بنات المنتدى الطيبات ابي خبرتكم

[الصغيره]

صباح الخير


عزيزاتي ابي اعرف افضل نادي يعلم سباحه للنساء وعن خبره وبسعر معقول


وشكرالكن مقدما

[بصمة قطرية]

مافي أفضل من سباير
و للقطريات السعر رمزي
المكان آمن و مراقب ..
لا تفكرين في غيره ..

[خزامئ]

اسباير ولا غيره شي
سبوعين وانتي سباحه

[أم محمد 90]

انا توني مشتركة بنادي الدانة اشتراك سنوي ,,

ومرتاحة هناك

[sweet qatar]

اسباير احسن شي

وفي النادي العربي تابع لجنة رياضة المرأة القطرية

موفقة حبيبتي

[حياة]

اللي اذكره ان اسباير ماعنده مدربه تدرب اللي مايعرفون ولا ودنا نشترك نظيف وامن وثقه

[العلياا]

اللي اذكره ان اسباير ماعنده مدربه تدرب اللي مايعرفون ولا ودنا نشترك نظيف وامن وثقه

امبلى فيه فالبداية في اختبار تحديد مستوى وعقب تدخلين الكلاسات

أنا مع الصبايا فعلا افضل نادي اسباير

[الصغيره]

يسلمووو حبيباتي ماقصرتوا سباير اشتركت سنه وللاسف مافيه مدربه الا للي عندهم خلفيه وانا ابي اتعلم لتفادي مشاكل العظام

وفعلا طلبت وتم رفض طلبي لازم اكون سباحه حتى انزل السباحه

بشوف نادي الدانه او قسم النساء العربي


دعواتكم لي

[نور الحور]

المشاطة سبا مسبحهم روعة وراقي ..

والاشتراك غالي فما فيه زحمة ونظيف ..

سباير زحمة وكله أجانب :(

النادي العربي استغفر الله .. تخيلي يوم نساء وبنات ويوم رجال وأولاد .. نفس المسبح :rolleyes2:

واااااي .. جاتني قشعريرة مو قادرة أتخيل :(

و فوق هذا زحمة ومليان مقيمين ..

كلش ما حبيته . انصدمت من الوضع فيه بصراحة :(

[نوور الدووحه]

سباير مافيه مدربات؟؟انا بين فتره اتصل اقول يمكن غيرو نظامهم كله يقولون لا مافي تعالي جاهزه ولاعلمي نفسج؟؟؟

من زماااااااااااااااااان خاطري اتعلم بس ماعرف وين القى مكان فيه مدربات وسعر معقول وبرجه نظيفه

[العلياا]

سباير مافيه مدربات؟؟انا بين فتره اتصل اقول يمكن غيرو نظامهم كله يقولون لا مافي تعالي جاهزه ولاعلمي نفسج؟؟؟

من زماااااااااااااااااان خاطري اتعلم بس ماعرف وين القى مكان فيه مدربات وسعر معقول وبرجه نظيفه

في مدربات لكن اعتقد للي اصلا عندهم خلفيه بسيطه
وفي اختبار تحديد مستوى قبل للأمانة ما جربت اسجل عندهم

موفقين جميعاً

[Summer Fruits]

ليدي جم عندهم مدربات وايد محترفات عن تجربه