخذ منعم تسعيرة و كنت متردد .. الحين بكنسل و بشوف Fuji

[معماري قطري]

وينه هالعربي الي معاهم دلني عليه
او دلني وين احصل كفيهم او مدير شركتهم ..

الموضوع وصل حده معاي ..

انا مادري شنو كاتبين لي في الرساله الاولى .. مافهمتها تبي الصج .. 5 شهور مالت شنو .. حسبي الله عليهم

هي الله يسلمك أُمور تعاقدية .. مختصرها إِحنا جبنا لك المصعد وقطيناه في الحوش .. بس هذي قطيناه يحملون العميل مسؤوليتها ولازم حماية المعدات بتغطيتها عدل وخصوصاً مرت سنتين من وردوه كما هو في خطابهم .. الخمس شهور هذي الفترة اللي يوردون فيها أَي قطعة مختربة .. بالنسبة للعربي اللي معاهم عندي احساس انه طلع وعندي الرقم لكن اسمه مب مسجله للي يبي يجرب حظه الرقم 55935196

[معماري قطري]

أنا مأخذ منعم تسعيرة و كنت متردد .. الحين بكنسل و بشوف Fuji

الله يوفقك .. الشركات وايد وقول لهم في المنتدى انتوا تحت التقييم السيء كخدمة ومعاملة .. شوف هذا مصعد من تايسن كرآب .. اعتقد وكيله المسند والمفروض يكون رخيص وعملي .. ممكن تغطية هيكله حتى لو كان في مكان مكشوف وتثبيته من فوق وتحت .. ويتغطى بحايط جبس بسيط أَو خشب أَو زجاج يبين مكشوف من داخل.

http://www.qatarshares.com/vb/showthread.php?517773-%D5%F5%E6%D1%F1%DA%F5%E3%D1%C7%E4%ED%C9%F1-%E6%CA%F3%CD%E1%ED%E1%F1/page7

[معماري قطري]

وينه هالعربي الي معاهم دلني عليه
او دلني وين احصل كفيهم او مدير شركتهم ..

الموضوع وصل حده معاي ..

انا مادري شنو كاتبين لي في الرساله الاولى .. مافهمتها تبي الصج .. 5 شهور مالت شنو .. حسبي الله عليهم

الله يعينك كفيلهم علي بن خليفة الهتمي .. ومديرهم هندي متين ملابسه ضيقة عليه وزانط نفسه بكرفته ومصدق انه مدير .. والله هزيت مبناهم انا بالتهديد والصوت العالي شرشحت به عدل .. واتوقع صارت خرابات بس حلوها بنفسهم .. أَلحين عندنا 3 مصاعد معاهم وبعقود صيانة وضمان وصيانتهم زينه والحمد لله.

[مواقف النجادة]

مشكور يالشيخ على النصيحة ...

انا قريب كنت باتفق مع شركة مصاعد حق البيت و كنت حاط هالشركة كخيار..

باي باي متسوبيشي !

[Chambray]

الله يعينك كفيلهم علي بن خليفة الهتمي .. ومديرهم هندي متين ملابسه ضيقة عليه وزانط نفسه بكرفته ومصدق انه مدير .. والله هزيت مبناهم انا بالتهديد والصوت العالي شرشحت به عدل .. واتوقع صارت خرابات بس حلوها بنفسهم .. أَلحين عندنا 3 مصاعد معاهم وبعقود صيانة وضمان وصيانتهم زينه والحمد لله.

وين احصل مكتبه علي بن خليفه الهتمي ؟؟؟ او رقم تلفونه ...

[Chambray]

هي الله يسلمك أُمور تعاقدية .. مختصرها إِحنا جبنا لك المصعد وقطيناه في الحوش .. بس هذي قطيناه يحملون العميل مسؤوليتها ولازم حماية المعدات بتغطيتها عدل وخصوصاً مرت سنتين من وردوه كما هو في خطابهم .. الخمس شهور هذي الفترة اللي يوردون فيها أَي قطعة مختربة .. بالنسبة للعربي اللي معاهم عندي احساس انه طلع وعندي الرقم لكن اسمه مب مسجله للي يبي يجرب حظه الرقم 55935196
كذابين
المصعد ماصار له في الحوش حتى اسبوعين

ركبته داخل البيت عن الشمس وحمايه له ومصكر عليه عدل

حسبي الله عليهم .. يتلاعبون حتى في الكلام وفي الكتب الرسميه

[Chambray]

مشكور يالشيخ على النصيحة ...

انا قريب كنت باتفق مع شركة مصاعد حق البيت و كنت حاط هالشركة كخيار..

باي باي متسوبيشي !

والله روح حق اي شركة ثانية علشان ترتاح مستقبلاً .. انا لحد الآن ماشتغل عندي المصعد ومتضايق من تعاملهم جداً

[Chambray]

ال 5 شهور هي المدة المتوقعة لوصول اي قطعة غيار يتم طلبها عن طريقهم من المصنع

الصراحة طريقتهم ترفع الضغط وما ألومك .. أنا لو منك اروح لمديرهم العام وفي نفس الوقت تواصل مع حماية المستهلك ..

الله كريم .. باتواصل مع الجميع .. وباشوف الترتيب ان شاء الله

[معماري قطري]

كذابين
المصعد ماصار له في الحوش حتى اسبوعين

ركبته داخل البيت عن الشمس وحمايه له ومصكر عليه عدل

حسبي الله عليهم .. يتلاعبون حتى في الكلام وفي الكتب الرسميه

لازم ترفع قضية في هذي الحالة .. يمكن مغلطين من كثر الشغل عندهم ويمكن يبون غيرهم يدفع أَخطائهم .. ويمكن يسرقون العميل من ورا الشركة .. ولازم عندك شهود ومراسلات والعقد

[زقرتي ومزاجي]

حماية المستهلك الوووو

[وطن]

روح حق حماية المستهلك
هم المفروض يحلونها لك

[المحاميه]

لك حق تزعل وتنقهر
الصراحه السالفه تبط الجبد
وفيها ظلم

بس المشكله ان الضمان منتهي وهالشي ف صفهم ف شلون بتساعد نفسك؟

[Chambray]

مرفق لكم العقد علشان تشوفون الفرق بين صياغه العقد والتلاعب الي يصير في باقي الصفحات .. اول صفحتين تكون واضحتين ان كل شئ من حق العميل
لكن الصفحات الجايه مدخلين فيها امور تبهدل العميل

[Chambray]

لازم ترفع قضية في هذي الحالة .. يمكن مغلطين من كثر الشغل عندهم ويمكن يبون غيرهم يدفع أَخطائهم .. ويمكن يسرقون العميل من ورا الشركة .. ولازم عندك شهود ومراسلات والعقد

انا اصلن مافهمت شنو مطرشين لي صراحه !!
والشهود موجودين لاني مبلط الحوش من سنه تقريباً وباني في الحوش مجلس بعد هههههههههه يعني شلون بابلط والمصعد في الحوش
ايضاً لو قالوا في السطح ، السطح نظفته وحطيت العازل بعد ماركبت المصعد داخل البيت وعندي الفواتير والعقود للعوازل والتبليط

[Chambray]

روح حق حماية المستهلك
هم المفروض يحلونها لك

حماية المستهلك الوووو


راسلت حماية المستهلك بنشوف ايش بيسوون ..

[Chambray]

لك حق تزعل وتنقهر
الصراحه السالفه تبط الجبد
وفيها ظلم

بس المشكله ان الضمان منتهي وهالشي ف صفهم ف شلون بتساعد نفسك؟
انا الي منبطة جبدي عليه ان على اي اساس الضمان ينتهي !! والمصعد ماشتغل !!!!!!!!

كل شئ يكون ( الضمان بعد التشغيل )

هم قالولي امس يوم ان الضمان من تاريخ التركيب

انزين يوم تاريخ التركيب هل شيكتوا على القطع !! ولا دافع 95% بس هشكل !!
يعني احين دفعت 95% باشرد ومب دافع ال 5% مثلاً

للاسف يضمنون حقهم ولا يضمنون حق العميل

[فلان]

الله يعينك الشيخ

اتصل شركة الهتمي 44023091

اطلب منهم الرقم المباشر لـ هتمي علي الهتمي أو عيس الهتمي

ان شاء الله الوكالة لين الحين عندهم و يقدرون يساعدونك

[Chambray]

الله يعينك الشيخ

اتصل شركة الهتمي 44023091

اطلب منهم الرقم المباشر لـ هتمي علي الهتمي أو عيس الهتمي

ان شاء الله الوكالة لين الحين عندهم و يقدرون يساعدونك
الله يجزيك خير ياخوي
بامر عليهم الاحد
وباشوف الموضوع معاهم

[(عبدالله)]

:: Chambray ::

الله يعينك وييسر لك ويرجع لك الحق منهم

من بعد ما مريت بأول تجربة خداع معاي مع تصميم الخرايط، صرت دقيق في كل شي وأناقش العقود حرف حرف وأحياناً على الرغم من حصولي على عرض سعر أقل لكني أرفضه لأني أكتشف إني بكون تحت رحمته ويكون مقدم الخدمة مأمن نفسه بس.
مثال: كنت على وشك أتعاقد مع (مكيفات) ميتسوبيشي الكتريك شركة أعمال ب260 ألف وحصلت عرض أقل ب40 أو 50 ألف ماأذكر من شركة تراي أنقل لكن صيغة العقد وأسلوب عمل المدير من خلال مقابلتي له خلتني أتنازل وأرجع لشركة أعمال.

أنا أنصحك بالخطوات اللي أنت قاعد تقوم بها الآن انك تقابل صاحب الشركة وتمشي الأمور بالنقاش والود والتفاوض وتمسك عليهم بوتر (سمعة الشركة) وأنهم قاعدين يستغفلون العميل ويستغلون الطابع العام لأهل قطر انهم يتعاملون بالثقة قبل القانون... للأسف.. وما نكتشف الشي إلا عند أقرب خطأ .. وإذا ما مشى الموضوع معاهم فالإجراءات القانونية من حماية المستهلك وغرفة التجارة والمحاكم الله لا يوصلك لهالمرحلة.

أذكر في رحلة بحثي عن المصاعد رحت لشركة ميتسوبيشي شنقهاي وعطوني عرض سعر والمتطلبات الفنية لكن بعد دردشتي معاهم اكتشفت ان التكاليف بتزيد علي وخاصة في سالفة النقل والكرين ...إلخ فتركتهم. رحت مصاعد أطلس عطوني سعر رخيص يمكن 70-80 ألف لكن يبقون شركة خاصة وجديدة على الدوحة وما سمعت عن تجارب سابقة لهم وعقدهم فضفاض فما ارتحت.

تعاقدت مع شركة المفتاح (مصاعد فوجي) التزموا بكل الأمور ماعدا قبل اسبوعين (يعني بعد سنة من العقد) اكتشفنا خطأ بالصدفة إن العقد قايم على 4 طوابق لكنهم وردوا وركبوا على أساس 3 طوابق، والغريب انهم بالفعل كانوا مركبين البكرات والحبال في الطابق الرابع (البينت هاوس). في النهاية مدير الشركة قدم لي اعتذاره وقال الخطأ من عندهم وبشحنون لي الأجزاء الناقصة بالطيارة توصل خلال 10 ايام.


الله ييسر ويسهل لك ويوفقك أخوي وبشرنا شصار معاك

[Hamad_qa]

:: Chambray ::

الله يعينك وييسر لك ويرجع لك الحق منهم

من بعد ما مريت بأول تجربة خداع معاي مع تصميم الخرايط، صرت دقيق في كل شي وأناقش العقود حرف حرف وأحياناً على الرغم من حصولي على عرض سعر أقل لكني أرفضه لأني أكتشف إني بكون تحت رحمته ويكون مقدم الخدمة مأمن نفسه بس.
مثال: كنت على وشك أتعاقد مع (مكيفات) ميتسوبيشي الكتريك شركة أعمال ب260 ألف وحصلت عرض أقل ب40 أو 50 ألف ماأذكر من شركة تراي أنقل لكن صيغة العقد وأسلوب عمل المدير من خلال مقابلتي له خلتني أتنازل وأرجع لشركة أعمال.

أنا أنصحك بالخطوات اللي أنت قاعد تقوم بها الآن انك تقابل صاحب الشركة وتمشي الأمور بالنقاش والود والتفاوض وتمسك عليهم بوتر (سمعة الشركة) وأنهم قاعدين يستغفلون العميل ويستغلون الطابع العام لأهل قطر انهم يتعاملون بالثقة قبل القانون... للأسف.. وما نكتشف الشي إلا عند أقرب خطأ .. وإذا ما مشى الموضوع معاهم فالإجراءات القانونية من حماية المستهلك وغرفة التجارة والمحاكم الله لا يوصلك لهالمرحلة.

أذكر في رحلة بحثي عن المصاعد رحت لشركة ميتسوبيشي شنقهاي وعطوني عرض سعر والمتطلبات الفنية لكن بعد دردشتي معاهم اكتشفت ان التكاليف بتزيد علي وخاصة في سالفة النقل والكرين ...إلخ فتركتهم. رحت مصاعد أطلس عطوني سعر رخيص يمكن 70-80 ألف لكن يبقون شركة خاصة وجديدة على الدوحة وما سمعت عن تجارب سابقة لهم وعقدهم فضفاض فما ارتحت.

تعاقدت مع شركة المفتاح (مصاعد فوجي) التزموا بكل الأمور ماعدا قبل اسبوعين (يعني بعد سنة من العقد) اكتشفنا خطأ بالصدفة إن العقد قايم على 4 طوابق لكنهم وردوا وركبوا على أساس 3 طوابق، والغريب انهم بالفعل كانوا مركبين البكرات والحبال في الطابق الرابع (البينت هاوس). في النهاية مدير الشركة قدم لي اعتذاره وقال الخطأ من عندهم وبشحنون لي الأجزاء الناقصة بالطيارة توصل خلال 10 ايام.


الله ييسر ويسهل لك ويوفقك أخوي وبشرنا شصار معاك

ممكن الشيخ تقولنا كم كانت تكلفة شركة فوجئ؟
وكم العمق اللي طلبوا لـ elevator pit ؟

[Azizuk]

الله يسلمك انا تعاقدة مع شركة فوجي وكيلهم المفتاح والصراحة ارتحت لمعاملة مدير المصاعد.
اردني الجنسية ومحترم وماقصرو معاي مع العلم عندي عرض من متسوبيشي بسعر 165 الف بعد الخصم ومن غير ديكورات حلوه بس من كثر ما سمعت عنهم غيرت رأيي

والحمدالله فوجي عندهم ديكورات حلوه واختيارات متنوعة وعندهم بعد نوعين من المحركات واحد ياباني الصنع بس سعرة يفرق 30 الف ريال عن المحرك الصيني توكلت على الله وخذة محرك الصيني بعد ما سالت الفني اللي عندهم قالي 5 سنوات مركبين في فلل وعمارات وما حد اشتكى منهم والياباني بعد نفس الشي وكلهم نفس الأداء الفرق ان الأيدي العاملة في اليابان سعرها غالي وهذا اللي رافع سعر الياباني
طبعا انا مأخذ من عندهم حق فلا دورين مع بنتاهوس بسعر 130 الف ريال حمولة 8 أشخاص

[بوNasser]

مشكور يالشيخ على النصيحة ...

انا قريب كنت باتفق مع شركة مصاعد حق البيت و كنت حاط هالشركة كخيار..

باي باي متسوبيشي !


السلام عليكم ورحمة الله

اعتقد لازم نفرق بين المتسوبيشي كمصنع للمصاعد، وبين الشركة اللي تتولى التوريد والتركيب والصيانة

المصعد ما عليه كلام، بس ما ادري اذا هذي الشركة ((مؤسسة الاتحاد الكهربائي والميكانيكي)) هي وكيل مصاعد متسوبيشي، ام انها مجرد شركة (سيئة) تقوم بالتوريد والتركيب...

عندنا في الشغل شركة (( المعمورة للمصاعد)) ركبت لنا مصاعد (اعتقد نوعيتها متسوبيشي) وهي اللي تقوم بالصيانة بعقد سنوي ((حوالي 6000 ريال))، بمعدل زيارة كل شهر.

نصيحتي لك اخوي Chambray بما ان الضمان منتهي، انصحك شوف بعض شركات المصاعد، واستفسر منهم حول اصلاح وصيانة مصعدك، وان دعت الحاجة وقع معاهم عقد صيانة سنوي وفك عمرك.

ايضا لو قدرت تعرف القطعة المعطوبة جرب تسأل عن سعرها في دول الخليج، أو شوف في النت يمكن تلقاها ارخص، وما اعتقد استبدالها بيكون مشكلة.

[معماري قطري]

وضع غريب صراحة .. الضمان سنة بعد التركيب والتشغيل مع صيانة مجانية هذا للمتسوبيشي ورسايلهم تقول منتهي الضمان .. شكلهم غلطانين أَو يلعبون .. بس بعد في عقودهم إِن على المالك إِنه يوفر مخزن ويحمي المعدات .. تناقض غريب المشكلة هنووووووووووود

[Chambray]

وضع غريب صراحة .. الضمان سنة بعد التركيب والتشغيل مع صيانة مجانية هذا للمتسوبيشي ورسايلهم تقول منتهي الضمان .. شكلهم غلطانين أَو يلعبون .. بس بعد في عقودهم إِن على المالك إِنه يوفر مخزن ويحمي المعدات .. تناقض غريب المشكلة هنووووووووووود

هذا هو

هو تلاعب بالدرجة الاولى ، وبهالحركة عبالهم انهم اذكياء
لاني متأكد 1000% ان سووا هالحركة حق اكثر من شخص قطري ومشت عليه ، وقالوا خلاص الموضوع سهل ، أكتب ورقه وهم بيصدقون وبتمشي عليهم ، الشعب دفيع مايهتم بالفلوس

على فكرة
يوم عطيتهم العين الحمرا اتصل لي الهندي ( المهندس ) الي كاتب الكتاب
وقالي باجيك البيت ضروري ابيك في موضوع
قلت له تعال

يوم جا قالي شوف كلمت انا المدير وقالي التركيب علينا وكل شئ علينا لكن القطعه هو يشتريها
يعني انت تدفع بس 5500 ريال !!!!!!!!!!

يعني من 12 الف قالي تدفع 5500 !!! يعني هذا التلاعب بعينه وعلمه

لكن والله ماراح اسكت لهم

واذا بيتكلمون بمبدأ ان الضمان منتهي

ترا السيارات توصل قطر وتقعد بالسنه والسنتين ، والضمان مايشتغل عند العميل إلا عند تشغيل السيارة ومعرفه مافيها من خلل وعيوب
مب يسري الضمان مجرد ماتوصل السيارة الدوحة !!!

الموضوع تلاعب بالدرجة الاولى .. وانصح الجميع بقراءة العقد 1000 مرة قبل التوقيع خصوصاً الصفحات التي تلي العقد ثم المواصفات ثم في ورقة يحطونها ( يكتبون على المالك انه يوفر كيت كيت كيت ) وانا ما انتبهت لهذه الورقة لانها جات الورقه قبل الاخيره فتوقعتها ورقه عاديه مافهمت ايش فيها من كلام

المفروض ان في قانون يضمن حقنا كقطريين ، ككتابه العقود باللغه الرسمية للدولة ، وهي اللغه العربية ، وليس اللغه الانجليزية !!!

اعتقد في فرنسا لو بتسوي عقد مع اي شئ بيكون العقد بناء على لغه القانون في الدوله وهي اللغه الفرنسية
ايضاً في بريطانيا
وامريكا والمانيا وغيرها


لكن الواحد يتعلم من اغلاطه واخطاءه

[معماري قطري]

هذا هو

هو تلاعب بالدرجة الاولى ، وبهالحركة عبالهم انهم اذكياء
لاني متأكد 1000% ان سووا هالحركة حق اكثر من شخص قطري ومشت عليه ، وقالوا خلاص الموضوع سهل ، أكتب ورقه وهم بيصدقون وبتمشي عليهم ، الشعب دفيع مايهتم بالفلوس

على فكرة
يوم عطيتهم العين الحمرا اتصل لي الهندي ( المهندس ) الي كاتب الكتاب
وقالي باجيك البيت ضروري ابيك في موضوع
قلت له تعال

يوم جا قالي شوف كلمت انا المدير وقالي التركيب علينا وكل شئ علينا لكن القطعه هو يشتريها
يعني انت تدفع بس 5500 ريال !!!!!!!!!!

يعني من 12 الف قالي تدفع 5500 !!! يعني هذا التلاعب بعينه وعلمه

لكن والله ماراح اسكت لهم

واذا بيتكلمون بمبدأ ان الضمان منتهي

ترا السيارات توصل قطر وتقعد بالسنه والسنتين ، والضمان مايشتغل عند العميل إلا عند تشغيل السيارة ومعرفه مافيها من خلل وعيوب
مب يسري الضمان مجرد ماتوصل السيارة الدوحة !!!

الموضوع تلاعب بالدرجة الاولى .. وانصح الجميع بقراءة العقد 1000 مرة قبل التوقيع خصوصاً الصفحات التي تلي العقد ثم المواصفات ثم في ورقة يحطونها ( يكتبون على المالك انه يوفر كيت كيت كيت ) وانا ما انتبهت لهذه الورقة لانها جات الورقه قبل الاخيره فتوقعتها ورقه عاديه مافهمت ايش فيها من كلام

المفروض ان في قانون يضمن حقنا كقطريين ، ككتابه العقود باللغه الرسمية للدولة ، وهي اللغه العربية ، وليس اللغه الانجليزية !!!

اعتقد في فرنسا لو بتسوي عقد مع اي شئ بيكون العقد بناء على لغه القانون في الدوله وهي اللغه الفرنسية
ايضاً في بريطانيا
وامريكا والمانيا وغيرها


لكن الواحد يتعلم من اغلاطه واخطاءه

انا أَقول لك اللي صاير معانا ومستغرب ليش قالوا لك الضمان منتهي ويوم جاك الهندي جاء خايف يبي يحل الموضوع .. صدقني الهنود يخافون من القانون ومن حد يشتكي عليهم .. انا 3 تجارب معاهم ولا يبدأَ الضمان والصيانة المجانية الا بعد التركيب ولمدة سنة وبعدين توقع معاهم لو حبيت عقد صيانة وضمان سنوي وتدفع دفعات حسب اتفاقك معاهم أَما سنوي أَو نص سنوي أَو ربع سنوي.

أَول تجربة معاهم كانت زينه وايد لكن الثنتين الأَخيرين تعبونا فيهم وكانوا من فترة سنة تقريباً مع بعض لبيت وعمارة.

إِن شاء الله بتنحل أُمورك وانتبه لعقد الصيانة والضمان بعد السنة الأُولى لأَنه مهم ومهم هم يتابعون ولا حد غيرهم .. فيه شركات ثانية بتسوي لك صيانة كل شوي تزييت وصيانة خفيفة بس بدون ضمان وبتتورط ورطة ثانية بعدين .. بالتوفيق لك ان شاء الله.

[بوNasser]

السلام عليكم ورحمة الله

الله يعينك على هالنوعية من الناس، اللي ما تجي الا بالعين الحمرا.

بس تدري شالغريب في وضعك.

الغريب انك قبلت يوردون لك المصعد قبل التركيب، ويخلونه عندك، لمدة سنتين، حسب كلامهم في الورقة، وهذا خطأ.

المفروض كان يتم عندهم في المخازن لين تنتهي من العظم وتنوي التركيب، وقتها يجيبون لك المصعد، علشان ما يكون لهم عذر بمسألة الضمان.

الله يوفقك وتحياتي لك وللجميع

[khaldoon]

تعاملنا معهام في برج باللؤلؤة كانوا متعبين جدا و مثل ما تفضلت كلهم هنود... من اسوأ الشركات اللي تعاملت معها الصراحه وكلهم نصابين ولا يحرتمون اتفقايتهم

[Chambray]

تم حل المشكلة بشكل ودي اليوم ولله الحمد

انصحكم بقراءه العقد جيداً قبل التوقيع مع اي شركة
جميع الاوراق
جميع البنود

واي شئ ماتفهمه لاتوقع عليه الا فاهمه 100%

سؤال تعاقدتوا مع موتسبيشي ولا اوتيس ولا اي شركة ثانية

[Chambray]

لقد اغلقت الموضوع ، اعتقادي بان المشكلة قد حلت
ولكن المشكلة لازالت مستمره

آخر زيارة لهم تم تنزيل مبلغ القطعه من 12 الف حتى 4 الاف ولكني رفضت دفع اي ريال لان القطعه اختربت قبل التشغيل

وتمت الموافقة على استكمال العمل واستبدال القطعه بقطعه جديده واخطار الشركة الام بذلك
اخبرني المدير بالتوقيع على الورقه ، ان تم حل المشكلة وان الكلام الي قالوه هو الي بيصير

ولكن بعد ذلك اتصل بي المحاسب يخبرني بضرورة دفع 4000 ريال المستحقه علي !!


ذهبت الى المدير العام مرة اخرى واخذ باللف والدوران ولا طلعت بنتيجة معاه وقالي انت كنت موافق على دفع ال 4000 ووقعت على الورقه

قلت له انت قلت كلام وطلعت من عندك راضي وحلينا المشكلة الحين تقولي انت وقعت على ورقه !!

على فكرة سحبت شكوتي يوم طلعت من عندهم من حمايه المستهلك ايماناً مني بان كلامهم مسمار في لوح !!
لكن للاسف الواحد مايصدقهم كلش

والله اني متحسف اني وقعت مع هالشركة
يحمون نفسهم ضد اي شئ ، ودايماً العميل هو الغلطان
ومايحترمون العميل .. اخبر الشركات الكبيره في اوروبا اهم شئ عندها سمعتها وكسب رضا العميل ..

لكن الله يعيني والله تعبت من كثر المشاكل .. الشركات تاخذ فلوسها وماتعطيك الشغل المرجو منهم 100% واذا صار شئ كأنهم هم متصدقين عليك ومسويين لك الشئ ببلاش .. مب تعب الليل والنهار وشقى العمر قاطه في هالبيت

الله يعينا عليهم

[CH Engineer]

أرجع لحماية المستهلك

[Chambray]

أرجع لحماية المستهلك

هذا الي صار

بس ليش مايمشون سيده لازم ندخل حمايه المستهلك في كل شئ

[بوخالد911]

زززين انك خبررتنا

الله يقطع سوالفهم

[معماري قطري]

زززين انك خبررتنا

الله يقطع سوالفهم

هذي سوالفهم وسوالف غيرهم طول ما المسئلة مفتوحة .. يخالف ويتعب العميل ويمكن عملاء كثيرين ما يشتكون يسكتون ويمشون الشغل .. قليل اللي يشتكون والشكوى ترد لهم أَقل حقوقهم بس .. ولا يكون فيه تاريخ شكاوي وان تكررت يزيد العقاب حسب التكرر والمشكلة .. ولا فيه قوانين محددة وتدخل في العقود .. يخلون للشركة الحق تحمي نفسها وللعميل المكتوب بس .. خذوا مثال شركات السيارات ومصانعها في العالم .. الكيا والهونداي أَلحين تعطي ضمان 100000 ميل = 162000 كم أَو 10 سنين حق سياراتها في أَمريكا وعندنا مستحيل مع ان الضمان احتمال يكون عالمي .. السيارات الأَمريكية مثل الكدلك يعطون 3 سنين أَو 60 ألف ميل .. عندنا شايلين الميل وحاطين بداله كيلومتر وغير عن اللعب الزايد على العميل .

سين سؤال .. منهم المختصين في حماية المستهلك والعارفين حق خفايا هالمواضيع؟ في الغالب موظفين عاديين يشتغلون بالبركة .. بعض الشركات تعرض عليك خدمة سريعة وسيارة توصلك في حالة مشكلة .. وهي تتعامل مع الأَجنبي حتى لو آسيوي أَو غيره غير عن القطري .. كلمت وكالة المناعي بخصوص بطارية سيارة مفضية والسيارة تحت الضمان .. قالوا جيبها قلت ما عندكم سيارة الصيانة السريعة .. قالت لي الموظفة العربية اصبر شوي باشوف لك أَقرب موعد .. بعد نقاش مع مسؤولها وأَكيد قالت له اني قطري قال لها قولي له بعد 4 أيام أَو خمس نسيت بالضبط بس دور اسبوع ..قاصدينها هم وشغلت السيارة باشتراك ورحت لهم قالوا خل السيارة أَقل شيء 3 أَيام .. ليش عقاب بطارية وخلاص .. قالوا لازم نفحص كل شيء فيها مع اني كنت مدخلها صيانة دورية من فترة بسيطة .. يعني المفروض في هذي الحالات الثابتة يكون فيه انذار وتحذير وبعده مخالفات متدرجة .. منها يفتك العميل ومنها يفتكون حماية المستهلك .. لكن لو اشتكى الواحد احاول اطلع حقه بحب الخشوم بيكبر خشم التاجر أَو الوكيل من كثر الحب وبتكثر فلوسه بالباطل وما بتكون فيه حماية للمستهلك.

[Chambray]

هذي سوالفهم وسوالف غيرهم طول ما المسئلة مفتوحة .. يخالف ويتعب العميل ويمكن عملاء كثيرين ما يشتكون يسكتون ويمشون الشغل .. قليل اللي يشتكون والشكوى ترد لهم أَقل حقوقهم بس .. ولا يكون فيه تاريخ شكاوي وان تكررت يزيد العقاب حسب التكرر والمشكلة .. ولا فيه قوانين محددة وتدخل في العقود .. يخلون للشركة الحق تحمي نفسها وللعميل المكتوب بس .. خذوا مثال شركات السيارات ومصانعها في العالم .. الكيا والهونداي أَلحين تعطي ضمان 100000 ميل = 162000 كم أَو 10 سنين حق سياراتها في أَمريكا وعندنا مستحيل مع ان الضمان احتمال يكون عالمي .. السيارات الأَمريكية مثل الكدلك يعطون 3 سنين أَو 60 ألف ميل .. عندنا شايلين الميل وحاطين بداله كيلومتر وغير عن اللعب الزايد على العميل .

سين سؤال .. منهم المختصين في حماية المستهلك والعارفين حق خفايا هالمواضيع؟ في الغالب موظفين عاديين يشتغلون بالبركة .. بعض الشركات تعرض عليك خدمة سريعة وسيارة توصلك في حالة مشكلة .. وهي تتعامل مع الأَجنبي حتى لو آسيوي أَو غيره غير عن القطري .. كلمت وكالة المناعي بخصوص بطارية سيارة مفضية والسيارة تحت الضمان .. قالوا جيبها قلت ما عندكم سيارة الصيانة السريعة .. قالت لي الموظفة العربية اصبر شوي باشوف لك أَقرب موعد .. بعد نقاش مع مسؤولها وأَكيد قالت له اني قطري قال لها قولي له بعد 4 أيام أَو خمس نسيت بالضبط بس دور اسبوع ..قاصدينها هم وشغلت السيارة باشتراك ورحت لهم قالوا خل السيارة أَقل شيء 3 أَيام .. ليش عقاب بطارية وخلاص .. قالوا لازم نفحص كل شيء فيها مع اني كنت مدخلها صيانة دورية من فترة بسيطة .. يعني المفروض في هذي الحالات الثابتة يكون فيه انذار وتحذير وبعده مخالفات متدرجة .. منها يفتك العميل ومنها يفتكون حماية المستهلك .. لكن لو اشتكى الواحد احاول اطلع حقه بحب الخشوم بيكبر خشم التاجر أَو الوكيل من كثر الحب وبتكثر فلوسه بالباطل وما بتكون فيه حماية للمستهلك.

احب ابشرك انهم ارتكبوا خطأ قانوني فادح وغير مغتفر من قبلي ، قسماً بالله لاطلعها من عيونهم في المحاكم ..
هذا الي يقولك ( وقعوا في شر اعمالهم ) هههههههههههههه

[captin]

مشكور على الموضوع المهم ليس فقط في مجال المصاعد بل جميع االأجهزة والخدمات ذات الطابع الشبيه .

انا شخصيا مشكلتي مع نفس الشركة مماثل تماما بديت ابني سنة 2010 وعلى طول رحت طلبت منهم مصعد
نوع ميتسوبيشي لثلاث مستويات بيسمنت وارضي واول . وصل المصعد بعد الطلب بحوالي 4 او 5 شهور واستلمته وحطيته في جزء من حوش البيت الحالي
ولظروف معينة وكثرة الانشغال وما عندي وقت اشطب الى الان وللحين واقف على مرحلة العظم

سألت الشركة من فترة عن المصعد هل يتأثر من الشمس والغبار والهواء والامطار على مدى 3 سنين قالوا لا ما راح يصيده شي
لكن الضمان منتهي سألتهم شلون ينتهي وهو ما ركب ولا اشتغل قالو احنا الضمان عندنا يبتدي من تاريخ التسليم راجع العقد .

بالمنطق والمفروض ان ضمان أي آلة او معدة او جهاز يسري من تاريخ تركيبة وتشغيله مو من تاريخ توريده .
تعاملت مع شركة ثانية في مجال التكييف الدكت سبليت ماركة ميتسوبيشي ركبوا عندي الدكتات ووقفوا

سألتهم ليش قالوا ما نبي نجيب لك الوحدات من الحين وانت للحين ما بديت التشطيب لان الضمان راح ينتهي عليك فالافضل اول ما تقرب تسكن
البيت راح نجيب لك الوحدات ونركبها ونجربها وبعدها يسري الضمان .

هذا مثال على ناس فاهمة تشتغل باحترافية وذمة لمصلحة العميل لأن التعامل والخدمة الممتازة يعتبر رصيد لهم وسمعة راح تجلب لهم عقود


في رأيي هناك دور أيضا على حماية المستهلك او احدى الجهات الحكومية الرقابية انها تحط عقود قياسية لمختلف الخدمات وتلزم الشركت فيها
لحماية المستهلك من الغش وعدم تحري محتوى العقود والكثير من المواطنين حتى المتعلم مثلنا وبداعي الاستعجال راح يوقع على شروط في غير مصلحته.

[معماري قطري]

مشكور على الموضوع المهم ليس فقط في مجال المصاعد بل جميع االأجهزة والخدمات ذات الطابع الشبيه .

انا شخصيا مشكلتي مع نفس الشركة مماثل تماما بديت ابني سنة 2010 وعلى طول رحت طلبت منهم مصعد
نوع ميتسوبيشي لثلاث مستويات بيسمنت وارضي واول . وصل المصعد بعد الطلب بحوالي 4 او 5 شهور واستلمته وحطيته في جزء من حوش البيت الحالي
ولظروف معينة وكثرة الانشغال وما عندي وقت اشطب الى الان وللحين واقف على مرحلة العظم

سألت الشركة من فترة عن المصعد هل يتأثر من الشمس والغبار والهواء والامطار على مدى 3 سنين قالوا لا ما راح يصيده شي
لكن الضمان منتهي سألتهم شلون ينتهي وهو ما ركب ولا اشتغل قالو احنا الضمان عندنا يبتدي من تاريخ التسليم راجع العقد .

بالمنطق والمفروض ان ضمان أي آلة او معدة او جهاز يسري من تاريخ تركيبة وتشغيله مو من تاريخ توريده .
تعاملت مع شركة ثانية في مجال التكييف الدكت سبليت ماركة ميتسوبيشي ركبوا عندي الدكتات ووقفوا

سألتهم ليش قالوا ما نبي نجيب لك الوحدات من الحين وانت للحين ما بديت التشطيب لان الضمان راح ينتهي عليك فالافضل اول ما تقرب تسكن
البيت راح نجيب لك الوحدات ونركبها ونجربها وبعدها يسري الضمان .

هذا مثال على ناس فاهمة تشتغل باحترافية وذمة لمصلحة العميل لأن التعامل والخدمة الممتازة يعتبر رصيد لهم وسمعة راح تجلب لهم عقود


في رأيي هناك دور أيضا على حماية المستهلك او احدى الجهات الحكومية الرقابية انها تحط عقود قياسية لمختلف الخدمات وتلزم الشركت فيها
لحماية المستهلك من الغش وعدم تحري محتوى العقود والكثير من المواطنين حتى المتعلم مثلنا وبداعي الاستعجال راح يوقع على شروط في غير مصلحته.

هنا أَساس الحل .. تطوير حماية المستهلك لتكون شاملة لكل دوائر الرقابة .. مثل التخطيط العمراني ووجود جهة إِشرافية على كل التصاميم وليس كما هو حاصل الآن تطبيق شروط بسيطة وعدم التفرغ لمراجعة الخرائط الإِنشائية، ويجب أَن يكونوا مراجعي هذه الخرائط على قدر من الخبرة بحيث يطلبوا من المكاتب تصميم آمن واقتصادي .. وكمواصلة لدورهم المهم يجب تدقيق وتوثيق عقود البناء وعدم الرضى بمواصفات رخيصة وضعيفة وضارة .. هذا بالاضافة الى واجبات كثيرة من حيث رقابة المكاتب والتشديد عليها.

نجي لوكالات السيارات ونطالب بشروط عامة أَكثر لتحسين خدمة العملاء وليس فقط يحلون كل شكوى.

حماية المستهلك والبلاد والبيئة من المواد الرديئة والغش الصناعي من دخول البلاد بواسطة ناس ذمتهم وسيعة.

طول ما القوانين متخاذلة وتحتاج لصرامة وتعديل طول ما حماية المستهلك بروحها تحتاج حماية.

[Chambray]

بيض الله وجهكم يا حمايه المستهلك .. والله انكم ( كفو ) قدها

تم حل كل المواضيع العالقه بالتعاون مع حماية المستهلك

[سهم عتيج]

تستاهل يابومحمد.. خللك معاي يمكن أحتاج نصايحك بعدين لأني بديت تركيب الأصنصير وياهم..

ولحد الحين الامور طيبة..

[Chambray]

تستاهل الخير يالغالي .. الله يعينك هههههههههه
أقرأ العقد من الحين بند بند لاتتدبس معاهم

[بوخالد911]

بيض الله وجهكم يا حمايه المستهلك .. والله انكم ( كفو ) قدها

تم حل كل المواضيع العالقه بالتعاون مع حماية المستهلك


ززززززززين انتهت سالفتك ع خير

[مواقف النجادة]

اخوي ياريت تعطينا نصائح و تفاصيل بخصوص بنود العقد .. علشان ما نكرر اخطاءك ..


و بالمناسبة ايش سووا حماية المستهلك و شقالولهم بالظبط ؟

شوية تفاصيل الله يرضى عليك .. علشان نستفيد

[طير حوران]

نصيحه للي يبي يركب ويرتاح دماغه

مؤسسة القافله التجاريه

السيد / سامر

جربهم ولن تندم

بوخالد

[معماري قطري]

نصيحه للي يبي يركب ويرتاح دماغه

مؤسسة القافله التجاريه



السيد / سامر

جربهم ولن تندم

بوخالد

ما شاء الله كل يوم تطلع شركة جديدة

أَخبر شركة القافلة كان مقرها في السد سوق علي بن جاسم وكان تخصصهم ملبوسات رجالية

نبي معلومات عن نوعية المصاعد اللي عندهم ومصنعيتها ولو صورة من عقودهم وشروطهم بما اننا نناقش موضوع الخربطيشن الحاصل في العقود.

[طير حوران]

ما شاء الله كل يوم تطلع شركة جديدة

أَخبر شركة القافلة كان مقرها في السد سوق علي بن جاسم وكان تخصصهم ملبوسات رجالية

نبي معلومات عن نوعية المصاعد اللي عندهم ومصنعيتها ولو صورة من عقودهم وشروطهم بما اننا نناقش موضوع الخربطيشن الحاصل في العقود.

هلا والله اخي العزيز

القافله للمصاعد هى فرع للقافله التي تعرفها وهى تعمل بالمتاجره في المصاعد وتركيبها وصيانتها منذ اكثر من 40 سنه وبالتالي هى ليست جديده ولديها الكثير من العقود والاتفاقيات مع المؤسسات الخاصه والعامه وكذلك الكثير من الافراد