مطلوب مشورة اخواني في افتتاح مغسله سيارات

[soso22]

:ok:
السلام عليكم ورحمة الله وبركاته
اخواني وخواتي ابغي مشورتكم في فتح مغسلة سيارات كاول مشروع لي لاني اشتغل من 17 سنة وماعندي اي مشروع لو صغير للمستقبل
ففكرت بهذا المشروع لاني اشوف مغاسل السيارات ربحانه ومايلحقون من كثر الشغل بس ماعندي اي خلفيه عن التجارة وكيف اخذ سجل تجاري وهل يعطون حق مغسلة سيارات ومن وين اشتري مكاين الغسيل من الدوحة اومن خارجها وكم الميزانية اللي تكفي وكم عامل يكفي ومن اي جنسية وهل هو مشروع ناجح في اعتقادكم
ياليت احد يرد علي ويساعدني بمشورته واقتراحاته وياليت من الاشخاص اللي عندهم مغاسل السيارات وعارفين المشاكل اللي واجهتهم

[soso22]

اخواني وخواتي كل هالمشاهدات ولا احد رد علي

[شموخ دائم]

,


,


مرحبا


مشروع طيب ان شاء الله

اخذ الامور على قوله اخوانا الهنود ( تورا تورا )
:)
شوي شوي

نبتدي من السجل التجاري
لانه الاسهل
وبعدها الاصعب وهو ( ترخيص البلديه ) والمكان

وخير من يفيدك هو الاخ رحال

اما المكائن والعمال موضوعهم سهل ان شاء الله

,

,

اخوك


شموخ دائم

[soso22]

جزاك الله خير اخوي شموخ دائم وماقصرت على الافاده بس ماقلت لي يعطون ترخيص لمغسلة سيارات ولالا وياليت يرد علي ويفيدني في التفاصيل اخوي الرحال

[بن جعران]

ما يعطون وانا اول من فكرت فالمشروع يا اخوي
وكان نااجح بس حاليا فاشل

واتوقع راح يتم ازاله جميع المغاسل

[soso22]

جزاك الله خير اخوي بن جعران وماقصرت على الرد بس ماتدري ليش المشروع الحين فاشل وهل معقولة بيتم ازالة جميع المغاسل

[soso22]

اخواني مازلت انتظر ردودكم

[عاشق العديد]

من وجهة نظري اشوف انه المغاسسل لها نسبه ربح حلوه ..
والطلب عليها زايد ..
لكن مش اي مغسله .. المغاسسل الي خدمتها مميزه والي تخدم سيارات اكثر في نفس الوقت .. اشوفها انه هي المناسبه .. والممكان ترى يلعب دور ..

[qatar.syria]

ارجوكم يا أخواني يكفي مشاريع قديمة عفا عنها الزمن .... مغسلة سيارات ، مغسلة ثياب ، سوبر ماركت، فحص سيارات .........
ارجوكم فكروا بمشاريع جديدة .... مشاريع جديدة .... افكار جديدة .... غير موجودة في قطر
أو فكروا في مشاريع توصل للعالم كله وليس قطر او الخليج وحده ...
بهذه الطريقة فقط تكبر مشاريعكم وتربح وتصيروا مليونيرية
اما فكرة مشروع مغسل سيارات ومغسلة ثياب فأقصى الطموح فيها هو ان يصبح لديك محل يدر عليك شهريا مبلغ 8000 ريال ربح صافي ....
أما المشروع بفكرة جديدة فمثلا شركة واتس اب والتي انباعت بمبلغ 19 مليار دولار فقط.
أما المشاريع العالمية مثلا صب واي والذي عنده حاليا ما يزيد عن 40 الف فرع على مستوى العالم وثروة مالكه تزيد عن مليارين دولار
ارجوكم فكروا بالجديد والبعيد المدى

[BoFahed]

ارجوكم يا أخواني يكفي مشاريع قديمة عفا عنها الزمن .... مغسلة سيارات ، مغسلة ثياب ، سوبر ماركت، فحص سيارات .........
ارجوكم فكروا بمشاريع جديدة .... مشاريع جديدة .... افكار جديدة .... غير موجودة في قطر
أو فكروا في مشاريع توصل للعالم كله وليس قطر او الخليج وحده ...
بهذه الطريقة فقط تكبر مشاريعكم وتربح وتصيروا مليونيرية
اما فكرة مشروع مغسل سيارات ومغسلة ثياب فأقصى الطموح فيها هو ان يصبح لديك محل يدر عليك شهريا مبلغ 8000 ريال ربح صافي ....
أما المشروع بفكرة جديدة فمثلا شركة واتس اب والتي انباعت بمبلغ 19 مليار دولار فقط.
أما المشاريع العالمية مثلا صب واي والذي عنده حاليا ما يزيد عن 40 الف فرع على مستوى العالم وثروة مالكه تزيد عن مليارين دولار
ارجوكم فكروا بالجديد والبعيد المدى

يعني اخوي شنو تتوقع تكون مشاريعنا مع الغلا الفاحش في الايجارات والتضييق في الجوازات بتحديد جنسيات معينة !!!!!!!!!!!!!!!!!!!!!!!!!!

بعض الاخوان راس ماله 200 ولا 400 ولا 600 الف ريال ليش نكسر مجاديفه حق طبيعي يكون له مصدر ثاني وشي ضروري بانه تقلل التضخم واحتكار العقارات لينتفع جميع الشعب واعطاء الفرص بالتساوي

[qatar.syria]

يعني اخوي شنو تتوقع تكون مشاريعنا مع الغلا الفاحش في الايجارات والتضييق في الجوازات بتحديد جنسيات معينة !!!!!!!!!!!!!!!!!!!!!!!!!!

بعض الاخوان راس ماله 200 ولا 400 ولا 600 الف ريال ليش نكسر مجاديفه حق طبيعي يكون له مصدر ثاني وشي ضروري بانه تقلل التضخم واحتكار العقارات لينتفع جميع الشعب واعطاء الفرص بالتساوي

أخي بوفهد اسمع هالقصة :
واحد من الاخوة القطريين حب يفتح مغسلة ثياب ..... طبعا هذا مشروع عادي جداً ولكنه أضاف عليه فكرة جيدة وهي وضع صندوق خشبي على باب بيوت الناس يلي يتعاملون معه عشان يوضعون فيه الثياب المتسخة وهو يرسل سيارة من عنده من المحل يجمع الملابس ولما يغسلها ويكويها يردها على نفس الصندوق.
هذه فكرة ممتازة وصاحب هالمشروع بعد فترة توسع مشروعه وصار عنده عدة فروع.
يا أخي انا اقصد افكار جديدة مثل هذه ....
ولكن افكار كلاسيكية انا اضدها تماما ..
وانا اريد من الاخ السائل صاحب السؤال ان يفكر بفكرة جديدة للمشروع ..... ولو يحب نشاركه بالافكار والله انا جاهز وارجو من الجميع المساعدة

[soso22]

جزاكم الله خير اخواني اللي ردوا علي وياليت اخوي qatar.syria تعطينا من افكارك المتميزة

[qatar.syria]

جزاكم الله خير اخواني اللي ردوا علي وياليت اخوي qatar.syria تعطينا من افكارك المتميزة
أخي الكريم لو بدك فكرة مميزة لمشروع مغسلة سيارات روح عالرابط التالي (http://www.aswaqy.com/ar/index.php?option=com_adsmanager&page=show_ad&adid=1225&Itemid=0)
طبعا انا لا ادعوك تشتري من عندهم ولكن لماذا لا تفكر بفكرة جديدة مثل هذه ،،،، ترى هالمشروع غير موجود بالدوحة وهو بالاصل مشروع مغسل سيارات.

[قدام]

البلد فيهااا. خير
و اغلب المشاريع. رباحنه. بس المشكلة الإجارات غاليه ... يعني. بتأخد محل باب او بابين
بالراحة. ظ£ظ* الي ظ¤ظ* الف الإيجار ....
بعدها بيكون صعب النجاح ..... فكر في مشروع بدون ان تأخذ محل او مكتب .مثلا المعدات الثقيلة .شغاله و المشاريع العملاقه قادمه في الدوله ..مثل شيول او حفار .. مت يحتاج منك اللي السايق فقط
الله يوفقك

[qatar.syria]

البلد فيهااا. خير
و اغلب المشاريع. رباحنه. بس المشكلة الإجارات غاليه ... يعني. بتأخد محل باب او بابين
بالراحة. ظ£ظ* الي ظ¤ظ* الف الإيجار ....
بعدها بيكون صعب النجاح ..... فكر في مشروع بدون ان تأخذ محل او مكتب .مثلا المعدات الثقيلة .شغاله و المشاريع العملاقه قادمه في الدوله ..مثل شيول او حفار .. مت يحتاج منك اللي السايق فقط
الله يوفقك
كلام جميل الله يوفقك
فعلا المشكلة في اي مشروع بالدوحة هي الايجارات المبالغ فيها
الحل كما تفضلت بالتفكير بمشاريع لا تحتاج إلى مكاتب او ستورات او صالات عرض وبالتالي زيادة نسبة نجاح المشروع

[قدام]

قطر سوريا .. شكرااا علي تعليقك الطيب

انا اتوقع البيع و الشراء افضل و فيه بركه ..
بس المهم ان تتوفق في البضاعه المرغوبه و اللي تقدر تصرفها بسرعه
مثلااا استيراد مواد من الخارج .. اي مواد شرط التسويق
الله يوفق الجمبع

[محلل واقعي]

السلام عليكم حببت اشارك ويمكن اكون متأخر فكره المغسله حلوه بس لازم اداره عدله والمشكله الحين مب في الرخصه المشكله في راعي المبنى الي لو درى انك تبي تفتح مغسله مراح يوافق للاسباب هاذي تاثير الماي ع البنيان والزحمه الي بتضر الطريق والمحلات الي جنبك فكرتي لك او نصيحتي تاخذ ارض وتسويها هنغر طبيله وتحتها اجهزه تكثف الماي وتوفر وقت وجهد ومال وماء تخيل بلتير ماي تغسل اربع سيارات والمشروع موجود في جده المعدات لها وكاله عندهم والله يوفقك

[طبيب قطري]

بالتوفيق اخوي

[تأملات]

اخوي رخص مغاسل السيارات. يعتبر استثمار ولكن المشكلة في المكان وقيمة الأجار اولا كل شي كم ميزانيتك وبعدها تقدر تتحرك
لول مكانك. بحط اعلان في الجريدة. عن شراء مغسلة سيارات. وفي هذا الحالة تشوف اربحها. الشهرية. وتشوف كم الفرق بين ميزانيتك ( راس المال) وبين سعر المغسلة في حالة الشراء. وأحسبها صح.
مثلا راس مالك 250 الف. سعر المغسلة تباع مثلا 350 الف. اشتر وانت مغمض
لو شفت السعر مبالغ فيه شوف بنفسك محل لكن من الاخيرة بتتعب وأفضل. اعلان في الوسيط او وسيط عقاري مؤتمن

بالتوفيق