[ شنهي أكبر كذبة كذبتها بحياتك ؟ ]

[الزعفراني]

واحد يقول :

أكبر كذبة كذبتها في حياتي ..

كان ممنوع في المدرسة احد يجلس في الصف وقت الفسحه .. وانا كنت جالس وخالفت التعليمات
يقول بعد اشوي اسمع صوت المدير ومعاه موجهيين يفتشون الصفوف وقت الفسحه عشان يشوفون من مخالف القرار

يقول سويت نفسي أصلي الضحى ..

وكرموني ثاني يوم في الطابور :)


السؤال ..

شنهي أكبر كذبة انت كذبتها بحياتك ؟ ههههههههههههه

[بو الجوري]

:telephone: الأعضاء شكلهم يختارون شنهي أكبر كذبه خخخخخخ

[ضوى]

ياهي كذبة كذبتها وانا برابع ابتدائي لكن اكلت عليها طق طق طق لين خاب ثناي

[مهرة]

وايد ماذكر .. بسأل الي كذبت عليهم بسوي سورفي :tooth: بيطلع العجب وايت .!!

[R 7 A L]

ههههههههههاي
لاحد يقول انه ماكذب في حياته

[الشاااهين]

مسحت الدويحه وطلعت ناجح

بس للأمانه أول مره أرسب في حياتي في صف خامس وآخر مره في نص السنه وآخر السنه جيت الرابع

من القهر شسوي اظلموني ونجحت نفسي بس اشكره المزيل يبين ومشت السالفه على ابوي الله يرحمه .

شيبان لاول فيهم الخير يصدقون بس والله إني متندم إني ماقلت له أهم شي شماغ البسام البرتقالي والمرعز الهديه وكمبيوتر صخر .

[العلياا]

أنا أذا كذبت انصاد :rolleyes:
ممممم
اكبر كذبة يوم احذف وحدة من عندي من البيبي
وتجي تسألني وينج عن البيبي اقولها اصلاً حذفته وانا قاعدة اسولف فيه قدامها :shy:

[Aaziz]

ياخوي سالفه اكبر كذبه هذي كانه الي يقول لك مادري وش عشاي البارحه من كثر مانكذب ههههه
مادري ايش اكبر كذبه ،، بس حاليا انا في طور كذبه ،، شخص تواجهت معاه الصباح وعزمني على العشا و قلت له ان شاءالله بجيك و بصراحه انا شبه مواصل و بدنيا و نفسيا كلش مافيني على الرسميات
مادري كيف ارقعها ،،، اكيد ماراح يقبل عذر اني تعبان لاني مواجه الصباح و كنت توني واعي من النوم و يبين علي وهو يحسب اني راقد من العشا و انا راقد 3 ساعات و عليها للحين .

[بو راشد 1]

حظرت احد الاجتماعات في دولة اوروبية مع مدير نمثل قطر، المهم الاجتماع ما كان مهم، السنة اللي عقبها طرشوني بروحي مع واحد متدرب و انا أرئس الوفد :nice: ، في نهاية الاجتماع طلع في قرار لازم كل دولة تقول رايها :omg:، خويكم توهق، لان القرار خطير :secret: طبعا لاحظت ان الدول الخليجية الاخرى كل وفد معاهم خبير اوروبي. قلتهم مثل ما تشوفون الكرسي اللي حذاي فاضي (كل دولة لها 3 كراسي على الطاولة و احنا 2) لان مستشاري راحت علية الطيارة لاسباب خاصة، و على ذلك ما اقدر ابدي رائي حاليا في هذا الموضوع، الليلة راجع الدوحة و من هناك بارسل لكم الجواب. السالفة مشت عليهم :victory:

طبعا مافي داعي اشرح في الدوحة ايش صار.

ملاحظة: في دولة عربية اخرى عدد اعضاء الوفد 7 بعد ما عطو قرار.:shy:

[R 7 A L]

من الكذابات الي كذبتها الله يغفر لنا
قبل اكثر من 15 سنة استأذنت من مديري الله يذكرة بالخير
قلت عندي موعد بالمستشفى ورخصني انا طلعت افطرت في مطعم الزرقاء ذيك الشكشوكة صلصة زيادة
وبعدها رحت للقهوة الي في فريج سلطة صوب الفنادق ناسي اسمها
واطلب ذاك المعسل ومن اول شفطه ولا المدير داخل القهوة هههههههه
جاني وهو يبتسم وانا منحرج حدي قلت حياك تفضل بصوت متقطع مات من الضحك وقال والله ما اجلس عندك اخذ راحتك وبكرة الوعد هنا نفس الوقت هههههههههه قلت خلاص انا مقرر هذا اخر راس ههههههههه حرمت امر صوب ذيك القهوة ):

[المحاميه]

حظرت احد الاجتماعات في دولة اوروبية مع مدير نمثل قطر، المهم الاجتماع ما كان مهم، السنة اللي عقبها طرشوني بروحي مع واحد متدرب و انا أرئس الوفد :nice: ، في نهاية الاجتماع طلع في قرار لازم كل دولة تقول رايها :omg:، خويكم توهق، لان القرار خطير :secret: طبعا لاحظت ان الدول الخليجية الاخرى كل وفد معاهم خبير اوروبي. قلتهم مثل ما تشوفون الكرسي اللي حذاي فاضي (كل دولة لها 3 كراسي على الطاولة و احنا 2) لان مستشاري راحت علية الطيارة لاسباب خاصة، و على ذلك ما اقدر ابدي رائي حاليا في هذا الموضوع، الليلة راجع الدوحة و من هناك بارسل لكم الجواب. السالفة مشت عليهم :victory:

طبعا مافي داعي اشرح في الدوحة ايش صار.

ملاحظة: في دولة عربية اخرى عدد اعضاء الوفد 7 بعد ما عطو قرار.:shy:

:eek5:
:secret:



من الكذابات الي كذبتها الله يغفر لنا
قبل اكثر من 15 سنة استأذنت من مديري الله يذكرة بالخير
قلت عندي موعد بالمستشفى ورخصني انا طلعت افطرت في مطعم الزرقاء ذيك الشكشوكة صلصة زيادة
وبعدها رحت للقهوة الي في فريج سلطة صوب الفنادق ناسي اسمها
واطلب ذاك المعسل ومن اول شفطه ولا المدير داخل القهوة هههههههه
جاني وهو يبتسم وانا منحرج حدي قلت حياك تفضل بصوت متقطع مات من الضحك وقال والله ما اجلس عندك اخذ راحتك وبكرة الوعد هنا نفس الوقت هههههههههه قلت خلاص انا مقرر هذا اخر راس ههههههههه حرمت امر صوب ذيك القهوة ):


ههههههههههههههه

:eek5::secret:

[المحاميه]

ماتذكر اني جذبت

[بوخالد911]

:waiting:
ماتذكر اني جذبت

:con2::waiting::eek5:

[الزعفراني]

ماتذكر اني جذبت

هذي اكبر كذبه ههههههههههههههههههههههههه

[الزعفراني]

ياهي كذبة كذبتها وانا برابع ابتدائي لكن اكلت عليها طق طق طق لين خاب ثناي

ممكن تفاصيل القصة .. على مايبدو انها مشوقه

[نور الحور]

ههههههههه عجيبين انتوا ..

الزعفراني .. انت صاحب الموضوع ما جاوبت على السؤال ..

ما يصير نقول وانت ما تقول هههههه

[الزعفراني]

ههههههههه عجيبين انتوا ..

الزعفراني .. انت صاحب الموضوع ما جاوبت على السؤال ..

ما يصير نقول وانت ما تقول هههههه

بجاوب بس عقب ان شاء الله ههههههههههه

وايد كذبات خل اتذكر أكبرهم

[ضوى]

ممكن تفاصيل القصة .. على مايبدو انها مشوقه

مشوقة ولكنها مؤلمة

من كثر حبي للتوام قلت لمعلماتي والطالبات انه امي جابت ست توأم ، ويوم عرفوا حصلت ضرب على ايدي بالمسطرة من وكيلة المدرسة وابلة الشرعية ابله بدرية ، وامي وابوي حرقوا لساني بالجبريت :rolleyes2:

[نور الحور]

ضوى .. كذبتج بريئة وايد ههههههه

ما يسوى عليج والله :(

انا جذبتي ما اعتقد حد وصلها :shy:

واتوقع هي خيال اكثر منها جذبه ..

كنت بالصف الاول .. شفت بالتلفزيون برنامج عن رواد الفضاء

ونزولهم للقمر ..

المهم عاد انا عشت الدور ..

رحت لرفيجتي قلت لها البارحة شفتي القمر ؟

قالت لا ..

قلت لها خسااارة كنت انا وامي وابوي نسوي لج باي من فوق سطح القمر
:secret:

قالت صج ؟

قلت لها اي وكنت انادي اسمج وما سمعتيني ههههههه

ما شفتي شي كأنه خط ابيض خاط بالسما؟

هذا صاروخنا هههههههه

مسكينة صدقت وقالت .. اييييييي صح شفت خط ابيض البارحة ههههههه



طلع صاروخي صج مو جذب هههههههاي اكبر جذبة بالعالم يتروالي

جذبة بشغففففف هههههههه

[الزعفراني]

مشوقة ولكنها مؤلمة

من كثر حبي للتوام قلت لمعلماتي والطالبات انه امي جابت ست توأم ، ويوم عرفوا حصلت ضرب على ايدي بالمسطرة من وكيلة المدرسة وابلة الشرعية ابله بدرية ، وامي وابوي حرقوا لساني بالجبريت :rolleyes2:

هههههههههههههههههههههههههههههههههههه

[النهار]

كذبتي ايام البليبات
في وفد جاي اجنبي ومعاهم من الادراه العلياء مدراء
الوحيد الي يتكلم الانجليزيه نص نص انا حتى مدري الله بالخير يس ونو وهواريو وبعد ها يضحك
قال الي يوم الثلاثاء في وفد جاي برز نفسك وعطاني بالعربي ايش الا شياء الي اتكلمها وايش الاشياء
الي ممنوع الكلام فيها حتى اذاسألوني احور الموضوع قبل كانت دكتاتوريه مابيون حد يدري ايش الي صاير في الاداره
المدير يوم الاحد قال لي تكون جاهز يوم الثلاثاء وانا اقول ببررز كل شي بكره وبكره جاء يوم الموعد انا مابرزت شي
جيت الصبح يقول لي بارز قلت افا عليك لاتشيل هم
الموعد كان الساعه 9 صباحا وانا متوهق جات الساعه 8 ادرعم على المدير بوسعد جاني اتصال الوالده طاحت لازم اوديها المستشفى ( ابي اشرد )
المدير توهق قال مايصير ايش اسوي الحين قلت له خلي محمد كوني لغته الانجليزيه قويه وقديم وفاهم قال لي مايصير هذي هندي
ايش اقول للاداره العلياء اني ماطورت حد فيكم عموما رضى على مضض وخلاني اروح
اشوف البليب مايوقف من مكتب المدير كانت الساعه 10 صباحا ياذي هي وهقه ايش يبي هذي الحين
رديت عليه بعد ربع ساعه هههههههه الفقير يبي يطمن ويقول لي خذ راحتك لاتستعجل الاجتماع تأجل والزياره تأجلت لين يوم الخميس ههههههههههههههه
سألني ان شاءالله الوالده بخير قلت له لا الحمدلله بخير ركبوا لها مغذي وهي الحين احسن وتسلم عليك بيض الله وجهك ماقصرت
وانا قاعد اكلمه الي راعي المعصره شغل المولينكس ( العصاره ) المدير سمع صوت العصاره قال قولهم خل يعطونها بعد عصير تراه
وايد مفيد للصحه وانا ابي اكتم على الصوت خلاص انكشفت والمعصره قريبه من الشغل ههههههههه من الفشله مارديت الشغل ذاك اليوم
رحت البيت وبرزت محضر الاجتماع بشكل احترافي وجهزت كل شي رحت اليوم الثاني المدير يضحك يقول لي كان في خاطري اشرب العصير امس مادري ليش
ومن يومها لين مانتقل من عندنا كان يعايرني بالموضوع ويقعد يضحك وفي الاجتمات بعد بعض الاوقات كان يردد القصه
بس ماعلم حد وقال اسمي بعدها بمده طويله انا الي كشفت السر للموظفين
عموما الموضوع جاب نتيجه دخل 6 من الموظفين في معهد اللغات لدراسة اللغه الانجليزيه كل سنه كان يدخل عدد معين

[JN000N]

بال شباقول وشباخلي هيهيهيهيهي
ماينعرف صجي من جذبي استغفر الله
مرات صج بس لازم مع لف ودوران
ياخي احسك جنك تقول تكلمي عن نفسج وفجاه صادني زهايمر .. انا منو؟ هيهيهي

بس تذكرت جذبه من وانا صغيره اقص على اختي الي اكبر مني
اقولها حره انا جفت عرس امي وابوي كنت في بطن امي عندي تلفزيون واجوفهم منه < جني بي قصفتها بصاروخ خخخ
احاول اجمع لك من كثر ماخرطت عالعالم ع ايام قبل بس جني ادور دمعه ف بحر خخخخخخ

[غير البشر]

شنو يعني الكذب او كذبه ؟ :omen2:

[بوحارب]

هههههههههههههههههههه

اكبر كذبه قلت حق كذا واحد أني متزوج 3 حريم

ياخي حسيت نفسي فخم. ههههههه

وعقبال ما تتحقق بس بدون ما تدري الداخلية :(

[بوخالد911]

شنو يعني الكذب او كذبه ؟ :omen2:

شفت اشلوووون بدينا بالكذب !!!!!!!!!!!!!!!!!!

هههههههه
هههههههههههه
هههههههههههههههه

[elders]

يعطيكم العافية

بقول شي وما ادري رح اعرف اعبر عنو او لا صح بس ما حد يزعل مني

احس هاد الموضوع في مجاهرة بمعصية وكشف ما ستره الله علينا واضحاك الغير بسخط الله

تقبلو مروري

[الشاااهين]

يعطيكم العافية

بقول شي وما ادري رح اعرف اعبر عنو او لا صح بس ما حد يزعل مني

احس هاد الموضوع في مجاهرة بمعصية وكشف ما ستره الله علينا واضحاك الغير بسخط الله

تقبلو مروري

عدل كلامج اختي وانا معاج بس إذا كانت طفوليه فما ادري احسها عادي لانها مواقف ظريفه مرت على الجميع .

[المحاميه]

كذبتي ايام البليبات
في وفد جاي اجنبي ومعاهم من الادراه العلياء مدراء
الوحيد الي يتكلم الانجليزيه نص نص انا حتى مدري الله بالخير يس ونو وهواريو وبعد ها يضحك
قال الي يوم الثلاثاء في وفد جاي برز نفسك وعطاني بالعربي ايش الا شياء الي اتكلمها وايش الاشياء
الي ممنوع الكلام فيها حتى اذاسألوني احور الموضوع قبل كانت دكتاتوريه مابيون حد يدري ايش الي صاير في الاداره
المدير يوم الاحد قال لي تكون جاهز يوم الثلاثاء وانا اقول ببررز كل شي بكره وبكره جاء يوم الموعد انا مابرزت شي
جيت الصبح يقول لي بارز قلت افا عليك لاتشيل هم
الموعد كان الساعه 9 صباحا وانا متوهق جات الساعه 8 ادرعم على المدير بوسعد جاني اتصال الوالده طاحت لازم اوديها المستشفى ( ابي اشرد )
المدير توهق قال مايصير ايش اسوي الحين قلت له خلي محمد كوني لغته الانجليزيه قويه وقديم وفاهم قال لي مايصير هذي هندي
ايش اقول للاداره العلياء اني ماطورت حد فيكم عموما رضى على مضض وخلاني اروح
اشوف البليب مايوقف من مكتب المدير كانت الساعه 10 صباحا ياذي هي وهقه ايش يبي هذي الحين
رديت عليه بعد ربع ساعه هههههههه الفقير يبي يطمن ويقول لي خذ راحتك لاتستعجل الاجتماع تأجل والزياره تأجلت لين يوم الخميس ههههههههههههههه
سألني ان شاءالله الوالده بخير قلت له لا الحمدلله بخير ركبوا لها مغذي وهي الحين احسن وتسلم عليك بيض الله وجهك ماقصرت
وانا قاعد اكلمه الي راعي المعصره شغل المولينكس ( العصاره ) المدير سمع صوت العصاره قال قولهم خل يعطونها بعد عصير تراه
وايد مفيد للصحه وانا ابي اكتم على الصوت خلاص انكشفت والمعصره قريبه من الشغل ههههههههه من الفشله مارديت الشغل ذاك اليوم
رحت البيت وبرزت محضر الاجتماع بشكل احترافي وجهزت كل شي رحت اليوم الثاني المدير يضحك يقول لي كان في خاطري اشرب العصير امس مادري ليش
ومن يومها لين مانتقل من عندنا كان يعايرني بالموضوع ويقعد يضحك وفي الاجتمات بعد بعض الاوقات كان يردد القصه
بس ماعلم حد وقال اسمي بعدها بمده طويله انا الي كشفت السر للموظفين
عموما الموضوع جاب نتيجه دخل 6 من الموظفين في معهد اللغات لدراسة اللغه الانجليزيه كل سنه كان يدخل عدد معين


:eek5:
:eek5:
:eek5:

ماصدق

لو انا مكانه جان عطيتك انهاء خدمه على هالحركه

:weeping:

[النهار]

:eek5:
:eek5:
:eek5:

ماصدق

لو انا مكانه جان عطيتك انهاء خدمه على هالحركه

:weeping:

والله انج مجرمه مره وحده انهاء خدمات على الاقل لفت نظر توبيخ يأخذني على جنب وبالخيزرانه هههههههههههههههه
يبا قبل كل شي كان يمشي بالمعكوس
ماسمعتي المثل الصيني الي يقول رب كذبة نافعه هههههههه بس جابت نتيجه من بعدها قام يطور
علشان مايتوهق مره ثانيه وماينكشف المستور

[ضوى]

والله انج مجرمه مره وحده انهاء خدمات على الاقل لفت نظر توبيخ يأخذني على جنب وبالخيزرانه هههههههههههههههه
يبا قبل كل شي كان يمشي بالمعكوس
ماسمعتي المثل الصيني الي يقول رب كذبة نافعه هههههههه بس جابت نتيجه من بعدها قام يطور
علشان مايتوهق مره ثانيه وماينكشف المستور

يوم انك موجود ليش ماتدش موضوع لول ؟؟ تسهرونا بس

[المحاميه]

:waiting:

:con2::waiting::eek5:

هههه شنو :secret:




هذي اكبر كذبه ههههههههههههههههههههههههه

هههه شدخل
يعني لازم اجذب
ماجذبت زين :(





بجاوب بس عقب ان شاء الله ههههههههههه

وايد كذبات خل اتذكر أكبرهم

ننطر سلسلتك الاحترافيه :shy:



مشوقة ولكنها مؤلمة

من كثر حبي للتوام قلت لمعلماتي والطالبات انه امي جابت ست توأم ، ويوم عرفوا حصلت ضرب على ايدي بالمسطرة من وكيلة المدرسة وابلة الشرعية ابله بدرية ، وامي وابوي حرقوا لساني بالجبريت :rolleyes2:


اممم احس العقاب كان اكبر من الجذبه
مافي نسبه وتناسب :secret:

[المحاميه]

والله انج مجرمه مره وحده انهاء خدمات على الاقل لفت نظر توبيخ يأخذني على جنب وبالخيزرانه هههههههههههههههه
يبا قبل كل شي كان يمشي بالمعكوس
ماسمعتي المثل الصيني الي يقول رب كذبة نافعه هههههههه بس جابت نتيجه من بعدها قام يطور
علشان مايتوهق مره ثانيه وماينكشف المستور

انت ماتعرفني انا وايد متعسفه
واتبع المدرسه التقليديه الصارمه
صدقني عالطول انهاء خدمه هههه
لابد من الردع والصرامه من اجل الوصول لافضل انتاجيه :nice:

حركتك كلش ماتنبلع
انت خربت الدنيا

[المحاميه]

يوم انك موجود ليش ماتدش موضوع لول ؟؟ تسهرونا بس

هو يحب الليل
مسمي روحه النهار عشان يعدل من نفسه ويغير هالصفه بس مافي فايده :shy:

الحل
هو يغرد فليل
وانتي تغردين الصبح
وبجذي تكون المعادله موزونه < تذكرت معادلات الكيميا :(

[الزعفراني]

يعطيكم العافية

بقول شي وما ادري رح اعرف اعبر عنو او لا صح بس ما حد يزعل مني

احس هاد الموضوع في مجاهرة بمعصية وكشف ما ستره الله علينا واضحاك الغير بسخط الله

تقبلو مروري

:rolleyes2:

[النهار]

انت ماتعرفني انا وايد متعسفه
واتبع المدرسه التقليديه الصارمه
صدقني عالطول انهاء خدمه هههه
لابد من الردع والصرامه من اجل الوصول لافضل انتاجيه :nice:

حركتك كلش ماتنبلع
انت خربت الدنيا

لاعاد بيضيت الويه بعد يومين الوفد جاء يوم الخميس على الموعد المحدد سبحان الله الكلمات الانجليزيه الي كنت ناسيها اطلعت قمت اغرد
وعطاني بعد 6 شهور درجه استثائيه هههههههه المدير قص على الاداره انه هو الي طورني
وانه قاعد يطور مجموعه جديده قالوا له اي شي تبي بس اطلب

[النهار]

يوم انك موجود ليش ماتدش موضوع لول ؟؟ تسهرونا بس

هههههههههههههههههه

الي زمان لول السؤال موجود

[المحاميه]

لاعاد بيضيت الويه بعد يومين الوفد جاء يوم الخميس على الموعد المحدد سبحان الله الكلمات الانجليزيه الي كنت ناسيها اطلعت قمت اغرد
وعطاني بعد 6 شهور درجه استثائيه هههههههه المدير قص على الاداره انه هو الي طورني
وانه قاعد يطور مجموعه جديده قالوا له اي شي تبي بس اطلب

هههه
اذا جذي
تمام عيل :nice:

[النهار]

مشوقة ولكنها مؤلمة

من كثر حبي للتوام قلت لمعلماتي والطالبات انه امي جابت ست توأم ، ويوم عرفوا حصلت ضرب على ايدي بالمسطرة من وكيلة المدرسة وابلة الشرعية ابله بدرية ، وامي وابوي حرقوا لساني بالجبريت :rolleyes2:

بالجبريت بس لايكون هو والع :eek5:ههههههههه انا بطرف الكفشه المكان العريض لين مما صارت حمره وتطشششششششش على يدي
والعلامه لين الحين موجوده :weeping:

[white bird]

مشوقة ولكنها مؤلمة

من كثر حبي للتوام قلت لمعلماتي والطالبات انه امي جابت ست توأم ، ويوم عرفوا حصلت ضرب على ايدي بالمسطرة من وكيلة المدرسة وابلة الشرعية ابله بدرية ، وامي وابوي حرقوا لساني بالجبريت :rolleyes2:

هههههههههههههههههههههههههههههههههههههههههههههههههه ههههه
والله خطيرة ضوى ..