فزعتكم ...تكفون

[بوغانم995]

فزعتكم ....
أبن رضيعتي في مدرسه mic _ مدرسة الشرق الأقصى الدوليه .
الولد في الصف الثاني أبتدائي , منع من دخول الصف ليومين متتالين .يوم 7-8 ..من هذا الشهر ...والسبب مشاغبته في الفصل ....أبوه خذة اليوم الصبح بعد ان اتم فترة العقاب يومين حرم من المدرسه ....علماً ان ابوه دافع له مقدم عن سنة الدراسيه كامل مقدم منم قبل بداية الفصل الدراسي لعلم 2014 .
لمراد ان المشرفه وهي اجنبيه أروبيه , تكلمت مع ابوه وقالت له حسب الرسال التي وصلتك يجب ان تحضروا الى المدرسه معه فقال أبوه لها حضرت انا ولي الأمر مع الطالب ومشرفة الأستقبال أخذت الولد .
فقالت المشرفه يجب ان تحضر انته والمدام !!! فقال ابوه لماذا تشددون في هذا الأمر انا ولي امره , ثم حولت الأتصال لمدير المدرسه أجنبي من نفس الفصيل ..فقال لوالد الطفل لن نسمح له بدخول الصف ...رد عليه والد الطفل ..فقال له نحن نفذنا الأمر الأول وحجزناه في البيت يومين علماً اني دافع لكم مقدم السنه الدراسيه كامل بدون أي تأخر مقدماً .
فرد عليه المدير فقال له لن أسمح للطفل بدخول المدرسه ألا بحضوركم فقال والد الطفل ان حضرت اليوم ولم أجد سوى الأستقبال ....الخ
المهم ان الولد مقوف عن الدراسه ونحن في نهاية الفصل الأخير .....
لا أعرف اين وكيف ارفع هذا الظلم عن الولد ....اوين أذهب ..
أين دور وزارة التعليم ....؟؟؟ من إدارة هذه المدرسه التي لا تعرف التعامل مع الأطفال تعنت هذه المدرسه وتعاملها ألذي ليس بحضاري معنا نحن القطرين خاصه ....لمن نرفع شكونا أفيدوني ..تكفون .

[بو الجوري]

اخوي اللي فهمته إنه الأبو ماراح قابل الإداره !!
إكتفى بعدم إرسال إبنه للمدرسه يومين وخلاص ؟

الصراحـه هذا غلط منه ! المفروض لما وصلته الرساله يروح ويتابع معاهم ويعرف وين المشكله !

لازم يكون في إهتمام من قبل أولياء الأمور ! المدرسه بتعلم لكن حالياً مابتربي عيالنـا

فلازم الأب يكون مهتم ويروح يعرف السبب مب ينزله ويروح !

[بو راشد 1]

الواضح انهم يبون الاب مع الام، لان الصف الثاني لحين الطالب بزر، فدور الام مهم.

[بوخالد911]

شروطهم غريبة

يعني لازم الأب + الأم ؟!؟!؟!
يكفي 1 منهم وبس

بس شغلة مهمة وهي : صحيح انت دافع كل الرسوم ، ولكن هناك شروط وأحكام بخلف ورقة التسجيل
هل اطلعت عليها ؟!؟!؟

أي جهة تحط الشروط والأحكام اللي تقف معها 100 %%%%
وليس مع الزبون !!

[ضوى]

غريبين هالمدارس ، مب عارفين يتعاملون مع طفل عمره سبع سنين ؟؟ الله يرحم مدرسين لول سيطرة وتحكم في الطالب ويتربى عدل خاصة في اول سنينه الدراسية

[تغلبية]

ما خبرنا عقاب تربوي لطفل بو 7 سنين يتم ايقافه عن الدراسة يومين !

هذي مدرسة متعسفة ولا بعارفة تحل المشكلة أصلاً ..

حتى لو الولد مشاغب .. ما شاغب بين يوم وليلة .. أكيد كان فيه ملاحظات عليه .. واستدعوا الام علشان تحلها في البيت واياه!


أعتقد انتو لازم تكتبون كتاب بالواقعة وبكل شي صار حتى في تعاملهم مع الولد .. حق التعليم الاهلي

[cabtan1]

كيف يعاقب الطفل بالحرمان من المدرسه

[بوخالد911]

غريبين هالمدارس ، مب عارفين يتعاملون مع طفل عمره سبع سنين ؟؟ الله يرحم مدرسين لول سيطرة وتحكم في الطالب ويتربى عدل خاصة في اول سنينه الدراسية


ما خبرنا عقاب تربوي لطفل بو 7 سنين يتم ايقافه عن الدراسة يومين !

هذي مدرسة متعسفة ولا بعارفة تحل المشكلة أصلاً ..

حتى لو الولد مشاغب .. ما شاغب بين يوم وليلة .. أكيد كان فيه ملاحظات عليه .. واستدعوا الام علشان تحلها في البيت واياه!


أعتقد انتو لازم تكتبون كتاب بالواقعة وبكل شي صار حتى في تعاملهم مع الولد .. حق التعليم الاهلي


كيف يعاقب الطفل بالحرمان من المدرسه

هناك بعض التصرفات والسلوكيات المرفوضة لا يصلح معها سوى الفصل أو النقل لمدرسة أخرى

[غير البشر]

لاحول ولاقوه الا بالله

ربي يهون عليهم ويسهل اموركم ياااارب
اذا الموضوع فيها اجانب ربعنا مايقدرون عليهم للأسف يخقون قدامهم :rolleyes2:


على العموم اخوي بوغانم
راجع الخاص وامورك طيبه ان شاء الله :nice:

[بو الجوري]

يا جماعه ، يمكن الطالب جداً مشاغب ، ولاحد من الأهل يتابعه ، فإتخذوا هذا القرار عشان يجبرون والدينه يجون ويحلون المشكله

ومع ذلك مع الأسف الأب نزّل ولده وراح !!


أنا يوميا أوصل عيالي المدرسه وأنزل معاهم و أشوف شطانة اليهال شلون :eek5:


دوب البيت مهههههههههم ، خصوصاً المتابعه مع المدرسه

[تغلبية]

^

صحيح أنا معاك .. ومهم جداً أحد الوالدين ياخذهم من المدرسة لأني لاحظت إن المدرّسة تبي تقول شي فتضطر تبلغ الشغالة !

ولاحظت بعد .. ان المدارس الأجنبية ماعندهم اسلوب تربوي ..

اللي ينكتب في التقرير شي .. واللي يقولونه لما نروح لهم في مجلس الامهات شي ثاني ..

وبعض المرات فيه مشاكل الام تحتار فيها .. مب عارفة تحلها مع الولد ويبي لها ترشدها للطريقة الافضل .. مايعطونها حل !


مادري والله اذا هالوضع طبيعي مع كل المدارس .. بس غير كلش عن المدارس اللي كان فيها مشرف اجتماعي

شايل هالمهمة بالكامل ويدعم الطالب وولي الأمر بنفس الوقت.

[بوغانم995]

#9




غير البشر ....تسلم يالغالي ع النصيحه ....والله يبارك فيك .

أنا متابع الردود ......الطفل مواليد 2005 - شهر 12 يوم 20 = 8 سنين وكم شهر ....مو بغل ....في بلادهم العنف منتشر و القتل في المدارس على عينك .
الموضوع فصل الطفل ...وحرمانه من دخول الصف .....ومعاقبته غير مبرره بالنسبه لعمره ...لماذا لا يعاقب الطرفان .....الصف فيه اكثر من عشرين طفل..منهم من هم اكبر منه سنناً..اين العدل في هذا .....الله المستعان .

[Rider]

اشفيها المدارس المستقلة للاسف انتوا تفكرون المدارس الاجانبية فاتحينها حق عيالنا فاتحينهم حق عيال الاجانب

[بو الجوري]

#9




غير البشر ....تسلم يالغالي ع النصيحه ....والله يبارك فيك .

أنا متابع الردود ......الطفل مواليد 2005 - شهر 12 يوم 20 = 8 سنين وكم شهر ....مو بغل ....في بلادهم العنف منتشر و القتل في المدارس على عينك .
الموضوع فصل الطفل ...وحرمانه من دخول الصف .....ومعاقبته غير مبرره بالنسبه لعمره ...لماذا لا يعاقب الطرفان .....الصف فيه اكثر من عشرين طفل..منهم من هم اكبر منه سنناً..اين العدل في هذا .....الله المستعان .

أخوي بوغانم

8 سنين مب صغير ترا ، روح شوف اللي في عمره وش يسوون فالمدارس وشلون مشاغبين
غير الألفاظ البذيئه اللي يتداولونهـا

أنا ماقول المدرسه صح 100% لكـن أقول لاااااازم الوالدين يروحون ويتابعون ويعرفون الموضوع

[شمس]

بو الجوري بؤ غانم يقول ابوه كان معاه حسبي الله عليهم ياهل فصل من المدرسه صج مب ويه إدارة مدرسه ولا هذا الإجراء لا يطبق الا على القطري عطنا فلوسك ورونا ظهرك

[بصمة قطرية]

طفل ..!!
على أي أساس يفصلونه ..
المدارس الخاصه تتبع المجلس الأعلى
روح مكتب الوزير و وصل مشكلتك ..!!
مب بكيفهم يفصلون ..

[بوخالد911]

طفل ..!!
على أي أساس يفصلونه ..
المدارس الخاصه تتبع المجلس الأعلى
روح مكتب الوزير و وصل مشكلتك ..!!
مب بكيفهم يفصلون ..

نعم الطفل يُفصل لسلوكياته المنحرفة جداً

[بصمة قطرية]

على فكرة أخوي بوغانم

من كم سنه عانيت مع ولدي
يعاني من طاقة زايدة و في مدرسة مستقله ..
كل يوم يطلبوني
مافي فايدة مب قادرين يتحملون الولد
آخرشي قالوا لي راح نضطر نفصله ..!!
قلت لهم مستحيييل شنو تفصلونه
طفل حرام عليكم
الفصل راح يظل في ملفه مستحيييل
سحبت ملفه و دخلته مدرسه خاصة
يوم وصلت المشكلة للوزير قال لي
مب من حقهم يفصلونه ..!!
حتى المجلس الأعلى قالوا لي الطالب ما ينفصل ..

[بصمة قطرية]

نعم الطفل يُفصل لسلوكياته المنحرفة جداً

المنحرفة جداً بو خالد
تتوقع بتصدر من طفل عمره ثمان سنين ..!!!

[نوآف]

الانحرافات السلوكيه مالها عمر معين ترى ..

اذا كان الطفل مشاغب جدا اكيد بيفصلونه ومافي الا الام والابو يقابلون المدرس والمشرف والمدير بخصوص الطفل .. هذا شي موجود من اول مابدوا يسوون مدارس خاصه في قطر مب قرار طلع بـ يوم وليله , وماله خص الدفع كلش في موضوع ان ماينفصل , اذا الولد مب ملتزم بـ قوانين المدرسه مايستمر فيها سواء كان بـ فلوس ولا بـ بلاش

ومب ذنب المدرسه اذا الطفل كان مشاغب ويسبب ازعاج في الصف انهم يتحملونه .. يعني هو يخرب عليه وعلى غيره ليش تضيع فرصه تعليم باقي الطلاب عشان خاطره

والفصل حل مناسب اذا الاهل مب قادرين يعدلون سلوك الطفل ترى المدرسه مش مسؤوله غير عن تعليم الطفل وليس اعادة تربيته ..

العتب على الاهل اذا كان نتيجة سلوك طفل كذا , ليته مراهق عشان القى عذر واقول حده الزمن و رفقاء السوء .. مافي ياخوك الا ان الام والابو ياخذون ولدهم ويروحون ف اجتماع خاصه ويقرصونه على اذنه عشان يتأدب وانتهى الموضوع ..

بتروح تشتكي ؟ مالك حق ابدا وانا اجوف الغلط على الاهل مب المدرسه

[ANONYMOUS]

الحين شالمشكله

خل امه وابوه يروحون المدرسه يشوفون شسالفه ..

القصه ماتحتاج موضوع

[محمد عبدالرحمن]

الحين شالمشكله

خل امه وابوه يروحون المدرسه يشوفون شسالفه ..

القصه ماتحتاج موضوع

في نقطتين:

بصورة خاصة، تصرف المدرسة كان حكيماً
بصورة عامة، لمعرفة أسباب مشكلات الأطفال و حتى مشكلاتنا نحن ككبار، يجب أن نعيد النظر في القيم التي غرست فينا و مفهوم الحياة من الأبوين