(فيديو) شيخ مسن كويتى مثقف جدا .. فعلا عمله نادره!!

[Abdulla Al.F]

السلام عليكم و رحمة الله و بركاته

طبعا مشركاتي في قسم الحوار العام قليله
بس حبيت اشاركم مقطع عجبني على اليوتيوب و يستحق النشر

http://tini.ly/MulSF


ولكم الكلمه :telephone:

[رجل الجزيرة]

ما شاء الله ولا قوة إلا بالله، أسأل الله له ولنا حسن الخاتمة.

[qatar i]

ماشاء الله عليه وكانه تكلم بلغه اعتقد روسيه بس ماعجبني رد المذيع لما قال انا مش عاوز داعيه اسلامي الله يهديه

[أخت الكل]

فعلا صدق فرق بين قيمة المسجد وقيمة المال
الله يبارك له فيما تبقى من عمره


والله يخلي لنا ويخلي لكم من تبقى من الشيبان ويطول بأعمارهم

[تغلبية]

،

سمعت منه شعر .. معانيه رائعة جداً .. ما مر علي من قبل .. :shy:

في تقديري من سعة ثقافته ... للـــــه درّه



أبيات الذبياني ...


نَفْسُ عصامٍ سوّدَتْ عِصامَا ....... و علمتهُ الكرّ والإقداما

وصَيّرَتْهُ مَلِكاً هُمَامَا........... حتى علا ، وجاوزَ الأقواما



وأبيات أحمد شوقي ..


المالُ حَلَّلَ كُلَّ غَيرِ مُحَلَّلِ .... حَتّى زَواجَ الشيبِ بِالأَبكارِ



شكراً على الموضوع ..


،

[بوحارب]

سمعته من فتره وكلامه صحيح

الله يحفظه

بش الكلمات الاخيرة اللي قالها بأي لغه؟؟

[النهار]

الله يحفظه

[راشد محمد]

الله يحفظه

[Stranger Man]

لمن يود معرفته
فهو الشيخ خليل ابراهيم حبش، كويتي الجنسيه
انسان متعلم مثقف
حاصل على البكالوريوس والماجتسير في اللغة الانجليزية والعلوم السياسيه من كلية غوردن كولج الامريكية في باكستان
وعمل اربع سنوات سكرتير في الامم المتحدة بنييورك بالستينيات
والحمدلله التزم وانضم لجماعة الدعوة والتبليغ اواخر السبيعينيات
ومن وقتها وهو يدعو لله سبحانه وتعالى
يجيد اللغه الانجليزيه، الفرنسية، الروسية، البنغالية، الفارسية، وبعض التركية
والان هو مترجم في اكبر مساجد الكويت للوفود الغربية
حفظ الله الشيخ خليل حبش واطال الله عمره

[ولد العرب]

احد يفهمني وش يقول جزاكم الله خير

[w.qatar]

ما شاء الله عليه الله يعطيه الصحه و العافيه حبيت هالشيبه الله يطول بعمره احس سوالفه حلوه

هالمذيع عبيط بس برنامجه رووعه كل حلقه في بلد ينعرض على قناه روسيا اليوم

[تغلبية]

احد يفهمني وش يقول جزاكم الله خير

أبشر ياولد العرب .. ماطلبت شي

:



المذيع كان يسأل الشايب عن المسجد

الشايب يأشر على المبنى المقابل ويقول هذا بنك برقان .. وجنبه هذي بورصة الكويت .. حيث عواطف البشر وهو مربوط بالمسجد

المذيع ما فهم المغزى قاله أنا أسألك عن المسجد .. وأنت تسوي لي دعاية عن البنوك


رد عليه الشايب يقوله شفت هالمباني .. هذا بنك برقان وهذا بنك .. وكل بنك باسمه


عصب المذيع وقال انا ابي أحد يفيدني عن المسجد

رد الشايب .. قاله البنوك الحين صارت أعلى من المساجد .. لأن الناس تعلقت قلوبها في الفلوس ..

الناس صارت عواطفها تصعد وتنزل مع مؤشر البورصة


صار البنك أهم من المسجد بالنسبة لهم .. قيمة المسجد تدنت وقيمة البنك هي المرتفعة

إنه المال ..


المالُ حَلَّلَ كُلَّ غَيرِ مُحَلَّلِ .... حَتّى زَواجَ الشيبِ بِالأَبكارِ




if you have money you are funny (يعني اذا عندك فلوس .. تصير لطيف وظريف ويحبونك الناس.. واذا ماعندك .. فانت ولا شي)




انبسط المذيع وتفأجأ من الربط بين المسجد والبنك .. وضحك

وقاله الشيخ انت نفسك حلوة ..

نَفْسُ عصامٍ سوّدَتْ عِصامَا ....... و علمتهُ الكرّ والإقداما


ووصاه بالمحافظة على الدين


عقب قام يرطن الشيخ بالروسي مادري شيقول !!


وخلصنا :)