وشو الحل مع الهندي الدريول

[لورنس العرب]

جبت هندي عن طريق هندي كان يشتغل بالدوحة بس سافر ولاعاد هو براجع وعطناه 5000 الاف ريال علشان يجيب الهندي ذي ودخلته مدرسه مع ان يعرف يسوق لان كان مادري في السعودية والا لامارات وكان يشتغل في قطر من قبل المهم بعد ماسويت له اقامة وطلعت له ليسن عنفص وقال انه مايقدر يسوق لانه مايشوف عدل مع انه هب كبير بالسن لكن مادري فجاءة صار جذي وعندي احساس انه يبي يشتغل برع لانه يقول نقل كفالة
شنو الحين اقدر اسويه له ابي اسفره ومابي يرجع للدوحة كلش حسبي عليه غربلنا وخسرنا مخاسير وعقبها بيبي يروح عند غيري

ارجو منكم النصيحة

[بوخالد911]

لو ع كفالتك هو
كنسل اقامته

ما بيقدر يدش قطر لمدة 5 سنوات

[الحاقول]

بسيطه قوم بالغاء الإقامة وبعدها سفره

[رجل الجزيرة]

جبت هندي عن طريق هندي كان يشتغل بالدوحة بس سافر ولاعاد هو براجع وعطناه 5000 الاف ريال علشان يجيب الهندي ذي ودخلته مدرسه مع ان يعرف يسوق لان كان مادري في السعودية والا لامارات وكان يشتغل في قطر من قبل المهم بعد ماسويت له اقامة وطلعت له ليسن عنفص وقال انه مايقدر يسوق لانه مايشوف عدل مع انه هب كبير بالسن لكن مادري فجاءة صار جذي وعندي احساس انه يبي يشتغل برع لانه يقول نقل كفالة
شنو الحين اقدر اسويه له ابي اسفره ومابي يرجع للدوحة كلش حسبي عليه غربلنا وخسرنا مخاسير وعقبها بيبي يروح عند غيري

ارجو منكم النصيحة

المفروض إنك تأخذ أي عامل أجنبي من المكتب أولا: تأمين من العدوى وثانيا: ممكن تغيره عن طريق المكتب.

[بن موسى]

عندما تحظر شخص عن طريق شخص اخر لايكلفك سوى رسوم الجوازات واسال مجرب

وعند ما لايعجبك قص تذكرتة وعلى اول طيارة وفك عمرك

وعن طرق المكاتب بين 2700 لغير المسلم و3500 للمسلم

وبرضوا راح تدفع التذكرة او نصفها بالنصب والاحتيال
والابطيب خاطر ولك الخيار

[دايموند]

بعد ما يتم الغاء الاقامه اشلون نسوي له بلوك ان مايدش الدوله لمده كم سنه ؟

[ريم الشمال]

بأقترح عليك عدة حلول وأنت اختار الافضل :
1 - تقص تذكره له واقرب طياره .
2- توديه لقياس النظر وتطلع له نظاره إذا صج ما يشوف أو يظهر كذاب وتحرجه ويشتغل وهو ساكت .
3- تشوف أحد محتاجه وتتنازل له عنه مع اعطائك الفلوس الي خسرتها وأن تشرط عليه يشتغل عندك لين يأتي دريول ثاني وبعدين ترخصه .

[بوفصول]

الله يعينك . يمكن هنته او قلتله شي



,

[+abc]

دريولي من قبل حسيت انه ناوي يشتغل في شركة او شي
والبلا كله من السواقين الي يجون عنده ولا فالمدارس ويبربرون عليهم ويقصون عليهم

مسكته وقعدت وياه وسولفنا وقلتله انت مفكر انه لما يقولونلك تعال وشركه وبتاخذ الفين والفين وخمسمية انت مصدق انه هالكلام صحيح ترا يقصون عليكم ويشغلونكم 6 شهور بدون راتب وعقب يقولك روح .. وبعدها بتجيني وبقولك مابغيك .. شنو تلي استفدته الحين

والله اشتغل اوكيه وماعاد خلا حد يقعد عنده من السواقين الا نادر

ترا عقولهم صغار ومساكين اي شي يصدقونه ويبون حد يتكلم معاهم بس

[venum]

اخذه الصناعية وفره على سكن العمال وخله يشوف بيهون وبيتم عندك

[بصمة قطرية]

بعد ما يتم الغاء الاقامه اشلون نسوي له بلوك ان مايدش الدوله لمده كم سنه ؟

لو تكنسل ما يقدر يدخل البلد ..
مافي داعي بلوك ..

[شيخ الديرة]

لو تكنسل ما يقدر يدخل البلد ..
مافي داعي بلوك ..

شنو الفرق بالإجراءات بين كنسلة نهاية الخدمة وكنسلة الطرد ؟

[@north_star@]

اذا بتكنسل اقامته يرجع بعد سنتين عادي .... وما تقدر تسويله بلوك الا اذا عليه شي أو حكم قضائي

[بصمة قطرية]

اذا بتكنسل اقامته يرجع بعد سنتين عادي .... وما تقدر تسويله بلوك الا اذا عليه شي أو حكم قضائي

صحيح التكنسل يمنعه من دخول البلاد لمدة سنتين ..

إذا تسفر و تكنسل بقضية أعتقد يقدر يدخل عقب خمس سنين ..

[HotBlood]

قوله جيب الفلوس اللي خسرتها عليك أول وبعدين كيفك

[شيخ الديرة]

قل له تسافر انت بدون الليسن الأصلية وشوف شنو يقرر, بعكسه خذ بطاقة الليسن الأصليه وحطه على أرخص طيارة في أسرع وقت.

[العلم]

تكفى الشششطه بالعقال

[ya3coub]

تكفى الشششطه بالعقال


ما شاء الله !!!

و بعد ما يلشطه شيصير

[مختلفة عقليا]

السلام عليكم .,

بس ممكن افهم ., ليش تبيه مايدش الا عقب 5 سنوات ,’ ؟؟

ليش هالتصرف ,’ ؟؟

لو عليه قضيه ما بيدش ., بس لو مايبي يشتغل عندك سفره وهو بكيفه .,

معلومه بس ., ترا هو موظف مو عبد .,

يسلموو .,

[حنظلة]

خذ الموضوع ببساطه قوله تبي نقل كفالة ادفع كل ريال صرفته عليك وبعطيك نقل كفالة او بكنسل اقامتك وفي الأغلب بيوافق لأنه بيدفع نفس المبلغ وأكثر اذا فكر يرجع الدوحه واذا نقص 500 ولا ألف من المبلغ بعد وافق لأنك بتوفر على نفسك حق تذكرة العودة لبلاده

[يمامـة]

تكفى الشششطه بالعقال

مال اول انت يا العلم

الحين من تفكر ترفع العقال تلقى حقوق الانسان وراك فتنزل العقال.............> شفت لأي مرحلة وصلنا ؟

ما نراعي ربنا فيهم ونخاف من حقوق الانسان ...................> وعطوني واحد ليش ليش ليش ياجارة :"(