+++ ممشى هوائي وجدار مائي ،، وحصرياً للمنتدى +++

[jajassim]

ممشى هوائي وجدار مائي


صممت هذا الممشى ليكون مكملاً وإضافة جمالية للمنظر الطبيعي ل كتارا لاحتوائه على تصميم هندسي معماري للمنطقة فهو عبارة عن ممر مرتفع ممهد ومصمم معمارياً وقائماً على أعمدة خرسانية ، يفصلها عن بعضها فواصل مقوسة المعروفة هندسيا (ARCH) مستوحاة من الطراز الروماني .

وتأتي هذه الفكرة بعد ملاحظة الإقبال الكبير من عامة الناس على رياضة المشى . بهدف تشجيع ممارسة الرياضة ونشر الثقافة الرياضية بين الجمهور وخاصة لليوم الرياضي للدولة ويمتاز بالخصوصية وخاصة للعائلات .

كما توجد شلالات مياه ساقطه ممتدة بطول أسفل الممشى متخللة للأعمدة لتضيف مظهر جمالي إضافي للممشي مع تخفيف حدة الحرارة في فصل الصيف وذلك بمرور التيار الهوائي على المياه المتساقطة من النافورة .

وبسبب إرتفاعه عن الأرض يمنح المشاة عبر الممشى رؤية المنطقة بأكملها بوضوح


، ومرفق 5 صور للتوضيح فقط .

فمأ رايكم ؟ :nice:



http://www3.0zz0.com/2014/04/10/20/626469648.jpg (http://www.0zz0.com)

http://www3.0zz0.com/2014/04/10/20/832074858.jpg (http://www.0zz0.com)

http://www3.0zz0.com/2014/04/10/20/963840823.jpg (http://www.0zz0.com)

http://www3.0zz0.com/2014/04/10/20/237275580.jpg (http://www.0zz0.com)

http://www3.0zz0.com/2014/04/10/20/268163434.jpg (http://www.0zz0.com)


وشكرا

[رهج السنابك]

ممكن صور اكثر بالنسبه لي ماوضحت الفكره
مقارنه بالشرح

[شمس]

بالتوفيق بس لو مظلل أحسن

[نور الحور]

الفكرة رائعة جاسم ..

عجبتني فكرة الاستثمار العمودي للمساحة ..

وفوق هذا بيكون المنظر روووعة .. والجو ابرد فوق ..

والماي شكل ووظيفة ..

احييك على الابداع ..

بس لو كان الممر مظلل بنباتات يكون اجمل وابرد ..

موفق يالمبدع :nice:

[بوخالد911]

الف شكر لك

[رُفق المجنّا]

الله يوفقك دنيا وآخره

استفادة من مساحة ومنظر جميل ولكن الواقع يقول أن عشرات العمال يموتون سنوياً لـ عدم وجود جسور لعبور المشاة فكيف اذا الهدف هو اقل اهمية

الله يعطيك العافية

[أسد الجزيرة]

فكرة جيدة و لكن الفكرة من كتارا عرض المعمار القطري فياحبذا (متعوب عليها :nice: ) تم الاستعانة باعمدة ذات طراز قطري او اسلامي

[معماري قطري]

الفكرة مبدأَها حلو بس تحتاج تطوير .. أَول شيء من الرسوم تبين الأَعمدة وايد .. وهذي بتسوي تعقيد للمنطقة اللي مبنية وجاهزة .. ثاني شيء بتكون فيه خطورة على الأَطفال والصغار من الوقوع .. ولا ننسى المنظر المفتوح لكتارا والمخطط أَصلاً للمشي على الحجارة الغير مستوية حتى تتكسر أَرجل أَهل قطر.

قبل فترة تكلمت في فكرة مقاربة لكن بطريقة جسر معلق بكيابل حديدية وبعرض كبير يوصل حتى ل 15 متر .. وممكن يكون منحني قليلاً حتى يكون هناك بذل جهد في الركوب وسهولة في النزول بعد قطع المنتصف .. العمدان في الأَطراف تقريباً وتكون بشكل برج تراثي ويمر الممشى من وسطها من الكورنيش لجزيرة النخيل.

لو حبينا نطور أَكثر الفكرة نقدر نسوي ممرات جانبية واحد للتزلج على عجلات وواحد للدرجات الهوائية ويكونون شوي نازلين عن الممر الوسطي للمشاة بحيث ما يعيقون الرؤية ولا يسببون ازعاج.

الممر بيكون طوله تقريباً كيلو ونص ومرتفع فوق البحر ومعلق بكيابل وممكن تطوير الجزيرة أَكثر كحديقة ومقاهي أَو مطاعم أَو حتى برج تنعمل عليه أَلعاب نارية وقت الاحتفالات ويركبون عليه الناس والسياح لمطالعة الدوحة والكورنيش والأَبراج والدواعيس اللي حواليها.

ولو بنطور أَكثر ممكن نسوي خط تلفريك يمر من كم فندق أَو من الستي سنتر وهو مار بعدة محطات وينزل الناس في نفس برج الجزيرة .. صدقني بيكون مشروع متميز ومجدي ونقطة تغيير كبيرة.

حتى الجزيرة ممكن تتكبر شوي وتترتب أَكثر .. وسلامة الجميع.

[معماري قطري]

اخوي جاسم مع شوية تركيزيشن شفت ان الرسوم متعوب عليها ومبين عليك ما شاء الله عندك أَفكار .. انا بيني وبينك .. عاد بيني وبينك هنيه الكل درى بها .. حاولت أَطبق الفكرة برسومات وتصوير من قوقل للجزيرة ولا قدرت .. يبي لها شوية تعب وشغل .. أَعتقد فكرتي واضحة .. الجسر مثل جسر قولدن غيت في سان فرانسسكو المعلق على عمودين بس.

وهذي صورة لمبدأَ الجسر لكن عندنا بيكون أَقصر وايد وأَخف لأَنه للمشاه والأَعمدة بتكون بشكل أَبراج خرسانية تراثية

http://im68.gulfup.com/hsfs4o.jpg (http://www.gulfup.com/?IkD6XZ)

[jajassim]

شكرا لكم وجزاكم الله خير ، لمروركم ولما ابداء رايه

أخوى معماري قطري ، ممكن نجلس معك ،

[jajassim]

ممكن صور اكثر بالنسبه لي ماوضحت الفكره
مقارنه بالشرح

الفكرة سهله ،، جسر مشاه حول كتارا ، وشكرا

[jajassim]

بالتوفيق بس لو مظلل أحسن

وياك ،، ويمكن تظليله

[jajassim]

الفكرة رائعة جاسم ..

عجبتني فكرة الاستثمار العمودي للمساحة ..

وفوق هذا بيكون المنظر روووعة .. والجو ابرد فوق ..

والماي شكل ووظيفة ..

احييك على الابداع ..

بس لو كان الممر مظلل بنباتات يكون اجمل وابرد ..

موفق يالمبدع :nice:

وياك والله يوفقك اختي ،

[jajassim]

الف شكر لك

العفو والله يحييك ،،

[jajassim]

فكرة جيدة و لكن الفكرة من كتارا عرض المعمار القطري فياحبذا (متعوب عليها :nice: ) تم الاستعانة باعمدة ذات طراز قطري او اسلامي

الله يحييك اخوى / ممكن قطري او إسلامي ، وانا استندت ل المسرح الروماني

[jajassim]

الله يوفقك دنيا وآخره

استفادة من مساحة ومنظر جميل ولكن الواقع يقول أن عشرات العمال يموتون سنوياً لـ عدم وجود جسور لعبور المشاة فكيف اذا الهدف هو اقل اهمية

الله يعطيك العافية

ان شاء الله في هذه الموازنة ( 2014-2015) سيكون هنالك بناء عشرات جسور المشاه ، وهذا من ضمن الاستراتيجيات

والله يعافيك وشكرا لك

[كيلو حديد]

لو افترضنا بيسوونه عقب شهر بيكون للحريم بس بسبب المضايقات :anger1:

[jajassim]

لو افترضنا بيسوونه عقب شهر بيكون للحريم بس بسبب المضايقات :anger1:

ما اعتقد للحريم يمكن للعائلات

[معماري قطري]

شكرا لكم وجزاكم الله خير ، لمروركم ولما ابداء رايه

أخوى معماري قطري ، ممكن نجلس معك ،

حياك الله يا اخوي .. انا شوي شمال غرب الدوحة .. يعني طيران متواصل يبي لك فوق 15 ساعة ويا ليت فيه طيران متواصل .. البيت 4 غرف وعايش فيه بنفسي حياك نسوي تصاميم بس محد بيعطينا وجه متأَكد.

اليوم تذكرتك .. كم مره أَمر على جسر طويل وأَشوف قريب منه جسر غريب مايل ميلان ما احس يصلح لسيارات .. واليوم مريت العصر شفت يركبون عليه بالسياكل وناس يركضون ومواقف كثيرة تحت .. الجسر الأَصلي اللي للسيارات طوله حول 20 كم يودي لجزيرة والجسر اللي للمشاه يمكن 5 يعني الفكرة مطبقة .. موقع ثاني زين في قطر لجسر مشاه معلق يكون في حديقة البدع ومتجه بعد صوب جزيرة النخيل متخيل بيطلع زين .. شرايكم؟

باصور الجسر ان شاء الله وباحطه هنيه بس حد يذكرني استويت نساي.

[QTR TV]

الله يوفقكم دنيا وآخره هذا المطلوب من القطريين لين متى وحنا معتمدين على الأجانب قواكم الله على طاعته
ملاحظه / اخوي جاسم إذا أمكن التكون تصاميمك لحل مشكله واقعه مثل موضوع الأبراج ليش ما يحطون المنطقه خدميه يعني الموجود حالين التخطيط وكهرماء والفنادق وستي سنتر والبيئة والتربية في الشارع الثاني والمصرف والأوقاف وشغال وكيوتل ليش ما يضيفون البلديه والمرور والجوازات وبعض الخدمات الأخرى ويربطونهم بسكاي وي مثل امريكا اهنيه بنحل موضوع المواقف والزحمه وتكون نقطة الانطلاق من برج كامل مواقف ونسوي المواقف على نظام لفت اصنصير للسيارات مثل تركيا واليابان يعني فكره أتوقع تستأهل التأمل
فكرة السكاي وي هي الجسور المعلقة بين الأبراج وتكون مكيفه ومغلقة ( sky way )

[vip-30003]

يعطيك العافيه اخووي مبدع انا اعشق التصاميم والمعمار

بس اتمنى مكان غير كتارا لاسباب منطقيه

المكان حالياً مزدحم وما شاء الله كل شي فيه

لو في منطقه جديده اسهل للتنفيذ مثلاً الوسيل

يكون ممشى في الوسيل يميزه عن اي ممشى ثاني

اما كتارا ما افضل نهائياً

[معماري قطري]

الله يوفقكم دنيا وآخره هذا المطلوب من القطريين لين متى وحنا معتمدين على الأجانب قواكم الله على طاعته
ملاحظه / اخوي جاسم إذا أمكن التكون تصاميمك لحل مشكله واقعه مثل موضوع الأبراج ليش ما يحطون المنطقه خدميه يعني الموجود حالين التخطيط وكهرماء والفنادق وستي سنتر والبيئة والتربية في الشارع الثاني والمصرف والأوقاف وشغال وكيوتل ليش ما يضيفون البلديه والمرور والجوازات وبعض الخدمات الأخرى ويربطونهم بسكاي وي مثل امريكا اهنيه بنحل موضوع المواقف والزحمه وتكون نقطة الانطلاق من برج كامل مواقف ونسوي المواقف على نظام لفت اصنصير للسيارات مثل تركيا واليابان يعني فكره أتوقع تستأهل التأمل
فكرة السكاي وي هي الجسور المعلقة بين الأبراج وتكون مكيفه ومغلقة ( sky way )

حل جيد للزحمة .. وفيه حلول كثيرة أُخرى سهلة التطبيق والمفروض سعرها معقول لكن على العقليات اللي في أَشغال والتخطيط كل شيء صعب .. ما دام سووا دواعيس بين الأَبراج الأَجدى يتم تطوير المنطقة بحيث يتم استغلال منطقة الشوارع بعمل مواقف مرتفعة فوقها وسهلة الدخول والخروج ويتم الوصول منها مثل ما قلت بممرات مكيفة ومتحركة كهربياً للمشاة بعد ايقاف سياراتهم قريب نسبياً.

[تغلبية]

اقتراح رائع .. وحتى شكله جميل جداً

يفيد في تخفيف الزحام نوعا ما في ايام العطلات والمناسبات

ويعطي منظر جمالي يضيف لجمال تصميم كتارا

بالتوفيق إن شاء الله ،،

[aqsa4us]

فكرة حلوة وأعجبتني بصراحته.

استثمار جيد للمساحة بس لو يكون أوسع شوي ومظلات وتشجير وممكن تسوي جزء من الممشى يكون شفاف من الزجاج

[jajassim]

فكرة حلوة وأعجبتني بصراحته.

استثمار جيد للمساحة بس لو يكون أوسع شوي ومظلات وتشجير وممكن تسوي جزء من الممشى يكون شفاف من الزجاج

كلام ممتاز وشكرا لك ،

[jajassim]

الله يوفقكم دنيا وآخره هذا المطلوب من القطريين لين متى وحنا معتمدين على الأجانب قواكم الله على طاعته
ملاحظه / اخوي جاسم إذا أمكن التكون تصاميمك لحل مشكله واقعه مثل موضوع الأبراج ليش ما يحطون المنطقه خدميه يعني الموجود حالين التخطيط وكهرماء والفنادق وستي سنتر والبيئة والتربية في الشارع الثاني والمصرف والأوقاف وشغال وكيوتل ليش ما يضيفون البلديه والمرور والجوازات وبعض الخدمات الأخرى ويربطونهم بسكاي وي مثل امريكا اهنيه بنحل موضوع المواقف والزحمه وتكون نقطة الانطلاق من برج كامل مواقف ونسوي المواقف على نظام لفت اصنصير للسيارات مثل تركيا واليابان يعني فكره أتوقع تستأهل التأمل
فكرة السكاي وي هي الجسور المعلقة بين الأبراج وتكون مكيفه ومغلقة ( sky way )

نسلم ، ويمكن يصير في شارع حمد الكبير ، من المناطق الهامه أيضاً

[jajassim]

يعطيك العافيه اخووي مبدع انا اعشق التصاميم والمعمار

بس اتمنى مكان غير كتارا لاسباب منطقيه

المكان حالياً مزدحم وما شاء الله كل شي فيه

لو في منطقه جديده اسهل للتنفيذ مثلاً الوسيل

يكون ممشى في الوسيل يميزه عن اي ممشى ثاني

اما كتارا ما افضل نهائياً


يمكن يصير اى مكان وحتى حديقة أسباير ، وجزاك الله خير ،

[jajassim]

اقتراح رائع .. وحتى شكله جميل جداً

يفيد في تخفيف الزحام نوعا ما في ايام العطلات والمناسبات

ويعطي منظر جمالي يضيف لجمال تصميم كتارا

بالتوفيق إن شاء الله ،،

وياك والله يوفق الجميع ،

[SomeOne]

رائع جدا لو كان موجود في كتارا بيكون احلى مع الفعاليات

[khaldoon]

بارك الله فيك يا الغالي على هذه الافكار الجميله و كل عام و انت بخير

[jajassim]

بارك الله فيك يا الغالي على هذه الافكار الجميله و كل عام و انت بخير

الله يبارك فيك يالغالي وانت بخير وصحة وعافية

[العقل المدمر]

بصراحه انا دخلت جو مع الصور
وتخيلت ان الدوحه كلها في منها هالجسور
واللي مايبي يسوق يقدر يمشي فوق بامان ويشوف مناظر جميله
الفكره وايد تشجع عالمشي خصوصا ايام الجو الحلو ولو فيها مظلات بتكون اريح حق النهار والشمس
وين مايطبقونها بتنجح .. ياليت حتى فالفريج يسوونها :shy:

[jajassim]

الله يحفظك يالغالي

[MAZEN37]

احب اضيف مقترح انه الممشي يكون ممتد داخل البحر ويوصل لجزيره صناعيه صغيره وتكون فيها خدمات ومطاعم وتكون العمدان في البحر وباليل فيها اناره وممكن يكون علي امتداد الجسر موقف لليخوت

[بونووف]

للاسف ماتطلع عندي الصور .. بس شكله المشروع عجيب

موفق

[MirusS]

حلوه الفكره بس أتمنى يكون الممشى مرتفع أكثر عشان يكون المنظر أروع و مع أخذ احتياطات السلامه

[نوفا91]

ماشاء الله عليك اخوي مبدددددع وبالتوفيق ان شاء الله

وااااصل

[jajassim]

اليوم الرياضي للدولة
الثلاثاء 10/02/2015
وكل عام وانتم بخير ،،

[كازانوفا]

روووووعه ما شالله