قررت أن أكون عقربة ..

[رهج السنابك]

السلام عليكم

قررت ان اكون عقربة
هذا القرار توصلت له بعد تعمق في حالتي المتأزمة
هالمجتمع مايمشي معاه الا العقارب
الطيبه مالها مكان
الطيبه تنداس محد يحترمها محد يهابها محد يسمع كلامها حتى لو ياهل
الاحظ الي تمشي تصارخ وتشخط الكل قدامها سيده
في الشغل ذات الصوت مهيوبه ان ماكان من الكل على الاقل البعض خاصه بعض الجنسيات الاجنبيه يكونون مثل مجسات النبض في تعاملهم مع القطريين والقطريات ان شافوه حنون طيب نفشوا ريشهم
وان شافوه مسوي هيبه تنافضو قدامه
وهذا واقع شفته وراقبته


ان لم تكن عقرباً تلدغ لدغوك



وبس

[قلب صادق]

الحمدلله على السلامة
عودة حميدة

[العلم]

حتى فالمنتدى :(

[حسن]

امشي عدل يحتار عدوك فيك

:victory:

[رهج السنابك]

تمشي عدل وسط وحوش ياكلونك مب يحتارون فيك

[بوحارب]

الاحترام واجب في كل مكان :)

[رهج السنابك]

احياناً من المهم تلبس قناع القوة
لان بعض الناس ماتستقوي الا على من يحسونه ضعيف

[Aaziz]

ترى من قبل انتي عقربه ... حاولي في الضربان :rolleyes2:

[رهج السنابك]

ياليت

[حمد 2002]

انتي الارستقراطيه نفسها ول وحده ثانيه ؟

[بوحارب]

ترى من قبل انتي عقربه ... حاولي في الضربان :rolleyes2:

ههههههههههههههههههاااايييي

[بوخالد911]

أعوذ بالله من العقارب

[بوخالد911]

بس لحظة

بتكونين عقربة سامة ولا ؟!؟!؟!

[رهج السنابك]

سامةة

[بوخالد911]

سامةة

:rolleyes2::secret::eek5:

[R 7 A L]

ترى من قبل انتي عقربه ... حاولي في الضربان :rolleyes2:

ههههههههههههههههه
ضربان يبي لها مترجم لكل العناصر النسائية بالمنتدى



تعوذي من الشيطان
ولاتخلين موقف مع ناس معينين يخرب عليك

[JN000N]

ضميني عقربه نمبر تو ^_^

[بريق الحق]

صحيح
اذكر مره واحد من شباب قال حق المدير اذا ماتعرف ادير القسم قوم انا راح اديره بدالك

[R 7 A L]

عقرب
لغوياً اعتقد يطلع على الذكر والاثنى
اما عقربة اول مره اسمع بها
يمكن عقربانه صح ههههههههههه

[غير البشر]

انا برج العقرب :vampire:

[(بوطلال)]

عقربه فل ابشن

[طلعة الروح]

رغم كل الظروف والتجارب الصعبه
للحين فيه ناس تستاهل الطيبه والتعامل الطيب
حتى أشكالهم تفتح النفس والعكس صحيح
ف مب دايما الشده والسلاطه تجيب نتيجه اختي الاستقراطية
لكل مقام مقال ، ولكل حادث حديث
ف مب معقوله تكونين شديدة في كل المواقف ومع كل الناس!
أشوفها وايد صعبه كمبدأ!!!

[elders]

عقربه او كتكوته شو ما كنت تكوني
بس لاتغيبي علينا هالأد
توحشناكي برشا

[كيلو حديد]

سلامتك اختي
شكلك فاهمه الطيبه غلط
الطيب مب الي ينداس هذا يسمى هبل
الطيب مب الي يتكفخ ذا يسمونه خيخه
الطيب يكون شخصيه وقوه وبنفس الوقت ما يظلم
بس ما يرضى حد يدوس له على طرف

الطيب ليس من تهان كرامته وتقلل هيبته
الناس والاعلام خلال الاعوام السابقه نشروا فكرة ان الطيب هو الاهبل والعبيط
والاحمق ويهيجونه حتى يصبح شرير او متوحش تحت مسمى الشخصيه القوية

خليك طيبه بس بمعناها الحقيقي
اعتبر نفسي طيب من الطيبين
بس ما اسمح لكائن من كان يستهبل او يرفع صوته او حتى يغير ملامحه وهو يكلمني
ساعتها اتوطىء بطنه وامسح به الارض

خليك طيبه بس بشكلها الصحيح مب الغبي
وبس

[كيلو حديد]

وانصحك وانصح الجميع الذين يتذللون تحت مسمى الطيبه بمتابعة
هالمقطع للمغامسي

http://m.youtube.com/watch?v=xGbxuMi8byM

[تغلبية]

^
+10


:


الحمدلله على السلامة أرسطو ..

للأسف احنا ماعندنا الا ردود افعال

اما فعل من البداية ..... ماكو=ماش



وبعدين ارسطو .. صرتي عقربة .. اشتبين توصلين له .. اشتبين الناس تقول عنج ؟!

[سهم عتيج]

[SIZE="

وبعدين ارسطو .. صرتي عقربة .. اشتبين توصلين له .. اشتبين الناس تقول عنج ؟![/SIZE]

شريرة

[تغلبية]

^

امممم ..

بس الناس الواصلين واللي أمورهم ماشية .. مش شريرين ..!!

يكفيها تكون متملقة متلونة متزلفة ودومها تضحك وتسولف والكذبة في المخبأ ... وأمورها في الروب

هاه شقلتي أرسطو ... :)

[S S]

لاتكن ليناً فتعصر ولاتكن صلباً فتكسر يعني خلج وسط وكل شي له شي

[بصمة قطرية]

مب على كيفكم :nono::nono::nono:

أصلاً اللي معدنه ( ذهب ) ما يتغير
حتى لو حاول ما يقذر إلا إذا كان مصبوب بماي الذهب
يعني ( مغشوووش ) ..!!

خلوا عنكم هالخرابيط ..
حلوة بصير عقربة .. :rolleyes2:

[moonبنتnight]

الله يهديج .. عقربه عاد قوية وأنتي أستقطراييه .. أنت فاهم طيبة غلط .. طيبة ليست غبائاً ولا تسمحين لاحد يهين كرامتج .. فئة لي تعملين معاهم وهم الاصولين لي يركبون على كتاف غير في العمل موجودة بكثرة وخاصة في الفئة التي تقصدينها ولكن لابد من حسن تصرف من هذه الفئة .. هي مالها علاقة بالطيبة ..
وسمعتي المثل يقول راحوا مع الطيبين .. هل فعلاً في زمنا راحو الطبيين .. ولم يبقى منهم أحد ..

[بوخالد911]

صحيح
اذكر مره واحد من شباب قال حق المدير اذا ماتعرف ادير القسم قوم انا راح اديره بدالك

بل

والحين وشوووو مصير الموظف؟؟؟؟؟

[بن مفتاح]

احنا نعامل الناس باخلاقنا مب باخلاقهم ..

والحمد لله على ذلك ..

[حسن]

مب على كيفكم :nono::nono::nono:

أصلاً اللي معدنه ( ذهب ) ما يتغير
حتى لو حاول ما يقذر إلا إذا كان مصبوب بماي الذهب
يعني ( مغشوووش ) ..!!

خلوا عنكم هالخرابيط ..
حلوة بصير عقربة .. :rolleyes2:



هذا الكلام اللي في الاصل يكون اما غير ذالك

هناك خلل في السسترون

مالكم الى عكاشه

[قطريه22]

الحمدلله على السلامه اختي وين هالغيبه مكانج مبين والله

شكلج منقهره من شيء صاير في دوامج

في مجال الدوام اذا لج حق في شيء اخذيه دامه مايخالف قوانين الشغل
وتعودي شخصية الدوام تكون مختلفه نهائياً عن شخصيتج الاساسيه
الطيب ماينفع في كل الاوقات خصوصاً في مجال العمل الصح صح والغلط غلط
واذا لج حق اخذيه بس مب بالقوه والهواش والصراخ لان في المقابل اذا الوحده سوت هالشيء سمعتها في مجال العمل بتكون سيئه
اخذي حقج بتفكيرج وذكائج الوحده اذا كانت جاده واسلوبها في النقاش جاد ومحترم بتاخذ حقها وفي فئه ماتحترم حد هالفئه تجنبي التعامل معاها بالكلام
كل شيء يكون رسمي وموثق هذا افضل شيء للتعامل في مجال العمل..

اما بالنسبه لخارج الدوام فلازم كل واحد يعرف اشلون يتحكم في طيبته، والطيبه الزايده تعتبر ضعف واستغلال عند البعض

مايصير تصيرين عقرب عشان كل الي حولج عقارب
بالعكس صيري اذكى من هالعقارب ورفعي نفسج عنهم

هاي كل الي ابي اقوله في الوقت الحالي ، طولت عليج :)

[بوخالد911]

ومن بعد بينضم لقافلة ((( العقارب )))
؟!؟!

[k.fatma]

أنا معاج
بصراحه اللي شفناه هالايام ما شفناه من قبل
كثر التسامح يبعد الهيبه ويشوفونه العالم خايف
والساكت اللي في حاله محد يسأل عنه الناس تفتقد اللي يعقر
هذا كله ماله خص بالشخصيه لانه اللي ياخذ حقه وما يسمح لاحد يمسه بكلمه ما يسمونه طيب
للاسف

[العلياا]

الله يصلح حالج أختي
والله يسخر لج الناس الطيبة اللي تخاف ربها :)

[حسن]

ومن بعد بينضم لقافلة ((( العقارب )))
؟!؟!

هههههههه

اي والله يابوخالد الظاهر موضوعها بيكشف لنا شخصيات العقارب

بس ماندري هل هي الصفره ولا السوده

هههههههه


ياكافي الشر عقارب

:omg:

[غير البشر]

هههههههه

اي والله يابوخالد الظاهر موضوعها بيكشف لنا شخصيات العقارب

بس ماندري هل هي الصفره ولا السوده

هههههههه


ياكافي الشر عقارب

:omg:




بوعلي انا وانت بنصير خثاثيق ههههههههههههههههه

[ضوى]

الله يصلح الاحوال

[حسن]

بوعلي انا وانت بنصير خثاثيق ههههههههههههههههه


واللي يقربنا نبثق عليه من هل الحبر الزين

هههههه

[مختلفة عقليا]

السلام عليكم .,

معقوله الناس اتغيرج ., ؟؟ لا تسمحين لهشي يصير ابداااااااااا .,

انتي نظيفه وغيرج وصخ ., اتصيرين وصخه والا اتنظفينهم ., ؟؟ والا علي قولتهم اترك هل القاع للقاع .,

الله اكرمج بصفه نبيله وهي نقاء القلب اللي هي (( الطيبه )) خلج اصيله ,. بس مو غبيه ,’

لان اغلب الناس عبالهم اللي ما يتخذ اي رده فعل طيب .,

اثبتي مكانتج بحترامج وذوقج ., ولو ما فاد لا تلدغين ولا اتسوين رد فعل قاسي ., خلج واعيه وذكيه .,

الرسول صلي الله عليه وسلم يقول ., (( ما كان اللين في شي الا زانه )) .,

والله يعينج ويساعدج علي تغير تفكيرج ., وعيني نفسج علي هالشي ., بتعيشين مرتاحه ان شاء الله .,

ويسلموو .,

[k.fatma]

سؤال
وش الفرق من الصفرة والسودة (( للافادة))
ومنكم نستفيد

[panda]

اللي طيب مستحيل يصير عقرب
قرار في وقت الغضب سينفش مع الوقت....حاولت و قررت كم من مرة ما اقدرت و لله الحمد

[راشد محمد]

الله يعطيج على قد نيتج..

[aleamdi]

من الضروري ان يكون الانسان مقتنع بتصرفاته مع الناس وكذلك لابد ان يكون صاحب مبداء ورأي وعدم الانجرار ورا أفكار بعض الناس او التصرفات الهدامة ، والتصرفات اللي ذكريتها يجب ان تحارب وليس العكس

واهم شي مراعات الله عزوجل في تصرفاتنا لانها هي الميزان

[زمان]

رغم كل الظروف والتجارب الصعبه
للحين فيه ناس تستاهل الطيبه والتعامل الطيب
حتى أشكالهم تفتح النفس والعكس صحيح
ف مب دايما الشده والسلاطه تجيب نتيجه اختي الاستقراطية
لكل مقام مقال ، ولكل حادث حديث
ف مب معقوله تكونين شديدة في كل المواقف ومع كل الناس!
أشوفها وايد صعبه كمبدأ!!!


:pilot:

[أم محمد 90]

انا افعى سامه

[غير البشر]

انا افعى سامه



:sorry:

[OREO]

انا افعى سامه

خذوني معاكم كوني تنين احرق الاولي و التالي ...

في ناس ما تنفع معاها الطيبه و خاصة الاجانب ..

[تغلبية]

انا افعى سامه


أنا لبوة شرسة ..





من يزيد :discuss:

[بشائر]

احياناً من المهم تلبس قناع القوة
لان بعض الناس ماتستقوي الا على من يحسونه ضعيف

أحسنتي عزيزتي وهذا مايفترض أن يكوون ..فلكل مقام مقال ..
وما هو ضروري تكونين عقربة حتى يهابك الآخرون ..
ولكن تقدرين تفرضين هيبتك واحترامك على الكل باحترامك أولا لذاتك ..

وفقك الله .

[R 7 A L]

سؤال
وش الفرق من الصفرة والسودة (( للافادة))
ومنكم نستفيد

الصفرة سمها اقوى
لقصتها حاااااااره

[بوحارب]

بوعلي انا وانت بنصير خثاثيق ههههههههههههههههه

وانا وبوخالد قباقب

[بصمة قطرية]

وانا وبوخالد قباقب


خخخخخخخخخخخخخخ
عالم الزواحف و الحشرات ...!!!!!

[طرف محايد]

اكيد الاخت الارستقراطية ما كتبت هالموضوع الا بسبب مواقف متكررة

جعلتها تحكم على ما يجب ان تكون شخصيتها عليه بسبب من حولها


كلنا يمر بنفس التجربة

لكن تختلف ردات الفعل



أحيانا نكتب في هذا المنتدى وغيره بناءً ع حالتنا النفسية

وإحباطنا من واقعنا ومجتمعنا





بخصوص عالم الزواحف

وين وصلتوا

[بوحارب]

خخخخخخخخخخخخخخ
عالم الزواحف و الحشرات ...!!!!!

اشوف العالم كلهم يبون يغيرون من بني آدم الى ،،،،،، ؟؟؟


زين مافيه وحده تبي تصير بقره او حماره :)

خلاص خربوها مره وحده

[بصمة قطرية]

خخخخخخخخخخخخخخخ
خلكم صوب الزواحف ..

[بوخالد911]

وانا وبوخالد قباقب

اوووك

قباقب أليفيين

ما نعض !!
:nice:

[المحاميه]

صاجه والله

انا اايدج ف كل كلمه قلتيها

لكن الطبع غالب


انا اسلوبي طيب مع الكبير والصغير
القطري والاجنبي

لكن لين نقطه معينه بعدها انقلب شخص ثاني

[المحاميه]

ايه ونسيت اقول عوداً حميداً

وين كل هالغيبه

[راشد محمد]

ان لم تكن ذئبا اكلتك الذئاب

[ريم الشمال]

عوداً حميدا
بالنسبة للعقارب هذا واقع كل مجتمع قديم وحديث بس الواقع الي في قطر اختلف بحيث اصبح معاملة المواطن من قبل اصحاب بعض المناصب ( سواء قطري أو اجنبي ) يمثل لهم كسبر أو الفزاعة أو إي وصف خاصة الشخص الذي يمكن أن يرى منه قدرة وفهم صحيح للعمل فيقوم بإستخدام الطرق الملتوية مع بعض منافسيهم من المواطنين سواء بإستخدام اصدقائه من الاجانب وتطفيش هذا المواطن بالنيل منه بكافة الطرق والاساليب لهدف واحد حتى يكره التواجد معهم وبتالي العمل وبتالي التخلص منه

هذا الشيء علاجه بيد المسؤولين ( الله يخليكم ) لا تطبقون علينا نظرية اكتشاف الفاشلين ونفض الغبار عنهم ووضعهم في مناصب لأنهم بمجرد وصولهم صحيح سوف يسهل عليكم التحكم فيهم وتوجيهيهم ( يعني يمين يمين يسار يسار ) لكن وجودهم في المناصب كارثي لأنهم سوف يحاربون الناجحين والذين فيهم بذرة الفهم والالمعية ويتم القضاء عليهم ولن يبغى من يدير البلد والمؤسسات إلا الفاشلين الذين تم نفض الغبار عنهم وتم ترزيزهم في مناصب ...

لن نكون عقارب سوف نكون شيخات بإخلاقنا نتعامل مع الناس برقي في زمن اصبح الراقي طيب و الملسون قوي
واختلط الحابل بالنابل

الله يعينك

[meme-93]

ممكن اصير سلحفاة؟
وتحطوني في محميه لاني نادره

[بو خليفه 123]

ليه و انتي قبل وشو ؟

حوريه مثلاً ؟

[يمامـة]

ارسطو حبيبتشي

المثل الموزنبيقي الاصيل يقول

ان لم تكن ذئبا أكلتك النعاج..

فعليه نقول ان لم تكن عقربا مابين العقارب لدغتك نملة سامة ..

مب غلط تصيرين عقربة مع العقارب في الوقت اللي طيبة غير العقارب راح تفرز معدنج الأصيل

أححيج على قرارج واثنيج عليه،،

بس ما غيرتي صورة افاتارج ،،، نبي صورة عقربة عيونها حمر

ولا تغيبين مرة ثانية لأنج تركتي مكان كبير في المنتدى

[يمامـة]

ايه ونسيت اقول عوداً حميداً

وين كل هالغيبه

كانت في طور التغيير والتحول نفس البوكيمونات

[زمان]

الدين المعاملة

[لمت اب]

المثل يقول
ما يكسر الحيده الأ اختها
,,,
ايش معنى هالمثل ؟؟

[نور الحور]

يا ماااااااااااااامي !

يما قرصتني العقربة !:eek3:

طلعتي إنتي الارستقراطية العقربة اللي يغنون عليها :(

هههههههههههههههه




وحشتيني موت .. الحمدلله على سلامتج حبيبتي ..

داشة علينا جامد شكلج ..

خف علينا أرسطو بليز ..:(

[رهج السنابك]

حبيباتشي كلكم وحشتوني اغليكم وربي يشهد
فقدتكم :(

ماعليكم من هلوساتي الشطحانيه بس ترا صج اريد ان اكون عقربه :(

الشباب هولد اون بليز
ستوب ستوب قلبتوا موضوعي عالم الكائنات الفطرية

كان ابرك لي معلقة بريعصي محنط في اول الموضوع عشان تلوع جبدكم ولا تعلقون هالتعليقات

في تعليقات جميله لامست صميم صماصيم القلب
مثل تعليق ريم الشمال


في مثل يقول ان لم تكن ذئبا تعاوي اكلتك الذئاب الى اي مدى هذا صحيح؟؟؟ هذا مادفعني ان اطلقها مدوية اريد ان اكون عقربة !!

[meme-93]

ليه و انتي قبل وشو ؟

حوريه مثلاً ؟
كانت فراشه

[alsoq]

ان عملتي عقربه فعلا نفسك
ولا محصله من الناس الطيبه اي تجاوب

واذا انتي شايفه نفسك انك ما راح تكونين طيبه فهذي مشكلتك بعد


الطيب باقي ويفرض نفسه على مر الزمن مهما صادفتي من اشكال واللوان

[وحيد-الشوق]

عليج اسلوب يضحك مب ذم والله بالعكس الموضوع ضحكني ههههههه

هو في هالزمن لازم الواحد يكون عقرب :vampire:

[هارون الرشيد]

الانسان كرمه الله .... مايشبه نفسه ( بحيوان أو حشرة )

[مشاكل]

القطو العود مايتربى وبتمين على طبعج مهما حاولتي تغيرينه

[لمت اب]

ماحد جاوب معنى
مايكسر الحيده الا اختها

الحيدة هي الحصاة ,, أي ما يكسر الحصاة الا الحصاة
القصد للأخت الأرستقراطية ان تعامل كل شخص حسب معاملته معك
للطيبين معاملة الطيب
وللسيئين معامله مثل معاملتهم
وهكذا تبقى طيبتك عنوانك ولا يتجرأ عليك أهل السوء

[رهج السنابك]

بالضبط يالمت اب

وشغله ثانيه لاحظتها في التعامل مع العماله المسانده مثل الخدم، السواق، الفراش. الخ
انا يعرفوني ماعصب مااهاوش ما اطلب ما اضغط عليهم فالاحظ كلش محد معبرني ههههه عكس الي يشخط فيهم يتنافضون منه
احد المواقف توه حاصل معاي الفراش دايما اعطف عليه وماقصر معاه ولا اطلب الا باحترام لو سمحت وشكرا
بالاخير ما القى معامله عدله وسرقني :) وانا ماقصر معاه بالعطايا
والي يصرخون عليه يركض لهم مراكض ويخدمه بعيونه

وكأنه يقول صيري مثلهم وانا اقوم بواجبي معاج!

لكن للاسف ذي امنيه اني اتغير لكني قطو عود مافي فايده ماراح اقدر اغير من معاملتي مع الناس

[لمت اب]

صباح الخير الأستقراطيه
صباح الخير للجميع
لا تتأسفي على طبيعتك الطيبه واخلاقك الراقيه

جعلنا اللّه وإياكم والحاضرين ممن قال فيهم الرسول صلى اللّه عليه وسلم:
{ إن أقربكم مني مجلساً يوم القيامة أحسنكم أخلاقاً }


[رواه أحمد والترمذي وابن حبان]

[ANONYMOUS]

قريت العنوان عبقريه

قلت زين والله..

[sweet qatar]

جعلنا اللّه وإياكم والحاضرين ممن قال فيهم الرسول صلى اللّه عليه وسلم:
{ إن أقربكم مني مجلساً يوم القيامة أحسنكم أخلاقاً }


[رواه أحمد والترمذي وابن حبان]

آميييييييين


الارستقراطية

شصار معاج بعد ما قررتي ؟!

الواحد ما يتحسف على الخير لو سواه في كافر او جاحد

لان الخير بيرجع لج.. وبتشوفين البركة في حياتج هذي تجارة مع رب العالمين

حياة العقربة كئيبة :o

[pink pearl]

عودا حميداً، اشتقت لمواضعيج

الصراحة الطيبة شىء طيب لكن بحدود، بس خليني أقولج الطيبة مب سذاجة، الطيبة مب غباء، الطيبة مب تنازلات..
الطيبة لازم تآخذ تعريفها الصحيح، وترى هذا من صلب ديننا الحنيف..
فيه فرق لما تتنازلين عن حقوقج أو تتغافلين عن بعض التقصير في حقج وبين إنج تكونين طيبة بحدود وعارفة اللي لج واللي عليج

أعطيج مثال للتوضيح :
وحدة معانا بالدوام حسبوا لها يومين بالخطأ بدون راتب ولما استفسرت طلعت غلطة القسم، فاستحت تكلمهم ورضت باللي صار.. لاحظي هي الحين كان معاها الحق إنها تراجع والموارد البشرية قالوا بيعوضونها، الزبدة هذا الشي من حقها وتنازلت عنه بكيفها وبإرادتها !!!!!
بينما وحدة ثانية الوقت محسوب عندها وأي ساعة إضافية بتطالب بحقها في الأوفر تايم، مرة من المرات نقص من راتبها 26 ريال بالغلط، تخيلي راحت الموارد وتكلمت وقدمت شكوى وأعطوها حقها..

شوفي الفرق الأولى من واقع تجربة يخونها تشتغل في أي مكان حتى بدون ما يآخذون رايها بس الثانية تقول رآيها ومرات ترفض وتظهر الحجة بالحجة.. إذا الحق معاج لاتستحين جادلي وناقشي بهدوء وأعطي رآيج بصراحة وأنتي واثقة وعارفة حقوقج عدل

[دااانة قطر]

بالضبط يالمت اب

وشغله ثانيه لاحظتها في التعامل مع العماله المسانده مثل الخدم، السواق، الفراش. الخ
انا يعرفوني ماعصب مااهاوش ما اطلب ما اضغط عليهم فالاحظ كلش محد معبرني ههههه عكس الي يشخط فيهم يتنافضون منه
احد المواقف توه حاصل معاي الفراش دايما اعطف عليه وماقصر معاه ولا اطلب الا باحترام لو سمحت وشكرا
بالاخير ما القى معامله عدله وسرقني :) وانا ماقصر معاه بالعطايا
والي يصرخون عليه يركض لهم مراكض ويخدمه بعيونه

وكأنه يقول صيري مثلهم وانا اقوم بواجبي معاج!

لكن للاسف ذي امنيه اني اتغير لكني قطو عود مافي فايده ماراح اقدر اغير من معاملتي مع الناس



الحمدلله انج ماتغيرتي
وصدقيني مهما حااولتي معدنج بيظل مثل ماهو
الدليل نقول بنحااول وبنحااول ومانقدر


الله يجملج بيثبتج بطيب الأخلاااق

[همر]

ايييييه على قولة شاروخان

يالبايع اللي نسى الشاري
يالقاسي اللي ظلم طيب
مليت من كثر ما أداري
إلى متى ببقى انا طيب... :weeping:

[solyamalenki]

فعلا حتى انا بخحول لعقربة الطيبة ما تنفع هالايام نع مراعاة الاحترام واظهار الجانب القوي

[معماري قطري]

ضحكني العنوان وذكرني باغنية يمه لدغتني عقربه

لغويا العقرب اسم مؤَنث ولا يجوز اضافة الهاء أَو التاء المربوطة

الارستقراطية ما ادري ليش أَحس إِنج مرعبة في الشغل ومحظوظ انج مب مديرتي .. مجرد احساس

[رهج السنابك]

آميييييييين


الارستقراطية

شصار معاج بعد ما قررتي ؟!

الواحد ما يتحسف على الخير لو سواه في كافر او جاحد

لان الخير بيرجع لج.. وبتشوفين البركة في حياتج هذي تجارة مع رب العالمين

حياة العقربة كئيبة :o



لين الحين فَرَاشه ارفرف :(

[بو خليفه 123]

يا كبرها عند الله

[رهج السنابك]

عودا حميداً، اشتقت لمواضعيج

الصراحة الطيبة شىء طيب لكن بحدود، بس خليني أقولج الطيبة مب سذاجة، الطيبة مب غباء، الطيبة مب تنازلات..
الطيبة لازم تآخذ تعريفها الصحيح، وترى هذا من صلب ديننا الحنيف..
فيه فرق لما تتنازلين عن حقوقج أو تتغافلين عن بعض التقصير في حقج وبين إنج تكونين طيبة بحدود وعارفة اللي لج واللي عليج

أعطيج مثال للتوضيح :
وحدة معانا بالدوام حسبوا لها يومين بالخطأ بدون راتب ولما استفسرت طلعت غلطة القسم، فاستحت تكلمهم ورضت باللي صار.. لاحظي هي الحين كان معاها الحق إنها تراجع والموارد البشرية قالوا بيعوضونها، الزبدة هذا الشي من حقها وتنازلت عنه بكيفها وبإرادتها !!!!!
بينما وحدة ثانية الوقت محسوب عندها وأي ساعة إضافية بتطالب بحقها في الأوفر تايم، مرة من المرات نقص من راتبها 26 ريال بالغلط، تخيلي راحت الموارد وتكلمت وقدمت شكوى وأعطوها حقها..

شوفي الفرق الأولى من واقع تجربة يخونها تشتغل في أي مكان حتى بدون ما يآخذون رايها بس الثانية تقول رآيها ومرات ترفض وتظهر الحجة بالحجة.. إذا الحق معاج لاتستحين جادلي وناقشي بهدوء وأعطي رآيج بصراحة وأنتي واثقة وعارفة حقوقج عدل



حبيبتي يابنك فديتج ع الكلام العسل ياعسل

انا للاسف نفس البنت الاولى
الحيا والمستحى اللي مب محله هذا اعاني منه
والمطالبه بالحق المفروض مافيها حيا
انا راحت مني علاوه قيمتها مية الف في السنه والسبب استحيت اكلم المدير ..كلمته مرتين وكل مره يقول حاضر ويطنش
واقعد شهور كل يوم اقول تشجعي واساليه والحيا ماخلاني
لين موظف جزاه الله خير سألني عن الموضوع ولما درا اني ساكته سنتين عصب علي وراح سيده كلمه وجاب لي حقي
بس للاسف مو باثر رجعي :)

الحين خلاص اقول لازم اشيل الويه السمح والبس ويه العقرب عشان ماتروح حقوقي

[رهج السنابك]

الحمدلله انج ماتغيرتي
وصدقيني مهما حااولتي معدنج بيظل مثل ماهو
الدليل نقول بنحااول وبنحااول ومانقدر


الله يجملج بيثبتج بطيب الأخلاااق

حبيتي يا دانه ويجملج يالاصيله

لكن من مواقف الحياه الواحد يقعد ويفكر
ويشوف الناس حواليه
ولما ينهضم حقه لانه طيب او مستحي او يجامل اهني يقول في شي غلط لازم يتعدل

طبعا مااقصد بالعقربه انه يكون خبيث
لكن يكون لابس قناع القوة ويشيل الخجل والضعف منه

[رهج السنابك]

ضحكني العنوان وذكرني باغنية يمه لدغتني عقربه

لغويا العقرب اسم مؤَنث ولا يجوز اضافة الهاء أَو التاء المربوطة

الارستقراطية ما ادري ليش أَحس إِنج مرعبة في الشغل ومحظوظ انج مب مديرتي .. مجرد احساس

بالعكس يالاصيل
لو انا مديرتك كان شفت دلع ماعمرك شفته
كل الي اشتغل معاهم يستانسون مني لاني ماعندي حركات الخبث والحفر من تحت الطاوله
لكن انا اعاني منهم

[رهج السنابك]

يا كبرها عند الله


ماجربت تندز من بلكونتك؟!

[بوحارب]

ليش ما جربين ستايل السحلية ;)

[رهج السنابك]

مالي خبره بالسحالي انت ابخص نيهاهاهاها

[نورالهدى]

ان كنتي مثالا للطيبه وأنا أختك ماراح تقدرين تكونين غير إنتي
ولو قدرتي قوليلي صارلي سنين أحاول أكون غير وما قدرت
وأقول كل إناء بما فيه ينضح
والخير مايتحول أبد
وأرد أقول الحمدلله

[معماري قطري]

بالعكس يالاصيل
لو انا مديرتك كان شفت دلع ماعمرك شفته
كل الي اشتغل معاهم يستانسون مني لاني ماعندي حركات الخبث والحفر من تحت الطاوله
لكن انا اعاني منهم

تسلمين والله أَتشرف

والحمد لله مدرائي كلهم للحين طيبين معاي .. يمكن العيب فيني أَحياناً فجأَة لو سكتت شوي أَطالب بكل حقوقي وأَسوي سالفة .. بس زين ما غيرت شغلي غير مره والحمد لله للأَفضل والمره الثالثة دعواتكم لي أَستلم ادارة مشروع كبير وأَتمنى من البداية للنهاية وأَتمنى بدون تعقيدات وقيود وأَتمنى ما يكون من مشاريع أَشغال .. أَي جهة غير وولكم

شكلي على هالشروط باستلم مشروع التقاعد وبعد بيكون زين لي افتح مكتب استشاري

[تاجر كشخة]

ههههههههههه يا دافع البلا تبين الصراحة في ناس يبي لها كذا واكثر

[كيلو حديد]

تعقربتي ولا للحين