ابي فزعكتم عندي مشكله في النيسان الجديد

[مضارب]

السلام عليكم

اللي يعرف كراج او مكانيكي مضبوط في الدوحه لي خبربه في النيسان الجديد ، عندي مشكله في الغير تماتيك ، اللي يعرف لا يبخل علينا .

ويعطيكم العافيه

[ولد المنصور]

شنهي المشكله اخوي ؟؟؟
واي موديل موترك ؟؟؟

[مضارب]

اخوي هذا الموتر مال واحد من الربع موديل 2010، عنده آر بي ام لما يبدل ثالث فيه تفتفه ، وداه الشركه قالوله القير طاح لازم قير جديد ، وسبب لأنه مابدل إيل قير ، والموتر ماشي تقريباً 120 ألف ، وعقب وداه الفحص الألماني قاله القير فيه مشكله بس مايحتاي تبدل قير جديد ، وقاله لا بدل إيل يمكن أزيد المشكله وبس ، اذا عندك كراج مضمون له خبر حق النسيان الجديد .

[وحيد-الشوق]

كراج دكار يمدحون شغله للقيور رفيجي موتره وقف قيره وماتحرك الموتر خير شر وودينا الموتر بسطحه وثاني يوم خلص كان في مشكلة في الدبل مب في القير بس انت مر عليهم وشوف شنو يقولك المشكلة

هل في علامة في الطبلون ولا ؟

[رآعي موآجيب]

الكراج الوحيد في قطر حسب علمي اللي متمكن من جير النيسان الجديد هو كراج باباي شارع 21

وللعلم ، جير النيسان معقد جدا ، حتى الشركه ما تصلحه ! تبدل جير جديد

[مستثمر 999]

كراج التركي الالماني شارع سلوى قبل التضامن

كراج ترايستار شارع 24 الصناعيه جنب الفحص الفني - غالي ولكن مضمون ومع ضمان سنه

[مستثمر 999]

اعتقد شركة الناعي اسعارهم معقوله

وشركة الخليج للسيارات شارع 15 ( وكالة البورش والاودي سابقا

[مضارب]

يعطيكم العافيه ماقصرتوا .

[ابوالعبد]

يا اخوي نصيحه خل الموتر عند شركه وهي تظبطه اعتقد عليه ظمان الموتر ولا شلون خلص ضمانه؟

[البجادي]

نفس المشكله صارت لي بموتري ونفس الكلام سمعت وديته البحرين الوكاله وبدلو لي قطعه كهربائيه وما كلفني الا ظ§ظ¥ظ* ريال بس الين بعت الموتر وهو تمام ولا فيه شي انصحك توديه وكلة النيسان بالبحرين من واقع تجربه

[البجادي]

750 ريال تكلفة التصليح

[بوعلاوي]

نصيحه مني روح الوكاله احسن شغلهم مضمون حتى لو غالي .. عكس الكاراج ما تدري القطعه اللي يحطه اصليه ولا لا