معرض قطر المهني 2014

[Right]

السلام عليكم



هل من جديد لمعرض قطر المهني 2014 أم نفس كل سنة ؟!



لمجرد الشو وعرض الأزياء والملاحق والمواعد !!

[للصبر اخر]

هو ليس معرض للتوضيف
انما معرض للتعريف بالشركات
فقط

[Qa10]

الفرق ان الزحمه بتقل شوي للي يبي يتقهوى في كوستا

[غايه الطواش]

لحد الان لم يصدر القرار بتاكيد موعد اقامته

[العلياا]

إذا تسمح لي بهالسؤال

هل معرض قطر المهني راح يقام بنفس الوقت المحدد له ؟!

والله يوفق الجميع

[Right]

هو ليس معرض للتوضيف
انما معرض للتعريف بالشركات
فقط





ما يحتاج تعريف لأن الأغلبية يعرفون ولو يبون يعرفون عن أنفسهم


التقنية الجديدة كوسائل الإتصال الإجتماعي أفضل وأسرع من إقامة معارض



غير ذلك أغلب مسؤولي الجهات المشاركة يصرحون بالجرايد يقولون " بنوظف " بالمعرض

[Right]

الفرق ان الزحمه بتقل شوي للي يبي يتقهوى في كوستا





يمدحون الكابتشينو في كوستا

[غايه الطواش]

إذا تسمح لي بهالسؤال

هل معرض قطر المهني راح يقام بنفس الوقت المحدد له ؟!

والله يوفق الجميع

يسمح لي اخوي ارد ... لحد الان ماجات الموافقه على التاكيد باقامه المعرض بنفس الموعد المحدد لكل عام

[العلياا]

لحد الان لم يصدر القرار بتاكيد موعد اقامته

سوري توني اشوف ردج ، فعلاً ما تحدد الموعد للآن ..!

[ريتويت]

انا ودي اتوظف فالمدينه التعليميه مقدمه عندهم 20 الف مليون مره ومحد يرد علي ليش؟؟؟؟؟؟؟؟؟؟؟؟؟؟؟؟؟؟؟؟؟؟؟

[Right]

لحد الان لم يصدر القرار بتاكيد موعد اقامته





جرت العادة أن يقام كل سنة في شهر 4



أتوقع إقامته بتاريخ 6/4/2014

[العلياا]

يسمح لي اخوي ارد ... لحد الان ماجات الموافقه على التاكيد باقامه المعرض بنفس الموعد المحدد لكل عام

صحيح وهذا اللي سمعته بعد ..

موفقين وان شااءلله التأخير يكون في صالح العاطلين عن العمل وليست الجهات ..

[الدوحه1]

اعتقد ان الوضع هالسنه بيكون غير والسبب وجود "وزارة التنميه الاداريه"!!!!!!

[Right]

إذا تسمح لي بهالسؤال

هل معرض قطر المهني راح يقام بنفس الوقت المحدد له ؟!

والله يوفق الجميع





أتوقع أن يقام بتاريخ 6/4/2014

[Right]

يسمح لي اخوي ارد ... لحد الان ماجات الموافقه على التاكيد باقامه المعرض بنفس الموعد المحدد لكل عام






جرت العادة أن يقام سنوياً بشهر 4

[Right]

انا ودي اتوظف فالمدينه التعليميه مقدمه عندهم 20 الف مليون مره ومحد يرد علي ليش؟؟؟؟؟؟؟؟؟؟؟؟؟؟؟؟؟؟؟؟؟؟؟






لازم وااااااسطة !!

[ريتويت]

لازم وااااااسطة !!





عند من انزين؟؟؟؟

[Right]

اعتقد ان الوضع هالسنه بيكون غير والسبب وجود "وزارة التنميه الاداريه"!!!!!!






كل سنة نقول هالسنة غير ،، لكن يطلع أردى من إلي قبله للأسف !!

[بـــ ح ـــر]

نصيحي يكنسلونه ما من فايده

[Right]

عند من انزين؟؟؟؟





شوفي هون ولا هونيك على هاموووووور !!

[Right]

نصيحي يكنسلونه ما من فايده





نفس الرأي ،، خساير على الفاضي !!

[ya3coub]

من ناحية خساير عالفاضي يمكن

من ناحية ما يوظفون لا والله بالعكس يوظفون

انصدمت الشركة الي اشتغل فيها الأغلب كلللللللللللللهم متوظفين من المعرض المهني إلا انا و تقريبا 5 غيري فقط الباقي كله من المعرض المهني سنة عن سنة يزيدعدد القطرين بالشركة

و من ناحية متى بيكون احتمال شهر 5 و لن يكون بشهر 4

او شهر 10 بعد ما الناس ترجع من اجازاتهم

بس الأكيد مو شهر 4 لأنه لازم يعلمون العارضين الي على اساسهم بيتعاقدون مع شركات تسويلهم الدزاين و البوثات

هاي اخر تواصل لي مع فريق المعرض المهني من اسبوعين تقريبا

حيث كان اول شي نهاية شهر 3 بداية شهر 4 و للأسف كل ما نسئل يقولون لم يتم إعتماد التواريخ للأن

[همر]

نصيحي يكنسلونه ما من فايده


شلون يعني ؟!! ماتبيهم يحتفلون بالميزانيه الجديده ؟!!


وبعدين جميع الجهات بلا استثناء تدور عماله مدربه، موظفين،

لسد احتياجاتهم والناس فاهمه ان المعرض شؤون اجتماعيه للتوظيف...


مايجي...

[مهرة]

حطيت كل احتياطاتي وشريت باليت كنتور جديد وماسكارا لونها أخضر قرمزي على ذهبي عشان يبين عدل لأنه العام كانوا حاطين ازرق ثلجي والكل منور تبارك الرحمن ..!!
وحطيت اسمي من العام في لستة المتطوعين طوووول اليوم صبح ظهر عصر مغرب آني تــــآيم نحن في خدمة الشعب ونحب المساعدة والتوالف والسوالف والحمدالله كل شي طيب ..!

[سليمان احمد]

هو معرض لتسويق الهدايا والاكياس

[Right]

حطيت كل احتياطاتي وشريت باليت كنتور جديد وماسكارا لونها أخضر قرمزي على ذهبي عشان يبين عدل لأنه العام كانوا حاطين ازرق ثلجي والكل منور تبارك الرحمن ..!!
وحطيت اسمي من العام في لستة المتطوعين طوووول اليوم صبح ظهر عصر مغرب آني تــــآيم نحن في خدمة الشعب ونحب المساعدة والتوالف والسوالف والحمدالله كل شي طيب ..!





شدعوة صيدلية دوام 24 ساعة :nice:

[R 7 A L]

الظاهر هالسنه مافيه

[دايموند]

الظاهر هالسنه مافيه

فال الله ولا فال

السنه الي طافت صادفتني ظروف ومارحت وقلت هالسنه لازم اروح واايمع لي الهدايا التذكاريه وااطلع:shy:

[Right]

الظاهر هالسنه مافيه





أرجوا الله تعالى ،، وأتمنى ذلك من كل قلبي

[مختلفة عقليا]

السلام عليكم .,

والله صج يوظفون اختي توظفت ,’ والثانيه حن وزن عليها اتوظف ., بس ما بغت

الا انا يا قراده حظي المنعوي ’’

بروح هالسنه لو مافي وظيفه في اكل وفي هدايا ., وسوالف اجوف ارفيجاتي اللي من فتره ما جفتهم ., :nice:

ويسلموو ,,

[غايه الطواش]

الظاهر هالسنه مافيه

لا اخوي فيه بس لين الحين ماجات التاكيدات :)
والا جاهزين من كل النواحي :)

[رُفق المجنّا]

لا اعتقد انه سيقام وستوكل المهمة لوزارة العمل وإلا فلماذا كان هنالك معارض مهنية خاصة ببعض المؤسسات وأخرى في بريطانيا وأمريكا ، الى اليوم لم يتم استدعاء المتطوعين كما جرت العادة لتوجيههم وإعدادهم

المعرض المهني فقد مضمونه وانهائه افضل

[كلاسيكي]

حطيت كل احتياطاتي وشريت باليت كنتور جديد وماسكارا لونها أخضر قرمزي على ذهبي عشان يبين عدل لأنه العام كانوا حاطين ازرق ثلجي والكل منور تبارك الرحمن ..!!
وحطيت اسمي من العام في لستة المتطوعين طوووول اليوم صبح ظهر عصر مغرب آني تــــآيم نحن في خدمة الشعب ونحب المساعدة والتوالف والسوالف والحمدالله كل شي طيب ..!

قواهم الله ماقصروا طول هال3 سنين للي شاركت فيها ماعدا البعض ..

المعرض صار حق القز والترقيم عيني عينك وماشمل الكمل

[JN000N]

لازم وااااااسطة !!







اسمله عليج
انا متوظفه من المعرض المهني وفقطر فاونديشن بعد
لا تألفون ان مايوظفون
اكثر من جهة قبلتني واخترت قطر فاونديشن :omen2:

[R 7 A L]

على طاري الواسطة
انا شخص اشتغلت في عدة جهات مختلفة
وكل بدون واسطة
والي اجيب واسطة ولا يكتبها لي ربي وانرفض
على شان كذا الواحد يعتمد على نفسة ويترك سومه الوجه

[نوور الدووحه]

ههههههههههههه حبيت عرض ازياء وملاحق

انا كل مره يستوي اتمنى اروح عشان اتعرف على الوزارات والجهات الي ممكن القى لي مكان عندهم

بس هالمعرض المهني سمعته تعبااااااانه اسمع يقولون مايوظفون عاد انا ماصدق كل شي ينقال

بس الاكيد الي اسمع عنه انه مكان للقز والمصخره والترقيم والسوالف التعبانه حمدالله والشكر مومحصلين مكان غير المعرض المهني ؟!؟!؟

ان شاء الله الي مولاقي وظيفه يتوظف والواسطه عند رب العالمين

[وطن]

اسمله عليج
انا متوظفه من المعرض المهني وفقطر فاونديشن بعد
لا تألفون ان مايوظفون
اكثر من جهة قبلتني واخترت قطر فاونديشن :omen2:
وانا جاني أوفر من قطر فاونديشن
و أوراقي كنت مقدمتها في المعرض

و ما عجبني فما رحت لهم

[طلعة الروح]

نتمنى بدل صرف ميزانيات ضخمه على معرض مهني لجهات العمل المختلفة ، أن نلزم تلك الجهات بالرد على طلبات الوظائف اللي تجيهم بالايميل وعلى مواقعهم
اللي يبي يوظف راح يوظف ويعرض من نفسه وظايفه الشاغره للجمهور بدون اقامة معرض مهني كل سنة هذا اذا فعلا في حاجه للتوظيف من قبل هالجهات...

[رُفق المجنّا]

على طاري الواسطة
انا شخص اشتغلت في عدة جهات مختلفة
وكل بدون واسطة
والي اجيب واسطة ولا يكتبها لي ربي وانرفض
على شان كذا الواحد يعتمد على نفسة ويترك سومه الوجه

عطني من حظك شوي وحررني من المعتقل اللي أروح له كل يوم

[R 7 A L]

عطني من حظك شوي وحررني من المعتقل اللي أروح له كل يوم

حظي ماهوب طيب ذاك الزود اخر وظيفة تدبست فيها


كل ما ابتعد عن الواسطة وسومة الوجة
عند الي يسوى والي مايسوى
ربي وفقه

[alsoq]

خساير اوراق حرام الفلوس اللي تروح على تصوير

واخرتها اوراقكم في درام الزباله
عزكم الله

[khalid525]

الحين اغلب الاعضاء يقولون المعرض المهني ما منه فايدة ، عيل ليش تنشدون عنه

[المحقق كونان]

احتمال مافي معرض هالسنة

والله اعلم

[ريتويت]

بالنسبه للاخت jnooon .. اسمحيلي بس لاتعممين ان الكل توظف فقطر فاونديشن الحين انتي توظفتي وغيرج ماتوظف..المهم فيدينا كيف وضفوج

[ya3coub]

نتمنى بدل صرف ميزانيات ضخمه على معرض مهني لجهات العمل المختلفة ، أن نلزم تلك الجهات بالرد على طلبات الوظائف اللي تجيهم بالايميل وعلى مواقعهم
اللي يبي يوظف راح يوظف ويعرض من نفسه وظايفه الشاغره للجمهور بدون اقامة معرض مهني كل سنة هذا اذا فعلا في حاجه للتوظيف من قبل هالجهات...

أسف اختلف معاك

في جهات كثيرة سوائا خاصه, شبه حكومية, او حكومية محد يعرف عنهم اي شي

و تتصل بكيوتل او حتى مواقعهم مافيها التقنية الحديثه و اذا متواجدة التقنية مافي شخص يقرى الطلبات و يحول الايميلات للشخص المعني

انا مع المعرض المهني اذا ما تبونه سوو كتيب فيه اغلب الشركات و كل وحدة و مميزاتها و ارقام التواصل و الخ

جهة عملي توظفت فيها بمحض الصدفه و لله الحمد و اشكرة على هالشي و اغلب الي معانا من المعرض المهني

و لليوم ليس بالكثير الي سمع عنها

[أم محمد 90]

حسب علمي واجتماعاتي للتدريب ع المعرض المهني
ان بيكون في معرض بس ماتحدد وقته ,,

الى الآن ننطر التاريخ رغم ان جهزنا الهدايا ووزعنا الجداول وكل شي

[R 7 A L]

نصيحة اخويه
لاحد يقرب القطاع الخاص

[Serenade]

السؤال المهم الحين متى تاريخ المعرض؟.... مافي اي تفاصيل في الموقع .. ولا لقيت رقم اتصل عليه

[عطر فرنسي]

نصيحة اخويه
لاحد يقرب القطاع الخاص

السبب؟؟

[R 7 A L]

السبب؟؟

مافيها ضمان وظيفي ولا راحة
بالاضافة الى ان بعضها لاتُحسب سنوات الخبرة عند الانتقال لوظيفة اخرى
والترقيات لا تأتي الا بعد مطالبة وحب خشوم

[عطر فرنسي]

مافيها ضمان وظيفي ولا راحة
بالاضافة الى ان بعضها لاتُحسب سنوات الخبرة عند الانتقال لوظيفة اخرى
والترقيات لا تأتي الا بعد مطالبة وحب خشوم

من قال مافي ضمان وظيفي في راحه في بعض الاقسام وكل شغله تكون متعبه مافي شي يجي بالساهل بالنسبه لي سنوات الخبره تحسب في بعض الجهات اما بالنسبه لي الترقيات تترقى وعادي على حسب الجهد الي تجتهده من غير حب خشوم

[R 7 A L]

اتكلم عن تجربه طويلة
بالادلة

[عطر فرنسي]

اتكلم عن تجربه طويلة
بالادلة


وانا اتكلم عن تجربه طويله الى الان

[R 7 A L]

وعندي اكثر من شخص في عدة جهات مختلفة من القطاع الخاص
تقيماتهم ممتازة ومظلومين

[عطر فرنسي]

وعندي اكثر من شخص في عدة جهات مختلفة من القطاع الخاص
تقيماتهم ممتازة ومظلومين

على حسب البنك ولكن ليس جميع البنوك سواسيه

[R 7 A L]

اختي
مافيه مقارنه بين القطاع الحكومي والقطاع الخاص
بارك الله فيك


هي مجرد نصيحة اخوية
ولو بعد الواحد يحصل فرصة عمل في وزارة الداخلية لا يفرطها.

[عطر فرنسي]

اختي
مافيه مقارنه بين القطاع الحكومي والقطاع الخاص
بارك الله فيك


هي مجرد نصيحة اخوية
ولو بعد الواحد يحصل فرصة عمل في وزارة الداخلية لا يفرطها.

اخوي اول شي انا رجل بارك الله فيك

ونصيحه جميله جدا على العين والراس والي حاب يشتغل اي مكان كل ارزاق من عند رب العالمين

[bos3eed]

المفروض يخلون اول 4 ايام للشباب واخر يوم للبنات اذا للحين في وظايف شاغره, ومايسمحون بدخول البنات الا مع اولياء امورهم.

[مليونيرة مفلسة]

ان شاء الله الي مو لاقي وظيفة يتوظف
عندي سؤال للي يعرف شرايكم بقطاع البترول مثل كيو بي و ميرسك و توتال؟

[Right]

اسمله عليج
انا متوظفه من المعرض المهني وفقطر فاونديشن بعد
لا تألفون ان مايوظفون
اكثر من جهة قبلتني واخترت قطر فاونديشن :omen2:






لا تآخذين نفسك كمقياس لالآخرين ،، نحن نتحدث ونعني بشكل عام



لربما تم توظيفج بسبب المميزات إلي عندج

[JN000N]

بالنسبه للاخت jnooon .. اسمحيلي بس لاتعممين ان الكل توظف فقطر فاونديشن الحين انتي توظفتي وغيرج ماتوظف..المهم فيدينا كيف وضفوج


انا ومعاي مجموعه ومن ضمنهم ربعي الي قدمنا مع بعض كلمونا وسوولنا مقابلات ف اكثر من اداره
لين قبل 3 شهور بالضبط اداره ثانيه مكلمتني
تتكلمون جنكم عايشين ف عالم ثاني اذا ماجربتو لا تقولون مايوظفون
انا جربت وكلمتني اكثر من جهة ورفيجتي لحد الحين كلموها اليوم مكان ثاني كله من السيفيات الي تقدمت ف المعرض المهني
انا لو ابي بواسطه المكان الي ابيه بتوظف فيه بس لين انا اعرف مستواي واعرف ان سيفيي بيرفكت واعرف ان معدلي ودراستي وتعليمي وتخصصي مطلوب ليش الجأ للواسطه؟
اكاني الحمدلله كلها توافيق من ربي بدون واسطه وقدمت على نياتي وعقب اسبوع كلموني من خلص المعرض ماطولت شهر ونص الا انا مداومه عندهم!

[JN000N]

لا تآخذين نفسك كمقياس لالآخرين ،، نحن نتحدث ونعني بشكل عام



لربما تم توظيفج بسبب المميزات إلي عندج




ليش بروحي توظفت
اول اجتماع عقب ماوصلني الاوفر معاي 10 شباب وبنات من الي قبلوهم
غير الي اعرفهم رفضو يشتغلون ف قطر فاونديشن
واقولك اماكن ثانيه وشركات كلمتني ورفضت

[R 7 A L]

من زين قطر فونديشن
كرف وضياع عمر
بعضهم توه من ساعة طالع
ماتسوى

[aisha_a]

اممم سمعت في ناس توظفو عن طريق المعرض غير قطريين بعد
انا عن نفسي رحتلهم مرتين ولا حد رد علي

[جوال 11]

شوف لك / شوفي لك شخص تعرفونه في آي جهة وتتوظف بدون مقدمات واما المعرض المهني مضيعة للوقت بعض الجهات تستدعي الشخص للمقابلة وبعد فترة يردون عليه ما عندنا وظائف على اي اساس عملتوا المقابلة ايعقل جهة لا تعرف احتياجها من الموظفين ام لعب عيال .
نصيحة لا تضيع وقتك / لا تضعين وقتك .

[JN000N]

من زين قطر فونديشن
كرف وضياع عمر
بعضهم توه من ساعة طالع
ماتسوى

على حسب كل شخص وطاقته
انا عن نفسي من مجموعة اختيارات اخترت الكرف لان احب اشتغل
وبالعكس اتعلم اشيا وايد وبعد على حسب الشخص نفسه
واقولك اليوم من 7:30 الصبح لين عقب صلاة العشا ف الدوام عشان شغل مهم
ومرات ملللللللل 8 ساعات ماتعرف شتسوي فيها من الملل

[R 7 A L]

على حسب كل شخص وطاقته
انا عن نفسي من مجموعة اختيارات اخترت الكرف لان احب اشتغل
وبالعكس اتعلم اشيا وايد وبعد على حسب الشخص نفسه
واقولك اليوم من 7:30 الصبح لين عقب صلاة العشا ف الدوام عشان شغل مهم
ومرات ملللللللل 8 ساعات ماتعرف شتسوي فيها من الملل


13 ساعة من عمرك ضاعت
5 ساعات يومياً من الاحد للخميس كافية
ماتسوى يقضي الواحد كل يومه في الشغل
للبيت والاهل حق

[JN000N]

13 ساعة من عمرك ضاعت
5 ساعات يومياً من الاحد للخميس كافية
ماتسوى يقضي الواحد كل يومه في الشغل
للبيت والاهل حق

مب دايما بس مرات نضطر نقعد اكثر وهالشي فالكم شهر مره
ظ¨ ساعات صج وايد وصج البيت له حق
وصج مرات ظ£ او ظ¤ ساعات فاضيين ملل
ومرات ظ¨ ساعات فووول كرف

[R 7 A L]

الله يعينكم
بس ترا الارقام في ردك مايبين

[حمد 2002]

القطاع الخاص لا يناسب النساء

[ريتويت]

انا اشتغل فقطاع خاص وللامانه المكان خلط ومصخره وقله ادب ويبيلهم العضيد يجون يشلونهم استغفر الله

[R 7 A L]

مافيه مثل الجهات الحكومية
لاتغرقكم كثرة رواتب القطاع الخاص ترا الفايدة فية معدومه
يكرفون الموظف كرف وفي الاخير ينحذف حذف واذا تقاعد طارت الامتيازات والعلاوات

[بوخالد911]

الله اعلم
بس ولا قرينا أخبار عنه ولا شي

[طلعة الروح]

اتفق معاكم ان القطاع الخاص صعب العمل فيه
صحيح سهل تتوظف بدون واسطة بس من يضمن لك الاستمرار، لأن اللي يشتغل بدون ما يجامل ويتملحس للمسؤولين عندنا تضيع حقوقه للأسف
خصوصا اللي ماعنده علاقات وماله لسان ومديره أصلا مريض نفسي وحقود وكل اللي معاه على شاكلته.
واذا قررت تنقل من القسم خربوا عليك، ولي قررت تاخذ اجازه انشبوا لك نشبه ، والترقيه مب دايما ع حسب الجهد والكفاءه، ع حسب قوة العلاقة مع المسؤولين!
ف كذبه كبيره اللي يقول نبي تنميه بالبلد ونبي ونبي ونبي ، لي انظفت البلد من الفساد المسكوت عنه في وايد قطاعات، ساعتها يفكر الواحد يقعد بالوظيفة الوحدة 10 سنين ع الاقل هاي اذا قدر يصمل كل هالفترة بقطاع الوحوش.

[R 7 A L]

المناصب العليا والوظايف الحساسة والمهمة بالقطاع الخاص اغلب الي ماسكينها رسمياً او من خلف الكواليس اجانب
وللاسف هدفهم مصالحهم الشخصية واذا فيه واحد زين راح يخدم من يقوم بخدمته او ابن بلاده على مصلحة العمل واخر مايفكر فيه القطري هذا اذا فكر فيه من الاساس.

[حمد 2002]

احسن شيء

العمل الحر ..

بس يبيله قلب جامد وميت ومايعرف الرحمه .. :)

[R 7 A L]

حمد
انصدمت صح من القطاع الخاص ؟

تذكر لما كنت تفكر انه احسن من القطاع الحكومي


شرايك الحين بالقطاع الخاص ترا للحين ما ذكرنا كل السلبيات الي فيه

[حمد 2002]

حمد
انصدمت صح من القطاع الخاص ؟

تذكر لما كنت تفكر انه احسن من القطاع الحكومي


شرايك الحين بالقطاع الخاص ترا للحين ما ذكرنا كل السلبيات الي فيه

انا موظف بالقطاع الحكومي ..

وبقولك ايجابياته ..

القطاع الحكومي يبيله صبر ..

بتبدي براتب قليل بس مع الصبر والكفاح بيزيد راتبك كل سنه ..


لين توصل للدرجه الاولى وبعدها اكيد بيصك راتبك فوق الاربعين الف وهكذا ...

وسلبيات القطاع الحكومي ..


الراتب القليل في البدايه فقط .. ولكنه راحه للأمانه .. ولكنه مافيه تطوير ..



تجارب الشباب بالقطاع الخاص ..
في فائده واحتكاك بالاجانب واكتساب لغه انجليزيه وتقويتها ..

بتطلع في النهايه بروفشنال ..

والرواتب حلوه بس بتخسر صحتك وجسدك ونفسيتك بتخترب ..

الغلطه لاتغتفر ..

الحل بالتالي حسب وجهه نظري ،،
وظيفه حكوميه بالصباح وبزنس خاص بالمساء لتحسين الدخل ..

[asadfg]

[QUOTE=حمد 2002;9452985]انا موظف [COLOR="#FF0000"]بالقطاع الحكومي ..

وبقولك ايجابياته ..

القطاع الحكومي يبيله صبر ..

بتبدي براتب قليل بس مع الصبر والكفاح بيزيد راتبك كل سنه ..


لين توصل للدرجه الاولى وبعدها اكيد بيصك راتبك فوق الاربعين الف وهكذا ...

وسلبيات القطاع الحكومي ..


الراتب القليل في البدايه فقط .. ولكنه راحه للأمانه .. ولكنه مافيه تطوير .. ( وهاي ركز عليها كم سنه من عمرك يضيع وانت ماتطورت ولا اكتسبت مهارات ولا خبرات تتقارن بالقطاع الخاص )



تجارب الشباب بالقطاع الخاص ..
في فائده واحتكاك بالاجانب واكتساب لغه انجليزيه وتقويتها .. وهاي شي طيب لازم تكون قادر للتواصل مع جميع الجنسيات

بتطلع في النهايه بروفشنال .. ( طبعا لانه استفاد من خبرات خارجيه وتعلم الشغل بمليون طريقه وصار يفهم الشغل من A to Z وهاي هو التطوير بحد ذاته بكره مايخاف على نفسه يتوظف اي مكان )

والرواتب حلوه بس بتخسر صحتك وجسدك ونفسيتك بتخترب .. ( الشغل لازم يكون متعب ولا ماسموه شغل ياجماعه الخير خل نفكر بالموضوع بنظره ثانيه هاي الاجنبي ليش هو احسن مني ويستلم راتب احسن مني سواء كان هندي باكستاني اجنبي اوروبي ؟ السبب انه اضطرو يطورون نفسهم ويكافحون علشان يقدرون ينافسون في سوق العمل ليش مانفكر بها الطريقه؟ الي يجي بالساهل يروح بالساهل والي يجي بصعوبه وكفاح تحس بقيمته اكثر وبزيدك من الشعر بيت في ناس قطرين وصلت رواتبهم فوق ال40 وهو بسن 24 سنه بالقطاع الخاص وبشهاده ثانويه طبعا للقدرات الخارقه الي ميزتهم في الشغل من ناحيه ذكاء واجتهاد وكونهم بروفشانل ولاعجاب الاداراهم فيهم )

الغلطه لاتغتفر .. وهاي المفروض يكون في كل مكان في اغلاط فعلم يجب ان لا تغتفر ولو مشى ها الستتم كان ماشفنا وايد مشاكل واغلاط في القطاعات الحكوميه مثل اشغال وغيرها

الحل بالتالي حسب وجهه نظري ،،
وظيفه حكوميه بالصباح وعمل خاص بالمساء لتحسين الدخل .. مع كل احترامي انا لو اقابلك واشوف هاي المنتلي مالتك بكل صراحه ماوظفك للامانه

شخصيا انا ارفض العمل بالقطاع الحكومي رفض بات فقط لانه هناك في راحه اي في راحه صح بس على حسابي المستقبلي مااراح اضيع عمري على خبره محليه وادور الراحه راح اجتهد واكافح وانسى اني قطري وانافس الاجانب في السوق بالخبره والشطاره مب بالجواز

من جد وجد

[الـقـاسـي]

الى الان لم يتم تحديد الموعد وغالب الضن سوف يؤجل

[R 7 A L]

لا يغركم ( بريق ) القطاع الخاص
والله مايسوى لا الراتب المرتفع ولا الخبرة ولا اللغة
انا في قطاع خاص راتبي مرتفع وخبرتي الفنية والادارية ممتازة
بس مافيه لا راحه ولا مستقبل الا في هذا القطاع اذا حولت للحكومة ببتدي من الصفر

[Right]

ليش بروحي توظفت
اول اجتماع عقب ماوصلني الاوفر معاي 10 شباب وبنات من الي قبلوهم
غير الي اعرفهم رفضو يشتغلون ف قطر فاونديشن
واقولك اماكن ثانيه وشركات كلمتني ورفضت






معنى ذلك لديك مميزات وقدرات خارقة لا توجد إلا فيك فقط !!

[Right]

اممم سمعت في ناس توظفو عن طريق المعرض غير قطريين بعد
انا عن نفسي رحتلهم مرتين ولا حد رد علي





هذا بلى أبوك يا عقاب !!

[JN000N]

معنى ذلك لديك مميزات وقدرات خارقة لا توجد إلا فيك فقط !!





شدخل
انت او انتي قريتي ردي عدل والا بس جي تكتب او تكتبين
قلت انا ومعاي عشره الي جفتهم بس وغير الي رفضو يشتغلون

[S S]

بعض الجهات اتوظف والبعض بس ديكور على الفاضي

[partyQtr]

بخصوص اللي يقولون المعرض المهني مامنه فايدة

والاوراق تنقط في الزباله

للامانه انا اشتغل في جهه حكوميه ومن بعد المعرض المهني مانقبل طلبات توظيف

الا اللي من المعرض يعني الاولوية تكون للي مقدمين عن طريق المعرض المهني

ويجينا كشف باسماء ونكلمهم وعن نفسي كل سنه اتصل في اكثر من 10 او 20 شخص

واللي يريدون بالكثير 2 او 3 الاغلبيه تلفوناتهم مسكره او مايردون او يعتذرون انهم مايبون

المكان فطبيعي اللي مسكر تلفونه او مايرد على اتصالاتنا بيحط في باله انه المعرض اي كلام

ومامنه فايده

[Right]

شدخل
انت او انتي قريتي ردي عدل والا بس جي تكتب او تكتبين
قلت انا ومعاي عشره الي جفتهم بس وغير الي رفضو يشتغلون





أنت وليس أنتي



ردي جاء بناءاً على ما تم فهمه من ردك



لربما لم تكوني موفقة في التوضيح

[Right]

بعض الجهات اتوظف والبعض بس ديكور على الفاضي





ههههههههههههههه صدقت :nice:

[Right]

بخصوص اللي يقولون المعرض المهني مامنه فايدة

والاوراق تنقط في الزباله

للامانه انا اشتغل في جهه حكوميه ومن بعد المعرض المهني مانقبل طلبات توظيف

الا اللي من المعرض يعني الاولوية تكون للي مقدمين عن طريق المعرض المهني

ويجينا كشف باسماء ونكلمهم وعن نفسي كل سنه اتصل في اكثر من 10 او 20 شخص

واللي يريدون بالكثير 2 او 3 الاغلبيه تلفوناتهم مسكره او مايردون او يعتذرون انهم مايبون

المكان فطبيعي اللي مسكر تلفونه او مايرد على اتصالاتنا بيحط في باله انه المعرض اي كلام

ومامنه فايده






مع إحترامي لك


لا نريد مجرد كلام فقط بل واقع وموثق بالدلائل


بمعنى أنه بعد إنتهاء أي معرض مهني ،، يجب أن تكون هناك كشوفات تبين عدد الذين تم توظيفهم


تقدمها جميع المؤسسات والشركات والوزارات التي شاركت بالمعرض وتعرض النتائج بالجرائد أيضاً


لنعلم المصداقية من عدمها !!

[للصبر اخر]

لا يغركم ( بريق ) القطاع الخاص
والله مايسوى لا الراتب المرتفع ولا الخبرة ولا اللغة
انا في قطاع خاص راتبي مرتفع وخبرتي الفنية والادارية ممتازة
بس مافيه لا راحه ولا مستقبل الا في هذا القطاع اذا حولت للحكومة ببتدي من الصفر

صدققت ياخوي
في كل كلمة قلتهاا

[بوحارب]

فيه وظائف للقطريين في الفنادق عندنا

خاصة الفنادق 5 star

[JN000N]

أنت وليس أنتي



ردي جاء بناءاً على ما تم فهمه من ردك



لربما لم تكوني موفقة في التوضيح





ولربما قريت ردي انت بسرعه او عندك صعوبه !
نفس الكلام ف الرد الثاني قلته فهمته يعني :omen2:

المهم وت ايفر كلها ارزاق واللي الله كاتب له يتوظف من معرض والا بدون معرض بيتوظف

[مختلفة عقليا]

فيه وظائف للقطريين في الفنادق عندنا

خاصة الفنادق 5 star


الله ,. وين اي فندق ., باجر بروح اقدم اوراقي ., :nice:

[بوحارب]

ولربما قريت ردي انت بسرعه او عندك صعوبه !
نفس الكلام ف الرد الثاني قلته فهمته يعني :omen2:

المهم وت ايفر كلها ارزاق واللي الله كاتب له يتوظف من معرض والا بدون معرض بيتوظف
اشعندها وت ايفر كااااااااااااااككككك


الله ,. وين اي فندق ., باجر بروح اقدم اوراقي ., :nice:

انا استفسر :)

[مختلفة عقليا]

اشعندها وت ايفر كااااااااااااااككككك



انا استفسر :)


هلا .,

قراند ريجنسي كانوا اموظفين من فتره شباب وبنات .,

بس الوظيفه اللي كنت ابيها ., مو موجوده للقطريات جرب قدم عندهم .,

[ريتويت]

المهم من الحين اقولكم لو حد عنده واسطه فقطر فاونديشن لايبخل علينا.. موفقين فالمعرض المهني:tease:

[JN000N]

اشعندها وت ايفر كااااااااااااااككككك



انا استفسر :)

لا ماسمعت مصطلحات يديده بعد خخخخخخخخخخخ

[بوحارب]

هلا .,

قراند ريجنسي كانوا اموظفين من فتره شباب وبنات .,

بس الوظيفه اللي كنت ابيها ., مو موجوده للقطريات جرب قدم عندهم .,
مختلفه

انا بس عندي مجرد تساؤل مب ابي اشتغل

وانا موظف منذ مبطي :)


لا ماسمعت مصطلحات يديده بعد خخخخخخخخخخخ

الله يستر ههههههههههههه

[Right]

ولربما قريت ردي انت بسرعه او عندك صعوبه !
نفس الكلام ف الرد الثاني قلته فهمته يعني :omen2:

المهم وت ايفر كلها ارزاق واللي الله كاتب له يتوظف من معرض والا بدون معرض بيتوظف





يمكن لدي صعوبة كما ذكرتي


لكن لو عندي نفس المميزات إلي تتمتعين فيها والتي تذلل لك الصعوبات

وتفتح لك أبواب الوظائف على مصراعيه


كان موضوعي خالص !!

[Right]

الحين تأجل موعد المعرض المهني 2014 ،، لكن متى سيقام ؟

[dammaj77]

مامنه اي نتيجة مقدم عندهم عدة مرات وبتم تقدم الى ماله نهاية والعمر يمشي وبتطوف عليك سنوات ولااحد درى فيك !!!
اختصار السالفة وشف لك واسطة زينة بعد التوكل على الله اولا واخيرا وخذالمعروض ولا تعارض الى الله يحلها من عنده
وبالتوفيق للعاطلين عن العمل واخص الجامعيين

[Right]

مامنه اي نتيجة مقدم عندهم عدة مرات وبتم تقدم الى ماله نهاية والعمر يمشي وبتطوف عليك سنوات ولااحد درى فيك !!!
اختصار السالفة وشف لك واسطة زينة بعد التوكل على الله اولا واخيرا وخذالمعروض ولا تعارض الى الله يحلها من عنده
وبالتوفيق للعاطلين عن العمل واخص الجامعيين






المستفيدون هم الوحيدون إلي لقوا منه فايدة !!




عاد شكثر المستفيدين !!

[عطر فرنسي]

اهم شي الهدايا:nice:

[Right]

اهم شي الهدايا:nice:







ههههههههههههه هذا الشي الوحيد المستفاد منه :victory:

[R 7 A L]

خاطري اغمض عيني وافتحها احصل احنا في شهر ديسمبر
وللحين ما سووا المعرض المهني
خلني اشوف الي يقولون بيسوونه هالسنه ههههه

[مخطط قطري]

اتعلم واجيك

[Right]

خاطري اغمض عيني وافتحها احصل احنا في شهر ديسمبر
وللحين ما سووا المعرض المهني
خلني اشوف الي يقولون بيسوونه هالسنه ههههه






إن شاء الله

[مليونيرة مفلسة]

الله يوفق كل عاطل و يحصل الوظيفة الي يتمناها امين