ضبط متسولة عربية وبحوزتها 51 الف ريال

[جوال 11]

ضبط متسولة عربية بحوزتها 51 ألف ريال

الدوحة ـ الراية:

سقطت في قبضة رجال إدارة البحث الجنائي سيدة من جنسية عربية أثناء قيامها بممارسة التسول في إحدى المناطق السكنية بالدوحة.

جاءت واقعة القبض على المتهمة عقب ورود عدد من الشكاوى إلى إدارة البحث الجنائي تفيد قيام سيدة ذات ملامح عربية بالمرور على منازل المواطنين والمقيمين في عدد من فرجان العاصمة بغرض التسول من المنازل مستخدمة بعض الأساليب الاحتيالية لاستدرار عطف المحسنين من أفراد المجتمع.

وقد تمكنت إحدى دوريات الإدارة من القبض على المتهمة وبحوزتها مبلغ مالي وقدره (51.791) ريال قطري وهاتف نقال.
خ
وبمناقشتها اعترفت بقيامها بممارستها التسول طلبا للمساعدة المالية، فتم إحالتها للجهات المختصة لاستكمال التحقيق معها.

وتناشـد إدارة البحث الجنائي أفراد المجتمع التعاون مع الأجهزة الأمنية للقضاء على مثل هذه الظواهر الدخيلة على المجتمع من خـلال الإبـلاغ عن أي حـالات تسـول عن طريق التواصل مع / قسم مكافحة التسول على هاتف (2347444 ).

[موظف ((حكومي]

لاحول ولاقوه الابالله

[وطن]

عساهم ع القوة
شفتهم حاطين صورتها امس في تويتر الداخلية

لايكون هذي اللي طلع عنها مسج انها تسحرهم و تخليهم يعطونها كل الكاش اللي عندهم !!!

[moonبنتnight]

جاءت واقعة القبض على المتهمة عقب ورود عدد من الشكاوى إلى إدارة البحث الجنائي تفيد قيام سيدة ذات ملامح عربية بالمرور على منازل المواطنين والمقيمين في عدد من فرجان العاصمة بغرض التسول من المنازل مستخدمة بعض الأساليب الاحتيالية لاستدرار عطف المحسنين من أفراد المجتمع

كان تستخدم أسلوب سحر لتسلب الضحية كل ما يملك .. مفروض يوعون الناس من هل فئة وفي وحدة أعرفها تقول كنت تتسوق في مجمع تجاري كبير و في واحد يدورن يتسول مع أنه هيئته ما يدل على أنه متسول وجاءها يتكلم معاها وتطلسم بعبارات ولا فجأة أفتح شنطة وأطلعت كل لي فيها بدون مقاومة وما تدري شلون عطيته كل فلوس هذي السالفة من العام .. ..

[R 7 A L]

مثل هذي تخلي الناس يمتنعون عن الصدقة
حسبي الله ونعم الوكيل

[بوخالد911]

مثل هذي تخلي الناس يمتنعون عن الصدقة
حسبي الله ونعم الوكيل

هلا بك رحال

ما زلت عند رأيي : أمتنع تماماً عن اعطاء الصدقات لهم
وأفضل حل هو التوجه للجهات الخيرية فقط

[بوخالد911]

عساهم ع القوة
شفتهم حاطين صورتها امس في تويتر الداخلية

لايكون هذي اللي طلع عنها مسج انها تسحرهم و تخليهم يعطونها كل الكاش اللي عندهم !!!

اي نعم

هي نفسها

وصلني البرودكاست من اسبوع تقريبا

الله يحفظ هل قطر من شر الدجالين والنصابين

[ريتويت]

بس 51 الف ريال؟؟؟ تلقون عندها عمارات وشقق وعقارات واراضي وذهب والماس وشنطه جحا وحاجات كتيييره قوي قوي ياجدع .. المفروض يمنعون هالاشكال من كل شي .. حسبي الله ونعم الوكيل

[وطن]

اي نعم

هي نفسها

وصلني البرودكاست من اسبوع تقريبا

الله يحفظ هل قطر من شر الدجالين والنصابين

و انا أقول حق امي هالمسج خرابيط
و الله الحافظ
لا تخافين


طلع صج !!

زين الحين ما تطلسم ع الشرطة و يطلقون سراحها !!

[الفا برافو]

على ذمة الراوي تم اطلاق سراحها بكفاله... هذي مفروض ابعاد اداري على طول :anger1:

[بوخالد911]

على ذمة الراوي تم اطلاق سراحها بكفاله... هذي مفروض ابعاد اداري على طول :anger1:

ان شاء الله الخبر غير صحيح

تسفيررررررررررررررررررررررررررررررر ع طووووووووووووووووووووووووووول

[العلياا]

نفس اللي جاني في سوق واقف لابس لبس اقطري يطلب فلوس ومعروف هو من وين !!

حسبي الله عليهم

[دااانة قطر]

انصدمت







و انا أقول حق امي هالمسج خرابيط
و الله الحافظ
لا تخافين


طلع صج !!

زين الحين ما تطلسم ع الشرطة و يطلقون سراحها !!


بصرااحة لازم يشددون ويوفرون دورياات في كل المنااطق لأنها فترة بيهدون فيها وبيرجعون لخبثهم
الله المستعاان

[دااانة قطر]

على ذمة الراوي تم اطلاق سراحها بكفاله... هذي مفروض ابعاد اداري على طول :anger1:

على اي اساااس ؟؟؟؟

[مرتبش]

ان شاء الله الخبر غير صحيح

تسفيررررررررررررررررررررررررررررررر ع طووووووووووووووووووووووووووول

ان شاء الله سجن اول حسب القانون ( احتيال ومزاولة السحر) ولما تنقضي كامل العقوبة تسفير

[توشيبا]

ان شاء الله سجن اول حسب القانون ( احتيال ومزاولة السحر) ولما تنقضي كامل العقوبة تسفير

مافي نص يختص في مزاوله السحر

بس تدخل في تهمه النصب والتحايل واكل اموال الناس بالباطل


لاحول ولاقوه الا بالله

[توشيبا]

على اي اساااس ؟؟؟؟

اذا الاشخاص اللي بلغو عليها رفضو يجون يقدمون شكوي في المركز

وتغير اقوالها انها ماسويت شي تطلع بدون اي تهمه

[(بوطلال)]

51 الف ريال شتسوي هالايام . اذا كان كل ماتملكه 51الف ريال فهي محتاجه ويمكن وراها مريض تعالجه او ولد تبي تزوجه او او .51الف ريال ماتجيب ساعه كشخه هالايام.

واخوي الي قال مايعطي الفقارى في الشارع بسبب هذي الاشكال يتذكر حديث الرسول صلى الله عليه وسلم في الذي تصدق على غني وزانيه وحرامي.

[كازانوفا]

51 الف ريال شتسوي هالايام . اذا كان كل ماتملكه 51الف ريال فهي محتاجه ويمكن وراها مريض تعالجه او ولد تبي تزوجه او او .51الف ريال ماتجيب ساعه كشخه هالايام.

واخوي الي قال مايعطي الفقارى في الشارع بسبب هذي الاشكال يتذكر حديث الرسول صلى الله عليه وسلم في الذي تصدق على غني وزانيه وحرامي.

الله المستعان

ما عدنا نعرف كيف نتصرف مع هاي الناس نعطي والا لا
بس بالنسبه لي وبالاخير الاجر من رب العالمين
كذابه على نفسها صادقه على نفسهااا

[S S]

في جمعيات خيريه تتكفل بالموضوع وفق الضوابط اما امشي واستغل طيبه الناس هذا موضوع ثاني

[مختلفة عقليا]

السلام عليكم ,’

انما نطعمكم لوجه الله .,

اي وحده ادش بقضيه نصب واحتيال وتسول وخصوصا تسول ., تسفيررر تايم ., :nice:

ويسلموو ,.

[أسد الجزيرة]

51 الف مدخول يوم من الطرارة !!

[partyQtr]

51 الف @@ ماشاءالله انا موظفه صارلي 8 سنين وفي حسابي ماعندي ولى حتى ربع هالمبلغ

في الفتره الاخيره كثروا ويخرعون كم مره يصيدني موقف معاهم ودوم عند ال atm مره وحده

تقولي تعالي بقرالج في خبر في يبهتج ماادري في راسج ومره وحده كانت تكلم اماراتي يابلفيت

يات من الامارات لناس وماحصلتهم وتبيني اعطيها 5000 ومره اللي ولدها مريض غير اللي

يجون البيت ويفلمون علينا وماشاءالله كلهم من جنسيه وحده كثروا في الفتره الاخيره

[يمامـة]

لا حول ولا قوة الا بالله

[امـ حمد]

حسبي الله ونعم الوكيل
51 الف وللحين تتسول ماشبعت تسول
الحمد لله انهم قبضوا عليها

[لاجل QT]

العقاب ليس كافي لحل المشكلة

يجب القضاء على المشكلة

بتوفير عمل

رفع اسمائهن الى المؤسسات الخيرية

جلب شيوخ لهم لارشادهم وتوجيهم بان هذا الشي منافي للدين والشرع

غرس في نفوسهم السعى والتوكل وعدم الاتكال

بعد السجن ممكن تعاود الكرة اذا ماتم توجيهم بالشكل الصحيح

[alsoq]

على ذمة الراوي تم اطلاق سراحها بكفاله... هذي مفروض ابعاد اداري على طول :anger1:

دام اطلقوا سراحها ليش تعاون وفي الاخير بتطلع
مفروض تسفير على طول

[جوال 11]

تعاون الجميع من مواطنين ومقيمين وعدم التعاطف مع هذه الفئة للقضاء على هذه الظاهرة وابلاغ الجهات المسؤلة في الدولة من خلال رقمهم المكتوب في الخبر كثير منهم قد تسول له نفسه ويسرق اذا دخل بيت وما وجد احد في البيت ومعظم البيوت مفتوحة والبعض مشغول في الغرف .
الله يحفظ الناس منهم

[طلعة الروح]

لا حول ولا قوة الا بالله، بعض اللي يطلبون ما تقدر تردهم لأن من كلامهم تحسهم حدتهم الظروف ع الطلب ممن الناس ف تعطيهم وتحتسب الأجر ، وفي اشكال أطنشهم من اول مرة
خصوصا اذا الظاهره تكررت من نفس الجنسية ونفس المكان اللي يطلبون منه.

[alsoq]

ياما متسولات ماتوا لقو عندهم ملاين

اذا في مصر تجمع ملاين ما بالك الخليج:)

[أخت الكل]

استغفر الله مالهم حق ينشرون صورتها والله أمر بالستر

[meme-93]

المشكله يوم يطلبون يكسرون الخاطر ولو ماكسروا الخاطر ماحب احط بذمتي انهم كذابين
صار لي موقف من كم سنه
دايما اشوف شيبه يطلب الناس فمكان معين
دايما احقره ماعطيه شي ومره عطيته ،، ولفيت ظهري ومشيت للسياره بعد ماركبت السياره والله اني شفته رافع يده يدعي
من يومها ماحرم نفسي من هـ الدعاوي يعني كم بتعطون ريال ريالين عشر ! خمسين!
الكذاب ربه بيحاسبه وايد ناس تبوقنا ونسكت جات عليهم واخر شي مب خسرانين شي اهم شي النيه الطيبه والله
لاتشجعون بعض لاتعطونهم ولاتعطونهم واشتكوا عليهم ،، ماتدرون لو محتاجين صج وقطعتوا رزقهم يدعي عليكم

[بصمة قطرية]

هلا بك رحال

ما زلت عند رأيي : أمتنع تماماً عن اعطاء الصدقات لهم
وأفضل حل هو التوجه للجهات الخيرية فقط
و أنا من رايك ..

حسبي الله و نعم الوكيل عليها ،،

[بوخالد911]

و أنا من رايك ..

حسبي الله و نعم الوكيل عليها ،،

أشكركم جداً

[أسد الجزيرة]

قبل كنت أدوارهم دوارة عشان أتصدق و احس بمتعة يوم أتصدق الحين فقط للجمعيات الخيرية و هم و ذمتهم

[معماري قطري]

دام اطلقوا سراحها ليش تعاون وفي الاخير بتطلع
مفروض تسفير على طول

والله حالة تعاونوا وبلغوا وفي النهاية بنهدهم يرعون مرة ثانية

أَمثال ذيلا ينسمون لاجئيين وينعمل لهم معسكر خاص لسبب مشاكلهم الكثيرة .. ولحصرهم وتوجيه المساعدات لهم عن طريق الجهات الخيرية ومن عندهم اقامة زيارة وبلادهم أَمان يتسفرون من أَي مشكلة أَمنية.

انا من بنيت وسكنت بروحي ما ركبت جرس لوجود التلفونات عند الكل والجرس بيستغلونه اللي ما عندهم سالفة، وأَهل الدعايات في ازعاج أَهل البيت وما يجي من وراهم من مشاكل محد يعرفها .. وركبت باب برموت كهربائي .. وأَخيراً ركبت كاميرات في الحوش وعند الباب احتياط لفعايل الخدم.

[راشد محمد]

حسبي الله و نعم الوكيل عليها

[دااانة قطر]

المشكله يوم يطلبون يكسرون الخاطر ولو ماكسروا الخاطر ماحب احط بذمتي انهم كذابين
صار لي موقف من كم سنه
دايما اشوف شيبه يطلب الناس فمكان معين
دايما احقره ماعطيه شي ومره عطيته ،، ولفيت ظهري ومشيت للسياره بعد ماركبت السياره والله اني شفته رافع يده يدعي
من يومها ماحرم نفسي من هـ الدعاوي يعني كم بتعطون ريال ريالين عشر ! خمسين!
الكذاب ربه بيحاسبه وايد ناس تبوقنا ونسكت جات عليهم واخر شي مب خسرانين شي اهم شي النيه الطيبه والله
لاتشجعون بعض لاتعطونهم ولاتعطونهم واشتكوا عليهم ،، ماتدرون لو محتاجين صج وقطعتوا رزقهم يدعي عليكم


مو مشكلة بنسااعد اللي صج هيئته تدل انه محتااج
اما تجيني وحده وتدخل لي السوق ولا المحل ويدها مضااعد ذهب وخوااتم وغيره وتطلب مني بصرااحه عاادي اقول لها بيعي اللي في يدج اما اعطيها وهي ماشاااء الله عباايتها كشخة ومتعطره ومتحنية شدعوه يا ويه استح

[زمن العجائب]

لاحول ولاقوه الا بالله العلي العظيم

[فلتة زمانها]

بس شلون تسحرهم في خمس دقايق
اخبر السحر يمر بمراحل ولازم تعرف اسم الام ومن هالخرابيط
بصراحه اشفق عليها ما ندري شالظروف الي حدتها للتسول
واقترح لو هي فعلا محتاجه وندمانه عاللي سوته ياليت حد يوفر
لها فرصة عمل تترزق منها وتستر على نفسها