شارع مربط الشقب في الريان ...

[الوثيقة]

السلام عليكم ورحمة الله وبركاته ...

اخواني بس ابغي اعرف عن شارع مربط الشقب في الريان .. ليش ما فيه " مطبات " او " رادار " .. الصراحه السيارات هناك تمشئ بسرعة غير طبيعية والمشكلة هناك " بيوت ومحلات وبلدية الريان ومركز مرور الريان وشاحنات ثقيلة " واسبوعيا لازم يكون في حادث انا استغرب الصراحة منهم .. ليش هالشارع ما فيه ولا شئ علشان السيارات تخفف سرعتها !؟

[Ţĥę őήę]

الله يعين ليش الناس جي ماتخاف على حياة الناس ولاحتى على حياتهم
شكثر الدولة بتحط رادارات

[alsoq]

يمكن الشارع يستخدمه هامور عنده فراري فا يخاف تحك:)

[توشيبا]

انا استخدم هذا الشارع كل يوم اذا ارجع من الدوام

ويليت يحطون ردار بس مانبي مطبات كفايه باقي الشوارع

وصحيح كل اسبوع اشوف حادث فيه

[القطيني]

أنا ساكن هناك ... هم الشاحنات الي عاملة زحمة وهم الناس الي طايرة من صوب الشاحنات

[بوحارب]

شوارعنا اغلبها من تصميم عمال ما يعرفون شي

عشان كذا تصير الحوادث

[الوثيقة]

المشكلة اذا جاك واحد بيلف لازم ووقف .. ويوقف السيارات اللي وراه كلها .. شارع واحد رايح وجاي عاد انت وحضك .. اللي قدامك يتمشئ والا يطير ..

[الوثيقة]

كذا مرة صارت في " مربط الشقب " بطولة عالمية ... انزين ما يحسون على دمهم ويشوفون ان الشارع " كشره " :anger1: .. شكلهم ينتظرون حد يموت :anger2:

[بويعقوب]

سبحان الله امس انا مار على هاي الشارع وابي الف لفه البلديه واجوف السيارات دف وراي ترددت الف لكن الحمد لله مرت على خير ولفيت.

المفروض يكون في رصيف في نص الشارع ويكون دوارعلى الاقل او مطبات او يكون في حل

[معماري قطري]

للسرعة في الفرجان والمناطق السكنية ما فيه أَحسن من الكاميرات الأَمنية وهي المفروض رخيصة ما تكلف شيء وتصور كل سيارة مسرعة سرعة غير معقولة .. والمفروض تتم متابعة ومخالفة المخالفين .. وبتكون هذي الكاميرات ضمان أَمني من أي تعديات أُخرى .. بالصدفة اليوم أَشوف برنامج عن ممشى قرب نهر ومواقف سيارات تتعرض فيها السيارات للسرقة والممشى تكون فيه تحرشات .. فتم تركيب كاميرات تكشف المنطقة على أَعمدة مرتفعة والكل احترم نفسه .. تكلفة الكاميرات 60 الف دولار .. تقريباً 210 الاف ريال ولو في قطر بتوصل سعر خيالي وبتكون أَي كلام .. والكلام هنا في مدينة تامبا - فلوريدا - الولايات المتحدة الأَمريكية.