جلسة التداول ليوم الاربعاء 26/3/2014

[لـبـيـه]

السلام عليكم ورحمة الله وبركاته

[لـبـيـه]

الأسهم الأمريكية ترتفع للمرة الأولى في ثلاث جلسات عقب بيانات ثقة المستهلك

[لـبـيـه]

بورصة قطر: المؤشر يعود للارتفاع بمقدار 0.5 % .. وسهم "مسيعيد" يرتفع بالنسبة القصوى

[لـبـيـه]

وقف التداول على أسهم "ملاحة" يوم الأربعاء الموافق 26 مارس 2014 لانعقاد عموميتها العادية

[لـبـيـه]

الوطنية للتأمين الصحي :إطلاق المرحلة الثانية من نظام التأمين الصحي نهاية إبريل المقبل

[لـبـيـه]

عمومية "المتحدة للتنمية" توافق على توزيع 10% أرباح نقدية و 5% أسهم مجانية عن العام 2013

[السد العالمي]

السلام عليكم

صباح الخير يا وجه السعد (لبيه)

[الريان76]

السلام عليكم ورحمه الله وبركاته

صبحكم الله بالخير :nice:

[الزمن دوار]

السلام عليكم ورحمة الله وبركاته

صبحكم الله بالخير جميع ان شاء الله

ورزقكم الله من واسع كرمه وبارك لكم في رزقكم

[لـبـيـه]

السلام عليكم

صباح الخير يا وجه السعد (لبيه)

صباح الخير والسرور ماعليك زود يلشيخ

[رمــــــاح]

زاد القابضة تفصح عن بياناتها المالية لعام 2013 وتحقق صافي ربح 125 مليون ريال قطري وتوصي بتوزيع أرباح نقدية بنسبة 35%
2014-03-26






افصحت شركة زاد القابضة عن البيانات المالية للسنة المنتهية في 31 ديسمبر 2013، حيث أظهرت النتائج صافي ربح مقداره 125 مليون ريال قطري للعام 2013، مقابل 110 مليون ريال قطري للعام 2012. كما بلغ العائد على السهم 5.81 ريال قطري للعام 2013، مقابل 5.11 ريال قطري للعام 2012.

كما ناقش المجلس في اجتماعه مقترحات توزيعات الارباح على المساهمين عن السنة المالية 2013 وقد قرر المجلس رفع توصيته للجمعية العمومية بتوزيع أرباح نقدية بواقع 35 % لمجموع الاسهم شاملة الاسهم الغير مدرجة الصادرة عن الاستحواذ على شركة ميدا للمشاريع.

[رمــــــاح]

صباح الخير ع الجميع


وموفقين باذن الله في هذااليوم الممطر

[لـبـيـه]

اليوم متوقع للموشر الصعود

لاكن بعد المشاركه رقم 8 اسحب توقعي والله يستر علي وعليكم جميع :weeping:

[.:: القيصر ::.]

السلام عليكم

صباح الخير

[ROSE]

اليوم متوقع للموشر الصعود

لاكن بعد المشاركه رقم 8 اسحب توقعي والله يستر علي وعليكم جميع :weeping:
ههههههههههههههههههههههههههههه



السلام عليكم ورحمة الله وبركاته

اسعد الله صباحكم بكل خير

[Qtrـطر]

اليوم متوقع للموشر الصعود

لاكن بعد المشاركه رقم 8 اسحب توقعي والله يستر علي وعليكم جميع :weeping:

فيه صاروخ ارض جو مصاحب بعدة صواريخ ارض ارض في جبهة ما ؟ وين مادري والله

[الزمن دوار]

وعليكم السلام ورحمه الله وبركاته لكل من دخل

[مشروع هاموور]

السلام عليكم ورحمة الله وبركاته

صبحكم الله بالخير جميعا

اللهم ارزقنا بالرزق الوفير كحبات المطر رزقا حلالا طيبا

[الزمن دوار]

وعليكم السلام والرحمه

[الزمن دوار]

وامسعيد يعني ما بيخفون بيع ارحموا السهم شوي
المشكله كل يلي حاطين اوامر مكتتبين هاي يلي ظاهر

[Ghanim202]

وعليكم السلام ورحمة الله

[حوت الأسهم]

السلام عليكم ورحمة الله وبركاته

[الزمن دوار]

وعليكم السلام ورحمه الله وبركاته للجميع

[.:: القيصر ::.]

سؤال الشاشة معلقة عندكم ولا كمبيوتري معلق

ولا مخي معلق !!!

[لـبـيـه]

سؤال الشاشة معلقة عندكم ولا كمبيوتري معلق

ولا مخي معلق !!!

لا للاسف هذا اول تاثير للمشاركه رقم 8 الله يعينك :weeping:

[الريان76]

سؤال الشاشة معلقة عندكم ولا كمبيوتري معلق

ولا مخي معلق !!!

اتوقع مخك مع بعض الناس والله اعلم :shy:

[لـبـيـه]

مرحبا بلغائب الحاضر ( روز )

[لـبـيـه]

اتوقع مخك مع بعض الناس والله اعلم :shy:

تسبيني والمراقبه موجوده

الله يسامحج الله يسامحج

[لـبـيـه]

بروه وامسيعيد منافسه على السعر من بيسبق

[Qtrـطر]

مسيعيد ناويه لمت اب ثاني

[الريان76]

تسبيني والمراقبه موجوده

الله يسامحج الله يسامحج

من معاي لوسمحت :tease:

[Qtrـطر]

لا للاسف هذا اول تاثير للمشاركه رقم 8 الله يعينك :weeping:


هدو اللعب ههههههههههههههههههههه حولو الخطه دفاع

[adell]

الظاهر مزايا اليوم لمد اب

[Qtrـطر]

مضارب ليه موب موجود :(

[Qtrـطر]

مزايا لمت أب ياشباب ركزو

[الريان76]

اخ بس لواقدر اطلع من الدوام

[مجروح اسهم]

اليوم متوقع للموشر الصعود

لاكن بعد المشاركه رقم 8 اسحب توقعي والله يستر علي وعليكم جميع :weeping:

تفائل بالخير تجده يا لبيه هههههههههههههههههه الله يستر

[مجروح اسهم]

السلام عليكم ورحمة الله بركاته

حيا الله الجميع وصبحكم بالخير والرزق والتوفيق من الله

اسئل الله العظيم رب العرش العظيم أن يكون اليوم اخضر مثل قلوبكم الطيبة الخضراء ان شاء الله

[Qtrـطر]

المستثمرون ينهار خخخ

[الريان76]

تفائل بالخير تجده يا لبيه هههههههههههههههههه الله يستر

ترا مايضحك:anger1:

[فهد2013]

امسعيد في اول سبع دقايق تم تداول مليون ومائة سهم ....
اظن ان المحافظ والصناديق الاستثمارية .. دشت

[مضارب دوسري]

القابضه للمراقبه

[مضارب دوسري]

مضارب ليه موب موجود :(

اراقب هههههه

[Qtrـطر]

مسعيععيعيعيعيد لمت اب كلاكيت ثاني مره

[$$$]

الخليج التكافل ...صدمتنا

[Qtrـطر]

ولد مزايا يبيلها شغل لمت اب قبل التوزيع ؟

[مشروع هاموور]

والله عيب يابروه اللي تسويه
شمتي باقي السهم فينا

[.:: القيصر ::.]

مسيعيد

شراء قوي

[مضارب دوسري]

مسعيععيعيعيعيد لمت اب كلاكيت ثاني مره

كلاكيت هذي كلمتي هههههه

[Abu Reem]

السلام عليكم

ونهاركم اخضر :)

[فهد2013]

40 درهم ..... وتضرب ام سعيد لمت امب مره ثانية

[Qtrـطر]

كلاكيت هذي كلمتي هههههه

هههههههههههههههههههه انا توقعت الاسلاميه لمت اب لكن مسيعيد افضل من ناحيتي اما تجيب بكره هاتريك ههههههههه لمت اب

[مضارب دوسري]

السلام عليكم

ونهاركم اخضر :)

عليكم السلام

[Qtrـطر]

والله عيب يابروه اللي تسويه
شمتي باقي السهم فينا

شماتة ابلا تازا فيييااااااا

[مضارب دوسري]

هههههههههههههههههههه انا توقعت الاسلاميه لمت اب لكن مسيعيد افضل من ناحيتي اما تجيب بكره هاتريك ههههههههه لمت اب

ههههههههههههههه
اذا ضربت الاسلاميه بتجيب سوبر هاتريك
هذي كريستيانو رونالدو

[لـبـيـه]

الي مكلمني على الخاص ترى الصندوق عندك فل

[مضارب دوسري]

اهم شي ف مسيعيد يسكر السوق وهي فوق ال 36
وان شاء الله تضرب لمت اب وتفرح ملاكها باذن الله

[مجروح اسهم]

الي مكلمني على الخاص ترى الصندوق عندك فل

نحذف شوية من الصندوق علها تصل هههههههههههههه

[Abu Reem]

بروة بتستعد....

امس ذكرت ان مفروض الطريق فوق 36 ليس صعبا للوصول الى 37

[الزمن دوار]

امسعيد ... لمت اب باذن الله

[Qtrـطر]

ههههههههههههههه
اذا ضربت الاسلاميه بتجيب سوبر هاتريك
هذي كريستيانو رونالدو


ههههههههههههه والله مانسى الاسلامية يوم شريتها على ال 62 وخليتها وبعنا عال 69 وشرينا اللمت داون هذا العن مسلسل دراماتيكي شفته ههههههه

[لـبـيـه]

بروه 37.3 وهي تضحك ان شاء الله

[مشروع هاموور]

الي مكلمني على الخاص ترى الصندوق عندك فل


نحذف شوية من الصندوق علها تصل هههههههههههههه

سولفو هني محد يشوف :p

[مجروح اسهم]

اخوي لبيه رحم الله والديك.. وصلت الأمانة اللي حملتك اياها لخوي خالد

[مشروع هاموور]

بروه 37.3 وهي تضحك ان شاء الله

خل تبتسم بس واحنا راضيين ;)

[ابو عبد الرحمن]

السلام عليكم ورحمة الله وبركاته

[لـبـيـه]

اخوي لبيه رحم الله والديك.. وصلت الأمانة اللي حملتك اياها لخوي خالد

والله نسيت :rolleyes2: الحين بقوله هههههههههه

[مجروح اسهم]

والله نسيت :rolleyes2: الحين بقوله هههههههههه

الله يجزيك ويجزيه كل خير ويجزي كل الطيبين الخير ان شاء الله ويرزقكم من واسع رحمته

[مجروح اسهم]

والله من يوم اللي فارقنا اخوي/خالد العمادي الله يذكره بالخير.. ونحن طايحين

الله يذكره بكل خير ويبارك فيه ويوفقه في كل حياته

[مضارب دوسري]

مسيعيد شكلها ناويه عاللمت ان شاء الله

[Qtrـطر]

ونقول بعد شوي اللمت الثاني ؟؟؟؟؟؟؟؟؟؟؟؟؟؟؟؟؟؟؟؟؟؟

[مضارب دوسري]

الله عليج يا مسيعيد
الله يوفق كل ملاكها ان شاء الله

[qatar i]

السلام عليكم ورحمة الله وبركاته

[.:: القيصر ::.]

ننتظر بو 13 ريال

يودع و ينطلق فوق الـــ 14

[مضارب دوسري]

ونقول بعد شوي اللمت الثاني ؟؟؟؟؟؟؟؟؟؟؟؟؟؟؟؟؟؟؟؟؟؟

قاعده تتابط شرا شكلها ناااااويه لا محاله

[Qtrـطر]

صاروخ ينطلق هذا هههههههههههه

[bo3abed]

الله عليج يا مسيعيد
الله يوفق كل ملاكها ان شاء الله

لله الحمد ... عساها تبرد قلوبنا ...

[مضارب دوسري]

لله الحمد ... عساها تبرد قلوبنا ...

امين يا رب

[مضارب دوسري]

ثلاث طلبات كل طلب 200 الف
يعني 600 الف

[Qtrـطر]

فودافون احسن واحد بس يتهاوش مع نفسه هههههههههههه

[سوالف بورصة]

السلام عليكم ورحمة الله وبركاته

[مضارب دوسري]

87888

[مضارب دوسري]

طلعوووا نكبه

[الزمن دوار]

لا تخافوا في جوله ثانيه بامسعيد ..

[qatar i]

شباب

هل المؤشر له علاقه بالجو ملاحظ اذا الجو مغيم ومطر يكون مرتفع

[bo3abed]

ومسيعيد تتارجح ... بس الامل بالله موجود ...

[مجروح اسهم]

شباب

هل المؤشر له علاقه بالجو ملاحظ اذا الجو مغيم ومطر يكون مرتفع

له علاقة بالأمل بالله وبالسهم الحلال ان شاء الله

[ابو عبد الرحمن]

والله من يوم اللي فارقنا اخوي/خالد العمادي الله يذكره بالخير.. ونحن طايحين

الله يذكره بكل خير ويبارك فيه ويوفقه في كل حياته

صدقت والله نمتنى عودته
والله ييسر أموره اينما كان

[ابو عبد الرحمن]

ما في بعد الحلال
الحلال زين والحرام شين

[ابو عبد الرحمن]

يا جماعة هل الريان تجميع الحين ؟؟؟

[abdalla]

مزايا استراحه بعد الارتفاعات اتوقع تشد حيلها

[qatar i]

له علاقة بالأمل بالله وبالسهم الحلال ان شاء الله


مافيه شك

ايضا له علاقه بمراقبة التحليل اليوم وامس فضلت بروه على مسيعيد وذلك لنسبة الامان في بروه اكثر من مسيعيد والله يوفقكم

[QZL]

ياجماعه شفيها الاسلاميه ؟؟

[مجروح اسهم]

أخوي لبيه اطمنك دشينا بكل اللي معنا على سعر 35.95 الله يختار اللي فيه الخير

[ابو نوح]

السلام عليكم ورحمة الله وبركاته اميين
أخوي لبيه اطمنك دشينا بكل اللي معنا على سعر 35.95 الله يختار اللي فيه الخير

[لـبـيـه]

موفق خير يامجروح

[مجروح اسهم]

[quote=لـبـيـه;9440813]موفق خير يامجروح[/quote

الله يوفق الجميع اخوي لبيه ويبارك فيك وفي كل الطيبين

المهم ما طمنتني وصلت الأمانة عز الله أنه اخ وعزيز ولو اني ما عرفه الله يجزيه ويجزيك الخير

[ابو عبد الرحمن]

ياجماعه شفيها الاسلاميه ؟؟

شفيها أخوي مرتفعة ريال نعمة وبركة

[ابو عبد الرحمن]

ياجماعه شفيها الاسلاميه ؟؟

شفيها أخوي مرتفعة ريال نعمة وبركة

[لـبـيـه]

[quote=لـبـيـه;9440813]موفق خير يامجروح[/quote

الله يوفق الجميع اخوي لبيه ويبارك فيك وفي كل الطيبين

المهم ما طمنتني وصلت الأمانة عز الله أنه اخ وعزيز ولو اني ما عرفه الله يجزيه ويجزيك الخير

وصلت له السلام

[Abu Reem]

صناعات تقترب من 180....

[Abu Reem]

هناك اسهم تنتظر انتهاء حفلة (مسيعيد )

[مجروح اسهم]

جزاك الله كل خير

[مشروع هاموور]

هناك اسهم تنتظر انتهاء حفلة (مسيعيد )

:con2: وضح

[ابو عبد الرحمن]

هناك اسهم تنتظر انتهاء حفلة (مسيعيد )

اعتقد والله تعالى أعلم أن من ضمنها الريان والرعاية ، اليس كذلك ؟

[مضارب دوسري]

هناك اسهم تنتظر انتهاء حفلة (مسيعيد )

والله مسيعيد للمضارب اللي شرا امس كفايه
لان مجرد احساس ان المحافظ تصرف بمراجعة نسب التملك امس
وبعد وضع طلبات بو 200 الف على اسعار 37.4 الى 37.5
وعقب سحبها يتضح هالشي جليا

هذا رايي ووجهة نظري بعيدا عن التحليل الفني

[مشروع هاموور]

ياجماعة تنصحون ادش ع مسيعيد بالهسعر
وترى الدعوى مضاربة

[الزمن دوار]

امسعيد ... لمت اب غصب طيب

[مضارب دوسري]

ياجماعة تنصحون ادش ع مسيعيد بالهسعر
وترى الدعوى مضاربة

مضاربه لا
استثمار اكثر من سنتين اي
بس ممكن مستقبلا تلاقيها باسعار اقل للاستثمار
لان كل الخوف هو من البنوك لما تعرض اسهم اللي اشتروا عن طريق البنوك

[مضارب دوسري]

امسعيد ... لمت اب غصب طيب

ان شاء الله

[Abu Reem]

:con2: وضح

يعني السيولة والهوامير ...مشغولة الان بمسيعيد...بعد ان ينتهوا (اما برفع السهم مرة اخرى الى اللمت اب ) او بانتهاء التصريف..سنجد السيولة تتجه الى بعض الاسهم

( بروة - صناعات - رعاية - مجموعة اسلامية - الخليج الدولية )

[الزمن دوار]

حاس انه المستثمرين بتسوي حفله

[الزمن دوار]

هدوئها غريب

[qatar i]

ابوريم

سويت دعم لبروه ب 74000 سهم :weeping: وباعوني

[Hanan]

حاسة ناقلات اللي بتسوي حفلة :)

[Abu Reem]

ابوريم

سويت دعم لبروه ب 74000 سهم :weeping: وباعوني

يا بختك....لن تندم باذن الله.....بس خلي قلبك جامد...هيه بروة بطيئة شوية...بس 37 بتشوفها قريباً باذن الله

- بس ما قلت لي..كان دعمك على سعر كام :rolleyes2:

[مشروع هاموور]

الزمن دوار خذت بنصيحتك تسلم يالشيخ
باقي عندي 100 الف ويدي تحكني مادري وش اخذ فيها :con2:

[Abu Reem]

مين الهامور اللي باع...الكمية الكبيرة على 36 شكله اخونا Qatri i باع بروة :anger1:

[الزمن دوار]

الزمن دوار خذت بنصيحتك تسلم يالشيخ
باقي عندي 100 الف ويدي تحكني مادري وش اخذ فيها :con2:


ههههههه اصبر شوي .. ما خسرنا الا حكه اليد

[Abu Reem]

:)

ارتتفعت بروة تاني

[qatar i]

يا بختك....لن تندم باذن الله.....بس خلي قلبك جامد...هيه بروة بطيئة شوية...بس 37 بتشوفها قريباً باذن الله

- بس ما قلت لي..كان دعمك على سعر كام :rolleyes2:

87889

[Abu Reem]

الزمن دوار خذت بنصيحتك تسلم يالشيخ
باقي عندي 100 الف ويدي تحكني مادري وش اخذ فيها :con2:

الرعاية بدون تردد ..توكل على الله...

[مشروع هاموور]

:)

ارتتفعت بروة تاني

مسيعيد ع 37 وافكر ازيد

[qatar i]

ابو ريم

مش متخوف بروه على الاقل لها دافع للصعود ان شاء الله

[ابو عبد الرحمن]

الرعاية بدون تردد ..توكل على الله...

وأنا معاك

[مشروع هاموور]

الرعاية بدون تردد ..توكل على الله...


شورك وهداية الله
الله يرزقني ويرزقكم

[Abu Reem]

المشاركة الأصلية كتبت بواسطة Abu Reem

يا بختك....لن تندم باذن الله.....بس خلي قلبك جامد...هيه بروة بطيئة شوية...بس 37 بتشوفها قريباً باذن الله

- بس ما قلت لي..كان دعمك على سعر كام


87889

اتركها فقط بضع ايام تدوال...وبتدعي لي :nice:

[ابو عبد الرحمن]

سبحان الله وبحمده

[مضارب دوسري]

الطلبات بدت تتزايد في الاسلاميه القابضه
واي عرض على 66 يختفي بسرعه

[qatar i]

الكميه كلها مع امس 144 الف وشويات اصرف لي اليوم شويه والباقي احتفظ فيه

[Abu Reem]

مسيعيد ع 37 وافكر ازيد

لا مفيش داعي....الشراء الان....(ده مجرد رأيي )...

[مضارب دوسري]

الحفله بدت فالاسلاميه
وان شاء الله تستمر

[حلم قطري]

اللي مستغربه الناس اللي تدش في رعاية وهي اصلا قد وزعت
وبروه فرصة ويبيعونها


استعداد لبيع الرعاية والدخول في بروة

[لـبـيـه]

حاسة ناقلات اللي بتسوي حفلة :)

حفله بدون كيك

[Abu Reem]

يعني السيولة والهوامير ...مشغولة الان بمسيعيد...بعد ان ينتهوا (اما برفع السهم مرة اخرى الى اللمت اب ) او بانتهاء التصريف..سنجد السيولة تتجه الى بعض الاسهم

( بروة - صناعات - رعاية - مجموعة اسلامية - الخليج الدولية )

تحركت قطار الرعاية..وايضا المجموعة الاسلامية

بانتظار باقي ...الباكج :nice:

[qatar i]

اللي مستغربه الناس اللي تدش في رعاية وهي اصلا قد وزعت
وبروه فرصة ويبيعونها


استعداد لبيع الرعاية والدخول في بروة

ذولا مايبون العائد يبون مضاربه

[qatar i]

تحركت قطار الرعاية..وايضا المجموعة الاسلامية

بانتظار باقي ...الباكج :nice:

ان شاء الله عندنا لهم مفاجئه فوق شوي:secret:

[لـبـيـه]

الرعايه للمراقبه

[مضارب دوسري]

الاسلاميه 68
عقبال اختراق ال 70 ياااارب

[مضارب دوسري]

الان 69.5

[حلم قطري]

ابوريم

سويت دعم لبروه ب 74000 سهم :weeping: وباعوني

ابشر بدعم مثل اللي انت حطيت او قريب منه بس خلهم يشترون مني الرعاية

[مشروع هاموور]

لا مفيش داعي....الشراء الان....(ده مجرد رأيي )...


رأيك يحترم اخوي بوريم
وتحليلك جدا مفيد
كفاية النية الطيبة في تمني الخير لنا ولاخوانا حتى بعدم معرفتك الشخصية بنا
الله يجزاكم الخير جميعا

[qatar i]

ابشر بدعم مثل اللي انت حطيت او قريب منه بس خلهم يشترون مني الرعاية

كفو والله

[مشروع هاموور]

ابشر بدعم مثل اللي انت حطيت او قريب منه بس خلهم يشترون مني الرعاية

عطني اياها ع 66 وافكك من شرها
هاه نقول مبروووك ؟؟:shy:

[لـبـيـه]

المشكله في المشاركه رقم 8 :anger1:

[(الراقي)]

السلام عليكم ورحمه الله وبركاته
بو ريم رايك في الخليج الدولية ومتى نشوفها فال 80

[مضارب دوسري]

الاسلاميه قريب اللمت اب

[لـبـيـه]

راعي الشيول وينه :anger1:

[qatar i]

تسرعت ببيع الاسلاميه بسعر 70

بس باقي كميه بسيطه مجهزها على اللمت اب ان شاء الله

[مشروع هاموور]

تقهرني بروة الاسهم في وادي وهيا بوادي
السالفة نحاسة

[مضارب دوسري]

تسرعت ببيع الاسلاميه بسعر 70

بس باقي كميه بسيطه مجهزها على اللمت اب ان شاء الله

انت اللي كنت حاط حول ال 10000؟

[qatar i]

صحيح نعم عشره بالضبط

[مضارب دوسري]

ان شاء الله تغلق فوق ال 70

[مشروع هاموور]

جاري تجهيز الشموع والحفلة اتوقع بتكون بعد الصلاة

[Abdulla Al.F]

رشو ناقلات :telephone:

[مشروع هاموور]

راعي الشيول وينه :anger1:


يقول شيوله كشف والدنيا مطر ,مايقدر:taunt:

[Qtrـطر]

بروه ودخلناها على 90 ان شاءالله وخروج سريع سريع هههههههههههههه

[Abu Reem]

السلام عليكم ورحمه الله وبركاته
بو ريم رايك في الخليج الدولية ومتى نشوفها فال 80

اصبر عليها..لا تخاف ..وهتشوفها قريبا مثل الاسلامية القابضة باذن الله

[qatar i]

والله مجنونه الاسلاميه

[qatar i]

اليوم اسهمي خضرا معدا ودام والاسلاميه للتامين والريان

[مشروع هاموور]

لا تحاتون يالربع سوقنا بيظبط خلاص
اعرف مجموعة اجانب رواتبهم فوق ال 15 الف ناويين يدشون السوق

[حلم قطري]

تم بيع الرعاية بطلب مخفي على 67.7
تم الدخول في بروة بطلب مخفي 35.9 وانتظر الشراء
شكرا لمن علمني كيفية الطريقة

[qatar i]

سبحان الله كل مايكون الجو حلو ومغيم يكون المؤشر مرتفع والسوق حلو الظاهر يشجع الجو:nice:

[qatar i]

تم بيع الرعاية بطلب مخفي على 67.7
تم الدخول في بروة بطلب مخفي 35.9 وانتظر الشراء
شكرا لمن علمني كيفية الطريقة

تستاهل الله يوفقك

[لـبـيـه]

لقيت سواق الشيول وحطيت له كرتون بلشتري يعني الامور زينه بيجيكم فلت الحين

[Abdulla Al.F]

لا تحاتون يالربع سوقنا بيظبط خلاص
اعرف مجموعة اجانب رواتبهم فوق ال 15 الف ناويين يدشون السوق

شتسوي ال 15

[مشروع هاموور]

تم بيع الرعاية بطلب مخفي على 67.7
تم الدخول في بروة بطلب مخفي 35.9 وانتظر الشراء
شكرا لمن علمني كيفية الطريقة

بالتوفيق بس شالفايده من الطلب المخفي
يعني يتنفذ حبه حبه ولا ايش

[qatar i]

تم بيع الرعاية بطلب مخفي على 67.7
تم الدخول في بروة بطلب مخفي 35.9 وانتظر الشراء
شكرا لمن علمني كيفية الطريقة

بس تعال شلون تقول لي بتدعم السهم قبل شوي وتخلي الطلب مخفي

طلع الطلب خله يزين عمق السوق:)

[مشروع هاموور]

انشالله يثبت المؤشر فوق ال 11.300 لين اخر الجلسة

[حلم قطري]

ياسبحان الله وانا كل ماطلع من سهم لازم له رفعه قويه نصبر على السهم اشهور ونربح نص ريال بالكثير ويوم نبيع يقفز قفزة كبيره

(( ياكثر اللي مثلي )):)

[مشروع هاموور]

بس تعال شلون تقول لي بتدعم السهم قبل شوي وتخلي الطلب مخفي

طلع الطلب خله يزين عمق السوق:)

صادووووه :ok2:
وين الدعم بالموضوع

[qatar i]

تم بيع الرعايه على سعر 69 لله الحمد

[Abdulla Al.F]

حلم شكلك كنت نحس علئ الرعاية.. اشوفك من بعت ارتفعت
:tease:

[مشروع هاموور]

بروه مسويه نفسها من دلهي ولا لها شغل بسوقنا

[qatar i]

حلم شكلك كنت نحس علئ الرعاية.. اشوفك من بعت ارتفعت
:tease:

اخوي عبدالله

البارحه كنت اتابع الجدول واستغربت من شراء المحافظ نفس الكميه بالضبط في ناقلات 110800 القطريه والاجنبيه

بصراحه صادني شك في هالجداول

[مشروع هاموور]

فوق يالرعاية فوووق

[حلم قطري]

حلم شكلك كنت نحس علئ الرعاية.. اشوفك من بعت ارتفعت
:tease:

:secret: هههههههههههههه خله على الله .... لكن الله يوفق اللي شرى مني وكل له رزق:nice:

[qatar i]

حلم

اهم شي تشوف الربح في المحفظه وبكره الخميس

[مشروع هاموور]

من قال الرعاية لمت :ok:

[qatar i]

الاسلاميه الى لمت اب

[مضارب دوسري]

مبرووووووك مجروح اسهم ارتفااااع الرعايه
قلت لك فالتحليل ذامرين 74 حطها بين عيونك

[Abdulla Al.F]

اخوي عبدالله

البارحه كنت اتابع الجدول واستغربت من شراء المحافظ نفس الكميه بالضبط في ناقلات 110800 القطريه والاجنبيه

بصراحه صادني شك في هالجداول

المحافظ ماينعرف لهم.. اول امس بايعين فوق ال 300 الف سهم و امس شارين 100 الف ..
الجدول يعتمد علئ كذا معيار لو شفت بداية مشاركتي في الموضوع ..
هاي الرابط: http://www.qatarshares.com/vb/showthread.php?574715-%C8%ED%C7%E4%C7%CA-%E4%D3%C8-%C7%E1%CA%E3%E1%DF-%C7%E1%ED%E6%E3%ED%C9-%E1%E1%C7%DD%D1%C7%CF-%E6%C7%E1%E3%CD%C7%DD%D9-%C8%D4%DE%ED%E5%C7-(2014)

[حلم قطري]

حلم

اهم شي تشوف الربح في المحفظه وبكره الخميس

ابشرك الحفظه فوق الممتاز
وكلها بفضل الله اسهم نقية
الريان فوق الممتاز ونجمع فيه فقط وليس للبيع او المضاربه واعتقد بسكره كفاية تجميع
بروة مخليها للمضاربة مع ان المبلغ كبير لكن على الاقل الارباح ف المضاربة تغطي الزكاه


الله يوفق البايع والشاري

[مجروح اسهم]

سبحان الله بعت الرعاية على 67 وبعدها ارتفعت

الله لا يجعلنا من النادمين.. الحمد لله على كل حال .. احمد الله واشكره .. الله يرزق الجميع وخاصة ملاك الرعاية يستاهلوا كل خير

[Qtrـطر]

الخليج التكافلي على المدى الشوي بعيد

[مضارب دوسري]

سبحان الله بعت الرعاية على 67 وبعدها ارتفعت

الله لا يجعلنا من النادمين.. الحمد لله على كل حال .. احمد الله واشكره .. الله يرزق الجميع وخاصة ملاك الرعاية يستاهلوا كل خير

لا حول الله
ليش ياخوي ؟
الله يوووفقك يا رب ويعوضك خير

[qatar i]

المحافظ ماينعرف لهم.. اول امس بايعين فوق ال 300 الف سهم و امس شارين 100 الف ..
الجدول يعتمد علئ كذا معيار لو شفت بداية مشاركتي في الموضوع ..
هاي الرابط: http://www.qatarshares.com/vb/showthread.php?574715-%C8%ED%C7%E4%C7%CA-%E4%D3%C8-%C7%E1%CA%E3%E1%DF-%C7%E1%ED%E6%E3%ED%C9-%E1%E1%C7%DD%D1%C7%CF-%E6%C7%E1%E3%CD%C7%DD%D9-%C8%D4%DE%ED%E5%C7-(2014)

تسلم اخوي عبدالله بصراحه في اكثر من صفقات للمحافظ الارقام غريبه

جزاك الله خير

[qatar i]

تم بيع ماتبقى من الاسلاميه على اللمت اب

[Abu Reem]

ياسبحان الله وانا كل ماطلع من سهم لازم له رفعه قويه نصبر على السهم اشهور ونربح نص ريال بالكثير ويوم نبيع يقفز قفزة كبيره

(( ياكثر اللي مثلي )):)

يعني انا عمال اقول الرعاية الرعاية...الرعاية...تقوم بالبيع بدري وهيه يادوب بدأت تتحرك......استغرب من اللي يبييع في بداية الانطلاق للسهم

[Abdulla Al.F]

تسلم اخوي عبدالله بصراحه في اكثر من صفقات للمحافظ الارقام غريبه

جزاك الله خير

شلون يعني اكثر من صفقات؟
ويجزيك اخوي

[Qtrـطر]

الخليج التكافلي معرض للدخول بقوووه ^_^

[qatar i]

شلون يعني اكثر من صفقات؟
ويجزيك اخوي

اقصد انه تكون نفس الكميات لكلا المحافض بالضبط

[مجروح اسهم]

الحمد لله يالربع ما حد يعرف وين الخير الحمد لله.. المشكلة بعته مثل ما اخذته على 67 يعني خسرت الرسوم فقط..

اخذت بروة ان شاء الله تتعوض باذن الله تعالى..

اللهم لا تجعلنا من النادمين. الله يعوضنا بغيرها ان شاء الله .. اللهم لك الحمد حمدا كما ينبغي لجلالك وعظيم سلطانك

[مضارب دوسري]

لا لبيع الاسلاميه او الرعايه
تصبرون تصبرون وعقب براس المال تطلعون ؟

بس الاخ قطري عالاقل اشترى باسعار تحت ال 65
الله يبارك له ان شاء اللله

[مضارب دوسري]

الحمد لله يالربع ما حد يعرف وين الخير الحمد لله.. المشكلة بعته مثل ما اخذته على 67 يعني خسرت الرسوم فقط..

اخذت بروة ان شاء الله تتعوض باذن الله تعالى..

اللهم لا تجعلنا من النادمين. الله يعوضنا بغيرها ان شاء الله .. اللهم لك الحمد حمدا كما ينبغي لجلالك وعظيم سلطانك

اللهم امين
الله يعوضك خير
ويسامح اللي كان السبب في تغيير رايك

[qatar i]

لا لبيع الاسلاميه او الرعايه
تصبرون تصبرون وعقب براس المال تطلعون ؟

بس الاخ قطري عالاقل اشترى باسعار تحت ال 65
الله يبارك له ان شاء اللله

الاسلاميه كان اقل سعر شريت انا واياك على اللمت داون ذاك اليوم 61.9 واعلى سعر 66

والرعايه 64.1 و64.5 و65

[Ali M. K]

الحمد لله يالربع ما حد يعرف وين الخير الحمد لله.. المشكلة بعته مثل ما اخذته على 67 يعني خسرت الرسوم فقط..

اخذت بروة ان شاء الله تتعوض باذن الله تعالى..

اللهم لا تجعلنا من النادمين. الله يعوضنا بغيرها ان شاء الله .. اللهم لك الحمد حمدا كما ينبغي لجلالك وعظيم سلطانك


لو راجعت قسم التحليل ماكان فكرت تبيع

الله يوفقك ياخوي وانتظر بروه عند 40 ان شاء الله وتابع قسم التحليل الفني والاساسي

[مضارب دوسري]

الاسلاميه كان اقل سعر شريت انا واياك على اللمت داون ذاك اليوم 61.9 واعلى سعر 66

والرعايه 64.1 و64.5 و65

الله يبارك لك
ولو خليت شوي مابعته كان افضل
الاغلاق فوق ال 70 ايجابي جدا للسهم

اما الرعايه ف امامها مقاومه 73.4 اذا ماخاب ظني
لو اخترقها بتروح فوق

[مجروح اسهم]

الله يجزيكم الله جميع ويرزقكم من اوسع ابوابه ان شاء الله

تستاهلون كل خير

[Abu Reem]

انا الان عرفت لماذا بعض الاسهم لا ترتفع..وسببت ضغط للهوامير فتركوها ......

البعض لا يعرف متى يبيع واين...؟؟؟؟؟

الان اتوقع ايضا اذا ارتفعت بروة 10 دراهم فوق 36.2 يبيعون الاخوان ؟؟؟

مع ان اقل هدف هو 37 .....

[حلم قطري]

يعني انا عمال اقول الرعاية الرعاية...الرعاية...تقوم بالبيع بدري وهيه يادوب بدأت تتحرك......استغرب من اللي يبييع في بداية الانطلاق للسهم

ربحت فيها ريال وقد اصلا خذت ارباحها ، وبالعقل الخروج منها والدخول في بروة هو الصح
اما طلوعها ماله مبرر في وقت باقي اسهم للحين ماوزعت ارباحها مثل بروة وودام

[qatar i]

الله يبارك لك
ولو خليت شوي مابعته كان افضل
الاغلاق فوق ال 70 ايجابي جدا للسهم

اما الرعايه ف امامها مقاومه 73.4 اذا ماخاب ظني
لو اخترقها بتروح فوق

والله ياخي مضارب الطمع خسرني اكثر مما ربحني وبصراحه شفت ان القناعه ممتازه خاصه في تذبذب السوق واتوقع انه مازال في هالوقت مضاربه لا اكثر حتى تتبين نتائج الشركات ومن ثم نبني استثمارنا على نتائج الربع الاول

[Abu Reem]

عيب عليكم يا صناع الرعاية اذا ما ذهبتم الى اللمت اب...؟؟

يعني ما تغيرون من نشامى الاسلامية القابضة ...والخليج الدولية..:)

[qatar i]

انا الان عرفت لماذا بعض الاسهم لا ترتفع..وسببت ضغط للهوامير فتركوها ......

البعض لا يعرف متى يبيع واين...؟؟؟؟؟

الان اتوقع ايضا اذا ارتفعت بروة 10 دراهم فوق 36.2 يبيعون الاخوان ؟؟؟

مع ان اقل هدف هو 37 .....

ولا يهمك يابو ريم ماراح نصرف اقل من 36.9 نص الكميه :)

[مضارب دوسري]

تحليل المبارك عن الاسلاميه


ثبات السهم وإغلاق جلسة يوم أمس أعطت إشارة دخول بتجاوز 65

الأهداف : 71.80 وهي قمة سابقة للسهم ومن المهم تجاوزها

هدف2 : 73.50
هدف3: 75.40
هدف4: 76.90
هدف: 78.40
هدف6: 80

هذا في الوقت الحالي

بالتوفيق

[Abdulla Al.F]

اقصد انه تكون نفس الكميات لكلا المحافض بالضبط

مافهمت علي
بعطيك مثال .. الحين لو مثلا المحافظ القطريه شرت 500 سهم من اسهم ناقلات في الجدول بيطلع صفر .. ليش؟ لانه الجدول يعتمد على نسبة التغير في حالة كانت تساوي او اكثر من 0.01%

بس لو شرت مثلا 55400 وهي نسبة 0.01% من عدد اسهم الشركه اهنيه الرقم بيطلع في الجدول حتى لو المحافظ القطريه شرت 59900 سهم بيطلع في الجدول 55400

اوصلت الفكره؟ :nice:

[Abu Reem]

ربحت فيها ريال وقد اصلا خذت ارباحها ، وبالعقل الخروج منها والدخول في بروة هو الصح
اما طلوعها ماله مبرر في وقت باقي اسهم للحين ماوزعت ارباحها مثل بروة وودام

مين قالك ان طلوع الرعاية ليس له مبرر......؟؟؟؟ معقولة هذا الكلام ...؟؟ هل هي سهم قطر وعمان..ام ...فودافون..

ولماذا نسبة امتلاك المحافظ القطرية فيه قرب ال 60 % ؟؟؟

والسهم 100 % نمو وتوزيع رائع...؟؟

واذا كان السهم (اي سهم) ارتفاعه مضاربيا..فما المانع..ادخل مع الكبار....(لكن المهم الدخول في وقت مناسب والخروج ايضا )...هذه هي البورصة....لا تنفع بدون اسهم مضاربية واسهم عوائد وارباح.....

[atiq]

الاسلامية للتامين........سهم ممل بكل ماتحمل الكلمة من معنى وزيادة

يجري جري السلحفاة

[الزمن دوار]

مين قالك ان طلوع الرعاية ليس له مبرر......؟؟؟؟ معقولة هذا الكلام ...؟؟ هل هي سهم قطر وعمان..ام ...فودافون..

ولماذا نسبة امتلاك المحافظ القطرية فيه قرب ال 60 % ؟؟؟

والسهم 100 % نمو وتوزيع رائع...؟؟

واذا كان السهم (اي سهم) ارتفاعه مضاربيا..فما المانع..ادخل مع الكبار....(لكن المهم الدخول في وقت مناسب والخروج ايضا )...هذه هي البورصة....لا تنفع بدون اسهم مضاربية واسهم عوائد وارباح.....

بس ما كان هاي كلامك لمن قلتلك لو عندك الرعايه 64.60 بيعني
كنت متشائم جدا :)

[مضارب دوسري]

انا الان عرفت لماذا بعض الاسهم لا ترتفع..وسببت ضغط للهوامير فتركوها ......

البعض لا يعرف متى يبيع واين...؟؟؟؟؟

الان اتوقع ايضا اذا ارتفعت بروة 10 دراهم فوق 36.2 يبيعون الاخوان ؟؟؟

مع ان اقل هدف هو 37 .....

المشكله ان بعض الناس يعطون اذنهم لعضو يرتاحون له
ف لا ينتبهون للتحليل الفني للاسهم
وهذا خطا للاسف
لازم الواحد يعرف وين يدخل ومتى يدخل ومتى يبيع
ويقرا صانع السهم من خلال التداول
الاسلاميه خفيفه
والرعايه ايضا خفيفه بس اسهمها اكثر من الاسلاميه

في اسهم ثانيه عشان يرتفع ياخذ وقت حسب الصانع وتململ الملاك

[NO_LIMITs]

السلام عليكم
بوريم مشاء الله عليك نمبر ون..

ممكن تنصحني اي سهم ممكن اشتري ؟؟ عندي مبلغ ومحتار وين ادخل!!!

[بحر شرق]

السلام عليكم

شباب مزايا ممكن تنزل اكثر

[بحر شرق]

أتعس سهم اعمال

[$$$]

الخليج التكافلي.....تنصوحوني اطلع براس المال.....ولا فيه ارتفاع قريب.....ولا استفدت من الاسهم المجانيه

[Abu Reem]

يعني السيولة والهوامير ...مشغولة الان بمسيعيد...بعد ان ينتهوا (اما برفع السهم مرة اخرى الى اللمت اب ) او بانتهاء التصريف..سنجد السيولة تتجه الى بعض الاسهم

( بروة - صناعات - رعاية - مجموعة اسلامية - الخليج الدولية )

هههههههه اللهم لك الحمد

زي ما توقعت بعد ان هدأ اللعب على سهم مسيعيد...ارتفعت الاسهم اعلاه..

ده حتى التكافلي ارتفع...وايضا الاسلامية للتأمين :ok2:

[qatar i]

مافهمت علي
بعطيك مثال .. الحين لو مثلا المحافظ القطريه شرت 500 سهم من اسهم ناقلات في الجدول بيطلع صفر .. ليش؟ لانه الجدول يعتمد على نسبة التغير في حالة كانت تساوي او اكثر من 0.01%

بس لو شرت مثلا 55400 وهي نسبة 0.01% من عدد اسهم الشركه اهنيه الرقم بيطلع في الجدول حتى لو المحافظ القطريه شرت 59900 سهم بيطلع في الجدول 55400

اوصلت الفكره؟ :nice:

بيض الله وجهك ابو عابد

[بحر شرق]

الخليج التكافلي.....تنصوحوني اطلع براس المال.....ولا فيه ارتفاع قريب.....ولا استفدت من الاسهم المجانيه

أنصحك تبيع الاسهم المجانيه اذا تبي كاش وتخلي الاسهم الأصليه استثمار

[golden]

السلام عليكم
سعر الناقلات هل مناسب للشراء

[Abu Reem]

بس ما كان هاي كلامك لمن قلتلك لو عندك الرعايه 64.60 بيعني
كنت متشائم جدا :)

متشائم من بطئه واسلوبه..الرديء في التحرك لاعلى.....وليس من السهم نفسه..

يعني شوف الحين طلع ل 71 ونزل الان قرب 69.3 في هوامير..(جدعان ) يعملوا كده..

الشغل الصح..ان لما السهم يرتفع ويعدي 4 % الى 50 % لازم يطلع اللي اللمت اب.......بس هنا الهوامير...طباعهم غريبة شوية

[qatar i]

ابو ريم

ممكن تعطيني نظرتك لشركة ودام اشوف فيها ضغط متى راح يكون الانفراج

[Abu Reem]

السلام عليكم
بوريم مشاء الله عليك نمبر ون..

ممكن تنصحني اي سهم ممكن اشتري ؟؟ عندي مبلغ ومحتار وين ادخل!!!

مضارب سريع يوم ويومين وثلاثة

ولا مضارب شهري ( بنتظر على سهم شهر او اثنين ...)

وضح

[qatar i]

شركة ودام راح يطلع فيها خبر ايجابي ان شاء الله قريبا

[golden]

بوريم رأيك بسعر ناقلات

[مضارب دوسري]

جاري فلترة ملاك الاسلاميه
حتى لو ان نزل اليوم او من اللمت اب
المهم لما يطلع يطلع صح ومحد يوقف ف وجه السهم

[مشروع هاموور]

المشكله ان بعض الناس يعطون اذنهم لعضو يرتاحون له
ف لا ينتبهون للتحليل الفني للاسهم
وهذا خطا للاسف
لازم الواحد يعرف وين يدخل ومتى يدخل ومتى يبيع
ويقرا صانع السهم من خلال التداول
الاسلاميه خفيفه
والرعايه ايضا خفيفه بس اسهمها اكثر من الاسلاميه

في اسهم ثانيه عشان يرتفع ياخذ وقت حسب الصانع وتململ الملاك

كلام صحيح 100 % :nice:
اسمع على راحتك بس انتبه للتحليلات
واولا واخيرا قرار البيع والشرا هو قرارك الشخصي محد بينفعك

[مضارب دوسري]

صانع الاسلاميه عينه عالمتوسط
يبي المتوسط يوصل 70
وعقب محد يبيع

[Abu Reem]

ابو ريم

ممكن تعطيني نظرتك لشركة ودام اشوف فيها ضغط متى راح يكون الانفراج

اشوفها لك مساءا في التحليل الفني...

السهم من عاداته انه يرتفع فجأة 4 او 5 % وبيعدين يهدأ اسبوع الى 10 ايام..ومن ثم يعاود الصعود

[حلم قطري]

مين قالك ان طلوع الرعاية ليس له مبرر......؟؟؟؟ معقولة هذا الكلام ...؟؟ هل هي سهم قطر وعمان..ام ...فودافون..

ولماذا نسبة امتلاك المحافظ القطرية فيه قرب ال 60 % ؟؟؟

والسهم 100 % نمو وتوزيع رائع...؟؟

واذا كان السهم (اي سهم) ارتفاعه مضاربيا..فما المانع..ادخل مع الكبار....(لكن المهم الدخول في وقت مناسب والخروج ايضا )...هذه هي البورصة....لا تنفع بدون اسهم مضاربية واسهم عوائد وارباح.....

اخوي انا مقتنع ببيعتي ودخولي في بروة متأكد انه افضل
انا لست محلل لكني مراقب جيد وجيد جدا ولا اطالع المختلطه والربوية

الرعاية خذتها 62 وخذت كمية كبيرة وخذت الارباح وبعتها 67.7 فاعتقد اني توفقت

[مضارب دوسري]

كلام صحيح 100 % :nice:
اسمع على راحتك بس انتبه للتحليلات
واولا واخيرا قرار البيع والشرا هو قرارك الشخصي محد بينفعك

هذا اللي ابي اوصله من زمان وصلته انت بكلمتين
جزاك الله خير

[Abdulla Al.F]

مضارب سريع يوم ويومين وثلاثة

ولا مضارب شهري ( بنتظر على سهم شهر او اثنين ...)

وضح

قود؟ :nice:
http://imagizer.imageshack.us/v2/xq90/829/v811.png (https://imageshack.com/i/n1v811p)

[لـبـيـه]

طلبات بروه ادل على انفجار قادم

[Abdulla Al.F]

هذا اللي ابي اوصله من زمان وصلته انت بكلمتين
جزاك الله خير

تدري وشو المشكله؟
ذاك اليوم شفت مشاركه لحد الاعضاء يقول السهم الفلاني بيرتفع و مادري شنو
شوي بعدها بكم يوم يسأل وشو يعني س.س

:secret::secret::rolleyes2::rolleyes2:

[qatar i]

اشوفها لك مساءا في التحليل الفني...

السهم من عاداته انه يرتفع فجأة 4 او 5 % وبيعدين يهدأ اسبوع الى 10 ايام..ومن ثم يعاود الصعود

تسلم ابو ريم طلبت كم سهم على 44.5 ومازالو يعطوني مادري شفيهم مع ان وصلتني اخبار ممتازه وان شاء الله راح تكون قريبه باذن الله

[مضارب دوسري]

صانع الرعايه صج لئيم
بس يا ملاك السهم امسكوا سهمكم
واللي يبي يرجع يشتري
السعر مناسب للدخول
نزل 3 ريال في ربع ساعه
والسهم ايجابي
اذن الدخول + الصبررررررر
ممتاز حسب وجهة نظري الشخصيه
للعلم انا لست محلل

[qatar i]

تدري وشو المشكله؟
ذاك اليوم شفت مشاركه لحد الاعضاء يقول السهم الفلاني بيرتفع و مادري شنو
شوي بعدها بكم يوم يسأل وشو يعني س.س

:secret::secret::rolleyes2::rolleyes2:

صحيح :nice:

[مضارب دوسري]

تدري وشو المشكله؟
ذاك اليوم شفت مشاركه لحد الاعضاء يقول السهم الفلاني بيرتفع و مادري شنو
شوي بعدها بكم يوم يسأل وشو يعني س.س

:secret::secret::rolleyes2::rolleyes2:
مع الخيل يا شقرا

[مضارب دوسري]

متوسط الاسلاميه اصبح 70.04
صانع الاسلاميه جدااااااا محترم التحليل الفني

شكرا له

[NO_LIMITs]

مضارب سريع يوم ويومين وثلاثة

ولا مضارب شهري ( بنتظر على سهم شهر او اثنين ...)

وضح

الله يسلمك يوم يومين بس ابي شي سريع حدي يوم الاثنين اطلع الفلوس

[Abdulla Al.F]

مع الخيل يا شقرا

الظاهر :telephone:

[لـبـيـه]

اشم ريحة نكبه في امسيعيد تهقون مزكم ؟

[مضارب دوسري]

تم تنزيل الاسلاميه
لا مانع من التاخر قليلا
يوم يومين صابرين
اهم شي الاغلاق فوق ال70

وحتى لو نزل السهم معطي اشاره ايجابيه

[qatar i]

بروه

مازلنا في السفتي سايد

[مشروع هاموور]

تدري وشو المشكله؟
ذاك اليوم شفت مشاركه لحد الاعضاء يقول السهم الفلاني بيرتفع و مادري شنو
شوي بعدها بكم يوم يسأل وشو يعني س.س

:secret::secret::rolleyes2::rolleyes2:

:funny:

عاد شتقول ف اللي عدد مشاركاته 7 ويقول طيعوني واخذو السهم الفلاني تراه بيطير وله بيعو السهم الفلاني اخباره مب زينه
لا والمشكله في ناس تصدق وتتمشي وراه واخر شي يقولون شدرانا فلان قال عاد سلملي على فلان :tease:

[مضارب دوسري]

رجعوا الاسلاميه لمت اب

[مجروح اسهم]

:funny:

عاد شتقول ف اللي عدد مشاركاته 7 ويقول طيعوني واخذو السهم الفلاني تراه بيطير وله بيعو السهم الفلاني اخباره مب زينه
لا والمشكله في ناس تصدق وتتمشي وراه واخر شي يولون شدرانا فلان قال عاد سلملي على فلان :tease:

رحم الله امرئ عرف قدر نفسه .. المفروض اللي ما عنده علم يستشير الاقدم منه . ولكن ايش طالع باليد في ناس توهم داخلين مثل ما قلت ويعملوا نفسهم خبراء .. الله يصلح حالهم

[Abdulla Al.F]

:funny:

عاد شتقول ف اللي عدد مشاركاته 7 ويقول طيعوني واخذو السهم الفلاني تراه بيطير وله بيعو السهم الفلاني اخباره مب زينه
لا والمشكله في ناس تصدق وتتمشي وراه واخر شي يقولون شدرانا فلان قال عاد سلملي على فلان :tease:

عاد هاي مالحقت عليه:funny::funny:

[Abu Reem]

مش عاوزين شمعة (دوجي ) في الاغلاق...

حد يرفع السوق شوية...

وين مضارب دوسري ....يدخل ب 100 مليون....يرفع المؤشر :telephone:

[مضارب دوسري]

مش عاوزين شمعة (دوجي ) في الاغلاق...

حد يرفع السوق شوية...

وين مضارب دوسري ....يدخل ب 100 مليون....يرفع المؤشر :telephone:

100 مليون ههههههههههههههههه
من فييييييين يا باشا
احنا غلابه يابااااشا

[Abdulla Al.F]

رحم الله امرئ عرف قدر نفسه .. المفروض اللي ما عنده علم يستشير الاقدم منه . ولكن ايش طالع باليد في ناس توهم داخلين مثل ما قلت ويعملوا نفسهم خبراء .. الله يصلح حالهم

الله يصلح حالهم

[حلم قطري]

تم شراء بروة على 36.1 وباذن الله الاسبوع الجاي بيع قبل التوزيع