مساحة التخزين في الـ Iphone ..؟

[العلياا]

السلام عليكم ورحمة الله

تواجهني مشكلة في تلفوني دائماً يطلع لي هالمسج :
" Not Enough Storage
This Iphone cannot be backed up
because there is not enough iCloud Storage available.
You can manage your storage in setting "

واللي فهمته ان ما عندي مساحة تخزين كافيه فالتلفون ؟ ويوم سألت قالوا لي لازم احذف شوي عشان عملية التخزين الاحتياطي ؟
الصور عندي ما يقارب الفين صورة هذا بعد ما حذفت جزء منهم ولا في فايدة :(
ولا عندي برامج كلهم خمس او ست برامج !!

جوالي Iphone 5s 16G

اللي يعرف لا يبخل علي وشاكرة لكم مقدماً .....

[Aaziz]

تلفونج بالعربي ولا الانجليزي ؟

[العلياا]

انجليزي

[Aaziz]

روحي

اي كلاود
ستورج اند باك اب
منج ستورج

فوق راح تكون الاجهزه الي على الاكاونت الخاص فيج ،، مثلا الايفون و الايباد

الاحتمالات كالتالي
1- ممكن يكون جهاز عندج قديم ماخذ مساحه من التخزين او مثلا الايباد ماخذ مساحه و الي في هذا الجهاز مش اشياء مهمه .. هنا تقدرين تضغطين على اسم الجهاز و تسوين (ديليت للباكب الخاص بهذا الجهاز) و راح تتوفر لج المساحه الي كان ماخذها هذا الجهاز .
2- تحت بتلقين البرامج الخاصه الي منزلتها على جهازج و قدام كل برنامج المساحه الي ماخذها هذا البرنامج (غالبا الوتس اب هو المتهم) اذا كنتي مشتركه في جروبات كل حد يطرش صوره او فلم بياخذ الوتس اب مساحه تخزين اكبر بالاضافه الى صور الكاميرا .
المهم لمسح المخزون مثلا الي ماخذه الوتس اب ،، روحي فوق على اسم جهازج و اضغطي عليه وراح تبين اسماء البرامج و قدامها النقطه الي تحركينها يمين و يسار الي تطفي البرنامج (طفي الوتس اب مثلا) هو مجرد راح يطفي تخزين الوتس اب في الاي كلاود .
وبكذا راح تتوفر مساحه اكثر

جربي

[العلياا]

روحي

اي كلاود
ستورج اند باك اب
منج ستورج

فوق راح تكون الاجهزه الي على الاكاونت الخاص فيج ،، مثلا الايفون و الايباد

الاحتمالات كالتالي
1- ممكن يكون جهاز عندج قديم ماخذ مساحه من التخزين او مثلا الايباد ماخذ مساحه و الي في هذا الجهاز مش اشياء مهمه .. هنا تقدرين تضغطين على اسم الجهاز و تسوين (ديليت للباكب الخاص بهذا الجهاز) و راح تتوفر لج المساحه الي كان ماخذها هذا الجهاز .
2- تحت بتلقين البرامج الخاصه الي منزلتها على جهازج و قدام كل برنامج المساحه الي ماخذها هذا البرنامج (غالبا الوتس اب هو المتهم) اذا كنتي مشتركه في جروبات كل حد يطرش صوره او فلم بياخذ الوتس اب مساحه تخزين اكبر بالاضافه الى صور الكاميرا .
المهم لمسح المخزون مثلا الي ماخذه الوتس اب ،، روحي فوق على اسم جهازج و اضغطي عليه وراح تبين اسماء البرامج و قدامها النقطه الي تحركينها يمين و يسار الي تطفي البرنامج (طفي الوتس اب مثلا) هو مجرد راح يطفي تخزين الوتس اب في الاي كلاود .
وبكذا راح تتوفر مساحه اكثر

جربي

يطلع ليTurn off & delet ؟
بيمسح شنو بالضبط ؟

[Aaziz]

لو فرضنا انج طفيتي الوتس اب

الرساله ستعني ،، وقف عمليه تخزين الوتس اب التلقائيه و مسح البيانات و بالتالي المساحه الي خذها الوتس اب من حجم الباك اب الكلي الي هي 5 ميغا بايت .

ولكن ماراح يتاثر اي شي في تلفونج .. انا تطلع لي نفس هذي الرساله ،، و رحت طفيت الوتس اب ،، نتج انه صارت عندي مساحه فاضيه و لكن الوتس اب ماتاثر ،، للحين المحادثات و الصور و الافلام موجوده في تلفوني

[العلياا]

الله يجزاك الجنة ياخوي

أنا سويت الخطوات بالضبط وان شاءالله ما يطلع لي المسج مرة ثانية

[Aaziz]

وياج ان شاءالله
موفقه خير

[ANONYMOUS]

اللي فهمته ان حجم التخزين عندج في الجوال اكثر من حجم التخزين مال ايكلاود

بمعنى

مثلا مثلا الجوال حجم التخزين ستعش جيجا ونتي مستخدمه منه اهدعش جيجا

الايكلاود حجم تخزينه خمسه جيجا

ف مستحيل تحتفظين ب ال اهدعش جيجا بال خمسه جيجا

يعني مايصير تدخلين فيل داخل الثلاجه

وصلت الفكره؟

[ولد العلي]

اللي فهمته ان حجم التخزين عندج في الجوال اكثر من حجم التخزين مال ايكلاود

بمعنى

مثلا مثلا الجوال حجم التخزين ستعش جيجا ونتي مستخدمه منه اهدعش جيجا

الايكلاود حجم تخزينه خمسه جيجا

ف مستحيل تحتفظين ب ال اهدعش جيجا بال خمسه جيجا

يعني مايصير تدخلين فيل داخل الثلاجه

وصلت الفكره؟

ههههههههههههههههههههه

[بوحارب]

الايفون 16 قيقا فاشل بمعنى

انا تلفوني مافيه برامج أبدا والصور حول 1000 ماعاد فيه
مكان لتخزين أصور اكثر

حطيت التلفون على جمب وخذيت 64 قيقا والأمور كلها اوكي

[الخيالة]

أنا جوالي ايفون 5 آس نفس الشي ما أواجه هالمشكله أصور وأيد بس بين فتره وفتره انقل الصور للابتوب او ميموري كارد مااخزن صور القديمة في جوالي حتي الفيديو

[العلياا]

اللي فهمته ان حجم التخزين عندج في الجوال اكثر من حجم التخزين مال ايكلاود

بمعنى

مثلا مثلا الجوال حجم التخزين ستعش جيجا ونتي مستخدمه منه اهدعش جيجا

الايكلاود حجم تخزينه خمسه جيجا

ف مستحيل تحتفظين ب ال اهدعش جيجا بال خمسه جيجا

يعني مايصير تدخلين فيل داخل الثلاجه

وصلت الفكره؟

تصدق انا تركت كل شي وجيت افكر في الفيل هل نقدر ندخله الثلاجة والا لا
والمساله سهله ممكن انه يدخل اذا قطعناه بطريقة ذكيه بغض النظر عن وزنه وسعه الثلاجة <.مثال ذكي

نرجع للمشكلة انا اللي فهمته بعد ماقريت اللي كاتبته اربع مرات ان سعة التلفون اكبر من سعة الاي كلاود
ولا اعرف شنهو الفرق بين الاثنين !!

نبي الحل الله يطول لنا بعمرك

[العلياا]

الايفون 16 قيقا فاشل بمعنى

انا تلفوني مافيه برامج أبدا والصور حول 1000 ماعاد فيه
مكان لتخزين أصور اكثر

حطيت التلفون على جمب وخذيت 64 قيقا والأمور كلها اوكي

كان عندي ال64 جيجا وانكسرت شاشته عشان جذيه خذت ال16 لان ما كان عندي خيار ثاني
:(

[العلياا]

أنا جوالي ايفون 5 آس نفس الشي ما أواجه هالمشكله أصور وأيد بس بين فتره وفتره انقل الصور للابتوب او ميموري كارد مااخزن صور القديمة في جوالي حتي الفيديو

الصور اللي عندي كلها صور اليهال وعيرانه احذفه او حتى انقلهم
اذكر البيبي كنت اصور فيه اشكثر ولا مرة اضطريت امس او انقل شي :(

[Aaziz]

البعض خالط بين موضوع الاخت هنا و بين حجم سعه الايفون 16 , 32 , 64

الي صاير مع العليا هو ان مساحة الـ icloud انترست

الـ iCloud هي مساحه التخزين على الانترنت (حجمها 5 غيغا بايت) المخصصه بالمجان لكل مستخدم للايفون او الايباد بغض النظر عن حجم جهاز الايفون .
وظيفتها حفظ المعلومات الشخصيه مثل ارقام التلفون و الرسايل و الايميلات و النوت و ايضا الصور . و فايدتها ان الاشياء المهمه تتخزن على سيرفر شركه ابل ،، في حال شريت تلفون جديد او ضاع تلفونك .. في هذي الحاله اذا خذيت تلفون جديد ،، من تدخل الايميل الخاص فيك راح ينزل كل الاشياء الي مشغل خاصيه تخزينها و اهمها الارقام و الرسايل و النوت .

تقدر توقف عمليه تخزين الاشياء الي الي ماتحتاجها و تاخذ حجم .. مثل الصور مثلا ،، يهمني تكون موجوده في التلفون ولكن مايهمني انها تنحفظ في الاي كلاود ،، لاني لو خذت تلفون جديد بسوي نسخ عن طريق الكمبيوتر لكل شي موجود بالجهاز القديم و بنقله للجديد.

م هذي الشاشه الموجوده في ( اعدادات ثم اي كلاود) تقدر تطفي عمليه التخزين على الاي كلاود .

مثلا في الصوره يبين off على الصور ،، يعني موقف عمليه تخزينها على الاي كلاود

http://www.m5zn.com/newuploads/2014/04/12/png//09f2e39cbc2d26b.png

[بوحارب]

عزيز عساك عالقوه

شلون اخلي الصور ما تنتقل من جهاز لآخر بالايكلاود

لآني لاحظت الصور تروح للأجهزة الثانية بدون ماعرف

فهمتني؟

[Aaziz]

بوحارب تروح على
اي كلاود
صور
طف الي فوق (و انصحك تطفي الي فوق و الي تحت)

يمكن يطلب منك باسوورد الايميل (حطه)
يمكن يطلع لك رساله تحذير بالحذف. اختر انه يحذف الصور بس يخلي النسخه الي بالتلفون (ناسي بالظلط ايش الرساله الي تطلع) بس اكيد بيطلع رساله تنبيه بالحذف. اختر انها تنحذف من مشاركه الصور. و ترى بتختفي الصور المشتركه بين الاجهزه. لكن بتم الي مصورها انت بنفسك في الجهاز

[بوحارب]

أشكرك زيزو وما قصرت :)

[العلياا]

البعض خالط بين موضوع الاخت هنا و بين حجم سعه الايفون 16 , 32 , 64

الي صاير مع العليا هو ان مساحة الـ icloud انترست

الـ iCloud هي مساحه التخزين على الانترنت (حجمها 5 غيغا بايت) المخصصه بالمجان لكل مستخدم للايفون او الايباد بغض النظر عن حجم جهاز الايفون .
وظيفتها حفظ المعلومات الشخصيه مثل ارقام التلفون و الرسايل و الايميلات و النوت و ايضا الصور . و فايدتها ان الاشياء المهمه تتخزن على سيرفر شركه ابل ،، في حال شريت تلفون جديد او ضاع تلفونك .. في هذي الحاله اذا خذيت تلفون جديد ،، من تدخل الايميل الخاص فيك راح ينزل كل الاشياء الي مشغل خاصيه تخزينها و اهمها الارقام و الرسايل و النوت .

تقدر توقف عمليه تخزين الاشياء الي الي ماتحتاجها و تاخذ حجم .. مثل الصور مثلا ،، يهمني تكون موجوده في التلفون ولكن مايهمني انها تنحفظ في الاي كلاود ،، لاني لو خذت تلفون جديد بسوي نسخ عن طريق الكمبيوتر لكل شي موجود بالجهاز القديم و بنقله للجديد.

م هذي الشاشه الموجوده في ( اعدادات ثم اي كلاود) تقدر تطفي عمليه التخزين على الاي كلاود .

مثلا في الصوره يبين off على الصور ،، يعني موقف عمليه تخزينها على الاي كلاود

http://www.m5zn.com/newuploads/2014/04/12/png//09f2e39cbc2d26b.png

بيض الله وجهك على هالشرح الوافي
يعني انا ممكن الغي حفظ الصور فالاي كلاود مثل ما سوينا بالنسبة للواتس اب ؟!
عشان ما يظهر لي المسج وتتوفر مساحة اكبر

ماقصرت اخوي

[@north_star@]

عطلي التخزين على الاي كلاود وخلي التخزين على ذاكرة الجهاز فقط

[ANONYMOUS]

عطلي التخزين على الاي كلاود وخلي التخزين على ذاكرة الجهاز فقط

فعلا هذا هو الحل وبلاش عذاب

والمقصود بالجهاز هو جهاز الكمبيوتر

وبدون مسح اي شي

[الزعفراني]

اشبكي الايفون باللابتوب عن طريق الكيبل مال الشاحن .. عقب نزلي الصور والفيديو على جهازج وانتهى الموضوع :)

[العلياا]

اشكركم جميعاً


:)