مشورتكم في سنغافورة ؟؟؟

[RVD]

السلام عليكم

ان شاء الله انا مسافر مع زوجتي سنغافورة شهر 6 لمدة 7 ليالي ياليت اخواني تعطوني جدول مثلا اول يوم وين اروح وجي وشنو الانشطه اللي اقدر اسويها هناك؟؟ والاماكن اللي تنصحوني اروح لها؟؟ وشنو الفنادق الزينه ؟؟ لاني مفكر اسكن في سان توزا في فندق الدبليو شرايكم فيه ؟؟

يعطيكم الف عافيه ان شاء الله

[Al-Kuwari]

انا رايح ماليزيا وسنغافورة بأذن الله شهر ابريل

الحلو في سنغافورة انها صغيره يعني ستة ايام تكفيك تلفها كلها ان شاء الله

هذا تقرير جميل لاحد الاخوة السعوديين اللي زاروا سنغافورة في سنة 2012

http://www.sfari.com/forums/sfari18/travel78903/

بالنسبه للسكن انصحك تسكن كم يوم في سنغافورة وكم يوم في سان توزا يعني وزع الايام على مكانين لان سان توزا جزيرة والذهاب والرجوع ممكن يكون متعب قليلاً بسبب زحمة الجسر

انا عن نفسي حجزت يومين في المارينا باي وانصحك فيه وبقوة يعتبر معلم من معالم سنغافورة

صفحة الفندق في موقع بوكنج

http://www.booking.com/hotel/sg/marina-bay-sands.en-gb.html?sid=82316093ae4f92db44b217219868fe35;dcid= 2

وحجزت يومين في سانتوزا في هالفندق

http://www.booking.com/hotel/sg/capella-singapore.en-gb.html?sid=82316093ae4f92db44b217219868fe35;dcid= 2

يعتبر من افخم الفنادق في الجزيرة والعالم بشكل عام

للعلم في تقرير لاخونا برشلوني عن سنغافورة فالمنتدى ممكن تبحث عنه وتطلع عليه

تروح وترجع بالسلامة ان شاء الله

[RVD]

يعطيك الف عافيه يالشيخ كفيت ووفيت والله على المعلومات الطيبة

[الســـهم]

سنغافورة بلد نظيفة جدا وشعبها طيب وفي حاله ..

اسعارها اوروبية خصوصا التكاسي والمشروبات بأنواعها ( غازية , عصاير , ماء ) ..

بالنسبة للأكل فـ جميع مطاعم الفاست فود اكلهم حلال , وبعض المطاعم اكلهم حلال (ذبح اسلامي) بس مايحطون لافتة لأنهم يبيعون فيها الخمر والعياذ بالله , وأكثر مكان استمتعت فيه بالأكل وكان حلال 100% بوفيه فندق جراند حياة ( مالذ وطاب من الأكل اللي بتفتقده بهالسفره بتلقاه عندهم ) ..

فندق ( مندرين ) يعتبر من افضل الخيارات للسكن في سنغافورة , وفعلا المارينا باي اشهر فندق ويعتبر معلم من معالم سنغافورة , بس مشكلته اللوبي مزدحم كأنك في وسط الشارع , والاصنصيرات عليها ضغط دايما وتتأخر كثير من زحمة الناس ..

البرامج السياحية بتلقاها فبروشرات ومتوفره فجميع الفنادق , وتعتبر جزيرة سانتوزا من اجمل الرحلات الترفيهيه وخصوصا اليونيفرسال ستوديو , وبصراحة تحتاج فيها يومين علشان تستمتع بكل فعالياتها والعابها ..

عندك حديقة الطيور والسفاري النهاري والليلي وعالم ماتحت البحار والفلاير زون ( بالنسبة لي ماحبيت الاخيرة يمكن لأني رحتها فالليل ) , والشوبينغ عندك شارع اورتشارد يغنيك عن اي مكان ثاني والمارينا باي مول ..

بالنسبة لي ورأيي الشخصي , البلد حلوة وتستاهل الزيارة , ولازم تحسب حسابك انها مش رخيصه نفس باقي دول شرق اسيا المعروفه مثل تايلند أو ماليزيا ..

وبالنهاية اتمنى لك سفره ممتعه ومشوقه , والله يحفظكم ويرعاكم ..

[للصبر اخر]

بالنسبه لسنغفوره انت اذا حاب شوبنج اسكن بالداونتاون شارع اورتشارد فندق الماريوت مكانه روعه للشوبينغ
اذا تبي الالعاب اسكن بسنتوزا
انا ماكسن فيها بس اقل شي يبيلها 3 ايام الى 4 في سنتوزا
انصحك باليونيفرسال ستديو
وعرض النافوره الراقصه
والاكواريوم
الجزيره فيها 5 اجزاء كل جزء يوم
ومطعم هارد روك وفيه فندق بالاسم بس للاسف مامداني ادخله
وفندق المارينا روعه احنا رحنا السكاي وكان المنظر فوق ممتع بس ماسكنا في الفندق لان الاهل يبون بوسط الشوبينغ

[abdo222]

السلام عليكم ,, الشيخ لو تطرش لي ايميلك على الخاص بعطيك جدول سياحي لمده 9 ليالي ,, تونا رادين من سنغفوره وان شاءالله يفيدك الجدول,,

مبدأيا انصحك تسكن في "الاورشد رود" ,, احسن من منطقه "المارينا باي" ,,

فندق royal plaza singapore orchard
سكنا فيه وارتحنا خصوصا ان اكله حلال ووايد مسلمين يشتغلون فيه وفيه تسهيلات للمسلمين خاصه -وانت بكرامه- في الحمام ,,

[RVD]

اخوي شيك الخاص

[للصبر اخر]

بس نصييحه
لما تروح جزيرة سنتوزا اغلب المطاعم بتقولك ماعندنا اكل حلال
وعن تجربه لانه تعبنااا وايد هناك وكل المطاعم ترفض تدخلنا
وحتى الحلويات تاكد انها حلال
محل كاندليشز له قسم خاص للحلويات الحلال

[العنابي]

هل سنغافورة تحتاج فيزا للقطري ؟

[Rashid554]

اهم شي روح اليونفرسال مدينة العاب ضخمة وتقدر تخصص لها يومين وتسكن في احد فنادقها لو تبون تستانسون وتاخذون راحتكم ، سنغافورة من احسن الدول الي رحت لها ، ونادر ما تلقى قطريين لدرجة ان لما وصلنا مطارهم طلعت موظفة الجمارك شنطه فيها لستة الدول المسموح فيها ، وطبعا القطريين مسموح لهم دخول سنغافورة والافضل انك تضيف احد الدول مع سنغافورة في رحلتك ( ماليزيا ، تايلاند ، سيرلانكا ،الفلبين،اندونيسيا )

بخصوص السكن في الاورشد اكيد

انتبه ممنوع دخول العلوج وممنوع تتعلج بسنغافورة عليها غرامه 500 دولار وحاول تاخذ فكره عن الغرامات في سنغافورة لأنها بلد الغرامات