عادي ,,, مب دافع شي من جيبك!!!

[المحاميه]

السلام عليكم

ثقافة إهدار المال العام منتشره ف مجتمعنا للأسف ..

تحصل أغلب الناس يتعسفون في استخدام الأشياء اللي مش من فلوسهم (مال عام) .. بحكم انها من فلوس غيرنا (الدوله) وخلنا ناخذ راحتنا ف الصرف والإهدار ..

يعني تحصل الناس في مكان عام .. يقطون اللي ف يدهم عالارض بحكم انه عادي هذا مب بيتنا ولا مكانا .. اذا توصخ ولا اخترب غيرنا بيدفع وبيعدل ...!

وتحصلهم ف المستشفيات مثلاً .. يخرب الكرسي او الطوفه او يستعملونه بشكل غير حضاري (يعني استعمال في غير ما خصص له) .. وممكن يسرف في استخدام معقم اليد المحطوط ف الممرات .. بحكم ان هذا مال عام ومن حقي استخدمه كثر مابي وبالكميه اللي ابيها ...!

وتحصل الموظفين .. يستهلكون الموجود بشكل مبالغ فيه .. الأوراق - الفاين - القلامه - الملفات - الشاي - القهوه - الماي او ممكن يصادرونه .. الخ .. بحكم ان هذا مال عام ... !

ولا تحصله يستغل سيارة الدوام ويخلص فيها اشغاله الخاصه وليته يسوق فيها مثل مايسوق ف موتره ... الا تحصله داعس وضارب رصيف وسالفه بحكم ان فلوس السياره مش من جيبه ..

انزين انت يافلان وانتي يافلانه ليش تستخدمون أكثر من حاجتكم؟ ليش تسرفون وماتحافظون على مال الدوله اللي بين يدكم؟ ترا هذي امانه .. ومثل ماهو لك ترا لغيرك .. يعني خل غيرك ينتفع معاك ..

ليش تستغل المال العام بهالطريقه؟ وتاخذ اكثر من حاجتك او ممكن تصدر بعض الاغراض للبيت؟

يعني لو انك شاري (قلم ودفتر) على سبيل المثال من فلوسك جان حافظت عليه لانك دافع من جيبك ف ليش ماتحافظ على الاشياء اللي توفرها لك الدوله؟

يعني هذا جزاء الدوله انها تحاول توفر كل صغيره وكبيره ومب مخليه عليكم قاصر وماتخليكم تدفعون من مالكم الخاص؟

اذا الدوله اكرمتنا وحطت ثقتها فينا فليش احنا نخون هالثقه؟

ترا الدوله تخصص ميزانية كبيرة لمثل هالامور اللي انتو حسبالكم انها ماتكلف شي ... وفوق هذا كله تقولون نبي ونبي وماتحسون بقيمة الشي اللي ف يدكم

وتذكروا اذا ماتحاسبتوا الحين تعرفون وين بتحاسبون ...


وشكراً لانكم عطيتوني من وقتكم وقريتوا الموضوع .. واتمنى ان تتغير ثقافة إهدار المال العام لتصبح ثقافة الحفاظ على المال العام ..

[JN000N]

اشكرج والله على هالموضوع

قبل ماكنت اعرف شيصير خاصه ف الشغل
الحين عرفت وخاصه ان احنا نصرف وايد ويرتفع ضغطي لين حطو بدجت على شي مايسوى
وفالنهايه يطلع فيه غلط ولو اكتشفنا الغلط مايرجعونه بحكم ان احنا دافعين لا طبعا يروحون يدفعون زياده عشان يغطون الاخطاء جنه الغلط غلطنا
وفوق هاي في اشيا وايد مايحاسبون لها
ومب بس من الاجانب حتى القطريين والفكر المنتشر بينهم مب من جيبنا هم يدفعون
المفروض تتعاملون مع هالمبالغ جنها فلوسكم من جيبكم عشان يكون قلبكم عليهم وطبعا مال عمك مايهمك
يطبقون المثل الي يقول حلال مب حلالك جره على الشوك

مب بس ف شغل ف كل مكان
امي تقول الخدامات لو ماجافوكم مهتمين ف بيت ابوكم ونظافته وكل شي هم بعد مابيهتمون
نفس الشي دولتنا لو ماهتمينا احنا الشعب ف حلالها شلون الغريب بيهتم؟

[حمد 2002]

مساكين هالموظفين حتى بالفاين والورقه بتحاسبونهم !!

حاسبوا اصحاب الملايين الشغالين بالوزارات ووو وقوولوا لهم من اين لكم هذا ؟

عودا حميدا اختي المحاميه ،،
وعوده قوويه وموفقه ..

[المحاميه]

جنون والله كلامج يحزن

هالتصرف ماحبه ويعور القلب ..

انا ادري ان تنحط ميزانية وتصرف الملايين على هالتناتيف للاسف بس محد يحس ولا يحاسب ..


ايه ياحمد بنحاسبكم على كل كبيره وصغيره لان مافي شي ابلاش .. كله من فلوس الدوله (مال عام)

ولد العرب .. اهجع يبه .. انا مابقت فكرة حد .. انا اتكلم عن الاستهتار والاستهزاء اللي حاصل ف المال العام .. وخصوصا اللي مناصبهم كبيره بعد يغرفون من كل شي ومحد يحاسبهم


:weeping:


خل يحطوني مسؤوله عن هالسالفه وبتعرفون ان الله حق

:)

[حمد 2002]

جنون والله كلامج يحزن

هالتصرف ماحبه ويعور القلب ..

انا ادري ان تنحط ميزانية وتصرف الملايين على هالتناتيف للاسف بس محد يحس ولا يحاسب ..


ايه ياحمد بنحاسبكم على كل كبيره وصغيره لان مافي شي ابلاش .. كله من فلوس الدوله (مال عام)

ولد العرب .. اهجع يبه .. انا مابقت فكرة حد .. انا اتكلم عن الاستهتار والاستهزاء اللي حاصل ف المال العام .. وخصوصا اللي مناصبهم كبيره بعد يغرفون من كل شي ومحد يحاسبهم


:weeping:


خل يحطوني مسؤوله عن هالسالفه وبتعرفون ان الله حق :)


escape

[أم محمد 90]

المحامية تدرين ان من كم يوم مسئولتنا معصبة تقول ان في 14 مليون ريال فايض فالميزانية وان لازم نصرفها ؟؟؟؟؟؟؟؟

ميزانية البعثات

بال 14 مليون

شنو عطوني بعثة لا رققققى جامعة فالعالم وسوو فيني خير

الحين طلبت لنا كلنا ايبادات ومادري شطالبة بعد بس عشان مايطلع فايض

قاهرتني والله زين اني بهد القسم

[حمد 2002]

ام محمد ابي بعثه لندن 7 سنين ممكن :shy:

[بوعلاوي]

حتى في المدارس بعض الطلاب يكسرون الكراسي ويوصخون الصف يقولون عادي فلوس الوزاره

ودي لو كل طالب يتخيل نفسه مدير مدرسه .. اشترى من فلوس الوزاره كراسي وطاولات ومكيفات واقلام ولوحات

ولما يخترب شي مضطر يدفع من جيبه .. وفي النهايه هو محاسب من الوزير اي خلل يحدث في المدرسه

[أم محمد 90]

ام محمد ابي بعثه لندن 7 سنين ممكن :shy:

والله العظيم لو الـ 14 مليون ف يدي ماطيرتها ع اجهزة وخرابيط ودورات

جان طيرتها ع موظفين طرشتهم يدرسون باحسن وارقى الجامعات


وديه ارجوووك ام محمد بليز طالبتك دخليك ودووه ارقى مكان اخترب حوار العام منه خلووه يتطور :weeping:

اخاف والله يا ولد العرب يهدر المال العام حمد اطرشه هناك وشوي يدش المنتدى يغسل شراع مجتمع بريطانيا هههههههههههههههههههههههههههههه

[حمد 2002]

وديه ارجوووك ام محمد بليز طالبتك دخليك ودووه ارقى مكان اخترب حوار العام منه خلووه يتطور :weeping:

:shy: اشرايك انروح بعثه انا وانت اغادير ؟

[قطريه22]

مساكين هالموظفين حتى بالفاين والورقه بتحاسبونهم !!

حاسبوا اصحاب الملايين الشغالين بالوزارات ووو وقوولوا لهم من اين لكم هذا ؟

عودا حميدا اختي المحاميه ،،
وعوده قوويه وموفقه ..

حمد انت مره من المرات حطيت شي بنفس المعني والحين معصب على المحاميه ماينعرف لك :rolleyes2:

المحاميه كلامج صحيح وللاسف ياكثر هالناس بس صدقيني الي بيسوي هالاشياء اعرفي انه حتى في بيته مب نظيف

اشكرج على موضوعج المهم واتمنى فرض غرامه ماليه على الي بيخرب في املاك الدوله مهما كانت

[حمد 2002]

حمد انت مره من المرات حطيت شي بنفس المعني والحين معصب على المحاميه ماينعرف لك :rolleyes2:

المحاميه كلامج صحيح وللاسف ياكثر هالناس بس صدقيني الي بيسوي هالاشياء اعرفي انه حتى في بيته مب نظيف

اشكرج على موضوعج المهم واتمنى فرض غرامه ماليه على الي بيخرب في املاك الدوله مهما كانت

انا مع سياسه بوعلي بمسك العصى من النص ،،

[قطريه22]

انا مع سياسه بوعلي بمسك العصى من النص ،،

خل هالسياسه عنك انت قبل كنت ماسك العصا من الطرف ولشطت فيها اراء وايد كانت معارضه مايصير الحين تتراجع

[ريم الشمال]

المال العام هو ملك لي ولك وللأجيال وحتى المقيم معنا لأنهم يستفيدون منه ويشاركونا في مدارسنا ومستشفياتنا وكل الأمور الأخرى
لذلك المسؤولية مشتركة سواء مواطن أو مقيم عندما يعرف الجميع ذلك هنا تتولد لدينا قيمة المحافظة على المال العام وعدم أهداره
ولكن هناك من اعتقد أن فائض الميزانية السنوية عندما يحدث فهو يساوي تخفيض قيمة ميزانية المنشأة التي هو مسؤول عنها وهذا صحيح ولكن الثقافة الخاطئة أن هذا التخفيض سوف يؤثر على مشاريع المؤسسات وبتالي ميزانيتها لكي تتعدل هذه الثقافة الخاطئة وحتى لا نرى مثل مسؤولة أم محمد أو غيرها يجب أن يتم تعديل الآليات والتي على أساسها يتم تخصيص الميزانية وهذا شرحة يطول

[المحاميه]

المحامية تدرين ان من كم يوم مسئولتنا معصبة تقول ان في 14 مليون ريال فايض فالميزانية وان لازم نصرفها ؟؟؟؟؟؟؟؟

ميزانية البعثات

بال 14 مليون

شنو عطوني بعثة لا رققققى جامعة فالعالم وسوو فيني خير

الحين طلبت لنا كلنا ايبادات ومادري شطالبة بعد بس عشان مايطلع فايض

قاهرتني والله زين اني بهد القسم

استغفرالله
ايه لازم تسوي جذي
لانها لو ماصرفتها بينحسب الغلط عليها وبيحاسبونها الخ


استغفرالله
حسبي الله ونعم الوكيل
:weeping:

[المحاميه]

حمد انت مره من المرات حطيت شي بنفس المعني والحين معصب على المحاميه ماينعرف لك :rolleyes2:

المحاميه كلامج صحيح وللاسف ياكثر هالناس بس صدقيني الي بيسوي هالاشياء اعرفي انه حتى في بيته مب نظيف

اشكرج على موضوعج المهم واتمنى فرض غرامه ماليه على الي بيخرب في املاك الدوله مهما كانت

وش فايدة الغرامه
لازم الشي يكون صادر من ضمير الشخص نفسه ولا مافي فايده

انتبهوا ياناااااااااااااااااس

[المحاميه]

انا مع سياسه بوعلي بمسك العصى من النص ،،

انت مع سياسة اللي مايدرون شسالفه


:)


ماعندك اسئله حاب تطرحها ؟ :):):):):):):):)

[المحاميه]

المال العام هو ملك لي ولك وللأجيال وحتى المقيم معنا لأنهم يستفيدون منه ويشاركونا في مدارسنا ومستشفياتنا وكل الأمور الأخرى
لذلك المسؤولية مشتركة سواء مواطن أو مقيم عندما يعرف الجميع ذلك هنا تتولد لدينا قيمة المحافظة على المال العام وعدم أهداره
ولكن هناك من اعتقد أن فائض الميزانية السنوية عندما يحدث فهو يساوي تخفيض قيمة ميزانية المنشأة التي هو مسؤول عنها وهذا صحيح ولكن الثقافة الخاطئة أن هذا التخفيض سوف يؤثر على مشاريع المؤسسات وبتالي ميزانيتها لكي تتعدل هذه الثقافة الخاطئة وحتى لا نرى مثل مسؤولة أم محمد أو غيرها يجب أن يتم تعديل الآليات والتي على أساسها يتم تخصيص الميزانية وهذا شرحة يطول

والله الهدف من الموضوع التوعيه
وان الكل يبدا يحاسب ويلاحظ نفسه

اشكرج عالاضافه اختي

[قطريه22]

وش فايدة الغرامه
لازم الشي يكون صادر من ضمير الشخص نفسه ولا مافي فايده

انتبهوا ياناااااااااااااااااس

بالعكس الغرامه وايد ناس يخافون منها
لو افرضو غرامه وبمبلغ وقدره صدقيني بيمشون سيده اما اذا على ضمير البعض فبعضهم مثل ماقلتي بيقول عادي

[المحاميه]

قطريه انا رفضت الغرامه لان الرقابه صعبه ف مثل هالامور يعني مانعرف من اللي خرب ولا من اللي خذ فوق حاجته

[الهاووي]

كل انسان يحاسب نفسه على كل كبيره وصغيرة قبل ان يحاسب من جبار السموات والارض فالمال العام هبة من رب العالمين

[المحاميه]

كل انسان يحاسب نفسه على كل كبيره وصغيرة قبل ان يحاسب من جبار السموات والارض فالمال العام هبة من رب العالمين

صااااادق


تسلم اخوي عالاضافه

[ضوى]

صحيح فيه ناس ذمتها واسعة جدا ، يالله انا اخذ قلم بالغلط واياي البيت ارده ثاني يوم ، مايسوى اوقف اتحاسب على قلم جدام رب العالمين ، تحسبونه هينا وهو عند الله عظيم

[زبرجد]

كنت أعاني من ميتين الضمير .. عندي طابعة في المكتب والموظفات يجيبون أوراق مالها خص في العمل كلها أوراق تخصهم ولا وصفات طبخ يتبادلونها .. ولين قلت لهم حرام يقولون بنجيب أوراق من عندنا .. إنزين والحبر والطابعة والكهربا ؟! .. ليش ما يكون فيه توجيه من العمل يذكرهم إنه إلي يسوونه حرام كيف يرضون بالحرام ! .. والله الدولة ما تقصر .. وتذكروا النعمة زوالة إذا فكرتوا تهدرون المال العام !

[العلياا]

كنت أعاني من ميتين الضمير .. عندي طابعة في المكتب والموظفات يجيبون أوراق مالها خص في العمل كلها أوراق تخصهم ولا وصفات طبخ يتبادلونها .. ولين قلت لهم حرام يقولون بنجيب أوراق من عندنا .. إنزين والحبر والطابعة والكهربا ؟! .. ليش ما يكون فيه توجيه من العمل يذكرهم إنه إلي يسوونه حرام كيف يرضون بالحرام ! .. والله الدولة ما تقصر .. وتذكروا النعمة زوالة إذا فكرتوا تهدرون المال العام !

عمري ما شفتها من هالناحية تصدقين !!
انا طبعت ورقة من قبل فيها معلومة بس عشان ما تضيع بس كلش ما جاء على بالي انه حرام !!

:(

[زبرجد]

عمري ما شفتها من هالناحية تصدقين !!
انا طبعت ورقة من قبل فيها معلومة بس عشان ما تضيع بس كلش ما جاء على بالي انه حرام !!

:(

والله أختي العليا أنا ما أعرف إذا هو حرام بس دايماً أحط نفسي مكان الشخص الثاني .. يعني لو أنا أملك هالمكان والناس تلعب فيه على كيفها أكيد ما بيرضيني .

[المحاميه]

صحيح فيه ناس ذمتها واسعة جدا ، يالله انا اخذ قلم بالغلط واياي البيت ارده ثاني يوم ، مايسوى اوقف اتحاسب على قلم جدام رب العالمين ، تحسبونه هينا وهو عند الله عظيم

صدقتي اختي
انا قلت لو كل واحد منا يحكم ضميره وذمته جان احنا بخير وجان ماطحنا ف مثل هذي الامور





محشومة
موضوع مهم و جاد انقلب شات و اشتظراف

اعتقد تعرف بعض الاعضاء لازم يسولفون ف أي موضوع
الله يهديهم ..



كنت أعاني من ميتين الضمير .. عندي طابعة في المكتب والموظفات يجيبون أوراق مالها خص في العمل كلها أوراق تخصهم ولا وصفات طبخ يتبادلونها .. ولين قلت لهم حرام يقولون بنجيب أوراق من عندنا .. إنزين والحبر والطابعة والكهربا ؟! .. ليش ما يكون فيه توجيه من العمل يذكرهم إنه إلي يسوونه حرام كيف يرضون بالحرام ! .. والله الدولة ما تقصر .. وتذكروا النعمة زوالة إذا فكرتوا تهدرون المال العام !

لانهم يستغلون الدوام واغراضه اسوء استغلال
صدقتي والله حرام وشي يحزن ويحر .. ماحب هالتصرفات .. عندك شي خاص فيك خلصه برا الدوام :weeping:
ولا اللي يقلبون الدوام مجلس ذيله قصه ثانيه :)



عمري ما شفتها من هالناحية تصدقين !!
انا طبعت ورقة من قبل فيها معلومة بس عشان ما تضيع بس كلش ما جاء على بالي انه حرام !!

:(

اممم بس المثال اللي هي ضربته اقوى انهم يعني مثلا يخلصون اوراقهم الخاصه فالدوام .. يعني يسون طباعه سكان نسخ الخ والله يعلم كم ورقه ياخذون!





والله أختي العليا أنا ما أعرف إذا هو حرام بس دايماً أحط نفسي مكان الشخص الثاني .. يعني لو أنا أملك هالمكان والناس تلعب فيه على كيفها أكيد ما بيرضيني .

صحيح
لانهم انحرفوا عن الهدف :(

[العلياا]

والله أختي العليا أنا ما أعرف إذا هو حرام بس دايماً أحط نفسي مكان الشخص الثاني .. يعني لو أنا أملك هالمكان والناس تلعب فيه على كيفها أكيد ما بيرضيني .

شخصياً ما اشوف فيها شي .
دام محتوى الورقة مافيه ما يغضب الله ، بالعكس بشجع عشان اكسب أجر !

[زبرجد]

شخصياً ما اشوف فيها شي .
دام محتوى الورقة مافيه ما يغضب الله ، بالعكس بشجع عشان اكسب أجر !

لا الشي الي يغضب الله شي ثاني وأنا إذا بسوي الخير وبوزع شي فيه خير لازم يكون من حر مالي مب من مال غيري يعني آخذ من ناس فلوس وأتصدق فيها ؟

[العلياا]

لا الشي الي يغضب الله شي ثاني وأنا إذا بسوي الخير وبوزع شي فيه خير لازم يكون من حر مالي مب من مال غيري يعني آخذ من ناس فلوس وأتصدق فيها ؟

ما فهمتيني عزيزتي
انتي قلتي لو انا صاحبة المكان راح اعطي تصريح بإستخدام الحبر والطابعة حتى للأغراض الشخصية دام ان مافيها شي يغضب الله مب اغاني وخرابيط ..

عموما انا ما استخدم أي شي من الدوام لان كل شي متوفر فالبيت ولله الحمد

[زبرجد]

ما فهمتيني عزيزتي
انتي قلتي لو انا صاحبة المكان راح اعطي تصريح بإستخدام الحبر والطابعة حتى للأغراض الشخصية دام ان مافيها شي يغضب الله مب اغاني وخرابيط ..

عموما انا ما استخدم أي شي من الدوام لان كل شي متوفر فالبيت ولله الحمد

لو علي أنا كل شي مسموح .. لكن في العمل ما أعتقد يسمحون لنا نستخدمه إستخدام شخصي .

[بومحمد المطاوعه]

الي مايخاف ربه
بيصرف بدون مبالاه للأسف


الله يهديهم ويستر عليهم
في ناس تبوق الملاييين

جات ع الفاين بس

[المحاميه]

الي مايخاف ربه
بيصرف بدون مبالاه للأسف


الله يهديهم ويستر عليهم
في ناس تبوق الملاييين

جات ع الفاين بس

الفاين على سبيل المثال لا الحصر

نبسط لكم الامور

:)

[يمامـة]

ذكرتيني في الزمن الجميل لما الواحد يترقد في مستشفى حمد واذا ترخص
لازم يشل ما تطاله يده لأن كل ما في الغرفة ملك له ...............> لين صاروا يربطون التلفونات

لازم الضمير يشتغل ومن ثم المحاسبة

[المحاميه]

ذكرتيني في الزمن الجميل لما الواحد يترقد في مستشفى حمد واذا ترخص
لازم يشل ما تطاله يده لأن كل ما في الغرفة ملك له ...............> لين صاروا يربطون التلفونات

لازم الضمير يشتغل ومن ثم المحاسبة


:weeping:

ايه والله الضمير


من عطاهم حق التملك :weeping:

[زبرجد]

ذكرتيني في الزمن الجميل لما الواحد يترقد في مستشفى حمد واذا ترخص
لازم يشل ما تطاله يده لأن كل ما في الغرفة ملك له ...............> لين صاروا يربطون التلفونات

لازم الضمير يشتغل ومن ثم المحاسبة

هههههههههههه تذكرت درب الزلق يوم حسينوه يشيل معاه اللوحات وهو طالع من الشقة الي بمصر ..

[يمامـة]

هههههههههههه تذكرت درب الزلق يوم حسينوه يشيل معاه اللوحات وهو طالع من الشقة الي بمصر ..

ايه واحلى شي في الطواري،، يشل معاه لزقات ولفافات الواحد لرخصوه

معليه قبل الواحد كان يا حليله يظن مال الدولة له لكن اللحين هناك توعية
في الفساد و حق الدولة .................> بس الحرامية كثروا بشكل غير طبيعي
كل يخم بطريقته.

[ضوى]

ايه واحلى شي في الطواري،، يشل معاه لزقات ولفافات الواحد لرخصوه

معليه قبل الواحد كان يا حليله يظن مال الدولة له لكن اللحين هناك توعية
في الفساد و حق الدولة .................> بس الحرامية كثروا بشكل غير طبيعي
كل يخم بطريقته.

ومب اي خمة يا يمامة على مستوى كبير جدا

[يمامـة]

ومب اي خمة يا يمامة على مستوى كبير جدا

ادري يا خويتي ادري............> اللهم اغننا بحلالك عن حرامك

[حمد 2002]

ومب اي خمة يا يمامة على مستوى كبير جدا

شدراج ؟

[يمامـة]

شدراج ؟

عندها تقارير سرية :shy:

[حمد 2002]

ايه واحلى شي في الطواري،، يشل معاه لزقات ولفافات الواحد لرخصوه

معليه قبل الواحد كان يا حليله يظن مال الدولة له لكن اللحين هناك توعية
في الفساد و حق الدولة .................> بس الحرامية كثروا بشكل غير طبيعي
كل يخم بطريقته.

اشلون قبل عادي والحين لا ؟

[ضوى]

شدراج ؟

نفس اللي علمك بموضوعك هذاك من اين لك هذا :)

[حمد 2002]

عندها تقارير سرية :shy:

مافهمت

[حمد 2002]

نفس اللي علمك بموضوعك هذاك من اين لك هذا :)

طيب شبتسفيدون من هذا الامر ؟

[يمامـة]

مافهمت

يعني انسانة مطلعة وتوصلها تقارير سرية تعرف من خلالها أمور انت ما تعرفها :shy:

[ضوى]

طيب شبتسفيدون من هذا الامر ؟

نفس استفادتك لما طرحت موضوعك هذاك من اين لك هذا

[يمامـة]

اشلون قبل عادي والحين لا ؟

من قال قبل كان عادي ؟

لكن الانسان لما يجهل فعل الشي غير عن اللي يعلم بحرمته

لذلك أقول..............> نعذر اللي كان يجهل لكن اللي يعلم ما يصير نعذره.

[زبرجد]

ايه واحلى شي في الطواري،، يشل معاه لزقات ولفافات الواحد لرخصوه

معليه قبل الواحد كان يا حليله يظن مال الدولة له لكن اللحين هناك توعية
في الفساد و حق الدولة .................> بس الحرامية كثروا بشكل غير طبيعي
كل يخم بطريقته.

عذ بالله من الذمم الوسيعة .

[حمد 2002]

نفس استفادتك لما طرحت موضوعك هذاك من اين لك هذا

من وينلكم هالشيء ؟

[حمد 2002]

يعني انسانة مطلعة وتوصلها تقارير سرية تعرف من خلالها أمور انت ما تعرفها :shy:

مافهمت بعد ممكن شرح زياده ..

[حمد 2002]

عذ بالله من الذمم الوسيعة .

من تقصدين يمامه ؟

[حمد 2002]

من قال قبل كان عادي ؟

لكن الانسان لما يجهل فعل الشي غير عن اللي يعلم بحرمته

لذلك أقول..............> نعذر اللي كان يجهل لكن اللي يعلم ما يصير نعذره.

وشدراج انهم يجهلون ؟ ومن هم ؟

[يمامـة]

من تقصدين يمامه ؟

ما تقصدني هي ،، بل كانت تعقب على كلامي.


وشدراج انهم يجهلون ؟ ومن هم ؟

وشدراني انهم يجهلون؟..................> لأنهم كانوا يظنون ان كل ما للدولة فهو ملك لهم ، لين بدوا الناس يوعون ان هالتصرف غير جائز وحرام وسرقة.
ومن هم ؟ ................> كل انسان عاش في ذاك الزمن :weeping:اللي كان يظن فيه ان كل ما للدولة فهو ملك له.


مافهمت بعد ممكن شرح زياده ..

المشكلة لو شرحت زيادة ممكن اروح فيها ................> يرضيك اروح فيها ؟

[حمد 2002]

ما تقصدني هي ،، بل كانت تعقب على كلامي.



وشدراني انهم يجهلون؟..................> لأنهم كانوا يظنون ان كل ما للدولة فهو ملك لهم ، لين بدوا الناس يوعون ان هالتصرف غير جائز وحرام وسرقة.
ومن هم ؟ ................> كل انسان عاش في ذاك الزمن :weeping:اللي كان يظن فيه ان كل ما للدولة فهو ملك له.



المشكلة لو شرحت زيادة ممكن اروح فيها ................> يرضيك اروح فيها ؟

طيب هل هالامور اتفيدج ول لا ؟

[ضوى]

طيب هل هالامور اتفيدج ول لا ؟

اذا فادتك مواضيعك المليون اللي حطيتها بالمنتدى بتعرف ساعتها فادتها وفادتني والا لا

[يمامـة]

طيب هل هالامور اتفيدج ول لا ؟

ايه فادتني وايد ،، لأني قبل كنت اخم هالخشابة اللي يكشفون فيها على لوزنا وبلاعيمنا
واخذها اوديها حق امي اللي كانت تتعلم تقرض بطاطيل،،
واليوم ما اقدر اخمها من المستشفى اذا بغيت اسوي حق اليهال ايس كريم فيمتو
فاروح اشتري من حر مالي ،،

شفت اشلون هالأمور فادتني :shy:

[موظف ((حكومي]

لو بتحاسب المال العام حاسب 5 ملايين!!!

[يمامـة]

لو بتحاسب المال العام حاسب 5 ملايين!!!

عند الله حتى القشة بيحاسبنا عليها

[زبرجد]

من تقصدين يمامه ؟

سوووسة ههههههه.
محشومة يمامة .

[يمامـة]

سوووسة ههههههه.
محشومة يمامة .

تسلم يا بنيتي ...........> شكله يحن للباند

عطوه باند كم يوم لأنه صاير سوسة :telephone:

[زبرجد]

تسلم يا بنيتي ...........> شكله يحن للباند

عطوه باند كم يوم لأنه صاير سوسة :telephone:

لا أنا خويتج يمامة ... صج عطوه باند لكن الإدارة تحب خناقها ههههههه

[يمامـة]

لا أنا خويتج يمامة ... صج عطوه باند لكن الإدارة تحب خناقها ههههههه

ملفه مدحوب سواسة............> نفترغ له ونجمع اللي عليه ونتقدم بطلب جماعي
ونردد
الشعب يريد الباند لحمد:weeping:

[زبرجد]

ملفه مدحوب سواسة............> نفترغ له ونجمع اللي عليه ونتقدم بطلب جماعي
ونردد
الشعب يريد الباند لحمد:weeping:

وضيفي عليها تهمة مزور .. يقتبس الردود ويغيرها .. قدموه للمحكمة :)

[المحاميه]

سؤال وجيه بعض الناس ليش يستظرفون ف مواضيعي

:anger1:


نرجع للموضوع ونقول كل واحد يستخدم على قده يعني خذلك ربطه بدال الثنتين

[حمد 2002]

انا اليوم جابيت معاي كلينكس من البيت ههههههههههه مابي كلينكس الحكومه ههههههههاي

[يمامـة]

سؤال وجيه بعض الناس ليش يستظرفون ف مواضيعي

:anger1:


نرجع للموضوع ونقول كل واحد يستخدم على قده يعني خذلك ربطه بدال الثنتين

ويه
مي سوري يا خويتج مي سوري..
زبردج ياختي امشي نطلع من الموضوع

سوري يالمحامية

ونرجع للموضوع
لا ربطة ولا نص ربطة لحد يأخذ شي مب له.

[عازف الاورج]

خلاص ننسى الي فات

ونربي عيالنا على المحافظه على كل شي من ضمنها اموال الدوله.....

[حمد 2002]

خلاص ننسى الي فات

ونربي عيالنا على المحافظه على كل شي من ضمنها اموال الدوله.....

ممكن توضيح شلون ننسى الي راح ؟

[المحاميه]

ويه
مي سوري يا خويتج مي سوري..
زبردج ياختي امشي نطلع من الموضوع

سوري يالمحامية

ونرجع للموضوع
لا ربطة ولا نص ربطة لحد يأخذ شي مب له.

افا اليمامه
انتي راعية المكان والموضوع تحت امرج
لكن قصدي كان واضح ومحدد حق حمد هههه لانه يتعمد يغربلني ويقط نقزات علي
محتر مني

[المحاميه]

انا اليوم جابيت معاي كلينكس من البيت ههههههههههه مابي كلينكس الحكومه ههههههههاي

صفقوله


عازف ياريت نعلم عيالنا عالصح عشان تندثر هالعاده

[يمامـة]

افا اليمامه
انتي راعية المكان والموضوع تحت امرج
لكن قصدي كان واضح ومحدد حق حمد هههه لانه يتعمد يغربلني ويقط نقزات علي
محتر مني

واصلا كلامج ما ضايقني اعتبرته حق لج سواء لي او حق حمد,,

بس حمد ان شاءالله نجمع ادلة ضده وراح نرفعها للادارة قريبا.

[المحاميه]

واصلا كلامج ما ضايقني اعتبرته حق لج سواء لي او حق حمد,,

بس حمد ان شاءالله نجمع ادلة ضده وراح نرفعها للادارة قريبا.


حمد الله يهديه


شاكرتلج تفهمج

[بوخالد911]

قاالووها : مال عمك ما يهمك