اقتراح تحويل المواقف في قطر بمبلغ رمزي(وزير البلدية حياك)!!!

[بوحارب]

السلام عليكم

انتظر اليوم اللي اشوف فيه جميع المواقف في قطر تصبح برسوم

حتى يتسنى لنا الحصول على موقف في أسرع وقت

ونفتك من العامل اللي يوقف سيارتة وما يحركها الا اذا جاه شغل فقط

او بعض الناس يسافر ويخلي موتره واقف بالأسبوع وأكثر

ويوصي ربعه بتنظيف السيارة حتى لايتم سحبها من البلدية


هذا هو الحل الوحيد من وجهة نظري

أنتوا اشرايكم؟

[غير البشر]

اتمنى ان يصير اقتراح حلووو

وحتى خط 22 فبراير وخط سلوى يصير نفس سالك بفلوس

[بوحارب]

روحوا شوفوا المواقف في شارع النجمة وشارع مشيرب
وشارع المنصورة وشارع بن محمود

كلها مشغولة بسيارات العمال المازدا والبياكم وما تتحرك الا نادراً

وايضاً المجمعات اشوف الكثير يوقف موتره العصر وما يرجع الا اخر الليل ياخذه

لازم تطبيق نظام الفلوووووس عشان يخف الضغط على المواقف

ولنا في دبي اسوه حسنه

[R 7 A L]

والله ياليت اقتراح ممتاز
ويوفرون لهم مواقف مجانية خارج الدوحة والي ينقلهم لمحل اقامتهم شركة كروه

[أم محمد 90]

اقتراح جداً ممتاز وانا أؤيده

[العلياا]

انا سمعت ان مواقف اللؤلؤة ركبوا الاجهزة بس ما فعلوها
نفس اسباير تدخل تاخذ كرت بس ما تدفع فلوس
وجزء من فيلاجيو كان بفلوس ومحد كان يوقف وبعدها كنسلوه وافتحوه للعامه

يعني لو تم تفعيلها بمبلغ رمزي ممكن يحد من المشاكل اللي ذكرتها

[بوحارب]

اتمنى ان يصير اقتراح حلووو

وحتى خط 22 فبراير وخط سلوى يصير نفس سالك بفلوس
ياريت والله


والله ياليت اقتراح ممتاز
ويوفرون لهم مواقف مجانية خارج الدوحة والي ينقلهم لمحل اقامتهم شركة كروه
انت ابو الأفكار الحلوة


اقتراح جداً ممتاز وانا أؤيده

خاصه البنات لما يروحون لمثل هالمناطق هم اكثر المتضررين

اما احنا الشباب ممكن ندبر حالنا

[: بوحمود :]

فيه شركة اسمعا قطر بارك اتوقع انها بتستلم المواقف في قطر

[شيخ الديرة]

نصبوا العدادات بال 2007 بشوارع القريبة من سوق واقف, ولكن أختفت بدون سابق أنذار

[مليونيرة مفلسة]

فكرة ممتازة

[بوحارب]

انا سمعت ان مواقف اللؤلؤة ركبوا الاجهزة بس ما فعلوها
نفس اسباير تدخل تاخذ كرت بس ما تدفع فلوس
وجزء من فيلاجيو كان بفلوس ومحد كان يوقف وبعدها كنسلوه وافتحوه للعامه

يعني لو تم تفعيلها بمبلغ رمزي ممكن يحد من المشاكل اللي ذكرتها
لازم يطبق هالنظام لانه راح يخفف الضغط على الباركنات



فيه شركة اسمعا قطر بارك اتوقع انها بتستلم المواقف في قطر
وينها ننتظرها بفارغ الصبر


نصبوا العدادات بال 2007 بشوارع القريبة من سوق واقف, ولكن أختفت بدون سابق أنذار
ذيك الأيام مافيه زحمه

اما الحين الوضع صعب جداً جداً


فكرة ممتازة

:victory:

[شيخ الديرة]

أكثر العدادات متانة وسهولة تحتاج عملة معدنية لتشغيلها. أما اذا نصبت عدادات أكثر حداثة التي تقبل بطاقة الأئتمان أو العملة الورقية فستكون مكلفة وتتطلب صيانات مستمرة.

http://www.gobankingrates.com/system/uploads/Parking-Meter-207x300.jpg

[بوحارب]

اهم شي الأجهزة تكون مطورة

[qatara]

ان يتم الوقوف اول ساعه مجانا

وبعدها ان طول تحتسب تعرفه على وقوفه

[مخطط قطري]

زين مافي اقتراح ثاني بدون دفع؟
مثلا يمنع الوقوف اكثر من ساعه في المواقف العامه او اي سياره توقف اكثر من 8 ساعات تسحب

[شيخ الديرة]

زين مافي اقتراح ثاني بدون دفع؟
مثلا يمنع الوقوف اكثر من ساعه في المواقف العامه او اي سياره توقف اكثر من 8 ساعات تسحب


فـــي

تحتاج شخص يشرف على منطقة مواقف معينة ويضع علامة على التاير وعلى الأرض, وعندما يرجع بعد ساعة مثلا والعلامة بعدها يعني انه ما تحرك, يحرر غرامة

http://cdn.stripersonline.com/9/90/1000x1000px-LL-903df353_TireMarkingInDeal08_4.jpeg

[ANONYMOUS]

هالرسوم بتطلع عليك يالمواطن والمقيم

برفع الاسعار شي بسيط عشان يغطون تكاليف اقتراحك يابوحارب

مثلا

انا ك صاحب تجاره مثلا وعندي 20 سياره سواء للنقل ولا توزيع ولا اي غرض

زادت التكلفه التشغيليه 1000 ريال على شركتي او مؤسستي او سوبرماركتي العود

على بالك بدفعها من جيبي ولا بخصمها من الارباح؟

لا ياحبيبي

بزيد السعر حتى لو نص ريال على عدد من السلع المعينه على اساس اغطي هالتكلفه الاضافيه

هذا تفكير التاجر

--

مفيده فقط هالعمليه اذا كان المستهدف من هالرسوم المواطن البسيط والمقيم الموظف في حاله واعتقد اثنينهم مب قاصرين

[مخطط قطري]

فـــي

تحتاج شخص يشرف على منطقة مواقف معينة ويضع علامة على التاير وعلى الأرض, وعندما يرجع بعد ساعة مثلا والعلامة بعدها يعني انه ما تحرك, يحرر غرامة

http://cdn.stripersonline.com/9/90/1000x1000px-LL-903df353_TireMarkingInDeal08_4.jpeg

كفو يشيخ اقتراح ممتاز ونجنب المواطن دفع رسوم اضافيه

[عيسى111]

الحل يكثرون من الشوارع التجارية بتفضى المواقف لأنه مع كثرة الشوارع التجارية بتكثر المواقف وبينخفض الإيجار وبتنخفض معاه السلع التجارية وبتخف الزحمة

والمستفيد المواطن والمقيم

[شيخ الديرة]

كفو يشيخ اقتراح ممتاز ونجنب المواطن دفع رسوم اضافيه

ممكن أستخدام صبغ سبريه مع غطاء بشق صغير ليترك علامة صغيرة على التاير والأرض بدون تشويه. لأن الطباشير ممكن ينمسح , أما الصبغ لا ينمسح الا بمرور يوم يومين

[R 7 A L]

شيخ الديرة
من الي بيشخط على التاير ؟

[شيخ الديرة]

مفتش الماقف او مراقب المواقف أو من هو مخول بذلك

[مشـــــاعر]

.

إبصراآإحة إقترآإح تشكر عليه خآإصة إحنا آلبنآإت :victory:


مفتش الماقف او مراقب المواقف أو من هو مخول بذلك

بس مفتش المواقف وين بيلحق على كل العالم ؟؟

[غير البشر]

بوحروبي بقولك النظام في سويسرا

انا كنت مسأجر سياره من ايطاليا
لوحه السياره عليها شعار الاتحاد الاوروبي بس يكتبون في اللوحه اول حرف من الدول او رمزها
مثلا السياره من ايطاليا يرمز لها بحرف i

وجنب الفندق في جنيف حصلت موقف والسيارات كلها واقفه
وانا عادي وقفت :rolleyes2:
يوم رجعت حصلت مخالفه وسألت ليش هالمخالفه

قالو انت صاف في موقف لونه الخط ماله ازرق
لازم تصف في موقف لونه الخط الي على الشارع لون ثاني قلتهم ليش

قالو لان جميع المواقف الي فيها لون ازرق مخصصه لسيارات اهل البلد فقط
اما السيارات الغير سويسريه يوقفون في المواقف الثانيه

لان السيارات السويسريه عند تجديد استمارتها يدفعون رسوم المواقف
ومن حقهم يحصلون مواقف قريبه ولهم الحق والاولويه في المواقف :victory:

[شيخ الديرة]

.

إبصراآإحة إقترآإح تشكر عليه خآإصة إحنا آلبنآإت :victory:



بس مفتش المواقف وين بيلحق على كل العالم ؟؟


كل منطقة مفتش، يعني بالدوحة نحتاج 200 الى 500 مفتش يحومون في مناطقهم بحيث يعود على المواقف نفسها مرة كل ساعة

[R 7 A L]

مفتش الماقف او مراقب المواقف أو من هو مخول بذلك

راح يكون فيها تجاوزات
بعكس الاجهزة الي راح تشتغل صح

[بوحارب]

ان يتم الوقوف اول ساعه مجانا

وبعدها ان طول تحتسب تعرفه على وقوفه
اقتراح جميل


زين مافي اقتراح ثاني بدون دفع؟
مثلا يمنع الوقوف اكثر من ساعه في المواقف العامه او اي سياره توقف اكثر من 8 ساعات تسحب
والله هالأقتراح انا أشوفه مناسب

اما اذا خلينا اللمت 8 ساعات ترى دوام العصر للمحلات كله 4 ساعات بس






فـــي

تحتاج شخص يشرف على منطقة مواقف معينة ويضع علامة على التاير وعلى الأرض, وعندما يرجع بعد ساعة مثلا والعلامة بعدها يعني انه ما تحرك, يحرر غرامة

http://cdn.stripersonline.com/9/90/1000x1000px-LL-903df353_TireMarkingInDeal08_4.jpeg

اقتراحك غير مناسب ومب عملي


هالرسوم بتطلع عليك يالمواطن والمقيم

برفع الاسعار شي بسيط عشان يغطون تكاليف اقتراحك يابوحارب

مثلا

انا ك صاحب تجاره مثلا وعندي 20 سياره سواء للنقل ولا توزيع ولا اي غرض

زادت التكلفه التشغيليه 1000 ريال على شركتي او مؤسستي او سوبرماركتي العود

على بالك بدفعها من جيبي ولا بخصمها من الارباح؟

لا ياحبيبي

بزيد السعر حتى لو نص ريال على عدد من السلع المعينه على اساس اغطي هالتكلفه الاضافيه

هذا تفكير التاجر

--

مفيده فقط هالعمليه اذا كان المستهدف من هالرسوم المواطن البسيط والمقيم الموظف في حاله واعتقد اثنينهم مب قاصرين

محد ملعوزنا يا سعر الدعم الا اللي عنده محل واحد

وصافط فوق العشر مواتر ومحتكر نص مواقف

هنا المتضرر المواطن والمقيم والتاجر بعد

[رآعي موآجيب]

لو هالحل بيفيد كان فاد دبي
دبي مواقفها برسوم صار لها أكثر من 15 سنه ، ومن 15 سنه المواقف في دبي تزيد وفرصتك في الحصول على موقف تقل !!

يعني هالحل غير مجدي بالطريقه اللي تتوقعونها

بالعكس ، بيكون الوضع سيء على المواطن قبل المقيم مثل ما تفضل أخوي anonymous

قطر مع الأسف أي زيادة تكاليف أو أي زيادة على الشركات ، المواطن هو من يدفعها وهو يبتسم وراضي غصباً عنه

ولكن الحل الأمثل في تحرك الحكومه بالشكل الصحيح وعدم تمرير موافقات انشاء المباني والأسواق والأبراج إلا بإجبار الملاك بتوفير مواقف سيارات تكون على قدر المشروع والمبنى

يعني مايجي واحد يبي يبني عماره من 20 دور كل دور فيه 3 شقق مع بيسمنت مواقف لعدد 30 سياره فقط !!
لابد من وضع آليه مُلزمه للمالك بإحتساب موقفين لكل شقه على أقل تقدير ، يعني البيسمنت لابد يكون لـ 120 سياره وإلا مافيه موافقه

وقس على ذلك جميع المنشئات بجميع أنواعها وأشكالها , سواء كانت عمارات او مجمعات او أسواق صغيره
ولا حد يتعذر بالمساحه ، مافيه مساحه فيه بيسمنت ، ماعندك فلوس كفايه لتكاليف البيسمنت صغر المبنى وكثر وعوض بالمواقف ، ماتبي تصغر المبنى أطلع من الباب الشرقي ، مافيه موافقه

إما اني اجامل فلان وعلان ومحسوبيه لفلان وعلان ويتسببون في أزمة مواقف والحل المقترح تتحول المواقف بمقابل مادي يأثر على المواطن بشكل سلبي بكل الأمور والمستثمر يجني أرباح !! هذا مهب حل ابد

[شيخ الديرة]

راح يكون فيها تجاوزات
بعكس الاجهزة الي راح تشتغل صح

الأجهزة كيف تعرف أن السيارة تركت الموقف قبل انتهاء المدة؟ المفتش يحرر غرامات لكل السيارات التي لازالت واقفة أمام العداد المنتهي

بالحالتين تحتاج مفتشين

http://www.streetsblog.org/wp-content/uploads/2007/04_16/expired_meter.jpg

[شيخ الديرة]

يعني مايجي واحد يبي يبني عماره من 20 دور كل دور فيه 3 شقق مع بيسمنت مواقف لعدد 30 سياره فقط !!
لابد من وضع آليه مُلزمه للمالك بإحتساب موقفين لكل شقه على أقل تقدير ، يعني البيسمنت لابد يكون لـ 120 سياره وإلا مافيه موافقه


أنتظر سنتين ثلاث لما تنفتح حي كيو بي الجديد قرب ملعب التنس, 9 أبراج بحوالي 700 ألف متر مربع بناء. حتى لو عندهم مواقف ل 6000 سيارة, كيف الشوارع المحيطة سوف تستوعب هذا الكم الهائل من السيارات صباحا وعند نهاية الدوام؟؟

[رآعي موآجيب]

أنتظر سنتين ثلاث لما تنفتح حي كيو بي الجديد قرب ملعب التنس, 9 أبراج بحوالي 700 ألف متر مربع بناء. حتى لو عندهم مواقف ل 6000 سيارة, كيف الشوارع المحيطة سوف تستوعب هذا الكم الهائل من السيارات صباحا وعند نهاية الدوام؟؟


هذا موضوع آخر ومهم جدا

الإصرار على بناء المشاريع الضخمه في قلب الدوحه على هذا الحال يحتاج إلى وقفه جديه ، من 20 يوم تم اغلاق جزئي لشارع الكورنيش القريب من الشيرتون ومنطقة الأبراج ، وتوقفت الحركه المروريه بشكل شبه تام
تعتقد وين الخلل !!؟
تخبط أشغال والأصرار على التواجد في قلب الدوحه أمر سلبي ويحتاج رجال أصحاب قرارات قويه وفعليه

انا صار لي فتره أجمع صور لمشاريع أشغال الجديده اللي المفروض تحل الأزمات السابقه ، وتم دفع المليارات وكانت الحلول وقتيه فقط ، سوف تبين لك اين الخلل بالضبط

[بوحارب]

الحل يكثرون من الشوارع التجارية بتفضى المواقف لأنه مع كثرة الشوارع التجارية بتكثر المواقف وبينخفض الإيجار وبتنخفض معاه السلع التجارية وبتخف الزحمة

والمستفيد المواطن والمقيم
الشوارع كثيرة بس مافيه مواقف كافيه


.

إبصراآإحة إقترآإح تشكر عليه خآإصة إحنا آلبنآإت :victory:



بس مفتش المواقف وين بيلحق على كل العالم ؟؟
والله لما اشوف بعض الحريم يدورون مواقف في منطقة الاسواق
أقول الله يعينها على المعاناة


لو هالحل بيفيد كان فاد دبي
دبي مواقفها برسوم صار لها أكثر من 15 سنه ، ومن 15 سنه المواقف في دبي تزيد وفرصتك في الحصول على موقف تقل !!

يعني هالحل غير مجدي بالطريقه اللي تتوقعونها

بالعكس ، بيكون الوضع سيء على المواطن قبل المقيم مثل ما تفضل أخوي anonymous

قطر مع الأسف أي زيادة تكاليف أو أي زيادة على الشركات ، المواطن هو من يدفعها وهو يبتسم وراضي غصباً عنه

ولكن الحل الأمثل في تحرك الحكومه بالشكل الصحيح وعدم تمرير موافقات انشاء المباني والأسواق والأبراج إلا بإجبار الملاك بتوفير مواقف سيارات تكون على قدر المشروع والمبنى

يعني مايجي واحد يبي يبني عماره من 20 دور كل دور فيه 3 شقق مع بيسمنت مواقف لعدد 30 سياره فقط !!
لابد من وضع آليه مُلزمه للمالك بإحتساب موقفين لكل شقه على أقل تقدير ، يعني البيسمنت لابد يكون لـ 120 سياره وإلا مافيه موافقه

وقس على ذلك جميع المنشئات بجميع أنواعها وأشكالها , سواء كانت عمارات او مجمعات او أسواق صغيره
ولا حد يتعذر بالمساحه ، مافيه مساحه فيه بيسمنت ، ماعندك فلوس كفايه لتكاليف البيسمنت صغر المبنى وكثر وعوض بالمواقف ، ماتبي تصغر المبنى أطلع من الباب الشرقي ، مافيه موافقه

إما اني اجامل فلان وعلان ومحسوبيه لفلان وعلان ويتسببون في أزمة مواقف والحل المقترح تتحول المواقف بمقابل مادي يأثر على المواطن بشكل سلبي بكل الأمور والمستثمر يجني أرباح !! هذا مهب حل ابد

وإذا كانت الارض صغيرة من وين بيطلع لك مواقف !

بالعكس دبي مافيه أزمة مواقف نفس اللي عندنا

عندهم اخف بكثير لانه الكثير يتشرد من دفع الرسوم

[بوحارب]

بوحروبي بقولك النظام في سويسرا

انا كنت مسأجر سياره من ايطاليا
لوحه السياره عليها شعار الاتحاد الاوروبي بس يكتبون في اللوحه اول حرف من الدول او رمزها
مثلا السياره من ايطاليا يرمز لها بحرف i

وجنب الفندق في جنيف حصلت موقف والسيارات كلها واقفه
وانا عادي وقفت :rolleyes2:
يوم رجعت حصلت مخالفه وسألت ليش هالمخالفه

قالو انت صاف في موقف لونه الخط ماله ازرق
لازم تصف في موقف لونه الخط الي على الشارع لون ثاني قلتهم ليش

قالو لان جميع المواقف الي فيها لون ازرق مخصصه لسيارات اهل البلد فقط
اما السيارات الغير سويسريه يوقفون في المواقف الثانيه

لان السيارات السويسريه عند تجديد استمارتها يدفعون رسوم المواقف
ومن حقهم يحصلون مواقف قريبه ولهم الحق والاولويه في المواقف :victory:

هال نظام يبيله عندنا وخاصه حق إخوانا السعوديين

بعضهم حتى موقف المعاقين ياخذه الله يهديهم

[رآعي موآجيب]

وإذا كانت الارض صغيرة من وين بيطلع لك مواقف !



البيسمنت طال عمرك هو الحل الأمثل



بالعكس دبي مافيه أزمة مواقف نفس اللي عندنا



انت تتكلم جد وإلا تمزح ، إذا دبي مافيها ازمة مواقف من عنده أزمه !!



عندهم اخف بكثير لانه الكثير يتشرد من دفع الرسوم


بالعكس يا بوحارب ، دبي عندهم ازمه لدرجة ان أكثر الناس يلجؤون للشارقه حتى اصبحت مثل دبي في أزمتها

[بوحارب]

طيب اخوي عطنا حل ثاني

لنفترض مكان الارض فيه مياه جوفيه وصعبه يسوي بيسمنت وش الحل

يمكن كلامك صحيح لانه روحاتي لدبي قليلة !

[رآعي موآجيب]

طيب اخوي عطنا حل ثاني

لنفترض مكان الارض فيه مياه جوفيه وصعبه يسوي بيسمنت وش الحل

يمكن كلامك صحيح لانه روحاتي لدبي قليلة !

ما تقاس هالشكل فديت خشمك
مايصير اني ما افكر في حلول فعليه على أساس ومبدأ مبني على كلمة ( يمكن أو فرضاً)
المياه الجوفيه ممكن تطلع على مستوى الحفر العادي للتأسيس ، فـ مثل ماراح يتعامل مع هالمياه للحفر العادي ، يتعامل مع هالمياه للبيسمنت

تدري يا بوحارب ، الحلول موجوده ، لكن حب وهوس الربح العالي بأقل التكاليف الممكنه هي الأهم عند الغالبيه بغض النظر عن السلبيات الآخرى مثل المواقف و سلاسة الحركه المروريه والمنظر العام وتجنب أزمات التضخم وأرتفاع الإيجارات ......الخ

اللي يبي حل بيلاقي بدال الحل مئات الحلول ، بريطانيا وفرنسا بنت أنفاق عملاقه للقطارات وفوق هالأنفاق بنيه تحتيه ومباني قديمه لم تهدم ولم تزال ، ولازالت قائمة إلى يومنا هذا ، انت بنفسك رحت وشفت

تدري ليش ؟ لأنهم ناس يحتوون مشاكلهم ويفكرون بعمق وفاعليه وجديه ويشتغلون لسنوات عديده مستقبليه ، مب مثلنا ! ربعنا يشتغلون لأنهاء أزمه حاليه تنصرف عليها مليارات وبعد سنه فقط ( تي تي , تي تي) اقرب دليل ، نفق شارع سلوى امس وشارع 22 فبراير ونفق اللاندمارك وجسر الصناعيه و و و و و و

[بوحارب]

أنشهد انك صادق في كل كلمة

شغل السريع سريع هو اللي مدهورنا

والأمثلة واضحة بس للأسف مافيه لا رقيب ولا حسيب

هرمنا من الزحمه وقلة المواقف وسواقة الأجانب

كل شي مخربط

تحياتي

[وحيد-الشوق]

تبونا نصير نفس اوروبا الفقر كل مكان بفلوس حتى لدرجة تعقدت من سواقة السيارة هناك

يطبقون نظام ممنوع الوقوف لأكثر من مدة زمنية محدد وكان الله غفوراً رحيما

[بوحارب]

الله لا يقول يا وحيد

أوروبا حتى قدام بيتكم تدفع فلوس ع الموقف

ولكن عندنا مافيه مانع اذا تم عمل مواقف المناطق التجارية

بمبلغ ولو رمزي ع الأقل نفتك من الناس اللي توقف مواترها بالأيام !

[زبرجد]

ياريت والله .. شوف المواقف إللي بسوق الديرة مليااان وداخل السوق فاضي وين يروحون ؟ الله يسلمك يروحون سوق واقف ! يصفون في سوق الديرة لأنه مجان ويتركون مواقف سوق واقف ..

[كاتم الاسرار]

جزاك الله خير
على هاي الموضوع واصلن لازم من زمااااااااااان يسوووون المواقف بفلوس وبعد مش محصل موقف لكثرة السيارات

يعطيك العافيه

[بوخالد911]

أتفق معك

[lion66]

شالدراسة اللي صارت حق المواقف

[الزجاجي]

ممكن نضع حلول عامه ؟
يعني اشوف قليل جداً استخدام المواقف متعدده الطوابق (عمارة مواقف)
الرخصه التجارية يجب ان تكون متساويه نفس ما قال احد الاعضاء ، كل شقه اجباري يكون لها موقف واحد على الاقل
الابراج الي تنبني ومافيها الا عدد قليل جداً من المواقف
المشاريع التجارية خارج الدوحه

المفروض نستغل اخطاء زملائنا في الدول الخليجيه والعربيه وحتى الاوروبية في موضوع المواقف

[سهم عتيج]

مشكلتنا اننا نضع الحلول السريعة للقضاء على المشكلة على المدى القصير فقط

خاطري اعرف شنهي الاقتراحات اللي ممكن تقدمونها للبلد اذا اصبح عدد السكان اكثر من 4 ملايين نسمة بعد اقل من ثمان سنوات حسب التصريحات اللي تقول بان سكان قطر سيصل الى اربعة ملايين في 2022 ،، اي ضعف عدد السكان الموجودين حاليا

[بوحارب]

ياريت والله .. شوف المواقف إللي بسوق الديرة مليااان وداخل السوق فاضي وين يروحون ؟ الله يسلمك يروحون سوق واقف ! يصفون في سوق الديرة لأنه مجان ويتركون مواقف سوق واقف ..
أكيد بيروحون حق المواقف الفري

لكن لو كانت المواقف كلها بفلوس كان ما شفنا هالفوضه اللي احنا فيها


جزاك الله خير
على هاي الموضوع واصلن لازم من زمااااااااااان يسوووون المواقف بفلوس وبعد مش محصل موقف لكثرة السيارات

يعطيك العافيه
الله يعافيك


أتفق معك
وانا معاك:)


شالدراسة اللي صارت حق المواقف
اي دراسه!

[بوحارب]

ممكن نضع حلول عامه ؟
يعني اشوف قليل جداً استخدام المواقف متعدده الطوابق (عمارة مواقف)
الرخصه التجارية يجب ان تكون متساويه نفس ما قال احد الاعضاء ، كل شقه اجباري يكون لها موقف واحد على الاقل
الابراج الي تنبني ومافيها الا عدد قليل جداً من المواقف
المشاريع التجارية خارج الدوحه

المفروض نستغل اخطاء زملائنا في الدول الخليجيه والعربيه وحتى الاوروبية في موضوع المواقف

ياخي بعض المرات تستغرب من الغباء في التصاميم!!!!!!!!

[بوحارب]

مشكلتنا اننا نضع الحلول السريعة للقضاء على المشكلة على المدى القصير فقط

خاطري اعرف شنهي الاقتراحات اللي ممكن تقدمونها للبلد اذا اصبح عدد السكان اكثر من 4 ملايين نسمة بعد اقل من ثمان سنوات حسب التصريحات اللي تقول بان سكان قطر سيصل الى اربعة ملايين في 2022 ،، اي ضعف عدد السكان الموجودين حاليا
مرحبا سهم عتيج

في الحاله ذي لازم المسؤولين يشوفون لهم صرفه

ولا عادي تلاقي الزحمه واصلة من مشيرب لين ام صلال!!!!!

[غير البشر]

مشكلتنا اننا نضع الحلول السريعة للقضاء على المشكلة على المدى القصير فقط

خاطري اعرف شنهي الاقتراحات اللي ممكن تقدمونها للبلد اذا اصبح عدد السكان اكثر من 4 ملايين نسمة بعد اقل من ثمان سنوات حسب التصريحات اللي تقول بان سكان قطر سيصل الى اربعة ملايين في 2022 ،، اي ضعف عدد السكان الموجودين حاليا



هلا اخوي سهم عتيج

تبي احسن اقتراح وحل عملي وليس حل مؤقت
الحل هو كما حصل في منطقه مجاوره دبي

تدرين ان دبي ماعدلت في شوارعها القديمه كثير
ولا وسعت في الطرق القديمه

اقصد الطرق القديمه المنطقه صوب شارع الرقه والماريوت وحمر عين ومنطقه ابوهيل
والمناطق صوب حياه رجنسي وغيرهم

لكن راحو لمنطقه اخرى وبنو شواره ومباني جديده
وهي المنطقه من برج راشد بشارع الشيخ زايد وانت رايح بأتجاه ابوظبي
والمنطقه خلف زعبيل ومناطق الجميرا

لكن في قطر الكل متجمع بنفي المكان وسط الدوحه
نبني فيها ونعدل الشوارع في وسط الناس
نهدم ونبني فقط

الحل ينون مناطق جديده وفنادق خارجيه ومجمعات وبيوت خارجيه بعيده عن وسط الدوحه
وتدريجيا ولاشعوريا الناس تطلع من وسط الدوحه ويخف الضغط عليها

[بوسيف الهاجري]

بو حارب انت كله اتوقف فوق الرصيف حتى لو الموقف فاضي
لايكون عندك مشروع مواقف بفلوس وتبي اتبيعه على الدوله

[بوحارب]

بو حارب انت كله اتوقف فوق الرصيف حتى لو الموقف فاضي
لايكون عندك مشروع مواقف بفلوس وتبي اتبيعه على الدوله

ههههههههه والله انه مشروع ناجح بس عاد نبي الرخصه حق المشروع

لاتحاتي بسويلك موقف خاص قدام المعرض ^^