نيسان باترول 2014

[شيخ القبيلة]

السلام عليكم ورحمة الله وبركاته
لو سمحتوا لاهل الخبرة والتجربة عندي استفسار عن النيسان باترول الجديد
هل الموتر في عيوب ،،، لاني محتار اخذ الموتر ولا لا؟؟؟

[كتكوت الوحش]

حرام تأخذه حط فلوسك بتيوتا او لكزس

[الوسيط العقاري]

التويوتا ألفي اكس أر افضل منه

[محمد 1977]

السلام عليكم ورحمة الله وبركاته
أخوي الكريم أنا كان عنديVXR 2013 وبعته وشريت نيسان 2014
بصراحه حسيت بفرق كبير من ناحية المواصفات، أنا باعرف اللي ينصح بالكروزر إيش المواصفات اللي فيه (ولا شي)
النيسان: (تشغيل عن بعد)-(كرسي العبري اتوماتيك)-(الباب الخلفي اتوماتيك)-(راحه في الجنبينات)-(ذاكره داخليه للسيديات يخزن 10 سيديات)-(شاشات خلفية).
ال vx-r: ولا شي من اللي مكتوب فوق.
وفي الأخير عليك بصلاة الاستخاره والله يوفقك
ملاحظه هامه: الاخوان اللي ردوا عيك فوق كلهم تجار ويفكرون من الناحيه الماديه وبس هههههههه

[حسن]

يوم الاربعاء مطلع واحد من الوكاله 2014 وعندي 2010 اثنين
الصراحه حبيته وحلو وسواقته خفيفه وارخص بكثير من التيوتا وعندك ضمان حلو
وعندي تويتا 14 ستاندر حق البحر والبر
الكروزر عندي حده ستاندر ويخب عليه

اما النيسان حق البلاد كشخه ورزه وقوه

وانا احب اسوق بسرعه والخيار لك

[بوحارب]

اللكزس احلى واكشخ

[حسن]

اللكزس احس انه كبت متحرك وكله يضرب بيرنج

وتسمع صوت في المكينه

:secret:

[Google]

السلام عليكم ورحمة الله وبركاته
لو سمحتوا لاهل الخبرة والتجربة عندي استفسار عن النيسان باترول الجديد
هل الموتر في عيوب ،،، لاني محتار اخذ الموتر ولا لا؟؟؟

اخوي , التويوتا خرابها قليل وفي البيعة افضل مرغوبة اكثر وقطع غيارها متوفره ورخيصه وسيارة حقت مكده ماتقول لا ولو بتشتري اشتر في اكس ار لان اللكزس فيها شكل من برا ولكجري من الداخل اما باقي الاوبشن كله موجود في ال في اكس ار ماعدا الهيدرولك والرادار الامامي والتشغيل عن بعد. ليش اقولك اشتر الفي اكس ار بدل اللكزس لان مكينتها وحده وللاسف التويوتا عندنا يقولون انهم سوو ابقريد لمكينة الفي اكس ار وصارت نفس مكينة اللكزس وصارت 362 حصان ولكن للاسف هم مسوين داون قريد لمكينة اللكزس لان مكينة اللكزس عندنا في قطر 362 حصان وفي الواقع لو دخلت موقع اللكزس بتحصل انها 383 حصان تقريبا وهذي حركة مب حلوه لانه لو خربت قطعه في مكينة اللكزس عندها يمكن استبدالها بقطعه من مكينة التويوتا اللي في ال في اكس ار وفي النهاية بيحاسبك على فاتورة لكزس.

اما بالنسبة للنسيان فهو اوبشن وقوة اعلى ولكن في البيعة داق وفي قطع الغيار غالي لابعد الحدود. بس للامانة لو كانت سيارة النيسان غالية وقطعها بس هي الرخيصه وربي ان يصكرون التويوتا.

[لبى آلعرب]

لولا الاذواق لابارت السلع

[AL-Subaey]

نيسان ما عليه كلام عن تجربة

[العساس]

كلهم حلوين والخيار لك

[qatari 111]

النيسان ماعليه كلام رووووعه ومافيه عيوب وينباع بسرعه

[قدام]

الاستخدام (( النسيان )) افضل مشكلته في البيع سعيره ينزل
الاندكرورزر غاااالي ___ واذا شريته جديد بعد شهر لازم تبدل سفايف ههههههههههههههههه
لكن سعره جيد بعد الاستعمال
شكراااااا

[حامدمحمد]

خذ النيسان و انا اخوك . كاني ادور نيسان للبيع

[قناص 787]

نيسان و انت مغمض ....انا بعت لكزس فور ويل و خذت نيسان و لله الحمد ما اشتكيت منه

[3zoz]

السلام عليكم ورحمة الله وبركاته
أخوي الكريم أنا كان عنديVXR 2013 وبعته وشريت نيسان 2014
بصراحه حسيت بفرق كبير من ناحية المواصفات، أنا باعرف اللي ينصح بالكروزر إيش المواصفات اللي فيه (ولا شي)
النيسان: (تشغيل عن بعد)-(كرسي العبري اتوماتيك)-(الباب الخلفي اتوماتيك)-(راحه في الجنبينات)-(ذاكره داخليه للسيديات يخزن 10 سيديات)-(شاشات خلفية).
ال vx-r: ولا شي من اللي مكتوب فوق.
وفي الأخير عليك بصلاة الاستخاره والله يوفقك
ملاحظه هامه: الاخوان اللي ردوا عيك فوق كلهم تجار ويفكرون من الناحيه الماديه وبس هههههههه


:nice::ok::app::app2::thumbup:

نيسااااااااااااااااااااااااان وبس :victory:

[Khaled Qatar]

موتر فخم وراقي وقوي - خلك من الاندكروزر - النيسان مواصفاته حلوه وعزمه قوي وسعره يسوى.

وموديل 2014 الليتات تغير شكلها وصارو led يعني الشكل صار احلى- اذا تقدر تاخذ البلاتينيوم اللي يجيج فول ابشن وجلد من داخل يكون افضل

نصيحه اخذه وانت مغمض وبالتوفيق