الشخص الكثير السفر للخارج مثير للشكوك !!

[حمد 2002]

السلام عليكم ورحمه الله وبركاته


الموضوع يحمل العنوان التالي


الشخص الكثير السفر للخارج مثير الشكوك !!


يقوم (( البعض )) من الشباب بسفرات كثيره وعديده للخارج مستقلا اجازاته السنويه وغالبا ماتكون تلك السفرات بدون تواجد العائله ؟!!

ولكن السؤال الذي يطرح نفسه هل الشخص الكثير السفر للخارج يصلح للزواج ؟

ولو تقدم لبنتك ولا اختك رجال كثير السفر للخارج (( بدون مهمات رسميه )) هل تزوجه بنتك ؟

وانتي اختي العزيزه هل توافقين من الزواج من شخص كثير السفر للخارج ؟

وبعض من هاؤلاء الاشخاص متزوجين ، فهل الشخص الكثير السفر متعب لاسرته ؟
(( بعضهم يقولون بأن مهما كان الشخص ذو ايمان قوي ، ولكن كثرت الفساد بتلك الدول الاجنبيه تؤدي الى انحاراف الشخص !! لأن الشيطان مامات !! فما رأيكم بهذا الأمر ؟!! )))

ملاحظه اخيره مب شرط اتجاوبون على الاسئله المطروحه بس ابي رأيكم بشكل عام حول هالموضوع ،،

مع فائق تحياتي العطره ..

حمد 2002

[غير البشر]

escape

[ضوى]

مصيبة المصايب اذا باقيم اللي بيخطب بنتي على السفر واتجاهل كل الامور الاخرى ،

[حفيد الأنصار]

غير البشر وضعية الميت

[white bird]

انا لست ضد سفر الشاب لوحده لكن ضد أن يؤثر السفر على الحياة الأسرية ..
السفر جميل و مجدد للروح و كاسر للروتيين
أما بالنسبة إلى تأثيير السفر على سلوك الشاب
فضع في بالك شئ واحد من لا يخاف الله_عزوجل_ سيفعل المعصية حتى في بيته
فالمشكلة في القلب و ليست في السفر :)

[حمد 2002]

escape

منوور يالذيب ..

[حمد 2002]

مصيبة المصايب اذا باقيم اللي بيخطب بنتي على السفر واتجاهل كل الامور الاخرى ،

بس مم يمكن كثرت السفر نوع من انواع التقيم ؟ مم او سبب للرفض !!

مع التحيه اختي ضوى ..

[حمد 2002]

غير البشر وضعية الميت

ليش وضعيه الميت مافهمت انا شسالفه !!

منوور اخوي الحربي ..

[حمد 2002]

:secret: ما صارت ثمان

..
لي عوده هههه

في انتظار عودتج اختي وايت بيرد ،،

[مضارب دوسري]

Whats up man

[بوخالد911]

ممكن يرفضونه لو تقدم للخطبة

فالشبهات تحوم وتدور حوله !!!

[حمد 2002]

ممكن توضيح اكثر اخوي الدوسري .. مافهمت ؟!!

[مختلفة عقليا]

السلام عليكم .,

كثير السفر ., كثير المعرفه والفهم ., وعقله متفتح ., وعلميا هو اكثر ذكاء من اللي ما يسافر .,

مستحيل اقيم الشخص علي سفراته ., الا لو يروح احد الدول المجاوره المعروفه بالعربده .,

او اي دوله مشبوهه ,’ اهنيه يختلف الكلام .,

من زمان تقدم واحد لاختي وارفضوه لانه يروح ........ كل اسبوعين ., :rolleyes2:

ويسلموو ,’

[حمد 2002]

ممكن يرفضونه لو تقدم للخطبة

فالشبهات تحوم وتدور حوله !!!

نفس رأيي ،،

اشكررررررررررررك ..

بالتوفيق ..

[حمد 2002]

السلام عليكم .,

كثير السفر ., كثير المعرفه والفهم ., وعقله متفتح ., وعلميا هو اكثر ذكاء من اللي ما يسافر .,

مستحيل اقيم الشخص علي سفراته ., الا لو يروح احد الدول المجاوره المعروفه بالعربده .,

او اي دوله مشبوهه ,’ اهنيه يختلف الكلام .,

من زمان تقدم واحد لاختي وارفضوه لانه يروح ........ كل اسبوعين ., :rolleyes2:
ويسلموو ,’

وهذا مربط الفرس !!

اشكررررررررررررج اختي مختلفه على التعليق ..

بالتوفيق ..

[همر]

حمد ... تخاويني البحرين ؟!!

[مضارب دوسري]

حسب الدول اللي يروح لها يكون القرار

[العلياا]

السلام عليكم .,

كثير السفر ., كثير المعرفه والفهم ., وعقله متفتح ., وعلميا هو اكثر ذكاء من اللي ما يسافر .,

مستحيل اقيم الشخص علي سفراته ., الا لو يروح احد الدول المجاوره المعروفه بالعربده .,

او اي دوله مشبوهه ,’ اهنيه يختلف الكلام .,

من زمان تقدم واحد لاختي وارفضوه لانه يروح ........ كل اسبوعين ., :rolleyes2:

ويسلموو ,’

ههههههههه اعجبتني الجملة ..
بالنسبة لي في امور اهم نسأل عنها وفعلاً اوافق الاخت مختلفة فيما ذكرته ..

[حمد 2002]

حمد ... تخاويني البحرين ؟!!


اخوي همر لاتدخلنا بمشاكل مع الدول ،، يرجى عدم ذكر اي دوله ..

بالتوفيق ..

[QTR-1978]

بالعكس عقب مايتزوج بيسفرها معاه وين المشكله :nice:

[حمد 2002]

حسب الدول اللي يروح لها يكون القرار

اها ..

الحين فهمت قصدك ..

اشكرررك اخوي الدوسري ..

[حمد 2002]

ههههههههه اعجبتني الجملة ..
بالنسبة لي في امور اهم نسأل عنها وفعلاً اوافق الاخت مختلفة فيما ذكرته ..

:nice:

شكراا على المرور اختي العليا ..

[حمد 2002]

بالعكس عقب مايتزوج بيسفرها معاه وين المشكله :nice:

ويمكن يجلسها بالبيت ويسافر هو (( بوطبيع مايوز عن طبعه ))

بالتوفيق ..

[همر]

بالعكس عقب مايتزوج بيسفرها معاه وين المشكله :nice:


عيني في عينك :sneaky:

[مضارب دوسري]

اها ..

الحين فهمت قصدك ..

اشكرررك اخوي الدوسري ..

قانون الوالد الله يطول بعمره
ممنووووووووع السفر قبل الزواج لاي دوووله
وعقب الزواج كيفك

[حمد 2002]

عيني في عينك :sneaky:


ههههههههههههههههههههههههههههههه

[حمد 2002]

قانون الوالد الله يطول بعمره
ممنووووووووع السفر قبل الزواج لاي دوووله
وعقب الزواج كيفك

اها ..

الله يطول في عمره ياارب ..

وفعلا يمكن يكون رأيه فيه نوع الحكمه ..

بالتوفيق ..

[ولد العرب]

حمد تسافر معي امقطينه:shy:

[حمد 2002]

حمد تسافر معي امقطينه:shy:

:nice: ماحب السفر لاوربا ..

مافي ابرك من الدوحه ..

[همر]

حمد تسافر معي امقطينه:shy:


يقولك لاتسوي لنا مشاكل مع الدول :shy:

[white bird]

حمد تسافر معي امقطينه:shy:

:sneaky:

حمد ضفت ردي فالصفحه الاولى :)

[حمد 2002]

يقولك لاتسوي لنا مشاكل مع الدول :shy:


:victory::victory:

[حمد 2002]

:sneaky:

حمد ضفت ردي فالصفحه الاولى :)

:telephone:

[قطريه22]

الي حاط الله بين عيونه ومتربي عدل ماراح يسوي شيء غلط لم يسافر بره البلاد
عادي اذا الرجال سافر بس المهم يكون مع ربع زينين وان اكتشف انهم يسوون شيء غلط يبتعد عنهم

[العلم]

حمد الموضوع قدح مباشر في الأخ غير البشر






عيب عليك

[حمد 2002]

انا لست ضد سفر الشاب لوحده لكن ضد أن يؤثر السفر على الحياة الأسرية ..
السفر جميل و مجدد للروح و كاسر للروتيين
أما بالنسبة إلى تأثيير السفر على سلوك الشاب
فضع في بالك شئ واحد من لا يخاف الله_عزوجل_ سيفعل المعصية حتى في بيته
فالمشكلة في القلب و ليست في السفر :)


كلام جميل اختي بريد ،، بس كثره السفر ينقلب على صاحبه بالسلب وليس بالايجاب .. والاعتدال امر جيد ..

ولاتنسين بان مهما كان الشخص ملتزم ولاكن كثره التعرض للمناظر الغير جيده بتلك البلدان .. تجعل الشخص يقع في المعصيه غصبا عنه ..


(( الشيطان مامات ))


بالتوفيق اختي بريد ،،

[همر]

حمد الموضوع قدح مباشر في الأخ غير البشر






عيب عليك



والمقدوح مايقدر يرد يقولون في الطياره الحين :nono:

[حمد 2002]

الي حاط الله بين عيونه ومتربي عدل ماراح يسوي شيء غلط لم يسافر بره البلاد
عادي اذا الرجال سافر بس المهم يكون مع ربع زينين وان اكتشف انهم يسوون شيء غلط يبتعد عنهم

كلامج جمييل اختي قطريه ،، وفعلا الصاحب ساحب ..

بسالج سؤال جانبي .. هل تؤيدين سفر الولد لو كان عمره 18 سنه ولا 20 مع اصدقاءه بمفردهم ؟


بالتوفيق ..

[white bird]

كلام جميل اختي بريد ،، بس كثره السفر ينقلب على صاحبه بالسلب وليس بالايجاب .. والاعتدال امر جيد ..

ولاتنسين بان مهما كان الشخص ملتزم ولاكن كثره التعرض للمناظر الغير جيده بتلك البلدان .. تجعل الشخص يقع في المعصيه غصبا عنه ..


(( الشيطان مامات ))


بالتوفيق اختي بريد ،،

بريد !!!!:(
تعبت نفسي .. بروح احذف ردي ههه

[حمد 2002]

حمد الموضوع قدح مباشر في الأخ غير البشر






عيب عليك

بالعكس اخوي بوسعود اخ عزيز وغالي .. وانا ماجبت طاريه بالحرف الواحد بهذا الموضوع ؟

ولو هو تضايق من موضوعي عنده الخاص ولا العام وبحذف الموضوع بالحال ..

وبعدين انت مب محامي عن حد .. دافع عن نفسك فقط ..

بالتوفيق ..

[حمد 2002]

والمقدوح مايقدر يرد يقولون في الطياره الحين :nono:


صح كل واحد له لسان ويقدر ايرد ..

بالتوفيق ..

[حمد 2002]

بريد !!!!:(
تعبت نفسي .. بروح احذف ردي ههه

سوري تلخبطت .. بيرد .. :shy:

[قطريه22]

كلامج جمييل اختي قطريه ،، وفعلا الصاحب ساحب ..

بسالج سؤال جانبي .. هل تؤيدين سفر الولد لو كان عمره 18 سنه ولا 20 مع اصدقاءه بمفردهم ؟


بالتوفيق ..



لا ماأيد سفر المراهق والا الي بهالعمر لانه من وجهة نظري صغير
من 25 وفوق حلو للسفر اما تحت هالعمر من وجهة نظري لاماأيدها

لانه توه صغير وغير هالشيء ان صار موقف او صار شيء كبير ماراح يعرف يتصرف غير عن الي بعمر اكبر

[العلم]

بالعكس اخوي بوسعود اخ عزيز وغالي .. وانا ماجبت طاريه بالحرف الواحد بهذا الموضوع ؟

ولو هو تضايق من موضوعي عنده الخاص ولا العام وبحذف الموضوع بالحال ..

وبعدين انت مب محامي عن حد .. دافع عن نفسك فقط ..

بالتوفيق ..

إلا محامي عنه .. قال الرسول الكريم ( صلى الله عليه وسلم ) (((المؤمن للمؤمن كالبنيان يشد بعضه بعضًا)))

[حمد 2002]

لا ماأيد سفر المراهق والا الي بهالعمر لانه من وجهة نظري صغير
من 25 وفوق حلو للسفر اما تحت هالعمر من وجهة نظري لاماأيدها

لانه توه صغير وغير هالشيء ان صار موقف او صار شيء كبير ماراح يعرف يتصرف غير عن الي بعمر اكبر

صح كلامممممممممج :victory:

[العلم]

صح كل واحد له لسان ويقدر ايرد ..

بالتوفيق ..

حمد من المعروف لدى أكثر الأعضاء إن غير البشر من الأشخاص كثيري السفر وهذي صفه له .. وبالأمس القريب كنا أنا وهو نتحدث عن نية السفر في إستراحة الإسبوع وجيت أنت وقلت بنزل موضوع عنكم .. فمن المقصود بالموضوع اليوم .. اتوقع إنها واضحة ..

عيب عليك .. والمنتدى ماوضع لنطرح فيه مواضيع الغمز واللمز والمواضيع وليدة اللحظة ..

وإذا صديقك عسل لاتلحسه كله .. وافهم يافهيم

آخر رد لي فالموضوع ..

[حمد 2002]

إلا محامي عنه .. قال الرسول الكريم ( صلى الله عليه وسلم ) (((المؤمن للمؤمن كالبنيان يشد بعضه بعضًا)))

عليه افضل الصلاة والسلام ..

منور اخوي العلم .. :victory:

[حمد 2002]

حمد من المعروف لدى أكثر الأعضاء إن غير البشر من الأشخاص كثيري السفر وهذي صفه له .. وبالأمس القريب كنا أنا وهو نتحدث عن نية السفر في إستراحة الإسبوع وجيت أنت وقلت بنزل موضوع عنكم .. فمن المقصود بالموضوع اليوم .. اتوقع إنها واضحة ..

عيب عليك .. والمنتدى ماوضع لنطرح فيه مواضيع الغمز واللمز والمواضيع وليدة اللحظة ..

وإذا صديقك عسل لاتلحسه كله .. وافهم يافهيم

آخر رد لي فالموضوع ..

الموضوع قد يحدث بفكره معينه وبكلام مابين شخصين والفكره تتحول لجمل والجملل تتسطر بموضوع جمييل وهادف ..


وبسعود ما ابدى اي اعتراض على تنزيلي للموضوع بل اعررفه بوسعود قلبه وسييييييييييييع ومرررح وحبوووب .. وانا احبه في الله ..

وبوسعود دخل الموضوع ومااعترض .. بس انت المعترض اخوي العلم .. نصيحه (( وسع صدرك وابتسم للدنيا ))

بالتوفيق وياليت اترد وتشارك بالموضوع بدل الهروب من مواجهه الواقع ..

[غير البشر]

حمد من المعروف لدى أكثر الأعضاء إن غير البشر من الأشخاص كثيري السفر وهذي صفه له .. وبالأمس القريب كنا أنا وهو نتحدث عن نية السفر في إستراحة الإسبوع وجيت أنت وقلت بنزل موضوع عنكم .. فمن المقصود بالموضوع اليوم .. اتوقع إنها واضحة ..

عيب عليك .. والمنتدى ماوضع لنطرح فيه مواضيع الغمز واللمز والمواضيع وليدة اللحظة ..

وإذا صديقك عسل لاتلحسه كله .. وافهم يافهيم

آخر رد لي فالموضوع ..



صبحك الله بالخير يا الغالي

صحيح امس كنا نتكلم اني باخذك معاي :p

وحمد استوحى الموضوع من هذا الكلام


يقولك لاتبوق ولا تخاف

لي سفرات مع الاهل
وسفرات مع الربع

وسفرات اكون فيها وحيد لدول معينه استجمم وارتاح فيها

واذا بغيت الخراب موجود الحين بكل مكان
مهب نفس اول قبل الواحد يتعنى ويدور الخراب

مايردك الا لسانك حياك معاي في 10-4 بنروح مكان
وبعد ماترجع نزل موضوع وقول وين رحت وشنو سويت


ومحمول ومكفول ههههههههههههههههههه :nice:

[حمد 2002]

صبحك الله بالخير يا الغالي

صحيح امس كنا نتكلم اني باخذك معاي :p

وحمد استوحى الموضوع من هذا الكلام


يقولك لاتبوق ولا تخاف

لي سفرات مع الاهل
وسفرات مع الربع

وسفرات اكون فيها وحيد لدول معينه استجمم وارتاح فيها

واذا بغيت الخراب موجود الحين بكل مكان
مهب نفس اول قبل الواحد يتعنى ويدور الخراب

مايردك الا لسانك حياك معاي في 10-4 بنروح مكان
وبعد ماترجع نزل موضوع وقول وين رحت وشنو سويت


ومحمول ومكفول ههههههههههههههههههه :nice:

خخخخخخ


اشكرك على المرور الجمممممممممممممميل اخوي بوسعود ،،

بالتوفيق ..

[ولد العرب]

مثل ماتفقنا ياغير البشر العلم معك بغرفتك :shy:
ومعيض2002 معي بغرفتي ههههه والله انتف ريشك ولا عاد تكتب مرة ثانيه :app:

[غير البشر]

كلامج جمييل اختي قطريه ،، وفعلا الصاحب ساحب ..

بسالج سؤال جانبي .. هل تؤيدين سفر الولد لو كان عمره 18 سنه ولا 20 مع اصدقاءه بمفردهم ؟


بالتوفيق ..



حمد مب شرط الصاحب ساحب
نعم فيه شي من الصح

لكن مب في كل مره

في شي بيني وبين ربي
وصار لي قريب
السنه الي راحت في لندن

يعني مب شرط الصاحب ساحب :victory:

[بانغ بانغ]

كلامك صح الذيب

لو أنا أب وعندي بنت بتتزوج أكيد باشتغل أف بي اي كم يوم علي المعرس

[الهاووي]

يعتبر هروب من كل المسئوليات الاسرية وغيرها

[qatara]

صحيح الرجل كثير السفر يجلب الشكوك

والمراه الكثيره الخروج كذالك تجلب الشكوك

[بوخالد911]

حمد ... تخاويني البحرين ؟!!


هلا همر

ما تبي مرافق ؟!؟!؟!؟

[همر]

هلا همر

ما تبي مرافق ؟!؟!؟!؟


حياك الموتر فاضي حمد مايبي يروح :nice:

[بو خليفه 123]

الرجل عموماً يحتاج الى السفر سواءً لوحده او مع الاصدقاء . و لكن عليه ان يحسن انتقاء الدول , والعدل في عدد السفرات . ف اذا كانت سفره للشباب يجب ان تكون هناك سفره عائليه بمثلها .

[qtri06]

السفر للمراهقين وخصوصا في الى دول يكون فيها المحظور سهل الوصول له يحمل نوع من الخطورة على اخلاقياتهم

فالنهاية السفر اعتبرة حاجة عزيزة ومطلب بالنسبة لي

من ناحيتي كل شهر لا بد لي سفره ولو حتى للحسا لمجرد التغيير لان ساعات العمل والزحمة فالبلاد خلت الواحد مايقدر يستمتع حتى فالويك اند

لكن بالنسبة للمراهقين اتوقع السفر الجماعي بدون اشخاص كبار وياهم غالباً وليس دائما يكون فيه بعض الخربطة

والله يحفظ اخوانا وعيالنا

[بشائر]

كما يعاب على المرأة كثرة الخروج من المنزل من دون حاجة .. وقد تنفر طالبي الزواج منها .
كذلك يعاب على الرجل كثرة السفر للخارج دون حاجة .. وبالتأكيد ينفر منه كل من يطلب بناتهم للزواج ..

[حسن]

مساء الخير يابوشهاب

اعجبني الحوار المزدوج بين الاثنين

السفر اللي ماله حاجه ماله داعي وانا عندي نظره مستقبليه ورويا لقدام
اذا استمر الوضع على هذا الحال

سوف ترا انتشار الطلاق انتشار الفساد والزنا انتشار الامراض الجنسيه وغيرها
انتشار الصياعه بشكل عام

النتيجه مجتمع مريض يحتظر من جميع النواحي


شوف شماليك اللي سبقونا في الثمانينيات وانت بتعرف النهج اللي ماشين عليه

بس مسئله وقت


صدقني

[يمامـة]

ممكن يرفضونه لو تقدم للخطبة

فالشبهات تحوم وتدور حوله !!!

اميل الى هذا الرأي..

تقدم شاب الى احدى الفتيات وقبل عقد القران اتصل احدهم بأهلها قائلين لهم
هذا راعي سفرات اشلون توافقون عليه وتزوجونه بنتكم ؟

بعد البحث هنا وهناك لم يظهر في السؤال ما يعيب الرجل في سفراته..
بعد الزواج اكتشفت البنت ان الشاب تأثر كثيرا من سفراته وان الاتصال الذي وردهم قبل الزواج
ان لابد ان يؤخذ بعين الاعتبار ويرفض زوجها..

اصدقاء السوء والصحبة والسفر بداعي ومن غير داعي اكيد بيأثرون على شخصية الشاب
لأن اللي من الأساس يراعي ربه في نفسه وماله ما بيضيع وقته في السفر كل اشوي !!

ولكن هذا لا يعني ان كل من يسافر لازم يكون مب زين بس ممكن جدا يكون مب زين لأنه كله يسافر..........> معادلة يمامية :shy:

[راشد محمد]

انا لا اؤيدك ابدا ..
في ناس طبيعه شغلهم تحتم عليهم السفر دايما لتوقيع اتفاقيات وووووو....
فليش تحكم عليهم انه سفرهم مثير للشك؟؟؟!!!!

[حسن]

اميل الى هذا الرأي..

تقدم شاب الى احدى الفتيات وقبل عقد القران اتصل احدهم بأهلها قائلين لهم
هذا راعي سفرات اشلون توافقون عليه وتزوجونه بنتكم ؟

بعد البحث هنا وهناك لم يظهر في السؤال ما يعيب الرجل في سفراته..
بعد الزواج اكتشفت البنت ان الشاب تأثر كثيرا من سفراته وان الاتصال الذي وردهم قبل الزواج
ان لابد ان يؤخذ بعين الاعتبار ويرفض زوجها..

اصدقاء السوء والصحبة والسفر بداعي ومن غير داعي اكيد بيأثرون على شخصية الشاب
لأن اللي من الأساس يراعي ربه في نفسه وماله ما بيضيع وقته في السفر كل اشوي !!

ولكن هذا لا يعني ان كل من يسافر لازم يكون مب زين بس ممكن جدا يكون مب زين لأنه كله يسافر..........> معادلة يمامية :shy:


عودا حميدا يايمامه الخير

:)

من قبل ان اقراء موضوع حمد من قبل شوي

الا ورابط شخص من لهجتها معروفه من اي بلاد
المهم

يزحف على ارض المطار ويقول ابي نجاح

:(

اقول وش سالفه ذا
يقولون هذا سحر من قبل وحده من بلاد هناك

شوفي كثره الاسفار وفي وضعنا المادي االوفر فساد

فساد

لحد يقول معرفه وخرابيط

السفر قبل غير للعلم ولطلب الرزق اما احنا دول الخليج المتخلفه
الكثير منها !!

معاصي دينيه وكذاب اشر من يقول لا

الانهيار قادم لا محاله

هذه وجهه نظري واتمنى اكون مخطى

الى اذا حلت الكارثه هنا اختلت الموازين

ودمتم سالمين

:)

[العلياا]

عودا حميدا يايمامه الخير

:)

من قبل ان اقراء موضوع حمد من قبل شوي

الا ورابط شخص من لهجتها معروفه من اي بلاد
المهم

يزحف على ارض المطار ويقول ابي نجاح

:(

اقول وش سالفه ذا
يقولون هذا سحر من قبل وحده من بلاد هناك

شوفي كثره الاسفار وفي وضعنا المادي االوفر فساد


:)

شفته يحزن :(

[حسن]

شفته يحزن :(

شفتيه يحزن

يرمون انفسهم بالتهلكه

السفر من غير لزمه ماله داعي واللي يقول شغل الكثير منه خرطي
مجرد شماعه

الكارثه ياحمد اذا الحين بدات بالاتشار ظاهره السفر مجموعه من القطريات

للتروح عن النفس

قول هل ترتبط بقطريه كثيره السفر مع ربعها !!!


:omg:

[العلياا]

شفتيه يحزن

يرمون انفسهم بالتهلكه

السفر من غير لزمه ماله داعي واللي يقول شغل الكثير منه خرطي
مجرد شماعه
:omg:

أي نعم يحزن هو غلط وهذي نتيجة الغلط ماقدر ادعي عليه
الله يشفيه ويتوب توبه نصوحه لله :)

[sweet qatar]

غير البشر وضعية الميت
ههههههههههههه
ضحكتني يالحربي :victory:


بعض الردود تخوف.. شخصياً احب الإنسان الي يحب السفر
احسه متوازن و يعتمد عليه

اعتقد أثر السفرات يبين على الشخص في سلوكه وتعاملاته وثقافته

فممكن بسؤالين ثلاث تعرف اذا السفر كان لزيادة الثقافة او الأشياء الأخرى :secret:

[يمامـة]

عودا حميدا يايمامه الخير

:)

من قبل ان اقراء موضوع حمد من قبل شوي

الا ورابط شخص من لهجتها معروفه من اي بلاد
المهم

يزحف على ارض المطار ويقول ابي نجاح

:(

اقول وش سالفه ذا
يقولون هذا سحر من قبل وحده من بلاد هناك

شوفي كثره الاسفار وفي وضعنا المادي االوفر فساد

فساد

لحد يقول معرفه وخرابيط

السفر قبل غير للعلم ولطلب الرزق اما احنا دول الخليج المتخلفه
الكثير منها !!

معاصي دينيه وكذاب اشر من يقول لا

الانهيار قادم لا محاله

هذه وجهه نظري واتمنى اكون مخطى

الى اذا حلت الكارثه هنا اختلت الموازين

ودمتم سالمين

:)
ياهلا بو علي ودمت سالم وغانم..

دام انك يبت طاري هالفيديو..............> لك خاطر تروح تتزوج من هناك ؟

شفته اشلون يتسحب على الأرض المسكين ويقول ابي نجاح جعلها ان شاءالله الزقوم دنيا وآخرة اذا ساحرته..

ايه فساد لو كان من غير هدف ولمجرد الترويح و شغل الوقت بالسياحة.. يمكن هالكلام ما يروق لكثيرين من الناس
ولكن لو انتبهنا لواقعنا راح نكتشف اننا امة جاهلة ما نعي من امور ديننا ولا دنيانا الا الترويح عن النفس والفروض الخمس,,

ما نعرف السنن كلها ما نعرف اسامي الصحابة وما نعرف الاحكام الفقهية او سنن الصلاة او غيره او غيره
ومع هذا تلقانا في اقرب اجازة خمينا شنطانا وسافرنا وشقلنا عيالنا ويانا................> ترى عيالنا ما يعرفون ان للنبي صلى الله عليه وسلم 6 ابناء!!
ولا يعرفون شنهي المعارك اللي غزاها ولا يعرفون اسامي زوجاته وعياله وازواجهم..
سؤال يقول كم ترتيب الرسول صلى الله عليه وسلم ما بين اخوته
خمس شباب في مدرسة مستقلة الفوا اجوبة من عندهم .................> وعقب الاهل يقولون لازم نريح عيالنا من تعب الدراسة !!

ياخودا دونيا فكت دو روزن :(

[sweet qatar]

أي نعم يحزن هو غلط وهذي نتيجة الغلط ماقدر ادعي عليه
الله يشفيه ويتوب توبه نصوحه لله :)

الا يخوووووف

الله يحفظنا ويحفظ عيالنا

عاد انا خاطري أروح هناك :(

[يمامـة]

أي نعم يحزن هو غلط وهذي نتيجة الغلط ماقدر ادعي عليه
الله يشفيه ويتوب توبه نصوحه لله :)

شلي يثبت انه غلط ؟

مب شرط يكون غلط.. ما نقدر نحكم على الشاب لمجرد ترك العنان لخيالنا بتفسير الأحداث
لربما المسكين رفض الوقوع في الخطأ وكانت هذي نتيجته ولربما كانت نجاح هذه زوجته اصلا
واكتشف انها ما تنفعه فضرته ...............> كل السيناريوهات مقبولة لكن غير المقبول ان نؤكد على انه اخطأ ونال عقابه..

[العلياا]

شلي يثبت انه غلط ؟

مب شرط يكون غلط.. ما نقدر نحكم على الشاب لمجرد ترك العنان لخيالنا بتفسير الأحداث
لربما المسكين رفض الوقوع في الخطأ وكانت هذي نتيجته ولربما كانت نجاح هذه زوجته اصلا
واكتشف انها ما تنفعه فضرته ...............> كل السيناريوهات مقبولة لكن غير المقبول ان نؤكد على انه اخطأ ونال عقابه..

استغفر الله العظيم
لو انه رايح لغرض العمل او غيره شلون هي قدرت تشوفه وتسحره ؟!!
أسمحيلي اسم الدولة بروحها يخلي التفكير سلبي

والله يغفر لي اذا اساءت الظن :)

[حسن]

ياهلا بو علي ودمت سالم وغانم..

دام انك يبت طاري هالفيديو..............> لك خاطر تروح تتزوج من هناك ؟

شفته اشلون يتسحب على الأرض المسكين ويقول ابي نجاح جعلها ان شاءالله الزقوم دنيا وآخرة اذا ساحرته..

ايه فساد لو كان من غير هدف ولمجرد الترويح و شغل الوقت بالسياحة.. يمكن هالكلام ما يروق لكثيرين من الناس
ولكن لو انتبهنا لواقعنا راح نكتشف اننا امة جاهلة ما نعي من امور ديننا ولا دنيانا الا الترويح عن النفس والفروض الخمس,,

ما نعرفالسنن كلها ما نعرف اسامي الصحابة وما نعرف الاحكام الفقهية او سنن الصلاة او غيره او غيره
ومع هذا تلقانا في اقرب اجازة خمينا شنطانا وسافرنا وشقلنا عيالنا ويانا................> ترى عيالنا ما يعرف ان للنبي صلى الله عليه وسلم 6 ابناء!!
ولا يعرفون شنهي المعارك اللي غزاها ولا يعرفون اسامي زوجاته وعياله وازواجهم..
سؤال يقول كم ترتيب الرسول صلى الله عليه وسلم مابين اخوته
خمس شباب من في مدرسة مستقلة الفوا ادوبة من عندهم .................> ويقولون لازم نريح عيالنا من تعب الدراسة !!

ياخودا دونيا فكت دو روزن :(



مانقول الا خودا كريم

اي والله صدقتي في كل لكمله

سبحان الله الجهل راكبنا بشكل كبير

بلوه

الله يحمنا بس برحمته

الحديث معك يطول وخصوصا لوحده مثلك لها باع طويل
ومن الواقع
شكرا لك

اعذريني حان وقت اجيب عيالي من المدرسه

نراكم على خير


:)

[يمامـة]

استغفر الله العظيم
لو انه رايح لغرض العمل او غيره شلون هي قدرت تشوفه وتسحره ؟!!
أسمحيلي اسم الدولة بروحها يخلي التفكير سلبي

والله يغفر لي اذا اساءت الظن :)

بعد ما نقدر نحط في ذمتنا يا العليا ........> ان بعض الظن اثم
ومن حسن اخلاق المؤمن انه ما يحكم على الأمور من ظواهرها
لأن مثل ما قلنا قد تكون هناك حقائق مغيبة او غير واضحة تضعنا في دائرة
من بيحاسبهم الله لسوء ظنهم بالشاب,,

وربنا يغفر لي ولج وللمؤمنين يوم الحساب..

[ابوعلي]

بتخرب البيوت ياحمد هههههههههههه

ياخوي البعض معذور وخاصة اذا الشخص صاحب تجارة حرة وسفراته كثيرة ولأيام وهالشي وحدة من خواتي تمر بهالظروف في البداية كانت تسافر معاه ولكن ازهقت من السفر وصارت تتفرغ للعيال وتعاني من هالشي ولكن تصبر وخاصة وان زوجها يتعب في هالشي ولكن مصدر رزقهم وخاصة وانه مايحب الارتباط بالدوام الحكومي ولكن لو جيت للحق افضل الزوج الي يكون مستقر مع بيته وقليل الاسفار لأن البيت مسئولية وصعب ان الزوجة تتحمل المسئولية بنفسها وخاصة اذا كبروا العيال

[يمامـة]

مانقول الا خودا كريم

اي والله صدقتي في كل لكمله

سبحان الله الجهل راكبنا بشكل كبير

بلوه

الله يحمنا بس برحمته

الحديث معك يطول وخصوصا لوحده مثلك لها باع طويل
ومن الواقع
شكرا لك

اعذريني حان وقت اجيب عيالي من المدرسه

نراكم على خير


:)

عذرك معاك يا بوعلي .. وعساك على القوة

[qatari911]

مصيبة المصايب اذا باقيم اللي بيخطب بنتي على السفر واتجاهل كل الامور الاخرى ،



انا لست ضد سفر الشاب لوحده لكن ضد أن يؤثر السفر على الحياة الأسرية ..
السفر جميل و مجدد للروح و كاسر للروتيين
أما بالنسبة إلى تأثيير السفر على سلوك الشاب
فضع في بالك شئ واحد من لا يخاف الله_عزوجل_ سيفعل المعصية حتى في بيته
فالمشكلة في القلب و ليست في السفر :)

:nice:

الحمد الله من عشر سنين ماسافرت الا السنه الي راحت للعمره
وعيد الفطر للامارات
ومش معناتها يسافر كثير يكون فيه شي يمكن يحب السفر فيه ناس تسافر كثير بس الشخص محافظ على نفسه
والي يبي يسوي شي حتى هنا في فساد اكثر من الخارج

[R 7 A L]

كلنا عيال قرية
وعارفين بالضبط الي رايح يلعب ويعربد
حتى لو عمرة فوق الأربعين ومتزوج وعندة عيال



ملاحظة
الأغلبية ماينفلتون ويعربدون الا بعد الزواج وتعدي مرحلة المراهقة و اول الشباب

[غير البشر]

فممكن بسؤالين ثلاث تعرف اذا السفر كان لزيادة الثقافة او الأشياء الأخرى :secret:



وانا اي واحد :eek2: هههههههه

[النهار]

السفر من غير حاجه استنزاف لموارد الدوله في المقام الاول اقل سفره تكلف 20 الف لمدة يومين او ثلاثة ايام
للمناطق القربيه والسفره تكون بالسياره
صرف اموال من غير حاجه قد تكون الاسره في امس الحاجه لهذه الاموال التي تضيع هدرا ومن غير اي مردود مادي للاسره
حمد السفر انواع
السفر الشخصي او السفر الاسري او السفر عن طريق الجمعيات الخيره والمنضمات الانسانيه او للدراسه او سفرة اعمال او للعلاج
يقولون السفر له 7 فوائد قديما اما الان السفرعليه70 علامة استفهام ؟؟؟؟؟؟؟؟

[qatara]

الواجب الرجل ما يخرج من البيت
الا برفقة محرم سوا رايح سوق او مسافر الخ

ولا يشتغل بوظيفه مختلطه ولا يطلع الا بشور مرته

ولا يطلع الا قايم بواجبات البيت وطابخ الاكل ومنظف بيته
ومتحجب ومش متعطر

وللاهميه خروجه برضاها وبرفقة محرم
الخ

[وطن]

حياك الموتر فاضي حمد مايبي يروح :nice:


خاطري اروح :weeping:

[وطن]

حمد من المعروف لدى أكثر الأعضاء إن غير البشر من الأشخاص كثيري السفر وهذي صفه له .. وبالأمس القريب كنا أنا وهو نتحدث عن نية السفر في إستراحة الإسبوع وجيت أنت وقلت بنزل موضوع عنكم .. فمن المقصود بالموضوع اليوم .. اتوقع إنها واضحة ..

عيب عليك .. والمنتدى ماوضع لنطرح فيه مواضيع الغمز واللمز والمواضيع وليدة اللحظة ..

وإذا صديقك عسل لاتلحسه كله .. وافهم يافهيم

آخر رد لي فالموضوع ..

لا يا اخوي أكرم عليكم انت وغير البشر من هالسوالف

ما أظن حمد يقصدكم

[توشيبا]

انا ماقدر اصبر اسبوع كامل في قطر الا لازم اسافر

وكل سفراتي شغل في شغل والحمدالله اخذ اهلي وياي اذا السفره مب طويله


بس صارت فيني هوس للسفر حتي لو ماعندي شغل لازم اطلع شغل واسافر ماعرف اذا كان هوس او نفسيتي تبرمجت علي هالسفر

بس اذا الله كتب وتزوجت الحياه بالنسبه لي تتغير ومابعد الزواج الا الاستقرار

[توشيبا]

لا يا اخوي أكرم عليكم انت وغير البشر من هالسوالف

ما أظن حمد يقصدكم

بلي يقصدهم

< راعي مشاكل :shy:

[بوحارب]

Whats up man

واتساب ولا بلاك بيري هههههههه

[musel999]

اللي في نيته يخربط بيخربط داخل البلد ولا برع

[وطن]

بلي يقصدهم

< راعي مشاكل :shy:

:rolleyes2:


صار لي شهر ونص ما سافرت

قاعده أخطط على كبير

[وطن]

اللي في نيته يخربط بيخربط داخل البلد ولا برع

:victory:

[عطر فرنسي]

اسعد الله ايامك اخوي حمد

بالنسبه لي انا ماشوف فيها شي فيه شباب هوايه السفر مجرد منها السياحه وفي منهم عمل والي يبي يخربط يقدر يخربط حتى في بلاده

يقدر ومافي احد لايخلى من العيوب والرجال مايعيبه شي الي يروح لي دول مجرد لخربطه والوناسه هم ناس جهلاء وعقولهم صغيره وبعدهم

ماشافو الدنيا وربي يحفظهم ويبعد عنهم هذا الشي

دمت بود

[لمعه السيف]

بالنسبه للسفر مافيه شي ومافيه عيب في كثير من الشباب والبنات ايضا متعودين مع اهاليهم او بدونهم يسافرون وايد كل شهرين في السنه اربع خمس مرات شي عادي وفي الناس المنفتحه بزياده عن اللزوووم اللي اهيا الناس الفري

اللي عادي عندها عيالها تسافر بالشهور ولا تدري عنها سواءا بنات ولا شباب

الحين بالنسبه للي يبي يتزوج وكثييير السفرات بدون اهل وتقدم يسالون عنه الاهل ويدعبسون وراه ويشوفون ليش سفراته وشحقه اذا انها سياحه وكل الامور تمام الله يوفقهم اما اذا كانت السفرات لامور مالها خص بالسياحه فهاذا شي ثاني
طبعا السفر الكثير مش محور تركيز ان ابو العروس يمسك هانقطه ويترك الباقي ....

لكن من الاولويات اللي ماتنترك ....مثلا تقدم لي واحد في زمنات ):rolleyes2:وكان واااايد يسافر وقال حق ابوي انه ماسافر الا مرتين او ثلاث وامه تحلف وتجزم انه ماراح الا الحسا والبحرين

المهم وجان يروح ابوي ويسال عنه طلع الحبيب مال تايلند وربعها (والاهل مااااايدرون عن هالشي )...والزبده السوال عن الخاطب المقبل على الزواج مهم بالذات اذا شميتو ريحه (((((سفر ))))) لان السفر زايد هالجم يوم ...وبعض الشباب مايبي يتعب عمره ويكمل دينه ويتزوج يقول عندي هالجم فلس خلني اروح تايلند وافسفسهم ,,,,ولي صاده ابوه قام وزوجه غصبا عنه او اذا زهق قال ابي بيت واكون اسره بعضهم يتوبون وبعضهم لو باربع حريم والله مايتوب ........

اما اللي متزوج وكثير السفرات طبعا سفرات بخصوص العمل .... (فمااقول غير الله يصبر زوجته بس ):rolleyes2:.......

الزوج اللي يسافر وااايد ....هو مش متعب شوي الا نص حقوق زوجته ضايعه وبيسير في الحياه فتور كبير .....لدرجه انه ماراح يستمتع بوجود زوجته ...وراح يتعود على السفرات حتى لو كانت يومين بس المهم يسافر بوجودها ولاعدم وجودها الحياه بمبي عنده وانا شفت امثله وواايد ..

والله يصلح الحال ....تسلم ع الموضوع اخوي جميييل ))**:nice:

[غير البشر]

حمد وينك ان شاء الله وصلت حق نتيجه :telephone:

[همر]

حمد وينك ان شاء الله وصلت حق نتيجه :telephone:


اي نتيجه الله يهداك الرجال فتح ثلاث مواضيع بعد هالموضوع !

[همر]

خاطري اروح :weeping:


يحسدون الفقير على المتاي :weeping:

وهم ما ياكلون جباتي الا في هارودز :waiting:

[R 7 A L]

يحسدون الفقير على المتاي :weeping:

وهم ما ياكلون جباتي الا في هارودز :waiting:


هههههههههههههههه
خل الشعب يعبر ياخي

[Londoner]

الخراب موجود في كل مكان حتى عندنا في الديره ما يحتاج تعنى له وتسافر ... الواحد يسافر يغير جو يشوف اماكن جديده يتعلم ويتثقف ترى السفر مفيد جدا وفي ابيات للامام الشافعي عن فوايد السفر قال فيها:

تغرَّبْ عن الأوطان في طلب العلى وسافر ففي الأسفار خمس فوائد
تَفَرُّج همٍّ، واكتساب مــعيشة وعلم، وآداب، وصحبة ماجد
فإن قـيل في الأسفار ذُلٌّ ومحنـة وقطع الفيافي وارتكاب الشدائد
فـموت الـفتى خير له من قيامه بدار هوان بين واشٍ وحـاسد

والله يرزقنا سفره قريب:telephone:

[بونووف]

اللي موجود برع موجود داخل البلاد

[وطن]

يحسدون الفقير على المتاي :weeping:

وهم ما ياكلون جباتي الا في هارودز :waiting:


انا
لا حرام عليك
:weeping:

[أم محمد 90]

بالنسبة لي مو شرط اللي دوم يسافر بره يعني مشكوك في أمره ورايح حق خرابيط ومصاخة !
الدمار والدعارة في كل مكان وكل بلد ..

ومن وجهة نظري لو تقدم لي شخص وايد يسافر بدون مهمة او شغل ,, ماراح أقيمه على هالشي

وشتبي الشباب كله قاعدين فالدوحة ؟ مادري شفيها حق سياحة يا كتارا ياللؤلؤة ياسيلين يالميلس وعليه وين يروحون !؟

بس لما يتزوج خل يثقل شوي ويعطي وقت لبيته ووقت لمرته ,,

ولو كان زوجي يبي يسافر مع ربعه يغير جو , ومرة بالسنة ماراح امنعه

كسر روتين وتجديد للنفسية ,

المرة اللي كله حاكرة ريلها بيمل منها ,,

[qatara]

يخي والله شي غريب

لما تقول وحده عن زوجها اذا بقا يسافر ما راح امنعه

كانه خروف شوره بيدها تمنعه او تسمح

يا زمان العجايب وشبقا ماضهر

[حسن]

ويش راي راعي الموضوع ماله حس

:telephone:

[نتفـه]

ما اعتقد بوافق على شخص مسفار !!
يثير الشكوك بصراحه ..

[غير البشر]

ويش راي راعي الموضوع ماله حس

:telephone:



اي والله اختفى
سفرتي قربتي 10-4
وماسمعنا رايه

ابي اخذه معاي باريس وبرشلونه

[مشـــــاعر]

فساد

لحد يقول معرفه وخرابيط

السفر قبل غير للعلم ولطلب الرزق اما احنا دول الخليج المتخلفه
الكثير منها !!

معاصي دينيه وكذاب اشر من يقول لا

الانهيار قادم لا محاله

هذه وجهه نظري واتمنى اكون مخطى

الى اذا حلت الكارثه هنا اختلت الموازين

ودمتم سالمين

:)

لآإفضّ فووكك أخوي حسن . .


كما يعاب على المرأة كثرة الخروج من المنزل من دون حاجة .. وقد تنفر طالبي الزواج منها .
كذلك يعاب على الرجل كثرة السفر للخارج دون حاجة .. وبالتأكيد ينفر منه كل من يطلب بناتهم للزواج ..

أتفق معآإج إختي بآإلحرف الواحد ..
أنا ضد السفرآإت اللي مآإلها دآعي !!

يعني مآإشوف ضروورة تخليه كل إجاإزة أو منآإسبة إلآإ مسآإفر . .

عن نفسي مآإحب أرتبط في شخص كثير آإلسفرر !!

طبعاً آلنآإس مب سواسية ومآإ نعمّ آإلكلاإم ع آإلكل . .
لكن وجهة نظري آإلشخصية . .

[أم محمد 90]

يخي والله شي غريب

لما تقول وحده عن زوجها اذا بقا يسافر ما راح امنعه

كانه خروف شوره بيدها تمنعه او تسمح

يا زمان العجايب وشبقا ماضهر

من حقها تمنعه , مب معناته ان رجال يعني حتى اللي مب عاجبها ويضايقها يسويه :)
وايش دخل ان لو رضت انه يسافر او قالت له لا تسافر يعني هو خروف ؟؟


لا عيل الرجال اللي كله شايل شنطته وكل شهر سفرة ويا الربع هو اللي فعلاً رجال

مثل اللي كل ليله فالميالس والشيشة ..

تفسيركم للرجولة غريب





سبحان الله صار اللي يتشاور مع مرته ويتفق وياها في امور حياتهم خروف ..!

مانلومكم الزوبعة التكنلوجية سمت الرجل خروف ف صادكم تحسس من هالكلمة
ف صار في بالكم اي رجال يطيع مرته او ياخذ رايها ويداريها خروف !!

اي والله زمن غريب وش بقاااااا

















عقب قولو الطلاق زاد ..



الله لا يبلانا