استفسار عن ميزانية السفر لتركيا ؟؟

[وحيد-الشوق]

السلام عليكم

ان شاء الله مسافر تركيا يوم 15 والعوده 21 حجزت التذاكر والسكن في اسطنبول فندق cvk الجديد

المهم شنو اخذ معاي دولار ولا ليرة ولايورو انا اتفقت مع سواق ويوميته قالي 150 دولار هل سعره زين ولا ؟؟ وقالي رحله بورصه تكلف 400 دولار نطلع الصبح ونرجع بالليل ؟؟

ووين اروح بالضبط والاماكن الي تنصحون بزيارتها بدون المتحاف طبعا

[قطريه ماركه]

تروح و ترجع بالسلامة آولاً

انا دايما اسوي عملتهم اللي هي الليرة التركية الحديثة
لانك بتستخدمها في كل شي السوق و المطعم و المجمع

الا اذا الماركات طبعاً بالبطاقة او الدولار
كلش ما استخدمنا اليورو
الا في المطار كانت العملة على البضائع باليورو

جهز فلوس المواصلات بالدولار مثل اتفاقك معاهم
سعر السايق مناسب

الاماكن اللي تروحها طبعاً آول يوم المنطقة التاريخية و الاثريه اللي هي منطقة السلطان احمد
و روح منيا ترك او تركيا الصغيره حلوة وااايد و اركب سنيما الخيال لانها تاخذ فيك لفه على كل تركيا

روح جزيرة الاميرات حلووة
و تل العرايس بعد مكاان حلوو

طبعا المطاعم اللي تسوي لك دجاج بالملح و لحم بالجرة و الكفته بالآمتار بعد تجربة حلووة

و في بورصه جبل اولوداغ تقريبا لين شهر ظ¤ يكون محتفظ بالثلوج على حسب كلام السايق

و اذا بتطلع من اسطنبول روح ابانت وايد حلووة و سفانجا

رحلة موفقة باذن الله

[ضوى]

بالسلامة ان شاء الله

شخصيا ماحول ليرة الا شي بسيط جدا ، حق الاكراميات والتناتيف يعني يادوب 2000 ليرة ، والباقي كله دولار ،4000 دولار ، حق سفرة شهر اتذكر ، وطبعا للمجمعات والمطاعم ولتبضع كله بالبطاقة حتى المطاعم الصغيرة فيها بطاقة اريح واخف

[دايموند]

اوووف ليش مواصلاتهم غاليه ؟!!!
مافي بدائل ؟اذا في اركبها احسن لك

[الدستور]

150 دولار حق باص كبير وسياره شخصيه !!

[ضوى]

نفس السعر السيارة الكبيرة والسيارة الصغيرة ، وهالسعر حق ظ¨ لين تسع ساعات

[غير البشر]

مرحبا اخوي وحيد الشوق

150 دولار لليوم كامل مناسب جدا
لان السعر يتراوح بين 150 الى 200 دولار


لكن

سعر ال 400 دولار تحاول تفاصله بالسعر انا مب مقتنع منه
حاول لين 300 دولار بكون حلووووو
واعتقد لان بيحسب عليك البترول وغيره من الامور


بالنسبه للمبالغ

خلك بس على الليره والدولارات

بالنسبه لليرات اصرف منهم بحيث تصرفها حق التناتيف
منها المحلات الصغيره والمطاعم ومواصلات التاكسي او المترو

اما الدولارات
للمواصلات اليوميه والمسافات الطويله والماركات والفندق
والفيزا بعد لنفس الغرض

لكن اذا عندك مبلغ قطري في محلات صرافه كثيره عادي تصرف لك
بتحصلها عند تقاطع بدايه شارع تقسيم جنب فندق ديفان وفندق بوينت ومطعم فاروس

بس تركيا طبع مب رخيصه
اغلى من الدول الخليجيه
وارخص قليلا من الدول الاوربيه
يعني بالوسط

[وحيد-الشوق]

الله يجزاكم خير مافصرتوا عالافادة بارك الله فيكم

الف شكر لكم

[بوخالد911]

هلا بك
حاول تنزل سعره الى ظ،ظ¢ظ*$ مائة وعشرين دولار

بخصوص الأماكن:
متحف دولما باهجة
جزر الأميرات السبع واركب الحنطور مناك
جبل أولداغ
تلة العرسان
بحيرة أبانت تبعد حول ساعة ونص
لا تفوت الحمامات الطبيعية
اشرب لبن عيران كنت مدمن عليه

والله يحفظكم

[ام الحلوين]

السلام عليكم

ان شاء الله مسافر تركيا يوم 15 والعوده 21 حجزت التذاكر والسكن في اسطنبول فندق cvk الجديد

المهم شنو اخذ معاي دولار ولا ليرة ولايورو انا اتفقت مع سواق ويوميته قالي 150 دولار هل سعره زين ولا ؟؟ وقالي رحله بورصه تكلف 400 دولار نطلع الصبح ونرجع بالليل ؟؟

ووين اروح بالضبط والاماكن الي تنصحون بزيارتها بدون المتحاف طبعا

ربي يسعدكم بسفرتكم اخوي بالنسبه لبورصه انا لاننا ماخذين سواق باليوم فانحسبت بنفس سعر اليوم اللهم اجرنا له سكن في بورصه لاننا بتنا ليله فيها
ودفعنا قيمة شحن السيارة ع الباخرة وطبعا اكله وشربه وكان مبسسوط معانا ع الاخر

[كازانوفا]

ربي يهنيكم ويسعدكم ويرجعكم بالف سلامه يارب

[وحيد-الشوق]

بوخالد

ام الحلوين

كازانوفا

الف شكر لكم والله يعطيكم العافية

سؤال شنو احسن شركات الاتصالات ؟ واي خط يشغل البلاك بيري النظام القديم

[ضوى]

بوخالد

ام الحلوين

كازانوفا

الف شكر لكم والله يعطيكم العافية

سؤال شنو احسن شركات الاتصالات ؟ واي خط يشغل البلاك بيري النظام القديم

اكره شي في تركيا ، الاتصالات تبي نصيحتي شغل خدمة تجوال اوريدو ام 100 لاسبوع ، 100 دقيقة مكالمات وانترنت ، البلاك مدري عنه ، لانه اي خط بتاخذه عقب اسبوع او اقل ينقطع لانه التلفون لازم يتسجل ولو رحت مرة ثانية تركيا ومعاك نفس التلفون مايقبل اي شريحةواذا تلفون جديد نفس القصة يشتغل يومين ويقفل

[نمساوي]

السلام عليكم

حد عنده فكره عن السفر الى تركيا هل احتاج الى تأشيرة من السفارة التركية في قطر قبل لا اسافر
حسب ماسمعت انه تم عمل اجراءات جديدة من يوم 07/04/2014

ارجو الافادة

[ضوى]

السلام عليكم

حد عنده فكره عن السفر الى تركيا هل احتاج الى تأشيرة من السفارة التركية في قطر قبل لا اسافر
حسب ماسمعت انه تم عمل اجراءات جديدة من يوم 07/04/2014

ارجو الافادة

غير صحيح عالكلام

الفيزا تاخذها من المطار

وتقدر تسويها اونلاين وهي توفر لك في الوقت ، ماعرف الموقع بالضبط بس كان موجود بزاد المسافر وانا سويتها عن طريق الموقع عشر دقايق والفيزا واصلتني عالايميل ودخلنا فيها بكل سلاسة ويسر ولله الحمد

[وحيد-الشوق]

اكره شي في تركيا ، الاتصالات تبي نصيحتي شغل خدمة تجوال اوريدو ام 100 لاسبوع ، 100 دقيقة مكالمات وانترنت ، البلاك مدري عنه ، لانه اي خط بتاخذه عقب اسبوع او اقل ينقطع لانه التلفون لازم يتسجل ولو رحت مرة ثانية تركيا ومعاك نفس التلفون مايقبل اي شريحةواذا تلفون جديد نفس القصة يشتغل يومين ويقفل

الله يعين مشكلة السواقين مايعرفون بعد احس خطوط اتصال


السلام عليكم

حد عنده فكره عن السفر الى تركيا هل احتاج الى تأشيرة من السفارة التركية في قطر قبل لا اسافر
حسب ماسمعت انه تم عمل اجراءات جديدة من يوم 07/04/2014

ارجو الافادة

اخبرها بدون فيزا لايكون طلعت اجراءات جديده !!!


غير صحيح عالكلام

الفيزا تاخذها من المطار

وتقدر تسويها اونلاين وهي توفر لك في الوقت ، ماعرف الموقع بالضبط بس كان موجود بزاد المسافر وانا سويتها عن طريق الموقع عشر دقايق والفيزا واصلتني عالايميل ودخلنا فيها بكل سلاسة ويسر ولله الحمد

بحاول ادور عالموقع واخلص نفسي من اهنيه احسن

تسلمين اخت ضوى ماقصرتي