لاتستغرب او تستغربين!!!

[طاش]

لاتستغرب او تستغربين عندما تشاهد او تشاهدين احد ابنائكم لم يتجاوز 3سنوات وقاعد يصور للستغرام او تويتر او كيك هاذا المثل القائل التعليم من الصغر كالنقش في الحجر، عندما يشاهد الام والاب والاخ والاخت طوال الوقت في عالم اخر سرحان في جوالة يصور ويبتسم للجوال اكيد انه هاذا الطفل لديه فضول لمعرفة هاذا العالم وخاصة عندما يكون قدوته ومدرسته الام والاب الشئ المصيطر عليهم مرض العصر والغول الجديد الذي بدأ يهدم تربيتنا سبحان الله عندما نتذكر ايام زمان عندما نجلس مع بعض لايوجد شئ كفؤ ان يشغل لحظة من لحظاتنا جلستنا او عند تناولنا وجبة العشاء او الغداء .....عند سماع صوت هاتف المنزل نتسابق على من يرد عليه ، لم يكون الغول ( الجوال )موجود ....ذكريات من ذهب سبحان مغير الاحوال ، وأخيراً حاولوا احترام اوقات منزلك وعائلتك واولادك وضع الجوال في مكان معين لمدة 3 ساعات عند دخولك البيت وأيضاً انتي ايها الزوجة وأيضاً ايها الابن والبنت، واسئل الله ان يحفظنا من الجوال وشرة.

[ضوى]

بالرغم من أهمية موضوعك مافي اي تفاعل ، سبحان الله يبربرون بس عالفاضي في مواضيع النسوان والزواج والطلاق ، بس لانه موضوعك عالجرح وهذا اللي حاصل ، واعترف اني متساهلة بهالشي في الفترة الاخيرة ، تلفوناتهم على طاولة الطعام هالعيال وايد بالحلق وايد عالتلفون ، صاتر عملية مملة وروتين غبي ، كثر ما احن واهاوش اتساهل شوي واشد شوي ، خلاص تعبت ، الله يحفظهم من شرور انفسهم يااارب
اتفق معاك تماما يجب احترام وقت العايلة ، بس صار صعب هالشي لو قعدوا نص ساعة مهب قاعدين ساعة والبركة في هالتكنولوجيا اللي اشتريناها بفلوسنا وابعدتنا عن عقول عيالنا

[ريتويت]

اي والله صح .. الحين العيال من بدايه 4 سنوات وطالع عندهم كل شي ماشاء الله

[العلياا]

تصدق اني ما مسكت التلفون الا من بعد ما خلصت الثانوية
واذكر شكثر كنت استحي يوم ربعي يطلبون رقمي واعطيهم رقم البيت
كان عندنا عيب البنت تمسك تلفون وهي للحين فالمدرسة
لكن الحين شوف شلون تغير الوضع بالرغم من اني كنت ناويه اطبق هالسياسة على عيالي
لكن ادري انه مستحيل خصوصاً في ظل هالتطور السريع ..

الله يغفر لنا واياكم :(

[ضوى]

تصدق اني ما مسكت التلفون الا من بعد ما خلصت الثانوية
واذكر شكثر كنت استحي يوم ربعي يطلبون رقمي واعطيهم رقم البيت
كان عندنا عيب البنت تمسك تلفون وهي للحين فالمدرسة
لكن الحين شوف شلون تغير الوضع بالرغم من اني كنت ناويه اطبق هالسياسة على عيالي
لكن ادري انه مستحيل خصوصاً في ظل هالتطور السريع ..

الله يغفر لنا واياكم :(

والله حبيبتي كنت جذي ، ولدي العود ماحصل الجوال بايده وبشكل دايم الا عقب ماتخرج من الثانوية ، والبقايا ياخذونه كم ساعة في اليوم وعقب اخذه منهم ، العفطية العليا عندها ايبود وايباد بس الحمد لله للحين مب وايد معاهم ، بنتي تلومني تقولي عمري 17 سنة وللحين تاخذين التلفون مني ، اقولها لين تخرجتي من الثانوية باعطيج اياه بس الحين مابي شي يشغلج ، التلفون مصيبة والله مع كل برامج التواصل الاجتماعي

[العلياا]

والله حبيبتي كنت جذي ، ولدي العود ماحصل الجوال بايده وبشكل دايم الا عقب ماتخرج من الثانوية ، والبقايا ياخذونه كم ساعة في اليوم وعقب اخذه منهم ، العفطية العليا عندها ايبود وايباد بس الحمد لله للحين مب وايد معاهم ، بنتي تلومني تقولي عمري 17 سنة وللحين تاخذين التلفون مني ، اقولها لين تخرجتي من الثانوية باعطيج اياه بس الحين مابي شي يشغلج ، التلفون مصيبة والله مع كل برامج التواصل الاجتماعي

المشكلة في الناس اللي حوالينا انتي لو منعتي بنتج بتحس بنقص لانها تروح المدرسة وتسمع والا تشوف فلانه عندها تلفون وتتباهى بالصور اللي منزلتها على الانستا بترجع البيت بتمارس عليج ضغوط عطوني وعطوني شوفي فلانه عندها وانا ما عندي !!

بصراحة لو قدرتي تقنعين عيالج وتاخذين التلفونات منهم بتحمينهم من واايد بلاوي ، وبكرا لما يكبرون بيشكرون على هالشي !!
مادري عيالي بيلحقون على شنو :rolleyes2:

[كازانوفا]

بالاول والاخير الاهل اللى اعطو المجال لابنائهم
عشان لا يكون عيال غيرهم احسن منهم
وهلم جره

[العربية نت]

والله الامر خطير خاصة اذا كان الاهمال مفرط بدعوى الثقة :eek5: اي يقة وانت تعطي طفل في سن محتاج تأسس لديه التربية السليمة تعطيه جوال مثلاً اي فون او من هالجوالات الذكية ويكون مفتوح يوتيوب وغيره صحيح انه مايعرف السوالف لكنها للأسف تظهر له بشكل تلقائي حتى في البحث عن اي امر تطلع بينهم هلاامور فالامر خطير والي يعطيهم تلفونات يجب ان يحس بالمسئوليه ويعمل بلوك للبرامج او مسحها حتى شركة اوريدة تساهم للاسف في تدمير ابنائنا من حيث عدم تشفير مثل هالاشياء
والله المستعان ...

[white bird]

الاهم من هذا كله ..

أن يتم غرس المراقبة الذاتية بالخشية من الله تعالى في نفس الطفل
و شغل عقل و قلب الطفل ب الله تعالى و بقصص أنبيائه و الصحابة و قصها عليهم بشكل يومي
بالاضافة إلى تحفيظهم احاديث النبي _صلى الله عليه و سلم_ مع شرحها لهم و تبسيطها
ثم دعوه ينطلق في الحياة و اعطوه ما يريد ..

[qrt_trading]

مادام الياهل ما يطلع إلا معاي او مع ابوه ليش أحط تلفون في يده، لما يبدأ يطلع مع عيال اعمامه او عماته او خالاته وخواله إن شاء الله وبروحه ذيج الساعه راح اعطيه تلفون ولما يرجع البيت يسلمني إياه.

[وطن]

لاتستغرب او تستغربين عندما تشاهد او تشاهدين احد ابنائكم لم يتجاوز 3سنوات وقاعد يصور للستغرام او تويتر او كيك هاذا المثل القائل التعليم من الصغر كالنقش في الحجر، عندما يشاهد الام والاب والاخ والاخت طوال الوقت في عالم اخر سرحان في جوالة يصور ويبتسم للجوال اكيد انه هاذا الطفل لديه فضول لمعرفة هاذا العالم وخاصة عندما يكون قدوته ومدرسته الام والاب الشئ المصيطر عليهم مرض العصر والغول الجديد الذي بدأ يهدم تربيتنا سبحان الله عندما نتذكر ايام زمان عندما نجلس مع بعض لايوجد شئ كفؤ ان يشغل لحظة من لحظاتنا جلستنا او عند تناولنا وجبة العشاء او الغداء .....عند سماع صوت هاتف المنزل نتسابق على من يرد عليه ، لم يكون الغول ( الجوال )موجود ....ذكريات من ذهب سبحان مغير الاحوال ، وأخيراً حاولوا احترام اوقات منزلك وعائلتك واولادك وضع الجوال في مكان معين لمدة 3 ساعات عند دخولك البيت وأيضاً انتي ايها الزوجة وأيضاً ايها الابن والبنت، واسئل الله ان يحفظنا من الجوال وشرة.
ما أستغرب
لأني شفت تصويرهم في الجوالات .. صور عفوية تضحك

الطفل يقلد الكبير في كل شي
واحيانا يكون عنده فضول
وتغريه الكاميرا و غيرها من مميزات الجهاز من العاب و أصوات

يطقطق عليه من نعومة أظافره
لين يتعلم
ان هذي كاميرا
هذي اللعبة الفلانية
هذا برنامج كذا

اخوي
اذكر لما كان عمري خمس سنين
كان عندنا اللاب توب القديم
اللي تدخل فيه الاوامر بالكيبورد عشان يفتح لك اللعبة او البرنامج اللي مخزن على الديسك الخارجي مال التخزين

ابوي علمني عليه وكنت ادخل الاوامر وادخل على اللعبة

ما نتعجب الحين اذا الأطفال يستخدمون الاي باد و الأجهزة الثانية
لأنها بسيطة و سهلة مقارنة باللي كان في زماننا



هذا تقريبا كان شكل الجهاز اللي لعبت فيه في طفولتي

http://howyoudoin.files.wordpress.com/2008/02/osborne1.jpg
أيام الطيبين


أتفق معاك
لازم الواحد يحترم وقته مع أهله
يقعد معاهم يسولف .. يتشاركون في نشاطات مع بعض
الحياة العائلية و الجمعات حلوة بعيدا عن التكنلوجيا و ازعاجها


بالرغم من أهمية موضوعك مافي اي تفاعل ، سبحان الله يبربرون بس عالفاضي في مواضيع النسوان والزواج والطلاق ، بس لانه موضوعك عالجرح وهذا اللي حاصل ، واعترف اني متساهلة بهالشي في الفترة الاخيرة ، تلفوناتهم على طاولة الطعام هالعيال وايد بالحلق وايد عالتلفون ، صاتر عملية مملة وروتين غبي ، كثر ما احن واهاوش اتساهل شوي واشد شوي ، خلاص تعبت ، الله يحفظهم من شرور انفسهم يااارب
اتفق معاك تماما يجب احترام وقت العايلة ، بس صار صعب هالشي لو قعدوا نص ساعة مهب قاعدين ساعة والبركة في هالتكنولوجيا اللي اشتريناها بفلوسنا وابعدتنا عن عقول عيالنا
ضوى لازم شوي تكونين حازمة :(
وقت الأكل كم مدته ؟
15-20 دقيقة
بالكثير نص ساعة

التلفونات ما تكون ع الطاولة
شوي شوي بيتعودون

احيانا الاقي اليهال في يدهم اجهزتهم
ازفهم
و اخذها

اقول لهم خلصوا اكل وبعدين روحوا سوو اللي تبونه

المشكلة لو ما حددنا وقت يتحول الموضوع ادمان
احاول احله معاهم سواء مع الجوال ولا اللاب توب
بس اذا اهلهم موافقين و مخلينهم :(
أحيانا اقول احرق دمي ليش
كيفهم خلاص

بس ما يهونون علي :(

[Rider]

للاسف الشديد باختصار مافيه تربية لانه بعض الاباء والامهات هم يبغي لهم تربية

[بصمة قطرية]

الأهل هم الملامين ..
وايد ناس تساهلوا في هالشي
يهال صغار آيفون و بلاك بيري و أنستغرام ..!!
طفل صغير اش فهمه في هالسوالف ..!!
من فترة جاني ولدي اللي في ثالث ابتدائي
يقول لي يمه أبي أسوي لي أنستغرام
قلت له نعم ..!!
ليش ..!
قال رفجاني اللي معاي في الصف عندهم و أبي أضيفهم
قلت له قول لرفجانك مافي أنستغرام ..
الأنستغرام مب حق اليهال
يقول رفيجي فلان أمه شارية له الجوال و مسوية له الأنستغرام ..!!!!
بالنسبة لعيالي الكبار ما خذوا الجوالات إلا من فتره
الكبير تم سنين يحن على الجوال
و للأمانه جدته هي اللي طلعت له و حلفت علي
إذا علي أنا ما أشوف لهم حاجة بالجوال
إلا لهاهم عن أشياء كثيرة
ممكن أسامحهم في كل شي إلا الصلاة
إذا ما صلوا في المسجد ينسحب الجوال
و هاي العقاب اللي يفيد معاهم للأسف ..!!