عندي صورة لديكور وابي حد يضبطه لي

[بوراشد82]

اخواني الاعضاء عندي صورة لديكور صالات من الانترنت وابي محل ديكور يضبطها لي بنسبة 100٪ ... اذا تعرفون شخص شاطر او محل ديكور ثقة لا تبخلون علي بالردود،، اختكم ام راشد 😅

[بوراشد82]

معقولة ولا رد ��

[معماري قطري]

معقولة ليش لا .. المطلوب صعب حد يحدده .. قلتي عندي صورة ولو حاطه الصورة ممكن حد يكون مسوي شيء مشابه عند منجره ويقول لج أَو ينصحج بتجربته.

رايي تشوفين المناجر وتراوينهم شتبين وبتحصلين ردود منهم .. ركزي على المناجر المتخصصة والله يوفقج ان شاء الله

[بوNasser]

معقولة ولا رد ��

مكونات الديكور المطلوبة وشي؟؟؟

جبس!!، خشب!!، اثاث!!

ارضيات!!، جداريات!!

الردود صعبة اذا كان المطلوب مجهول.

بالتوفيق ان شاء الله

[dream~qa]

لو تحطين صور علشان نعرف المطلوب

يعني ديكور حوائط ولا أسقف ولا أرضيات

جبس ولا خشب ولا ورق جدران

كل محل متخصص بشي

[Chambray]

المشكلة الكل يقولج ( انعرف نسوي نفسه )
ويعطونج الشمس في يد والقمر في يد

لكن في التنفيذ :(

الله المستعان بس

[سميسمة كافيه]

اختي تواصلي وياي لا هنتي

[بوراشد82]

بنزل الصورة

[بوراشد82]

87967

[بوراشد82]

اعذروني اول مرة انزل صور ،، ابي حد يضبطلي الجبس والبراويز وحتى الصبغ

[dream~qa]

شوفي موضوع الاخت لما حاط صور لناس شغلهم حلو في الجبس أعتقد اسم المحل الباتلي

[معماري قطري]

87967

ما شاء الله شغل حلو ومتقن .. حتى الإِضاءَة المخفية جاية خط واحد وبنفس القوة .. والفتحة للإِضاءَة المخفية تبين صغيرة.

بس فيه تفاصيل صغيرة بسيطة في النقوشات محد يعرفها الا المصمم اللي سواها ولا تكون لها صور من قريب .. هذا شغل تصميم داخلي محترف كتخطيط ومتابعة وتنفيذ كامل .. وأَكيد بيكون مكلف.

يبين لي إِن المكان مجلس وأَتوقع التأَثيث بيكون طاغي عليه اللون الذهبي والكراسي مبتعدة عن الحائط.

رافكو ما اظن بيسونه ويمكن يسون شيء مقارب .. مودرن دزاين قرب محطة التيسير في طريق سلوى احتمال يقدرون بعد على شيء مقارب .. مري الجهتين وشوفي شيعطونج تفاصيل حق الشغل الممكن وطريقة التلوين والمواد .. وبيتعبونج لين يعطونج عرض أَسعار انا عارف .. بس حاولي تاخذين منهم تصميم وسعر وحتى عينات مواد.

حل ثاني تحاولين تتواصلين مع المصمم نفسه بالمراسلة، وممكن يطبق لج تفاصيل التصميم على المساحة الموجودة عندج بس التنفيذ شغلته بتكون ثانية ومتابعته كذلك .. لازم حد مختص يتابع ويكون ملم المام كامل بتفاصيل التصميم .. انترير دزاينر حقيقي مب تقليد من بياعين الكلام.

بالتوفيق لكم مقدماً والله يعينكم.

[بوراشد82]

مشكور اخوي معماري قطر وايد استفدت من ملاحظاتك ،،

[معماري قطري]

مشكور اخوي معماري قطر وايد استفدت من ملاحظاتك ،،

العفو طال عمرج

أَي شيء ممكن يتقلد وممكن يطلع أَحسن من الأَصل وكله بتوفيق الله سبحانه .. بس حطي في بالج شيء مهم .. أَوقات التصميم يكون مناسب لمساحة معينة واستخدام معين ولا يناسب للمكان اللي عندنا أَو طبيعة الاستخدام.

وبالتوفيق ان شاء الله.

[engineer raz]

اخواني الاعضاء عندي صورة لديكور صالات من الانترنت وابي محل ديكور يضبطها لي بنسبة 100٪ ... اذا تعرفون شخص شاطر او محل ديكور ثقة لا تبخلون علي بالردود،، اختكم ام راشد 😅
ماشالله بس اكيد يكلف