استفسار عن مكاتب الاستشارات واسعار التصاميم الهندسية

[بوحارب]

السلام عليكم

على كم أسعار مخطط الفيلا دورين وبنت هاوس وملحق خارجي هالأيام

وياريت ترشحون لي اي مكتب شغله سريع ومحترف وغير مبالغ في سعره!

[عاشق الشهادة]

وعليكم السلام


الاعيال مسوين خرائط الفلل عند مكتب الرشيد فوق محل تدمر عند جسر مدماك وكلفتهم الخرائط
دور ارضي + اول + بنت هاوس+ مجلس+ ملحق+ غرفه سائق ب 8000 الاف ريال ,
وبالتوفيق .

[معماري قطري]

فيه فرق أَكيد بين نسخه وتغيير الإِسم والسعي في الرخصة .. ممكن تكون مجدية للمكتب تكلفة بسيطة ك 8000 ريال .. هذا اذا انت شايف على الطبيعة بيت وعاجبك وصاحبه عارف ان ما واجهته مشاكل وعقده منظم وانت مستعجل وما عندك تغيير توكل على الله واعتمد النسخ .. غير لو تبي شغل معقول وزين هالأَيام أَقل شيء 30 ألف تزيد أَو تقل شوي من مكتب لمكتب .. بعض المكاتب تدفع شهرياً 200 أَلف وبعضها حتى توصل دفعاتها مليون ويمكن فوق كأَتعاب مهندسين وموظفين وسيارات وسكن وغيره .. وكل مكتب ما عنده الا يرفع سعره شوي ولا اسمحوا لي على هالكلمه " يبوق " علشان يعيش.

معليش لساني شوي طويل وأَقول تجاربي .. مكتب الرشيد تورط معاه أَحد الاخوان وتابعت معاه متأَخر واضطرينا نسحب الشغل من عندهم ونسويه مره ثانية في مكتب ثاني .. والحمد لله تغير للأَفضل وايد واللي يبي التفاصيل باوضح له خاص.

[ameeer3]

شوف اخوي ان وأعوذ بالله من كلمت ان قبل لسوي الخرائط سويت بحث دقيق جدا في المنتديات على تجارب الأعضاء مع مكاتب الإشراف وتصميم الخرائط وبعد عدة زيارات لبعض المشاريع للتأكد من مدى متابعة الإشراف وطريقة التنفيذ تم اختيار مكتب اسمه سكيتش للتصاميم والاستشارات الهندسية وطلعت علي الخرائط ظ¢ظ¥ظ*ظ*ظ*الف بس شغل نظييييييف ودقه في التصميم وذلك تفاديا للوقوع في الخطأ اثناء التنفيذ / بالاضافة الى ان خذت الإشراف بعد من عندهم وذلك نظرا للمشاريع الي هم ماسكين الإشراف عليها الصراحة متابعة جداً دقيقة وسعر الإشراف ظ¢ظ¥ظ*ظ* / وأنصحك بالاستشاري المهندس ياسر بدر / لا تنسونا بالدعاء لنا بالتوفيق ولجميع من يبني

[ameeer3]

خمسة وعشرين الف للخرائط و ألفان وخمسمائة للإشراف

[بوحارب]

اخوي عاشق الشهادة والبشمهندس مهندس معماري

أشكركم ع الرد

اخوي امير المبلغ مبالغ فيه نوعا ما !!

ليش كذا غالي؟

[ameeer3]

السعر غالي يا بوحارب لان مثل ما قالك أخونا معماري قطر بان اذا تبي شغل معقول وزين بيكون السعر قريب الثلاثين الف / ونصصصصصصصيحه مني لا تستهين في خرائط بيتك ولا تعطي الشغل لمكتب مش معروف لأنك راح تواجه مشاكل اثناء التنفيذ / والله يوفقك

[معماري قطري]

مكتب اسكتش متوسط ضعيف تقييمي له من خلال تجربة بعد .. والتجربة ما كانت شخصية لكن كنت متابع مع المالك ونصحته مرات .. المشكلة من ياخذ مشاريع بهالأَسعار وخصوصاً العرب ياخذون من المالك أَضعاف مضاعفة من الدفعات على النواقص والزيادات الضرورية على العقد .. شرحت الاتفاق والتعاقد مرات وفي موضوع العقود موضح أَكثر .. حتى عقد التصميم لازم يكون واضح ويتضمن الزيارات وبمعدل أَقل شيء زيارة اسبوعياً وزيارتين ان دعت الحاجة وبواسطة مهندس مختص .. مثلاً ما اوثق في مهندس واحد متعدد التخصصات .. احتاج مختص كهربه وممكن مهندس أَي تخصص يشرح الوضع لمهندس الكهرباء في المكتب وان دعت الحاجة لزيارة يجون عدد مهندسين مختصين ويحددون شيصير بناءً على العقد وعلى المواصفات والخرائط.

في النهاية المالك اللي ما سمع الكلام طلع دافع حول مليون ونص زيادة على عقده وتأَخر بناءَه حول سنتين على العقد والله يعينه على بعض الأَخطاء الغير مرئية .. من ملاحظاتي على مكتب اسكتش خصوصاً قسم الاشراف .. كراسيهم كلها مكسرة وأَثاثهم قديم وقاعة اجتماعاتهم مفتوحة والصوت منتشر في كل المكان .. واللي يبي قبل ليوقع يشوف المكتب وبعدين يحكم .. كم اجتماع معاهم ما يكونون محضرين وتجيهم في الوقت المحدد وتوقف بالغلط وتتخالف وتركب تحصل المهندس مشغول في شغلة ثانية ويخليك تنطر.

كشفت عليهم لعبة كانوا بيدفعون واحد 600 الف لنظام اطفاء وقلصنا القيمة لما يقارب 200 الف في اعادة تصميم والغاء كثير من أَجزاء النظام، وبيني وبينك تمنيت المالك يلغي عقده معاهم لكن ما طاع ولا عني مستحيل اتعامل مع بشر هشكل.

سامحوني يا اخوان ويا محبي اسكتش والرشيد لكن بالصدفة لي هالتجربتين بطريقة غير مباشرة معاهم ونقلتها لكم بحيادية وبصدق.

حتى ما انسى الخرايط يعطي المالك يصورها ويجيبها على حسابه وما تكلف حول 150 ريال بس شغله ومشوار .. وعندي تفاصيل كثيرة ما تنقال هنيه.

[بوحمد82]

صحيح كلام الشباب ماقصروا كفوا ووفوا
(( بس لاتشوف السعر بس شوف الشغل ))
بعض المكاتب تعمل لك قص ولص من خرائط سابقة لكي يوفروا الوقت والجهد مهما كانت خرسانه مبالغ فيها او حديد مبالغ فيه او غيرها ، فأنت تدفع سبعة الأف أو ثمانية الأف ريال مستانس بهالسعر لكن تعال وقت البناء شوف التكلفة هذا نتائج التوفير في الخرائط ، يعني تبغي توفر عشرة الأف ريال ودفعها للمقاول مائه ألف ريال.
(( الحين ادفع ياحلو ))
ولا ارجع اعمل تعديل وتاخر شوي

[معماري قطري]

صحيح كلام الشباب ماقصروا كفوا ووفوا
(( بس لاتشوف السعر بس شوف الشغل ))
بعض المكاتب تعمل لك قص ولص من خرائط سابقة لكي يوفروا الوقت والجهد مهما كانت خرسانه مبالغ فيها او حديد مبالغ فيه او غيرها ، فأنت تدفع سبعة الأف أو ثمانية الأف ريال مستانس بهالسعر لكن تعال وقت البناء شوف التكلفة هذا نتائج التوفير في الخرائط ، يعني تبغي توفر عشرة الأف ريال ودفعها للمقاول مائه ألف ريال.
(( الحين ادفع ياحلو ))
ولا ارجع اعمل تعديل وتاخر شوي

كلامك قمة الصح

يقولون الفرق بين المهندس والبناي .. إِن البناي يبني لك مبنى .. والمهندس يبني لك مبنى بكميات مدروسة وتخطيط صح والمفروض يكون اقتصادي لكن عندنا اختلف الوضع بسبب النسخ والمبالغة في التصميم .. انا في تصميمي لبيتي الإنشائي درست الخرايط ورجعت للمكتب وكان مكتب زين في التصميم الانشائي وطلبت يشيل عدة اعمدة ويعدل التصميم .. وشلنا عدد 5 أَعمدة مع قواعدهم، والعملية خذت اسبوع تقريباً لكن العارف بيقدر يقدر كم وفرت فيها.

وواحد من الاخوان سوى تصميم اقتصادي لدرجة ان المقاول يبني له وهو خايف .. والبلدية قبل على أيامها وأَيام عزها ما رضوا يمشون التخطيط الا بمناقشة المهندس الانشائي.

في دول كثيرة بشوف عيوني كمية الحديد توصل ربع اللي نستخدمها في قطر، والخرسانة خلط موقع يعني تطلع نص قيمة الردي مكس.

[بوNasser]

عن تجربة شخصية سابقة
مكتب سكتش رغم طيبة مالكه القطري، الا ان بعض المهندسين العاملين فيه، للأسف ليسوا اهلا للثقة.

في حوالي عام 2001/2002 سويت عندهم خرائط بيتي (كبار الموظفين)، والرسومات مثل ما طلبتها، وخذت استشاري مهندس مصري من عندهم، بمبلغ 1000 ريال شهريا، وقت اللي كانوا اغلب الاستشاريين يرضون ب 500 و800 ريال، وخليته عندي لين تسليم المفتاح حسب اتفاقي مع المقاول.

بحكم اني كنت مسافر في دورات خارجية اتكلت (بعد الله عز وجلت) في امور البنيان والمتابعة على الاستشاري، وللأسف الحين تبينت لي امور كثيرة كلها غش في غش. بدأً من جسور السور مرورا بالتمديدات الكهربائية وعوازل الحمامات ((لما صار في الدور الثاني تسريب في احد الحمامات المستخدمة للغسيل فقط، تبين ان اصلا هذا الحمام ما فيه عازل، وانا كنت مسافر والا كان اشتكيت على الشركة والاستشاري )) وما خفي أعظم.

رغم ان المقاول في البداية اشتكي منه وقال: استشاريك مايعجبه شي كلش، حتى الدفان احتج عليه.

بس سبحان الله كل شي تغير بعد فترة وصار كل شي يعجبه...!!!!

هذا الكلام اكتبه وانا مسؤول عنه ومحاسب عليه اما الخالق قبل الخلق.

[معماري قطري]

عن تجربة شخصية سابقة
مكتب سكتش رغم طيبة مالكه القطري، الا ان بعض المهندسين العاملين فيه، للأسف ليسوا اهلا للثقة.

في حوالي عام 2001/2002 سويت عندهم خرائط بيتي (كبار الموظفين)، والرسومات مثل ما طلبتها، وخذت استشاري مهندس مصري من عندهم، بمبلغ 1000 ريال شهريا، وقت اللي كانوا اغلب الاستشاريين يرضون ب 500 و800 ريال، وخليته عندي لين تسليم المفتاح حسب اتفاقي مع المقاول.

بحكم اني كنت مسافر في دورات خارجية اتكلت (بعد الله عز وجلت) في امور البنيان والمتابعة على الاستشاري، وللأسف الحين تبينت لي امور كثيرة كلها غش في غش. بدأً من جسور السور مرورا بالتمديدات الكهربائية وعوازل الحمامات ((لما صار في الدور الثاني تسريب في احد الحمامات المستخدمة للغسيل فقط، تبين ان اصلا هذا الحمام ما فيه عازل، وانا كنت مسافر والا كان اشتكيت على الشركة والاستشاري )) وما خفي أعظم.

رغم ان المقاول في البداية اشتكي منه وقال: استشاريك مايعجبه شي كلش، حتى الدفان احتج عليه.

بس سبحان الله كل شي تغير بعد فترة وصار كل شي يعجبه...!!!!

هذا الكلام اكتبه وانا مسؤول عنه ومحاسب عليه اما الخالق قبل الخلق.

مشكلتنا يا بو ناصر المصريين دمروا البلد .. صراحة قلة قليلة يمكن 10% اللي عندهم شوية ذمة .. وانا تعبت مع الكثيرين والمشكلة أَقارب ولا يفيد فيهم شيء .. ياخذ منك 1000 ريال ويطلع 10 الاف بالتفاهم مع المقاول .. وعيبنا احنا كقطريين نسكت عن السيء ولا حتى نعلم الغير .. اللي يبي مكتب زين وفيه مهندس انشائي عربي ويحب العرب وسهولة التعامل معاهم .. يتعامل مع مكتب ام زد اند بارتنر .. غالبية اللي فيه لبنانيين واشتغلت مع واحد منهم سنين اسمه فوزي اسماعيل .. ما شاء الله كله يصمم تصاميم مدروسة والخرسانة قليلة .. انا تلاقيت معاه كم مرة وعلى اتصال به ودعاني لزيارة المكتب بس ما حصلت فرصة .. ما جربت المكتب بس سمعته قوية وغالي بسبب جودة خدماته وخبرات مهندسية وانشغالهم في مشاريع كبيرة خصوصاً الأَبراج والاتفاقيات خارج قطر مع الديار وبروة وغيرهم.

وتكلمنا عن المكاتب عدة مرات وذكرنا كم مكتب من خلال تجربتنا معاهم

[ameeer3]

اخوي انت قلت في سنه ألفين / والمهندسين أكيد الأغلبية تغيروا مع العلم يا اخوي انه تعاملت مع المهندس ياسر بدر وهو جديد في الشركة وكان شغال مهندس معماري في شركه الجابر للتجاره والمقاولات وانت أكيد عارف هذي الشركة / والمهندس ياسر انه اعرفه من قبل ليكون شغال استشاري في سكيتش لانه كان ماسك مشروع بناء لأحد أقاربي يوم كان شغال في شركه الجابر / مع العلم يا اخوي يوم أنه رشحت مكتب سكيتش كتب بان يتم التعامل اما مع يااااااسر او المهندس علي فقط

[بوالعنود.]

السلام عليكم ورحمة الله وبركاتة
بغيت رأيكم في مكتب أتاك للأستشارات الهندسية هل تنصحون فيه أم لا ؟؟

[بوNasser]

اخوي انت قلت في سنه ألفين / والمهندسين أكيد الأغلبية تغيروا مع العلم يا اخوي انه تعاملت مع المهندس ياسر بدر وهو جديد في الشركة وكان شغال مهندس معماري في شركه الجابر للتجاره والمقاولات وانت أكيد عارف هذي الشركة / والمهندس ياسر انه اعرفه من قبل ليكون شغال استشاري في سكيتش لانه كان ماسك مشروع بناء لأحد أقاربي يوم كان شغال في شركه الجابر / مع العلم يا اخوي يوم أنه رشحت مكتب سكيتش كتب بان يتم التعامل اما مع يااااااسر او المهندس علي فقط

السلام عليكم ورحمة الله

ما ادري اخوي ان كنت تقصدني بالرد أو لا، على كل حال انا ما قلت لاتتعاملون مع سكتش، ولا ذميت كل العاملين فيه، و انما سردت تجربة شخصية بس

وهذا اقتباس من ثاني سطر في كلامي:
"" مكتب سكتش رغم طيبة مالكه القطري، الا ان بعض المهندسين العاملين فيه، للأسف ليسوا اهلا للثقة.""

بالتوفيق ان شاء الله، وتقبل اعتذاري ان بدر مني ما يسيء

تحياتي لك وللجميع

[معماري قطري]

المكاتب العربية أَو اللي ادارتها قطرية أَو عربية أَغلبيتها ما فيها نظام صح ومهنية، وأَكيد فيه حالات شاذة مثل مكتب ابراهيم الجيدة سمعت عنه كل خير بدون تجربة شخصية .. والسبب بسيط ان صاحبه مهندس معماري ومصمم ومتابع دوم وموجود دوم .. بعض المكاتب متروكة تشتغل بالبركة .. وأصحابهم قطريين وما يشوفون الا كل خير وتفاني في الشغل من موظفي المكتب .. وأَشياء كثيرة تحصل وما يدرون عنها .. خصوصاً التغييرات اللي تصير بين المقاول والمهندس المشرف .. من كميات خرسانات وحديد الى تركيب مواد كهربية رخيصة ورديئة والمالك طالب الأَفضل ودافع فيه غالي .. إِلى جودة الشغل والتركيب .. عندهم قناعة ان أَحسن مونة لتركيب كل شيء الاسمنت الأَبيض، وهو أَرخص شيء وهالوقت مواد تركيب البلاط والمونة لازم تتناسب مع سعر ونوعية البلاط وتكون معروفة حتى بدون توصيف كدرجة مصنعية معينة.

[معماري قطري]

أقلها مكتب سكتش لو كان مكتب تهمه سمعته ما يطرش المالك بعد ما يتعب منهم يروح ويخلص الترخيص من التخطيط .. ويسوي نسخ للمناقصة حتى لو ياخذ فلوس زيادة من المالك ويسويها هو في مكتب ثاني .. ولا ليش ياخذ فلوس كلها مبلغ بسيط وهو ياخذ مبلغ اشراف صج قليل بس المفروض حاسب فيه هالامور.

[ameeer3]

بيض الله وجهك يا بوناصر ووجه كل من يهمه مصلحة غيره وأبدا يا اخوي انت ما قلت الا الحق بواقع تجربتك الشخصية وان أيضاً تكلمت عن تجربتي الشخصية / وفي النهاية والأخير الهدف واحد يا خوي وهو الاختيار الصحيح قبل البدء في اي مشروع والله يوفق الجميع ان شاء الله

[ameeer3]

أقلها مكتب سكتش لو كان مكتب تهمه سمعته ما يطرش المالك بعد ما يتعب منهم يروح ويخلص الترخيص من التخطيط .. ويسوي نسخ للمناقصة حتى لو ياخذ فلوس زيادة من المالك ويسويها هو في مكتب ثاني .. ولا ليش ياخذ فلوس كلها مبلغ بسيط وهو ياخذ مبلغ اشراف صج قليل بس المفروض حاسب فيه هالامور.

اخوي معماري قطر انه من أشد المعجبين والمتابعين لمشاركاتك / بس يا اخوي تجربتي الشخصية مع هذا المكتب عكس ما تقول والله على ما أقول شهيد / مع أني اكثر من مليون مره اعدل واسوي وأزيد واهم متعاونين معاي لين وصلت الى المطلوب وكنت أتمنى انك في الدوحة علشان أخذ رأيك في التصميم والتنفيذ والإشراف / والله يوفقك ويوفق إخوانا وترجع بالسلامة يا مهندس

[ameeer3]

أقلها مكتب سكتش لو كان مكتب تهمه سمعته ما يطرش المالك بعد ما يتعب منهم يروح ويخلص الترخيص من التخطيط .. ويسوي نسخ للمناقصة حتى لو ياخذ فلوس زيادة من المالك ويسويها هو في مكتب ثاني .. ولا ليش ياخذ فلوس كلها مبلغ بسيط وهو ياخذ مبلغ اشراف صج قليل بس المفروض حاسب فيه هالامور.

اخوي معماري قطر انه من أشد المعجبين والمتابعين لمشاركاتك / بس يا اخوي تجربتي الشخصية مع هذا المكتب عكس ما تقول والله على ما أقول شهيد / مع أني اكثر من مليون مره اعدل واسوي وأزيد واهم متعاونين معاي لين وصلت الى المطلوب وكنت أتمنى انك في الدوحة علشان أخذ رأيك في التصميم والتنفيذ والإشراف / والله يوفقك ويوفق إخوانا وترجع بالسلامة يا مهندس

[معماري قطري]

اخوي معماري قطر انه من أشد المعجبين والمتابعين لمشاركاتك / بس يا اخوي تجربتي الشخصية مع هذا المكتب عكس ما تقول والله على ما أقول شهيد / مع أني اكثر من مليون مره اعدل واسوي وأزيد واهم متعاونين معاي لين وصلت الى المطلوب وكنت أتمنى انك في الدوحة علشان أخذ رأيك في التصميم والتنفيذ والإشراف / والله يوفقك ويوفق إخوانا وترجع بالسلامة يا مهندس

آمين .. نتمنى التوفيق للجميع ونتمنى نعرف تجارب الكثيرين

دخلت مكاتب ما شاء الله راقية ونظيفة ومرتبة .. وشغلهم منظم ولهم نظام واضح ويلتزمون بمواعيدهم

ومن جهة ثانية شفت مكاتب فيها العكس .. حتى ريحة اللي تروح تقابله تفطس .. الكراسي أَغلبها محشورة حشر في غرف شقة مقسمة أَجزاء بسيطة كمكاتب .. ولين تحصل كرسي ممكن تقعد عليه تكون محظوظ .. أَغلبها مكسرة .. وتسمع الحشرة في المكتب كأَنك قاعد في قهوة .. ووصفي هذا قليل من اللي شفته في مكتب سكيتش.

اللي يبي مكتب زين ياخذ لستة المكاتب اللي وفرها لنا الأَخ شموخ دائم ويزور بعض المكاتب فعلياً، ويفضل بعد أَخذ موعد ويشوف كيف ترتيب المكتب وسهولة الوقوف وغيره .. ويسئل عن نماذج منفذة من التصاميم ويناقش كم مهندس خصوصاً المهندس المعماري .. ودوم يحط في باله إِن مهندسي المكتب وادارته فتحوا المكتب كمشروع ربحي وعليهم تكاليف كبيرة جارية شهرياً، ولو سعروا رخيص لازم بيسون خدمة رخيصة وكثير منهم ياخذون مبالغ كبيرة بطرق ثانية شرحناها مرات، وقليلة جداً المكاتب المختصة والعريقة واللي همها انتاج شغل متميز وراحة العميل بالحق.

[ameeer3]

الله يكتب الي فيه الخير لك شخص مقبل على البناء وبالتوفيق يا بوحارب

[خذاني الشوق]

رشحوووووووووووووووووا لنا مكاتب زينه ومش مبالغ بالسعر

رحت كذا مكتب صراحه كله من ال40 وطالع بس الاسكتش يعني معقوله مافي اقل

[Azizuk]

نصيحه تشوف لك مهندس يأخذ الشغل كامل ويعطيك الخريطة كاملة

يعني

من واقع تجربة رحت مكتب من المكاتب الممتازة على مستوى الفلل والقصور والحمدالله التخطيط والمقاسات محسوبة بالملي

بس بعد استلام الخارطة صارت بعض التغيرات تم تغير نوع التكيف من سبلت الى دكت سبلت مع مهندس التكيف بعدين مهندس الديكور طبعا اعادة تخطيط خارطة الكهرباء بعدين مهندس الجبس

مع العلم المكتب الاستشاري طلب مني أجيب له خريطة الديكور ونوع التكيف بس كنت مشغول وصعبة أني اختار كل شي مرة وحده وخاصة ان اول بنيان وكنت اجهل أمور كثيرة

وكل مهندس من تكيف وديكور وكهرباء وغير مخطط وديكور المطبخ والبانتري راح يطلب منك قيمة التخطيط وإعادة التخطيط وأي استشارة من الأشياء المذكورة محد راح يعطيك تخطيط نهائي قبل ماتدفع له

مثلا التكيف حسب لي تقريبا 30 الف ريال لتخطيط الدكتات وشركة اعمال الكهرباء طلب مبلغ وديكور الجبس طلب مبلغ بعدين الديكور الداخلي بعد طلب مبلغ

مهندس الديكور طلب اذا راح يشرف على المشتريات الأثاث والصبغ والإشراف اثناء التركيب راح يأخذ 10% من قيمة الأثاث والصبغ وإذا راح يسافر معاك المصاريف عليك من سكن وكل شي

النصيحة تشوف لك مهندس واحد فقط وتقعد وتتعامل معاه ويأخذ الشغل كامل ممكن يكلفك مبلغ تقريبي 90 الف ريال الى 100 الف ريال بس راح ترتاح وهو يشرف على كل شي

[بوخالد911]

اشرايكم بمكتب شعاع؟

[Aaziz]

سلام عليكم
موفق بوحارب
لو عوده للقراءة و الاستفاده ،، انا سويت خرايطي عند مكتب فيه مهندسه فلسطينيه
اشوفها زينه ،، مع ان المقاول يوم استلم الخريطه اضاف عتبه زياده في الدرج و نزل الله يكومكم ارضيه الحمامات 10 صانتي عشان العزل
مادري يعتبر شي كبير ولا عادي .. المهم انها كانت زينه و تصميمها السهل الممتنع و التكلفه 12 الف لفله 600

[معماري قطري]

نصيحه تشوف لك مهندس يأخذ الشغل كامل ويعطيك الخريطة كاملة

يعني

من واقع تجربة رحت مكتب من المكاتب الممتازة على مستوى الفلل والقصور والحمدالله التخطيط والمقاسات محسوبة بالملي

بس بعد استلام الخارطة صارت بعض التغيرات تم تغير نوع التكيف من سبلت الى دكت سبلت مع مهندس التكيف بعدين مهندس الديكور طبعا اعادة تخطيط خارطة الكهرباء بعدين مهندس الجبس

مع العلم المكتب الاستشاري طلب مني أجيب له خريطة الديكور ونوع التكيف بس كنت مشغول وصعبة أني اختار كل شي مرة وحده وخاصة ان اول بنيان وكنت اجهل أمور كثيرة

وكل مهندس من تكيف وديكور وكهرباء وغير مخطط وديكور المطبخ والبانتري راح يطلب منك قيمة التخطيط وإعادة التخطيط وأي استشارة من الأشياء المذكورة محد راح يعطيك تخطيط نهائي قبل ماتدفع له

مثلا التكيف حسب لي تقريبا 30 الف ريال لتخطيط الدكتات وشركة اعمال الكهرباء طلب مبلغ وديكور الجبس طلب مبلغ بعدين الديكور الداخلي بعد طلب مبلغ

مهندس الديكور طلب اذا راح يشرف على المشتريات الأثاث والصبغ والإشراف اثناء التركيب راح يأخذ 10% من قيمة الأثاث والصبغ وإذا راح يسافر معاك المصاريف عليك من سكن وكل شي

النصيحة تشوف لك مهندس واحد فقط وتقعد وتتعامل معاه ويأخذ الشغل كامل ممكن يكلفك مبلغ تقريبي 90 الف ريال الى 100 الف ريال بس راح ترتاح وهو يشرف على كل شي

تقصد إِخوي عزيز مكتب هندسي واحد لأَن مستحيل مهندس واحد يسوي لك كل شيء الا نسخ ولصق

انا خبرة 21 سنة ودراستنا كان فيها مبادئ الكهربة وتصميم شبكة المنزل .. وفيها الإِنارة .. وفيها التكييف والتدفئة وفيها الصرف الصحي .. وفيها النظام الانشائي حديد وخرسانة .. لكن ممارستي تصميم معماري وتنسيق هذي الأَعمال مع مهندسين آخرين .. ممكن لو أَحاول وأَرجع للمراجع اقدر اسوي بعض التصميمات .. لكن صدقني لازم أَمارس تخصص واحد .. حتى الكهربة تنقسم لعدة تخصصات وفيها أُمور معينة ما يفتي فيها الا مختص معين .. شرايك فيه هندسة بيئة وفيه هندسة مصانع وهذي بعد تنقسم لتخصصات.

اللي يقول لك انا افتي في كل شيء قول له اسمح لي فتوتك حرام، وأَي مكتب نظامي متطور يخليك تقعد مع مهندس مختص يوضح لك أَو المنسق يرجع للمختص ويرجع لك.

واحد من الربع طلب تصميم من مهندس معماري من زمان أَيام التصاميم كاملة وطبعا نسخ تكلف 5000 ريال .. وسوا له تصميم بس معماري ومجسم ب 50000 وخلص له الرخصة المبدئية وقال له هنا ينتهي عملي الباقي عليك تشوف مكتب ثاني يسوي لك باقي التخصصات حسب اتفاقهم .. يعني سوى خرايطة قطعة قطعة مثل اللي يبني عظم، وأَكيد التصميم بيطلع غالي وما يسوى كل هالتعب، ولو مصمم تصميم متكامل عند مكتب كامل التخصصات أَحسن له وايد وأَرخص.

بعدين وين المهندس الشامل ذيه؟ ومن يختم خرايطه؟ .. هذيلا أَغلبهم سماسرة تصميم وشغلهم كله نسخ ولصق وأَختامهم من مكاتب يدفعون لها قليل وياخذون من العميل كثير، والمكاتب تكون غير مسؤولة ولنفترض تتقبل المسؤولية لكن تبالغ في التصميم وتخسر العميل.

السعي ورا المكتب الزين متكامل الخدمات هو أَهم شيء.

[captin]

مثل ما ذكر سابقا في اكثر من موضوع ومثل ما ذكر اخونا الخبير معماري
هناك تخصصات مختلفة في التصميم تبتدي بالمعماري وتنتهي بالديكورات الداخلية
وتنسيق الاثاث والاضاءة الخ.

عندنا في الدوحة راح تلاقي فئات عدة والاغلب مستوى منحدر وتجاري بحت ينسخ ويحط لك
مواصفات ومقاسات على هواه .

التصميم مشروع كبير وفيه تفاصيل كبيرة يحتاج ان كل مشروع يعامل معاملة منفصلة من البداية حتى النهاية.
من اشتراطات تصنيف المكاتب عندنا وجود عدد من المهندسين في المكتب باختصاصات مختلفة مثل
معماري وكهربائي وعدد رسامين.
بعض المكاتب يسوي لك جزء المعماري ويتعامل مع مكتب مصنف في الكهرباء والخدمات الاخرى يسوى الجزء الباقي
انا شخصيا سويت مخططات كثيرة ولاحظت خريطة الكهرباء بالذات مختومة بختم مكتب آخر.

بالنسبة للاسعار للمكاتب المتوسطة واللي عندها الحد الادنى من المهنية والدقة
المفروض يترواح ما بين 30 الى 45 الف ريال.
بو 5000 هاذول ينسخ نسخ مخططات ناس ثانيين ويغير الاسم فقط .

[Aaziz]

السلام عليكم مره ثانيه

قريت الموضوع تقريبا كامل للمره الثانية .

اخوي معماري قطر اسمحلي اخوي اتطرق لبعض النقاط الي تهمني انا و اكيد تهم كذا شخص .
محدثك قليل خبره في مجال البنيان ولكن عندي امكانيه افهم و اتعلم خصوصا اني مقبل على بنيان بيت العمر و حاليا سويت خريطه بنيان تجاري و دوري كان اعدل على بعض الامور بالتصميم و استوعب شكل الخريطه ، و هذي التجربه خصوصا اني ماكنت مشرف عليها بشكل مباشر ماتكفي انها تكسبني خبره كافيه .
ولكن اخوي معماري انت رشحت مكتب او مكاتب و ذكرت اسم اشخاص و اذا كنت ناوي فعلا تفيدنا (ولا شك انك كذلك الله يقويك) الافضل تعطينا على قدنا من الي بيصمم خرايط بقيمه 30 و 40 حتى لو صممنا خبرتنا ماراح تمكنا من معرفه الفرق بين مكتب بـ 10 الاف و مكتب بـ 50 الف و اساسا لو رحنا لمكتب غالي بيتعامل معانا و بيعرف اننا قليلي خبره و بيخطار الطريق الاسهل معنا وهو (قص و لزق) الا من رحم ربي من الي عندهم امانه .
في النهايه كلهم بيسوون شي يصلح للزبون . انا حاليا المقاول طلب مني 850 الف للعظم مع السور و البلستر داخلي و خارجي و تمديدات اوليه ،، اشوفه غالي ولكن هل هذا الغلا بسبب مبالغات في التصميم او ان هذا السعر العادي .
<< كثير من المتابعين لكم من نوعيتي .

افضل انك تقسم متابعينك الى قسمين ،، قسم على باب الله (زي حلاتي) ترشده لافضل الطرق و افضل المكاتب الي تسوي نسخ و لصق و افضل طريقه للحصول منهم على اكبر فايده .
و قسم اخر من المتابعين الي ماعنده مشكله يدفع او الي فاهم في مجال الهندسه و التصميم يروح للمكاتب الي بـ 50 و انت و بقيه الاخوان ماراح تقصرون معاهم في النصايح الي تمكنهم من الحصول افضل نتيجه مقابل المبلغ المدفوع .

[معماري قطري]

إِخوي عزيز انت حشرتني في زاوية ضيقة

تدري اني انصدمت من كثير من أسماء المكاتب اللي مسجلين درجة أُولى .. وصدقني مكاتب تعاملنا معاها كجهة حكومية كثيرة اضطرينا نسحب منها مشروع التصميم وبعضها بعد 4 سنين .. ويمكن كلها من الجنسية المصرية .. كمثال مكتب الكفراوي وهو رحمة الله عليه مصمم الجامعة وكانت بنته وهي دكتوره تديره تعبنا معاه فترة طويلة .. الموضوع حتى انا صعب علي ولو بابني باسوي لي لفه بروحي وباركز على الجودة ونوعية المختصين حتى لو انا سويت الرسوم المعمارية، وأَكيد بابدأَ بمن كانت لي معاهم تجارب طيبة ومثمرة.

التصميم إِذا كان متعوب عليه واشتغل فيه فريق متجانس ومتفاهم ومتمكن ياخذ فترة حول 3 شهور لبيت من بيوتنا .. وهذا الفريق من مهندسين ومقر شغل ورسامين يكلف وايد .. رواتب وكل ما زادت الخبرة زادت الرواتب وايجارات ومصاريف مكتبية دائمة .. وحتى من فترة دخل السكن والسيارات وهذا غير عن نسبة الربح التجاري من المكتب .. العاقل يفكر فيها صح المكتب اللي بيسوي له شغل رخيص هل بيسويه بخسارة؟ أَو بيسويه ناقص وبيحاول يطلع ربحه بطريقة ثانية؟ وفي قطر ممكن المكتب بعد يسوي شغل غالي وهو غش وما يسوى بسبب الرقابة الضعيفة والقوانين الضعيفة اللي تربط المكاتب بجودة شغل معقولة .. يعني باختصار أتمنى يكون المكتب درجة أُولى ممتاز حسب تصاميمه الممتازة .. ودرجة اولى وسط ودرجة اولى ضعيف .. ومعايير الدرجة الأُولى معروفة لكن ممتاز وسط وضعيف المفروض معايير جودة الشغل.

اتمنى في التخطيط العمراني عدد من المهندسين المتذوقين لفن التصميم والمتابعين لأُصول التصميم الانشائي الاقتصادية، واتمنى تطبيق مواصفات عالية للبناء يلتزم بها الجميع خصوصاً من ناحية مواد التشطيب الغير ضارة ومواد الكهرباء الغير خطرة، ويكون فيه تشريع بمعاقبة أَي تاجر يدخل مواد غير مطابقة لمواصفات دُنيا معينة .. بعدين أَي مهندس لازم يكون بحد مقبول من الخبرة ويلتزم بتعليمات محددة تحدد حدود شغله ونبتعد عن بتاع كله.

احنا في منتدانا نحاول نعدل بعض الامور ونتناصح باللي ممكن يفيد بعضنا، والمنتدى ينشر تجاربنا ويمكن غالبية من يشاركون يشاركون بصدق وبعيد عن الدعايات اللي ما لها أَساس .. ويبقى المالك هو اللي في يده كل شيء ولازم يسئل عن المكتب واستعداده ويزوره كم مره ويحكم عقله وقلبه وما يختار عشوائي .. وأَكرر هنا لازم يكون شغل الانسان قانوني ويفترض توثيق العقد توثيق مهني من خلال جهة مختصة .. عندنا تعهد يكتبه المكتب لبنك التنمية أَو لأَي بنك ممول .. والمفروض يكون عقد متكامل ونسخ متعارف عليها حسب حدود العمل والتصميم والاشراف والمناقصة وغيرهم وجهة التوثيق تحط بنود في صالح المواطن ولا يمشي تصميم غير موثق .. المفروض فوق المكاتب جهة رقابية تراقب كل شيء حتى التصاميم الرديئة والمبالغ فيها ويتغرم المكتب ويتحاسب حسب مخالفاته.

شيء مهم في الأَخير .. إِحنا لو تعاملنا مع شخص معين هو طبيعي بيشتغل شغل غير قانوني واحتمال تصير معاه ظروف يحتد يسافر فترات طويلة .. والمكتب غير مجموعة مهندسين لازم فيهم حد يتابع لو غاب غيره .. والأَهم شغلنا قانوني.

[Aaziz]

من بديت في قراءة الفقره الثانيه في مشاركتك تذكرت على طول سالفه التصاميم السابقه يوم كان فيه جنير و سنير ،، تصميم 21 وتصميم 14 و غيره مع اني مالحقت عليها
على الاقل التصاميم هذي من قبل الدوله و ماراح يستفيدون من وراى هالتصاميم فلوس
ان صح التشبيه مثل الطبيب الخاص ( يعالجك و يبي منك فلوس) و طبيب مستشفى حمد (بيعالجك و راتبه اخر الشهر بياخذه)

[معماري قطري]

من بديت في قراءة الفقره الثانيه في مشاركتك تذكرت على طول سالفه التصاميم السابقه يوم كان فيه جنير و سنير ،، تصميم 21 وتصميم 14 و غيره مع اني مالحقت عليها
على الاقل التصاميم هذي من قبل الدوله و ماراح يستفيدون من وراى هالتصاميم فلوس
ان صح التشبيه مثل الطبيب الخاص ( يعالجك و يبي منك فلوس) و طبيب مستشفى حمد (بيعالجك و راتبه اخر الشهر بياخذه)

مثل ما وضحت العملية أَلحين ضايعة وصعبة بسبب هشاشة الرقابة الحكومية والشروط اللي تلزم المكاتب بإِنتاج هندسي مميز وبمتابعة للمشروع صح .. عندنا مهندسين كثيرين لو تختبرهم اختبار انجليزي مختص بالهندسة والمصطلحات الهندسية بيرسب كثير منهم .. والانجليزي لغة الهندسة العالمية ويا ليت ينعمل لهذي المصطلحات ترجمة قانونية دقيقة للعربية وتكون العقود من نسختين عربي وانجليزي للسهولة .. بس نسخ قانونية وموثقة توثيق صح وبتدخل من الجهة الموثقة .. بهذي الطريقة كل من يشتغل بهذي الأَشغال بيفكر يشتغل صح وبيحط العميل على حق وبيحسب حساب القانون والجهات المختصة.

[حسن الاحمد]

ابو حارب : دير بالك تسوي شي بدون ما تستشيرني هههه

[ام خويلد]

مساء الخير
في حد سمع عن مكتب المعراض اللي بالخور؟
عشان ودي اتعاقد مع الاستشاري عندهم
اشرايكم؟

[شموخ دائم]

,

,


مرحبا

ام خويلد

نصيحه لله لا تسوين في الخور ( تاخيركثير كثير)


اختاري من مكاتب الدوحه افضل لك واسرع لك واريح لك


,

,


اخوك

شموخ دائم

[Bozizoo]

مرحبا بالجميع

الموضوع شدني وحبيت اقولكم رأيي في مكتب (النهضة للاستشارات الهندسية)، ثاني مره امدح هالمكتب وبدون محاباة ، وثالث تصميم أسوي عندهم. صاحب المكتب قطري ومتابع الشغل بنفسه شاب ذكي و طموح وعند كلمته.. الإشراف مرتين في الأسبوع مع تقارير وصور لكل زيارة بالتاريخ، وفوق هذا كله بجيك مسج تلفون بكل زيارة كأنك رايح البيت.
المكتب فاتح من ظ¤ سنوات .. ماسمعت أحد يشتكي منه .. والكل يذكره بالخير

اخوي معماري قطر .. أتمنى تمرهم زيارة بدون موعد .. ونأخذ رأيك فيهم
مكتبهم في الغرافة

[ابو يوسف1]

http://plasticindustries.net/up/do.php?img=338 (http://plasticindustries.net/up/)