+.. صورني وأنا ما ادري +...!

[أم محمد 90]

السلام عليكم


من مناّ هالأيام لايملك هاتف ذكي مزود بكاميرا تصويرها جيد وتقرب المسافات البعيدة لالتقاط صورة !؟

http://fakasawy.com/wp-content/uploads/2014/02/smartphones-2016.jpg

::

سبب طرحي لموضوعي واللي من وجهة نظري مهم جداً هو أن
فالأيام الأخيرة أنتشر على البلاك بيري وبرامج التواصل الاجتماعي فيديو لزوج يحضن زوجته في حفل زواجهما مع تعليق ينم عن الحسد والغيرة ,,

وأيضاً خلال تواجدي بأحد صالونات التجميل كان في بنتين يتهامسون على حذاء بنت اخرى وبدون لا البنت تدري تم تصوير حذائها من قبل هالبنتين !
وطبعاً الجوال على الصامت لا صورت لا فلاش ولا صوت تصوير ,,

http://im69.gulfup.com/6tWarg.png (http://www.gulfup.com/?2k1G2Q)


الجوالات الذكية رغم مميزاتها الا ان في ناس كثيرة ممكن يستخدمونها استخدام سيء وخاطئ ..

وبديت الاحظ في اماكن تواجد النساء :


- صالونات التجميل
- العيادات النسائية
- النادي الرياضي


وغيرهم ..

كل البنات تقريباً في يدهم الجوال وعادي يتم التصوير والبنت ماتدري وتحسب ان البنت الثانية قاعدة تدردش بالجوال !


((ضعاف النفوس وعديمي التربية وايد)) وأيضاً المتشبهات بالرجال في هذه الاماكن وايد

على الرغم من وجود لافتات بأن الهواتف المزودة بكاميرا ممنوعة .. الا انه لا يوجد رقيب ..

الحـل .. ؟

من وجهة نظري أن يكون في كل مكان خاص بالنساء وخصوصاً الصالونات والنوادي الرياضية سيكيورتي تراقب من اللي ترفع الجوال بالكاميرا وتمنعها ,,


الموضوع مو متعلق بالنساء بالذات ,, بشكل عام التصوير بدون حق صار منتشر
وصارو ناس وايد يستغلون الجوالات بالتصوير بدون حق بدون لا الشخص يدري ,,


الموضوع مفتوح للنقاش بدون الخروج عن محور الموضوع ~

وحياكم ,,

[زمان]

http://www.youtube.com/watch?v=lGt6IzxGqPg

[ضوى]

التصوير بدون علم الشخص يعتبر جريمة ممكن ان يحاكم عليها

المووضع خطير وكلامج في محله ، خاصة بالصالونات اللي يصير فيها مب طبيعي ، والغلط هنا على المراة أو البنت اللي ترفع ثيباها في غير بيتها ، يعني الواحد ماكياج وشعر بيبلعها لكن الاشياء الاخرى فهذا اصلا مايجوزتقوم فيه برع بيتها حتى لو المكان مافي كاميرات وامن ايضا مايجوز ، لازم البنت تنتبه لهالشي ، عيال الحرام بكل مكان واللي في نزغة الشر كثار الله يحفظنا ويستر علي بناتنا منهم
بصراحة انا طول ما انا في الصالون ماسكة الجوال وعالواتس والا انستغرام والا تويتر بس ماتجرا أصور شي مايخصني ، بس مرة شفت بنت لابسة جلابية حلوة وطلبت منها اني اصورها على اساس اسوي نفس الموديل ووافقت وصورت اطراف الجلابية من غير لا يبين تفاصيل اللي لابستها

[أم محمد 90]

http://www.youtube.com/watch?v=lGt6IzxGqPg

جزاك الله كل خير على الفيديو ,,,

اي والله انها من اعظم الفتن ,,

خصوصاً لما اشوف هالاجهزة بيد البنات الصغار في هالاماكن ,,

وخفيفات العقول

[العلياا]

وعليكم السلام

عزيزتي أم محمد أنا مره اشترك في نادي اسباير وما داومت الا مرتين لان يأخذون التلفونات عند البوابة الرئيسية
وعندهم جهاز كاشف نفس اللي تشوفينه فالعروس بصراحة بالنسبة لي كان امر مزعج لان كل شغلي بالتلفون عشان جي وقفت ..

مؤيده فكرة وجود سيكيورتي تراقب الوضع بس خلينا صريحين بيجيبون من الجنسيات اللي ما لها كلمة على بناتنا
نفس اللي كان يصير في اكوابارك قمة المهزله ..

اذا شفتي شي والا وحدة ارفعت تلفونها وحسيت بتصورج روحي لها واطلبي التلفون
وشوفي الصور ولج الحق واذا ارفضت وصارت عنتر القانون معاج ..

:)

[moonبنتnight]

جزاك الله خير معلومة أول مرة أعرفها ..


السؤال


ماهي فتنة الدهيماء والأحلاس؟
أرجو الإجابة .


الإجابــة




الحمد لله والصلاة والسلام على رسول الله وعلى آله وصحبه أما بعد:

فروى أبو داود وأحمد وصححه الحاكم وأقره الذهبي عن عبد الله بن عمر يقول: كُنَّا قُعُودًا عِنْدَ رَسُولِ اللَّهِ فَذَكَرَ الْفِتَنَ فَأَكْثَرَ فِي ذِكْرِهَا حَتَّى ذَكَرَ فِتْنَةَ الْأَحْلَاسِ فَقَالَ قَائِلٌ يَا رَسُولَ اللَّهِ وَمَا فِتْنَةُ الْأَحْلَاسِ قَالَ هِيَ هَرَبٌ وَحَرْبٌ ثُمَّ فِتْنَةُ السَّرَّاءِ دَخَنُهَا مِنْ تَحْتِ قَدَمَيْ رَجُلٍ مِنْ أَهْلِ بَيْتِي يَزْعُمُ أَنَّهُ مِنِّي وَلَيْسَ مِنِّي وَإِنَّمَا أَوْلِيَائِي الْمُتَّقُونَ ثُمَّ يَصْطَلِحُ النَّاسُ عَلَى رَجُلٍ كَوَرِكٍ عَلَى ضِلَعٍ ثُمَّ فِتْنَةُ الدُّهَيْمَاءِ لَا تَدَعُ أَحَدًا مِنْ هَذِهِ الْأُمَّةِ إِلَّا لَطَمَتْهُ لَطْمَةً فَإِذَا قِيلَ انْقَضَتْ تَمَادَتْ يُصْبِحُ الرَّجُلُ فِيهَا مُؤْمِنًا وَيُمْسِي كَافِرًا حَتَّى يَصِيرَ النَّاسُ إِلَى فُسْطَاطَيْنِ فُسْطَاطِ إِيمَانٍ لَا نِفَاقَ فِيهِ وَفُسْطَاطِ نِفَاقٍ لَا إِيمَانَ فِيهِ فَإِذَا كَانَ ذَاكُمْ فَانْتَظِرُوا الدَّجَّالَ مِنْ يَوْمِهِ أَوْ مِنْ غَدِهِ.
قال في عون المعبود شرح سنن أبي داود: ( الْعَنْسِيّ ) : بِمَفْتُوحَةٍ وَسُكُون نُون , قَالَ فِي لُبّ اللُّبَاب مَنْسُوب إِلَى عَنْس حَيّ مِنْ مَذْحِج ( كُنَّا قُعُودًا ) : أَيْ قَاعِدِينَ ( فَذَكَرَ ) : النَّبِيّ صَلَّى اللَّه عَلَيْهِ وَسَلَّمَ ( الْفِتَن ) : أَيْ الْوَاقِعَة فِي آخِر الزَّمَان ( فَأَكْثَرَ ) : أَيْ الْبَيَان ( فِي ذِكْرهَا ) : أَيْ الْفِتَن ( حَتَّى ذَكَرَ ) : النَّبِيّ صَلَّى اللَّه عَلَيْهِ وَسَلَّمَ ( فِتْنَة الْأَحْلَاس ) : قَالَ فِي النِّهَايَة : الْأَحْلَاس جَمْع حِلْس وَهُوَ الْكِسَاء الَّذِي يَلِي ظَهْر الْبَعِير تَحْت الْقَتَب , شَبَّهَهَا بِهِ لِلُزُومِهَا وَدَوَامهَا . اِنْتَهَى . وَقَالَ الْخَطَّابِيُّ : إِنَّمَا أُضِيفَتْ الْفِتْنَة إِلَى الْأَحْلَاس لِدَوَامِهَا وَطُول لُبْثهَا أَوْ لِسَوَادِ لَوْنهَا وَظُلْمَتهَا ( قَالَ ) : النَّبِيّ صَلَّى اللَّه عَلَيْهِ وَسَلَّمَ ( هِيَ ) أَيْ فِتْنَة الْأَحْلَاس ( هَرَب ) : بِفَتْحَتَيْنِ , أَيْ يَفِرّ بَعْضهمْ مِنْ بَعْض لِمَا بَيْنهمْ مِنْ الْعَدَاوَة وَالْمُحَارَبَة قَالَهُ الْقَارِي ( وَحَرَب ) : فِي النِّهَايَة الْحَرَب بِالتَّحْرِيكِ نَهْب مَال الْإِنْسَان وَتَرْكه لَا شَيْء لَهُ اِنْتَهَى . وَقَالَ الْخَطَّابِيُّ : الْحَرَب ذَهَاب الْمَال وَالْأَهْل ( ثُمَّ فِتْنَة السَّرَّاء ) : قَالَ الْقَارِي : وَالْمُرَاد بِالسَّرَّاءِ النَّعْمَاء الَّتِي تَسُرّ النَّاس مِنْ الصِّحَّة وَالرَّخَاء وَالْعَافِيَة مِنْ الْبَلَاء وَالْوَبَاء , وَأُضِيفَتْ إِلَى السَّرَّاء لِأَنَّ السَّبَب فِي وُقُوعهَا اِرْتِكَاب الْمَعَاصِي بِسَبَبِ كَثْرَة التَّنَعُّم أَوْ لِأَنَّهَا تَسُرّ الْعَدُوّ اِنْتَهَى . وَفِي النِّهَايَة : السَّرَّاء الْبَطْحَاء , وَقَالَ بَعْضهمْ هِيَ الَّتِي تَدْخُل الْبَاطِن وَتُزَلْزِلهُ وَلَا أَدْرِي مَا وَجْهه اِنْتَهَى ( دَخَنهَا ) : يَعْنِي ظُهُورهَا وَإِثَارَتهَا شَبَّهَهَا بِالدُّخَانِ الْمُرْتَفِع , وَالدَّخَن بِالتَّحْرِيكِ مَصْدَر دَخِنَتْ النَّار تَدْخَن إِذَا أُلْقِيَ عَلَيْهَا حَطَب رَطْب فَكَثُرَ دُخَانهَا , وَقِيلَ أَصْل الدَّخَن أَنْ يَكُون فِي لَوْن الدَّابَّة كُدُورَة إِلَى سَوَاد قَالَهُ فِي النِّهَايَة وَإِنَّمَا قَالَ ( مِنْ تَحْت قَدَمَيْ رَجُل مِنْ أَهْل بَيْتِي ) : تَنْبِيهًا عَلَى أَنَّهُ هُوَ الَّذِي يَسْعَى فِي إِثَارَتهَا أَوْ إِلَى أَنَّهُ يَمْلِك أَمْرهَا ( يَزْعُم أَنَّهُ مِنِّي ) : أَيْ فِي الْفِعْل وَإِنْ كَانَ مِنِّي فِي النَّسَب وَالْحَاصِل أَنَّ تِلْكَ الْفِتْنَة بِسَبَبِهِ وَأَنَّهُ بَاعِث عَلَى إِقَامَتهَا ( وَلَيْسَ مِنِّي ) أَيْ مِنْ أَخِلَّائِي أَوْ مِنْ أَهْلِي فِي الْفِعْل لِأَنَّهُ لَوْ كَانَ مِنْ أَهْلِي لَمْ يُهَيِّج الْفِتْنَة وَنَظِيره قَوْله تَعَالَى : { إِنَّهُ لَيْسَ مِنْ أَهْلِكَ إِنَّهُ عَمَلٌ غَيْرُ صَالِحٍ } أَوْ لَيْسَ مِنْ أَوْلِيَائِي فِي الْحَقِيقَة , وَيُؤَيِّدهُ قَوْله ( وَإِنَّمَا أَوْلِيَائِي الْمُتَّقُونَ ) : قَالَ الْأَرْدَبِيلِيُّ . فِيهِ إِعْجَاز وَعَلَم لِلنُّبُوَّةِ وَفِيهِ أَنَّ الِاعْتِبَار كُلّ الِاعْتِبَار لِلْمُتَّقِي وَإِنْ بَعُدَ عَنْ الرَّسُول فِي النَّسَب , وَأَنْ لَا اِعْتِبَار لِلْفَاسِقِ وَالْفَتَّان عِنْد رَسُول اللَّه صَلَّى اللَّه عَلَيْهِ وَسَلَّمَ وَإِنْ قَرُبَ مِنْهُ فِي النَّسَب اِنْتَهَى . ( ثُمَّ يَصْطَلِح النَّاس عَلَى رَجُل ) : أَيْ يَجْتَمِعُونَ عَلَى بَيْعَة رَجُل ( كَوَرِكٍ ) : بِفَتْحٍ وَكَسْر قَالَهُ الْقَارِي ( عَلَى ضِلَع ) : بِكَسْرٍ فَفَتْح وَيُسَكَّن وَاحِد الضُّلُوع أَوْ الْأَضْلَاع قَالَهُ الْقَارِي . قَالَ الْخَطَّابِيُّ : هُوَ مَثَل وَمَعْنَاهُ الْأَمْر الَّذِي لَا يَثْبُت وَلَا يَسْتَقِيم وَذَلِكَ أَنَّ الضِّلَع لَا يَقُوم بِالْوَرِكِ . وَبِالْجُمْلَةِ يُرِيد أَنَّ هَذَا الرَّجُل غَيْر خَلِيق لِلْمُلْكِ وَلَا مُسْتَقِلّ بِهِ اِنْتَهَى . وَفِي النِّهَايَة : أَيْ يَصْطَلِحُونَ عَلَى أَمْر وَاهٍ لَا نِظَام لَهُ وَلَا اِسْتِقَامَة لِأَنَّ الْوَرِك لَا يَسْتَقِيم عَلَى الضِّلَع وَلَا يَتَرَكَّب عَلَيْهِ لِاخْتِلَافِ مَا بَيْنهمَا وَبُعْده , وَالْوَرِك مَا فَوْق الْفَخِذ اِنْتَهَى . وَقَالَ الْقَارِي : هَذَا مَثَل وَالْمُرَاد أَنَّهُ لَا يَكُون عَلَى ثَبَات , لِأَنَّ الْوَرِك لِثِقَلِهِ لَا يَثْبُت عَلَى الضلع لِدِقَّتِهِ , وَالْمَعْنَى أَنَّهُ يَكُون غَيْر أَهْل لِلْوِلَايَةِ لِقِلَّةِ عِلْمه وَخِفَّة رَأْيه اِنْتَهَى . وَقَالَ الْأَرْدَبِيلِيُّ فِي الْأَزْهَار : يُقَال فِي التَّمْثِيل لِلْمُوَافَقَةِ وَالْمُلَائَمَة كَفّ فِي سَاعِد وَلِلْمُخَالَفَةِ وَالْمُغَايَرَة وَرِك عَلَى ضِلَع اِنْتَهَى . وَفِي شَرْح السُّنَّة . مَعْنَاهُ أَنَّ الْأَمْر لَا يَثْبُت وَلَا يَسْتَقِيم لَهُ , وَذَلِكَ أَنَّ الضِّلَع لَا يَقُوم بِالْوَرِكِ وَلَا يَحْمِلهُ , وَحَاصِله أَنَّهُ لَا يَسْتَعِدّ وَلَا يَسْتَبِدّ لِذَلِكَ , فَلَا يَقَع عَنْهُ الْأَمْر مَوْقِعه كَمَا أَنَّ الْوَرِك عَلَى ضِلَع يَقَع غَيْر مَوْقِعه ( ثُمَّ فِتْنَة الدُّهَيْمَاء ) : وَهِيَ بِضَمٍّ فَفَتْح وَالدَّهْمَاء السَّوْدَاء وَالتَّصْغِير لِلذَّمِّ أَيْ الْفِتْنَة الْعَظْمَاء وَالطَّامَّة الْعَمْيَاء . قَالَهُ الْقَارِي . وَفِي النِّهَايَة تَصْغِير الدَّهْمَاء الْفِتْنَة الْمُظْلِمَة وَالتَّصْغِير فِيهَا لِلتَّعْظِيمِ وَقِيلَ أَرَادَ بِالدُّهَيْمَاءِ الدَّاهِيَة وَمِنْ أَسْمَائِهَا الدُّهَيْم زَعَمُوا أَنَّ الدُّهَيْم اِسْم نَاقَة كَانَ غَزَا عَلَيْهَا سَبْعَة إِخْوَة فَقُتِلُوا عَنْ آخِرهمْ وَحُمِلُوا عَلَيْهَا حَتَّى رَجَعَتْ بِهِمْ فَصَارَتْ مَثَلًا فِي كُلّ دَاهِيَة ( لَا تَدَع ) : أَيْ لَا تَتْرُك تِلْكَ الْفِتْنَة ( إِلَّا لَطَمَتْهُ لَطْمَة ) : أَيْ أَصَابَتْهُ بِمِحْنَةٍ وَمَسَّتْهُ بِبَلِيَّةٍ , وَأَصْل اللَّطْم هُوَ الضَّرْب عَلَى الْوَجْه بِبَطْنِ الْكَفّ , وَالْمُرَاد أَنَّ أَثَر تِلْكَ الْفِتْنَة يَعُمّ النَّاس وَيَصِل لِكُلِّ أَحَد مِنْ ضَرَرهَا ( فَإِذَا قِيلَ اِنْقَضَتْ ) : أَيْ فَمَهْمَا تَوَهَّمُوا أَنَّ تِلْكَ الْفِتْنَة اِنْتَهَتْ ( تَمَادَتْ ) : بِتَخْفِيفِ الدَّال أَيْ بَلَغَتْ الْمَدَى أَيْ الْغَايَة مِنْ التَّمَادِي وَبِتَشْدِيدِ الدَّال مِنْ التَّمَادُد تَفَاعُل مِنْ الْمَدّ أَيْ اِسْتَطَالَتْ وَاسْتَمَرَّتْ وَاسْتَقَرَّتْ قَالَهُ الْقَارِي ( مُؤْمِنًا ) : أَيْ لِتَحْرِيمِهِ دَم أَخِيهِ وَعِرْضه وَمَاله ( وَيُمْسِي كَافِرًا ) : أَيْ لِتَحْلِيلِهِ مَا ذُكِرَ وَيَسْتَمِرّ ذَلِكَ ( إِلَى فُسْطَاطَيْنِ ) : بِضَمِّ الْفَاء وَتُكْسَر أَيْ فِرْقَتَيْنِ , وَقِيلَ مَدِينَتَيْنِ , وَأَصْل الْفُسْطَاط الْخَيْمَة فَهُوَ مِنْ بَاب ذِكْر الْمَحَلّ وَإِرَادَة الْحَالّ قَالَهُ الْقَارِي ( فُسْطَاط إِيمَان ) : بِالْجَرِّ عَلَى أَنَّهُ بَدَل وَبِالرَّفْعِ عَلَى أَنَّهُ خَبَر مُبْتَدَإٍ مَحْذُوف أَيْ إِيمَان خَالِص . قَالَ الطِّيبِيُّ الْفُسْطَاط بِالضَّمِّ وَالْكَسْر الْمَدِينَة الَّتِي فِيهَا يَجْتَمِع النَّاس , وَكُلّ مَدِينَة فُسْطَاط , وَإِضَافَة الْفُسْطَاط إِلَى الْإِيمَان إِمَّا بِجَعْلِ الْمُؤْمِنِينَ نَفْس الْإِيمَان مُبَالَغَة وَإِمَّا بِجَعْلِ الْفُسْطَاط مُسْتَعَارًا لِلْكَنَفِ وَالْوِقَايَة عَلَى الْمُصَرِّحَة أَيْ هُمْ فِي كَنَف الْإِيمَان وَوِقَايَته . قَالَهُ الْقَارِي ( لَا نِفَاق فِيهِ ) : أَيْ لَا فِي أَصْله وَلَا فِي فَصْله مِنْ اِعْتِقَاده وَعَمَله ( لَا إِيمَان فِيهِ ) : أَيْ أَصْلًا أَوْ كَمَالًا لِمَا فِيهِ مِنْ أَعْمَال الْمُنَافِقِينَ مِنْ الْكَذِب وَالْخِيَانَة وَنَقْض الْعَهْد وَأَمْثَال ذَلِكَ ( فَانْتَظِرُوا الدَّجَّال ) : أَيْ ظُهُوره . انتهى.
والله أعلم.
http://fatwa.islamweb.net/fatwa/index.php?page=showfatwa&Option=FatwaId&Id=27610

[sweet qatar]

صدقتي يا ام محمد..

ولا البنات الي يصورون ويلفون بالجوال
حق السناب شات على اساس انه عادي

طيب اذا عادي عندج انا مارضى !!

[أم محمد 90]

التصوير بدون علم الشخص يعتبر جريمة ممكن ان يحاكم عليها

المووضع خطير وكلامج في محله ، خاصة بالصالونات اللي يصير فيها مب طبيعي ، والغلط هنا على المراة أو البنت اللي ترفع ثيباها في غير بيتها ، يعني الواحد ماكياج وشعر بيبلعها لكن الاشياء الاخرى فهذا اصلا مايجوزتقوم فيه برع بيتها حتى لو المكان مافي كاميرات وامن ايضا مايجوز ، لازم البنت تنتبه لهالشي ، عيال الحرام بكل مكان واللي في نزغة الشر كثار الله يحفظنا ويستر علي بناتنا منهم
بصراحة انا طول ما انا في الصالون ماسكة الجوال وعالواتس والا انستغرام والا تويتر بس ماتجرا أصور شي مايخصني ، بس مرة شفت بنت لابسة جلابية حلوة وطلبت منها اني اصورها على اساس اسوي نفس الموديل ووافقت وصورت اطراف الجلابية من غير لا يبين تفاصيل اللي لابستها

اتفق معاج اختي ضوى .,

ممكن من الحلول ان البنت تحاسب قد ماتقدر وماتخلع ثيابها حتى لو ف اماكن النساء تتستر قد ماتقدر

بس احياناً اللي ماسكة الجوال للدردشة تبين
واللي ماسكته تحاول تصور واضح ويبين عليها ,,


ولذلك اقترحت يكون في شخص موجود يمشي مجرد مشي بين البنات وتراقب منهي تصور

[أم محمد 90]

وعليكم السلام

عزيزتي أم محمد أنا مره اشترك في نادي اسباير وما داومت الا مرتين لان يأخذون التلفونات عند البوابة الرئيسية
وعندهم جهاز كاشف نفس اللي تشوفينه فالعروس بصراحة بالنسبة لي كان امر مزعج لان كل شغلي بالتلفون عشان جي وقفت ..

مؤيده فكرة وجود سيكيورتي تراقب الوضع بس خلينا صريحين بيجيبون من الجنسيات اللي ما لها كلمة على بناتنا
نفس اللي كان يصير في اكوابارك قمة المهزله ..

اذا شفتي شي والا وحدة ارفعت تلفونها وحسيت بتصورج روحي لها واطلبي التلفون
وشوفي الصور ولج الحق واذا ارفضت وصارت عنتر القانون معاج ..

:)

اسباير الامن عندهم ممتاز
وبالعكس ماشوفها أزمة لو قعدت بدون جوال لمدة ساعة ساعتين فالجيم
فالنهاية جاية اتمرن مو اسولف بالجوال:shy:
ماتقهرني الا اللي تمشي ع الجهاز وف يدها الجوال تطقطق وتسولف ,,

[أم محمد 90]

صدقتي يا ام محمد..

ولا البنات الي يصورون ويلفون بالجوال
حق السناب شات على اساس انه عادي

طيب اذا عادي عندج انا مارضى !!

احترام للغير مافي أبداً ,,
ما ادري لوين راح نوصل ,,
وشالحكمة انها تصور في جيم ولا صالون !
ترى مب عرس ولا حفلة ؟

[العلياا]

اسباير الامن عندهم ممتاز
وبالعكس ماشوفها أزمة لو قعدت بدون جوال لمدة ساعة ساعتين فالجيم
فالنهاية جاية اتمرن مو اسولف بالجوال:shy:
ماتقهرني الا اللي تمشي ع الجهاز وف يدها الجوال تطقطق وتسولف ,,

يالغالية شغل مب سوالف وتطقطق :)

[أم محمد 90]

يالغالية شغل مب سوالف وتطقطق :)

فاهمة , بشكل عام اقصد اللي تمشي ع الجهاز والجوال ف يدها ,,

عن نفسي اقدر اصبر عن الجوال احطه فاللوكر واصكر عليه واذا خذت بريك اروح اشيك من كلمني

ماحتاج انه يكون ف يدي خلال هالساعتين

[ضوى]

اسباير الامن عندهم ممتاز
وبالعكس ماشوفها أزمة لو قعدت بدون جوال لمدة ساعة ساعتين فالجيم
فالنهاية جاية اتمرن مو اسولف بالجوال:shy:
ماتقهرني الا اللي تمشي ع الجهاز وف يدها الجوال تطقطق وتسولف ,,

بالعكس انا احب اتمرن واضيع الوقت بالتلفون او الايباد ، احب اشوف اي شي عشان ماحس بالوقت واتملل ، بس بالاماكن اللي فيها غيري طبعا مب حلوة وغير مقبولة ومن حقهم يخافون الدنيا ماعاد فيها امان مثل قبل

[OREO]

ما اظن في حل لهذا الشي الا ان اللي خايفة على نفسها ،، تتنقب وتتقفز برا بيتها لاجل محد يصورها ،،

[al saad]

في حل شفته خارج قطر....
هو او ما تدخل أماكن ممنوع فيها التصوير السيكيورتي يأخذ الجوال ويحط ستكر مدور صغير فسفوري على الكاميرة الجوال وتقدر تستخدم الجوال بس اذا شاف حد الاستكير مشيول راحت عليك ينسحب والجوال ويتفتش شنو الصور الي موجوده هيهيههي عاد شوف الفضايح

فشخص يكون مؤدب من نفسه

[R 7 A L]

اشوف
انه في حاله وحدة صادت وحدة تصورها او شكت تقتش جوالها واذا حصلت صورها
تمد يدها وتضربها ضرب مبرح من الدرجة الا ولى وتكسر الجوال

[أم محمد 90]

بالعكس انا احب اتمرن واضيع الوقت بالتلفون او الايباد ، احب اشوف اي شي عشان ماحس بالوقت واتملل ، بس بالاماكن اللي فيها غيري طبعا مب حلوة وغير مقبولة ومن حقهم يخافون الدنيا ماعاد فيها امان مثل قبل

اعترف ان وايد بنات او الكل تقريبا تحب تمسك الجوال وهي تتمرن وصح كلامج هو يلهي الوحدة من انها تحسب وقت المشي ,,

الدنيا فيها امان اختي ضوى ,,,


الناس اللي تغيرو وصار مالهم أمان

[أم محمد 90]

ما اظن في حل لهذا الشي الا ان اللي خايفة على نفسها ،، تتنقب وتتقفز برا بيتها لاجل محد يصورها ،،

لا اخوي في حلول غير الاحتشام

[بوحارب]

الله يستر على نساء المسلمين العفيفات :)

[أم محمد 90]

في حل شفته خارج قطر....
هو او ما تدخل أماكن ممنوع فيها التصوير السيكيورتي يأخذ الجوال ويحط ستكر مدور صغير فسفوري على الكاميرة الجوال وتقدر تستخدم الجوال بس اذا شاف حد الاستكير مشيول راحت عليك ينسحب والجوال ويتفتش شنو الصور الي موجوده هيهيههي عاد شوف الفضايح

فشخص يكون مؤدب من نفسه

بصراحة فكرة وايد وايد ممتازة وحلوة وماتزعل احد
من تدخل البنت مكان نسائي تتغطى كاميرا جوالها بستكر
واذا حد شاف الستكر مشيول يبلغ عنها ,,

اقتراح اكثر من ممتاز

[دااانة قطر]

في حل شفته خارج قطر....
هو او ما تدخل أماكن ممنوع فيها التصوير السيكيورتي يأخذ الجوال ويحط ستكر مدور صغير فسفوري على الكاميرة الجوال وتقدر تستخدم الجوال بس اذا شاف حد الاستكير مشيول راحت عليك ينسحب والجوال ويتفتش شنو الصور الي موجوده هيهيههي عاد شوف الفضايح

فشخص يكون مؤدب من نفسه



اشوف هالحل انسب لأن فعلا مروا على البعض الله يهداهم في الانستقرام اللي مصورة واحد وزوجته في مطعم بدون ماسحسون واللي مصورة الشباااب ولا البنات وتحط تعليقات غريبه
والسناب مدري عنه اسمع بس حاله حال الكيك ماجذبني
بس جد الحركات اللي تصير في الصالونات مفهومه
الله المستعان

[أم محمد 90]

اشوف
انه في حاله وحدة صادت وحدة تصورها او شكت تقتش جوالها واذا حصلت صورها
تمد يدها وتضربها ضرب مبرح من الدرجة الا ولى وتكسر الجوال

في بنات لسانهم يعور اكثر من يدهم :) خذها معلومة اكيدة

[أم محمد 90]

الله يستر على نساء المسلمين العفيفات :)

اللهم آآميــن

[alsoq]

الحريم صراحه اماكنهم ليست مؤمنه من ها الاشكال

طيب ليش ما يكون فيه رقابه صارمة على محلات تواجد النساء اللي ذكرتيها يعني لو تكلمون وتشرحون لهم يمكن يستمعون لكم


الله يحفظ بناتنا من كل مكروه

[بوخالد911]

صحيح مشكلة ما بعدها مشكلة

والدهى والأمر أن في بعض حفلات الأعراس يتم السماح لأهل الزوجة بادخال الجوالات المزودة بالكاميرات

فلا بد من منع الكل

[sweet qatar]

في حل شفته خارج قطر....
هو او ما تدخل أماكن ممنوع فيها التصوير السيكيورتي يأخذ الجوال ويحط ستكر مدور صغير فسفوري على الكاميرة الجوال وتقدر تستخدم الجوال بس اذا شاف حد الاستكير مشيول راحت عليك ينسحب والجوال ويتفتش شنو الصور الي موجوده هيهيههي عاد شوف الفضايح

فشخص يكون مؤدب من نفسه



حل ممتاااااااز :victory:

لكن ما تقدر البنت تشيله وتصور وترده مكانه؟؟

[العلياا]

حل ممتاااااااز :victory:

لكن ما تقدر البنت تشيله وتصور وترده مكانه؟؟

أمبلى تقدر
وين الصعوبة في ازالت استكر !!!

[ريتويت]

للامانه في بنات والعياذ بالله من كثر ماهي فاسده وتفضح الناس خلاص ماقام عندها ضمير تصور ولا وبعد تصور نفسها وطرش للعالم .. طيب انتى لو ماهمج صورج تنتشر ليش تفضحين بنات العالم وتصورينهم بدون علمهن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

خاصه الاشكال الي في اللؤلؤه ولا في كاتارا ولا في المجمعات تطلع بمكياج كامل او بعبايه بدون شيله واللبس والمياعه والصوت العالي اخر شي تلقاهن بنات مدارس ولا شي ثاني .. والي يعور القلب ان الشباب ياخذون فكره عن الكل ويعممون ان بنات الدوحه خلاص صارو صايعات استغفر الله .. بالمختصر المفيد ( في بنات يجيبون الكلام حق نفسهن وحق غيرها الي ماسوت شي وتروح مع اهلها تغير جو يقولون عنها الشباب كلام زفت .

[sweet qatar]

أمبلى تقدر
وين الصعوبة في ازالت استكر !!!
يعني للأسف ما ينفع !!

[بوNasser]

أمبلى تقدر
وين الصعوبة في ازالت استكر !!!

الصعوبة انه في انواع من اللواصق او الستيكرات، لو ازيلت من مكانها او حتي حُِركت، تترك اثر سواء في اللاصق نفسه، او مكان اللصق.

مثل بعض العلب للي يجي عليها لزقة وختم المصنع، ويبين لو حد حاول يفتح العلبة....

[يمامـة]

اللهم استر علينا فوق الأرض وتحت الأرض ويوم الحشر

اليوم الكاميرات في الجواويل وظهرت لنا ساعات فيها كاميرات
وبتطلع قلامة وبكل وريش وعضاضات ،،

القضية أكبر من جوال فيه كاميرة .....> الوحدة تقعد في بتها احسن لها ولا تطلع كلش الا وهي خرمس
سواد في سواد :(

[يمامـة]

الصعوبة انه في انواع من اللواصق او الستيكرات، لو ازيلت من مكانها او حتي حُِركت، تترك اثر سواء في اللاصق نفسه، او مكان اللصق.

مثل بعض العلب للي يجي عليها لزقة وختم المصنع، ويبين لو حد حاول يفتح العلبة....

اشوية اسيتون او عطر مخفف يودي اثر هاللزقات يا اخوي ناصر..

[العلياا]

الصعوبة انه في انواع من اللواصق او الستيكرات، لو ازيلت من مكانها او حتي حُِركت، تترك اثر سواء في اللاصق نفسه، او مكان اللصق.

مثل بعض العلب للي يجي عليها لزقة وختم المصنع، ويبين لو حد حاول يفتح العلبة....

وهل هذا حل منطقي ؟!
أخرب جوالي ويتم الصمغ فيه بس عشان دخلت مكان ساعة او نص ساعة ؟!!

[يمامـة]

وهل هذا حل منطقي ؟!
أخرب جوالي ويتم الصمغ فيه بس عشان دخلت مكان ساعة او نص ساعة ؟!!

ايه منطقي يا العيا دام انه بيحفظ لج حقج في عدم تصويرج من اخريات ..

اللزقة لا تشلين همها الفاين المعطر يشلها..

[العلياا]

ايه منطقي يا العيا دام انه بيحفظ لج حقج في عدم تصويرج من اخريات ..

اللزقة لا تشلين همها الفاين المعطر يشلها..

ياختي اللي نفوسهم ضعيفه والله لا بيهمهم استكر ولا غيره
بعض الصوالين زحمه ولازم ارقام شلون بعد بيكون في عرقله قبل دخولنا !!

أنا مؤيدة للخدمة المنزلية بتحل الازمة كلها :)

[meme-93]

ام محمد اضن موضوع المعاريس فالكويت
والي فهمته لاكثر من فيديو لاعراس كويتيه انهم يسمحون التلفونات فالاعراس
بغض النظر عن موضوعج ،، انا ما ايد حركات المعاريس هاذي في الاعراس وسمحت للنفوس الضعيفه بالتصوير
لو كان العرس عادي ماكان انتشرت نفس هالمقاطع << واسمحي لي ابديت رايي بهـ النقطه من شفت المقطع قلت يستاهلون

بخصوص الموضوع
في حل انهم ياخذون التلفونات من البنات مثل الصالونات والنوادي لكن باقي الاماكن محد يقدر يمنع!
الحل ،،
يكون هناك جهه مختصه لهذه المواقف الي يشك انه قاعد يصور حد يشتكي ولهم الحق في تفتيش الفون لضمان حقوق الناس

[OREO]

لا اخوي في حلول غير الاحتشام

اذا لقيتي حل غير الاحتشام خبريني ما عليج امر،،

[بصمة قطرية]

في حل شفته خارج قطر....
هو او ما تدخل أماكن ممنوع فيها التصوير السيكيورتي يأخذ الجوال ويحط ستكر مدور صغير فسفوري على الكاميرة الجوال وتقدر تستخدم الجوال بس اذا شاف حد الاستكير مشيول راحت عليك ينسحب والجوال ويتفتش شنو الصور الي موجوده هيهيههي عاد شوف الفضايح

فشخص يكون مؤدب من نفسه

عجبني وايد هالإقتراح ..
يا ليت لو يتطبق عندنا ..
فعلاً الهواتف الذكية صارت تخوف
في زمن ماتت فيه القلوب عند البعض ..!!
لا ذمة و لا ضمير
يصورون و لا ندري ليش يصورون و حق من يصورون ..!!!
المشكلة لو قلنا صالون نسائي
طبيعي الوحدة بتشيل الشيلة لو رايحة تسوي شعرها ..!!
شلون تضمن محد بيصورها..!!

[مشاكل]

هذا الموضوع طرحته بشكل مقارب قبل سنتين وطاحوا فيني بعض الاعضاء

الحين تشوفين العالم تمشي ومعاها كميرات احترافية في سوق واقف والمجمعات والمتنزهات وغيرها وشغالين تصوير ،،، والاماكن هذي يكون فيها العايلات والنساء ،،، ولايمكن ان تخلو الصور الملتقطة من بعض مرتادي هذي الاماكن ،،،
المفروض يمنع التصوير في الاماكن العامة الا بتصريح يسجل من خلاله اسم المصور وبياناته

[النهار]

والادهي الحين الخدمات قاموا يصورن معزباتهم من غير علمهم ويطرشونها حق ربعهم

[الصغيره]

حتى جلساتنا الاسريه والعائليه كرهناها والاعراس والاعياد والسبه التصوير ومن من منا وفينا تصوير وماحديدري سوالفنا ضحكنا ملابسنا حرماتنا تصور بغير علم ومن من من اهل ولحم ودم

والعذر عادي ومافيها شي


يالله يالله استرنا فوق الارض وتحت الارض ويوم العرض

[white bird]

للاسف صار تصوير الناس بدون علم شي عادي و شفت بعيني

اي وحده تصور بنات الناس بدون علمهم.. هل هي بترضى يصورونها بدون علمها ؟؟

شي غريب اللي صاير

الله يستر علينا فوق الارض و تحت الارض و يوم العرض

جزاج الله خير ذي الموضوع وايد شاغل بالي ومعور قلبي
..

[أم محمد 90]

حتى جلساتنا الاسريه والعائليه كرهناها والاعراس والاعياد والسبه التصوير ومن من منا وفينا تصوير وماحديدري سوالفنا ضحكنا ملابسنا حرماتنا تصور بغير علم ومن من من اهل ولحم ودم

والعذر عادي ومافيها شي


يالله يالله استرنا فوق الارض وتحت الارض ويوم العرض

كلامج صحيح , صرنا من حد يرفع الجوال بيصور شي نتخشش عشان مانطلع بالصورة اللي بتنزل في اكثر من برنامج اجتماعي !!


اللهم آآمين

شاكرة لج مرورج

[أم محمد 90]

للاسف صار تصوير الناس بدون علم شي عادي و شفت بعيني

اي وحده تصور بنات الناس بدون علمهم.. هل هي بترضى يصورونها بدون علمها ؟؟

شي غريب اللي صاير

الله يستر علينا فوق الارض و تحت الارض و يوم العرض

جزاج الله خير ذي الموضوع وايد شاغل بالي ومعور قلبي
..

اسم الله على قلبج والله يجزيج بمثله ,
والموضوع شاغلني وايد بعد ,,

[نور الحور]

وهل هذا حل منطقي ؟!
أخرب جوالي ويتم الصمغ فيه بس عشان دخلت مكان ساعة او نص ساعة ؟!!


العليا .. اقتراح الأخ عن وضع ستيكرز فسفوري مو معناه أنه ما يقدرون يشيلونه ..

ولا معناه انه يبقى فيه الصمغ من بعد ما ينشال ..

الهدف أظن إنج لما تشوفين جوال مرفوع وما عليه هالاستيكرز تبلغين عنهم وتاخذين حذرج ..

ولأن لون الاستيكرز بيكون فسفوري فبسرعة يمكن ملاحظة اللي شالته وهدفها تصور ..

أظن هذا المقصد ..

والفكرة أحسها مناسبة جداً وعملية وايد وما تكلف :victory:

والشكر لأم محمد موصول على طرح هالموضوع .. وجزاها الله خير على التنبيهات :victory:

[العلياا]

العليا .. اقتراح الأخ عن وضع ستيكرز فسفوري مو معناه أنه ما يقدرون يشيلونه ..

ولا معناه انه يبقى فيه الصمغ من بعد ما ينشال ..

الهدف أظن إنج لما تشوفين جوال مرفوع وما عليه هالاستيكرز تبلغين عنهم وتاخذين حذرج ..

ولأن لون الاستيكرز بيكون فسفوري فبسرعة يمكن ملاحظة اللي شالته وهدفها تصور ..

أظن هذا المقصد ..

والفكرة أحسها مناسبة جداً وعملية وايد وما تكلف :victory:

والشكر لأم محمد موصول على طرح هالموضوع .. وجزاها الله خير على التنبيهات :victory:

يالغالية
أنا فكرت فيها محتاجين موظفات حماية واجهزة ومن هالاستكرات
والعملية بتكون شبهه معقده لان انا بنتظر دوري عشان احصل الخدمة داخل بعد بلاقي عرقلة عند الدخول !!
ممكن في أماكن غير الصوالين

بس دام معظمكم اتفق على انها مناسبة ان شاءالله تطبق ومنا للجهات العلياا وانا ما زلت مع الخدمات المنزلية :)

[بوحارب]

زين والبنات الكاشخات في الشوارع والأسواق ما يخافون حد يصورهم !!

[بوخالد911]

زين والبنات الكاشخات في الشوارع والأسواق ما يخافون حد يصورهم !!

هلا بك

الخوف الحين من بعض الأقلام والأزرة المزودة بكاميرات تصوير

اي هنا تكمن الخطورة يا أبا حارب
!!!@@!!!

[JN000N]

صدقتي يا ام محمد..

ولا البنات الي يصورون ويلفون بالجوال
حق السناب شات على اساس انه عادي

طيب اذا عادي عندج انا مارضى !!

اي والله وانا ملعوزتني وحده كم مره اهاوشها وانبه عليها بسبة هالسناب شات ولا مفتكره
تصور يبلفيت سريع تاخذني لقطه مع تصويرها ف الدوام
شكلها تبيني اكسر جوالها قدامها واعلمها ان الله حق

ولاحظت بنات وايد همل ف صورهم
يوم نصحتها عن سناب شات ان ماتدرين الصور وين تنزل ف اي سيرفر وشيسوون فيها
قالت شدعوه مافي الا انا! ملايين ناس يسوون نفسي واخس مب مفتكرين ف صوري شيبون فيها
الله يهديهم

[فلوس]

بات يتعين على أي شخص يرغب في التقاط صورة في المجر الاستحصال مسبقا على موافقة جميع الأشخاص الذين يظهرون فيها، وذلك بموجب قانون جديد صدر، اليوم السبت16/3/2014، وواجه انتقادات من الاختصاصيين في فن التصوير.
ويكفي صدور موافقة لفظية بسيطة أو حتى أي "سلوك رضائي" لإظهار سماح الأشخاص المعنيين بالتقاط صور لهم.
ويستثني القانون الحاجة لطلب الإذن من الأشخاص المعروفين كذلك من الأشخاص الذين يتم تصويرهم خلال التظاهرات أو التجمعات الكبيرة.
وأكدت الحكومة المجرية أن القانون الجديد يلتزم باتباع الإجراءات السائدة في المحاكم، حيث يعطي القاضي الأولوية لحماية البيانات الشخصية للأفراد.

[مشـــــاعر]

.

آلوآإحد شيقوول بس ؟
آإلغرب يستخدمون هآإلتكنولوجيا حق آلفآإيدة وآإلتوآإصل مع أهآإليهم مو نفسنآإ . .
إحنآإ نستخدمه للفضآإيح وغيرهـ وغيرهـ . .

حتى كرهونآإ في آلصآإلونآإت والأعرآإس وآلحفلآإت حسبنا الله نعم آإلوكيل . .


زين والبنات الكاشخات في الشوارع والأسواق ما يخافون حد يصورهم !!

لآإ هذيلآإ ثقة ومن حق آإلعآإلم تصوورهم لآإنهم (كاشخين) وجآإهزين للصورة خخخخ

الله يهدي آلجميع يآإرب . .

[مهرة]

زين والبنات الكاشخات في الشوارع والأسواق ما يخافون حد يصورهم !!

بالعكس هي جاهزة لجلسة تصوير لمدة يوم كامل اتز اوكي وشي مرحب فيه بعد :nice:

[أم محمد 90]

بات يتعين على أي شخص يرغب في التقاط صورة في المجر الاستحصال مسبقا على موافقة جميع الأشخاص الذين يظهرون فيها، وذلك بموجب قانون جديد صدر، اليوم السبت16/3/2014، وواجه انتقادات من الاختصاصيين في فن التصوير.
ويكفي صدور موافقة لفظية بسيطة أو حتى أي "سلوك رضائي" لإظهار سماح الأشخاص المعنيين بالتقاط صور لهم.
ويستثني القانون الحاجة لطلب الإذن من الأشخاص المعروفين كذلك من الأشخاص الذين يتم تصويرهم خلال التظاهرات أو التجمعات الكبيرة.
وأكدت الحكومة المجرية أن القانون الجديد يلتزم باتباع الإجراءات السائدة في المحاكم، حيث يعطي القاضي الأولوية لحماية البيانات الشخصية للأفراد.

هل الكلام صحيح ,


وشو الاثبات ؟