مركز الغويفات

[ضاحي]

السلام عليكم ورحمة الله وبركاته سمعت ان اي قطري يسافر عن طريق البر الى الامارات يتم تفتيشه ذاتي ويختم جوازه مع الاجانب يعني ينزل من السياره ويختم جوازه من مبنى الجوازات وفي الجمارك يفتش ذاتي وينزل اهل وتفتيش حتى جواله اذا له صله بتويتر . سؤالي هل هذا الكلام صحيح وله اشاعه لاني بكره بسافر الامارات عن طريق البر؟؟ اذا الكلام صحيح افيدوني وجزاكم الله كل خير

[بانغ بانغ]

غير اسمك وعقب باجاوبك

هههههههههه

هذا من زمان الشيخ

[بوخالد911]

الله أعلم
بس بالمطار توو الأهل سافروا
المعاملة جداً عادية
ولا شي من الخرابيط اللي بعض الناس يطلقونها

[مشاكل]

يعني لازم مع كل اجازة تسافرون ؟
فديت الدوحة والله ماافكر اسافر الا للضرورة

[احساس غريب]

انا شخصيا صار معاي هالموقف مب فلان قال انا أقولك نزلوني انا ورفيجي مع الأجانب ويا جماعة الخير ترى المطار مافيه شي على ما سمعت لكن مركز الغويفات انا نزلوني مع الأجانب !!

[تاجر كشخة]

يا حبكم للكذب والاشاعات

[BoFahed]

اخوي انا الاسبوع اللي طاف مار بالمركز مع الاهل وعاملوني بكل احترام ومودة( حياكم الله ، شخباركم ) الجوازات والجمارك

بس الواحد يسمع لكن الواقع مختلف واتوقع انه تعتمد علا شخصية الموظف لانه قبل شهر رجعت من عمان بموتري مع واحد من الربع وقفونا مركز حتا ونزلوا اغراضنا وفتشونا ذاتي وحتا اوراق بدرج الموتر فتشوها !!!! يعني تعتمد علا الموظف بس هذيلا حالات شاذه

[بوخالد911]

انا بسافر بيوم الجمعة لدبي بالمطار
وبنقل لكم بكل صدق اللي بيصير

[إعلامي قطر]

..

العجيب في بعض الردود إن اللي ماصاده
موقف سلبي يكذب البقيه أو يعتبرها إشاعه !!

عموماً فيه ناس راحت أكثر من مره وبكل مره معامله
مختلفه والوضع يعتمد على عدة ظروف ومتغيرات..

وصدقاً أنصح إللي ماله حاجه أسلم له مايروح
الإمارات بهالفتره خاصة إللي متفاعلين بشكل
مبالغ فيه بالسوشال ميديا لأن الواحد ماعاد
يضمن شنهي مفاجآتهم الله يهديهم يارب..

..

[راجو قطر]

يربع انا رحت من اسبوع ونص وقالي انت قطري قلتله اي نعم قالي روح حدث بياناتك داخل ورحت حدثت بياناتي وانا ماشي

[سهم ماينزل]

ما فيه أي شيء

[cabtan1]

اشاعات وان حصلت فهي حالات فرديه

[بنتلي]

لا مش اشعات هذا الكلام صحيح اذا كنت مسافر عن طريق البر بفتشونك تفتيش ذاتي وتروح داخل مع الاجانب وا ماتقدر ادخل الخدامه معاك
بس اذا سافرت عن طريق مطار دبي كل شي عادي وا تقدر تدخل بلبطاقه حتى

[Bozizoo]

انا سافرت من اسبوعين بالسياره الى الامارات
وكل الامور طبيعيه جدا
لا تفتيش ذاتي ولا نزلونا مع الاجانب ولا خرابيط

[بوخالد911]

انا سافرت من اسبوعين بالسياره الى الامارات
وكل الامور طبيعيه جدا
لا تفتيش ذاتي ولا نزلونا مع الاجانب ولا خرابيط

جااات معاك سليمة

والبعض الآخر تعرض للتفتيش

هي ع حسب مزاج موظفين الجمارك

[qatary1]

انا سافرت قبل 3 اسابيع ومن 3 ايام بعد سافرت
والله ماحصلت اي مشكله في مركز الغويفات معامله طبيعيه ولا نزلت المبنى ولا حدثت بياناتي
ومراكز السعودية معاملة راقية جدا وتسهيل لابعد الحدود جزاهم الله خير

[همر]

الزميل يقول نزلوه في مبنى الاجانب الظاهر

يشيكون على اللي يكتبون في تويتر

اذا مانزلوك الظاهر شكلك مب تويتري ...

ولا وش قولك يا زميل ؟

[BoFahed]

الزميل يقول نزلوه في مبنى الاجانب الظاهر

يشيكون على اللي يكتبون في تويتر

اذا مانزلوك الظاهر شكلك مب تويتري ...

ولا وش قولك يا زميل ؟


الله المستعان بس صج صار الوضع يقلق انا الاسبوع اللي طاف عطيت كونتر الجوازات في الغويفات جوازي والاهل شوي قام وراح يشيك علا الجواز بكمبيوتر ثاني انا تخرعت :omg: وقمت اقول لام فهد الله يستر رحنا فيها المهم الموظف رجع وطالعني وهو يضحك قالي انا رحت كمبيوتر ثاني علشان اللي عندي ما شبك !!!!!!!!!!! شلون تعاملوا السعود ية معاكم ؟؟ قلتله : الحمد لله الامور طيبة
الصراحة تفشلت واي لانه سمع كلامي هههههههههههه وانر اشوف مافيه داعي المبالغة

[رجل الجزيرة]

يا جماعة الخير:

لا خوف ولا حاجة ومن حق أي موظف سواء في الجوازات أو في الجمارك يعمل إجراءاته ومادام الأمور طبية فخلوها طيبة، ومثل ما إذكروا الإخوان يمكن تكون حالات فردية، وسلامتكم.

[مستـريــح البـــال]

اخوي توقع اي شي وحط في بالك اي موقف..

ومثل ما قالوا الاخوان ممكن تصرفات فرديه..

مثلا أنا وأيد أسافر الامارات بر، وما جفت منهم الا كل خير، بس مره من المرات ( قبل سنه ونص) طلعلي المحقق كونان..

وبدأ ليش وليش وياكيف وعدد علي كان واخواتها..

ونزل هلي غرفة تفتيش الحريم..

لدرجة قام يبي يعرف استخدامات الادويه وأسبابها..

يعني ممكن يكون هالشي من الشخص نفسه، او لشيئ في خاطره..

وقانونيا ما نقدر نقول غير يؤدي واجبه..

[احساس غريب]

يا حبكم للكذب والاشاعات
تقصد منو يااخوي تاجر؟؟
عالعموم الشرهه والله على اللي يرد ويوضح وانا اقولكم والله انهم نزلوني انا ورفيجي صوب الاجانب وختمنا تبون تصدقون يامرحبا ماتبون ياخوي السكوت ارحم ..
بعدين انتو تقولون تحديث بيانات زين ليش مايسوون تحديث بيانات ف مطار دبي؟؟
وبخصوص تويتر والله لاعندي حساب ولا اعرفله زين مني اكتب ف المنتدى ..

[بومحمد المطاوعه]

ياجماعه

بقولكم المواقف الموثوقه


امي واخوي سافرو من مطار الدوحه لمطار دبي

واجمل معامله حصلوها ف مطار دبي

حلوو

ولد عمي سافر مع اخته

وحصل اهانه في مطار دبي

قاله الموظف انت من وين
قاله من قطر

قاله مناك مناك ويصارخ
يقول خذت اختي وحولونه جنسيات اخرى

هاي في مطار دبي

على حسب الاشفات والموظفين


في مركز الغويفات

يوم الحدث

عديلي كان موجود وحصل احسن معامله
لاتفتيش ولا نزل من موتره

الاسبوع الي بعد الحدث
الربع راحو

نزلوهم وحولوهم جنسيات اخرى
وتفتيش السياره 100%

الله المستعان
وبعض الشباب سافرو والاجراء عادي



كلها على حسب الشفت والموظف فقط

مافي شي رسمي من هالقرارات


ولاكن اذا تم تحويلك الى قسم جنسيات اخرى
لين ترجع الدوحه
في مركز بوسمره تسوي وتكتب شكوى

واذا فالمطار نفس الشي تكتب شكوى


والله المستعان

[بومحمد المطاوعه]

عيل اذا سالفه تويتر

هههههههه رحت وطي انا

لاني راص ضاحي خلفان على اذنه رص ف تويتر

واسكت كم اماراتي يألف ويفتن ويطلع سوالف من عنده

شكلهم حاطين علي امر قبض

[رجل الجزيرة]

عيل اذا سالفه تويتر

هههههههه رحت وطي انا

لاني راص ضاحي خلفان على اذنه رص ف تويتر

واسكت كم اماراتي يألف ويفتن ويطلع سوالف من عنده

شكلهم حاطين علي امر قبض

إذا هكروا على إميلك، فعلا رحت وطي.

[Aaziz]

اروح جنسيات اخرى و انا ابتسامه من الاذن للاذن ،، سواد الوجه على الموظف الي مداوم
وواضح جدا ان الموظف الي يسوي هذي الحركه و يرفع صوته واضح ان غرضه هو استفزاز المسافر و دفعه للغلط كرده فعل

[بوخالد911]

عيل اذا سالفه تويتر

هههههههه رحت وطي انا

لاني راص ضاحي خلفان على اذنه رص ف تويتر

واسكت كم اماراتي يألف ويفتن ويطلع سوالف من عنده

شكلهم حاطين علي امر قبض

لا

تحمل

بتكون مراقب
وبيحطونك ببالهم

وحضرتك حاط اسمك بعد !!؟؟؟

[ابن الرومي]

يا جماعة الخير
توني جاي من الامارات والامور طيبة
ومعاملتهم ممتازه والله شاهد
شعب طيب والدم واحد
والمسلم ما يضر اخوه المسلم
وازمه انشاء الله بتعدي
يعني نحن والله نقابل الامارتين بصدر رحب عندنا وما نفكر بهذه الحساسيات
وهم بعد مقابلتهم طيبه مثل ما شفت في الامارات
ونحن لازم نهدي وكفايه اشاعات

[بومحمد المطاوعه]

يا جماعة الخير
توني جاي من الامارات والامور طيبة
ومعاملتهم ممتازه والله شاهد
شعب طيب والدم واحد
والمسلم ما يضر اخوه المسلم
وازمه انشاء الله بتعدي
يعني نحن والله نقابل الامارتين بصدر رحب عندنا وما نفكر بهذه الحساسيات
وهم بعد مقابلتهم طيبه مثل ما شفت في الامارات
ونحن لازم نهدي وكفايه اشاعات


ياخوي مب اشاعات رجاءآ


احمد ربك انك عديت على خير

اذا انت عديت على خير قول الحمدلله

غيرك ما عدا على خير


ف الحمدلله ان امورك طيبه
والي قابلوك في المركز طيبين

لو جاك واحد فيه حقد

والله لو يدخلك تفتيش ذاتي ماتقدر تقول لا

حتى لو في مركز بوسمره

[بومحمد المطاوعه]

إذا هكروا على إميلك، فعلا رحت وطي.

لا الحمدلله مب مهكر

ولا اتكلم الحين ف تويتر
قاطعه من فتره

بس اطرش اسلاميات عليه

[بومحمد المطاوعه]

اروح جنسيات اخرى و انا ابتسامه من الاذن للاذن ،، سواد الوجه على الموظف الي مداوم
وواضح جدا ان الموظف الي يسوي هذي الحركه و يرفع صوته واضح ان غرضه هو استفزاز المسافر و دفعه للغلط كرده فعل



ههههههههه اي والله
لو انا رحت بروح ولا بفتكر

كلنا بني ادم
وكلنا من تراب

والحمدلله ولا بعارض ولا شي

لو قالو بنسوي لك بصمه عين بقولهم عادي ولو تبون بصمه ركبه بسوي
ههههههههههههههه :discuss:

[بومحمد المطاوعه]

لا

تحمل

بتكون مراقب
وبيحطونك ببالهم

وحضرتك حاط اسمك بعد !!؟؟؟


اي والله اسمي وصورتي ههههههههههه

ياريال ولا افتكر فيهم

[بومحمد المطاوعه]

والله مستغرب من كم شخص فالمجلس

اقولهم

الربع وولد عمي صار معاهم مواقف سلبيه

يقولون مانعتقد

يعني شنو جذابين الي قالو لنا

والي كاتب شكوى في مركز بوسمره هاي كلهم كذابين ولا شنو

حدثو العاقل بما يعقل

الي تعامل معامله حسنه يقول الحمدلله

اخوي وامي راحو وتعاملو معامله حسنه في مطار دبي

وولد عمي راح مع اخته وتعاملو معامله سيئه في نفس المطار

ترى الواحد يحمد ربه على كل حال

وفي الغويفات نفس الشي

عديلي تعاملو معامله حسنه معاه

وعندي ربع تحولو لجنسيات اخرى وتفتيش دقيق

[بوفاطمه]

ماعتقد في شي مثل هذه الاقاويل .
الامور طيبة يالربع ز

[بومحمد المطاوعه]

والله مستغرب من كم شخص فالمجلس

اقولهم

الربع وولد عمي صار معاهم مواقف سلبيه

يقولون مانعتقد

يعني شنو جذابين الي قالو لنا

والي كاتب شكوى في مركز بوسمره هاي كلهم كذابين ولا شنو

حدثو العاقل بما يعقل

الي تعامل معامله حسنه يقول الحمدلله

اخوي وامي راحو وتعاملو معامله حسنه في مطار دبي

وولد عمي راح مع اخته وتعاملو معامله سيئه في نفس المطار

ترى الواحد يحمد ربه على كل حال

وفي الغويفات نفس الشي

عديلي تعاملو معامله حسنه معاه

وعندي ربع تحولو لجنسيات اخرى وتفتيش دقيق




يعني شنو تكذبون الناس الي صارت لهم هالمواقف.؟

[بومحمد المطاوعه]

ماعتقد في شي مثل هذه الاقاويل .
الامور طيبة يالربع ز


بوفاطمه عين من الله خير

الناس مب كذابه ترى

اصابع ايدك مب سوى بارك الله فيك

الامور طيبه ولله الحمد
لاكن في ناس صارت لهم مواقف

يجب ان نراعي شعور الي صارت لهم هالمواقف

مب نتكلم واحنا قاعدين ريل على ريل فالبيت

[موظف ((حكومي]

صحيح في ثنين من ربع سافرو وبهدلوهم في هالمركز

وبعدها تمنو انهم ماعرفو سفر

[بومحمد المطاوعه]

صحيح في ثنين من ربع سافرو وبهدلوهم في هالمركز

وبعدها تمنو انهم ماعرفو سفر

الله المستعان

محد بيصدق اخوي

يشوفون العالم جذابيين للأسف

لين صادهم هالموقف

بيتكلمون وبيقولون صار وصار

[fzaa_qatar]

امممممممم والله حيرتونا وخليتوني اتررررررد اروح انا والاهل دبي .. كلش الا الاهانه والنفسيه الخايسه ... شكلي بنطر بيان الامين العام لمجلس التعاون:rolleyes2:

[Rosy]

حنا رحنا طريق بر 3 مرات ولا صار لنا شي , والعيال بسياره قبلنا حركوو وما تعرض لهم حد

[QtrGate]

أحدثكم من دبي

وصلنا مطار دبي وكان زحمه
ففتحو لنا الجمرك الدبلوماسي

أتوقع ماعطينهم تعليمات يعاملونا أحسن معامله

وعلى الرأس والعين أهل الإمارات

[مواقف النجادة]

كنت ناوي اشتري عقار في دبي قريب ..

الحمد لله أني ماشريت..

الموضوع تأجل الى اشعار اخر...

[بوحارب]

يعني لازم مع كل اجازة تسافرون ؟
فديت الدوحة والله ماافكر اسافر الا للضرورة

كلامك صحيح

[محمد11]

السلام عليكم ورحمة الله وبركاته

انتشرت ف الآونه الاخيره اشاعات بان هناك صعوبات او اجراءات مشدده في مركز الغويفات بأبوظبي اثناء عمليه الدخول للقطرين
قبل ساعة بالضبط كنت متواجد في المركز والترحيب من اخوننا الاماراتيين بشكل كبير جدا جدا ما خذنا 5 دقايق وبالبطاقه الشخصيه ايضا

الامور طيبه الحمدالله واخوننا واهلنا الاماراتيين يشهد لهم بحسن الضيافه
ولا انسى ايضا في حدود مركز سلوى والبطحاء بتعاملهم الطيب والكلام الحلو وتسهيل اجراءات الخروج وتخيف الزحمه

ونا حاليا اكتب لكم هذه الرساله وانا على خط السلع
واللهم اجمع شمل المسلمين واجمع بينهم الحب و الموده واصلح مابينهم
واللهم عليك من اراد بالمسلمين بسوئ بنشر الفتنه والاشاعات

اخوكم محمد بن احمد

[طير حوران]

اللهم لك الحمد والشكر

شكرا اخ محمد

ولاعزاء لمروجي الاشاعات والفتن

[alsoq]

معروفين اللي يروجون الاشاعات

اذناب ايران

[الجسراوي]

من اسبوعين الامارات في مركزهم الغويفات القطري يعامل مع الاجانب والمقيمين في المبنى في الدخول فقط

اما الان اذا تغير شي عندهم فهذا جيد ولله الحمد والمنه اولا واخيرا

ولا عزاء لمروجي الاشاعات اللي بدون دليل

[Broker85]

مشكور

[خالد32]

يا جماعة وين الاهانة؟ الي فالمركز يسوون شغلهم و من حقه يشك في اي انسان هذا شغله. و مش معناتها اذا ما لقيت خدمة خمس نجوم انك تبهدلت. عادي اهم شي محد سبك او مد يده عليك او قلل من قدرك كإنسان. و اذا تبي تتفشخر روح اشتك عند مدير المركز و اكيد بينصفك اذا لك حق.
حسستوني ان الاجانب الي ينزلون مالهم رب.

[غايه الطواش]

احفظو ماء وجيهكم ولاتروحون لين تهدا الامور

[الجسراوي]

من اسبوعين سافر ولدي عبدالله مع خاله ونزلوهم المبنى مع الاجانب

امس سافر ولدي احمد زالامور طيبه وختموهم وهم في السياره


لحد يكذب الثاني

يمكن الاخوة في الامارات لهم وجهه نظر ويمكن الموضوع ارتجالي وليس سيادي لان المطارات عندهم الامور طيبه

والحمدلله على كل حال

[طرف محايد]

الموظف الاماراتي الي يسوي هالحركات الخايسة

اكيد من متابعي تويتر

واكيدين انه من متابعي ضاحي << الضاحية الجنوبية

[بانغ بانغ]

مافي داعي إهانة لأي حد خاصة اذا كان مش في اتفاق معكم فكريا وسياسيا

تدعون الرقي اما العالم ونفشل في اختبار مثل ضاحي خلفان

عيب صراحة

[طرف محايد]

مافي داعي إهانة لأي حد خاصة اذا كان مش في اتفاق معكم فكريا وسياسيا

تدعون الرقي اما العالم ونفشل في اختبار مثل ضاحي خلفان

عيب صراحة

حدد وين العيب بالضبط


القاء التهم سهل



الامر الاخر

من الي عنده فكر سياسي ؟؟

ضاحي ؟

متاكد ؟

[مشتاقة لقطر]

امورنا طيبة ولا فيه اي فرق بالمعاملة

[البحار00]

وصلت اليوم مطار دبي

وبيض الله اوجيهم صراحه قمة في التعامل والأدب والأخلاق

وخلصوني بسرعه ما طولت عندهم

[باحث علم]

في مطار دبي وتحديدا مطار ال مكتوم
بصراحة المعاملة راقية جدا وبيض الله وجيههم ماقصروا
تحس انك في بلدك

[محمد11]

http://www.qatarshares.com/vb/showthread.php?582299-%E5%CF%ED%E5-quot-%C7%E1%EC-%E3%D1%E6%CC%ED-%C7%E1%C7%D4%C7%DA%C7%CA-quot-%C7%E1%C7%E3%E6%D1-%D8%ED%C8%E5-%C7%E1%CD%E3%CF%C7%C7%E1%E1%E5

[(بوطلال)]

لايوجد اشاعات هالشي فعلا كان موجود في بداية الازمه.واعتقد كانت تصرفات شخصيه وتم تداركها