ابي نصيحتكم!

[doha70999]

مرحبا

انا ابي اشتري موتر جديد خلال كم شهر بس ماعرف شنو اخذ ، انا افكر بين البورش الجي تي اس والرنج روفر السبورت !


شتنصحوني؟

مشكورين

[F9ol]

الرنج السبورت انا ماعجبني وايد اشوف البورش احسن منه شكليا

اما الرنج الفوج يستاهل ..

[ولد الوزير]

اتفق معاك ياF9ol
الرنج الفوج يستاهل

[وحيد-الشوق]

خذ فوج احسن وافخم واكشخ الجي تي اس عليها فيس لفت قريب جداا والصيانة تعيسه كل شيء بحسابة والسبورت هذا مايتسمى موتر شكله غلط وبايخ خصوصا خلفية الموتر قبيحة جدا ومن داخل مافيه فخامة مثل الفوج وشكله كأنه ايفوك :)

[كركرمحد]

مرحب الشيخ

راح اشاركك بالمعلومات البسيطه الي عندي وبالاخير الموضوع راجع لك يالشيخ

البورش جي تي اس والرنج سعرهم يطيح وقت البيع

الشي الثاني اي سياره حاب تشتريها شوف الخدمه مابعد البيع من سيرفس وفروغ متاحه وسهوله بالتعامل

وفرق سيرفر الرنج عن البورش فرق شاسع

الشي الثالث الفيست لفت متى راح يكون لهل سياره ومتى راح يكون لهل سياره وعلى حد علمي فيس لفت البورش 2015 اذا ماني غلطان

والسموحه طولت عليك

[doha70999]

مشكورين بس ممكن اعرف سعر الفوج؟

[سلامي للكل]

مرحبا اخوي doha70999

اسعــار الفوج تبتــدي من 445 الف تقريباً (8 سلندر من غير سوبر جارج)

وتوصل الاسعار فوق فوق

والفوج 5 انواع نوعين 8 سلندر بدون سوبر جارج والبقية سوبر جارج واختلاف المواصفات

الموتر حالياً غير متوفر في الوكالة الا بالحجز

على فكرة انا من المؤيدين للفوج وبقــوة (موتر كشخة ورزة وقوي وملفت للنظر)

وبالتوفيـــق

[عبدالله ح]

ماقصروً الشباب وأنا أشوف g كلاس والرنج الفووووج