تحذييييييير من الخطابات

[ريتويت]

اليوم كنت اسولف مع رفيجتي تقول اتصلت لخطابه وعطتها بياناتها كامله وحسست البنت انها ثقه وشكثر هي امينه وتخاف على بنات قطر وتسوي هالشي فقط للاجر .. المهم عقب كمن يوم ردت عليها الخطابه وعطتها رقم وبن كود واحد من عندها على اساس ان يبي يكلمها ويتوافق وياها قبل المهم رفيجتي ماسكتت للموضوع وهاوشت الخطابه واتهمتها انها نصابه وماتخاف رب العالمين ،،، الي قهرني انا وصدمني ان الخطابه ردت عليها بكل بروووود وقالت لها كيفج ترى عنده فلوس وغني وعمره 54 شرايج بتاخذينه ولا اشوف وحده غيرج..

نصيحتي هي انتبهو وحاسبو من اي وحده تقول على نفسها خطابه وتخاف عليج محد بيخاف عليج كثر هلج والي يبيج يدخل من الباب مب يتعرف ويوهمج بان نيته الارتباط وهو نيته سووووده...حسبي الله ونعم الوكيل
واترك التعليق لكم

[لاجل QT]

هذي عبدة فلوس لابارك الله فيها

مسكينة لاتلومينها تفكر كل الناس همها الفلوس مو الاستقرار

تستحق الشفقة فعلا

[وطن]

:omg:

الله يستر على بناتنا ويهديهم

[حمد 2002]

:telephone:

[R 7 A L]

حركات مراهقين
هههههههههههه
شدعوه كودة
خههههههههههه

[تاجر كشخة]

يؤ يؤ يؤ يؤ من كم يوم ضفت خطابه على الوتس اب يوم درت اني منتف سوت لي حضر :secret:

[حسن]

:telephone:



:telephone:



يؤ يؤ يؤ يؤ من كم يوم ضفت خطابه على الوتس اب يوم درت اني منتف سوت لي حضر :secret:



:funny:

[نتفـه]

شدعوه صارت الخطابه تتعامل بالبن كودات ؟؟؟؟

[qatara]

صلي الاستخاره والله بيسر لج مطلبج

[حسن]

شدعوه صارت الخطابه تتعامل بالبن كودات ؟؟؟؟

استغلال التكنولوجيا الحديثه

:)

[ضوى]

ارفض هالطريقة الا عن عن طريق واحدة ثقة جدا جدا

[alsoq]

اللي يطلب او تطلب الزواج عن طريق خطابه

اسميهم عرسان الفلاس

[Aaziz]

معليش هو ايش المفروض كان يصير ؟

تتصل البنت و تعطي الخطابة المعلومات و العريس يجي بيتهم يخطب بعد مايسئل ؟

[مشـــــاعر]

.



أنا أستغرب من إللي يتزوج عن طريق خطابااات ؟؟
إبصراحة مستحييييييييييييييييييييييل أتزووج عن طريق خطابة أياً كانت شهرتها وسمعتها !!

[ANONYMOUS]

معليش هو ايش المفروض كان يصير ؟

تتصل البنت و تعطي الخطابة المعلومات و العريس يجي بيتهم يخطب بعد مايسئل ؟


الحين انت تسأل ولا تعطي سيكوانس للاحداث

[بوخالد911]

أفضل شي عن طريق الأم والخوات

[بوحارب]

أفضل شي عن طريق الأم والخوات

دورلنا خطابات ثقه :(

[بوخالد911]

دورلنا خطابات ثقه :(


اوووك
انطرني ع اللفة بكرررة

[بصمة قطرية]

خطابة متطورة
تتبع التكنولوجيا الحديثة ..!!!
حلوة بن كود طريقة جديدة ..!!
هاذي مستحيل تكون خطابة تبي الأجر
هاذي تبي الفلوس ..!!

[بصمة قطرية]

.



أنا أستغرب من إللي يتزوج عن طريق خطابااات ؟؟
إبصراحة مستحييييييييييييييييييييييل أتزووج عن طريق خطابة أياً كانت شهرتها وسمعتها !!
كلنا نرفض هالشي
بس في بنات تعدوا سن الزواج
و يمكن الخطابة آحر فرصة لهم ..!!!
أعتقد لو بنقعد نتكلم وننتقد راح نجرح مشاعرهم
خل نحط نفسنا في مكانهم للحظة و نجرب شعورهم ..!!
الله يرزق كل بنت بزوج صالح و لا يحوجها لخطابة ..

[الصغيره]

ضد هالطريقه كليا

بكره يقول ويعيد ويزيد

[بوفصول]

المفروض تتواصل ام البنت او اهلها مع الخطابة

[Aaziz]

الحين انت تسأل ولا تعطي سيكوانس للاحداث

؟ بعد الكلام تعني سؤال صح

[طلعة الروح]

اللي سأل شلون الخاطب يتواصل مع أهل البنت، أسمحولي ابدي وجهة نظري ،
المفروض الخطابة تعطي رقم أهل البنت للرجل الخاطب بحيث يتواصلون أهله مع أهل البنت
اما مسألة انه يبي ياخذ معلومات بالبن كود او الواتساب ف أشوف انها فيها لف ودوران
المفروض ان اوصاف البنت عرفها من الخطابه ولو هو جاد يتم التواصل عن طريق الأهل

[امـ حمد]

كثري من الإستغفار حبيبتي وبنا بسهل لج يارب
والله يستر عليج وعلى بناتنا وبنات المسلمين

[لاجل QT]

رفيجتى تقول ضافت خطابة

اول شي طلبت صورة حق تراويها للمعرس واهل العروس يمكن تعجبونهم يمكن لا

قالت لها المفروض البنت اللى تشوف صورة المعرس

قالت هذا هو النظام لان طلبات البنات اللى يبون يتزوجون اكثر

قالت لها ماقدر احطلج صورة صعب ..قالت اذا مهب حاطة صورة باحذفج من البي بي

ردت رفيجتى مع ام علي

تهدد مسكينة هههههههه

مانصح الزواج عن طريق خطابة

اللى بيجيها نصيبها بتزوج

وان ماجاها خيرة لها لعلة خير

[aziz4z]

من صجها تخاف على البنات :secret:, همها الاول الفلوس , تعطي بنكود الرجل حق البنت , صج ماتستحي
إن شاء الله ماتقلبها بتطور التكنولوجيا تسوي موقع للباحثين عن الزواج

[ريتويت]

شكرا لجميع الردود من الاخوات والاخوان لكن حبيت اضيف تعليق لو سمحتو ويطرشون عالخاص عبالهم انا حاطه الموضوع طلب زواج ههههههههه ضحكتوني والله .. ياجماعه الخير لو سمحتو الفايده من الموضوع للبنات الي يبون يتزوجون ( لاتثقين فالخطابات مهما كانت حتى الي فالجريده هذول ماتدرين شنهي نيتها ولا شوراها بالضبط والشي الثاني الصديقه الي تبين لج انها خايفه عليج وتبي لج الخير ماتحاول تأذيج ولاتقبلين اي مساعده منها انج تضيفين شخص عن طريق البلاك بيري او رقم تليفون او او لان القصص الي قمنا نسمعها الحين تشيب الراس والعياذ بالله وبعض البنات يصدقون بسرعه صايرين اغبيه.. والنصيحه الاخيره للبنت تحملي تبعثين صورتج لاي وحده بنيه انها تبي تشوفج قبل المعرس سواء لخطابه او ام او رفيجه او اي وحده ولاتثقين فاي شخص مهما كان وحاااااااااافظو على انفسكم فهالزمن بالذات خاصه اننا بزمن الحين ملاحظين فيه الذمه الوسيعه وعدم الخوف من رب العالمين والعياذ بالله

وبالنسبه لبعض الرجال الي متبع هالطريقه انك بتضيف وحده عن طريق بن كود او واتسب نصيحه فكر في خواتك قبل لا تحط نفسك فهالموقف.. ولو الخطابه ماعندها ذمه وضمير خلك انت رجال محترم ماترضى انك تتزوج بهالطريقه وخاف ربك قبل كل شي


اللهم بلغت اللهم فاشهد

وربي يستر علينا وعلى جميع المسلمين اللهم امين

[راشد محمد]

وربي يستر علينا وعلى جميع المسلمين

[حمد 2002]

متابع ..

[حسن]

انتو الحين تقولون تحذير من الخطابات

ياما وياما طرحت مواضيع من صلب المجتمع ومشاكله
والزواج ومصاريفه وفناتكه اللي ماامر بها من سلطان
وتلومون البنات يلجون للخطابات

قلت في ردودي السابقه

واقولها ووثوقها علي

سوف ينتشر زواج الورقه اذا تمت هذه الوضاع


يعني العرفي


انا ارحب بالخطابه واذا طلبت الصوره ارفض اعطاعها
ولكن لاامانع لمن يريد الارتباط بان يتقابل
اما الولي مع البنت
خيار الرويا خيار شرعي

[ريتويت]

متابع ..

اخوي حمد2002 انت بالذات متابعه ردك .. لاتبخل علينا بافادتك جزاك الله خير

[ريتويت]

انتو الحين تقولون تحذير من الخطابات

ياما وياما طرحت مواضيع من صلب المجتمع ومشاكله
والزواج ومصاريفه وفناتكه اللي ماامر بها من سلطان
وتلومون البنات يلجون للخطابات

قلت في ردودي السابقه

واقولها ووثوقها علي

سوف ينتشر زواج الورقه اذا تمت هذه الوضاع


يعني العرفي


انا ارحب بالخطابه واذا طلبت الصوره ارفض اعطاعها
ولكن لاامانع لمن يريد الارتباط بان يتقابل
اما الولي مع البنت
خيار الرويا خيار شرعي

100% كلام سليم من عقل سليم وعلى قوله المثل المصري ( ربنا يكملك بعقلك يابني )

[ريتويت]

ضد هالطريقه كليا

بكره يقول ويعيد ويزيد

اي والله اتمنى من الكل يكون ضد هالطريقه جزاج الله خير اختي الصغيره عالمشاركه الطيبه

[ريتويت]

خطابة متطورة
تتبع التكنولوجيا الحديثة ..!!!
حلوة بن كود طريقة جديدة ..!!
هاذي مستحيل تكون خطابة تبي الأجر
هاذي تبي الفلوس ..!!

بالضبط

جزاك الله اختي بصمه قطريه عالمشاركه الطيبه

[العلياا]

بصراحة موضوع الخطابات مريب ولا قد سمعت ان فلانه تزوجت عن طريق خطابة !!!

[العربية نت]

وسائل التكنولوجيا اصبحت ذات اشكال متعددة ومنها هالمنتدى وفيه الكثير من الرسمية والصفة القانونية والالتزام
برائيي لو يكون وسيط بين العضوات والاعضاء للتوفيق بينهم للزواج بيكون امر جيد واتوقع انه يوجد الكثير من العوانس في المنتدى escape

[ضوى]

وسائل التكنولوجيا اصبحت ذات اشكال متعددة ومنها هالمنتدى وفيه الكثير من الرسمية والصفة القانونية والالتزام
برائيي لو يكون وسيط بين العضوات والاعضاء للتوفيق بينهم للزواج بيكون امر جيد واتوقع انه يوجد الكثير من العوانس في المنتدى escape

ابدا مب حلوة كلمة عوانس ياخوي ، حلو الرقي في الالفاظ وانتقاء الكلمات

[ريتويت]

ابدا مب حلوة كلمة عوانس ياخوي ، حلو الرقي في الالفاظ وانتقاء الكلمات


لاتستغربين مب هو وبس كثير غيره يقولها .. الله المستعان

[كازانوفا]

كثير سمعت عنهم وانه ما عليهم امااان بالفعل دنيا الفلوس صرنا

[حمد بن سعد]

لاحول ولا قوة الا بالله

[العربية نت]

ابدا مب حلوة كلمة عوانس ياخوي ، حلو الرقي في الالفاظ وانتقاء الكلمات

هلا بالاخت ضوى نعتذر لأي اخت تحسست من هالكلام :) ولكنه مصطلح ومتداول حتى بأوساط من يهمهم هالامر
وبالتوفيق للجميع

[sweet qatar]

الخطابة دورها كبير في مجتمعنا وهي عليها تدل الخاطب او اهله للبنات الي تنطبق عليهم شروطه
ماتكلم عن غرب.. غالباً من الجماعة او من حريم الفريج


في التجمعات النسائية او تحديدا البناتية موجودين بينا وبعضهم خذوه باب رزق
لا هو عيب ولا حرام

ما أفضل الخطابة لكن ما اقلل من شان اي وحدة تزوجت عن طريقها

تعلموا تبدون رأيكم بدون تجريح لأحد


ريتويت

راعية البن كود امرها مريب..والله يرزق رفيجتج ويستر عليها

[بريق الحق]

هلا بالاخت ضوى نعتذر لأي اخت تحسست من هالكلام :) ولكنه مصطلح ومتداول حتى بأوساط من يهمهم هالامر
وبالتوفيق للجميع
حتى كلمة مراهقين مالها معنى مجرد مصطلح غبي

[رذاذ]

للاسف اكثر الخطابات ما عندهم مصداقية والحذر واجب لا تعطين اي رقم والاتصال عن طريق الوالده او الوالد..

واعتذر ع الكلمه الى تسوى هالاسلوب معروف قــــ-----.. تجيب بنات وتاخد عليهم كميشــن.

[العربية نت]

حتى كلمة مراهقين مالها معنى مجرد مصطلح غبي

الاخ بريق الحق ما نقدر نقول انه مصطلح غبي لان بعضها مصطلحات علمية تم تثبيتها من علماء الاجتماع :)

[حمد 2002]

الحل بوجود منظمه رسميه لتزويج الشباب والشياب تغني عن الخطابات ومشاكلهم

[qatarman8008]

انا اؤيد.. بل اشلون يكتبون اؤيد..؟؟
المهم انا اؤيد زواج الخطابات او اي نوع من الزواج ..
المهم ان البنت في الاخير تتزوج..
طبعا تعرفون تحسس بعض العائلات من موضوع التعرف قبل الزواج..
مو كل العائلات عندهم اسلوب وسلاسة في التعارف وكسب الطرف الاخر..
اضافة الى انهم يخافون من انه ما تعجبهم او ما يعجبهم وينرد وتصير مو حلوة..
هنا ياتي دور الخطابة..
انت من اي عائلة ووضعك الاجتماعي وحالتك المادية واش تبي..؟؟
وانتي من اي عائلة ووضعك الاجتماعي واش مطالبك ..؟؟
طيب.. خد ده من ده وحط ده على ده يطلع ده من ده...

[ريتويت]

انا اؤيد.. بل اشلون يكتبون اؤيد..؟؟
المهم انا اؤيد زواج الخطابات او اي نوع من الزواج ..
المهم ان البنت في الاخير تتزوج..
طبعا تعرفون تحسس بعض العائلات من موضوع التعرف قبل الزواج..
مو كل العائلات عندهم اسلوب وسلاسة في التعارف وكسب الطرف الاخر..اضافة الى انهم يخافون من انه ما تعجبهم او ما يعجبهم وينرد وتصير مو حلوة..
هنا ياتي دور الخطابة..
انت من اي عائلة ووضعك الاجتماعي وحالتك المادية واش تبي..؟؟
وانتي من اي عائلة ووضعك الاجتماعي واش مطالبك ..؟؟
طيب.. خد ده من ده وحط ده على ده يطلع ده من ده...

توضيح لو سمحت؟

[مهرة]

الله يعينج على الردوود من بعض الأعضاء المميزين بهالمواضيع اختي ..

وترى فيه بنات الله يستر عليهم يتزوجون بهالطريقة من غير خطابه ولا واسطة هي الصنارة والشبكة وياما تلقط ولاااا بعد اتنقي والباقي توزعه على رفيجاتها .. شخباري قديمة انتي الله يعيطج على قد نيتج الطيبة ..

[قطريه ماركه]

استغفر الله

[مهرة]

للاسف اكثر الخطابات ما عندهم مصداقية والحذر واجب لا تعطين اي رقم والاتصال عن طريق الوالده او الوالد..

واعتذر ع الكلمه الى تسوى هالاسلوب معروف قــــ-----.. تجيب بنات وتاخد عليهم كميشــن.


صادق اخوي واكثر هالخطابات مب قطريات ..! اللهم عافنا

[أم محمد 90]

من وجهة نظري الرجال اللي يحط له خطابه (طايح حظه ويبي بنات مب عارف شلون والاغلب يتفق مع خطابة)

والبنت اللي تحط خطابة غالباً ماتكون مسكينة وصلت سن مالقت فيه حد من اللي حوالينها يناسبها او يتقدم لها ف تلجأ للخطابة ,,


اللي ربي كاتب له نصيب بيجيه بس مايمنع الواحد يسعى بحدود العقل ..

[ضوى]

هلا بالاخت ضوى نعتذر لأي اخت تحسست من هالكلام :) ولكنه مصطلح ومتداول حتى بأوساط من يهمهم هالامر
وبالتوفيق للجميع

وايد مصطلحات متعارف عليها بس مب مقبولة ، وقع هالكلمة اليم وتجرح ، اعذرني بس حبيت اوضح هالشي

[ضوى]

حتى كلمة مراهقين مالها معنى مجرد مصطلح غبي

مش مصطلح غبي بقدر ماهو مصطلح علمي لشرح التغيرات الفسيولوجية لمنيمر بهذه الفترة القفز من مرحلة عمرية لمرحلة عمرية اخرى

وبعدين مراهق ابدا مب مثل عانس

[qatarman8008]

توضيح لو سمحت؟

توضيح عالسريع.. يعني سياحي..
وانا اتكلم عن الخطابات اللي المفروض انهم مالهم في اللف والدوران..
الخطابة تعرف كل المواصفات عن كلا الطرفين.. وتوفق راسين بالحلال..
توفر وقت عالطرفين.. وعندها اسلوب لترغيب الطرفين في بعض..
يعني مرات يكونون جيران في فريج واحد لكن مايعرفون ان هالبيت فيه بنات بعمر زواج وبالمواصفات المطلوبة..
والطرف الثاني ما يعرفون ان فيه شاب بالمواصفات المطلوبة وناوي يتزوج وهله قاعدين يدورون له عروسة..
لكن..
توضيح مهم جدا جدا.. الخطابة تتعامل مباشرة مع الام.. ما تتعامل مباشرة مع البنت والولد..
الخطابة تكون مشهورة بحسن السيرة والاخلاق على مدى سنوات.. مو معرفة يوم ويومين وحاطة رقمها في الجريدة..
يعني المثال المذكور في اول الموضوع عن ان الخطابة عطت الولد رقم البنت..
هذي مو خطابة ولا نيتها خير.. هذي يسمونها (....) بالعربي..

[العنيده]

اشدعوه اكلمه ويتفاهم معاي لا وزعلانه اذا ماتبين بشوف له غير :rolleyes2:
استغفر الله يستغلون حاجة البنات المهم الفلوس ..

بالاستغفار ان شاء الله يتيسر الامر للكل ..

وشكرا ..

[ريتويت]

من وجهة نظري الرجال اللي يحط له خطابه (طايح حظه ويبي بنات مب عارف شلون والاغلب يتفق مع خطابة)

والبنت اللي تحط خطابة غالباً ماتكون مسكينة وصلت سن مالقت فيه حد من اللي حوالينها يناسبها او يتقدم لها ف تلجأ للخطابة ,,


اللي ربي كاتب له نصيب بيجيه بس مايمنع الواحد يسعى بحدود العقل ..

اختي ام محمد شدخل مسكينه ووصلت سن مالقت لها حد .. حسستوني انكم تتكلمون على وحده من الشارع والعياذ بالله .. يعني العيايز الي قبل شلون تزوجو بخطابات؟؟؟؟؟

[مو مهم]

بعض الشباب وبعض البنات بسبب شي نفسي يبتعدون عن الزواج الاقارب او الزواج التقليدي واكثر شي الشباب

الانسان لا يخلوا من العقد النفسية او فوبيا الفشل قبل بدا التجربة.. لذاك البعض يتجه الي الخطابة لتزوجيه من فتاه لا تربط بينهم صله قرابة او معرفه اسريه.. لذلك نرى توجه بعض الشباب للخطابات..

اما خطابات vip (( قـ.........))
اتمنى من البنات الابتعاد عنهم كليا وذلك لاسباب تتعلق بالصحه ( كح كح)

[w.qatar]

مع احترامي الشديد
اللي تلجا لخطابه ما عندها كرامه

[بريق الحق]

مش مصطلح غبي بقدر ماهو مصطلح علمي لشرح التغيرات الفسيولوجية لمنيمر بهذه الفترة القفز من مرحلة عمرية لمرحلة عمرية اخرى

وبعدين مراهق ابدا مب مثل عانس

كلمة المراهقة خل الناس تتمادى في تصرفاتها
سوى الحرام توه مراهق
كلمة واحد توها مراهقه
الخ
مصطلح سيئى من وجهة نظري (:

[بريق الحق]

مع احترامي الشديد
اللي تلجا لخطابه ما عندها كرامه

هل حرام انها تلجا للخطابه ؟

[بريق الحق]

من وجهة نظري الرجال اللي يحط له خطابه (طايح حظه ويبي بنات مب عارف شلون والاغلب يتفق مع خطابة)

والبنت اللي تحط خطابة غالباً ماتكون مسكينة وصلت سن مالقت فيه حد من اللي حوالينها يناسبها او يتقدم لها ف تلجأ للخطابة ,,


اللي ربي كاتب له نصيب بيجيه بس مايمنع الواحد يسعى بحدود العقل ..
امورهم طيبه مادام مادخلو فالحرام

[sweet qatar]

مع احترامي الشديد
اللي تلجا لخطابه ما عندها كرامه

كرامتها محفوظة.. الخطابات الي نعرفهم ونعرف اخلاقهم

شخصيا ما بي هالطريق.. لكن اعرف بنات وايد ماعليهم قاصر لكن تزوجوا عن طريق خطابات


لا رزوا أعمارهم في القهاوي الكشخة ولا فصخوا الحيا في لندن عشان يشوفون جمالهم

وطبعا حسابات تويتر وغيره الي الخطابة تقولها كاش
انها متخصصة للفي اي بي وما تجيب الا مواصفات معينة وهالسوالف

هذي ما تتسمى خطابة

[ريتويت]

كرامتها محفوظة.. الخطابات الي نعرفهم ونعرف اخلاقهم

شخصيا ما بي هالطريق.. لكن اعرف بنات وايد ماعليهم قاصر لكن تزوجوا عن طريق خطابات


لا رزوا أعمارهم في القهاوي الكشخة ولا فصخوا الحيا في لندن عشان يشوفون جمالهم

وطبعا حسابات تويتر وغيره الي الخطابة تقولها كاش
انها متخصصة للفي اي بي وما تجيب الا مواصفات معينة وهالسوالف

هذي ما تتسمى خطابة

اي والله ردج فنص الجبهه .. احيييييييييييييييييييييييييييييييييييييييييييييج


:victory::victory::victory::victory:

[R 7 A L]

الزواج نعرف من زمان انه قسمه ونصيب
والبنت اذا جاها نصيبها والله حتى لو هي في قرية معزوله عن الناس انه مايردها شي
واذا ماجاها نصيبها الي ربي كاتبه تقعد في بيت اهلها معززه مكرمه

شغل البحث عن زوجه اعتقد الرجال الي يبي يتزوج
هو الي يبحث بنفسه ويكون له رأي في من يختارها

[sweet qatar]

اي والله ردج فنص الجبهه .. احيييييييييييييييييييييييييييييييييييييييييييييج


:victory::victory::victory::victory:

الموضوع حساس

ما الوم اي بنت انها ترفض هالطريقة..
لكن غلط ننتقص من قدر فلان او فلانة لانهم لجأوا لطريقة لاتخدش الدين ولا الحياء

[أم محمد 90]

اختي ام محمد شدخل مسكينه ووصلت سن مالقت لها حد .. حسستوني انكم تتكلمون على وحده من الشارع والعياذ بالله .. يعني العيايز الي قبل شلون تزوجو بخطابات؟؟؟؟؟

اي مسكينة , البنت اللي تحط لها خطابة تكون وصلت عمر وفيها يأس تبي تتزوج

الحين كلمه مسكينة تزعل ومعناتها انها جاية من الشارع !؟؟؟؟؟

اختي انتي طرحتي الموضوع بكل جرأة عن رفيجتج انها حاطه خطابة , ف رجاءا تقبلي وجهات النظر المختلفة ,,

[أم محمد 90]

امورهم طيبه مادام مادخلو فالحرام

ركز ع جملتي الاخيرة ,,

[رجل تعليم]

كلنا نرفض هالشي
بس في بنات تعدوا سن الزواج
و يمكن الخطابة آحر فرصة لهم ..!!!
أعتقد لو بنقعد نتكلم وننتقد راح نجرح مشاعرهم
خل نحط نفسنا في مكانهم للحظة و نجرب شعورهم ..!!
الله يرزق كل بنت بزوج صالح و لا يحوجها لخطابة ..

الصراحة هذا الكلام هو أفضل ما يمكن أن يقال في هذا الموضوع .
الله يكون بعون كل محتاج قولوا آمين

[Locale]

الله يرزقهم بالازواج الصالحين

[sweet qatar]

ما اتفق معاكم بخصوص العمر

في الفترة الأخيرة .. أغلب الأعراس الي كانت حديث المجتمع القطري

اصغر وحدة فيهم عمرها 29

بدون خطابات ولا هم يحزنون :o


في بنات صغار ممكن تكون الخطابة هي صلة الوصل الوحيدة بينهم وبين الخطاب
مثل الي امها تكون مب قطرية او ما عندها معارف

او لاي سبب كان


مب ضروري البنت فيها عيب او بلا عشان تروح للخطابة

[ابوعلي]

جزاك الله خير اختي على التنبيه ما انعمم ولكن الحذر مطلوب وخاصة وان معظم الخطابات هدفهم مادي وليس الجمع بين راسين بالحلال

[المحاميه]

عمره
54


:eek5:

شخباري :secret:


مسكينه رفيجتج
الله يستر عليها بولد الحلال اللي من عمرها في القريب العاجل

[العلم]

الدايه نفس الخطابة ،،

مافيها شيء واتمنى يصير في خطابات شغلتهم رسميه من الدولة .. ويبحبشون فالبيوت :nice:ويوفقون الروس بالحلال

[حمد 2002]

عمره
54


:eek5:

شخباري :secret:


مسكينه رفيجتج
الله يستر عليها بولد الحلال اللي من عمرها في القريب العاجل

الرجال مايعيبه شيء حتى لو وصل عمره الــ 60 ،،

يرجى عدم جرح مشاعر كبار السن ..

[أم محمد 90]

الرجال مايعيبه شيء حتى لو وصل عمره الــ 60 ،،

يرجى عدم جرح مشاعر كبار السن ..

:secret:http://img163.imageshack.us/img163/4764/g1p55332.gif

[بصمة قطرية]

كنت بكتب بتزعلين شياب المنتدى يا المحامية :secret:
زين جذي
أول شيبه زعل و أعترض :secret:
عادي حمد خل روحك رياضية
قول لهم الشباب شباب الروح :nice::shy:





بنات
إحذروا من الخطابات
متأكدة عشان تمشي سوقها لازم بتزيد التوابل ..!!
اللي يبي الحلال
ما بيدخل للبنت من واتس آب و لا بي بي
البيوت تندخل من أبوابها ..
يسأل عن البنت و يكلم أخوها و لا أبوها
و لا يرسل حد من هله ..
أما اللي يطلب يتواصل مع البنت ما أعتقد يملك الجرأة
إنه يكلم أهلها لأن همه مب زواج ..!!!!

[ريتويت]

بخصوص ال60 ترى مايعتبر شيبه..نعرف واحد عمره 89 وتوه متزوج وحده فالثلاثينات عادي يجدد شبابه..

[وطن]

الرجال مايعيبه شيء حتى لو وصل عمره الــ 60 ،،

يرجى عدم جرح مشاعر كبار السن ..
:funny:

ما رجعنا ورا الا المنطق الغريب
ما يعيبه شي

[الحاقول]

وبعد عمر الزوج واايد كبير 54 سنه بعد الدس كاونت
يعني متزوج وعنده عيال وفيه امراض العالم كله

[Right]

انتو الحين تقولون تحذير من الخطابات

ياما وياما طرحت مواضيع من صلب المجتمع ومشاكله
والزواج ومصاريفه وفناتكه اللي ماامر بها من سلطان
وتلومون البنات يلجون للخطابات

قلت في ردودي السابقه

واقولها ووثوقها علي

سوف ينتشر زواج الورقه اذا تمت هذه الوضاع


يعني العرفي


انا ارحب بالخطابه واذا طلبت الصوره ارفض اعطاعها
ولكن لاامانع لمن يريد الارتباط بان يتقابل
اما الولي مع البنت
خيار الرويا خيار شرعي






أحلى وأحسن رد بل هو إستشراف للمستقبل وقد يكون واقع فعلاً



نفس الرأي 100% :victory:

[المحاميه]

بخصوص ال60 ترى مايعتبر شيبه..نعرف واحد عمره 89 وتوه متزوج وحده فالثلاثينات عادي يجدد شبابه..

ها!

اشدعوه

ماصدق

وين عايشين احنا


امبله الرجال يعيبه عمره اذا عود وايد
لاتقعدون تقولون مايعيبه شي يه

[qatarman8008]

عيب الرجل اذا كبر ان طبيعته وطريقة تفكيره وقهمه للامور تتغير بشكل كبير..
لاتركزون عالقوة الجسمانية والقدرات الجنسية وبس..
هذا زواج .. اذا ما كان فيه تفاهم وتقارب في العقليات يعني ما فيه زواج ناجح..

[Right]

كرامتها محفوظة.. الخطابات الي نعرفهم ونعرف اخلاقهم

شخصيا ما بي هالطريق.. لكن اعرف بنات وايد ماعليهم قاصر لكن تزوجوا عن طريق خطابات


لا رزوا أعمارهم في القهاوي الكشخة ولا فصخوا الحيا في لندن عشان يشوفون جمالهم

وطبعا حسابات تويتر وغيره الي الخطابة تقولها كاش
انها متخصصة للفي اي بي وما تجيب الا مواصفات معينة وهالسوالف

هذي ما تتسمى خطابة





:victory:

[بومحمد المطاوعه]

مالت عليهم

وعلى اخلاقهم والعياذ بالله

البعض يستغل هذي الهويه فالدعاره والمصخره


حاسبو لحد يوثق فيهم

النصيب جايكم ان شاءالله

والله تعالى مع الصابرين

[درب السعادة]

أبي خطابة محترمة يالله :shy:

[ريتويت]

عندك فالوسيط

[طلعة الروح]

البنات يبون الستر والزواج ، ليش ما الدولة توفر للمواطنين مكتب رسمي للتوفيق بين الرؤوس بالحلال، فيه عنوسة وفيه عزوبية من قبل الطرفين،
عاد وظفوني في المكتب على مسمى (Senior Marriage Arranger) وبقوم بالمهمه إن شاء الله

[كيلو حديد]

ما اعتقد وحده تلجأ لهالطريقه الا من قلة الحيله
الله يستر على بنات المسلمين

[ClassicRoyal]

اللي يتزوج عن طريق خطابات انسان ماله هدددددف بالحياااااه

وين عايشين

الزواج مايحلا الا عن معرفه ومواساه مو اي كلام بس

اللي يتزوج عن طريق خطابات سمحولي طايح حظه ... وجهه نظر

[لاجل QT]

بخصوص ال60 ترى مايعتبر شيبه..نعرف واحد عمره 89 وتوه متزوج وحده فالثلاثينات عادي يجدد شبابه..

89 سنة يقص على عمرة ان بيرجع شبابة لو تزوج بنت اصغر منة

بيرجعلة عزرائيل

مشكلة اغلب رجاجيلنا تفكيرهم منحصر في شي واحد الى ان ياتي الموت

الصحة اهم من الزواج في هالعمر ان لبدنك عليك حق

[الجوكر90]

التحذير مهم
بس

في وايد بنات تزوجو عن طريق خطابات
يعني المفروض تدورون ع خطابه ثقه ومعروف عنها بين الحريم انها تخطب بالشرع والعادات والتقاليد

[قطريه22]

ماأيد فكرت الخطابات نهائياً
الي لها نصيب بتاخذه

[الجوكر90]

89 سنة يقص على عمرة ان بيرجع شبابة لو تزوج بنت اصغر منة

بيرجعلة عزرائيل

مشكلة اغلب رجاجيلنا تفكيرهم منحصر في شي واحد الى ان ياتي الموت

الصحة اهم من الزواج في هالعمر ان لبدنك عليك حق
عزرائيل!!!!
ترآ معلومه ملك الموت اسمه ملك الموت
اما عزرائيل هالاسم متداول ع انه ملك الموت وهالكلام غير صحيح
دورت فالسيره الذاتيه للرسول عليه الصلاة والسلام ماحصلت هالاسم

[ANONYMOUS]

بخصوص ال60 ترى مايعتبر شيبه..نعرف واحد عمره 89 وتوه متزوج وحده فالثلاثينات عادي يجدد شبابه..

صحيح انا كان عندي جي 89 ولا اروع

بعته 2005

[بوخالد911]

عندك فالوسيط

خخخخخخخخخخ

من يومين
قريت اعلان : ام فلان ليس لدينا زواج مسيار أو متعة !!!!

[بوحارب]

خخخخخخخخخخ

من يومين
قريت اعلان : ام فلان ليس لدينا زواج مسيار أو متعة !!!!

هذي ما تصلح لنا

شوف وحده عندها مسيار وخل الباقي علي

وإذا عندها بي بي بعد خخخخخخ

[مختلفة عقليا]

السلام عليكم .,

خطابة ولا زنا .,؟؟ هاي الصج ., وهاي الواقع .,

اللي يبي الستر ما بوقف ضده دامه ما ارتكب حرام ., ادز صورتها في ملابس طويله وشيله وبدون حفله مكياج في ويها .,

وهو يجوفها نظره عاديه ., مو ادز له الصوره ., وبعدها يزور اهلها .,

والله يوفق كل شبابنا وبناتنا لما يحب ويرضي ,’

في نقطه اخيره ., اذا انت ماتبي اتزوج جيه لا اتزوج بس لا تنتقد شي حلال ., وتذكر ان محد سوا هالشي الا لحاجته .,

ويسلموو .,

[يمامـة]

89 سنة يقص على عمرة ان بيرجع شبابة لو تزوج بنت اصغر منة

بيرجعلة عزرائيل

مشكلة اغلب رجاجيلنا تفكيرهم منحصر في شي واحد الى ان ياتي الموت

الصحة اهم من الزواج في هالعمر ان لبدنك عليك حق

الحين انتي لأجل قطر وتحولتي نونة قطر ؟

ومن ثم قوية هذي عمره 89 يجدد شبابه

[يمامـة]

فكرة الخطّابة ما فيها شي

لكن انها تصير خطابة مودرن رقمها وكلمها وتفاهم وياها من خلف علم اهلها

هذي مب خطابة واعذروني ما فيني شدة اكتب هالتصرف اشيعني بالضبط..