استفسار عن الكمارو

[العتوي]

السلام عليكم اخواني
بصراحه انا محتار يا اخوان
بغيت اخذ الكمارو زد ال 1
بس شرايكم في قطع الغيار والسيرفس والسياره بشكل عام
وهل تصلح حق التمشايه بقطر؟
تنصحوني فيها او لاء؟

[Rider]

الكمارو حلوه بس قطع الغيار غالية والخدمة لك عليهم اما بالنسبة حق التمشايه مافهمت عليك كل سيارة كشخه وغير كشخه تصلح تتمشاى فيها

[العتوي]

هلا اخوي
يعني تمشايه اقصد مثلا اتمشى فيها بالكورنيش او كتارا او اللولوه مثلا
يعني ما راح استخدمها استخدام يومي حق الدوام مثلا او حق سفرات هاي القصد

[مافي مثلي]

سعرها ب260 الف غلوها ظ£ظ¥ الف على شنو على اليتات الخلفيه
والله خذلك بورش ولا مرسيدس ظ¦ظ£ ولا بي ام ظ¦ظ¤ظ* ابركلك مليون مره

[style]

صراحه موتر كشره لاتاخذه نصيحه بتتحسف

[العتوي]

مشكورين اخواني
بس ليش ماتنصحوني فيه عطوني اسباب لو سمحتو

[Rider]

الاسباب ياخوي السعر المبالغ فيه يعني بسعرها تجيب لك بورش ولا بي ام ولا مرسيدس بس اذا لك خاطر في السيارة خذ لك وحده مستعمله دلع نفسك فيها لكن حرام تاخذ من الوكالة

[Wahabinho]

للعلم اخوي.. شكل الكومارو توه متغير
والزد ال 1 وقفوه ونزلوا زد 28
فإذا عزمت خذ الزد 28

[العتوي]

اي شفت شكله بس الشكل الجديد ما اقتنعت فيه كلش
ولو باخذ باخذ مستعمل ماراح اخذ شي جديد

[وحيد-الشوق]

للعلم التغيير الي صار في 2014 هذا فيس لفت قبيح جداا وازيدك من الشعر بيت شكلها بيتغير كامل قريب واحتمال 2015 او 2016 كلام اكيد وابحث في النت

انا خذت ss 2012 في سنتها ماشيه 5000 ب150 الف وبعتها بعد 5 ايام بعت الموتر على وكالة الجيدة وخسرت 5000 واقتنعت ان السبورت مايصلح للدوحة عيب الموتر خصوصا من داخل كأنك قاعد في سيارة بلاستيك وغير هذا بيعتها زفت صراحه

الzl1 حلوة كقوة وكمحرك وشكل خارجي وصوتها حلو وكالة بس ماتسوى وسعرها غالي جديدة اذا انت مقتنع وفي خاطرك خذ مستعمله نظيفه وياكثرهم حتى بتحصل تحت ال200

انا اقول انتظر الموستنج الجديد شكله صار حلو وفخم من داخل

قولنا كم حدك يمكن نفيدك بمواتر سبورت ثانية

[العتوي]

هلا اخوي وحيد
الصراحه انا اللي افكر اخذه امريكي بس بعيد عن الموستنق لاني مو من عشاق الموستنق مع انه حلو بس انا ماحبيته
يعني خاطري بكمارو زد ال 1 او جلنجر اس ار 8 او كدللك سي تي اس سوبر جارج
ومو شرط يكون جديد حتى لو مستخدم ونظيف واهم شي ع الضمان يكون

[وحيد-الشوق]

المشكلة كل المواتر الي تفكر فيها بتتغير الجالنجر احتمال كبير 2015 فيس لفت ويتغير قيره ل8 سرعات هذا وغير المكينة السوبر جارج احتمال مع التغيير الكلي الي بيكون قريب ولاتنسى السيرفس الكل يشتكي منه والكدلك طبعا تغير شكلها كامل وصارت افخم ونزلت في الخليج بس مانزلت السي تي اس سوبر جارج لحد الان

انت استخير وشوف اذا ماعندك مشكلة تخسر في الموتر وقت بيعته مبلغ كبير اخذ الي في خاطرك

[العتوي]

تسلملي اخوي شكلي بانطر شوي ونشوف

[الكونغرس]

اخوي راجع الخاص