الزوج القطري يتهم بعدم التشاور بالرأي ولكني رأيت العكس !!

[حمد 2002]

السلام عليكم ورحمه الله وبركاته



الموضوع يحمل العنوان التالي

الزوج القطري يتهم بعدم التشاور والانفراد بالرأي ولكني رأيت عكس ذلك


دائما مايتم توجيه اتهامات الى الزوج القطري بشكل عام انه شخص منفرد برأيه وغير متحظر ومايشاور حد ولكني رأيت عكس ذلك تماما

لما اروح محلات اتبيع بلاط ولا اثاث ولا أبواب حق البنيان الى آخره . دائما اجوف الزوج مع زوجته ايشاورها ويأخذ رأيها بكل صغيره وكبيره ومتوسطه خخخ .



وكذلك لما اروح معارض السيارات (( بدون تحديد اسماء الشركات لعدم عمل دعايه لهم )) اشاهد شباب قطرين مع زوجاتهم ايشاورنهم بالسيارات الي يبون ياخذونها !! . وهذا الشيء يدل على تطور الرجال والزوج القطري وتحضره ومشاورته لزوجته بكل صغيره وكبيره .

عكس مايتم اتهامه به من كلام مجحف بحقه .

لكن لما الزوجه تذهب مع زوجها للسوق لشراء شنطه ماتشاوره بقيمه الشنطه تلك او السلعه تلك ايا كان نوعها ، بل تختار وهو ادفع وادفع وادفع ، وهذا الشيء غلط ولا يجوز .

لان يجب على الزوجه ان تشاور زوجها نفس هو مايشاورها .

مع فائق تحياتي العطره .. اخوكم ..


حمد 2002

[مختلفة عقليا]

السلام عليكم ,’

تدري ليش ما اتشاوره ., ؟؟ لانه يكون دايخ ومتنرفز من الدواره في المجمع ., واكيد يوعان بعد

والاجابه وحده ما اتغير ., (( اي حلوه خذيها ))

ف اختصارا للوقت ما اتشاوره .,

بس شبابنا ماشاء الله عليهم ., يشاورون بس ععشان يسولفون ., اخر شي يسوي اللي براسه :secret:

ويسلموو ,’

[قطريه22]

هههههههههههههههه عجيب ردج يامختلفه ضحكني والله وفيه كثير من الواقعيه

[قطريه22]

اي نسيت لاقول البيت بيتشاركون فيه والسياره بيتشاركون فيها بس هو مب لابس شنطه زوجته يعني اذا هي شيء عجبها بتشاوره اذا هو الي بيدفه بيقولها بكم؟ هههههههههه اما اذا هي الي بتدفع بيقول حلوه حت لو كانت غاليه

[عابر سبيل]

حمد...
"
الشباب اللي هذي سواتهم..
غلطانين في الحالتين...

:secret:
"
هل هذا اللي تبي توصل له؟

[العلياا]

شي طبيعي يشاورها في اثاث البيت لانه فالنهاية هي اللي بتشاهده طول الوقت
أما موضوع يشاورها في سيارة وماعرف شنو لا يبه ما صارت واصلا هي شعرفها فالسياير
بشكل عام في امور الرجال لازم ياخذ راي الزوجة وفي امور لا والعكس بالنسبة للزوجة

والسلام عليكم :)

[حمد 2002]

السلام عليكم ,’

تدري ليش ما اتشاوره ., ؟؟ لانه يكون دايخ ومتنرفز من الدواره في المجمع ., واكيد يوعان بعد

والاجابه وحده ما اتغير ., (( اي حلوه خذيها ))

ف اختصارا للوقت ما اتشاوره .,

بس شبابنا ماشاء الله عليهم ., يشاورون بس ععشان يسولفون ., اخر شي يسوي اللي براسه :secret:

ويسلموو ,’

خخخخخ ..

بس اختي مختلفه ، المفروض هي تشاوره لما يكون رايق صح ول لا ؟

اشكررج على المرور الجميل ..

مع التحيه ..

[حمد 2002]

هههههههههههههههه عجيب ردج يامختلفه ضحكني والله وفيه كثير من الواقعيه

:nice:

[ضوى]

من قال انه في اتهام للازواج القطريين انهم مايشاورون زوجاتهم ؟؟
وغير متحضر بعد !!!

ولو بغيت اشتري شي اناديه واقوله اشرايك حلوة ، واهم شي اعطيه سعرها بعد يمكن مايكون عامل حسابه ، اذا قال توكلي على الله يعني عادي يدفع ، واذا قال غالي اعرف انه مب مستعد يدفع فاتغاضى عنه ، وبعدين اللي بتشتري من حر مالها ليش تشاوره يعني ؟

[حمد 2002]

اي نسيت لاقول البيت بيتشاركون فيه والسياره بيتشاركون فيها بس هو مب لابس شنطه زوجته يعني اذا هي شيء عجبها بتشاوره اذا هو الي بيدفه بيقولها بكم؟ هههههههههه اما اذا هي الي بتدفع بيقول حلوه حت لو كانت غاليه

صحيح كلامج اختي قطريه ،، المفروض الزوجين يتشاركون في جميع امور حياتهم ، ويجب ان لاتكون هناك انانيه من اي طرف من الاطراف ..

مع التحيه ..

[ضوى]

شي طبيعي يشاورها في اثاث البيت لانه فالنهاية هي اللي بتشاهده طول الوقت
أما موضوع يشاورها في سيارة وماعرف شنو لا يبه ما صارت واصلا هي شعرفها فالسياير
بشكل عام في امور الرجال لازم ياخذ راي الزوجة وفي امور لا والعكس بالنسبة للزوجة

والسلام عليكم :)

بالعكس راي الزوجة مهم في السيارة خاصة اذا هي اللي بتركبها ، بس في الاخير الراي له وطبعا من واقع خبرته مع الشباب في هالشي ، بس بصراحة انا اقوله رايي في السيارات من واقع هالمنتدى وهو وايد ياخذ برايي ويثق باللي في المنتدى في هالجزئية تحديدا :)

[ولد العرب]

http://www.wlidk.net/upfiles/IJC21002.bmp

[حمد 2002]

حمد...
"
الشباب اللي هذي سواتهم..
غلطانين في الحالتين...

:secret:
"
هل هذا اللي تبي توصل له؟

لا بالعكس انا ابي ايكون التشاور هم اساس للحياه الزوجيه ، لكي تسير الى مركب النجاه والطريق السليم ..

مع التحيه ..

[العلياا]

بالعكس راي الزوجة مهم في السيارة خاصة اذا هي اللي بتركبها ، بس في الاخير الراي له وطبعا من واقع خبرته مع الشباب في هالشي ، بس بصراحة انا اقوله رايي في السيارات من واقع هالمنتدى وهو وايد ياخذ برايي ويثق باللي في المنتدى في هالجزئية تحديدا :)

كنت اقصد سيارته الشخصية مب سيارة البيت رغم اني اسوق من فترة لكن لي يومج ذي ولا اعرف شي فالسياير غير اللي يحركها :)

[ضوى]

كنت اقصد سيارته الشخصية مب سيارة البيت رغم اني اسوق من فترة لكن لي يومج ذي ولا اعرف شي فالسياير غير اللي يحركها :)

ههههه ، لا انا صارت لي خبرة بس خبرة انترنتية ، اقول له وهو عليه الباقي ، يقطعه هالجوجل ماخلى شي مانعرفه

[حمد 2002]

شي طبيعي يشاورها في اثاث البيت لانه فالنهاية هي اللي بتشاهده طول الوقت
أما موضوع يشاورها في سيارة وماعرف شنو لا يبه ما صارت واصلا هي شعرفها فالسياير
بشكل عام في امور الرجال لازم ياخذ راي الزوجة وفي امور لا والعكس بالنسبة للزوجة

والسلام عليكم :)

اخالفج الرأي اختي العليا حتى بالسياره يجب ان يشاور زوجته ، لانه الحين وخصوصا بنات هل وقت اصبحوا يضاهون الرجال في معرفتهم للسيارات بل بعضهم اخبر من الرجال نفسهم ..


وعندج مسألت الوان السيارات ولا بلاط البيت الى آخره .. النساء اخبر من الرجال بالديكور والالوان وهكذا ..

فيجب ان يكون التشاور مابين الزوجين بكل صغيره وكبيره ولا لماذا اسمها شريكه حياته ؟

مع التحيه ..

[مختلفة عقليا]

خخخخخ ..

بس اختي مختلفه ، المفروض هي تشاوره لما يكون رايق صح ول لا ؟

اشكررج على المرور الجميل ..

مع التحيه ..

هلا .,

جوف يبه ., صعبه اتشوره بكل شي ., هو يمل والله يقول صج نفس الكلمه (( اي حلو خذيه ))

يعني الريال يروح يفصل ثوب والا غتره والا ياخذ اعقال والا شوز الله يعزكم ., ما يستشيرها .,

في مواضيع مثل البيت السياره اثاث سراميك سجاد زينه ديكور هالاشياء اللي يتشاركون فيها لازم يكون فيها تشاور لازم ., بس الاشياء اللي اتخصها وما تلبسها له مثل الشنطه .,

ما احس ان لها فايده المشوره الا نفسيه عشان اتحسسه انها مهتمه في رايه بس .,

ويسلموو .,

[حمد 2002]

من قال انه في اتهام للازواج القطريين انهم مايشاورون زوجاتهم ؟؟
وغير متحضر بعد !!!ولو بغيت اشتري شي اناديه واقوله اشرايك حلوة ، واهم شي اعطيه سعرها بعد يمكن مايكون عامل حسابه ، اذا قال توكلي على الله يعني عادي يدفع ، واذا قال غالي اعرف انه مب مستعد يدفع فاتغاضى عنه ، وبعدين اللي بتشتري من حر مالها ليش تشاوره يعني ؟

بالنسبه للنقطه الاولى :- نعم هناك الكثير يتهم الزوج القطري بانه انسان احادي بالراي وانه سبب الطلاق ووووووو .

النقطه الثانيه اختي ضوى :- اتفق معاج فيها بانه يجب ان تشاور الزوجه زوجها بكل شيء .

النقطه الثالثه :- اختلف معاج فيها ، حتى لو من حر مالها او حر ماله فيجب ان يشاورا بعضهم بعض لان الحياه الزوجيه قائمه على الشراكه ، فهي اسمها شريكه حياته وهو اسمه شريك حياتها ..

بالتوفيق ..

[العلياا]

ههههه ، لا انا صارت لي خبرة بس خبرة انترنتية ، اقول له وهو عليه الباقي ، يقطعه هالجوجل ماخلى شي مانعرفه

ذكرتيني اول ما بديت اسوق اضطريت ادش اعبي بترول بدل ما افتح مال البترول فتحت الشنطة ولا فتحته ثلاث مرات
من بعدها حرمت ادخل محطة :weeping:


اخالفج الرأي اختي العليا حتى بالسياره يجب ان يشاور زوجته ، لانه الحين وخصوصا بنات هل وقت اصبحوا يضاهون الرجال في معرفتهم للسيارات بل بعضهم اخبر من الرجال نفسهم ..
وعندج مسألت الوان السيارات ولا بلاط البيت الى آخره .. النساء اخبر من الرجال بالديكور والالوان وهكذا ..
فيجب ان يكون التشاور مابين الزوجين بكل صغيره وكبيره ولا لماذا اسمها شريكه حياته ؟
مع التحيه ..

شحلاتي وانا قاعدة قدام اخوي اقوله خذ هذيك السيارة لان قوة المحرك كذا
خلك واقعي ياخوي ما تصير عندنا ابد :)

[ضوى]

ذكرتيني اول ما بديت اسوق اضطريت ادش اعبي بترول بدل ما افتح مال البترول فتحت الشنطة ولا فتحته ثلاث مرات
من بعدها حرمت ادخل محطة :weeping:



شحلاتي وانا قاعدة قدام اخوي اقوله خذ هذيك السيارة لان قوة المحرك كذا
خلك واقعي ياخوي ما تصير عندنا ابد :)

ماقريتي وش كتب ؟ يقولج المراة خبرتها اكثر من الشباب بهالشي ، عباله شوماخر هالمراة

[أم محمد 90]

ذكرتيني اول ما بديت اسوق اضطريت ادش اعبي بترول بدل ما افتح مال البترول فتحت الشنطة ولا فتحته ثلاث مرات
من بعدها حرمت ادخل محطة :weeping:



شحلاتي وانا قاعدة قدام اخوي اقوله خذ هذيك السيارة لان قوة المحرك كذا
خلك واقعي ياخوي ما تصير عندنا ابد :)

ياختي انا اسوي جي مع اخوي وعادي اسولف وياه :unsure:

[كازانوفا]

ليش حددت الزوج القطري ؟؟

كل الرجال من جميع الجنسيات يشاورون الزوجه بالاخير اللي براسه بسويه رضت او ما رضت
كله سيم سيم

[العلياا]

ماقريتي وش كتب ؟ يقولج المراة خبرتها اكثر من الشباب بهالشي ، عباله شوماخر هالمراة

ههههههههههه أنا أتكلم عني بيئتي أسرتي مادري عن بيئتهم شلون :secret:


ياختي انا اسوي جي مع اخوي وعادي اسولف وياه :unsure:

دكتاتوريه الله وكيلج :)

[أم محمد 90]

ههههههههههه أنا أتكلم عني بيئتي أسرتي مادري عن بيئتهم شلون :secret:



دكتاتوريه الله وكيلج :)

ايي حبيبتي , بالعكس تصير في اشيا مشتركة نسولف فيها ,
مايصير هو رجال يجي يقول شفتي هالعطر شفتي هالشنطة شفتي هالعباية

انا من باب اقرب منهم لاني اختهم الوحيدة اهتم باهتماماتهم واسولف معاهم باللي يحبونه ,

دبلوماسية :victory:

[qatara]

يا رجل انت من صجك ؟

كلها تبريرات اذا لم يوجد شي ملموس اتهمك بشي لا يلمس

شتبي بعضهم يعترفون لك بان العيب فيهم ؟ مستحيل

وخاصه عند بعض كافرات العشير يستحيل ان تجد
فيها خصله الاعتراف بتقصيرها والتراجع عن المكابره تريد
الزوج يا خورف تمشيه مثل ماتبي
ولا بتحط كل العذاريب فيه وابي الطلاق

وهذه الامور لن تجدها في من تخاف الله كانها تراه


والا الجوديه بنت الاجاويد الدينه التي تخاف على
سمعتها وسمعة ابي اولادها وبيتها لن تقول هذا الكلام
ابدا حتى لو وجد لان دينها وتربيتها
وخوفها وسترها على نفسها وعلى باب جنتها
وعلى بيتها وتربيتها يردعانها عن هذه الامور التافهه
هذا كل السالفه

[ضوى]

يا رجل انت من صجك مصدق حججهم

كلها تبريرات اذا لم يوجد شي ملموس اتهمك بشي لا يلمس

هذا كل السالفه

بسم الله الرحمن الرحيم

[الحياة الخالدة]

بسم الله الرحمن الرحيم

هههههههه اسم الله عليج

[أم محمد 90]

بسم الله الرحمن الرحيم

اسم الله عليج حبيبتي ضوى


هههههههههه

جراخيات

[ضوى]

الحياة الخالية ، ام محمد 90

والله وبالله قلت بسم الله الرحمن الرحيم لاني متوقعه منه كلام اكبر من جذي ، وماكملت الا هو معدل مشاركته وفيها مافيها من التجني

الله يهديه يااارب ويهون مافيه

[أم محمد 90]

الحياة الخالية ، ام محمد 90

والله وبالله قلت بسم الله الرحمن الرحيم لاني متوقعه منه كلام اكبر من جذي ، وماكملت الا هو معدل مشاركته وفيها مافيها من التجني

الله يهديه يااارب ويهون مافيه

حبيبتي انتي وغيرج قبل قلتو لي ..

كل رد يمثل صاحبه ,

وش علينا ..

[أم محمد 90]

الحياة الخالية ، ام محمد 90

والله وبالله قلت بسم الله الرحمن الرحيم لاني متوقعه منه كلام اكبر من جذي ، وماكملت الا هو معدل مشاركته وفيها مافيها من التجني

الله يهديه يااارب ويهون مافيه

حبيبتي انتي وغيرج قبل قلتو لي ..

كل رد يمثل صاحبه ,

وش علينا ..

[qatara]

حبيبتي انتي وغيرج قبل قلتو لي ..

كل رد يمثل صاحبه ,

وش علينا ..

الله علينا

[حمد 2002]

اشكركم على الادلاء بدلوكم بالموضوع ولي عوده للرد على الردود رد رد

تحياتي ..

[راشد محمد]

هههههههههههههههههه حمد انت مافي مثلك 2

[حسن]

الصراحه ياحمد لا مايسير الزوج القطري متفهم متطور مطيع الى ابعد الحدود
العصيان للاخرين

من كم يوم رحت اشتر سياره وراجت الشركه عده مرات وكل مره القا كل واحد ومرته
وحتى انا اخر شي جبت المره قلت لها احترت بالالوان وش اختار
قالت السلفر

قلت لها شورك وهدايه الله

وحتى اماكن البلاد والاثاث وغيره اولوز اشوفهم

هي مهب شريكه الحياه

بس عاد الله يعينك استحمل وادفع وانت تضحك

دثرت مقوله شاورهم وخالفهم راحت مع جيلهم

صج صج الزوجه القطريه تعيش ازهى عصور الحياه

:)

[حسن]

هههههههههههههههههه حمد انت مافي مثلك 2

يقول المثل لو يدري عمير كان طر جيبه

لا فيه انا الوحيد اللي يعرفه

:)

[بوحارب]

اللي يستشير زوجتة في كل صغيرة وكبيرة إنسان غبي

خذوها من واحد خبره في أمور الزواج :)