سؤال للخبراء .. الأسقف (slap) .. تكون هردي ام كونكريت full ؟

[Hamad_qa]

السلام عليكم

حبيت اعرف من اصحاب الخبرة الأفضل في انشاء الأسقف slaps .. هل الهردي hollow block .. ام تكون صبة كونكريت مسلح full ؟

مع ذكر مميزات كل طريقة .. وشكرا مقدما

[Azizuk]

اخوي حمد أنصحك ب slap احسن واوفر بواجد من الهوردي

الحداد عندي قالي لو مسوي بيتك سلاب slap راح يأخذ حديد اقل وخرسانة اقل ومسافة في سقف البيت اكثر وبدون جسور ساقطه تعيق ممرات دكت التكيف

على سبيل المثال البيت كلفني حديد الدور الواحد اكثر من 30 طن حديد و 143 مربع خرسانة على سماكة هوردي 37 سنتيمتر ولو مسوي سلاب كان كلفني 20 طن حديد و 90 متر مربع خرسانة وسماكة السقف 20 سنتيمتر في مساحة الدور الواحد 450 متر مربع
انصح اي واحد يبني او على وشك البنيان حتى لو تكلفة العملية ان يعيد دراسة الخارطة ويدفع عليها مبلغ ولا يسويها هوردي وإذا الاستشاري قال لك لا الهوردي احسن وأقوى قول له مشكور في عمارات وأبراج يبنونها سلاب

وفي بعد طريقه جديده البنيان بالاسلاك بس هذي العملية تحتاج شركات على مستوى كبير و عندها إمكانيات
وأكيد في من هو اخبر وأحسن مني في مثل هالامور وخاصة الأخ
معماري قطري

[معماري قطري]

اخوي حمد أنصحك ب slap احسن واوفر بواجد من الهوردي

الحداد عندي قالي لو مسوي بيتك سلاب slap راح يأخذ حديد اقل وخرسانة اقل ومسافة في سقف البيت اكثر وبدون جسور ساقطه تعيق ممرات دكت التكيف

ما خرب الشغلة الا الحداد وغيره من اللي يفتون في شيء ما يعرفونه .. مميزات الهوردي يا اخوي المصمم صح هي .. إِنك تخفي الأَبيام فيه .. والهوردي وايد أَقوى لمسافات طويلة بدون أَعمدة .. والهوردي أَوفر بكثير وانعمل علشان تقليل كمية الخرسانة وعلشان اخفاء الأَبيام وتقليل الصوت .. الميزة الأَخيرة للهوردي إذا طبعاً اللي مشتغله مهندس انشائي فاهم .. هي إِنك عندك حرية في بناء حوائط طابوق عليه بدون أَبيام.

على سبيل المثال البيت كلفني حديد الدور الواحد اكثر من 30 طن حديد و 143 مربع خرسانة على سماكة هوردي 37 سنتيمتر ولو مسوي سلاب كان كلفني 20 طن حديد و 90 متر مربع خرسانة وسماكة السقف 20 سنتيمتر في مساحة الدور الواحد 450 متر مربع
انصح اي واحد يبني او على وشك البنيان حتى لو تكلفة العملية ان يعيد دراسة الخارطة ويدفع عليها مبلغ ولا يسويها هوردي وإذا الاستشاري قال لك لا الهوردي احسن وأقوى قول له مشكور في عمارات وأبراج يبنونها سلاب

يبقى الخيار بين النوعين وغيرهم من أَنواع أُخرى منها ال composit construction وهي طريقة تستخدم في المباني العالية ببناء آي بيم حديد وصب خرسانة خفيفة عليها لتخفيف الوزن .. يبقى هذا خيار المهندس الانشائي .. مثلاً لو تناولنا منزل عادي وقسمناه الى غرف صغيرة ممكن يطلع حتى نظام ال flat slab زين خصوصاً لو بنسوي تكييف بدكتات وهذا النظام تجيك الأَسقف بدون أَبيام نهائياً .. بس عيبه شوي مرن ولو حد يركض فوق أَو يمشي سرعة تسمع صوت.

وفي بعد طريقه جديده البنيان بالاسلاك بس هذي العملية تحتاج شركات على مستوى كبير و عندها إمكانيات
وأكيد في من هو اخبر وأحسن مني في مثل هالامور وخاصة الأخ
معماري قطري

مشكور اخوي عزيز على هذي الإِشادة .. بالنسبة للأَسلاك فيه نوعين prestressed and post-tensioned وهالنوعين صعبين وللجسور أَو المولات .. مستخدم في الستي سنتر ويمكن البعض يذكرون يوم طاح جزء وماتوا كثيرين من العمال وكان السبب ما ربطوا الأَسلاك اللي في الأَبيام وانكسرت فجأَة .. وصج شغلها صعب.

ملاحظة .. ناس تخوف من الهوردي انه يطيح الطابوق .. الخرسانة بعد ما تنصب تتمدد وتضغط على الطابوق ويبقى ثابت طول العمر بس لو في السقف وسرب ماي وتركناه بدون عازل ففي هذي الحالة بيتفتت الطابوق.

ونلاحظ في الأَطراف يتم تسكير الفتحات بورق أَو أَكياس .. وهذا مهم والمفروض يتم بقطع طابوق واسمنت حتى تيبس ولا تنفتح بسهولة مع ضغط الخرسانة وتدخل في الفجوات وتخرب الهوردي .

انا أَغلب بيتي هوردي وتم تصميمه بطريقة صح مع مهندس انشائي ممتاز .. وملاحظ في المكان العادي صوت الدوس شوي مسموع.

[Azizuk]

مشكور اخوي معماري قطري على المعلومات الطيبه

بس انا حاولت أني استغني عن بعض الجسور الساقطة ماعد ثنين قالي المهندس الإنشائي ومهندس المقاول ان مستحيل يستغني عنهم وأنهم عصب البيت واحد نازل 80 سنتيمتر والثاني 70 سنتمتر ورابطين أعمدة البيت الرئيسية ، حتى حاولت أني استغني عن عامود ويكون العامود الثاني بعدة بمسافة مترين يستخدم
رفض المهندس الإنشائي ومهندس المقاول قالي المسافة بينهم اكثر من 8 أمتار لازم عمود وحتى يوم غيرة مكان العامود نزل الجسر الساقط شوي

لان كل مابعدة المسافة من بين عامود وعامود ينزل يكبر الجسر الساقط و ضطريت أني ارفع البيت عشان الدكتات ،،،،، وهذا غير ان استغنيت عن بعض الجسور الساقطة وخليتها مخفيه في الجه اللي راح يمر فيها دكت التكيف

والحمدالله اول بنيان لي وتعلمت الكثير من أعضاء المنتدى

من الأخ معماري قطري والأخ ابو جمال وكمباري والكثير من الأعضاء
ومشكورين أعضاء المنتدى على المعلومات والنصائح منهم
ويعطيهم الف عافية

[معماري قطري]

مشكور اخوي معماري قطري على المعلومات الطيبه

بس انا حاولت أني استغني عن بعض الجسور الساقطة ماعد ثنين قالي المهندس الإنشائي ومهندس المقاول ان مستحيل يستغني عنهم وأنهم عصب البيت واحد نازل 80 سنتيمتر والثاني 70 سنتمتر ورابطين أعمدة البيت الرئيسية ، حتى حاولت أني استغني عن عامود ويكون العامود الثاني بعدة بمسافة مترين يستخدم
رفض المهندس الإنشائي ومهندس المقاول قالي المسافة بينهم اكثر من 8 أمتار لازم عمود وحتى يوم غيرة مكان العامود نزل الجسر الساقط شوي

لان كل مابعدة المسافة من بين عامود وعامود ينزل يكبر الجسر الساقط و ضطريت أني ارفع البيت عشان الدكتات ،،،،، وهذا غير ان استغنيت عن بعض الجسور الساقطة وخليتها مخفيه في الجه اللي راح يمر فيها دكت التكيف

والحمدالله اول بنيان لي وتعلمت الكثير من أعضاء المنتدى

من الأخ معماري قطري والأخ ابو جمال وكمباري والكثير من الأعضاء
ومشكورين أعضاء المنتدى على المعلومات والنصائح منهم
ويعطيهم الف عافية

يبالغون وايد يا اخوي المهندسيين اللي يطلقون على نفسهم انشائين

تصدق بيتي ولا فيه بيم ساقطة كلش .. حتى مكان القبة ومكان السكايلايت سوينا بيم معكوسة على فوق .. فكانت حماية للقزاز وحماية ضد الماء والعازل تركب عليها .. عاد قول للتخطيط شوفوا وراقبوا تاركين الشغلة على الاستشاريين .. حتى لاحظت مبالغة كبيرة في التصميم ووقت التنفيذ بينهم وبين المقاول يقللون الحديد والخرسانات ويوفرون فلوس المالك دافعها وتروح في مخابيهم.

[Azizuk]

والله انا أشوف الحديد وايد عندي حتى الحداد يقولي الحديد اللي نازل في بيتك يسوي عمارة 8 ادوار يقولي وايد مبالغة في الحديد والخرسانة وكثرة الأعمدة بس هو في النهاية لازم يطبق اللي موجود في الخرائط

[معماري قطري]

والله انا أشوف الحديد وايد عندي حتى الحداد يقولي الحديد اللي نازل في بيتك يسوي عمارة 8 ادوار يقولي وايد مبالغة في الحديد والخرسانة وكثرة الأعمدة بس هو في النهاية لازم يطبق اللي موجود في الخرائط

وهذا الشغل غلط .. الزيادة نقص وخسائر يتحملها المالك .. انا ممكن أَدفع 100 الف في تصميم مناسب ولا ادفع 10 الاف في تصميم بيخسرني وايد وبيكون كله مشاكل .. مشكلة الخرسانة كل ما كانت ثقيلة كلما احتجنا أَبيام قوية تحملها وأَعمدة ضخمة وحديد زيادة .. وكل ما زاد الحديد قلت تغطيته صح بالخرسانة وزاد احتمال الصدأ وضعف الخرسانة بعد سنين.

هذا الحداد مجرب وشايف وعارف ان التصميم مبالغ فيه وايد .. وكثير من المكاتب تسوي تصميم انشائي بدون خبرة بس كل مهندس يزيد .. وبعضهم يسوون زيادة غير معقولة يعني فوق 200% .. ووقت التسعير تحصل سعر غالي ويجيك مقاول زين مسعر أَقل من الباقيين ومرشحه لك الاستشاري ويبدأ الشغل والكثيرين حتى من المختصين ما يقارنون الخرائط مع الواقع .. وفي الواقع يكون المقاول موفر كثير وشايل من الحديد المبالغ فيه من الأصل فوق 100% ومن الخرسانات كذلك .. وكل هذا بتفاهم بينه وبين الاستشاري المشرف .. و100% معناها لو الخرسانات بتكلفك مليون الاستشاري والمقاول بياخذون 500 الف من المليون بطريق غير مباشر .. وهذي الطريقة خبراء فيها المكاتب نص كم ومسهلينها التخطيط بعلم أَو بغير علم .. لأَنهم في الفترة الأَخيرة ما يدققون الرسومات الانشائية ولا تنختم ومتروكة للاستشاري .. قالوا له انت القصاب " والجلوه في يدك " شكل ما نقول كقطريين.

[Hamad_qa]

أشكركم جميعا على المداخلات القيمة

[khaldoon]

الصراحه اخونا العزيز معماري قطري شرح وايد و قال كلام جميل

لي اضافه متواضعه على الموضوع

اولا اسقف الهوردي نلاحظها اكثر في الغرف الواسعه الكبيره مثل الصالات مب الغرف الصغيره

الغرف الصغيره يفضل سلابات سوليد solid slab و فيها جسور ساقطه و لهالسبب تلاقيها تستخدم في العمارات لان غرفها صغيره

الصالات لما تكون كبيره و واسعه نستعمل الهوردي ... ميزته انه يخفي الجسور لانه الجسور فعليا بتكون بنفس سماكة العقده او السقف الخرساني و عرض الجسر ممكن يمتد بمترين مثلا ...حسب التصميم و كبر الصاله

و طبا الخرسانه بتكون اقل و عازل صوت و حرارة

بالنسبه للprestressed & post tension slabs هذه تستعمل في حالات جسور طويله ممكن تصل مثلا ل 30 متر او اكثر و ما نقدر نسوي تحتها اعمده مثل المسابح و شغلها يبيله شركة مختصه في ال prestressed & post tension slabs و طبعا مكلفه جدا و ما اعتقد تسوى في حالات الفلل...


بالنسبه لتكثير كمية الحديد فهذا يدل على فشل المهندس الانشائي اللي صمم البيت لانه اي احد يقدر يرمي حديد وايد في التصميم و هذا مب شغل مهندسين هذا شغل متعهدين بناء مالهم دخل بالهندسه و لهالسبب تلاقي وظيفة المهندس يقوم فيها ناس وايد ما لهم علاقه بالهندسة

الهندسة المدنيه هي بكل بساطه عمل تصميم منشأ بأعلى درجات الامان و بأقل التكاليف الممكنه

لهالسبب تلاقي بيوت زمان خرساناته سميكه و حوائطه سميكه و كل هالشي على الفاضي وما له قيمة انشائيه ابدا....مثل انك تستطيع تاكل وجبه بقيمة خمسين ريال و انا اعطيك مبلغ 500 ريال للوجبه...ما راح تستفيد من باقي المبلغ بس خسرته على الفاضي وما اشتغل شي

طبعا عيب اللي يشيك على التصميم انه ما يقول انه هذا التصميم اووفر ديزاين و اعطى موافقه عليه

قليل جدا من الناس مثل معماري قطري اللي يفهمون و يدفعون مبلغ كبير على التصميم و يوفرون وايد في الحديد و الخرسانات و تكاليف الانشاء لانه معماري قطري نظر للموضوع من ناحيه خساره غير مباشره و هي يدفع اكثر بالتصميم و يحصل على توفير كبير جدا في مواد الانشاء من خرسانات و اطنان حديد مالها داعي

بخصوص الستي سنتر فكان السبب الاساسي في انهيار السف في اخر يوم رمضان و بعد صلاة المغرب بدأ الصب و مات فيه ثلاثة عمال هي التدعيم تحت السقف و ليس التصميم الانشائي

التصميم يكون السبب لما يوقع السقف بعد فك التدعيم اللي تحته او رسوب الخرسانه و ما حققت القوة المطلوبه منها بعد 28 يوم

اللي صار في الستي سنتر انه كان اول مرة في قطر يستخدم نظام التدعيم السبيس اللي يستخدم حاليا قبلها كان كله جكات تحت السقف و كانت الشركه المنفذه مالها خبره نهائيا في هذا المجال و كان في خطأ في تركيب نظام التدعيم و الاستشاري الاسترالي كان من ضمن مسؤولياته انه يشيك على السقف و التدعيم و طبعا بعدها تغير اسم الاستشاري بسبب هالغلطه القاتله و صار اسمه ...... والا بلاش نقول

بخصوص تسكير الطابوق في الهوردي سلاب بورق او اكياس الاسمنت فهذا تصرف خاطىء و المفروض تتسكر بمونه و نخليها تنشف قبل انه نقوم بتصفيف الطابوق حسب التصميم لانه الورق ممكن يدخل للداخل من ضغط الخرسانه خلال الصب و الهزاز و يعبي الطابوق و يصير سوليد و مصمت و ما استفدنا من عازل الصوت و وزن زايد على السقف ماله داعي

طبعا الجسور المعكوسه او INVERTED BEAM خيار صحيح 100% و انا متفق معاكم عليه

بخصوص تكثير الحديد على حساب الخرسانه فهذا قمة الجهل لانه الحديد يشتغل كشد و الخرسانه تشتغل كضغط ..... احيانا نلاقي سقف خرساني واقع منه الخرسانه و صار في فتحه و الحديد مازال مكانه ... لانه الخرسانه كانت اقل من المطلوب لانه الحديد اخذ مكانها و كان على حسابها و لهالسبب هي رسبت و الحديد ما رسب لانه اووفر و هالشي نلاقيه في المباني القديمه خاصة

اتمنى اكون علقت على كل ما ذكر بالاعلى من مداخلات و سامحوني على الاطاله

تحياتي

[معماري قطري]

مشكور إِخوي خلدون على هذي المداخلة وعلى توضيح ما أَغفلت في توضيحه

بخصوص حادث الستي سنتر .. المعلومات انا مستقيها من مدير المشروع ممثل المالك .. والسبب باختصار كما شرح لي هو عدم تثبيت أسلاك حديد الشد اللي هي على طريقة ال post tension ومؤكد كان فيه تدعيم خفيف .. ومثل ما انت عارف في مثل هذي التحقيقات لازم يدفع التأَمين لأَن فيها يكون إِهمال واضح من الإِستشاري المشرف اللي لازم هو والمقاول يتأَكدون من ربط أَسلاك الحديد بالطريقة الصح قبل الصب .. لذلك الضحية الأَسهل هو المقاول والمقاول بيدفع عنه التأَمين .. ولو تم اثبات الحالة علمياً وبدقة بينسجن الاستشاري المشرف وممكن معاه فورمان المقاول كمسؤولية مشتركة .. بس نرجع لعقد التأمين نحصله يقول أي حادثة ولا يسئل عن المخطيء من لذلك لازم التأَمين يدفع حسب القانون.

[Bozizoo]

تصحيح الطابوق الي يستخدم في الاسقف الهوردي ليس السبب انه مايسقط عشان تمدد الخرسانه
وانما عشان شكل طابوق المستخدم في الاسقف طاابوق خاص جدا
شكله غير تماما عن الطابوق العادي فا اطرافه من جهه 40 سم مشطوفه على مااظن بزاويه 45 درجه
فتركب المقطع الصغير تحت و الكبير يكون فوق
وياريت حد يقدر ينزل صوره الطابوق الهوردي عشان تكون اوضح لتفسير كلامي

[معماري قطري]

تصحيح الطابوق الي يستخدم في الاسقف الهوردي ليس السبب انه مايسقط عشان تمدد الخرسانه
وانما عشان شكل طابوق المستخدم في الاسقف طاابوق خاص جدا
شكله غير تماما عن الطابوق العادي فا اطرافه من جهه 40 سم مشطوفه على مااظن بزاويه 45 درجه
فتركب المقطع الصغير تحت و الكبير يكون فوق
وياريت حد يقدر ينزل صوره الطابوق الهوردي عشان تكون اوضح لتفسير كلامي

مسوين مشاريع بعضها له 35 سنة قبل لينتجون هذا الطابوق وباستعمال الطابوق العادي والمباني موجودة للحين .. طاح جزء من طابوقة من حول 15 سنة وكان السبب تسريب ماي المطر وفشل العازل بعد 20 سنة واحتدينا نغيره والحين ما فيه شيء .. الطابوق اللي مسوى للهوردي فيه منه الطيني ومنه العادي اللي ذكرته وبعد أَكيد بيمسك أَكثر .

مثل ذيه.

http://im78.gulfup.com/pL1The.jpg (http://www.gulfup.com/?hJJsOd)

وهذا موقع عن نوعية ثانية من الهوردي الخفيف.

http://www.baalbaki.com/details.aspx?pageid=36

وفيه نوعية أَسقف تجي جاهزة وتتركب خفيفة ومجوفة ومصنعة في المصنع ولمسافات طويلة بدون عمود .. مثال السيبوريكس عند العلي للمشاريع و Hollow core precast concrete slabs عند قطر ردي مكس

تبقى مشكلة الطابوق الطيني الانكسار لو انضرب فيه مسمار للجبس ولازم أَي تعليق يكون ببراغي ودريل.

[khaldoon]

تصحيح الطابوق الي يستخدم في الاسقف الهوردي ليس السبب انه مايسقط عشان تمدد الخرسانه
وانما عشان شكل طابوق المستخدم في الاسقف طاابوق خاص جدا
شكله غير تماما عن الطابوق العادي فا اطرافه من جهه 40 سم مشطوفه على مااظن بزاويه 45 درجه
فتركب المقطع الصغير تحت و الكبير يكون فوق
وياريت حد يقدر ينزل صوره الطابوق الهوردي عشان تكون اوضح لتفسير كلامي


http://im73.gulfup.com/PAZCIB.jpg (http://www.gulfup.com/?laxUM3)

http://im73.gulfup.com/SGriui.jpg (http://www.gulfup.com/?TW893g)

http://im73.gulfup.com/jb4n6R.jpg (http://www.gulfup.com/?dtWPuf)

http://im73.gulfup.com/pNVPDm.jpg (http://www.gulfup.com/?sreXrl)

http://im73.gulfup.com/fBjewj.jpg (http://www.gulfup.com/?zrwWAt)

ما انصح احد يستخدم الطابوق الاحمر.... صحيح وزنه اخف بس اثبت فشله في المواقع و اصلا ما عاد مسموح استخدامه للبناء حسب علمي خاصة في الحوائط

انا استغرب اني سمعت انه ممنوع استخدامه في السعوديه من التسعينات و احنا ما صارلنا فترة طويله مانعينه......عن نفسي في الشركه اللي اعمل فيها اكثر من 12 سنة ما عمري شفته ولا استخدمته

[khaldoon]

مشكور إِخوي خلدون على هذي المداخلة وعلى توضيح ما أَغفلت في توضيحه

بخصوص حادث الستي سنتر .. المعلومات انا مستقيها من مدير المشروع ممثل المالك .. والسبب باختصار كما شرح لي هو عدم تثبيت أسلاك حديد الشد اللي هي على طريقة ال post tension ومؤكد كان فيه تدعيم خفيف .. ومثل ما انت عارف في مثل هذي التحقيقات لازم يدفع التأَمين لأَن فيها يكون إِهمال واضح من الإِستشاري المشرف اللي لازم هو والمقاول يتأَكدون من ربط أَسلاك الحديد بالطريقة الصح قبل الصب .. لذلك الضحية الأَسهل هو المقاول والمقاول بيدفع عنه التأَمين .. ولو تم اثبات الحالة علمياً وبدقة بينسجن الاستشاري المشرف وممكن معاه فورمان المقاول كمسؤولية مشتركة .. بس نرجع لعقد التأمين نحصله يقول أي حادثة ولا يسئل عن المخطيء من لذلك لازم التأَمين يدفع حسب القانون.

المقاول دائما هو المسؤول عن اي اخطاء في الانشاءات خلال التنفيذ و الاستشاري يدفع لو في اخطاء في التصميم و تم اثبات ذلك

الفرق انه لو في خطأ في التنفيذ الاستشاري المشارك الموافق على الشغل الغلط بتتشوه سمعته و ممكن يتعرض للسجن و بتأثر وايد و مثل ما قولت لكم تغير اسمه يعني ما عاد موجود المكتب الاستشاري السابق بقطر

[معماري قطري]

http://im73.gulfup.com/PAZCIB.jpg (http://www.gulfup.com/?laxUM3)

http://im73.gulfup.com/SGriui.jpg (http://www.gulfup.com/?TW893g)

http://im73.gulfup.com/jb4n6R.jpg (http://www.gulfup.com/?dtWPuf)

http://im73.gulfup.com/pNVPDm.jpg (http://www.gulfup.com/?sreXrl)

http://im73.gulfup.com/fBjewj.jpg (http://www.gulfup.com/?zrwWAt)

ما انصح احد يستخدم الطابوق الاحمر.... صحيح وزنه اخف بس اثبت فشله في المواقع و اصلا ما عاد مسموح استخدامه للبناء حسب علمي خاصة في الحوائط

انا استغرب اني سمعت انه ممنوع استخدامه في السعوديه من التسعينات و احنا ما صارلنا فترة طويله مانعينه......عن نفسي في الشركه اللي اعمل فيها اكثر من 12 سنة ما عمري شفته ولا استخدمته

مشكور ما قصرت معلومات مفيدة .. انا للهوردي استخدمت طابوق عادي وبزاوية قائمة وكنت عارف هذا وعارف الطيني .. الطيني خفت أَغامر وأستخدمه في الطبقة الداخلية من الحائط الخارجي المركب .. وركبت عرض 15 سم بعد العازل طيني ناحية الخارج والحمد لله ما فيه مشكلة للحين .. بس مستغرب ليش السعودية تمنعه .. أَول شيء وزنه نص وزن العادي .. وثاني شيء صلب وقوي .. الظاهر منعوه لعدم استهلاك الطين اللي هو نادر عندهم وعندنا ولازم استغلاله للزراعة.

[khaldoon]

مشكور ما قصرت معلومات مفيدة .. انا للهوردي استخدمت طابوق عادي وبزاوية قائمة وكنت عارف هذا وعارف الطيني .. الطيني خفت أَغامر وأستخدمه في الطبقة الداخلية من الحائط الخارجي المركب .. وركبت عرض 15 سم بعد العازل طيني ناحية الخارج والحمد لله ما فيه مشكلة للحين .. بس مستغرب ليش السعودية تمنعه .. أَول شيء وزنه نص وزن العادي .. وثاني شيء صلب وقوي .. الظاهر منعوه لعدم استهلاك الطين اللي هو نادر عندهم وعندنا ولازم استغلاله للزراعة.


هو ممنوع في الحوائط لانه ما يتم تعبئته عند الفتحات مثل الشبابيك و الابواب اتركيب الفريمات الالمنيوم و الخشب و الحديد....الخ

و ايضا لو دقيت فيه مسمار صعب لانه ما يمسك و ايضا في صعوبه في تركيب البايبات للكهرباء اللي اسمها conduit و البايبات للمياه و التصريف خاصة لما تكون كبيره و مثل ما انت تعرف انه الفتحات في الطابوق الاحمر صغيره جدا..... اما لو مسموح تركيبه في السقف فما عندي فكره ..ميزته انه وزنه خفيف و ارخص من الطابوق الاسمنتي

[معماري قطري]

هو ممنوع في الحوائط لانه ما يتم تعبئته عند الفتحات مثل الشبابيك و الابواب اتركيب الفريمات الالمنيوم و الخشب و الحديد....الخ

و ايضا لو دقيت فيه مسمار صعب لانه ما يمسك و ايضا في صعوبه في تركيب البايبات للكهرباء اللي اسمها conduit و البايبات للمياه و التصريف خاصة لما تكون كبيره و مثل ما انت تعرف انه الفتحات في الطابوق الاحمر صغيره جدا..... اما لو مسموح تركيبه في السقف فما عندي فكره ..ميزته انه وزنه خفيف و ارخص من الطابوق الاسمنتي

انا اشتغلت فيه في مباني كثيرة وأَغلبها عزلها الحراري بدون عازل وبطبقة طابوق وحدة عزل زين .. وبعضها كطبقة خارجية وعازل والطبقة الداخلية طابوق عادي لسهولة التمديدات .. انا استغربت انك تقول ممنوع وهو يمكن غير مستحب من قبل المقاولين بسبب صعوبة شغله .. للتمديدات عمل الفتحات سهل بالتكسير أَو بالقص بالمنشار الكهربائي بس مؤكد أَصعب من الطابوق العادي اللي تعود عليه الكثيرين.

بعدين عزل الطابوق الطيني وايد أَعلى من عزل الطابوق العادي حسب المختبرات لكن لو تركب باسمنت بتكون فيه فجوات توصيل حراري .. والأَفضل يتركب في الحائط متعدد الطبقات وفي الجهة الخارجية .. وحتى لو يتركب منه 10 سم والنوع الخفيف اللي حشو بس ما يكون حامل للأَوزان.

بالنسبة لقرب الفتحات أَحسن وايد لو نسويها خرسانة بسمك بسيط وبحديد بسيط كإِطار مثبت في الطابوق ومشبوك بمشابك بلاستر بين الطابوق سواءً طيني أَو عادي وبهذي الطريقة نضمن وجود الخرسانة اللي تثبت فيها البراغي .. في الطابوق غالبية المقاولين ما يحشون خرسانة ويتم البناء بسرعة بدون ما يلحق المشرف يشوف.

[khaldoon]

انا اشتغلت فيه في مباني كثيرة وأَغلبها عزلها الحراري بدون عازل وبطبقة طابوق وحدة عزل زين .. وبعضها كطبقة خارجية وعازل والطبقة الداخلية طابوق عادي لسهولة التمديدات .. انا استغربت انك تقول ممنوع وهو يمكن غير مستحب من قبل المقاولين بسبب صعوبة شغله .. للتمديدات عمل الفتحات سهل بالتكسير أَو بالقص بالمنشار الكهربائي بس مؤكد أَصعب من الطابوق العادي اللي تعود عليه الكثيرين.

بعدين عزل الطابوق الطيني وايد أَعلى من عزل الطابوق العادي حسب المختبرات لكن لو تركب باسمنت بتكون فيه فجوات توصيل حراري .. والأَفضل يتركب في الحائط متعدد الطبقات وفي الجهة الخارجية .. وحتى لو يتركب منه 10 سم والنوع الخفيف اللي حشو بس ما يكون حامل للأَوزان.

والله يا الغالي انا اشوف انه المباني كلها لو طفيت المكيف خمس دقايق بس تلاقي الجو حر و يبيلك ترجع تشغله مره ثانيه ....لاحظ الحين في مباني بالطابوق الاحمر و الا لا في قطر..... اعتقد انهم منعوه من سنة بقطر او اكثر بعد و الله اعلم.... مثل ما قولت لك من قبل احنا بالشركه عندنا ما نوصفه و لا نستخدمه ابدا

[معماري قطري]

والله يا الغالي انا اشوف انه المباني كلها لو طفيت المكيف خمس دقايق بس تلاقي الجو حر و يبيلك ترجع تشغله مره ثانيه ....لاحظ الحين في مباني بالطابوق الاحمر و الا لا في قطر..... اعتقد انهم منعوه من سنة بقطر او اكثر بعد و الله اعلم.... مثل ما قولت لك من قبل احنا بالشركه عندنا ما نوصفه و لا نستخدمه ابدا

كل شيء ممكن .. المفروض نشر التقارير الدورية حول مواد البناء والمعامل المنتجة للطابوق والردي مكس وغيره .. وتطوير مواصفات المواد ونوعياتها المسموحة .. المفروض هذا شيء متواصل من الجهات المختصة ووجود المعلومة يكون سهل على النت حتى بالنسبة للمكاتب المخالفة .. ولحصر المشاريع اللي يقوم بها المقاول الواحد ومنعه من أَخذ مشاريع فوق قدرته .. لتصنيف المقاولين دوماً وتصنيف مفصل بحيث لو الواحد حب يتفق مع عدة مقاولين في عدة تخصصات يتفق بسهولة .. صراحة جهاتنا المختصة وايد متأَخرة في هذا المجال.

[معماري قطري]

تصحيح الطابوق الي يستخدم في الاسقف الهوردي ليس السبب انه مايسقط عشان تمدد الخرسانه
وانما عشان شكل طابوق المستخدم في الاسقف طاابوق خاص جدا
شكله غير تماما عن الطابوق العادي فا اطرافه من جهه 40 سم مشطوفه على مااظن بزاويه 45 درجه
فتركب المقطع الصغير تحت و الكبير يكون فوق
وياريت حد يقدر ينزل صوره الطابوق الهوردي عشان تكون اوضح لتفسير كلامي

إِخوي بو زيزو شفت مباني مبنية من حول 40 سنة وهي عدة مباني دور واحد .. سقفها هوردي طابوق عادي وثابت الطابوق الا وحدة انكسرت وطاحت قطعة منها بسبب تسريب ماي من السقف بسبب ان العازل انتهت صلاحيته .. وتم التصليح وتصليح العازل وللحين المباني قائمة .. وهذي حقيقة تمدد الخرسانة وضغطها على الطابوق وبقاؤه ثابت .. النوعية الثانية والحديثة نوعية محدثة وكلها تجي ثابتة.

انا في بيتي حطيت طابوق عادي للهوردي والحمد لله بيوصل 10 سنين بدون مشاكل.

ما لي نية معارضة رأيك أَو شيء بس هذا وضع شفته .. وتناقشت فيه مع مهندس انشائي خبرته حول 30 سنة وهو اللي أَفادني ووضح لي الوضع اللي حتى درسناه وفهمناه في طبيعة المواد.

المباني تمت صيانتها من حول 15 سنة وللحين تستعمل باهمال مثل ما يقولون used and abused وموجودة وقائمة وما فيها مشاكل.

[khaldoon]

كل شيء ممكن .. المفروض نشر التقارير الدورية حول مواد البناء والمعامل المنتجة للطابوق والردي مكس وغيره .. وتطوير مواصفات المواد ونوعياتها المسموحة .. المفروض هذا شيء متواصل من الجهات المختصة ووجود المعلومة يكون سهل على النت حتى بالنسبة للمكاتب المخالفة .. ولحصر المشاريع اللي يقوم بها المقاول الواحد ومنعه من أَخذ مشاريع فوق قدرته .. لتصنيف المقاولين دوماً وتصنيف مفصل بحيث لو الواحد حب يتفق مع عدة مقاولين في عدة تخصصات يتفق بسهولة .. صراحة جهاتنا المختصة وايد متأَخرة في هذا المجال.
متفق تماما معاك وما اقدر ازيد اي شي على كلامك يا الغالي