فينير الاسنان الي عنده تجربه بعيادات الاسنان واسعارهم يدخل

[لبتونه]

السلام عليكم



في الفترة الاخيره انتشر شي اسمه فينير لتجميل الاسنان وفيه منه نوعين نوع لازم الدكتور ينحت الضرس قبل التركيب ونوع مثل العدسة شفافه وينحط دايركت عالضرس

ياليت الي سوت او سواه يفيدوني من حيث

1)اسم اللدكتور
2)اذا فيه له اضرار مع الوقت
3)مدة ضمان بقاء الشكل
والي حاب يزيد عحسب تجربته يشرح لنا بالتفصيل وجزاكم الله خير


اتمني ذكر الاسعار لاني ناويه اسوي ضروسي ومااقدر الف 5 عيادات واقعد اقارن بالاسعار وماعندي خبره في عيادات الاسنان واسعارهم من زمان

[حياة]

مااعرف والله ولاجربت بس يمدحون الخراشي والمدينه للاسنان
حبيت ارفع الموضوع

[هجمة مرتدة]

يقولون اللومنير احسن من الفنير . .
الفنير يضطرون يبردون الضرس قبل لا يركبونه . .
بس اللومنير يركب بدون برد الأسنان ويعطي نتائج أفضل حسب ما سمعت . .

[white bird]

اللي عرفته
نوع اسمه

_اللومنيرز:
تركيبه سهل مايحتاج برد للسن فقط حك خفيف ..

المساوئ:
احتمالية الوقوع وارده لأن مب نفس الفنيرز يكون مفصل للسن نفسه
وعلى فكره اللومنيرز يبرز الاسنان للخارج يعني اذا اسنانج بارزه لا تسوين لان بتشيلينه :(

السعر:
الضرس ب 1000 و شوي

_الفنرز:
يتم برد السن أي ازالة طبقة من السن لتركيب القشرة ..

السعر
3000 للضرس
ويختلف السعر من عيادة للثانية :)..


وبالنسبة لمدة البقاء ع حسب تعاملج ومحافظتج على الاسنان و ممكن ان يتم خمس سنين او اكثر :shy:وبس والله

شي جميل يبيله تجربة :victory:ان شاءالله فالمستقبل

[لبتونه]

مشكورين وماقصرتوا على المعلومات

علاج الاسنان غالي نفس قيمه شراء سيارة

الله المستعان