استفسار ميونخ وماحولها 4 ايام ارجو الافادة ؟؟

[وحيد-الشوق]

السلام عليكم

ان شاء الله ناوي اروح ميونخ يوم 11-4 رحله لشخصين المهم ابي اشوف ميونخ وزيلامسي وسالزبورغ وقارمش هل تكفي 4 ايام او 5 بالكثير اقضيها هناك مع العلم ابي المبيت في ميونخ واتنقل للمناطق الاخرى وبعدها بطلع دوسلدورف 3 ايام الاخيره عارفها عدل بس ميونخ اول مره ازورها يليت تدلوني على فنادق نظيفة وسعرها مقبول

ويليت الي عنده رقم سايق عربي يكون امين وسعره زين يمكن نحتاجه ولاتنصحوني اتنقل بالقطار ؟ انا ما احب القطار للأمانة الا اذا مكان اعرفه ورايح له قبل لأنه بينزلني في مكان والسنتر في صوب ثاني وبضيع هههههه

[ذكي جدااا]

مرحباً اخوي وحيد الشوق انا سنويا أسافر لها المناطق. ميونخ تبعد عن قارمش 130 كيلو تقريبا باتجاه الجنوب. وتبعد 100 كيلو عين سالزبورج باتجاه الشرق. بالقطار من ميونخ الى اي من المدينتين تقريبا ساعه وشوي. اذا انت حاط في بألك تسكن بميونخ فقط فعليك استئجار سيارة لان القطار راح يفوت عليك مناظر جميله. الا اذا كنت ناوي تسكن بكل مدينه يومين. بالنسبه لك تقدر تطلع يوم الصبح قارمش عالساعه ثمان وترجع المغرب ممكن تزور خلالها قارمش وفوشن fussen. اليوم الثاني تنطلق الى سالزبورج وزيارة البحيرات مثل فوشل سي وموند سي وترجع بالليل لميونخ. بس للامانه انا أفضل المكوث ليلتين بكل مدينه حتى تستطيع ان تستكشف كافه المنطقه. بالنسبه لفنادق ميونخ عندك السوفتيل والمريديان جنب محطه القطار يعني ما تحتاج تكسي اذا بتتنقلون عن طريق القطار وقريبين من شارع المشاه ساحة الكارتنر اذا ماخاب ظني لانيً نسيت الاسم. وبالتوفيق

[وحيد-الشوق]

جزاك الله خير اخوي المشكلة ماحبيت السواقة في اوروبا عن تجربه لذلك اشوف حد يوديني ويجيبني احسن والقطار حزات يفوت عليك مناظر حلوة وايد

ماقصرت ياخوي

[ذكي جدااا]

انا اقترح عليك هالجدول وانت فكر فيه تنزلون مطار ميونخ وعلى طول تكسي دف الى سالزبورج بياخذ عليك 350 يورو ترتاحون اول ليله بسالزبورج تتمشون فيها. ثاني يوم الصبح تاخذون تكسي بالساعه يتراوح بين 50 الى 70 يورو تطلعون. الساعه تسع وتردون المغرب تروحون منطقة البحيرات والقرى المحيطة بسالزبورج بيكلفكم حول 500 يور اليوم اللي بعده تاخذون تكسي الى قارمش 150 كيلو المناطق اللي بتمرون فيها جميله بنفسها تمشيه تقريبا 500 يورو او اقل. توصلون تريحون ثاني الصبح تاخذون تاكسي من الصبح لين المغرب ب 300 الى 400 يورو اليوم اللي بعده تاخذون قطار لميونخ وتقعدون ليلتين ًومنها لدسردوف. مجموع الليالي بتكون ست ليالي. اذا عندك اي استفسار حاضرين.

[قطريه ماركه]

حلوو اذا تسكن في كل مكان يومين

لأنه المسافة بتاخذ وقتك

[limited]

السلام عليكم

ان شاء الله ناوي اروح ميونخ يوم 11-4 رحله لشخصين المهم ابي اشوف ميونخ وزيلامسي وسالزبورغ وقارمش هل تكفي 4 ايام او 5 بالكثير اقضيها هناك مع العلم ابي المبيت في ميونخ واتنقل للمناطق الاخرى وبعدها بطلع دوسلدورف 3 ايام الاخيره عارفها عدل بس ميونخ اول مره ازورها يليت تدلوني على فنادق نظيفة وسعرها مقبول

ويليت الي عنده رقم سايق عربي يكون امين وسعره زين يمكن نحتاجه ولاتنصحوني اتنقل بالقطار ؟ انا ما احب القطار للأمانة الا اذا مكان اعرفه ورايح له قبل لأنه بينزلني في مكان والسنتر في صوب ثاني وبضيع هههههه

اذا تبي فندق ممتااااااز جدا هو فندق الهيلتون بارك رووووعه وجنبه الحديقه الانجليزيه اكثر روعه وانصحك تزور قصر نوفمبرغ قريب منكم حول 7 كيلو وبخصوص قارمش اعتقد ما تنفع الا في الصيف منطقة ثلوج في عز الصيف تكون درجة الحراره 9 درجات فما بالك الحين ..... وبخصوص زلامسي ماعجبتني بسبة كثرة الناس بس تنفع حق زياره مستعجله بدون ما تبيت فيها

ويفيدونك الاخوان اكثر

[mr.goldmann]

السلام عليكم

ان شاء الله تكون رحلة موفقه

وانت في ميونخ ممكن تنزل زيلامسي تبعد ساعتين ونصف بالسيارة

او انك تزور سالزبورغ تبعد ساعه ونصف

ومنطقة البافاريا فيها بحيرات جميله للاستجمام

وممكن تذهب لكارمسش بظن تقريبا ساعه من ميونخ

لو تحب رقم سواق

اعرف واحد اسمه طارق من مصر انسان جدا طيب ومحترم وصاحب أخلاق

[بوسعود1122]

قارمش شي ثاني منطقه روعه أعجبتني وأيد

[وحيد-الشوق]

انا اقترح عليك هالجدول وانت فكر فيه تنزلون مطار ميونخ وعلى طول تكسي دف الى سالزبورج بياخذ عليك 350 يورو ترتاحون اول ليله بسالزبورج تتمشون فيها. ثاني يوم الصبح تاخذون تكسي بالساعه يتراوح بين 50 الى 70 يورو تطلعون. الساعه تسع وتردون المغرب تروحون منطقة البحيرات والقرى المحيطة بسالزبورج بيكلفكم حول 500 يور اليوم اللي بعده تاخذون تكسي الى قارمش 150 كيلو المناطق اللي بتمرون فيها جميله بنفسها تمشيه تقريبا 500 يورو او اقل. توصلون تريحون ثاني الصبح تاخذون تاكسي من الصبح لين المغرب ب 300 الى 400 يورو اليوم اللي بعده تاخذون قطار لميونخ وتقعدون ليلتين ًومنها لدسردوف. مجموع الليالي بتكون ست ليالي. اذا عندك اي استفسار حاضرين.

مشكور ياخوي وماقصرت

تأجلت سفرة ميونخ شوي ان شاء الله على شهر 5


حلوو اذا تسكن في كل مكان يومين

لأنه المسافة بتاخذ وقتك

بالعكس المسافة مب ذاك البعد حتى لو 200 كيلو تعتبر بسيطه


اذا تبي فندق ممتااااااز جدا هو فندق الهيلتون بارك رووووعه وجنبه الحديقه الانجليزيه اكثر روعه وانصحك تزور قصر نوفمبرغ قريب منكم حول 7 كيلو وبخصوص قارمش اعتقد ما تنفع الا في الصيف منطقة ثلوج في عز الصيف تكون درجة الحراره 9 درجات فما بالك الحين ..... وبخصوص زلامسي ماعجبتني بسبة كثرة الناس بس تنفع حق زياره مستعجله بدون ما تبيت فيها

ويفيدونك الاخوان اكثر

عيب زيلامسي الزحمه وانا ما احب اشوف الخليجين في السفر :)

تسلم عالافادة ياخوي


السلام عليكم

ان شاء الله تكون رحلة موفقه

وانت في ميونخ ممكن تنزل زيلامسي تبعد ساعتين ونصف بالسيارة

او انك تزور سالزبورغ تبعد ساعه ونصف

ومنطقة البافاريا فيها بحيرات جميله للاستجمام

وممكن تذهب لكارمسش بظن تقريبا ساعه من ميونخ

لو تحب رقم سواق

اعرف واحد اسمه طارق من مصر انسان جدا طيب ومحترم وصاحب أخلاق

وعليكم السلام

ارسلي رقمه اخوي اذا ماعليك امر


قارمش شي ثاني منطقه روعه أعجبتني وأيد

من زمان في خاطري قارمش ان شاء الله ازورها

[مشتاقة لقطر]

انا اتبعت جدول الصيف اللي طاف ميونخ في فندق كمبنسكي جنب المكسميليان مقابل ديور وباقي الماركات راقي جدا الليلة بحدود 1660 ريال 5ستار
ونمشي يوميا للستاربكس وعقبها نكمل المارين بلاتز تمشاية وطالعني واطالعك خليجيين واجانب زحمة العالمين بس احنا نحب هالاجواء
يوم طلعنا بالقطار لقارمش استفدت من موقع العرب المسافرون باسم المحطة ومكان الثلج كتبتهم بورقة وبس
تمينا للمغرب رجعنا طبعا المغرب عندهم الساعة 10 تقريبا
ويوم حق قصر نوفمبرغ
ويوم حق اولمبيا ومعرض البي ام دبليو وملعب البايرن وبحيرات تحت وتجديف وجو فنان
ويوم حق بحيرة ماتذمر اسمها تدور فيكم عبارة على عدة مداخل قمة بالروعة واي مكان يعجبك انزل استكشفه بس طاح فوني الجالاكسي وانا اصور بالبحيرة خرب مزاجي
يوم لسجن داخاو مال هتلر ماستفدنا وايد بس اشبعنا فضولنا
يوم لمتحف الريزيدنس بجنب المكسميليان يشبه قصر نوفمبرغ مجوهرات وغرف فخمة تدوخ الراس من كثرها بس متعة

بس بتعجبكم ميونخ

[ANONYMOUS]

اسكن ف ميونخ .. و اجر سياره .. ب جي بي اس او الجوال

ودق سلف اي وقت تبي و اي مكان تبي .. انت مدير نفسك

مايسوى عليك شايل شناطك كل يومين

اللي يقول لك غير هالكلام شكله ماعمره سافر

[صباح]

مساك الله بالخير
شكلك خبره في ميونخ
ودي اسالك تعرف شقق او اماكن حلوه في ميونخ فيها شقق
اخوك محمد

[صباح]

ياذكي جدا ممساء الخير حاولت اطرش لك على الخاص بس اعتقد انه مليان