شباب تكفون احد يعرف مكان لصبغ ابواب الحديد بسعر مناسب

[الكاسر99]

السلام عليكم ورحمة الله وبركاته

اخواني احد منكم يعرف محل ممتاز في صبغ الابواب الحديد وعمل الحمايه للشبابيك

ويكون سعره مناسب وغير مبالغ فيه ويكون ياريت من واقع تجربه


لاني عملت ابواب حديد لمدخل الصاله والمجلس والحوش مع الصبغ لكن للاسف الصبغ طار لانه تعبان

جداً

ارجوا المساعدة


وجزاكم الله كل خير

[بو الجوري]

أغلب محلات الدرابزين يسوون ، و أنا نفس حالتك حسبي الله فيه اللي صبغهم

جبت واحد من فتره و نسيت من الصراحـه

قلتله شلون في أقل من سنه طار الصبغ تقريبا و صدى الحديد !!

قال لآنه مب مرشوش بمادة الحمايه قبل الصبغ :..


المهم

حبيت أرفعلك الموضوع يالطيب :)

[لما]

جيرسي السد

[حسن]

في محل في السد اعتقد عند السوق اللي قبل شركه النيسان
لكن مااعتقد سعره يكون رخيص

بالنسبه لبواب الحديد انا شفت شغلهم
اذا الباب معرض للجو الخارجي شي طبيعي بيتغير لونه وبيصدي لان الحديد اساسا يصدي
ولو انت دهنته برايمر
لاكن لو اللي يبي يسوي شغل نضيف وماتحاتيه من الصدا
لازم الباب ينزل في مغطس لللجلفنه ويتغلفن وعقب ادهنه هني كونا طبقه عازله
عن الصدا لفتره طويله
اما شغل اللي عندنا اي كلام
انا عندي ابواب حديد اثنين مداخل للبيت ولكن عملت قدامهم ابواب يوفي بي سي
فانحمو من الرطوبه والغبار وانعزل البيت والمداخل من الغبار
مع العلم انا ماافضل ان تعمل مداخل حديد تسريبات الخبار كبيره جدا
وماي المطر وغيره

بالتوفيق

[الكاسر99]

اخوي بو الجوري لو تشوف صبغ بابي تقول مب صبغ ماي وطار

اعرف ان اغلب محلات الدرابزين يصبغون لكن من الزين فيهم

يعني محل اسيا في العزيزيه تشوف شغله في معرضهم تقول خيال


تختار من عندهم باب جاهز هم عاصينه وصابغينه

لكن عند تركيبهم لك في بيتك يكون شي اخر

تقول له لون الصبغ غير يقول لك

مافي امل يطلع نفس الللي في المحل لان في المحل مكان بارد وفي وجود ليتات سبورت

مادام كلامه كذا ليش من البدايه ماقال هذا الكلام


يعني تشوف اشياء في المحل وفي الواقع اي كلام