أنصحكم باختيار طيران غير القطرية خاصة رحلة اسطنبول !!!!

[مشهور]

مريت في موقف لا احسد عليه لمراد بان الخطوط القطرية تبي جني الأرباح السريعة علي حساب سمعتها ومكانتها في العالم ، الي حصل بان رحلة جايه من النيبال وكانوا الركاب شوي عليهم روائح كريهه لدرجه أن الرحلة مرت كنها سنه !!!!

واترك لكم الموضوع وأكييد أنكم مريتو في الموقف الي طبيت فيه ؟

[R 7 A L]

عادي استحمل
ولا رح على سيارتك الخاصة بلا ريحة باا بطيخ

[A 7 M A D]

وين اللي يدل على ان "الخطوط القطرية تبي جني الأرباح السريعة علي حساب سمعتها ومكانتها في العالم" في ما طرحت؟

[شميرام]

شدخل النيبال في اسطنبول

[بحري]

شدخل العنوان في الموضوع بعدين شدخل ريحة الركاب في "الخطوط القطرية تبي جني الأرباح السريعة علي حساب سمعتها ومكانتها في العالم"

ولا الاخ اللي يقول له روح على سيارتك الخاصة :rolleyes2: :rolleyes2:

هههههههههههه مادري تنكتون ولا من صجكم

[مشهور]

[quote=r 7 a l;9444113]عادي استحمل
ولا رح على سيارتك الخاصة بلا ريحة باا بطيخ[/quote

هههه يارجال اسكت طلعت علي الرحلة أغلى من بيع السوق !!! طايح سار لي يومين 😃

[دايموند]

:rolleyes2: :rolleyes2:

[رآعي موآجيب]

البزنس كلاس والأولى في جميع شركات طيران العالم مافيها ريحه :victory:

هالكلام على مسؤليتي :nice:

[مشهور]

البزنس كلاس والأولى في جميع شركات طيران العالم مافيها ريحه :victory:

هالكلام على مسؤليتي :nice:

ما فيه كلاااااام ويسعدني مرورك يا راعي المواجيب ��

[ابن الجزيرة]

ما فهمت ..هل على القطرية تنظيف هؤلاء القوم...لي كثير من الملاحظات على القطرية ولكن هذه ليست مشكلتها

[كرواتيا]

من زمان مقاطعينها

[إعلامي قطر]

..

شالسالفه !!

..

[المهندس عبدالعزيز]

أنا جربت التركية وهي أسوء، القطرية افضل منها

[كلاسيك قطر]

أنصحكم باختيار طيران غير القطرية خاصة رحلة اسطنبول !!!!
مريت في موقف لا احسد عليه لمراد بان الخطوط القطرية تبي جني الأرباح السريعة علي حساب سمعتها ومكانتها في العالم ، الي حصل بان رحلة جايه من النيبال وكانوا الركاب شوي عليهم روائح كريهه لدرجه أن الرحلة مرت كنها سنه !!!!

-----------------------------

يالغالي فهمنا الحين لاتروحون ع القطريه اي اسطنبول والحين ذكرت نيبال فهمنا يالغالي

[مشهور]

أنصحكم باختيار طيران غير القطرية خاصة رحلة اسطنبول !!!!
مريت في موقف لا احسد عليه لمراد بان الخطوط القطرية تبي جني الأرباح السريعة علي حساب سمعتها ومكانتها في العالم ، الي حصل بان رحلة جايه من النيبال وكانوا الركاب شوي عليهم روائح كريهه لدرجه أن الرحلة مرت كنها سنه !!!!

-----------------------------

يالغالي فهمنا الحين لاتروحون ع القطريه اي اسطنبول والحين ذكرت نيبال فهمنا يالغالي

يامرحبا اخًوي انا قولك طال عمرك للمرة الثانية اطلع على رحلة اسطنبول ولا قي الرحلة كلها شرق اسيا ( نيبال - الصين ) وما يخفى عليك الروائح الكريهه لي تواجهك قبل تركب من الباب خصوصا لما تركب مع واحد تكرمون معفن اذا قام من الكرسي والله أني أسكر نفسي ، هاذا القصد من الموضوع .
وعندي سؤال هل الطاقم يحسون بها الشي هل يوجد تقييم انا بي اعرف وشلون تعامل القطرية معا ها المواقف ينظفون الكراسي شلوووون !! من الوساخة الحشرات القمل الأمراض وغيرها ..
وسلامتك .

[hanayen]

انا مره كنت راجعه من الهند على القطريه قبل الإقلاع رشوا مبيدات علينا وعلى الحشرات الله المستعان
وقالوا ذلك لسلامه الركاب
كانت رحله عمل
اللي مب مجبور لا يسافر الأماكن التعبانه واللي مجبور يروح درجه أولى للحفاظ على سلامتكم
يعني باختصار ما يقدرون يسبحون الركاب قبل ليركبونهم
وسلامتك اخوي انشالله أتكون احسن

[h9466]

طيب والسفر لبوكيت تنصحنونا نروح على اي خطوط

[مرتبش]

واجهتني هالمشكلة على طيران الخليج لجدة ..وواجهتني مشكلة رش المعقمات على الاماراتية لماليزيا والسبب انه قرار من الحكومة الماليزية كما اوضحوا لتجنب نقل الاوبئة ..

اشوف القضية غير مختصة بالقطرية ولكنها عامة بسبب الترانزيت الطويل

[بوخالد911]

ع قولة عادل امام : 1 في الشبرة و1 الجيزة

[عازف الاورج]

نصيحه الاماراتيه عن تجربه تنزل في بوكت دايركت

[h9466]

نصيحه الاماراتيه عن تجربه تنزل في بوكت دايركت
الظاهر بنحجز عليها باذن الله،،،،بس كم مدة الترانزيت في دبي

[كلاسيك قطر]

طيب والسفر لبوكيت تنصحنونا نروح على اي خطوط

انا كل مره اروح بانكوك او بكيت كله ع القطريه ومافي ريحه وله ام محمار

[h9466]

انا كل مره اروح بانكوك او بكيت كله ع القطريه ومافي ريحه وله ام محمار
كيف مسار الرحلة؟هل تنزل بانكوك ترانزيت؟ولو تنزل كم مدته؟

[bohilal191]

كيف مسار الرحلة؟هل تنزل بانكوك ترانزيت؟ولو تنزل كم مدته؟

الدوحة ماليزيا ترانزيت ساعة وعقب بوكيت تقريبا 9 ساعات

[qatar i]

انا جاي الفجر على القطريه مافيه احلى منها

[7llo]

والله يالربع سافرت بكذا طيران بس بعد القطريه مافيه دلع وعز ووربي مستحيل اسافر بطيران غير القطريه حتى لو اضطر اخذ التكت بدبل السعر بس القطريه ماكو مثلها

[airbus]

السؤال شلون عرفت ان الطيارة جاية من النيبال،،؟

[airbus]

يامرحبا اخًوي انا قولك طال عمرك للمرة الثانية اطلع على رحلة اسطنبول ولا قي الرحلة كلها شرق اسيا ( نيبال - الصين ) وما يخفى عليك الروائح الكريهه لي تواجهك قبل تركب من الباب خصوصا لما تركب مع واحد تكرمون معفن اذا قام من الكرسي والله أني أسكر نفسي ، هاذا القصد من الموضوع .
وعندي سؤال هل الطاقم يحسون بها الشي هل يوجد تقييم انا بي اعرف وشلون تعامل القطرية معا ها المواقف ينظفون الكراسي شلوووون !! من الوساخة الحشرات القمل الأمراض وغيرها ..
وسلامتك .

ترا لما توصل الطيارة من اي مدينة كل الركاب تنزل وبعدها تركب طيارة تانية

ممكن انت قعدت جنب شخص ماتروش من شهر

[ya3coub]

أخوي عن تجربه سفر

موخرا لم ازر شرق اسيا

ولكن باقي القارات زرتهم و لله الحمد و جربت انواع و اشكال من الطيران

ما يعلى على القطرية شي و اذا مسافر بروحك و مع مجموعه شباب و ممكن يستحملون مافيها شي تروح على اي طيران اخر مع ترانزيت و تطلع التذكرة ارخص

بس للقطرية تدفع اكثر لأنه الرحلات أغلبهم دايركت و فوق هاي تدفع لخدمة من احسن الخدمات تدفع لوجبات تقارنها بغيرها بعد في قمة الجودة انا اتكلم عن الدرجة السياحية فما بالك بالأولى و رجال الأعمال الي صارلهم تقريبا 5-7 سنين يحتلون المركز الأول عالميا بهالدرجتين

سافرت درجة اولى على بعض الخطوط الي تعتبر الأولى فالعالم و تنافس القطرية و انصدمت من المعاملة و من الأكل جربت رجال الأعمال و مسافر الكراسي فالقطرية على بعض الطيارات بالسياحية اكبر من رجال الأعمال بخطوط اخرى
جرب تسافر على القطرية لأماكن و رحلات طويلة و بتحس بالفرق اما 3 ساعات او فدول مجلس التعاون ليست بمقياس اخوي


من ناحية الريحة سوائا جات من النيبال او مكان اسوئ من النيبال. لولا هالنيبالين ما قدرت تسافر بأمان اهم الي مشغلينهم سيكورتي على اغلب جهات العمل و الشركات و اهم مساكين الي يبنون بلادنا بدون ايدي عاملة ما بتشوف شي من الأبراج و البنايات.
صحيح البعض تخرج منه رائحة كريهه ولكن حاول تتعاطف و تشفق تشغل نفسك بفلم او بأي شي جريدة المفروض انه عندك عطر بشنطتك الصغيرة رش منه مافيها شي حطه بكلنكس و شمه من وقت لوقت


اذا لهالدرجة ما تبي عندك فلوسك ممكن تشتري راحتك بدرجة اولى او حتى برحلة على طيارة خاصه مافيها إلا انت و الي تبيهم يسافرون معاك.

[مشهور]

يعطيكم العافيه وتسلمووون علي الردود الطيبة والتفاعل مع الموضوع ،،

[مهره]

ولا خط العودة من انقره للدوحه الطياره مافيها تلفزيون ولا وسيله ترفيه اللهم التلفزيون المعلق فوق ولا تشوف شي يعني مده 3 ساعات دبر عمرك فيهم والروايح حدث ولا حرج خصوصا الخمر والي قاعدين يشربون يطلبون باستمرار طول الرحله استغفر الله

[h9466]

بما انه ذكرنا بوكيت سؤال لخبراء بوكيت الكرام،،، تنصحون بأي فندق يكون سعره وسط ومكانه زين ،،يعني قريب من حاجات عائلة صغيرة جاية سياحة اسبوع لبوكيت،،،

[QTR TV]

والله ما نصحك تروح بوكيت دام الي معاك عائله روح لن كاوي في ماليزيا ابرك لك لان المدينه وسخه وقمه في القذارة ما تصلح للعائلة

[QTR TV]

بخصوص الي يقول روح في طياره خاصه خف على النفر بس حسستني انك كل يوم مسافر في طياره خاصه مادريت عنك يالشيخ
الرجال عنده وجهة نظر بترد رد على قد السؤال وخل الصيه عنك
بنسبه للقطريه والخمس النجوم والأسعار الي مب طبيعيه يعني اكبر يعله يصغر المفروض يطلع رحلات تجاريه خاصه الآسيويين بما أنهم يأخذون التذكره بربع السعر الي يأخذه الشيخ القطري فالمفروض ان القطري يروح بسعر الي دفعه الي متأمل انه خمس النجوم وقمة الراحه هذي معادله اقتصاديه يعني الشركات الأخرى تقدر ترخص تذاكرها وتنتهج نفس النهج ولاكن على حساب العميل فهمت يالغالي يابوطياره خاصه مسموح بنت السبيت والجوكر في طيارتكم

[h9466]

والله ما نصحك تروح بوكيت دام الي معاك عائله روح لن كاوي في ماليزيا ابرك لك لان المدينه وسخه وقمه في القذارة ما تصلح للعائلة

اشكرك على مداخلتك الطيبة...لكن الحقيقة احترت في امري....هناك اللي يمدحها وهناك اللي يذمها...
وبخصوص لنكاوي هل فيها فعاليات مثل بوكت ولا بس جزيرة للاستجمام..؟

[Qatar-Qa]

الله يعينك ياراعي الموضوع

اللي يضحك في الموضوع ان الشباب الله يعطيهم العافيه افتحو في الردود استشارات سفر وسياحه هههههههههه

[الـقـاسـي]

لا صحيح معاك حق المفروض يعدمونهم اللي جايين من النيبال مايحق لهم يضايقونك بالريحه ,,

خافوا الله عاد مب لهدرجه ,

اذا عندك حساسيه من الريحه والناس من المجتمعات الفقيره هين قرشك ولاتهين نفسك احجز على البزنس ولا الفيرست .

معروف اغلب شركات الطيران مايكون فيها اهتمام بالدرجة السياحيه اهتمامهم بس بالبزنس والفيرست وخصوصا القطريه

[أم محمد 90]

يااااما سافرت البحرين ع القطرية والطيارة متروسة هنود وريحتهم صنان !

ماجيت نزلت موضوع ؟ الطيارة مب طيارة ابوي

[Locale]

عقب اسبوعين رحلتي لأسطنبول
والله مايهمني اذا ريحة صنان ولاحتى بدون مكيف
اهم شي توصل بالسلامه :(