الماي بصلاه الجمعه ..

[حمد 2002]

السلام عليكم ورحمه الله وبركاته ..
الموضوع يحمل العنوان التالي ..

الماي بصلاه الجمعه ..
انتشرت عادي هالايام وهي قيام مجموعه او بعض من اصحاب وفاعلي الخير بوضع كوارتين ماي ببعض المساجد بهدف كسب الاجر ..
ولكن هالشيء يسبب ازعاج للمصلين ورواد المسجد وخشوعهم ..
حيث نجد بان الاطفال يتسارعون ويمشون بالمسجد بهدف الحصول على غراش الماي الموجوده عند البوابه الرئيسيه .. وبالتالي سيطوفون امام المصلين والحركه الزايده تربك المصليين وتزعجهم وماتخليهم ينسجمون بصلاتهم ..

وضع الماي فعل جميل وفيه ثواب ولكن من الافضل تنظيم العمليه تلك ..

بالتوفيق ..

[بحر شرق]

إنما الاعمال بالنيات

[بريق الحق]

خذ خطيب الجمعه على صوب ونبه الشيخ جزاك الله خير

[R 7 A L]

شلون تنظم العملية ؟
تحط كراتين الماي قدام عند الخطيب ؟
ولا تخلي مشرف المسجد يوزع على المصلين ؟

[توشيبا]

الماي له حل وتقدر تنبه علي المؤذن او الخطيب

المشكله في الصف الاول يجيك واحد يحط بخور ودخانه تقول سيارت فليت ايام الثماننيات ويكتم المسجد فيه

بعضنا فيه حساسيه او كحه

يليت فيه حل لهم

[بانغ بانغ]

الذيب لا تتعمق في الموضوع قبل حد من الأعضاء لا يحط بيبسي

[ANONYMOUS]

صاحب الماي فاعل خير

من الاولى التنبيه على اولياء الامور بمراقبة ابنائهم


الدنيا صارت معكوسه

[Ţĥę őήę]

ما أشوف ضرورة لتوزيع المياه في المساجد وارباك الصفوف خل الكل يشرب قبل مايدخل المسجد وإلا يستحمل لين تخلص الصلاة

[بوراشد]

افضل الصدقه شربه ماء وما احوجننا للاجر نحن وانتم و موتانا وموتى المسلمين لهذا الاجر واذا على ارباك الصفوف والاطفال فالمصلين من الاساس ليش يجيبون اطفالهم فما اشوف في علاقه بين الماء والمصلين العلاقه بين الاطفال وصلاه الجمعه وسلامتكم

[مضارب دوسري]

الشرهه مب على الخطيب ولا على فاعل الخير اللي يدور الاجر
الشرهه على الابو اللي وجوده فالمسجد مع عياله من عدمه
ما يعرف حتى يصلبهم
صرنا نضع الغلط على فاعل الخير وننسى دور الاب
وكل شي ولا الابو اللي جاي المسجد بروحه ومطرش عياله مع الدريول على اساس ما يبي يعور راسه مع العيال

[بوخالد911]

كان من الأولى التنبية ع الآباء للحد من تصرفات أبنائهم

[حمد 2002]

اشكر كل من مر وصرح بهذا الموضوع كلن باسمه ولقبه ،، :victory: