سؤال لطباخات المنتدى

[غايه الطواش]

في اغلب الطبخات الفرنسيه يستخدمون
الرد واين

ايش هو البديل عنه فالطبخ؟

وهل في حد جرب يستخدم عصير العنب الأحمر ،
خاصه مع اللحم كيف يكون الطعم ودرجه قساوه اللحم

وشكرا

[النهار]

سوري على المداخله الرد واين ليش يستخدم في الاصل

[لبيبة]

توجد بدائل،
مرق الدجاج او اللحم او السمك
عصير الرمان اوالعنب او الكرانبري
للصلصة اللامعة، خل البلمسيك لإضافة طعم حامض
لإضافة طعم حلو، سكر او عسل

من موقع http://www.thekitchn.com/non-alcoholic-cooking-wine-substitutes-184394

[بصمة قطرية]

نفس كلام لبيبة
المرقة هي البديل
و ممكن دبس الرمان ،،
و لو بغيتي الطعم سويت عسل أو صويا

[SOUD.QA]

اختي غايه الرد واين مجرد طعم لا غير عندج الوايت واين عندج الرم بعد يستخدمونه فالطباخ كل هالاشياء نكهه تعتبر عندهم

في وصفة سلمون عجبتني كان من مقاديرها رد واين وكانوا حاطين اوبشن ثاني كرانبري فينيقر بداله لقرب اللون من الرد واين

حاولي تنوعين في انواع الخل كل مره استخدمي نوع مع الطباخ لحد ما توصلين للي يعجبج فكل وصفه

وصحتين على قلوبكم

[غايه الطواش]

تسلمون ويعطيكم الف عافيه
ان شاء الله جرب وأشوف
جزاكم الله الف خير

اخوي النهار اغلب المطابخ الاحنبيه يستخدمون الكحول ف طبخهم
من جيه انا ابي اشيا بديله اذا ابي اسوي آكلات او حلويات اجنبيه

[تغلبية]

^

غاية شفت في ميغا مارت عندهم مثل ماقلتي واين بس بدون كحول ..

تقريبا عصير عنب ابيض واخضر واحمر

بس ماقد جربتهم أظنهم بديل جيد ..

[غايه الطواش]

تسلمين تغلبيه
تدرين بمر مونبري يمكن عندهم
تسلمين فديتج

[ضوى]

الحين الرد واين مب كحول ؟؟ طيب اذا انطبخ مايتبخر ؟؟ وين النكهة فيه عيل ؟؟؟

[وطن]

عصير العنب

:nice:

[وطن]

اختي غايه الرد واين مجرد طعم لا غير عندج الوايت واين عندج الرم بعد يستخدمونه فالطباخ كل هالاشياء نكهه تعتبر عندهم

في وصفة سلمون عجبتني كان من مقاديرها رد واين وكانوا حاطين اوبشن ثاني كرانبري فينيقر بداله لقرب اللون من الرد واين

حاولي تنوعين في انواع الخل كل مره استخدمي نوع مع الطباخ لحد ما توصلين للي يعجبج فكل وصفه

وصحتين على قلوبكم
طلع عندنا خبير طبخ


ولكم بك يا ابو عبدالعزيز