شي تخاف منه أو تحاتيه

[المحاميه]

السلام عليكم


من خلال هالموضوع يقدر كل واحد منكم يعبر عن خوفه من شي محدد او شي يحاتيه

سواء شي مستقبلي او حالي

يعني ممكن يفضفض

ويمكن يتغلب على خوفه ب هالطريقه لانه يفكر بصوت عالي

ويمكن حد يساعده او عالاقل يواسيه

يعني أفضل من محاورة الذات والانغلاق عليها بهالمخاوف



يالله كل واحد يحذف دلوه :nice:

[سعود العمادي]

صباح الخير

موضوعج حلو اختي المحاميه

ولي رجعة ان شاء الله

[المحاميه]

أنا أول وحده ~


الصراحه خايفه انصك باند

يعني عندي شعور ان راح يجي يوم ماقدر ادخل واشارك فيه بسبت الباند

ويمكن يكون باند قوي لدرجه ماقدر ادخل واقرا

يعني لازم اتصفح الموقع ك زائر :rolleyes2:

[المحاميه]

صباح الخير

موضوعج حلو اختي المحاميه

ولي رجعة ان شاء الله


تسلم اخوي

ليش لك رجعه

تفضل عبر الحين هههه < مستعيله

[شبح الصمت]

خايف يجي اليوم وشوفج مصكوكه باند أنتي وحمد لانه اشوفه يتهدد يبي الباند ويعطونكم بالشمع الاحمر

بس ما عليج ان جاك الباند بنغشل الواسطات لحل قضيتكم ورجوعكم بقوه للمنتدى ..

هههههههههههههههاي

صراحة انا مب خايف من اي شيء وكل ما اتذكر الخوف اتذكر الاية الكريمة

قُلْ لَنْ يُصِيبَنَا إِلَّا مَا كَتَبَ اللَّهُ لَنَا ( التوبة: 51 )

[حمد 2002]

http://www.qatarshares.com/vb/showthread.php?581631-شي-يزعجني-يضايقني-ينرفزني-متجدد

مكرر


بالتوفيق .. :shy:

[حمد 2002]

يالربع نبي افكار مبتكره تعبنا من التكرار والله ...

[الحياة الخالدة]

يا حمد يالله صباح خير .. صل على النبي
خايف من شي غير عن ينرفزني شي
خل كل واحد على راحته و الإدارة أبخص

[حمد 2002]

يا حمد يالله صباح خير .. صل على النبي
خايف من شي غير عن ينرفزني شي
خل كل واحد على راحته و الإدارة أبخص

صلى الله عليه وسلم ..

تعددت الاسامي والمقصد واحد .. :victory:

[شبح الصمت]

عليه أفضل الصلاة والسلام

بوشهاب
هههههههههههههههههاي

جالس للعالم جلسه

خله يمكن يختلف اشوي خل العالم تستمع

[بوخالد911]

حاليا مافي شي أخاف منه بالشكل الحقيقي

ويسلمووو للموضوع
:)

[المحاميه]

خايف يجي اليوم وشوفج مصكوكه باند أنتي وحمد لانه اشوفه يتهدد يبي الباند ويعطونكم بالشمع الاحمر

بس ما عليج ان جاك الباند بنغشل الواسطات لحل قضيتكم ورجوعكم بقوه للمنتدى ..

هههههههههههههههاي

صراحة انا مب خايف من اي شيء وكل ما اتذكر الخوف اتذكر الاية الكريمة

قُلْ لَنْ يُصِيبَنَا إِلَّا مَا كَتَبَ اللَّهُ لَنَا ( التوبة: 51 )

هههه ايه هذا المقصد عشان اذا شفتوني اختفيت يعني باند يعني شغلوا الواسطات :secret:

شبح ندري ان كل شي بيد رب العالمين
بس يمكن فيه شي ف بالك تحاتيه هالفتره
شي ف الشغل
اممم تبي تسافر وخايف تركب الطياره الخ < كلش مب نقزه حق حمد :secret:



http://www.qatarshares.com/vb/showthread.php?581631-شي-يزعجني-يضايقني-ينرفزني-متجدد

مكرر


بالتوفيق .. :shy:

يالله صباح خير
دام ماتعرف تفرق بين الاثنين ف ماراح ارد عليك



يا حمد يالله صباح خير .. صل على النبي
خايف من شي غير عن ينرفزني شي
خل كل واحد على راحته و الإدارة أبخص

عليه أفضل الصلاة والسلام
اشكرج لانج وضحتيله

زين ماقلتيلنا تخافين من ايش :secret:

[المحاميه]

انا احاتي الراتب

يعني بقى منه شي بسيط واحنا للحين ماوصلنا نص الشهر حتى :)

[شبح الصمت]

لا انا ما احاتي الراتب لانه خلص من خامس يوم من الشهر

فاموري طيبه الحمد لله

:secret:

[المحاميه]

هههه اشلون عايش :eek5:

انا اذا بقى شوي خلاص اوقف من نفسي واحاسب
عشان مادخل ف مرحلة الخطر :nice:

[الحياة الخالدة]

خايفة يجي يوم أطيح فيه و اصير ثقيلة و هم على اللي حوالي
عشان جذي أتمنى اروح من غير ما اثقل على حد

[شبح الصمت]

آسمله عليج يا الحياه إن شاء الله اتمين خفيفه على الكل ..

وكلن بيطيح بس يبقى الي بنطيح عليهم عيالنا آهلنا

ان طحنا بيشلونا نفس ما شليناهم

يروحون 10 ويبقى معاج شخص مخلص ما ينساج

[الحياة الخالدة]

سمت عليك الملايكة يا شبح
الله يحسن خاتمتنا

[حمد 2002]

هههه اشلون عايش :eek5:

انا اذا بقى شوي خلاص اوقف من نفسي واحاسب
عشان مادخل ف مرحلة الخطر :nice:

شبح مايعتمد على الراتب :secret:

[حمد 2002]

خايفة يجي يوم أطيح فيه و اصير ثقيلة و هم على اللي حوالي
عشان جذي أتمنى اروح من غير ما اثقل على حد

:weeping::weeping:

[المحاميه]

صاجه الحياه

ان شاء الله نكون خفاف ومانثقل على حد

الدنيا تغيرت والنفوس تغيرت

واللي شلينا امس ماراح يشلنا باجر :(

[المحاميه]

اخاف اداوم متأخر وبالتالي ارجع البيت متأخر :weeping: التأخير عندنا منقود

ف كل يوم احاتي هالموال

[زبرجد]

هههههههه انا بحذف دلوي .
حلو الموضوع .
لي رجعة إن شاء الله .
بخاف وبييكم :)

[غايه الطواش]

اخاف من التحرش الجنسي فالمدارس
ماتتخيلين قد ايش هالموضوع مسبب لي ازمه
اخاف ع اليهال بطريقه احس بتوصلني للجنون

[رحال]

خايفة يجي يوم أطيح فيه و اصير ثقيلة و هم على اللي حوالي
عشان جذي أتمنى اروح من غير ما اثقل على حد

الله يعطيك طولت العمر وأنتي بصحة وسلامة ان شاء الله
تفائلي بالخير والدنيا للحين بخير والبارين موجودين ان شاء الله

[sweet qatar]

اخاف ازعل الي أحبهم :(

[الحياة الخالدة]

وياك ان شاء الله يا رحال .. جزاك الله خير

[زبرجد]

أخاف من كلام الناس .
وأخاف أطيح من عين إللي أعزهم .
وأخاف الإنتقاد:
وللأسف هالخوف سلبي لأنه يقيدني ويحد من أشياء وايد ممكن أسويها .

[زبرجد]

اخاف من التحرش الجنسي فالمدارس
ماتتخيلين قد ايش هالموضوع مسبب لي ازمه
اخاف ع اليهال بطريقه احس بتوصلني للجنون

نفس مخاوفج مريت فيها ولله الحمد عدت على خير
استودعيهم الله وقولي اللهم حصن فروجهم .
وحفظهم من شر الأنس والجن ومن شرور أنفسهم .
ونبهيهم وقولي لهم تحمل حد يمسكك.

[Miss]

اخاف من سيرة الموت
ولا أحب اسمع مثل هالاخبار
اخاف أفقدهم :(

من الاشياء المحسوسه اللي اخاف منها الحشرات السامه بكل انواعها
عندي فوبيا منها :eek3:

[JN000N]

اخاف مايطلع غدانا سمح اليوم :eek3:

[نفسي عزيزه]

خايف أنا خايف لو أمشي لك سنين ويجف قلبي من الظمى وأنزف حنين ما نلتقي خايف يذوب ...

[JN000N]

خايف أنا خايف لو أمشي لك سنين ويجف قلبي من الظمى وأنزف حنين ما نلتقي خايف يذوب ...

قلط قلط
لازم تقول شي يناسب سنك

أخاف احجي وعليه الناس يقولون
شيقووولوون
تولع بالمحبة وصار مفتون
خل يقولون

[نفسي عزيزه]

قلط قلط
لازم تقول شي يناسب سنك

أخاف احجي وعليه الناس يقولون
شيقووولوون
تولع بالمحبة وصار مفتون
خل يقولون

مـا أمـوت في حبــك ولا يمكــن آمــوت بالعـكـس أنا يـا كــلّ عمـري أعيــشــك جاوب محبــك كيـف من حـبـك يـمـوت؟ وإنـت الحيـــاه وكــل مـا بـي يعـيـشـك .

[JN000N]

^ خايفه نفسي عزيزة صايدته ام الديفان مب طبيعي هالولد صاير حبّيب
الله يخفف عنك يالطيب

[نفسي عزيزه]

الحمد لله رايق

[بوحارب]

احاتي موتري مسلمه شركة شحن في الطائف عشان يوصلونه لين سلوى

وان شاء الله يوصل الموتر مثل ما سلمته ;)

[محب قطر 64]

اخاف الغدر
اكثر الناس غدر
مصلحة و مصالح وان انتهت المصلحة غدر
الا من رحم ربك
وهم قلة
دايما القرآن
ولكن اكثر الناس لا يوقنون
ولكن اكثر الناس لا يؤمنون

[ريم الشمال]

كيف احاتي وانا وكلت امري للذي عينه لا تنام سوف يريني فيهم عجائب امره
وما ذلك ببعيد

[بوحارب]

احاتي حجز العوده :)

[المحاميه]

اخاف من التحرش الجنسي فالمدارس
ماتتخيلين قد ايش هالموضوع مسبب لي ازمه
اخاف ع اليهال بطريقه احس بتوصلني للجنون

صاجه والله خصوصا ان هالشي صار منتشر هاليومين
الله يحفظ اليهال ويبعد عنهم شر هالناس المرضى


اخاف من سيرة الموت
ولا أحب اسمع مثل هالاخبار
اخاف أفقدهم :(

من الاشياء المحسوسه اللي اخاف منها الحشرات السامه بكل انواعها
عندي فوبيا منها :eek3:

اغلب الناس تخاف من الموت وفقد الاشخاص اللي يحبونهم
بس لازم نتغلب على هالشي ونوكل امرنا لله
واكيد اللي الله كاتبه بيصير


اخاف مايطلع غدانا سمح اليوم :eek3:

ههه قولي والله
لا جد شي مرعب جدا


خايف أنا خايف لو أمشي لك سنين ويجف قلبي من الظمى وأنزف حنين ما نلتقي خايف يذوب ...

مضيع
العنوان غلط


احاتي موتري مسلمه شركة شحن في الطائف عشان يوصلونه لين سلوى

وان شاء الله يوصل الموتر مثل ما سلمته ;)

ههه خوفك ف محله
راح الموتر فيها

[المحاميه]

استمرا ف سرد مخاوفكم

باجر عندي موعدين واخاف اتاخر
من كثر ماحاتي
اليوم حلمانه اني متاخره

[مشـــــاعر]

.

دآإيم أحآإتي لو كبرت وصرت (عجوز) شلون بيكون شكلي :nop::nop::nop:

[حمد 2002]

استمرا ف سرد مخاوفكم

باجر عندي موعدين واخاف اتاخر
من كثر ماحاتي
اليوم حلمانه اني متاخره

طوول عمرج متاخر ه ومخالفه القوانين ..

[بدوي خليجي]

اخشى وقت السؤال حين اسال وانا بالقبر أسال الله لنا ولكم الثبات

[مشـــــاعر]

اخشى وقت السؤال حين اسال وانا بالقبر أسال الله لنا ولكم الثبات

آإللهم آآآآآآآآآآآآآآآمين . .

[المحاميه]

خايفه من الميزو لان يعور :weeping:
وخايفه اتاخر على سوق واقف

[المحاميه]

طوول عمرج متاخر ه ومخالفه القوانين ..

ههههه يالليل النشبه

[شاهين]

على قد مااسافر
بس لين اركب الطياره يصيدني شلل من كثر الخوف
والله اسافر ولين انا في بلاد الغربه افكر في الرجعه بالطياره
والمشكله اني اموت من اليوع ولااقدر اكل شي
ومايذبحني الا لين الطياره توها تطير من المدرج ويلف بها يمين ويسار
يااااااااااااو الموت بعينه

[المحاميه]

على قد مااسافر
بس لين اركب الطياره يصيدني شلل من كثر الخوف
والله اسافر ولين انا في بلاد الغربه افكر في الرجعه بالطياره
والمشكله اني اموت من اليوع ولااقدر اكل شي
ومايذبحني الا لين الطياره توها تطير من المدرج ويلف بها يمين ويسار
يااااااااااااو الموت بعينه

ليش كل هالخوف
ترا الكل يخاف بس بدرجات متفاوته
توكل على الله وخلاص
حوادث الطيارات نادره واللي ربك كاتبه بيصير وين ماكنت ف طياره ولا سياره

[المحاميه]

احاتي ناس خايفه عليهم
وكلتهم ربي عسى ربي يحفظهم وهم بعاد عني

[R 7 A L]

في ذمتكم هذا موضوع !!!

[المحاميه]

في ذمتكم هذا موضوع !!!


اممم
انت شتشوف؟
كلك نظر يعني

ش تآمر عليه؟

[R 7 A L]

اممم
انت شتشوف؟
كلك نظر يعني

ش تآمر عليه؟


لا صدق هذا موضوع
كلنا متفقين اننا نخاف من الله
غير الخوف من الله ماله داعي

[المحاميه]

لا صدق هذا موضوع
كلنا متفقين اننا نخاف من الله
غير الخوف من الله ماله داعي

اممم
يعني احلف
انك ماتحاتي ولاتخاف من امور ثانيه؟

مثلا عندك موعد او متأخر او وراك سفره
ماتحاتي؟؟؟؟

عنبو مب آدمي انت؟

[المليونير الفقير]

اخاف من القبر والموت عسى الله يرحمنا برحمته اجمعين

[المحاميه]

اخاف من القبر والموت عسى الله يرحمنا برحمته اجمعين

آمين..

والله يهدينا

[العلياا]

ابوي حالته الصحية فالفترة الاخيرة متدهورة

كل خوفي اني افقده خصوصا وانا في هالعمر :weeping:

[المحاميه]

ابوي حالته الصحية فالفترة الاخيرة متدهورة

كل خوفي اني افقده خصوصا وانا في هالعمر :weeping:

الله يشافيه
وعسى عمره طويل

ادعيله بالصحه والعافيه
وان شاء الله دعائج مستجاب

توكلي على الله ولاتحاتين وايد
الله يطول باعمار والدينا

[شبح الصمت]

ابوي حالته الصحية فالفترة الاخيرة متدهورة

كل خوفي اني افقده خصوصا وانا في هالعمر :weeping:



الله يشفيه ويعافيه أختي العليا
وعليج بالدعاء له .

وتاكدي انه كلنا خلقنا من تراب وبنرجع للتراب الحين والا بعدين ..
محدن يدري وش الله كاتبه له.

اهم شيء العمل الصالح والولد الصالح الي يدعي لوالديه ..
الله يطول بعمره ويمده بالخير وتقر عيونكم بسلامته يارب .

وسلامة كل غالي على قلوبكم ..

[شبح الصمت]

الخوف من قبضة الروح وهي على معصيه ..

الله يغفر لنا ويرحمنا ويجعل آخر كلامنا

أشهد إن لا اله الا الله وان محمداً رسول الله

..

[العلياا]

الله يشافيه
وعسى عمره طويل

ادعيله بالصحه والعافيه
وان شاء الله دعائج مستجاب

توكلي على الله ولاتحاتين وايد
الله يطول باعمار والدينا







الله يشفيه ويعافيه أختي العليا
وعليج بالدعاء له .

وتاكدي انه كلنا خلقنا من تراب وبنرجع للتراب الحين والا بعدين ..
محدن يدري وش الله كاتبه له.

اهم شيء العمل الصالح والولد الصالح الي يدعي لوالديه ..
الله يطول بعمره ويمده بالخير وتقر عيونكم بسلامته يارب .

وسلامة كل غالي على قلوبكم ..

اللهم آآآمييين
والله يخلي لكم كل غالي

[المحاميه]

احاتي اكلي اللي صاير خرابيط

امس ريوقي كان فطيرة الشوكلت من سلم ان لايت

وغداي ولاشي

وعشاي فوندو من هاجن داز

[دااانة قطر]

خايفة يجي يوم أطيح فيه و اصير ثقيلة و هم على اللي حوالي
عشان جذي أتمنى اروح من غير ما اثقل على حد


.
دآإيم أحآإتي لو كبرت وصرت (عجوز) شلون بيكون شكلي :nop::nop::nop:

نفس المخااوف اللي عندي
يارب لاتحوجني لأحد وترزقني حسن الخااتمة
والله يعطينا وايااكم الصحة والعاافية




ابوي حالته الصحية فالفترة الاخيرة متدهورة
كل خوفي اني افقده خصوصا وانا في هالعمر :weeping:

الله يعطيه الصحة والعاافيه ويحفظه
عليكم بالدعااء

[دااانة قطر]

أحاااتي بنااتي من بعدي الله يحفظهم من كل شر

[شذى الحياة]

لقائي بالله سبحانه وتعالى

اسأل الله ان يرحمنا برحمته الواسعه

[بوحارب]

احاتي تصليح الموتر

[شذى الحياة]

وووووي ... ههههههه ...كل في قلبه شيقى الليله

[بوحارب]

اي والله

الله يزينها بس

[المحاميه]

اخاف حد يقط كلام جارح ويمشي ولا عليه :sneaky:

[بوحارب]

انا صاحب القلب الأبيض >~<

[المحاميه]

^

جايز


المهم روح شوف موترك خلص ولا بعده :nice:

[bohilal191]

نتيجة امتحان اليوم

[حمد 2002]

اخاف من المجهول ..

[بنت مريخ]

من المجهول

[المحاميه]

كل مره اسوي دايت واوصل لنتيجه مرضيه

بس هالمره السالفه ماضبطت معاي

احاتي وزني اللي مب راضي يعتدل وينزل

اخاف ايجي اليوم الموعود ووزني للحين مانزل :weeping:

[الرويـس]

اتعلق بشخص

[المحاميه]

خايفه افقد اعصابي

:anger1:

[ولي العهد]

الموت مع انه حق

[المحاميه]

توضيح

كلنا نخاف من الموت
او فقد عزيز
او من يوم الحساب


لكن الموضوع على المستوى الشخصي والحياه الخاصه

يعني مخاوفكم اليوميه من المواقف اللي بتصيدكم او من شي ناطرينه

اتمنى اوصلت الفكره :victory: