هل انت مميز بأخلاقك أو برقم سيارتك ؟؟

[لمت اب]

سلام عليكم ورحمة الله وبركاته
أعزاءي
قد اتفهم ان احد يشتري رقم جوال مميز لسهولة الاتصال به
وقد اجد بصعوبة عذرا لأمرأه تشتري ساعة ب 50 الف ريال
لكن الذي لا اجد له عذرا بتاتا ولا في أي منطق ولا في أي عرف هو
ان يدفع بعض الناس الألاف بل مئات الألوف في رقم سيارة ؟؟؟
برأيكم ماذا يستفيد من يشتري ارقام السيارات بالألاف ؟؟
غير شوفوني يا ناس اني مميز
يا اخي تميز بأخلاقك
ورقي تعاملك مع الاخرين
والرقم المميز ترى ما يرفع قدرك عند الناس
لماذا يرضى الشخص ان يؤثم في سبيل ان يقول عنه الناس أنه مميز

[alsoq]

يقول المثل المصري

اللي عنده قرش ومحيره يشتري حمام ويطيره


هذا يعتمد على شخصيه الشخص فهو لديه نقص في شخصيته وهذا هو الاكيد

والبعض مريض الله يشفيه

[MAZEN37]

هبينا ويه العالم وشتريت رقم مميز وبعد سنه بعته كانت تجربه بالنسبه لي وما ستفدت شيء فعلا لكن انا اقولك مافي شي يشغلنا صح وله صراحه اهتمامات مالها داعي

[R 7 A L]

انا اشتريت رقمك خماسي مميز سنه 2012 ب 14الف
اخر سومة قبل سنة 30 ومابعت
ولو اعرضه بيجيب 50 الف
اذا خلص مجلسنا الجديد بعته وبقيمته اثثت فيه المجلس
شرايك منه فايدة ولا لا ؟

[بانغ بانغ]

صراحة كلامك صح راع الموضوع

الناس مظاهر وعايشة في خير الله ايدومه بس ما تعرف الأولويات وان في ناس اتموت من الجوع

كثر المال من علامات الساعة

[بوحارب]

برقم سيارتي :(

[qatari 111]

في ناس اعرفهم مركبين ارقام بالمئات واخلاقهم طيبه

انت قاعد تشوف الناس من منظورك والحمدلله الناس شايفه خير ومحد يتكبر على رقم مميز
والارقام المميزه انا اشوفه استثمار يعني مهما طال عمر الرقم بيتم سعره فيه ويزيد الدبل بعد
لاتنسى الارقام الثلاثيه اللي كانت تنباع فالمرور على 3الاف و7الاف شوفها الحين كم اوصلت اسعارهم
لاتسيئ الظن بالناس وانت متعرفهم ولا جالستهم

[نفسي عزيزه]

عندي رقم ثلاثي تشتري ؟ وفيه صفر بعد :)

[تغلبية]

خلنا نعتبر الارقام المميزة كلش .. أصل من الأصول الاستثمارية من جذيه الناس تشتريها وتخليها سنين علشان تجيها ارباح

هذي وحدة من الاسباب

وفي ناس مهووسه بهالارقام مثل هوسها بالكورة !

[معماري قطري]

انا أَشوف انه نوع من الجهل .. لا رقم السيارة ولا رقم التلفون مهم .. رقم التلفون يتخزن ليش ينحفظ؟

لو يغيرون الأَرقام ويسوون حروف ويسمحون باختيار تركيبة حروف معينة وبضوابط بحيث تعني كلمة أَو اسم سهل ومحبب .. وبحروف انجليزية كبيرة واضحة ويعرفها المواطن والزائر .. غير عن الأَرقام العادية .. وهذي تكون بمقابل معين ومحدد ما يزيد ولا يقل وتسجل باسم الشخص ولا يحق له يبيعها .. ولو بغى يردها يردها للمرور والمرور هو يتصرف فيها .. في هالحالة بتكون أفضل بوايد.

[بصمة قطرية]

أشوف هالشي حرية شخصية ..!!
ما له علاقة بالتميز ..
والله اللي عنده خير و قادر ياخذ خله ياخذ شلي يمنعه ..!!
و لو في يوم بغا يبيعه أكيد راح يكسب فيه
ماراح يبيعه بخساره ..

[بوعابد333]

هالقسم كله انتقاد بانتقاد بانتقاد ولاشي عاجبكم :rolleyes2:

ما اشوف اي مشكله ياخي واحد الله رزقه ومريش ترا الرقم اللي بنص مليون عنده غير ماهو عند اللي اقل مستوى منه !

خلاص عيل لا تشتري ايفون الجديد لانه الفقير اللي موب لاقي ياكل يشوف سعره غالي ومبالغ فيه؟!

انا معاك اذا تكلمت عن الفئه اللي على قد حالها وتاخذ ديون عشان المفوشر قدام خلق الله هذيلن انا معاك 100% وبالنهايه مد رجولك على قد لحافك والله يهدينا ويهدي الجميع

[v_h3]

والله حالة :) ياخي انا عندي ارقام وبكشخ فيها وبركبها على مواتري حرية شخصية عيل اخليها فالمرورمحد له شغللل كل واحد قام يدخل فنواية الناس وإلي يقول مريض نفسي ههههه

[v_h3]

وكل واحد يمد رجولة على قد لحافة ولايطالع غيرة ويدخل فنواية الناس :) اي ونسيت انا مميز برقم سيارتي ترا ههههههه

[لمت اب]

أولا : شكرا لكل العقول الراقيه التي تفاعلت مع الموضوع
ثانيا : ان من يستمثر في الارقام الله يرزقه ويوفقه --لانعترض عليه
ثالثا: الي يقولون عندهم فلوس ومتميز بارقامهم مثل الي يمشي في السوق
وملصق على ثوبه فلوس ويقول شوفوا انا عندي فلوس

على كل حال
شكرا للمتميزين بالعقول الراقيه وليس بالفلوس الفانيه

[بو خليفه 123]

أولا : شكرا لكل العقول الراقيه التي تفاعلت مع الموضوع
ثانيا : ان من يستمثر في الارقام الله يرزقه ويوفقه --لانعترض عليه
ثالثا: الي يقولون عندهم فلوس ومتميز بارقامهم مثل الي يمشي في السوق
وملصق على ثوبه فلوس ويقول شوفوا انا عندي فلوس

على كل حال
شكرا للمتميزين بالعقول الراقيه وليس بالفلوس الفانيه



وين عايش انت اخوي ؟

ذكرتني يوم كنا ناخذ العيديه و نحط الخمسينات بالمخبى الي فوق :shy:

[مخطط قطري]

انا مميز برقم سيارتي- لانه ثقافه مجتمعك الان هي المظاهر لاتخدع نفسك بالمثاليات الحين الصايع الضايع الي عنده فلوس الكل يجامله ويقلون له بكره بيعقل اهم شي بطرته-
بعدين كل ماكان الرقم مميز اكثر كل مكان احترام المجتمع ككل له اكثر مع الاسف هذا واقع غير ثقافه المجتمع وعقب اطرح هالمثاليات
لاشك الاخلاق رقم 1 بس الحين من يشوف الاخلاق مع الاسف مافي حد الا ماندر

[لمت اب]

اخي المخطط القطري
اسمح اعترض على كلامك
المجتمع القطري لا يحكم على الشخص بسيارته او بفلوسه
وان وجد من يحكم بذالك فهم قله قليلي المعرفه
كل شخص افعاله وانجازاته ترفع من شأنه او تقلل
انا شخصيا عندما ارى شخص يتفاخر بفلوسه بهذه الطريق اعرف انه به نقص
وليس هكذا الشخص يعالج الخلل .. بل يجد ويكافح ويترقى بالعلم والعمل

[مخطط قطري]

اخي المخطط القطري
اسمح اعترض على كلامك
المجتمع القطري لا يحكم على الشخص بسيارته او بفلوسه
وان وجد من يحكم بذالك فهم قله قليلي المعرفه
كل شخص افعاله وانجازاته ترفع من شأنه او تقلل
انا شخصيا عندما ارى شخص يتفاخر بفلوسه بهذه الطريق اعرف انه به نقص
وليس هكذا الشخص يعالج الخلل .. بل يجد ويكافح ويترقى بالعلم والعمل

روح عرس ولا روح مجلس وسيارتك بنتلي او رولزرايس ورقهما 999 في مجتمع قطري وروح في كامري رقمها مخربط وانت من روس عرب ومعروف واخلاقك عاليه وانتو عند البوابه بياخذون سيارتك وبيقطونك انت وسيارتك برا والرولز رايس بيدخلونه قبلك بغض النظر من الي فيه
يانك ماتشوف المجتمع ولا صارلك زمان ماتدري عنه وماصار عند اب ديت
وبنسبه للخلل نعم فيه خلل الثقافه العامه لمثل هلامور هي الخلل
بعدين من قالك في ناس تتفاخر بفلوسها ولا بالجاه ولا بالمنصب شدخل التفاخر في هذا الامر لاتخلط الاوراق
ممكن راعي الرقم شخص متواضع ومحترم واخلاق جدا بس مجتمعك هو الخلل منه مش من الشخص ولاشيخلي الشخص ياخذ افخم السيارات ويشتري اغلى الارقام لانه نظرت المجتمع صارت هشكل

[بوخالد911]

الأخلاق ترفع صاحبها فوووووووووووق
وكذلك الرقم المميز يرفع صاحبه فوق ويكون محط أنظار الناس

بس أكيد الأهم الأخلاق


ويا حظ وبخت من جمع بين الشغلتين

[همر]

الأخلاق ترفع صاحبها فوووووووووووق
وكذلك الرقم المميز يرفع صاحبه فوق ويكون محط أنظار الناس

بس أكيد الأهم الأخلاق


ويا حظ وبخت من جمع بين الشغلتين


ياخي لازم تحرجني ؟ :shy:

[hanayen]

تبذير ما له داعي

[مشاكل]

انا اشوف انه نوع من الزينة والتزيّن ،،،
واللي عنده خير الله يرزقه ويهنيه حتى لو رقم قيته مليون
لكن المرفوض ان يستدين الانسان او يقدم الرقم المميز على حاجته وحاجة اهل بيته والصدقات والزكاة
وبالاخير ترى الارقام المميزة من افضل الاستثمارات الامنه في وقتنا الحاضر

[مشاكل]

الأخلاق ترفع صاحبها فوووووووووووق
وكذلك الرقم المميز يرفع صاحبه فوق ويكون محط أنظار الناس

بس أكيد الأهم الأخلاق


ويا حظ وبخت من جمع بين الشغلتين
هنا تجد الحكمة :victory:

[Dmy Enabi]

إلي ربي ماعطه خير الله يزيد ويبارك له
ومايمنع يجمع بين الإثنين
لكن أتسلف وأحط على نفسي ديون فهذا أمر آخر
في النهاية إلي معاه قرش محيروه ....

[bos3eed]

لاشك ان وجود رقم مميز على السيارة يدل ان راعيها مرتاح ماديا, لكن لو افترضنا ان هناك قانون يمنع ويجرم بيع هذي الارقام او مساومتها باي سلعة او خدمة اخرى وان ادارة المرور ترفض تبديل الاسامي, كيف سيتم توزيع هذي الارقام وعلى اي اساس. لاحظ ان مب كل اللي عندهم ارقام مميزه اشتروها, ممكن يعرف حد في المرور وساعده.
ولكن اتفق معاك, في البداية كانت الامور طبيعية بس لما بدت الاسعار تزيد بشكل مبالغ فيه صار الموضوع تبذير

[Rider]

هي نوع من التجارة اخوي العزيز ناس يرزقون من وراى الارقام لكن المصيبة الي منتف ومركب رقم مميز على سيارة ماتسوى

[المحاميه]

رقم سيارتي طبعا ونوعها ولونها

[مشاكل]

رقم سيارتي طبعا ونوعها ولونها

مافيكم حيله يالحريم حرقتوا الشباب بمواتركم وارقام سياراتكم ،،، الله يزيييييدكم

[وحيد-الشوق]

اكيد مميز برقم سيارتي



















ههههههههه امزح امزح اهم شيء الاخلاق :)

[معماري قطري]

روح عرس ولا روح مجلس وسيارتك بنتلي او رولزرايس ورقهما 999 في مجتمع قطري وروح في كامري رقمها مخربط وانت من روس عرب ومعروف واخلاقك عاليه وانتو عند البوابه بياخذون سيارتك وبيقطونك انت وسيارتك برا والرولز رايس بيدخلونه قبلك بغض النظر من الي فيه
يانك ماتشوف المجتمع ولا صارلك زمان ماتدري عنه وماصار عند اب ديت
وبنسبه للخلل نعم فيه خلل الثقافه العامه لمثل هلامور هي الخلل
بعدين من قالك في ناس تتفاخر بفلوسها ولا بالجاه ولا بالمنصب شدخل التفاخر في هذا الامر لاتخلط الاوراق
ممكن راعي الرقم شخص متواضع ومحترم واخلاق جدا بس مجتمعك هو الخلل منه مش من الشخص ولاشيخلي الشخص ياخذ افخم السيارات ويشتري اغلى الارقام لانه نظرت المجتمع صارت هشكل

اسمح لي هذي نظرة واطية

شفت شياب الله يغفر لهم يدخلون عند الأَمير ويوصلونه في لاندروفر قديم ولبسهم عادي ومقدمين .. ومعروفين بالرزق الوفير دنيا وان شاء الله آخرة .. يمكن لو رحت عرس وسيارتك كشخة يفتحون لك الحرس لو عرس فيه تنظيم وحراسة وهم ما يعرفون من شخصك .. ويمكن لو رحت عند ناس تعرفك وتقدرك بيقدرونك لو وشي سيارتك .. والرقم صراحة شيء محد كان يطالعه الا الصغار .. شوف سيارات سمو الأَمير الله يحفظه وشوف أَرقامها كلها عادية جداً .. وسمو الأَمير الوالد كان يطلع أَوقات في سيارات عادية جداً .. وكذلك الوضع مع كثير من الشخصيات .. يمكن يكشخ بسيارة زينه لكن الرقم الاهتمام به من فئة بسيطة فقط.

[يمامـة]

الناس ترز صاحب الاشياء المميزة

لكن الواحد كيف ممكن ياترى يرز نفسه ويقيمها؟

نترك هذا للي يحب يقيم نفسه بعيد عن الأشياء المميزة..

[عضو مشاكس]

اكيد مميز برقم سيارتي



















ههههههههه امزح امزح اهم شيء الاخلاق :)

هههههههههههههههه

[qatara]

اذا اخنا بهذا المقياس

تقديرك عند الخلوقين باخلاقك

وعند التافهين والتافهات اهل النظره الماديه
والاحساس بانه ناقص ويكمله الرقم

بسيارتك اوبرقم سيارتك

[رحال]

صاحب الموضوع طرح قضية أصبحت تشغل أغلب الناس للأسف
الصغير قبل الكبير ..
وللأسف تابعت أغلب التعليقات .. وأصبح الكل يستعرض بما لديه ..
ويعلق على صاحب الموضوع ..
وجميل من الجميع ماسطرت أيديكم فهنيئا
لنا بأقلامكم التي تثري هذا الموضوع المطروح ..
ياليت أن نجعل أقلامنا وأفكارنا في هذا الموضوع مايزيد من وعي الناس
بعيدا عن المهاترات والنقاشات الغير مجدية ..
ومن لديه فائدة يفيدنا ونحن منصتين له ..؟

[لاجل QT]

في ناس تشترى الارقام استثمار او تجارة

او ورث للابناء

رفيجتى حصلت من ورث ابوها رقم مميز بمبلغ وقدرة

[qatara]

في ناس تشترى الارقام استثمار او تجارة

او ورث للابناء

رفيجتى حصلت من ورث ابوها رقم مميز بمبلغ وقدرة

نعرف ذالك لاكن هل تقديرالشخص
واحترامه بسيارته و برقم والسياره ؟